നിങ്ങൾ ഏതുതരം വ്യക്തി​ക​ളാ​യി​രി​ക്കണം?

¹ മുഴു മനുഷ്യ​വർഗ​വും കണക്കു​തീർപ്പി​നുള്ള ഒരു കാലത്തെ സമീപി​ക്കു​ക​യാണ്‌. ബൈബിൾ അതിനെ “യഹോ​വ​യു​ടെ ദിവസം” എന്നു വിളി​ക്കു​ന്നു. ദുഷ്ടന്മാർക്കെ​തി​രെ ദിവ്യ​ന്യാ​യ​വി​ധി നടപ്പാ​ക്കുന്ന സമയമാ​ണത്‌; അതു നീതി​മാ​ന്മാ​രു​ടെ വിമോ​ച​ന​ത്തി​നുള്ള ഒരു സമയം കൂടെ​യാണ്‌. അന്നു ജീവി​ച്ചി​രി​ക്കുന്ന എല്ലാവ​രും തങ്ങളുടെ ജീവിതം എപ്രകാ​രം നയിച്ചു​വെ​ന്നതു സംബന്ധി​ച്ചു കണക്കു​തീർക്കാൻ ബാധ്യ​സ്ഥ​രാ​യി​രി​ക്കും. അതു മനസ്സിൽ പിടി​ച്ചു​കൊണ്ട്‌, പത്രോസ്‌ ചൂഴ്‌ന്നി​റ​ങ്ങുന്ന ഒരു ചോദ്യം ഉന്നയി​ക്കു​ന്നു: “നിങ്ങൾ ഏതുതരം വ്യക്തി​ക​ളാ​യി​രി​ക്കണം”? ‘വിശു​ദ്ധ​മായ നടത്തയു​ടെ​യും ദൈവ​ഭ​ക്തി​യോ​ടു​കൂ​ടിയ പ്രവൃ​ത്തി​ക​ളു​ടെ​യും യഹോ​വ​യു​ടെ ദിവസം മനസ്സിൽ അടുപ്പി​ച്ചു പിടി​ക്കു​ന്ന​തി​ന്റെ​യും’ പ്രാധാ​ന്യ​ത്തെ​യും ‘കറയറ്റ​വ​രും കളങ്കമി​ല്ലാ​ത്ത​വ​രും സമാധാ​ന​മു​ള്ള​വ​രും’ ആയിരി​ക്കു​ന്ന​തി​ന്റെ ആവശ്യ​ത്തെ​യും കുറിച്ച്‌ അവൻ ഊന്നി​പ്പ​റഞ്ഞു.—2 പത്രോ. 3:11-14, NW.

² വിശു​ദ്ധ​മായ നടത്തയും ദൈവ​ഭ​ക്തി​യോ​ടു​കൂ​ടിയ പ്രവൃ​ത്തി​ക​ളും: വിശു​ദ്ധ​മായ നടത്തയിൽ ബൈബിൾ തത്ത്വങ്ങ​ളോ​ടുള്ള ആദരവു പ്രകടി​പ്പി​ക്കുന്ന മാത്യകാ യോഗ്യ​മായ വേലകൾ ഉൾപ്പെ​ടു​ന്നു. (തീത്തൊ. 2:7, 8) സ്വാർഥ​മായ, ജഡിക താത്‌പ​ര്യ​ങ്ങ​ളാൽ ഉത്‌​പ്രേ​രി​ത​മായ ലൗകിക നടത്ത ഒരു ക്രിസ്‌ത്യാ​നി ഒഴിവാ​ക്കണം.—റോമ. 13:11, 14.

