ലഘു​ലേ​ഖകൾ ഉപയോ​ഗി​ക്കുക, അങ്ങനെ നിങ്ങളു​ടെ വെളിച്ചം പ്രകാ​ശി​ക്ക​ട്ടെ

¹ മനുഷ്യ​രായ നമ്മളും നാം ജീവി​ക്കുന്ന ഈ ഭൂമി​യും അഭൂത​പൂർവ​ക​വും വിപത്‌ക​ര​വു​മായ ഒരു കാലഘ​ട്ടത്തെ അഭിമു​ഖീ​ക​രി​ക്കു​ക​യാ​ണെന്നു മിക്കവ​രും സമ്മതി​ക്കു​ന്നു. മിക്കവ​രും ചില​പ്പോ​ഴെ​ങ്കി​ലും ഉന്നയി​ക്കാ​റുള്ള ഒരു ചോദ്യ​മുണ്ട്‌: അവസ്ഥകൾ മെച്ച​പ്പെ​ടു​ത്താ​നുള്ള മമനു​ഷ്യ​ന്റെ ശ്രമങ്ങൾ യഥാർഥ​ത്തിൽ വിജയി​ക്കു​മോ? (യിരെ. 10:23) പല സാഹച​ര്യ​ങ്ങൾ സംജാ​ത​മാ​കു​മ്പോ​ഴും ഭാവി സംബന്ധിച്ച്‌ ആശയ്‌ക്കു വകയി​ല്ലെന്ന്‌ ആളുകൾക്കു തോന്നാ​റുണ്ട്‌. ലോക​ത്തി​ലെ മതങ്ങളോ രാഷ്‌ട്രീ​യ​മോ വാണി​ജ്യ​വ്യ​വ​സ്ഥി​തി​യോ പ്രത്യാ​ശ​യ്‌ക്കു യാതൊ​രു വകയും നൽകു​ന്നില്ല. ഈ ലോകം അതിജീ​വി​ക്കു​മോ? സമാധാ​ന​പൂർണ​മായ ഒരു ലോകം വരുമോ? ഉത്തരമാ​വ​ശ്യ​മുള്ള ചോദ്യ​ങ്ങ​ളാ​ണിവ.

² സ്വയം​പോ​ഷക, സ്വയം​കേ​ടു​പോ​ക്കൽ സംവി​ധാ​ന​ങ്ങ​ളുള്ള ഭൂമി​യു​ടെ ഭാവി​യും അതിന്റെ സ്രഷ്ടാവ്‌ തന്റെ വചനമായ ബൈബി​ളിൽ നൽകി​യി​രി​ക്കുന്ന മാറ്റമി​ല്ലാത്ത വാഗ്‌ദ​ത്ത​ങ്ങ​ളും സംബന്ധി​ച്ചു ശുഭാ​പ്‌തി​വി​ശ്വാ​സ​മു​ള്ള​വ​രാണ്‌ യഹോ​വ​യു​ടെ സാക്ഷികൾ. “നീതി​മാ​ന്മാർ ഭൂമിയെ അവകാ​ശ​മാ​ക്കി എന്നേക്കും അതിൽ വസിക്കു”മെന്നു സങ്കീർത്തനം 37:29 പ്രഖ്യാ​പി​ക്കു​ന്നു. ഇന്ന്‌ ആകെ കുഴഞ്ഞു​മ​റിഞ്ഞ ഒരു അവസ്ഥയാ​യ​തി​നാൽ, മിക്ക ആളുകൾക്കും ഈ വാഗ്‌ദത്തം ആനന്ദക​ര​മായ ഒരു വിസ്‌മ​യ​വും സ്വാഗ​താർഹ​മായ വാർത്ത​യും ആയിരി​ക്കും. ചുരു​ങ്ങി​യ​പക്ഷം, അതു നല്ലൊരു സംഭാ​ഷ​ണ​ത്തി​നു വക നൽകുന്നു. ഈ ലോകം അതിജീ​വി​ക്കു​മോ? എന്ന ശീർഷ​ക​ത്തി​ലുള്ള ലഘു​ലേ​ഖ​യു​ടെ വിഷയം അതാ​ണെ​ന്നതു രസാവ​ഹ​മാണ്‌. ലളിത​വും ആകർഷ​ക​വു​മായ ഈ ലഘുലേഖ നമ്മുടെ ശുശ്രൂ​ഷ​യിൽ ഫലപ്ര​ദ​മാ​യി ഉപയോ​ഗി​ക്കാ​നാ​കു​മെന്നു സഞ്ചാര​മേൽവി​ചാ​ര​ക​ന്മാ​രിൽനി​ന്നുള്ള അനുഭ​വങ്ങൾ കാണി​ക്കു​ന്നു. സംഭാ​ഷണം തുടങ്ങു​ന്ന​തി​നുള്ള നല്ല അവസരങ്ങൾ സൃഷ്ടി​ക്കു​ന്ന​താണ്‌ മറ്റു ലഘു​ലേ​ഖ​ക​ളും. അവ പലപ്പോ​ഴും രസകര​മായ ബൈബിൾ ചർച്ചക​ളി​ലേക്കു നയിക്കു​ന്നു.

