സത്യം പഠിക്കു​ന്ന​തി​നു മററു​ള​ള​വരെ സഹായി​ക്കു​ക

¹ സത്യത്തി​നു സാക്ഷ്യം വഹിക്കു​ന്ന​തി​നാ​യി യേശു ഭൂമി​യിൽ വന്നു. മററു​ള​ള​വ​രോ​ടു സത്യം പ്രഘോ​ഷി​ക്കു​ന്ന​തിന്‌ അധ്യാ​പ​ക​രാ​യി​രി​ക്കാൻ അവൻ തന്റെ ശിക്ഷ്യൻമാ​രെ പരിശീ​ലി​പ്പി​ച്ചു. മററു​ള​ള​വരെ പഠിപ്പി​ക്കു​ന്ന​തിൽ അവർക്കു​ളള വിജയ​ത്തിൽ അവനു വളരെ വിശ്വാ​സ​മു​ണ്ടാ​യി​രു​ന്ന​തി​നാൽ അവൻ അവരെ ‘പരസ്യ പ്രബോ​ധകർ’ എന്നു വിളി​ക്കു​ക​യു​ണ്ടാ​യി. (മത്താ. 13:52, NW) ഓരോ​രു​ത്ത​രെ​യും അവൻ യഥാർഥ സമ്പാദ്യം കുന്നു​കൂ​ട്ടി​വെ​ച്ചി​രി​ക്കുന്ന വിദ്യാ​സ​മ്പ​ന്ന​നായ പുരു​ഷ​നോ​ടു സമാന​മാ​ക്കി. രാജ്യ​പ്ര​സം​ഗ​വേല ത്വരി​ത​പ്പെ​ടു​ത്തു​ന്ന​തി​നു യേശു​വി​ന്റെ ശിഷ്യൻമാർ ഇന്ന്‌ അച്ചടിച്ച താളുകൾ ഉപയോ​ഗി​ക്കു​ന്നു. ദൃഷ്ടാ​ന്ത​ത്തിന്‌, മററു​ള​ള​വരെ ശിഷ്യ​രാ​ക്കു​ന്ന​തി​നു സഹായം നൽകുന്ന അനേകം ചെറു​പു​സ്‌ത​കങ്ങൾ നമുക്കുണ്ട്‌. ഈ മൂല്യ​വ​ത്തായ ഉപകര​ണങ്ങൾ എങ്ങനെ പ്രയോ​ജ​ന​പ്പെ​ടു​ത്താ​നാ​വും?

² “ഒരു സുരക്ഷിത ഭാവി—നിങ്ങൾക്ക്‌ അത്‌ എങ്ങനെ കണ്ടെത്താം” എന്ന ചെറു​പു​സ്‌ത​ക​ത്തി​ന്റെ സമർപ്പ​ണ​ത്തി​ലേക്കു നയിക്കുന്ന ഒരു സംഭാ​ഷ​ണ​ത്തി​നു തുടക്കം കുറി​ക്കു​ന്ന​തിന്‌ നിങ്ങൾക്ക്‌ ഇങ്ങനെ ചോദി​ക്കാം:

◼“മമനു​ഷ്യ​ന്റെ എല്ലാവിധ ശ്രമങ്ങൾക്കു​ശേ​ഷ​വും സുരക്ഷിത ഭാവി​യെ​ക്കു​റി​ച്ചു​ളള പ്രത്യാശ കെട്ടട​ങ്ങി​യ​പോ​ലെ തോന്നു​ന്നത്‌ എന്തു​കൊ​ണ്ടാ​ണെന്നു നിങ്ങൾ എന്നെങ്കി​ലും ചിന്തി​ച്ചി​ട്ടു​ണ്ടോ? [പ്രതി​ക​ര​ണ​ത്തിന്‌ അനുവ​ദി​ക്കുക.] അനേകം ശ്രമങ്ങ​ളും പരാജ​യ​പ്പെ​ട്ട​തി​നു കാരണ​മെ​ന്താ​ണെന്നു ബൈബിൾ വിശദീ​ക​രി​ക്കു​ന്നു.” സങ്കീർത്തനം 146:3, 4 വായി​ക്കുക. 6-ാം ഖണ്ഡിക​യി​ലു​ളള വിവര​ത്തെ​ക്കു​റി​ച്ചു ന്യായ​വാ​ദം ചെയ്‌ത​ശേഷം നിങ്ങൾക്ക്‌ ഇപ്രകാ​രം ചോദി​ക്കാൻ കഴിയും: “ദീർഘ​കാല സുരക്ഷി​ത​ത്വം നമുക്കു പ്രദാനം ചെയ്യു​ന്ന​തിന്‌ ആർക്കു കഴിയും?” വീട്ടു​കാ​രന്റെ പ്രതി​ക​ര​ണ​മ​നു​സ​രിച്ച്‌ 7-ാം ഖണ്ഡിക​യി​ലു​ളള ഉചിത​മായ ആശയങ്ങൾ ചർച്ച ചെയ്യു​ന്ന​തി​നൊ മറെറാ​രു സമയത്ത്‌ അപ്രകാ​രം ചെയ്യു​ന്ന​തി​നൊ ക്രമീ​ക​രണം ചെയ്യാൻ നിങ്ങൾക്കു തീരു​മാ​നി​ക്കാ​വു​ന്ന​താണ്‌.