³ “ദൈവ​ഭ​ക്തി​യെ, ദൈവ​ത്തി​ന്റെ ആകർഷ​ക​മായ ഗുണങ്ങ​ളെ​പ്രതി ഹൃദയം​ഗ​മ​മായ വിലമ​തി​പ്പിൽനിന്ന്‌ ഉരുത്തി​രി​യുന്ന, ദൈവ​വു​മാ​യുള്ള ഒരു വ്യക്തി​പ​ര​മായ ബന്ധ”മായി​ട്ടാ​ണു വർണി​ച്ചി​രി​ക്കു​ന്നത്‌. ശുശ്രൂ​ഷ​യി​ലുള്ള നമ്മുടെ തീക്ഷ്‌ണത നാം ഈ ഗുണം പ്രകടി​പ്പി​ക്കു​ന്ന​തി​നുള്ള ഒരു മുന്തിയ മാർഗ​മാണ്‌. നമ്മുടെ പ്രസം​ഗ​വേ​ല​യു​ടെ ലക്ഷ്യം വെറും കടമ നിർവ​ഹി​ക്കു​ന്ന​തി​ലും കവിഞ്ഞ​താണ്‌; അത്‌ യഹോ​വ​യോ​ടുള്ള ആഴമായ സ്‌നേ​ഹ​ത്തിൽനിന്ന്‌ ഉരുത്തി​രി​യു​ന്നു. (മർക്കൊ. 12:29,30) അത്തരം സ്‌നേ​ഹ​ത്താൽ പ്രേരി​ത​രായ നാം നമ്മുടെ ശുശ്രൂ​ഷയെ നമ്മുടെ ദൈവ​ഭ​ക്തി​യു​ടെ അർഥവ​ത്തായ പ്രകട​ന​മാ​യി വീക്ഷി​ക്കു​ന്നു. നമ്മുടെ ദൈവ​ഭക്തി സുസ്ഥി​ര​മാ​യി​രി​ക്കേ​ണ്ട​തി​നാൽ പ്രസം​ഗ​വേ​ല​യി​ലുള്ള നമ്മുടെ പങ്കുപ​റ്റ​ലും ക്രമമാ​യു​ള്ള​താ​യി​രി​ക്കണം. അത്‌ വാര​ത്തേ​ക്കുള്ള പ്രവർത്തന പട്ടിക​യിൽ ഒരു അവിഭാ​ജ്യ സ്ഥാനം വഹിക്കണം.—എബ്രാ. 13:15.

⁴ യഹോ​വ​യു​ടെ ദിവസം ‘മനസ്സിൽ അടുപ്പി​ച്ചു പിടി​ക്കുക’ എന്നതിന്റെ അർഥം നമ്മുടെ ദൈനം​ദിന ചിന്തക​ളിൽ അതിനെ പ്രഥമ​സ്ഥാ​നത്തു നിർത്തുക, ഒരിക്ക​ലും അതിനെ അപ്രധാ​ന​മാ​യി തള്ളാതി​രി​ക്കുക എന്നാണ്‌. രാജ്യ​താ​ത്‌പ​ര്യ​ങ്ങൾ നമ്മുടെ ജീവി​ത​ത്തിൽ ഒന്നാമതു വയ്‌ക്കുക എന്നാണ്‌ അതിന്റെ അർഥം.—മത്താ. 6:33.

