സുവാർത്ത സമർപ്പി​ക്കൽ—വീടു​തോ​റു​മു​ളള വേലയിൽ വൈവി​ധ്യ​ത്തോ​ടെ

¹ യഹോ​വ​യു​ടെ സൃഷ്ടി വൈവി​ദ്ധ്യ​ത്താൽ സമൃദ്ധ​മ​ല്ല​യോ? സങ്കീർത്ത​ന​ക്കാ​രൻ ഇപ്രകാ​രം പ്രഖ്യാ​പി​ച്ചു: “യഹോവേ നിന്റെ പ്രവർത്തി​കൾ എത്രയ​ധി​ക​മാ​കു​ന്നു! നീ ജ്ഞാനപൂർവം അവയെ​യെ​ല്ലാം ഉണ്ടാക്കി​യി​രി​ക്കു​ന്നു. ഭൂമി നിന്റെ ഉൽപ്പന്ന​ങ്ങൾകൊണ്ട്‌ നിറഞ്ഞി​രി​ക്കു​ന്നു.” (സങ്കീ. 104:24) അവൻ നമ്മോടു പ്രസം​ഗി​ക്കാൻ കൽപ്പി​ച്ചി​രി​ക്കുന്ന സുവാർത്ത​ക്കും അനേകം വശങ്ങളുണ്ട്‌. സാധ്യ​മാ​കു​ന്നത്ര ആളുകളെ സമീപി​ക്കാൻ തക്കവണ്ണം നിങ്ങൾ നിങ്ങളു​ടെ വീടു​തോ​റു​മു​ളള വേലയിൽ വൈവി​ധ്യം ഉപയോ​ഗി​ക്കു​ന്നു​ണ്ടോ?

² മാസി​കാ​ദി​ന​ത്തിൽ: സൊ​സൈ​ററി എല്ലാവ​രെ​യും എല്ലാ ശനിയാ​ഴ്‌ച​യും മാസികാ വിതര​ണ​ത്തിൽ പങ്കെടു​ക്കാൻ പ്രോ​ത്സാ​ഹി​പ്പി​ക്കു​ന്നു. സംഭാ​ഷ​ണ​വി​ഷയം ഉപയോ​ഗി​ക്കു​ന്ന​തി​നു പകരം ഒരു ലേഖനം വിശേ​ഷ​വ​ത്‌ക്ക​രി​ച്ചു​കൊണ്ട്‌ 30 മുതൽ 60 വരെ സെക്കൻറു​കൊ​ണ്ടു​ളള അവതരണം നടത്തി രണ്ടു മാസി​ക​ക​ളും കൂടി 5 രൂപക്ക്‌ സമർപ്പി​ക്കു​ന്നത്‌ ഉചിത​മാണ്‌. വീട്ടു​കാ​രൻ ചോദ്യ​ങ്ങൾ ഉന്നയി​ക്കു​ക​യൊ സാധാ​ര​ണ​യിൽ കവിഞ്ഞ താൽപ്പ​ര്യം കാണി​ക്കു​ക​യൊ ചെയ്യു​ന്നു​വെ​ങ്കിൽ നാം അടുത്ത വീട്ടി​ലേക്ക്‌ തിരക്കി​ട്ടു​പോ​ക​ണ​മെന്ന്‌ വിചാ​രി​ക്കേ​ണ്ട​യാ​വ​ശ്യ​മില്ല.

³ വീക്ഷാ​ഗോ​പു​ര​ത്തി​ന്റെ​യും ഉണരുക!യുടെ​യും കാര്യ​ത്തിൽ വൈവി​ധ്യ​ത്തി​ന്റെ കുറവില്ല. മിക്ക​പ്പോ​ഴും സേവന​യോ​ഗ​ത്തി​ന്റെ ആദ്യഭാ​ഗം കൈകാ​ര്യം ചെയ്യുന്ന സഹോ​ദരൻ പുതിയ മാസി​ക​ക​ളിൽനി​ന്നു​ളള സംസാ​രാ​ശ​യങ്ങൾ അവതരി​പ്പി​ക്കു​ന്നു. ശ്രദ്ധ​കൊ​ടു​ക്കുക; നിങ്ങൾ ഉപയോ​ഗി​ച്ചേ​ക്കാ​വുന്ന നിർദ്ദേ​ശങ്ങൾ കുറി​ച്ചെ​ടു​ക്കുക. സേവന​യോ​ഗ​ത്തിൽ ഒരു പ്രകടനം ഉൾപ്പെ​ടു​ന്നെ​ങ്കിൽ അത്‌ എപ്രകാ​രം ചെയ്‌തു​വെന്ന്‌ ശ്രദ്ധി​ക്കുക, അത്‌ അഭ്യസി​ക്കുക, അത്‌ ശനിയാഴ്‌ച വയലിൽ ഉപയോ​ഗി​ക്കുക. നിങ്ങൾക്ക്‌ മോശ​മായ പ്രതി​ക​ര​ണ​മാണ്‌ ലഭിക്കു​ന്ന​തെന്ന്‌ കാണു​ന്നെ​ങ്കിൽ വിശേ​ഷ​വ​ത്‌ക്ക​രി​ക്കു​ന്ന​തിന്‌ മറെറാ​രു ലേഖനം തിര​ഞ്ഞെ​ടു​ക്കുക. ഓരോ ലക്കത്തി​ലും വ്യത്യസ്‌ത താൽപ്പ​ര്യ​ങ്ങ​ളു​ളള ആളുകളെ ആകർഷി​ക്കു​ന്ന​തിന്‌ രൂപകൽപ്പ​ന​ചെ​യ്‌തി​രി​ക്കുന്ന ധാരാളം വിഷയങ്ങൾ ഉൾക്കൊ​ള​ളു​ന്നു. രണ്ടു മാസി​ക​ക​ളി​ലെ​യും വിഷയങ്ങൾ സുജ്ഞാ​ത​മാ​ക്കി​യാൽ നിങ്ങളു​ടെ അവതരണം വീട്ടു​കാ​രന്റെ താൽപ്പ​ര്യ​ത്തിന്‌ അനു​യോ​ജ്യ​മാ​ക്കി​ത്തീർക്കാൻ എളുപ്പ​മാ​യി​രി​ക്കും.

