ശരിയായ പദങ്ങൾ തെറ്റായ ഉപദേ​ശ​ങ്ങളെ തകിടം മറിക്കു​ന്നു

¹ ഏദെൻ തോട്ട​ത്തി​ലെ തന്റെ ആദ്യ നുണ—ഹവ്വാ​യോട്‌ അവൾ ‘നിശ്ചയ​മാ​യും മരിക്ക​യില്ല’ എന്നു പറഞ്ഞതു—മുതൽ മരിച്ച​വ​രു​ടെ അവസ്ഥ സംബന്ധി​ച്ചു സാത്താൻ അനിശ്ചി​ത​ത്വ​വും ആശയക്കു​ഴ​പ്പ​വും വ്യാപി​പ്പി​ച്ചി​ട്ടുണ്ട്‌. (ഉല്‌പ. 3:4) മനുഷ്യ​രു​ടെ മരണം സാത്താൻ ഒരു നുണയ​നാ​ണെന്നു തെളി​യി​ക്കു​ന്നു. എന്നാൽ മനുഷ്യ​ന്റെ സചേത​ന​മായ ചില ഭാഗങ്ങൾ തുടർന്നു ജീവി​ക്കു​ന്നു എന്നു വിശ്വ​സി​ക്കാൻത​ക്ക​വണ്ണം തെറ്റായ മതപഠി​പ്പി​ക്ക​ലി​ലൂ​ടെ മനുഷ്യ​വർഗ​ത്തിൽ ബഹുഭൂ​രി​പ​ക്ഷ​ത്തെ​യും അവൻ വഴി​തെ​റ്റി​ച്ചി​രി​ക്കു​ന്നു.

² ദൈവ​വ​ച​ന​മായ ബൈബി​ളിൽനി​ന്നുള്ള സത്യം അറിയു​ന്ന​തിൽ നാം എത്രയ​ധി​കം ആഹ്ലാദി​ക്കു​ന്നു. പുതി​യ​ലോക ഭാഷാ​ന്തരം ഉപയോ​ഗി​ച്ചു​കൊണ്ട്‌ നമുക്കു തെറ്റായ ഉപദേ​ശ​ങ്ങ​ളു​ടെ​മേൽ ഫലകര​മാ​യി വിജയം​വ​രി​ക്കാൻ കഴിയും, കാരണം എബ്രായ, ഗ്രീക്കു പദങ്ങളു​ടെ ഉപയോ​ഗ​ത്തിൽ അതിനു പൂർവാ​പ​ര​യോ​ജി​പ്പുണ്ട്‌. എബ്രായ പദമായ നീഫെ​ഷും ഗ്രീക്കു പദമായ സൈക്കീ​യും എല്ലായ്‌പോ​ഴും ഇംഗ്ലീ​ഷിൽ സോൾ എന്നു ഭാഷാ​ന്തരം ചെയ്‌തി​രി​ക്കു​ന്നു. അതേസ​മയം എബ്രായ പദമായ റൂവയും ഗ്രീക്കു പദമായ ന്യൂമ​യും തർജമ ചെയ്യു​ന്ന​തിന്‌ ഇംഗ്ലീഷ്‌ പദമായ സ്‌പി​രിറ്റ്‌ ഉപയോ​ഗി​ച്ചി​രി​ക്കു​ന്നു.

³ എന്നിരു​ന്നാ​ലും വ്യാജ മതോ​പ​ദേ​ശ​ങ്ങ​ളു​ടെ സ്വാധീ​നം നിമിത്തം ഇത്തരം പൂർവാ​പ​ര​യോ​ജിപ്പ്‌ പ്രാ​ദേ​ശിക ഭാഷാ ബൈബി​ളു​ക​ളിൽ എല്ലായ്‌പോ​ഴും കാണ​പ്പെ​ടു​ന്നില്ല. പ്രാ​ദേ​ശിക ഭാഷകൾ ഉപയോ​ഗി​ക്കു​മ്പോൾ സത്യം കൃത്യ​ത​യോ​ടെ പഠിപ്പി​ക്കു​വാൻ തക്കവണ്ണം നമ്മുടെ പ്രസി​ദ്ധീ​ക​ര​ണ​ങ്ങ​ളി​ലെ ദിവ്യാ​ധി​പത്യ പദപ്ര​യോ​ഗ​ങ്ങ​ളി​ലും ബൈബിൾ പദങ്ങളു​ടെ തർജമ​യി​ലും കൂടുതൽ പൂർവാ​പ​ര​യോ​ജി​പ്പു നിലനിർത്താൻ ഞങ്ങൾ പരി​ശ്ര​മി​ക്കു​ക​യാണ്‌.

