എത്തിപ്പി​ടി​ക്കാ​നും യോഗ്യ​ത​പ്രാ​പി​ക്കാ​നും പുരു​ഷൻമാ​രെ സഹായി​ക്കൽ

¹ ജൂലൈ 9-ഉം 10-ഉം തീയതി​ക​ളിൽ ഇന്ത്യയി​ലെ എല്ലാ സഞ്ചാര​മേൽവി​ചാ​ര​കൻമാ​രു​മൊത്ത്‌ ലൊണാ​വ്‌ല​യിൽ ഒരു യോഗം നടത്ത​പ്പെട്ടു. ഈ സഹോ​ദ​രൻമാ​രിൽ ഇരുപ​ത്തി​യാ​റു പേരും ബെഥേ​ലി​ലെ സേവന​ഡി​പ്പാർട്ടു​മെൻറിൽ പ്രവർത്തി​ക്കുന്ന നാലു സഹോ​ദ​രൻമാ​രും സംബന്ധി​ച്ചു. ഇന്ത്യയി​ലെ ബ്രാഞ്ച്‌ കമ്മിറ​റി​യിൽ സേവി​ക്കുന്ന സഹോ​ദ​രൻമാ​രായ മൂന്നു​പേ​രും, ആസ്‌​ട്രേ​ലിയ ബ്രാഞ്ചി​ന്റെ കോ-ഓർഡി​നേ​റ​റ​റും ഈ വർഷം മെയ്‌ മുതൽ ജൂലൈ വരെ മൂന്നു മാസ​ത്തേക്ക്‌ ഇവിടെ ഇടക്കാല ബ്രാഞ്ച്‌ കമ്മിററി കോ-ഓർഡി​നേ​റ​റ​റും ആയി പ്രവർത്തിച്ച വി. മോറി​റ​റ്‌സ്‌ സഹോ​ദ​ര​നും ബോധ​ക​രാ​യി സേവിച്ചു.

² ചർച്ച​ചെയ്‌ത അനേകം വിഷയ​ങ്ങ​ളിൽ ഒന്ന്‌ സഭകളിൽ കൂടു​ത​ലായ ഉത്തരവാ​ദി​ത്ത​ങ്ങൾക്കാ​യി എത്തിപ്പി​ടി​ക്കാ​നും യോഗ്യത പ്രാപി​ക്കാ​നും സഹോ​ദ​രൻമാ​രെ സഹായി​ക്കേ​ണ്ട​തി​ന്റെ ആവശ്യ​മാ​യി​രു​ന്നു. മനുഷ്യർ നടുക​യും നനക്കു​ക​യും ചെയ്‌ത വിത്തുകൾ ദൈവം വളരു​മാ​റാ​ക്കു​ന്നതു സംബന്ധിച്ച്‌ പൗലോസ്‌ 1 കൊരി​ന്ത്യർ 3:6-ൽ സംസാ​രി​ച്ചു. ഈ തിരു​വെ​ഴുത്ത്‌ പ്രാഥ​മി​ക​മാ​യി ശിഷ്യ​രാ​ക്കൽവേ​ലക്ക്‌ ബാധക​മാ​കു​ന്നു​വെ​ന്നി​രി​ക്കെ അതേ തത്വം സഭക്കു​ള​ളി​ലും ബാധക​മാണ്‌. ചെമ്മരി​യാ​ടു​തു​ല്യ​രായ വ്യക്തി​കൾക്ക്‌ യഹോ​വ​യു​മാ​യു​ളള ഒരു അംഗീ​കൃ​ത​ബ​ന്ധ​ത്തി​ലേക്കു വരുന്ന​തിന്‌ മനുഷ്യ​രു​ടെ സഹായ​വും യഹോ​വ​യു​ടെ ഭൗമി​ക​സ്ഥാ​പ​ന​ത്തി​ന്റെ സഹായ​വും ആവശ്യ​മാണ്‌. അതേവി​ധ​ത്തിൽതന്നെ, സഭയി​ലു​ളള സഹോ​ദ​രൻമാർക്ക്‌ സേവന​പ​ദ​വി​ക​ളി​ലേക്ക്‌ യോഗ്യത പ്രാപി​ക്കാൻ സഹായം ആവശ്യ​മാണ്‌.

