നാം യഹോ​വ​യാൽ പഠിപ്പി​ക്ക​പ്പെ​ടു​ന്നു

¹ ദിവ്യ മാർഗ​നിർദേ​ശ​ത്തിൻ കീഴിൽ ഒരു അന്താരാഷ്‌ട്ര വിദ്യാ​ഭ്യാ​സ പരിപാ​ടി ഇപ്പോൾ 233 ദേശങ്ങ​ളിൽ സജീവ​മാണ്‌. ഈ ലോകം വെച്ചു​നീ​ട്ടുന്ന യാതൊ​ന്നി​നെ​യും അതുമാ​യി താരത​മ്യം ചെയ്യാ​നാ​കില്ല. ഈ വിദ്യാ​ഭ്യാ​സ പരിപാ​ടി​യി​ലൂ​ടെ മഹോ​പ​ദേ​ഷ്ടാ​വായ യഹോവ ഇപ്പോ​ഴത്തെ പ്രയോ​ജ​ന​ത്തി​നാ​യും ഭാവി​യി​ലെ നിത്യ​ജീ​വ​നാ​യും നമ്മെ അഭ്യസി​പ്പി​ക്കു​ന്നു.—യെശ. 30:20; 48:17.

² ദിവ്യ പ്രബോ​ധ​ന​ത്തി​ന്റെ സ്‌കൂ​ളു​കൾ: യഹോ​വ​യു​ടെ ജനത്തിന്റെ പ്രയോ​ജ​ന​ത്തി​നാ​യി നിലവി​ലുള്ള വ്യത്യസ്‌ത സ്‌കൂ​ളു​കളെ കുറിച്ച്‌ ചിന്തി​ക്കുക. വാരം​തോ​റും 87,000-ഓളം സഭകളിൽ നടത്ത​പ്പെ​ടുന്ന ദിവ്യാ​ധി​പത്യ ശുശ്രൂ​ഷാസ്‌കൂൾ സുവാർത്ത​യു​ടെ ഫലപ്ര​ദ​രായ ശുശ്രൂ​ഷകർ ആകാൻ ദശലക്ഷ​ക്ക​ണ​ക്കി​നു രാജ്യ​പ്ര​സാ​ധ​കരെ പരിശീ​ലി​പ്പി​ക്കു​ന്നു. നിങ്ങൾ അതിൽ പേർ ചാർത്തി​യി​ട്ടു​ണ്ടോ? രണ്ടാഴ്‌ചത്തെ പയനിയർ സേവനസ്‌കൂ​ളിൽ സംബന്ധിച്ച ആയിര​ക്ക​ണ​ക്കിന്‌ ആളുക​ളിൽ നിങ്ങളും ഉൾപ്പെ​ടു​ന്നു​വോ? സാധാരണ പയനി​യർമാ​രു​ടെ മണിക്കൂർ വ്യവസ്ഥ​യിൽ വരുത്തിയ കുറവു നിമിത്തം കൂടുതൽ പേർക്ക്‌ പയനി​യർമാ​രാ​യി സേവി​ക്കാ​നും അങ്ങനെ ഈ സ്‌കൂ​ളിൽ പങ്കെടു​ക്കാ​നും ഉള്ള അവസരം ലഭി​ച്ചേ​ക്കാം. ഇപ്പോൾ ലോക​വ്യാ​പ​ക​മാ​യി പ്രധാന ഭാഷക​ളിൽ നടത്ത​പ്പെ​ടുന്ന രണ്ടു മാസം ദൈർഘ്യ​മുള്ള ശുശ്രൂ​ഷാ പരിശീ​ലന സ്‌കൂൾ വലിയ ദിവ്യാ​ധി​പത്യ ഉത്തരവാ​ദി​ത്വ​ങ്ങൾ ചുമലി​ലേ​റ്റാൻ അവിവാ​ഹിത മൂപ്പന്മാ​രെ​യും ശുശ്രൂ​ഷാ​ദാ​സ​ന്മാ​രെ​യും സജ്ജരാ​ക്കു​ന്നു. രാജ്യ​ശു​ശ്രൂ​ഷാ സ്‌കൂ​ളി​ലൂ​ടെ മൂപ്പന്മാർക്കും ശുശ്രൂ​ഷാ​ദാ​സ​ന്മാർക്കും ഇടയ്‌ക്കി​ടെ പ്രത്യേക പ്രബോ​ധനം ലഭിക്കു​ന്നു.