³ ഭക്തികെട്ട ആളുകളെ നശിപ്പി​ച്ചു​കൊണ്ട്‌ ഒരിക്ക​ലു​ണ്ടായ ആഗോള പ്രളയ​ത്തെ​ക്കു​റി​ച്ചു പല ജനസമൂ​ഹ​ങ്ങ​ളി​ലു​മുള്ള അനേകർക്കു​മ​റി​യാം. ഈ ലോകം അതിജീ​വി​ക്കു​മോ? എന്ന ലഘുലേഖ ആ സംഭവ​ത്തെ​ക്കു​റി​ച്ചുള്ള ബൈബിൾ വിവര​ണത്തെ പരാമർശി​ക്കു​ന്നുണ്ട്‌. സംഭാ​ഷണം തുടങ്ങു​ന്ന​തി​നുള്ള ഒരു വിഷയ​മാ​യി ഇത്‌ ഉപയോ​ഗി​ക്കാ​വു​ന്ന​താണ്‌. ഈ വിഷയത്തെ കൂടുതൽ അർഥവ​ത്താ​ക്കു​ന്ന​താ​ണു നാം ജീവി​ക്കുന്ന ദുർഘ​ട​കാ​ലങ്ങൾ. (2 തിമൊ. 3:1) സഹോ​ദ​രങ്ങൾ ഫലകര​മാ​യി ലഘു​ലേ​ഖകൾ സമർപ്പി​ക്കു​ക​യും സത്യം പഠിക്കാൻ ആളുകളെ സഹായി​ക്കു​ക​യും ചെയ്‌ത​തി​നെ​ക്കു​റി​ച്ചുള്ള പ്രോ​ത്സാ​ഹ​ജ​ന​ക​മായ റിപ്പോർട്ടു​കൾ നാം കൂടെ​ക്കൂ​ടെ കേൾക്കാ​റുണ്ട്‌.

