ദൈവ​ഭ​വ​ന​ത്തോ​ടു വിലമ​തി​പ്പു പ്രകട​മാ​ക്കു​ക

¹ തന്റെ ഭവനത്തിൽ ക്രമമാ​യി ഒന്നിച്ചു​കൂ​ടാൻ ബൈബിൾ കാലങ്ങ​ളിൽ യഹോവ തന്റെ ജനത്തോ​ടു കൽപ്പി​ക്കു​ക​യു​ണ്ടാ​യി. (ലേവ്യ. 23:2) ദൈവ​വ​ച​ന​ത്തിൽ മനസ്സു പതിപ്പി​ക്കാൻ അവരെ സഹായി​ക്കു​ന്ന​താ​യി​രു​ന്നു ഈ കൂടി​വ​ര​വു​കൾ. ധ്യാന​ത്തി​നും സഹവാ​സ​ത്തി​നും യഹോ​വ​യു​ടെ നിയമ​ത്തെ​ക്കു​റി​ച്ചു​ളള ചർച്ചയ്‌ക്കും അതിലൂ​ടെ അവർക്കു സമയം ലഭിച്ചി​രു​ന്നു. സമൃദ്ധ​മായ ആത്മീയ അനു​ഗ്ര​ഹങ്ങൾ കൈവ​രു​ത്തിയ ദൈവ​ചി​ന്ത​ക​ളാൽ നിറഞ്ഞ​താ​യി​ത്തീർന്നു അവരുടെ മനസ്സുകൾ. ഇവ ശരിക്കും സന്തുഷ്ട​മായ സന്ദർഭ​ങ്ങ​ളാ​യി​രു​ന്നു. ഐക്യ​ത്തെ​യും ശുദ്ധാ​രാ​ധ​ന​യെ​യും ഊട്ടി​വ​ളർത്തു​ന്ന​താ​യി​രു​ന്നു ഈ ക്രമീ​ക​രണം. ഇന്നും ദൈവ​ഭ​വ​ന​ത്തി​ലെ കൂടി​വ​ര​വു​കൾക്ക്‌ അതേ പ്രാധാ​ന്യം തന്നെയാ​ണു​ള​ളത്‌.

² യോഗ​ങ്ങളെ നാം വിലമ​തി​ക്കു​ന്നു​വെന്നു നമുക്ക്‌ എങ്ങനെ പ്രകട​മാ​ക്കാ​നാ​വും? യോഗ​ങ്ങ​ളു​ടെ ഹാജരിൽ കുറവു​ണ്ടെന്നു ചില സഭാ റിപ്പോർട്ടു​കൾ സൂചി​പ്പി​ക്കു​ന്നു. വല്ലപ്പോ​ഴു​മൊ​ക്കെ ഒരാളു​ടെ പ്രത്യേക സാഹച​ര്യം മുഖാ​ന്തരം യോഗ​ത്തി​നു സംബന്ധി​ക്കാൻ കഴിയാ​തെ​വ​ന്നേ​ക്കാം. എന്നാൽ താരത​മ്യേന നിസ്സാര പ്രശ്‌ന​ങ്ങ​ളെ​ച്ചൊ​ല്ലി നിങ്ങൾ ഇടയ്‌ക്കി​ടെ യോഗങ്ങൾ മുടക്കി​യി​ട്ടു​ണ്ടോ? ഒരു ചെറിയ തലവേ​ദ​ന​യു​ണ്ടെ​ങ്കിൽ അല്ലെങ്കിൽ തിരക്കു​പി​ടിച്ച ഒരു ദിവസ​ത്തി​നു​ശേഷം അൽപ്പം ക്ഷീണം തോന്നു​ന്നു​വെ​ങ്കിൽ, വീട്ടിൽത്തന്നെ ഇരു​ന്നേ​ക്കാം എന്ന്‌ അതോടെ ചിലർ തീരു​മാ​നി​ക്കും. വിശ്വാ​സി​ക​ള​ല്ലാത്ത ബന്ധുക്കൾ സന്ദർശി​ക്കു​മ്പോൾ അവരെ സൽക്കരി​ക്കാ​നു​ളള കടമ തോന്നു​ന്ന​വ​രാ​ണു മറെറാ​രു കൂട്ടർ. ഇഷ്ടപ്പെട്ട ഒരു ടിവി പരിപാ​ടി​യോ ചില കായി​ക​രം​ഗ​മോ കാണു​വാൻ പോലും യോഗങ്ങൾ മുടക്കി​യി​ട്ടു​ള​ള​വ​രു​മുണ്ട്‌. ഈ സന്ദർഭ​ങ്ങ​ളി​ലെ​ല്ലാം പ്രകട​മാ​ക്കി​യി​രി​ക്കുന്ന വിലമ​തി​പ്പി​ന്റെ അളവ്‌ വ്യക്തമാ​യും കോരഹ്‌ പുത്രൻമാർ പ്രകട​മാ​ക്കിയ ഹൃദയം​ഗ​മ​മായ ഈ ആഗ്രഹ​ത്തി​നു തുല്യ​മാ​വില്ല: “എന്റെ ഉളളം യഹോ​വ​യു​ടെ പ്രാകാ​ര​ങ്ങളെ വാഞ്‌ഛി​ച്ചു മോഹി​ച്ചു​പോ​കു​ന്നു.”—സങ്കീ. 84:2.