³ “കരുത​ലു​ളള ഒരു ദൈവ​മു​ണ്ടോ?” എന്ന ചെറു​പു​സ്‌തകം നിങ്ങൾക്ക്‌ ഉപയോ​ഗി​ക്കാൻ പററിയ ഒരുവി​ധം ഇതാ:

◼“ഈ രണ്ടു ചിത്ര​ങ്ങൾക്കും താഴെ വലിയ​ക്ഷ​ര​ത്തിൽ കൊടു​ത്തി​രി​ക്കുന്ന ഈ ചോദ്യം അനേകം ആളുക​ളും ചോദി​ച്ചി​ട്ടു​ള​ള​താണ്‌. [6-ഉം 7-ഉം പേജിന്റെ താഴെ കൊടു​ത്തി​രി​ക്കുന്ന ചോദ്യം വായി​ച്ചിട്ട്‌ പ്രതി​ക​ര​ണ​ത്തി​നാ​യി അനുവ​ദി​ക്കുക.] സ്‌നേ​ഹ​വാ​നായ ഒരു ദൈവം നൻമയും തിൻമ​യും ഒരേ സമയം അനുവ​ദി​ക്കു​ക​യി​ല്ലാ​ത്ത​തി​നാൽ യെശയ്യാ​വു 65:21-24-ൽ അവൻ നൽകി​യി​രി​ക്കുന്ന വാഗ്‌ദ​ത്ത​ത്തെ​ക്കു​റി​ച്ചു നിങ്ങൾ എന്തു വിചാ​രി​ക്കു​ന്നു?” അല്‌പ​മെ​ങ്കി​ലും താത്‌പ​ര്യ​മു​ണ്ടെന്നു കാണി​ക്കുന്ന വിധത്തി​ലു​ളള ഒരു അഭി​പ്രാ​യം ലഭിക്കു​ന്ന​പക്ഷം 37-ാം ഖണ്ഡിക​യി​ലേക്കു തിരിഞ്ഞ്‌, ദൈവ​രാ​ജ്യം എന്തു കൈവ​രി​ക്കു​മെന്നു വിശദീ​ക​രി​ക്കുക.

⁴ “ജീവി​ത​ത്തിൽ വളരെ​യ​ധി​കം കൂടെ ഉൾപ്പെ​ട്ടി​രി​ക്കു​ന്നു!” എന്ന ചെറു​പു​സ്‌തകം സമർപ്പി​ക്കു​മ്പോൾ നിങ്ങൾക്ക്‌ ഇങ്ങനെ പറയാൻ കഴിയും:

◼“അനേകരെ സംബന്ധി​ച്ചി​ട​ത്തോ​ളം ജീവി​ത​ത്തി​ന്റെ ഗുണ​മേൻമ വിരസ​വും അരോ​ച​ക​വു​മായ അദ്ധ്വാ​ന​മാ​യി തരംതാ​ണു​പോ​യി​രി​ക്കു​ന്നു. ജീവിതം കൂടുതൽ അർഥപൂ​രി​ത​മാ​ക്കു​ന്ന​തിന്‌ എന്ത്‌ ആവശ്യ​മാ​യി​രി​ക്കു​ന്ന​താ​യാ​ണു നിങ്ങൾക്കു തോന്നു​ന്നത്‌? [വീട്ടു​കാ​രൻ അഭി​പ്രാ​യം പറയട്ടെ.] നമുക്കാ​യി ദൈവം മെച്ചമായ കാര്യങ്ങൾ കരുതി​യി​ട്ടുണ്ട്‌ എന്നു ബൈബിൾ കാണി​ക്കു​ന്നു. ഇവിടെ വെളി​പ്പാ​ടു 21:4, 5-ൽ അവൻ പറയു​ന്ന​തെ​ന്താ​ണെന്നു നോക്കൂ.” ഉചിത​മെന്നു തോന്നി​യാൽ ചെറു​പു​സ്‌ത​ക​ത്തി​ന്റെ 42-ാം ഖണ്ഡിക​യി​ലു​ളള ആശയങ്ങൾ തുടർന്നു ചർച്ച​ചെ​യ്യുക.