⁴ “പ്രകാ​ശ​വാ​ഹകർ” ഡിസ്‌ട്രി​ക്‌റ്റ്‌ കൺ​വെൻ​ഷ​നി​ലെ “നിങ്ങളു​ടെ വെളിച്ചം പ്രകാ​ശി​പ്പി​ക്കൽ” എന്ന ശീർഷ​ക​ത്തി​ലുള്ള സിമ്പോ​സി​യ​ത്തി​ലെ ഒരു പ്രസംഗം ഈ സുപ്ര​ധാന ഉപകര​ണ​ങ്ങ​ളു​ടെ ഉപയോ​ഗ​ത്തെ​ക്കു​റിച്ച്‌ ഊന്നി​പ്പ​റ​ഞ്ഞ​താ​യി നിങ്ങൾ ഒരുപക്ഷേ ഓർക്കു​ന്നു​ണ്ടാ​കും. “ലഘു​ലേ​ഖ​ക​ളി​ലെ ഹ്രസ്വ​വും നേരി​ട്ടു​ള്ള​തും മനസ്സി​ലാ​ക്കാൻ എളുപ്പ​വു​മായ സന്ദേശം ശ്രദ്ധ പിടി​ച്ചു​പ​റ്റു​ക​യും പ്രയോ​ജ​ന​ക​ര​മായ ഫലങ്ങൾ ഉളവാ​ക്കു​ക​യും ചെയ്യുന്നു”വെന്ന്‌ ആ പ്രസംഗം വ്യക്തമാ​ക്കി. (w81 3/1, പേ. 32; w83 11/1 പേ. 27) ആ കൺ​വെൻ​ഷ​നി​ലാ​യി​രു​ന്നു ഈ ലോകം അതിജീ​വി​ക്കു​മോ? എന്ന ലഘുലേഖ പ്രകാ​ശനം ചെയ്‌തത്‌. സമാധാ​ന​പൂർണ്ണ​മായ ഒരു പുതിയ ലോക​ത്തി​ലെ ജീവിതം, പറുദീ​സ​യി​ലേ​ക്കുള്ള പാത കണ്ടെത്തുന്ന വിധം, ആർ യഥാർത്ഥ​ത്തിൽ ഈ ലോകത്തെ ഭരിക്കു​ന്നു?, കുടും​ബ​ജീ​വി​തം ആസ്വദി​ക്കുക, വിഷാ​ദ​മ​ഗ്‌നർക്ക്‌ ആശ്വാസം എന്നിങ്ങ​നെ​യുള്ള മറ്റു ലഘു​ലേ​ഖ​ക​ളും സമാന​മാ​യി രസാവ​ഹ​വും സംഭാ​ഷണം തുടങ്ങാൻ ഉപയോ​ഗി​ക്കാ​വു​ന്ന​തു​മാണ്‌. വാച്ച്‌ ടവർ സൊ​സൈ​റ്റി​യു​ടെ ആദ്യ കാലങ്ങ​ളി​ലേ​തു​പോ​ലെ​തന്നെ ഇന്നും അനവധി രാജ്യ​പ്ര​ഘോ​ഷകർ ലളിത​വും അനൗപ​ചാ​രി​ക​വു​മായ വിധത്തിൽ ദൈവ​രാ​ജ്യ​ത്തെ​ക്കു​റി​ച്ചുള്ള സന്ദേശം വ്യാപി​പ്പി​ക്കാൻ ലഘു​ലേ​ഖകൾ നന്നായി ഉപയോ​ഗി​ക്കു​ന്നു.

