യഹോ​വ​യു​ടെ സഹായ​ത്തി​നാ​യി പ്രാർഥി​ക്കു​ക

¹ തങ്ങളുടെ ശുശ്രൂ​ഷ​യു​ടെ​മേൽ യഹോ​വ​യു​ടെ അനു​ഗ്രഹം ഉണ്ടായി​രി​ക്കേ​ണ്ട​തി​ന്റെ ആവശ്യം യേശു തന്റെ ശിഷ്യ​ന്മാർക്കു വ്യക്തമാ​ക്കി​ക്കൊ​ടു​ത്തു. (മത്താ. 9:37, 38) സ്‌തു​തി​യും നന്ദി​പ്ര​ക​ട​ന​വും അതു​പോ​ലെ​തന്നെ ഉള്ളുരു​കി​യുള്ള യാചന​ക​ളും അപേക്ഷ​ക​ളും ഉൾപ്പെ​ടുന്ന നമ്മുടെ ഹൃദയം​ഗ​മ​മായ പ്രാർഥ​നകൾ സഹായ​ത്തി​നാ​യി നാം യഹോ​വ​യിൽ പൂർണ​മാ​യി ആശ്രയി​ക്കു​ന്നു​വെന്നു പ്രകട​മാ​ക്കു​ന്നു. (ഫിലി. 4:6, 7) “സകല​പ്രാർത്ഥ​ന​യാ​ലും യാചന​യാ​ലും” അപേക്ഷി​ക്കു​ന്ന​തിൽ തുടരാൻ തിരു​വെ​ഴു​ത്തു​കൾ നമ്മെ ഉദ്‌ബോ​ധി​പ്പി​ക്കു​ന്നു. ശുശ്രൂ​ഷ​യോ​ടു ബന്ധപ്പെട്ട നമ്മുടെ പ്രാർഥ​ന​യു​ടെ കാര്യ​ത്തി​ലും ഇതു സത്യമാണ്‌.—എഫെ. 6:18.

² യഹോ​വ​യു​ടെ അതി​ശ്രേഷ്‌ഠ ഗുണങ്ങ​ളെ​യും പ്രവൃ​ത്തി​ക​ളെ​യും പ്രതി പ്രാർഥ​ന​യിൽ നാം അവനെ സ്‌തു​തി​ക്കു​ന്നു. നാം പ്രസം​ഗി​ക്കുന്ന സുവാർത്ത​യു​ടെ ഉറവിടം എന്ന നിലയി​ലും നാം അവനെ സ്‌തു​തി​ക്കു​ന്നു. നമ്മുടെ ശുശ്രൂ​ഷയെ വിജയി​പ്പി​ക്കു​ന്നത്‌ യഹോ​വ​യ​ല്ലാ​തെ മറ്റാരു​മല്ല; അതു​കൊണ്ട്‌ അവൻ നമ്മുടെ സ്‌തുതി അർഹി​ക്കു​ന്നു.—സങ്കീ. 127:1.

³ നമ്മുടെ കൃതജ്ഞതാ പ്രാർഥ​നകൾ തന്റെ ഹിതവും ഉദ്ദേശ്യ​വും സംബന്ധിച്ച്‌ യഹോവ നമുക്കു നൽകി​യി​രി​ക്കുന്ന ഗ്രാഹ്യ​ത്തോ​ടുള്ള വിലമ​തി​പ്പി​നെ​യും പ്രകടി​പ്പി​ക്കു​ന്നു. മറ്റുള്ള​വ​രു​മാ​യി രാജ്യ​സ​ത്യം പങ്കു​വെ​ക്കു​ന്നത്‌ ഒരു പദവി​യല്ലേ? ശുശ്രൂ​ഷ​യിൽ കൈവ​രി​ക്കുന്ന എല്ലാ നേട്ടങ്ങ​ളെ​യും പ്രതി നാം യഹോ​വയ്‌ക്കു നന്ദി കരേറ്റു​ന്നു.—സങ്കീ. 107:8, NW; എഫെ. 5:20.