³ ഉന്നത ദിവ്യാ​ധി​പത്യ പരിശീ​ലനം നൽകുന്ന മൂന്നു പ്രത്യേക സ്‌കൂ​ളു​കൾ ന്യൂ​യോർക്കി​ലെ പാറ്റേഴ്‌സ​ണി​ലുള്ള വാച്ച്‌ടവർ വിദ്യാ​ഭ്യാ​സ കേന്ദ്ര​ത്തിൽ നടത്ത​പ്പെ​ടു​ന്നു. അഞ്ചു മാസം ദൈർഘ്യ​മുള്ള വാച്ച്‌ടവർ ഗിലെ​യാദ്‌ ബൈബിൾ സ്‌കൂൾ വിദേശ വയലു​ക​ളിൽ മിഷന​റി​മാ​രാ​യി സേവി​ക്കു​ന്ന​തി​നു ശുശ്രൂ​ഷ​കരെ ഒരുക്കു​ന്നു. ലോക​മെ​മ്പാ​ടു​മുള്ള ബ്രാഞ്ച്‌ കമ്മിറ്റി അംഗങ്ങൾ ബ്രാഞ്ച്‌ സംഘാ​ടനം സംബന്ധിച്ച രണ്ടു മാസത്തെ കോഴ്‌സിൽ സംബന്ധി​ക്കു​ന്നു. 1999 മേയിൽ, സഞ്ചാര മേൽവി​ചാ​ര​ക​ന്മാർക്കാ​യി രണ്ടു മാസം ദൈർഘ്യ​മുള്ള ഒരു പുതിയ കോഴ്‌സ്‌ ആരംഭി​ക്കു​ക​യു​ണ്ടാ​യി. ഐക്യ​നാ​ടു​ക​ളി​ലെ​യും കാനഡ​യി​ലെ​യും 48 വിദ്യാർഥി​കൾ ആ ക്ലാസ്സിൽ പങ്കെടു​ത്തു. ഇത്തരം വ്യത്യസ്‌ത സ്‌കൂ​ളു​ക​ളി​ലൂ​ടെ യഹോവ പ്രദാനം ചെയ്യുന്ന പരിശീ​ലനം ആത്യന്തി​ക​മാ​യി അവന്റെ എല്ലാ ദാസന്മാ​രു​ടെ​യും പ്രയോ​ജ​ന​ത്തിൽ കലാശി​ക്കു​ന്നു.

⁴ എന്ത്‌ ഉദ്ദേശ്യ​ത്തി​നാ​യി പഠിപ്പി​ക്ക​പ്പെ​ടു​ന്നു? ഭരണസം​ഘ​ത്തി​ലെ ഒരംഗം ഇപ്രകാ​രം പ്രസ്‌താ​വി​ച്ചു: “സദൃശ​വാ​ക്യ​ങ്ങൾ 1:1-4-ൽ വർണി​ച്ചി​രി​ക്കുന്ന പക്വത​യു​ടെ ഉത്തമാ​വ​സ്ഥ​യി​ലേക്ക്‌ എല്ലായി​ട​ത്തു​മുള്ള യഹോ​വ​യു​ടെ ജനത്തെ കൊണ്ടു​വ​രാൻ രൂപകൽപ്പന ചെയ്‌തി​രി​ക്കു​ന്ന​താണ്‌ നമ്മുടെ ഇപ്പോ​ഴത്തെ വിദ്യാ​ഭ്യാ​സ പരിപാ​ടി.” നമുക്ക്‌ ഓരോ​രു​ത്തർക്കും യഹോവ തുടർന്നും “പഠിപ്പി​ക്ക​പ്പെ​ട്ട​വ​രു​ടെ നാവ്‌” നൽകു​മാ​റാ​കട്ടെ.—യെശ. 50:4, NW.