⁴ നിങ്ങളു​ടെ മുഖവുര വ്യത്യാ​സ​പ്പെ​ടു​ത്തുക: മററു സന്ദർഭ​ങ്ങ​ളിൽ പുതിയ സമർപ്പ​ണ​ത്തോ​ടൊ​പ്പം സംഭാഷണ വിഷയം ഉപയോ​ഗി​ക്കണം. നമ്മുടെ രാജ്യ​ശു​ശ്രൂഷ കാലാ​കാ​ല​ങ്ങ​ളിൽ വ്യത്യ​സ്‌ത​ങ്ങ​ളായ സംഭാ​ഷ​ണ​വി​ഷ​യങ്ങൾ നിർദ്ദേ​ശി​ക്കു​ന്നു. പുതി​യ​വരെ പരിശീ​ലി​പ്പി​ക്കു​മ്പോൾ പുതിയ വിഷയം ലളിത​മാ​യി അവതരി​പ്പി​ക്കു​ന്നത്‌ ഏററവും നന്നായി​രി​ക്കും. എന്നിരു​ന്നാ​ലും മററു സന്ദർഭ​ങ്ങ​ളിൽ നിങ്ങളു​ടെ സമീപനം വ്യത്യാ​സ​പ്പെ​ടു​ത്തു​ന്നത്‌ നന്നായി​രു​ന്നേ​ക്കാം. നിങ്ങൾ സംഭാ​ഷണം തുടങ്ങു​ന്ന​തി​നു​ളള ഉപാധി​യെന്ന നിലയിൽ ഒരു ലഘു​ലേ​ഖ​യൊ ഹാൻഡ്‌ബി​ല്ലൊ സമർപ്പി​ച്ചു​കൊണ്ട്‌ നിങ്ങളു​ടെ അവതരണം തുടങ്ങു​ന്ന​തിന്‌ ശ്രമി​ച്ചി​ട്ടു​ണ്ടോ?

⁵ നിങ്ങൾ ഇതുവരെ ശ്രമി​ച്ചു​നോ​ക്കാത്ത ചില മുഖവു​രകൾ ന്യായ​വാ​ദം പുസ്‌ത​ക​ത്തി​ലു​ണ്ടെ​ന്നു​ള​ള​തി​നു സംശയ​മില്ല. ദൃഷ്ടാ​ന്ത​ത്തിന്‌, 10-11 പേജു​ക​ളിൽ പുതിയ സംഭവ​ങ്ങ​ളു​ടെ അടിസ്ഥാ​ന​ത്തി​ലു​ളള മുഖവു​രകൾ നിർദ്ദേ​ശി​ക്കു​ന്നു. കൂടാതെ, 1988 ജൂലൈ 15-ലെ വാച്ച്‌ടവർ പേജുകൾ 15-20-ലെ വിശി​ഷ്ട​മായ നിർദ്ദേ​ശങ്ങൾ മറക്കരുത്‌. വീട്ടു​കാ​രനെ തന്റെ വീക്ഷണം പ്രകട​മാ​ക്കാൻ അനുവ​ദി​ക്കു​മെന്ന്‌ നിശ്ചയ​മു​ള​ള​വ​രാ​യി​രു​ന്നു​കൊണ്ട്‌ പേജ്‌ 19 ഖണ്ഡിക 16-ലെ സുചി​ന്തി​ത​മായ ചോദ്യ​ങ്ങ​ളിൽ ചിലത്‌ ശ്രമി​ച്ചു​നോ​ക്കുക.

⁶ നമ്മുടെ പ്രദേ​ശത്തെ ആളുകൾ അനേകം വ്യത്യസ്‌ത പശ്ചാത്ത​ല​ങ്ങ​ളിൽനി​ന്നും സാഹച​ര്യ​ങ്ങ​ളിൽനി​ന്നും വന്നവരാണ്‌. മററു​ള​ള​വ​രു​ടെ ക്ഷേമത്തി​നു പരിഗണന കൊടു​ത്തു​കൊണ്ട്‌ ശ്രദ്ധി​ക്കുന്ന എല്ലാവ​രെ​യും ആകർഷി​ക്ക​ത്ത​ക്ക​വണ്ണം നമ്മുടെ സമീപ​ന​രീ​തി വ്യത്യാ​സ​പ്പെ​ടു​ത്തേ​ണ്ട​യാ​വ​ശ്യ​മുണ്ട്‌. (1 കൊരി. 9:19-23) വീടു​തോ​റു​മു​ളള നമ്മുടെ പ്രവർത്ത​ന​ത്തിൽ വൈവി​ധ്യം ഉപയോ​ഗി​ക്കു​ന്നത്‌ ‘നമ്മെത്ത​ന്നെ​യും നമ്മെ ശ്രദ്ധി​ക്കു​ന്ന​വ​രെ​യും രക്ഷിക്കാൻ’ സഹായി​ക്കും.—1 തിമൊ. 4:16.