⁵ “ഭൂമി​യിൽ എന്നേക്കും ജീവിതം ആസ്വദി​ക്കുക!” എന്ന ലഘുപ​ത്രിക ഉപയോ​ഗി​ച്ചു​കൊണ്ട്‌ ഒരു യുവ പ്രസാ​ധകൻ ഇങ്ങനെ ചോദി​ച്ചേ​ക്കാം:

◼“ഇത്തര​മൊ​രു പറുദീ​സാ ഭൂമി​യിൽ ജീവി​ക്കാൻ നിങ്ങൾ ആഗ്രഹി​ക്കു​മോ? [പുറം​താ​ളു​കൾ കാണി​ച്ച​ശേഷം അഭി​പ്രാ​യം പറയാൻ അനുവ​ദി​ക്കുക.] ബൈബി​ളിൽ യോഹ​ന്നാൻ 17:3 പറയു​ന്ന​ത​നു​സ​രിച്ച്‌ അവിടെ ജീവി​ക്കാൻ ഞാനും എന്റെ കുടും​ബ​വും നോക്കി​പ്പാർത്തി​രി​ക്കു​ക​യാണ്‌.” ആ തിരു​വെ​ഴു​ത്തു വായി​ച്ച​ശേഷം താത്‌പ​ര്യ​മു​ണ്ടെന്നു നിരീ​ക്ഷി​ക്കു​ന്നു​വെ​ങ്കിൽ വായി​ക്കാൻ ലഘുപ​ത്രിക ആ വ്യക്തിക്ക്‌ സമർപ്പി​ക്കുക.

⁶ ഈ മാസം ശുശ്രൂ​ഷ​യിൽ നിങ്ങൾ മററു ചെറു​പു​സ്‌ത​ക​ങ്ങ​ളും ലഘുപ​ത്രി​ക​ക​ളു​മാണ്‌ ഉപയോ​ഗി​ക്കു​ന്ന​തെ​ങ്കിൽ നിങ്ങളു​ടെ മുഖവു​ര​യും അവതര​ണ​വും മുകളിൽപ്പറഞ്ഞ നിർദേ​ശ​ങ്ങ​ളു​ടെ ശൈലി​യിൽ രൂപകൽപ്പന ചെയ്യുക. വീട്ടു​കാ​രന്റെ താത്‌പ​ര്യം വളർത്തു​വാൻ പോന്ന​വി​ധം ക്രിയാ​ത്മ​ക​വും പരിപു​ഷ്ടി​പ​ക​രു​ന്ന​തു​മായ ഹ്രസ്വ അഭി​പ്രാ​യം നൽകു​വാൻ ഓർമി​ക്കുക.

⁷ യഹോവ നമുക്കു സത്യം നൽകി​യി​രി​ക്കു​ന്നു. നമ്മൾ കണ്ടുമു​ട്ടുന്ന ആളുക​ളു​മാ​യി പ്രസി​ദ്ധീ​ക​ര​ണ​ങ്ങ​ളി​ലൂ​ടെ​യും നമ്മുടെ സംഭാ​ഷ​ണ​ങ്ങ​ളി​ലൂ​ടെ​യും അതു പങ്കിടു​ന്ന​തി​നു നമ്മുടെ മുന്നിൽ വെച്ചി​രി​ക്കുന്ന അവസര​ങ്ങളെ നാം പ്രയോ​ജ​ന​പ്പെ​ടു​ത്തണം. ഈ വിധത്തിൽ, മററു​ള​ള​വ​രു​ടെ നിലനിൽക്കുന്ന പ്രയോ​ജ​ന​ത്തി​നു​ത​കും വിധത്തി​ലു​ളള പരസ്യ പ്രബോ​ധ​ക​രാ​ണു നാമെന്നു തെളി​യി​ക്കു​ക​യാ​യി​രി​ക്കും ചെയ്യു​ന്നത്‌.—മത്താ. 28:19, 20.