മീററിം​ഗു​കൾ കൃത്യ​സ​മ​യത്ത്‌ തുടങ്ങു​ക​യും അവസാ​നി​പ്പി​ക്കു​ക​യും ചെയ്യുക

¹ വയൽ സേവന​ത്തി​നു​വേ​ണ്ടി​യു​ളള യോഗങ്ങൾ ഉൾപ്പെടെ എല്ലാ സഭാമീ​റ​റിം​ഗു​ക​ളും കൃത്യ​സ​മ​യത്തു തുടങ്ങു​ക​യും അവസാ​നി​പ്പി​ക്കു​ക​യും വേണം. എന്തു​കൊണ്ട്‌? സമയം പാലി​ക്കു​ന്നത്‌ ക്രമത്തെ പ്രതി​ഫ​ലി​പ്പി​ക്കു​ക​യും മീററിം​ഗു​ക​ളിൽ ഹാജരാ​കു​ക​യും പങ്കെടു​ക്കു​ക​യും ചെയ്യുന്ന എല്ലാവ​രോ​ടും പരിഗണന പ്രകട​മാ​ക്കു​ക​യും ചെയ്യുന്നു. (സഭാ. 3:17ബി; 1 കൊരി. 14:33) മീററിം​ഗു​കൾ കൃത്യ​സ​മ​യത്തു തുടങ്ങു​ക​യും അവസാ​നി​പ്പി​ക്കു​ക​യും ചെയ്യു​ന്നത്‌ ഉറപ്പു​വ​രു​ത്തു​ന്ന​തിന്‌ താഴെ​പ്പ​റ​യുന്ന മാർഗ്ഗ​നിർദ്ദേ​ശ​ങ്ങ​ളോട്‌ പററി​നി​ന്നു​കൊണ്ട്‌ നമുക്ക്‌ പരിഗണന പ്രകട​മാ​ക്കാൻ കഴിയും.

² മററു​ള​ള​വ​രോട്‌ സംസാ​രി​ക്കു​ന്ന​തി​നും ആവശ്യ​മായ കാര്യങ്ങൾ നിർവ​ഹി​ക്കു​ന്ന​തി​നും പ്രാരംഭ ഗീതത്തി​ലും പ്രാർത്ഥ​ന​യി​ലും പങ്കെടു​ക്കു​ന്ന​തി​നും ആവശ്യ​മാ​യത്ര നേരത്തെ മീററിം​ഗിന്‌ എത്തി​ച്ചേ​രു​ന്ന​തിന്‌ നാം എല്ലായ്‌പ്പോ​ഴും കഠിന​ശ്രമം ചെയ്യണം. സാധാ​ര​ണ​യാ​യി ഗീതത്തി​നും പ്രാർത്ഥ​ന​ക്കും​വേണ്ടി അഞ്ചുമി​നി​ററ്‌ സമയം അനുവ​ദി​ക്ക​പ്പെ​ട്ടി​രി​ക്കു​ന്നു. പ്രാർത്ഥ​ന​യിൽ സഭയെ പ്രതി​നി​ധീ​ക​രി​ക്കു​ന്നവർ മീററിം​ഗി​ന്റെ ഉദ്ദേശ്യം മനസ്സിൽവെ​ക്കു​ക​യും പ്രാരം​ഭ​ത്തി​ലെ​യും സമാപ​ന​ത്തി​ലെ​യും പ്രാർത്ഥ​ന​ക​ളി​ലെ വാക്കു​ക​ളിൽ അത്‌ പ്രതി​ഫ​ലി​പ്പി​ക്ക​യും ചെയ്യണം. അത്തരം പ്രാർത്ഥ​നകൾ ദീർഘ​മാ​യി​രി​ക്കേ​ണ്ട​തില്ല.