³ നിങ്ങൾക്ക്‌ സഹായി​ക്കാൻ കഴിയുന്ന മാർഗ്ഗങ്ങൾ സംബന്ധിച്ച്‌ ജാഗ്രത പുലർത്തുക: ഒരു പുരുഷൻ മേൽവി​ചാ​ര​ക​സ്ഥാ​ന​ത്തി​നാ​യി എത്തിപ്പി​ടി​ക്കു​ന്നെ​ങ്കിൽ, ഇത്‌ ഒരു “ശ്ലാഘനീ​യ​മായ സ്ഥാനകാം​ക്ഷ”യാണ്‌. (1 തിമൊ. 3:1, ഫിലി​പ്‌സ്‌) ഇപ്പോൾതന്നെ മൂപ്പൻമാ​രാ​യി സേവി​ക്കുന്ന സഹോ​ദ​രൻമാർ സഭയിലെ പുതി​യ​വ​രും ചെറു​പ്പ​ക്കാ​രു​മായ സഹോ​ദ​രൻമാ​രിൽ സാദ്ധ്യ​ത​യു​ള​ള​വരെ മനസ്സി​ലാ​ക്കു​ക​യും യോഗ്യത പ്രാപി​ക്കാൻ അവരെ സഹായി​ക്കു​ക​യും പ്രോ​ത്സാ​ഹി​പ്പി​ക്കു​ക​യും വേണം. അവർക്ക്‌ കാത്തി​രി​ക്കാ​നും ഒരു സഹായ​വും കൂടാതെ ചെറു​പ്പ​ക്കാ​രായ സഹോ​ദ​രൻമാർ പുരോ​ഗതി പ്രാപി​ക്കാൻ പ്രതീ​ക്ഷി​ക്കാ​നും കഴിയില്ല. എത്തിപ്പി​ടി​ക്കാൻ അത്തരം സഹോ​ദ​രൻമാ​രെ സഹായി​ക്കു​ന്ന​തിന്‌ നിങ്ങൾക്ക്‌ നിങ്ങളു​ടെ സഭയിൽ കൂടു​ത​ലാ​യി എന്തെങ്കി​ലും ചെയ്യാൻ കഴിയു​മോ?

⁴ മൂപ്പൻമാ​രു​ടെ​യും ശുശ്രൂ​ഷാ​ദാ​സൻമാ​രു​ടെ​യും യോഗ്യ​തകൾ പട്ടിക​പ്പെ​ടു​ത്തി​യ​ശേഷം 1 തിമൊ​ഥെ​യോസ്‌ 3-ാം അദ്ധ്യാ​യ​ത്തി​ന്റെ 10-ാം വാക്യം “യോഗ്യത സംബന്ധിച്ച്‌ പരി​ശോ​ധി​ക്ക​പ്പെട്ട” പുരു​ഷൻമാ​രെ തിര​ഞ്ഞെ​ടു​ക്കു​ന്ന​തി​നെ​ക്കു​റിച്ച്‌ പറയുന്നു. ഇത്‌ മൂപ്പൻമാർ വെറുതെ “കൂടി​യി​രുന്ന്‌” മററു സഹോ​ദ​രൻമാ​രു​ടെ പെരു​മാ​ററം ചികഞ്ഞു​നോ​ക്കു​ന്ന​തി​നെ അർത്ഥമാ​ക്കു​ന്നില്ല. നല്ല നിലയിൽ പോകുന്ന എല്ലാ സഹോ​ദ​രൻമാർക്കും വേല നിയമി​ച്ചു​കൊ​ടു​ക്കാൻ കഴിയും, അവർ മനഃസാ​ക്ഷി​പൂർവ്വം അതു ചെയ്യു​ന്നു​വോ​യെന്നു കാണു​ന്ന​തി​നു​തന്നെ. വ്യക്തി​പ​ര​മായ ലാക്കുകൾ വെക്കാൻ അവരെ സഹായി​ക്കാൻ കഴിയും: ഒരു ബൈബി​ള​ദ്ധ്യ​യനം നടത്തൽ, സഹായ പയനി​യ​റിംഗ്‌ അല്ലെങ്കിൽ നിരന്തര പയനി​യ​റിംഗ്‌, മുഴു​ബൈ​ബി​ളും വായി​ച്ചു​തീർക്കൽ മുതലാ​യ​വ​തന്നെ. അതിനു​ശേഷം മൂപ്പൻമാർക്ക്‌ അവരുടെ പുരോ​ഗ​തി​യും “യോഗ്യ​ത​യും” പുനര​വ​ലോ​കനം ചെയ്യാൻ കഴിയും. സർക്കിട്ട്‌ മേൽവി​ചാ​ര​ക​നു​മൊ​ത്തു​ളള തങ്ങളുടെ യോഗ​ത്തിൽ, മൂപ്പൻമാർ സഭയിലെ മുതിർന്ന ഓരോ പുരുഷ അംഗത്തി​ന്റെ​യും കാര്യം പരിചി​ന്തി​ക്കണം, അയാൾ പദവി​കൾക്ക്‌ യോഗ്യ​ത​യു​ളള ആളാണോ, അല്ലെങ്കിൽ അയാളെ എങ്ങനെ സഹായി​ക്കാൻ കഴിയും എന്ന്‌ മനസ്സി​ലാ​ക്കു​ന്ന​തി​നു​തന്നെ.