⁴ മിക്ക ഇന്ത്യൻ ഭാഷക​ളും സംസ്‌കൃ​ത​ത്തി​ലോ ദ്രാവി​ഡ​ത്തി​ലോ അധിഷ്‌ഠി​ത​മാണ്‌. ഈ സ്രോ​ത​ഭാ​ഷ​ക​ളിൽ മൂലപ​ദ​മായ ആത്മ (ആത്മാവ്‌) എന്തോ അദൃശ്യ​മാ​യ​തി​നെ, ഒരു ശക്തിയെ അല്ലെങ്കിൽ ഊർജത്തെ പരാമർശി​ക്കു​ന്നു. ആത്മയോ​ടു ബന്ധപ്പെട്ട പദങ്ങളാണ്‌ പരിശു​ദ്ധാ​ത്മാ​വി​നും സ്വർഗ​ത്തി​ലെ ആത്മ വ്യക്തി​കൾക്കും​വേണ്ടി മിക്ക പ്രാ​ദേ​ശിക ഭാഷാ ബൈബി​ളു​ക​ളി​ലും ഉപയോ​ഗി​ച്ചി​രി​ക്കു​ന്നത്‌. ഇത്‌ റൂവയു​ടെ​യും ന്യൂമ​യു​ടെ​യും അർഥത്തെ കൃത്യ​മാ​യി പരിഭാ​ഷ​പ്പെ​ടു​ത്തു​ന്നു. എല്ലാ ജീവി​ക​ളി​ലെ​യും ജീവശ​ക്തി​ക്കു​വേണ്ടി ബൈബിൾ ഒരേ പദങ്ങൾ ഉപയോ​ഗി​ക്കു​ന്ന​തി​നാൽ സ്‌പി​രിറ്റ്‌ വരുന്നി​ട​ത്തൊ​ക്കെ​യും തർജമ ചെയ്യു​ന്ന​തിന്‌ ആത്മാവ്‌ എന്ന പദം എല്ലായ്‌പോ​ഴും ഉപയോ​ഗി​ക്കു​ന്നത്‌ ഉചിത​മാ​യി​രി​ക്കും.

⁵ ഈ മാറ്റം മുഖ്യ​മാ​യും തെലുങ്ക്‌, കന്നട എന്നീ ഭാഷക​ളെ​യാ​യി​രി​ക്കും ബാധി​ക്കു​ന്നത്‌. മനുഷ്യ​രി​ലെ ജീവശ​ക്തി​യെ കുറി​ക്കു​ന്ന​തിന്‌ അവ സംസ്‌കൃ​ത​ത്തി​ലെ പ്രാൺ എന്നതി​നോ​ടു ബന്ധപ്പെട്ട ഒരു പദമാണ്‌ ഉപയോ​ഗി​ച്ചു​കൊ​ണ്ടി​രു​ന്നത്‌. എന്നാൽ ഇനിമു​തൽ സ്‌പി​രിറ്റ്‌ എന്നതിന്‌ എല്ലായ്‌പോ​ഴും ആത്മാവ്‌ എന്നുപ​യോ​ഗി​ക്കും.

⁶ പ്രാ​ദേ​ശിക ഭാഷക​ളി​ലുള്ള പല ബൈബിൾ ഭാഷാ​ന്ത​ര​ങ്ങ​ളും നീഫെ​ഷും സൈക്കീ​യും തർജമ ചെയ്യു​ന്ന​തി​നു പ്രാൺ എന്ന പദമോ ജീവ എന്ന പദമോ ഉപയോ​ഗി​ക്കു​ന്നു. ഇത്‌ ഉചിത​മാണ്‌. കാരണം പ്രാൺ ജീവനു​ള്ള​തി​നോട്‌, വ്യക്തി​യോട്‌ അല്ലെങ്കിൽ മൃഗ​ത്തോട്‌, അല്ലെങ്കിൽ അവയ്‌ക്കുള്ള ജീവ​നോ​ടു​തന്നെ ബന്ധപ്പെ​ട്ടി​രി​ക്കു​ന്നു. ബൈബിൾ വിദ്യാർഥി​കളെ പഠിപ്പി​ക്കു​മ്പോൾ സോൾ എന്ന പദത്തിന്‌ പുതി​യ​ലോക ഭാഷാ​ന്ത​ര​ത്തി​ലെ ഉപയോ​ഗ​മ​നു​സ​രി​ച്ചും സൊ​സൈ​റ്റി​യു​ടെ പ്രസി​ദ്ധീ​ക​ര​ണ​ങ്ങ​ളിൽ നിർവ​ചി​ച്ചി​രി​ക്കു​ന്ന​പ്ര​കാ​ര​വും മലയാ​ള​ത്തിൽ എല്ലായ്‌പോ​ഴും ദേഹി എന്ന പദം ഉപയോ​ഗി​ക്കു​ന്നതു നന്നായി​രി​ക്കും. ദേഹിക്കു മരിക്കാൻ കഴിയും എന്നു ബൈബിൾ പറയു​മ്പോൾ ചില ബൈബിൾ ഭാഷാ​ന്ത​ര​ക്കാർ പ്രാണി എന്ന്‌ ഉപയോ​ഗി​ച്ചു​കൊണ്ട്‌ പ്രാൺ എന്നതിന്റെ അർഥത്തെ അസ്‌പ​ഷ്ട​മാ​ക്കി​യി​ട്ടുണ്ട്‌. അതു​കൊണ്ട്‌ നാം പൂർവാ​പ​ര​യോ​ജി​പ്പു നിലനിർത്തേ​ണ്ട​തുണ്ട്‌.—യെഹെ​സ്‌കേൽ 18:4 നിങ്ങളു​ടെ പ്രാ​ദേ​ശിക ഭാഷാ ബൈബി​ളിൽ തർജമ ചെയ്‌തി​രി​ക്കു​ന്ന​തും പുതി​യ​ലോക ഭാഷാ​ന്ത​ര​ത്തി​ലെ പ്രയോ​ഗ​വു​മാ​യി താരത​മ്യം ചെയ്യുക.