³ പരസ്യ​യോ​ഗം: പരസ്യ​പ്ര​സം​ഗങ്ങൾ 45 മിനി​റ​റാ​യി പരിമി​ത​പ്പെ​ടു​ത്തി​യി​രി​ക്കു​ന്നു. അനുവ​ദി​ക്ക​പ്പെ​ട്ടി​രി​ക്കുന്ന സമയം അതി​ക്ര​മി​ക്കു​ന്നത്‌ തുടർന്നു​വ​രുന്ന വീക്ഷാ​ഗോ​പുര അദ്ധ്യയ​നത്തെ ബാധി​ക്കും. ഈ രണ്ടു മീററിം​ഗു​ക​ളും ഗീതങ്ങ​ളും പ്രാർത്ഥ​ന​ക​ളും ഉൾപ്പെടെ രണ്ടു മണിക്കൂർകൊണ്ട്‌ തീർക്കണം. പരസ്യ​പ്ര​സം​ഗകർ സൊ​സൈ​റ​റി​യു​ടെ ബാഹ്യ​രേ​ഖ​യിൽ സൂചി​പ്പി​ച്ചി​രി​ക്കുന്ന സമയ​ത്തോട്‌ പററി​നിൽക്കണം, പ്രസം​ഗ​ത്തിൽ ആശംസാ​സ​ന്ദേ​ശങ്ങൾ പോലു​ളള ബന്ധമി​ല്ലാത്ത കാര്യങ്ങൾ ഉൾപ്പെ​ടു​ത്താ​തി​രി​ക്ക​യും​വേണം. ഒരു പ്രസം​ഗ​കന്‌ രാജ്യ​ഹോ​ളി​ന്റെ സ്ഥാനം അപരി​ചി​ത​മാ​ണെ​ങ്കിൽ അയാൾ ദിശയും യാത്ര​ക്കു​വേ​ണ്ടി​വ​രുന്ന ഉദ്ദേശ​സ​മ​യ​വും സംബന്ധിച്ച്‌ ആതിഥേയ സഭയിൽ തിരക്കണം.

⁴ “വീക്ഷോ​ഗോ​പുര” അദ്ധ്യയനം: എല്ലാ ഖണ്ഡിക​ക​ളും വായി​ക്കു​ന്ന​തും പുനര​വ​ലോ​കന ചോദ്യ​ങ്ങൾ പരിചി​ന്തി​ക്കു​ന്ന​തും ഉൾപ്പെടെ വീക്ഷാ​ഗോ​പുര അദ്ധ്യയ​ന​ത്തിന്‌ ഒരു മണിക്കൂർ നീക്കി​വെ​ച്ചി​രി​ക്കു​ന്നു. നിർവാ​ഹ​കന്റെ ഹ്രസ്വ​മായ, കുറി​ക്കൊ​ള​ളുന്ന ആമുഖ​വാ​ക്കു​കൾ താൽപ്പ​ര്യം ഉണർത്തു​ക​യും പാഠത്തി​ലേക്കു നയിക്കു​ക​യും ചെയ്യണം. അദ്ധ്യയന സമയത്തെ അയാളു​ടെ അഭി​പ്രാ​യ​ങ്ങ​ളും നിരീ​ക്ഷ​ണ​ങ്ങ​ളും പരിമി​ത​മാ​യി​രി​ക്കണം. പഠനഭാ​ഗം സമയ​പ്ര​കാ​രം വിഭജി​ക്കു​ന്ന​തി​നാൽ നിർവാ​ഹകൻ പാഠത്തി​ന്റെ ആദ്യപ​കു​തി​യിൽ അമിത​മാ​യി സമയം ചെലവ​ഴി​ക്കു​ന്ന​തി​നെ​യും പിന്നീട്‌ അവസാ​ന​പ​കു​തി​യിൽ തിരക്കി​ട്ടു​നീ​ങ്ങു​ന്ന​തി​നെ​യും ഒഴിവാ​ക്കു​ന്ന​തിന്‌ സഹായി​ക്കും.

⁵ ദിവ്യാ​ധി​പത്യ ശുശ്രൂ​ഷാ​സ്‌ക്കൂൾ: ഇത്‌ 45 മിനി​ററു സമയത്തെ ഒരു മീററിം​ഗാണ്‌. പ്രബോ​ധ​ന​പ്ര​സം​ഗ​വും ബൈബിൾവാ​യ​ന​യിൽ നിന്നുളള വിശേ​ഷാ​ശ​യ​ങ്ങ​ളും സമയം കഴിയു​മ്പോൾ നിർത്തി​ക്കു​ന്നി​ല്ലെ​ങ്കി​ലും ഈ ഭാഗങ്ങൾ നിയമി​ക്ക​പ്പെ​ടുന്ന സഹോ​ദ​രൻമാർ തങ്ങൾക്ക്‌ അനുവ​ദി​ക്ക​പ്പെ​ട്ടി​രി​ക്കുന്ന സമയത്തി​നു​ള​ളിൽ നിൽക്കണം. ഇപ്രകാ​രം ചെയ്യു​ന്നി​ല്ലെ​ങ്കിൽ സ്വകാര്യ ബുദ്ധി​യു​പ​ദേശം കൊടു​ക്കണം. സ്‌ക്കൂൾമേൽവി​ചാ​ര​കന്റെ ബുദ്ധി​യു​പ​ദേ​ശ​വും അഭി​പ്രാ​യ​ങ്ങ​ളും നിർദ്ദിഷ്‌ട സമയത്തി​നു​ള​ളിൽ നിൽക്കണം. എല്ലാ വിദ്യാർത്ഥി​ക​ളും പ്ലാററ്‌ഫോ​റ​ത്തി​ന​ടുത്ത്‌ ഇരിക്കു​ക​യും ഓരോ​രു​ത്ത​രും തങ്ങളുടെ പ്രസംഗം നിയമി​ക്ക​പ്പെട്ട സമയം തീരു​മ്പോൾ കൃത്യ​മാ​യി നിർത്തു​ക​യു​മാ​ണെ​ങ്കിൽ സമയം പാലി​ക്കാൻ കഴിയും.—1991ലേക്കുളള ദിവ്യാ​ധി​പത്യ ശുശ്രൂ​ഷാ​സ്‌ക്കൂൾ പട്ടിക കാണുക.