⁵ കറയറ്റ​വ​രും കളങ്കമി​ല്ലാ​ത്ത​വ​രും സമാധാ​ന​മു​ള്ള​വ​രും: മഹാപു​രു​ഷാ​ര​ത്തി​ന്റെ ഭാഗമെന്ന നിലയിൽ നമ്മൾ ‘കുഞ്ഞാ​ടി​ന്റെ രക്തത്തിൽ നമ്മുടെ അങ്കി അലക്കി വെളു​പ്പി​ച്ചി​രി​ക്കു​ന്നു.’ (വെളി. 7:14) ‘കറയറ്റ’വരായി​രി​ക്കുക എന്നതിന്റെ അർഥം, ലോക​ത്തി​ന്റെ മാലി​ന്യം തട്ടാത്ത​വി​ധം നമ്മുടെ ശുദ്ധമായ സമർപ്പിത ജീവി​തത്തെ സ്ഥിരം കാത്തു​കൊ​ള്ളണം എന്നാണ്‌. ഭക്തിവി​രു​ദ്ധ​മായ, ഭൗതിക അനുധാ​വ​നങ്ങൾ നമ്മുടെ ക്രിസ്‌തീയ വ്യക്തി​ത്വ​ത്തെ വിരൂ​പ​മാ​ക്കാൻ അനുവ​ദി​ക്കാ​ത്ത​പ്പോൾ നമ്മൾ “കളങ്കമി​ല്ലാ​ത്തവ”രായി നമ്മെത്തന്നെ കാത്തു​കൊ​ള്ളു​ക​യാണ്‌. (യാക്കോ. 1:27; 1 യോഹ. 2:15-17) “ദൈവ​സ​മാ​ധാ​നം” പ്രതി​ഫ​ലി​പ്പി​ച്ചു​കൊ​ണ്ടു മറ്റുള്ള​വ​രു​മാ​യുള്ള നമ്മുടെ ഇടപെ​ട​ലു​ക​ളി​ലെ​ല്ലാം ‘സമാധാന’ത്തിലാണു കഴിയു​ന്ന​തെന്നു നമ്മൾ പ്രകട​മാ​ക്കു​ന്നു.—ഫിലി. 4:7; റോമ. 12:18; 14:19.

⁶ ലൗകിക കളങ്കത്തി​നെ​തി​രെ വിജയ​പ്ര​ദ​മാ​യി നാം ജാഗ്ര​ത​പാ​ലി​ക്കു​ന്നെ​ങ്കിൽ നമ്മൾ ഒരിക്ക​ലും യഹോവ കുറ്റം​വി​ധി​ച്ചി​രി​ക്കുന്ന “ഈ ലോക​ത്തി​ന്നു അനുരൂ​പമാ”കുകയില്ല. മറിച്ച്‌, നമ്മുടെ നല്ല വേല “ദൈവത്തെ സേവി​ക്കു​ന്ന​വ​നും സേവി​ക്കാ​ത്ത​വ​നും” തമ്മിലുള്ള വ്യത്യാ​സം കാണാൻ മറ്റുള്ള​വരെ സഹായി​ക്കും.—റോമ. 12:2; മലാ. 3:18.

⁷ വിശ്വ​സ്‌ത​നും വിവേ​കി​യു​മായ അടിമ മുഖാ​ന്തരം യഹോവ നമുക്കു തുടർച്ച​യാ​യി നവോ​ന്മേഷം പകരുന്ന ആത്മീയ ആഹാരം പ്രദാ​നം​ചെ​യ്യു​ന്നു. ഇത്‌ ദൈവി​ക​ഭക്തി പ്രകടി​പ്പി​ക്കു​ന്ന​തി​നുള്ള നമ്മുടെ ആഗ്രഹത്തെ തീവ്ര​മാ​ക്കു​ന്നു. പുതിയ അനേകർ ഈ ആഗ്രഹം പങ്കിടു​ന്നു. ആഗസ്റ്റിൽ വയൽസേ​വ​ന​ത്തിൽ പങ്കെടു​ക്കാൻ അവരെ സഹായി​ച്ചു​കൊ​ണ്ടു നമുക്ക്‌ ഒരനു​ഗ്ര​ഹ​മാ​യി​രി​ക്കാൻ കഴിയും.

⁸ നമ്മൾ ‘നല്ല പ്രവൃ​ത്തി​ക​ളിൽ’ തുടരു​മ്പോൾ യഹോ​വ​യു​ടെ നാമം മഹത്ത്വീ​ക​രി​ക്ക​പ്പെ​ടു​ക​യും സഭ ബലം പ്രാപി​ക്കു​ക​യും മറ്റുള്ളവർ പ്രയോ​ജനം നേടു​ക​യും ചെയ്യുന്നു. (1 പത്രൊ. 2:12) നമ്മൾ എല്ലായ്‌പോ​ഴും അത്തരക്കാ​രാ​യി​രി​ക്കട്ടെ.