³ യോഗ​ങ്ങ​ളിൽ ആത്മീയ ഭക്ഷണം സമൃദ്ധ​മാ​യി നൽക​പ്പെ​ടു​ന്നു​ണ്ടെ​ങ്കി​ലും സന്നിഹി​ത​രാ​യി​രി​ക്കുന്ന ചിലർക്കു ശ്രദ്ധി​ക്കുന്ന കാര്യ​ത്തിൽ ബുദ്ധി​മുട്ട്‌ അനുഭ​വ​പ്പെ​ടു​ന്നു. അവർ ഒരുപക്ഷേ പകൽക്കി​നാ​വു കാണു​ക​യോ അനുദിന ഉത്‌ക​ണ്‌ഠ​കളെ കുറിച്ചു ചിന്തി​ക്കു​ക​യോ അല്ലെങ്കിൽ ഉറക്കം തൂങ്ങു​ക​യോ ആയിരി​ക്കാം. ഹ്രസ്വ​മായ കുറി​പ്പു​കൾ എഴുതി​യെ​ടു​ക്കു​ന്നെ​ങ്കിൽ, അതു ജാഗരൂ​ക​രാ​യി​രി​ക്കാ​നും പറയുന്ന കാര്യ​ങ്ങ​ളിൽ ശ്രദ്ധ കേന്ദ്രീ​ക​രി​ക്കാ​നും തങ്ങളെ സഹായി​ക്കു​മെന്ന്‌ അനേകർ മനസ്സി​ലാ​ക്കി​യി​ട്ടുണ്ട്‌. എഴുതി​യെ​ടു​ക്കു​മ്പോൾ വിവരങ്ങൾ മനസ്സിൽ പതിയും. കൂടാതെ, മുന്ന​മേ​യു​ളള തയ്യാറാ​ക​ലും പൂർണ പ്രയോ​ജനം നേടു​ന്ന​തി​നു​ളള ഒരു സഹായ​മാണ്‌. നാം നന്നായി തയ്യാറാ​കു​ന്നെ​ങ്കിൽ, “സാധാ​ര​ണ​യിൽ കൂടുതൽ ശ്രദ്ധ നൽകാൻ” നമുക്കു സാധി​ക്കും.—എബ്രാ. 2:1, NW.

⁴ മുതിർന്നവർ മാത്രമല്ല കുട്ടി​ക​ളും യോഗ​ങ്ങ​ളിൽനി​ന്നു ലഭിക്കുന്ന പ്രബോ​ധനം ഉൾക്കൊ​ളേ​ള​ണ്ട​തുണ്ട്‌. എന്തെങ്കി​ലും ചെയ്‌തു​കൊണ്ട്‌ ശാന്തരാ​യി ഇരിക്കാൻവേണ്ടി മാതാ​പി​താ​ക്കൾ കുട്ടി​കൾക്കു കളിപ്പാ​ട്ട​ങ്ങ​ളോ കാർട്ടൂൺ ചായമ​ടി​ക്കൽ പുസ്‌ത​ക​ങ്ങ​ളോ കൊടു​ക്കു​ന്നെ​ങ്കിൽ കുട്ടികൾ കാര്യ​മാ​യി​ട്ടൊ​ന്നും പഠിക്കാൻ പോകു​ന്നില്ല. കുട്ടി​കളെ കളിക്കാ​നോ സംസാ​രി​ക്കാ​നോ കരയാ​നോ അടുത്തി​രി​ക്കു​ന്ന​വർക്കു ശല്യമാ​കുന്ന മറെറ​ന്തെ​ങ്കി​ലും ചെയ്യാ​നോ അനുവ​ദി​ക്കു​ന്നതു ശരിയായ ശിക്ഷണ​ത്തി​ന്റെ അഭാവ​മാണ്‌. തന്നോ​ടൊ​പ്പം മാതാ​പി​താ​ക്ക​ളിൽ ആരെങ്കി​ലും എപ്പോ​ഴും കൂടെ​വ​രു​മെന്നു കുട്ടിക്ക്‌ അറിയാ​മെ​ങ്കിൽ യോഗ​ത്തി​നി​ട​യിൽ കൂടെ​ക്കൂ​ടെ​യും അനാവ​ശ്യ​മാ​യും വെളളം കുടി​ക്കാൻ, അല്ലെങ്കിൽ കക്കൂസിൽ പോകാൻ എഴു​ന്നേൽക്കു​ന്നത്‌ അവർ സാധാ​ര​ണ​മാ​യി കുറയ്‌ക്കും.