⁵ പ്രഥമ സന്ദർശ​ന​ത്തിൽ ബൈബി​ള​ധ്യ​യ​നങ്ങൾ ആരംഭി​ക്കാൻ ശ്രമി​ക്കുക: പ്രഥമ സന്ദർശ​ന​ത്തിൽത്തന്നെ ബൈബി​ള​ധ്യ​യ​നങ്ങൾ തുടങ്ങാ​വുന്ന ഉത്തമ വിധത്തി​ലാ​ണു ലഘു​ലേ​ഖകൾ തയ്യാറാ​ക്കി​യി​രി​ക്കു​ന്നത്‌. താൻ സന്ദർശിച്ച സഭയിലെ അംഗങ്ങൾ ആ വാരത്തിൽ, ലഘു​ലേ​ഖകൾ ഉപയോ​ഗി​ച്ചു വീട്ടു​കാ​രോ​ടു സംസാ​രി​ച്ചു​തു​ട​ങ്ങി​യ​തി​ന്റെ ഫലമായി 64 ഭവന ബൈബി​ള​ധ്യ​യ​നങ്ങൾ തുടങ്ങി​യ​താ​യി ഒരു സർക്കിട്ട്‌ മേൽവി​ചാ​രകൻ റിപ്പോർട്ടു ചെയ്‌തു. മറ്റൊരു സർക്കിട്ട്‌ മേൽവി​ചാ​രകൻ ഇങ്ങനെ എഴുതു​ന്നു: “ലഘു​ലേ​ഖകൾ ഉപയോ​ഗിച്ച്‌ മിക്ക ചർച്ചക​ളും തുടങ്ങി​ക്കൊണ്ട്‌ അവതര​ണ​ത്തി​ലേക്കു കടക്കു​ന്ന​തി​നാൽ എനിക്കു നല്ല വിജയ​മുണ്ട്‌.” ലഘു​ലേ​ഖ​യി​ലെ ഏതാനും ഖണ്ഡികകൾ പ്രഥമ സന്ദർശ​ന​ത്തിൽതന്നെ ചർച്ച​ചെ​യ്‌തു​കൊ​ണ്ടു ബൈബി​ള​ധ്യ​യനം ആരംഭി​ക്കു​ന്ന​തി​നു ശ്രമം നടത്താൻ നിങ്ങളെ പ്രോ​ത്സാ​ഹി​പ്പി​ക്കു​ക​യാണ്‌. എന്നിട്ട്‌ അതിന​ടുത്ത സന്ദർശ​ന​ത്തിൽ പിന്നെ​യും കുറെ ഖണ്ഡികകൾ ചർച്ച ചെയ്യുക. അങ്ങനെ ആ ലഘുലേഖ ചർച്ച​ചെ​യ്‌തു തീർക്കുക. അപ്പോ​ഴേ​ക്കും പരിജ്ഞാ​നം പുസ്‌ത​ക​മോ ആവശ്യം ലഘുപ​ത്രി​ക​യോ ഉപയോ​ഗി​ച്ചുള്ള അധ്യയ​ന​ത്തി​നു വീട്ടു​കാ​രൻ മനസ്സൊ​രു​ക്കം കാണി​ച്ചേ​ക്കാം. അല്ലെങ്കിൽ, സമാധാ​ന​പൂർണ്ണ​മായ ഒരു പുതിയ ലോക​ത്തി​ലെ ജീവിതം പോലുള്ള മറ്റേ​തെ​ങ്കി​ലും ലഘുലേഖ ഉപയോ​ഗിച്ച്‌ അത്തരം ചർച്ചകൾ തുടരാ​നാ​യി​രി​ക്കാം വീട്ടു​കാ​രന്റെ ആഗ്രഹം.

⁶ ലഘു​ലേ​ഖകൾ പൂർണ​മാ​യി പരി​ശോ​ധി​ക്കുക. നമ്മുടെ ലഘു​ലേ​ഖ​കൾക്കാ​യി തിര​ഞ്ഞെ​ടു​ത്തി​ട്ടുള്ള മനോ​ഹ​ര​മായ ആമുഖ​ചി​ത്ര​ങ്ങ​ളും വശ്യമായ ശീർഷ​ക​ങ്ങ​ളും ആരെയും ആകർഷി​ക്കാൻ പോന്ന​താണ്‌. നിങ്ങൾക്ക്‌ ഏതാനും ലഘു​ലേ​ഖകൾ ഷർട്ടി​ന്റെ​യോ കോട്ടി​ന്റെ​യോ പോക്ക​റ്റി​ലോ പേഴ്‌സി​ലോ ബാഗി​ലോ കരുതാ​വു​ന്ന​താണ്‌. അപ്പോൾ, പതിവു ശുശ്രൂ​ഷ​യി​ലാ​ണെ​ങ്കി​ലും ആളുകളെ കണ്ടെത്തുന്ന മറ്റു സ്ഥലങ്ങളി​ലാ​ണെ​ങ്കി​ലും അവ എളുപ്പ​ത്തിൽ അവർക്ക്‌ എടുത്തു​കൊ​ടു​ക്കാൻ സാധി​ക്കും. (yb89 പേജ്‌ 59) ഏതു സമയത്തും എവി​ടെ​വെ​ച്ചും എല്ലാ തരത്തി​ലു​മുള്ള ആളുക​ളു​മാ​യും ബുദ്ധി​പൂർവ​ക​മായ സംഭാ​ഷ​ണങ്ങൾ തുടങ്ങാൻ തികച്ചും പറ്റിയ​താണ്‌ അവ. ആദ്യം രസകര​മായ ഒരു വിഷയത്തെ ആസ്‌പ​ദ​മാ​ക്കി​യുള്ള സംഭാ​ഷണം. തുടർന്ന്‌ ബൈബി​ള​ധ്യ​യനം. അതായി​രി​ക്കണം ലക്ഷ്യം. പ്രഥമ സന്ദർശ​ന​ത്തി​ലോ മടക്കസ​ന്ദർശ​ന​ത്തി​ലോ പിൻവ​രു​ന്ന​തു​പോ​ലെ എന്തെങ്കി​ലും പറഞ്ഞു​കൊണ്ട്‌ ബൈബി​ള​ധ്യ​യ​നങ്ങൾ ആരംഭി​ക്കാ​വു​ന്ന​താണ്‌:

പ്രസാ​ധ​കൻ: നമസ്‌കാ​രം. മെച്ചപ്പെട്ട ജീവി​ത​ത്തെ​ക്കു​റിച്ച്‌ ഞങ്ങളിന്ന്‌ ആളുക​ളോ​ടു സംസാ​രി​ക്കു​ക​യാണ്‌. ഇപ്പോ​ഴുള്ള ജീവി​ത​ത്തിൽ നിങ്ങൾ സംതൃ​പ്‌ത​നാ​ണോ?

വീട്ടു​കാ​രൻ: സത്യം പറഞ്ഞാൽ, അല്ല.

പ്രസാ​ധ​കൻ: (ഈ ലോകം അതിജീ​വി​ക്കു​മോ? എന്ന ലഘുലേഖ കൊടു​ക്കു​ന്നു) ഇപ്പോ​ഴുള്ള സംഭവ​വി​കാ​സങ്ങൾ ബൈബിൾ പ്രവച​ന​ത്തി​ന്റെ നിവൃ​ത്തി​യാ​ണെ​ന്നും ലോകാ​വ​സാ​നം ആസന്നമാ​ണെ​ന്നും ചിലർ കരുതു​ന്നു. എന്താണ്‌ താങ്കളു​ടെ അഭി​പ്രാ​യം?

വീട്ടു​കാ​രൻ: എനിക്ക​റി​യില്ല. അങ്ങനെ സംഭവി​ച്ചേ​ക്കാ​മെന്നു തോന്നു​ന്നു.

ലോകം ഒരിക്കൽ അവസാ​നി​ച്ചു​വെ​ന്നും ഇപ്പോ​ഴത്തെ ലോക​വും അവസാ​നി​ക്കു​മെ​ന്നും കാണി​ക്കു​ന്ന​തി​നു ലഘുലേഖ നിങ്ങൾക്ക്‌ ഉപയോ​ഗി​ക്കാ​വു​ന്ന​താണ്‌. സമാധാ​ന​പൂർണ​മായ ഒരു പുതിയ ലോക​ത്തിന്‌ അതു വഴി​തെ​ളി​ക്കു​മെന്നു വിശദീ​ക​രി​ക്കുക. ലോകാ​വ​സാ​ന​മെ​ന്നാൽ അക്ഷരീയ ആകാശ​വും ഭൂമി​യും അവസാ​നി​ക്കു​മെന്നല്ല, മറിച്ച്‌ നാം അഭിമു​ഖീ​ക​രി​ക്കുന്ന പ്രശ്‌ന​ങ്ങ​ളെ​ല്ലാം അവസാ​നി​ക്കു​മെ​ന്നാ​ണെന്ന്‌ ആ ലഘുലേഖ ഉപയോ​ഗിച്ച്‌ കാട്ടി​ക്കൊ​ടു​ക്കുക. സംഭാ​ഷ​ണ​ത്തി​നു പ്രോ​ത്സാ​ഹി​പ്പി​ക്കുക. ലോകാ​വ​സാ​നം സമീപ​മാ​ണെ​ന്നു​ള്ള​തി​ന്റെ ബൈബിൾ തെളിവു പരിചി​ന്തി​ക്കാൻ മറ്റൊരു സന്ദർശ​ന​ത്തി​നുള്ള ഏർപ്പാടു ചെയ്യുക.

