ഇപ്പോ​ഴാ​ണു സമയം

¹ അപ്പോ​സ്‌ത​ല​നായ പൗലോസ്‌ കൊരി​ന്ത്യർക്കു​ളള തന്റെ രണ്ടാം ലേഖനം എഴുതി​യ​പ്പോൾ, യെരു​ശ​ലേ​മി​ലെ തങ്ങളുടെ സഹവി​ശ്വാ​സി​കൾക്കു​വേണ്ടി ദുരി​താ​ശ്വാ​സ പ്രവർത്ത​ന​മെന്ന നല്ല വേല ചെയ്യാ​മെന്ന്‌ അവർ തീരു​മാ​നി​ച്ചു​റ​ച്ചി​രുന്ന കാര്യം അവൻ അവരെ ഓർപ്പി​ക്കു​ക​യു​ണ്ടാ​യി. ഒരു വർഷം കഴിഞ്ഞി​ട്ടും അവർ തുടങ്ങിയ വേല പൂർത്തി​യാ​ക്കി​യി​ട്ടി​ല്ലാ​യി​രു​ന്നു. അതു​കൊണ്ട്‌ അവൻ അവരെ ഇങ്ങനെ ഉദ്‌ബോ​ധി​പ്പി​ച്ചു: “പോയി അതു പൂർത്തി​യാ​ക്കുക: നിങ്ങൾ ഏറെറ​ടു​ത്ത​തു​പോ​ലെ​തന്നെ ആ പദ്ധതി പൂർത്തി​യാ​ക്കാ​നും ഉത്സുക​രാ​യി​രി​ക്കുക.”—2 കൊരി. 8:11, ദ ന്യൂ ഇംഗ്ലീഷ്‌ ബൈബിൾ.

² ഏതെങ്കി​ലും ഒരു സമയത്ത്‌ നാമെ​ല്ലാം ലാക്കുകൾ വെച്ചി​ട്ടുണ്ട്‌. വയൽസേ​വ​ന​ത്തി​ലു​ളള നമ്മുടെ പങ്കുപ​ററൽ വർധി​പ്പി​ക്കാൻ, നമ്മുടെ സഹോ​ദ​ര​ങ്ങളെ കൂടുതൽ അടുത്ത​റി​യാൻ, ഒരു സേവന​പ​ദ​വി​ക്കു​വേണ്ടി യോഗ്യത നേടാൻ, അല്ലെങ്കിൽ ഏതെങ്കി​ലും ബലഹീ​ന​തയെ മറിക​ട​ക്കാൻ നാം തീരു​മാ​ന​മെ​ടു​ത്തി​ട്ടു​ണ്ടാ​കാം. നല്ല ഉദ്ദേശ്യ​ത്തോ​ടു​കൂ​ടി​യാ​യി​രി​ക്കാം നാം അവയ്‌ക്കെ​ല്ലാം തുടക്ക​മി​ട്ടത്‌. എങ്കിലും നമ്മുടെ ലക്ഷ്യം കൈവ​രി​ക്കു​ന്ന​തു​വരെ നാം അതു പിൻപ​റ​റി​യി​ട്ടു​ണ്ടാ​വില്ല. നാം അതു തിരി​ച്ച​റി​ഞ്ഞു​വ​ന്ന​പ്പോ​ഴേ​ക്കും ആഴ്‌ച​ക​ളോ മാസങ്ങ​ളോ അല്ലെങ്കിൽ വർഷങ്ങൾപോ​ലു​മോ കടന്നു​പോ​യി​ട്ടു​ണ്ടാ​വാം. തന്നെയു​മല്ല പുരോ​ഗ​തി​യൊ​ട്ടു നേടി​യി​ട്ടു​മു​ണ്ടാ​വില്ല. തുടങ്ങി​വെ​ച്ചതു ‘പോയി പൂർത്തി​യാ​ക്കുക’ എന്ന ബുദ്ധ്യു​പ​ദേശം നാം ബാധക​മാ​ക്കേണ്ട ആവശ്യ​മു​ണ്ടാ​യി​രി​ക്കു​മോ?