⁴ ബൈബിൾ പഠിക്കാൻ സന്നദ്ധരായ ആളുകളെ കണ്ടെത്തി സത്യം അവരുടെ ഹൃദയ​ങ്ങ​ളിൽ എത്തിക്കു​ന്ന​തി​ലും നാം യഹോ​വ​യു​ടെ സഹായം അപേക്ഷി​ക്കു​ന്നു, അതും വളരെ ഉചിത​മാണ്‌. അപ്രകാ​രം ചെയ്യു​ന്ന​തി​ലൂ​ടെ, ശുശ്രൂ​ഷ​യി​ലെ നമ്മുടെ പ്രവർത്തനം ഫലകര​മാ​ക്കാൻ യഹോ​വയ്‌ക്കു മാത്രമേ സാധിക്കൂ എന്നു നാം അംഗീ​ക​രി​ക്കു​ക​യാണ്‌.—1 കൊരി. 3:5-7.

⁵ തന്റെ മാസി​കാ​റൂ​ട്ടി​ലുള്ള ഒരു സ്‌ത്രീ വീക്ഷാ​ഗോ​പു​ര​വും ഉണരുക!യും വായി​ക്കു​ന്നി​ല്ലെന്ന്‌ ഒരു സഹോ​ദ​രി​ക്കു തോന്നി. ഈ അമൂല്യ പത്രി​കകൾ പാഴാ​ക്കി​ക്ക​ള​യാൻ ആഗ്രഹി​ക്കാഞ്ഞ ഈ സഹോ​ദരി ആ സ്‌ത്രീ അതു വായി​ക്കു​ന്നി​ല്ലെ​ങ്കിൽ, അവ നിരസി​ക്കാൻ ഇടയാ​ക്ക​ണമേ എന്നു യഹോ​വ​യോട്‌ അപേക്ഷി​ച്ചു. അടുത്ത സന്ദർശ​ന​ത്തിൽ ആ സ്‌ത്രീ​യു​ടെ ഭർത്താവ്‌ സഹോ​ദ​രി​യോ​ടു പറഞ്ഞു: “ഈ മാസി​കകൾ പതിവാ​യി ഇവിടെ എത്തിക്കു​ന്ന​തി​നു നന്ദി. അവ വായി​ക്കു​ന്നത്‌ എനിക്കു വളരെ ഇഷ്ടമാണ്‌.”

⁶ നിസ്സം​ഗതാ മനോ​ഭാ​വ​ത്തെ​യും പരിഹാ​സ​ത്തെ​യും നേരി​ടാ​നും മറ്റുള്ള​വ​രോ​ടു നിർഭയം സുവാർത്ത പ്രസം​ഗി​ക്കാ​നാ​യി മാനുഷ ഭയത്തെ തരണം ചെയ്യാ​നു​മുള്ള സഹായ​ത്തി​നാ​യി, താഴ്‌മ​യോ​ടും ആത്മാർഥ​ത​യോ​ടും കൂടി നമുക്കു യഹോ​വ​യോ​ടു യാചി​ക്കാ​നാ​കും. (പ്രവൃ. 4:31) വിശുദ്ധ സേവന​ത്തിൽ അനുസ​ര​ണ​ത്തോ​ടെ മുന്നേ​റവെ, “സകല​പ്രാർത്ഥ​ന​യാ​ലും യാചന​യാ​ലും” അപേക്ഷി​ക്കു​ന്ന​തിൽ തുടരു​ന്നെ​ങ്കിൽ, യഹോ​വ​യു​ടെ സഹായം ലഭിക്കു​മെ​ന്ന​തിൽ നമുക്ക്‌ ഉറപ്പു​ള്ളവർ ആയിരി​ക്കാം.—1 യോഹ. 3:22.