⁵ സഹോ​ദ​രൻമാർ പുരോ​ഗതി പ്രാപി​ക്കു​മ്പോൾ ഒരു പരസ്യ​പ്ര​സം​ഗ​ക​നോ ശുശ്രൂ​ഷാ​ദാ​സ​നോ മൂപ്പനോ ആയിരി​ക്കു​ന്ന​തു​പോ​ലു​ളള പദവി​ക​ളിൽനിന്ന്‌ അവരെ അനാവ​ശ്യ​മാ​യി ഒഴിച്ചു​നിർത്താ​തി​രി​ക്കാൻ ശ്രദ്ധി​ക്കണം. മൂപ്പൻമാർ അവരുടെ യോഗ്യ​തകൾ പുനര​വ​ലോ​കനം ചെയ്യു​മ്പോൾ അവർ പൂർണ്ണ​തയല്ല നോക്കു​ന്നത്‌, എന്തെന്നാൽ നമ്മിൽ ആരും​തന്നെ പൂർണ്ണരല്ല. (സങ്കീ. 130:3) ആ സഹോ​ദ​രന്റെ ആകമാന ജീവി​ത​രീ​തി തിരു​വെ​ഴു​ത്തു​ക​ളോ​ടു ചേർച്ച​യി​ലാ​ണെ​ന്നും അയാൾ ഏതു പദവി​ക്കാ​യി പരിഗ​ണി​ക്ക​പ്പെ​ടു​ന്നു​വോ അതിന്‌ ആവശ്യ​മാ​യി​രി​ക്കുന്ന അനുഭ​വ​പ​രി​ച​യ​വും യോഗ്യ​ത​ക​ളും പ്രാപ്‌തി​ക​ളും തരക്കേ​ടി​ല്ലാത്ത ഒരളവിൽ അയാൾക്കു​ണ്ടെ​ന്നും കാണാ​നാണ്‌ അവർ ആഗ്രഹി​ക്കു​ന്നത്‌. തീർച്ച​യാ​യും തിരു​വെ​ഴു​ത്തു​പ​ര​മായ യോഗ്യ​തകൾ ഒരു വിധത്തി​ലും അവഗണി​ക്ക​പ്പെ​ട​ണ​മെന്ന്‌ ഇത്‌ അർത്ഥമാ​ക്കു​ന്നില്ല.

⁶ തങ്ങളുടെ ഇരുപ​തു​ക​ളു​ടെ ഒടുവി​ലു​ള​ള​വ​രും കുറെ വർഷങ്ങ​ളാ​യി ശുശ്രൂ​ഷാ​ദാ​സൻമാ​രാ​യി സേവി​ക്കു​ന്ന​വ​രും ആയ സഹോ​ദ​രൻമാ​രെ മൂപ്പൻമാ​രാ​യി ശുപാർശ​ചെ​യ്യു​ന്ന​തിൽനിന്ന്‌ അനാവ​ശ്യ​മാ​യി ഒഴിച്ചു​നിർത്ത​രുത്‌. ചില​പ്പോൾ, ഒരു സഹോ​ദരൻ ഒരു ശുശ്രൂ​ഷാ​ദാ​സ​നും പകരം മുപ്പനു​മാ​യി വർഷങ്ങ​ളോ​ളം വിശ്വ​സ്‌ത​മാ​യി സേവി​ച്ചി​ട്ടു​ള​ള​താ​യും ഗുരു​ത​ര​മായ അയോ​ഗ്യ​ത​യി​ല്ലാ​ത്ത​താ​യും എങ്കിലും അയാൾ ഒരിക്ക​ലും ഒരു മൂപ്പനാ​യി ശുപാർശ ചെയ്യ​പ്പെ​ട്ടി​ട്ടി​ല്ലാ​ത്ത​താ​യും നാം കാണുന്നു. അത്തരം വ്യക്തികൾ വളരു​ന്നതു കാണാൻ നാം ആഗ്രഹി​ക്കു​ന്നു. വളർച്ച​പ്രാ​പി​ക്കാൻ അവരെ സഹായി​ക്കുക. അവർക്ക്‌ വർദ്ധിച്ച ഉത്തരവാ​ദി​ത്തങ്ങൾ നൽകുക, അവർ അവ ന്യായ​മായ ഒരളവിൽ നിർവ്വ​ഹി​ക്കു​ന്നെ​ങ്കിൽ അവരെ കൂടു​ത​ലായ പദവി​കൾക്കാ​യി ശുപാർശ​ചെ​യ്യാൻ കഴിയും. സഭകളെ സേവി​ക്കുന്ന യോഗ്യ​ത​യു​ളള സഹോ​ദ​രൻമാർ കൂടുതൽ ഉണ്ടായി​രി​ക്കു​ന്നത്‌ വർദ്ധന​വും പ്രയോ​ജ​ന​ങ്ങ​ളും മാത്രമേ കൈവ​രു​ത്തു​ക​യു​ളളു, ക്രമത്തിൽ അത്‌ യഹോ​വ​യു​ടെ നാമത്തിന്‌ മഹത്വ​വും കൈവ​രു​ത്തും.—സങ്കീ. 107:32.