⁷ ഗുജറാ​ത്തി​യി​ലും മറാത്തി​യി​ലും സോൾ എന്നതിനു നാം തുടർന്നും ജീവ എന്ന പദമാ​യി​രി​ക്കും ഉപയോ​ഗി​ക്കു​ന്നത്‌. മലയാ​ള​ത്തിൽ ദേഹി എന്ന പദവും. എന്നാൽ തമിഴി​ന്റെ കാര്യ​ത്തിൽ ഇതിന്‌ ശ്രദ്ധേ​യ​മായ ഒരു വ്യത്യാ​സ​മുണ്ട്‌. മറ്റ്‌ ഇന്ത്യൻ ഭാഷക​ളെ​പ്പോ​ലെ​തന്നെ ആത്മ എന്നതിന്റെ സംസ്‌കൃ​ത​ത്തോ​ടു ബന്ധപ്പെട്ട പദം നിഘണ്ടു​ക്കൾ നിർവ​ചി​ക്കു​ന്നു​ണ്ടെ​ങ്കി​ലും ഒരു വ്യക്തിയെ കുറി​ക്കു​ന്ന​തി​നും ഇതുപ​യോ​ഗി​ക്കു​ന്നു. തന്റെ മുഴു മാനസിക, ശാരീ​രിക ഗുണങ്ങ​ളോ​ടും കൂടിയ ജീവനുള്ള മനുഷ്യ​നെ പരാമർശി​ക്കാൻ തമിഴ്‌ ബൈബിൾ ആത്മ എന്ന പദം പൂർവാ​പ​ര​യോ​ജി​പ്പിൽ ഉപയോ​ഗി​ക്കു​ന്നു; എന്നാൽ മനുഷ്യ​രി​ലെ​യും ദൂതൻമാ​രി​ലെ​യും ജീവശ​ക്തി​യെ​യും ദൈവ​ത്തി​ന്റെ കർമോ​ദ്യു​ക്ത ശക്തി​യെ​യും പരാമർശി​ക്കുന്ന റൂവ തർജമ ചെയ്യു​മ്പോൾ ആവി എന്ന മറ്റൊരു പദം ഉപയോ​ഗി​ച്ചി​രി​ക്കു​ന്നു.

⁸ അമർത്ത്യ​ത​യു​ടെ പഠിപ്പി​ക്ക​ലി​നെ​പ്പറ്റി ചർച്ച ചെയ്യു​മ്പോൾ പ്രാൺ എന്ന പദമോ ജീവ എന്ന പദമോ ഉപയോ​ഗി​ക്കു​ന്നത്‌ അസാധാ​ര​ണ​മാ​യി ആദ്യം തോന്നി​യേ​ക്കാം. എന്നാൽ നാം മൂലഭാ​ഷാ പദങ്ങളു​ടെ അർഥം വിശദീ​ക​രി​ക്കു​ക​യും ബൈബി​ളി​നെ അതിനു​വേ​ണ്ടി​തന്നെ വാദി​ക്കാൻ അനുവ​ദി​ക്കു​ക​യും ചെയ്യു​മ്പോൾ, ആത്മാർഥ​ഹൃ​ദ​യ​രാ​യവർ സത്യം പെട്ടെന്നു ഗ്രഹി​ക്കും. അതു​കൊ​ണ്ടു തെറ്റായ ഉപദേ​ശ​ങ്ങളെ തകിടം മറിക്കു​ന്ന​തി​നും വ്യാജ​മ​ത​ത്തി​ന്റെ അടിമ​ത്ത​ത്തിൽനി​ന്നു ചെമ്മരി​യാ​ടു​തു​ല്യ​രാ​യ​വരെ വിടു​വി​ക്കു​ന്ന​തി​നും നമുക്ക്‌ ഉചിത​മായ പദങ്ങൾ ഉപയോ​ഗി​ക്കാം.—യോഹ. 8:32.