⁷ ആ വിഷയം അവതരി​പ്പി​ക്കു​ന്ന​തി​നുള്ള മറ്റൊരു സമീപനം ഇതാ:

“ഈ ലോക​ത്തി​ന്റെ ഭാവി​യെ​ക്കു​റിച്ച്‌ അയൽക്കാ​രോ​ടും സ്‌നേ​ഹി​ത​രോ​ടു​മൊ​ക്കെ ഞങ്ങൾ സംസാ​രി​ക്കു​ക​യാണ്‌. ഈ ലോകം അധിക​കാ​ലം നിലനിൽക്കു​ക​യി​ല്ലെ​ന്നും പെട്ടെ​ന്നു​തന്നെ അവസാ​നി​ക്കു​മെ​ന്നും മിക്കവ​രും കരുതു​ന്ന​താ​യി ഞങ്ങൾ മനസ്സി​ലാ​ക്കി! ഇക്കാര്യം സംബന്ധി​ച്ചു താങ്കൾ വിചാ​രി​ക്കു​ന്ന​തെ​ന്താ​ണെന്ന്‌ എനിക്ക​റി​യില്ല. എന്നാൽ ഈ ലോകം അതിജീ​വി​ക്കു​മെന്നു വിശ്വ​സി​ക്കുന്ന നിരവധി പേരുണ്ട്‌. താങ്കളു​ടെ അഭി​പ്രാ​യ​മെ​ന്താണ്‌?” (മറുപ​ടി​ക്കാ​യി നിർത്തുക.)

“രസകര​മായ ഈ വിഷയ​ത്തെ​ക്കു​റി​ച്ചു പ്രതി​പാ​ദി​ക്കുന്ന ഒരു ലഘുലേഖ തരാൻ എനിക്കു സന്തോ​ഷ​മുണ്ട്‌. അതിന്റെ ശീർഷകം ഉന്നയി​ക്കുന്ന ചോദ്യം ശ്രദ്ധി​ക്കുക: ‘ഈ ലോകം അതിജീ​വി​ക്കു​മോ?’ ഇതിനുള്ള ക്രിയാ​ത്മ​ക​മായ ഉത്തരം സംതൃ​പ്‌തി​ദാ​യ​ക​മാ​യി​രി​ക്കു​മെ​ന്നതു നിങ്ങൾ സമ്മതി​ക്കും. താങ്കൾക്ക്‌ ആദ്യ ഖണ്ഡിക ഒന്നു വായി​ക്കാ​മോ?”

⁸ പ്രായ​മു​ള്ള​വ​രാ​ണെ​ങ്കി​ലും അല്ലെങ്കി​ലും, സത്യത്തിൽ വന്നിട്ട്‌ ദീർഘ​കാ​ല​മാ​യെ​ങ്കി​ലും ഇല്ലെങ്കി​ലും, ലഘുലേഖ വിതരണം ചെയ്യു​ന്നത്‌ എളുപ്പ​മാ​ണെന്നു മാത്രമല്ല, ഉത്സാഹം പകരു​ന്ന​തു​മാ​ണെന്നു പ്രസാ​ധകർ കണ്ടെത്തി​യി​രി​ക്കു​ന്നു. കാരണം, ലഘു​ലേ​ഖകൾ ലളിത​മാണ്‌. തന്നെയു​മല്ല, മിക്കയാ​ളു​കൾക്കും രസകര​മായ വിഷയ​ങ്ങ​ളാണ്‌ അവയിൽ ചർച്ച​ചെ​യ്‌തി​രി​ക്കു​ന്ന​തും. ആളുകൾ അതിനു പൈസ കൊടു​ക്കേണ്ട ആവശ്യ​മില്ല എന്ന നേട്ടവു​മുണ്ട്‌. പണം കൊടു​ക്കേ​ണ്ട​തി​ല്ലാത്ത ഒന്നി​നോ​ടു മിക്കവ​രും അനുകൂ​ല​മാ​യി പ്രതി​ക​രി​ക്കു​ന്നു. ഒരു സർക്കിട്ട്‌ മേൽവി​ചാ​രകൻ കൂട്ടി​ച്ചേർക്കു​ന്നു: “വയലിൽ ഉണ്ടായ ഫലങ്ങളോ, കൂടുതൽ വിശദീ​ക​രി​ക്കു​ന്ന​തി​നാ​യി മടങ്ങി​വ​ര​ണ​മെന്നു പലരും പ്രസാ​ധ​ക​രോട്‌ ആവശ്യ​പ്പെട്ടു എന്നതാ​യി​രു​ന്നു. പ്രസാ​ധ​കർക്കു വീടു​തോ​റു​മുള്ള രേഖക​ളിൽ സാധാ​ര​ണ​യു​ള്ള​തി​ലു​മ​ധി​കം മടക്കസ​ന്ദർശ​നങ്ങൾ ഉള്ളതായി കാണുന്നു.” ലഘു​ലേ​ഖകൾ കൊടു​ക്കാൻ നിങ്ങൾ ശ്രമി​ച്ചു​നോ​ക്കി​യി​ട്ടു​ണ്ടോ? ഇല്ലെങ്കിൽ, കഴിവ​തും നേരത്തെ അതൊന്നു പരീക്ഷി​ച്ചു​നോ​ക്കൂ.