⁵ സമയനിഷ്‌ഠ പ്രധാ​ന​മാണ്‌: ചില​പ്പോ​ഴൊ​ക്കെ, ഒഴിവാ​ക്കാ​നാ​വാത്ത സാഹച​ര്യ​ങ്ങൾ നിമിത്തം കൃത്യ​സ​മ​യത്ത്‌ എത്തി​ച്ചേ​രാൻ നമുക്കു കഴിയാ​തെ പോ​യേ​ക്കാം. എന്നാൽ നിരന്തരം വൈകി​യെ​ത്തു​ന്നത്‌—അതും പ്രാരംഭ ഗീതത്തി​നും പ്രാർഥ​ന​യ്‌ക്കും ശേഷം—യോഗ​ങ്ങ​ളു​ടെ വിശു​ദ്ധ​മായ ഉദ്ദേശ്യ​ത്തോ​ടും മററു​ള​ള​വ​രു​ടെ ശ്രദ്ധ പതറി​ക്കാ​തി​രി​ക്കാ​നു​ളള നമ്മുടെ ഉത്തരവാ​ദി​ത്വ​ത്തോ​ടു​മു​ളള ആദരവി​ല്ലാ​യ്‌മ​യെ​യാണ്‌ പ്രകട​മാ​ക്കു​ന്നത്‌. സഭാ​യോ​ഗ​ങ്ങ​ളിൽ നമ്മുടെ സഹോ​ദ​ര​ങ്ങ​ളോ​ടൊ​ത്തു പാടു​ന്ന​തും പ്രാർഥി​ക്കു​ന്ന​തും നമ്മുടെ ആരാധ​ന​യു​ടെ ഭാഗമാ​ണെന്ന കാര്യം ഓർക്കുക. വൈകി​യെ​ത്തുന്ന ശീലം സാധാ​ര​ണ​മാ​യി മോശ​മായ സംഘാ​ട​ന​ത്തി​ന്റെ​യോ മുന്നമേ ആസൂ​ത്രണം ചെയ്യാ​ത്ത​തി​ന്റെ​യോ അനന്തര​ഫ​ല​മാണ്‌. സമയനിഷ്‌ഠ പാലി​ക്കു​ന്ന​തി​ലൂ​ടെ നാം പ്രകട​മാ​ക്കു​ന്നതു നമുക്കു യോഗ​ങ്ങ​ളോട്‌ ആദരവും വിലമ​തി​പ്പു​മു​ണ്ടെ​ന്നാണ്‌.

⁶ നാൾ സമീപി​ക്കു​ന്തോ​റും ഒരുമി​ച്ചു​കൂ​ടേ​ണ്ട​തി​ന്റെ ആവശ്യം കൂടു​ത​ലാ​യി​ത്തീ​രു​ന്ന​തേ​യു​ളളൂ. (എബ്രാ. 10:24, 25) ക്രമമാ​യി സംബന്ധി​ച്ചു​കൊ​ണ്ടും മുൻകൂ​ട്ടി തയ്യാറാ​യി​ക്കൊ​ണ്ടും സമയനിഷ്‌ഠ പാലി​ച്ചു​കൊ​ണ്ടും സാകൂതം ശ്രദ്ധി​ച്ചു​കൊ​ണ്ടും പിന്നെ, പഠിക്കു​ന്നതു ബാധക​മാ​ക്കി​ക്കൊ​ണ്ടും നമുക്കു നമ്മുടെ വിലമ​തി​പ്പു പ്രകട​മാ​ക്കാം.