³ നമ്മുടെ ലാക്കുകൾ നേടി​യെ​ടു​ക്കൽ: വ്യക്തി​പ​ര​മാ​യി തീരു​മാ​നി​ച്ചു​റ​പ്പി​ക്കാൻ എളുപ്പ​മാണ്‌. എന്നാൽ അതു നിവർത്തി​ക്കാ​നാ​ണു ബുദ്ധി​മുട്ട്‌. നീട്ടി​വെ​ക്കുന്ന സ്വഭാവം ഏതൊരു പുരോ​ഗ​തി​ക്കും തടസ്സമാ​കും. നാം ദൃഢനി​ശ്ചയം ചെയ്‌ത്‌ താമസം​വി​നാ മുന്നേ​റേ​ണ്ട​തി​ന്റെ ആവശ്യ​മുണ്ട്‌. വ്യക്തി​പ​ര​മായ സംഘാ​ടനം അത്യന്താ​പേ​ക്ഷി​ത​മാണ്‌. ജോലി ചെയ്‌തു​തീർക്കാൻ ആവശ്യ​മായ സമയം നീക്കി​വെ​ക്കു​ന്ന​തും ആ ഉദ്ദേശ്യ​ത്തി​നു​വേ​ണ്ടി​ത്തന്നെ അത്‌ ഉപയോ​ഗ​പ്പെ​ടു​ത്താൻ ശ്രദ്ധി​ക്കു​ന്ന​തും പ്രധാ​ന​മാണ്‌. ഒരു അവസാന തീയതി നിശ്ചയി​ക്കു​ന്നതു നന്നായി​രി​ക്കും. എന്നിട്ട്‌ അതി​ലെ​ത്തു​ന്നു​വെന്ന്‌ ഉറപ്പാ​ക്കാൻ ആത്മശി​ക്ഷണം പാലി​ക്കു​ക​യും വേണം.

⁴ ലാക്കു​ക​ളി​ലെ​ത്താൻ നാം പ്രയാ​സ​പ്പെ​ടു​മ്പോൾ ‘പിന്നീ​ടാ​കാം’ എന്നു ചിന്തി​ക്കുക എളുപ്പ​മാണ്‌. എന്നാൽ ഭാവി​യിൽ എന്തു സംഭവി​ക്കു​മെന്നു നമുക്ക്‌ അറിഞ്ഞു​കൂ​ടാ. സദൃശ​വാ​ക്യ​ങ്ങൾ 27:1 പ്രസ്‌താ​വി​ക്കു​ന്നു: “നാളത്തെ ദിവസം​ചൊ​ല്ലി പ്രശം​സി​ക്ക​രു​തു; ഒരു ദിവസ​ത്തിൽ എന്തെല്ലാം സംഭവി​ക്കും എന്നു അറിയു​ന്നി​ല്ല​ല്ലോ.” ഭാവി​യെ​ക്കു​റിച്ച്‌ അമിത ആത്മവി​ശ്വാ​സം വെച്ചു​പു​ലർത്തു​ന്ന​തി​നെ​തി​രെ ശിഷ്യ​നായ യാക്കോബ്‌ മുന്നറി​യി​പ്പു നൽകി: “നാളെ​ത്തേതു നിങ്ങൾ അറിയു​ന്നി​ല്ല​ല്ലോ . . . നൻമ ചെയ്‌വാ​ന​റി​ഞ്ഞി​ട്ടും ചെയ്യാ​ത്ത​വന്നു അതു പാപം തന്നേ.”—യാക്കോ. 4:13-17.