⁶ സേവന​യോ​ഗം: ഇതും ഒരു 45 മിനി​ററ്‌ യോഗ​മാണ്‌. ദിവ്യാ​ധി​പത്യ ശുശ്രൂ​ഷാ​സ്‌ക്കൂ​ളും ഗീതങ്ങ​ളും പ്രാർത്ഥ​ന​ക​ളും ഉൾപ്പെടെ മുഴു പരിപാ​ടി​യും ഒരു മണിക്കൂർ നാൽപ്പ​ത്തി​യഞ്ചു മിനി​റ​റിൽ കൂടരുത്‌. സേവന​യോ​ഗ​ത്തിൽ പരിപാ​ടി​യു​ളള സഹോ​ദ​രൻമാർ നിയമി​ക്ക​പ്പെ​ട്ട​രി​ക്കുന്ന സമയ​ത്തോട്‌ പററി​നിൽക്കണം. ചോ​ദ്യോ​ത്ത​ര​രൂ​പ​ത്തിൽ നിർവ​ഹി​ക്കേണ്ട ഭാഗങ്ങൾക്ക്‌ ഒരു ഹ്രസ്വ​മായ മുഖവുര മതിയാ​കും. വിപു​ല​മായ ആമുഖ വിവരങ്ങൾ കൂട്ടി​ച്ചേർക്കേ​ണ്ട​യാ​വ​ശ്യ​മില്ല. പ്രകട​നങ്ങൾ നന്നായി റിഹേ​ഴ്‌സ്‌ ചെയ്‌തി​രി​ക്കണം, ആ ഭാഗത്തി​നു​വേണ്ടി നിയമി​ക്ക​പ്പെ​ട്ടി​രി​ക്കുന്ന സമയം നന്നായി പ്രയോ​ജ​ന​പ്പെ​ട​ത്തു​ന്ന​തിന്‌ പങ്കെടു​ക്കു​ന്നവർ തയ്യാറാ​യി തക്കസ്ഥാ​നത്ത്‌ ഉണ്ടായി​രി​ക്ക​യും വേണം.

⁷ സഭാപു​സ്‌ത​കാ​ദ്ധ്യ​യനം: ഇത്‌ പ്രാരംഭ, സമാപന പ്രാർത്ഥ​നകൾ ഉൾപ്പെടെ ഒരു മണിക്കൂർ നേരത്തെ ഒരു മീററിം​ഗാണ്‌. എല്ലാ ഖണ്ഡിക​ക​ളും വായി​ക്കണം. മീററിംഗ്‌ കൃത്യ​സ​മ​യത്ത്‌ അവസാ​നി​ക്കു​ന്ന​തിന്‌ പാഠത്തി​ന്റെ അവസാ​ന​ഭാ​ഗത്ത്‌ തിരക്കു​പി​ടി​ക്കു​ന്ന​തും അല്ലെങ്കിൽ വളരെ നേരത്തെ തീരു​ന്ന​തും ഒഴിവാ​ക്കാൻ നിർവാ​ഹകൻ പഠനഭാ​ഗം വിഭജി​ക്കും. ഓരോ ഖണ്ഡിക​ക്കും എത്ര സമയം വീതം എടുക്കു​ന്നു എന്നതു സംബന്ധിച്ച്‌ നിർവാ​ഹകൻ വിവേ​ച​ന​യു​ള​ള​വ​നാ​യി​രി​ക്കേ​ണ്ട​യാ​വ​ശ്യ​മുണ്ട്‌. മുഖ്യ ആശയങ്ങൾ വ്യക്തമാ​യി മനസ്സി​ലാ​ക്കണം. നിർവാ​ഹ​കന്റെ പഠിപ്പി​ക്കൽകല ഈ സംഗതി​യി​ലു​ളള ഏതൊരു വെല്ലു​വി​ളി​യെ​യും നേരി​ടു​ന്ന​തിന്‌ അയാളെ പ്രാപ്‌ത​നാ​ക്കും.—തീത്തോ. 1:9.