⁹ ലഘുലേഖ നൽകിയ വ്യക്തി​കൾക്കു മടക്കസ​ന്ദർശനം നടത്തു​മ്പോൾ, പ്രസ്‌തുത വിഷയം സംബന്ധി​ച്ചു കൂടുതൽ ആഴമായ വിവരങ്ങൾ ഉണ്ടായി​രി​ക്കണം. അപ്പോൾ, പിൻബ​ല​മാ​യി ന്യായ​വാ​ദം പുസ്‌ത​ക​ത്തി​ലെ വിവര​ങ്ങ​ളും പരിജ്ഞാ​നം പുസ്‌ത​ക​ത്തി​ന്റെ ഒരു പ്രതി​യും സമാധാ​ന​പൂർണ്ണ​മായ ഒരു പുതിയ ലോക​ത്തി​ലെ ജീവിതം എന്ന ശീർഷ​ക​ത്തി​ലുള്ള ലഘു​ലേ​ഖ​യും നിശ്ചയ​മാ​യും, ഒരു ബൈബി​ളും നിങ്ങളു​ടെ പക്കലു​ണ്ടാ​യി​രി​ക്കണം. ഈ ലോകം അതിജീ​വി​ക്കുക മാത്രമല്ല, എല്ലാ ജനതക​ളി​ലും ഗോ​ത്ര​ങ്ങ​ളി​ലും ഭാഷക​ളി​ലും പെട്ട ആത്മാർഥ​ഹൃ​ദ​യ​രും താഴ്‌മ​യു​ള്ള​വ​രു​മായ ആളുക​ളെ​ക്കൊ​ണ്ടു നിറയുന്ന ഒരു പറുദീ​സ​യാ​യി അതു മാറു​ക​യും ചെയ്യു​മെ​ന്നും ഇത്തവണ നിങ്ങൾക്കു വിശദീ​ക​രി​ക്കാ​വു​ന്ന​താണ്‌. (വെളി. 7:9) ഭൂമിയെ പുനഃ​സ്ഥി​തീ​ക​രി​ക്കാ​നും അതിന്റെ ആദിമ സൗന്ദര്യം വീണ്ടെ​ടു​ക്കാ​നു​മുള്ള യഹോ​വ​യു​ടെ മഹത്തായ ഉദ്ദേശ്യ​ത്തിൽ ശ്രദ്ധ കേന്ദ്രീ​ക​രി​ക്കുക. പരിജ്ഞാ​നം പുസ്‌ത​ക​ത്തി​ന്റെ 4-ഉം 5-ഉം പേജു​ക​ളി​ലെ ചിത്രം “നിങ്ങൾക്കൊ​രു സന്തുഷ്ട ഭാവി ഉണ്ടായി​രി​ക്കാൻ കഴിയും” എന്ന ഒന്നാം അധ്യാ​യ​ത്തി​ന്റെ ശീർഷ​ക​വു​മാ​യി ബന്ധിപ്പി​ക്കുക. സാധ്യ​മെ​ങ്കിൽ, ആദ്യ മൂന്നു ഖണ്ഡികകൾ പരിചി​ന്തി​ച്ചു​കൊണ്ട്‌ അധ്യയ​ന​ത്തി​നു തുടക്ക​മി​ടുക. മടങ്ങി​ച്ചെ​ല്ലാ​മെന്നു പറയുക.