⁵ ശ്രദ്ധയെ വ്യതി​ച​ലി​പ്പി​ക്കുന്ന മററു പല സംഗതി​ക​ളും മററു​ള​ള​വ​രു​ടെ ആവശ്യ​ങ്ങ​ളും വന്നുകൂ​ടു​ന്ന​തോ​ടെ നമ്മുടെ ലാക്കുകൾ എളുപ്പം മങ്ങി​പ്പോ​യേ​ക്കാം. അവയെ മനസ്സിൽ പുതു​മ​യോ​ടെ നിലനിർത്തു​ന്ന​തി​നു ബോധ​പൂർവ​ക​മായ ഒരു ശ്രമം ആവശ്യ​മാണ്‌. സംഗതി നമ്മുടെ പ്രാർഥ​ന​ക​ളിൽ ഉൾപ്പെ​ടു​ത്തു​ന്ന​തും സഹായ​ക​മാണ്‌. നമ്മോട്‌ അടുപ്പ​മു​ള​ള​വ​രോട്‌ അതേക്കു​റി​ച്ചു നമ്മെ ഓർപ്പി​ക്കാ​നും പ്രോ​ത്സാ​ഹി​പ്പി​ക്കാ​നും ആവശ്യ​പ്പെ​ടു​ന്നത്‌ കാര്യ​മായ ഫലം ചെയ്‌തേ​ക്കാം. നമ്മുടെ പുരോ​ഗതി എത്ര​ത്തോ​ള​മാ​യെന്ന്‌ അറിയാൻ കലണ്ടറിൽ അടയാ​ള​പ്പെ​ടു​ത്തു​ന്ന​തും നമ്മെ ഓർപ്പി​ക്കാൻ ഉതകും. “അവനവൻ ഹൃദയ​ത്തിൽ നിശ്ചയി​ച്ച​തു​പോ​ലെ” ചെയ്യാൻ ഒരു വ്യക്തി മനസ്സ്‌ ചെലു​ത്തണം.—2 കൊരി. 9:7.

⁶ നമ്മുടെ ലാക്കു​ക​ളിൽ ശ്രദ്ധ കേന്ദ്രീ​ക​രി​ക്കാൻ ഒക്‌ടോ​ബർ മാസം നല്ല അവസരം പ്രദാനം ചെയ്യുന്നു. വീടു​തോ​റു​മു​ളള പ്രവർത്ത​ന​ത്തി​ലും മടക്കസ​ന്ദർശ​ന​ങ്ങ​ളി​ലും നാം വീക്ഷാ​ഗോ​പു​ര​ത്തി​നും ഉണരുക!യ്‌ക്കും വരിസം​ഖ്യ​കൾ സമ്പാദി​ക്കു​ന്ന​താ​യി​രി​ക്കും. എത്തി​ച്ചേ​രാൻ കഴിയുന്ന ചില ന്യായ​മായ ലാക്കുകൾ വെക്കാൻ നമുക്കാ​വു​മോ? ഒരു നിശ്ചിത എണ്ണം വരിസം​ഖ്യ​കൾ സമ്പാദി​ക്കുന്ന ലാക്കു വെക്കാ​മോ? അല്ലെങ്കിൽ മാസി​കാ​സ​മർപ്പണം വർധി​പ്പി​ക്കാൻ ശ്രമി​ക്കു​ന്ന​തി​നു​ളള ലാക്കു വെക്കാ​മോ? കൂടുതൽ മടക്കസ​ന്ദർശ​നങ്ങൾ നടത്താ​നും ഒരു പുതിയ ബൈബി​ള​ധ്യ​യനം ആരംഭി​ക്കാ​നും തീരു​മാ​നി​ക്കു​ന്നത്‌ പലരെ സംബന്ധി​ച്ചും ന്യായ​യു​ക്ത​മായ ലാക്കു​ക​ളാ​യി​രി​ക്കാം.

⁷ പ്രാധാ​ന്യ​മു​ള​ളതു നീട്ടി​വെ​ക്കു​ന്നതു ജ്ഞാനപൂർവ​കമല്ല, കാരണം ഈ “ലോകം നീങ്ങി​പ്പോ​കു​ക​യാണ്‌.” (1 യോഹ. 2:17, NW) യഹോ​വ​യു​ടെ സേവന​ത്തിൽ പ്രത്യേക പദവി​ക​ളും അനു​ഗ്ര​ഹ​ങ്ങ​ളും ഇപ്പോൾ നമുക്കു തുറന്നി​ട്ടി​രി​ക്കു​ക​യാണ്‌. അതു പ്രയോ​ജ​ന​പ്പെ​ടു​ത്തു​ക​യെ​ന്നതു നമ്മെ ആശ്രയി​ച്ചി​രി​ക്കു​ന്നു.