⁸ വയൽസേ​വ​ന​ത്തി​നു​വേ​ണ്ട​യു​ളള മീററിം​ഗു​കൾ: ഇവ പ്രദേ​ശ​നി​യ​മനം കൊടു​ക്ക​ലും സമാപ​ന​പ്രാർത്ഥ​ന​യും ഉൾപ്പെടെ 15 മിനി​റ​റിൽ കവിയ​രുത്‌. സേവന​ത്തിന്‌ പോകു​ന്നവർ തങ്ങളുടെ വയൽസേ​വ​ന​പ്ര​വർത്തനം കഴിയു​ന്നത്ര വേഗം തുടങ്ങാൻ ആഗ്രഹി​ക്കു​ന്നു. നിർവാ​ഹകൻ ഒരു വലിയ കൂട്ടം ഹാജരാ​കു​ന്ന​തു​വരെ താമസി​പ്പി​ക്കാ​തെ കൃത്യ സമയത്ത്‌ മീററിംഗ്‌ ആരംഭി​ക്കും. കൂടാതെ പ്രദേ​ശ​നി​യ​മ​നങ്ങൾ കൊടു​ക്കു​ക​യും പ്രാർത്ഥ​ന​യോ​ടെ മീററിംഗ്‌ ഉപസം​ഹ​രി​പ്പി​ക്കു​ക​യും ചെയ്‌തു കഴിഞ്ഞാൽ കൂട്ടത്തിന്‌ സത്വരം വയലി​ലേക്ക്‌ നീങ്ങാൻ കഴിയും. ഇത്‌ സന്നിഹി​ത​രാ​യി​രു​ന്നേ​ക്കാ​വുന്ന പയനി​യർമാർക്ക്‌ പ്രത്യേ​കാൽ പ്രധാ​ന​മാണ്‌.

⁹ നമു​ക്കെ​ല്ലാം മീററിം​ഗു​കൾ കൃത്യ​മാ​യി തുടങ്ങു​ക​യും അവസാ​നി​പ്പി​ക്കു​ക​യും ചെയ്യു​ന്ന​തിൽ നിന്ന്‌ പ്രയോ​ജ​ന​മ​നു​ഭ​വി​ക്കാൻ കഴിയും. ഒരു പ്രത്യേക സമയത്ത്‌ തങ്ങളെ വീട്ടിൽ പ്രതീ​ക്ഷി​ക്കുന്ന അവിശ്വാ​സി​ക​ളായ ഇണകളു​ള​ളവർ ഇത്‌ വിശേ​ഷാൽ വിലമ​തി​ക്കും. ഭിന്നിച്ച കുടും​ബ​ങ്ങ​ളിൽനി​ന്നു​ള​ളവർ മീററിംഗ്‌ സ്ഥലത്തേ​ക്കും തിരി​ച്ചു​മു​ളള യാത്രാ​സൗ​ക​ര്യ​ങ്ങൾ ക്രമീ​ക​രി​ക്കു​മ്പോ​ഴും തങ്ങൾ വീട്ടിൽ മടങ്ങി ചെല്ലുന്ന സമയം പറയു​മ്പോ​ഴും സഹവാ​സ​ത്തി​നു​വേ​ണ്ടി​യും സാഹി​ത്യം എടുക്കു​ന്ന​തി​നു​വേ​ണ്ടി​യും മററും മീററിം​ഗി​നു​മു​മ്പും പിമ്പും ആവശ്യ​മാ​യി​വ​രുന്ന സമയവും കണക്കി​ലെ​ടു​ക്കു​ന്നത്‌ ഉചിത​മാണ്‌. കൃത്യ​സ​മ​യത്ത്‌ മീററിം​ഗു​കൾ തുടങ്ങു​ക​യും അവസാ​നി​പ്പി​ക്കു​ക​യും ചെയ്യു​ന്നത്‌, കാര്യങ്ങൾ “യോഗ്യ​മാ​യും ക്രമീ​കൃ​ത​മാ​യും” ചെയ്യു​ന്ന​തിന്‌ സംഭാ​വ​ന​ചെ​യ്യു​മെ​ന്നത്‌ അവിതർക്കി​ത​മാണ്‌.—1 കൊരി. 14:40.