¹⁰ സാഹി​ത്യ​ങ്ങൾ കൊടു​ക്കാൻ മാത്രമേ നമുക്കു താത്‌പ​ര്യ​മു​ള്ളൂ എന്നു ചില​പ്പോൾ ആളുകൾ തെറ്റി​ദ്ധ​രി​ക്കാ​റുള്ള, നമ്മുടെ സജീവ പ്രവർത്ത​ന​മുള്ള പ്രദേ​ശ​ങ്ങ​ളിൽപോ​ലും ഈ ലോകം അതിജീ​വി​ക്കു​മോ? എന്ന ലഘുലേഖ അത്ഭുതങ്ങൾ സൃഷ്ടി​ക്കു​ന്നു​വെന്ന്‌ ഒരു സർക്കിട്ട്‌ മേൽവി​ചാ​രകൻ റിപ്പോർട്ടു ചെയ്യുന്നു. അതു​കൊണ്ട്‌ ക്രിയാ​ത്മക മനോ​ഭാ​വ​മു​ള്ള​വ​രാ​യി​രു​ന്നു​കൊ​ണ്ടും യഹോ​വ​യിൽ ശക്തമായി ആശ്രയി​ച്ചു​കൊ​ണ്ടും സത്യത്തി​ന്റെ വിത്തുകൾ പാകാൻ ആത്മവി​ശ്വാ​സ​ത്തോ​ടെ ഈ ലഘുലേഖ നമുക്ക്‌ ഉപയോ​ഗി​ക്കാം. ഇതും മറ്റു ലഘു​ലേ​ഖ​ക​ളും ധാരാളം കൈവ​ശ​മു​ണ്ടാ​യി​രി​ക്കണം. നിങ്ങൾ ആളുകളെ കണ്ടെത്തു​ന്നി​ടത്ത്‌ സംഭാ​ഷണം തുടങ്ങു​ന്ന​തി​നുള്ള ഉപാധി​യാ​യി അവ ഉപയോ​ഗി​ക്കുക.

¹¹ സംഭാ​ഷണം ആരംഭി​ക്കുക വളരെ ദുഷ്‌ക​ര​മാ​ണെന്ന്‌ ഒരിക്ക​ലും കരുത​രുത്‌. പൗലൊസ്‌ അപ്പോ​സ്‌തലൻ പറഞ്ഞത്‌ ഓർമി​ക്കുക: “ഞങ്ങൾ ഞങ്ങളിൽത്തന്നെ മതിയാം​വണ്ണം യോഗ്യ​രാ​ണെന്നല്ല . . . , പിന്നെ​യോ ഞങ്ങളുടെ മതിയായ യോഗ്യത ദൈവ​ത്തിൽനി​ന്നു വരുന്നു.” (2 കൊരി. 3:5, NW) ആളുക​ളു​ടെ ജീവൻ അപകട​ത്തി​ലാണ്‌. ദൈവ​പ​രി​ജ്ഞാ​ന​ത്തി​ന്റെ താക്കോൽ ഉപയോ​ഗിച്ച്‌ നിത്യ​ജീ​വ​നി​ലേ​ക്കുള്ള മാർഗം തുറന്നു​കൊ​ടു​ക്കുക എന്നതു നമുക്കുള്ള ദൈവദത്ത നിയോ​ഗ​മാണ്‌. നമുക്കു ക്രിയാ​ത്മ​ക​മായ മനോ​ഭാ​വ​മു​ള്ള​വ​രാ​യി​രി​ക്കാം. ഒപ്പം, ദൈവ​ത്തെ​യും അവന്റെ ഉദ്ദേശ്യ​ങ്ങ​ളെ​യും കുറി​ച്ചുള്ള സൂക്ഷ്‌മ​പ​രി​ജ്ഞാ​നം എല്ലാത്തരം ആളുകൾക്കും നൽകു​ന്ന​തി​നു ലഘു​ലേ​ഖകൾ നമുക്കു ഫലപ്ര​ദ​മാ​യി ഉപയോ​ഗി​ക്കാം.