പുതിയ സർക്കിട്ട്‌ സമ്മേളന പരിപാ​ടി

യഹോ​വ​യോട്‌ ഒപ്പം നടക്കു​ന്ന​തു​കൊണ്ട്‌ നിങ്ങൾക്ക്‌ ഇപ്പോൾ എന്തു പ്രാ​യോ​ഗിക പ്രയോ​ജ​ന​ങ്ങ​ളാ​ണു ലഭിക്കു​ന്നത്‌? രാജ്യ​താത്‌പ​ര്യ​ങ്ങൾക്ക്‌ ഒന്നാം സ്ഥാനം കൊടു​ക്കുക ദുഷ്‌ക​ര​മാ​യി​ത്തീ​രത്തക്ക വിധം ദിവ്യാ​ധി​പ​ത്യ​പ​ര​മ​ല്ലാത്ത കാര്യങ്ങൾ പിന്തു​ട​രാ​നുള്ള പ്രലോ​ഭ​ന​ങ്ങളെ നിങ്ങൾക്ക്‌ എങ്ങനെ ചെറു​ത്തു​നിൽക്കാ​നാ​കും? (മത്താ. 6:33) തെറ്റിനെ ശരിയാ​ക്കി വരച്ചു​കാ​ട്ടുന്ന ഇന്നത്തെ ലോക​ത്തിൽ തെറ്റും ശരിയും വിവേ​ചി​ക്കുക ബുദ്ധി​മു​ട്ടാ​യി നിങ്ങൾക്കു തോന്നു​ന്നു​ണ്ടോ? (എബ്രാ. 5:14) 2000 ഫെബ്രു​വ​രി​യിൽ തുടങ്ങുന്ന “ദൈവ​ത്തി​ന്റെ വഴിക​ളിൽ നടന്നു​കൊണ്ട്‌ ഇപ്പോൾ പ്രയോ​ജനം നേടുക” എന്ന സർക്കിട്ട്‌ സമ്മേള​ന​ത്തിൽ ഇക്കാര്യ​ങ്ങൾ ചർച്ച ചെയ്യ​പ്പെ​ടും.—സങ്കീ. 128:1.

ശനിയാഴ്‌ച അവതരി​പ്പി​ക്കുന്ന മാതൃകാ സേവന​യോഗ പരിപാ​ടി ഈ സർക്കിട്ട്‌ സമ്മേള​ന​ത്തി​ന്റെ ഒരു പുതിയ സവി​ശേഷത ആയിരി​ക്കും. ഈ പരിപാ​ടി പൂർണ​മാ​യി ആസ്വദി​ക്കാൻ സാധി​ക്കും വിധം, ഇതിൽ എന്തൊ​ക്കെ​യാണ്‌ ആസൂ​ത്രണം ചെയ്‌തി​രി​ക്കു​ന്ന​തെന്നു സർക്കിട്ട്‌ മേൽവി​ചാ​ര​ക​ന്മാർ സഭകളെ അറിയി​ക്കു​ന്ന​താ​യി​രി​ക്കും.

“പയനി​യർമാ​രേ, നിങ്ങളു​ടെ നടത്ത സംബന്ധിച്ച്‌ നിതാന്ത ജാഗ്രത പുലർത്തുക” എന്ന ഭാഗം പയനിയർ ശുശ്രൂ​ഷയ്‌ക്കാ​യി അവസ​രോ​ചി​ത​മായ സമയം വിലയ്‌ക്കു വാങ്ങുന്ന കാര്യ​ത്തിൽ എങ്ങനെ ജ്ഞാനവും ന്യായ​യു​ക്ത​ത​യും പ്രകട​മാ​ക്കാം എന്നു കാണി​ക്കും. (എഫെ. 5:15-17, NW) “ശരി​യെന്നു തോന്നി​ച്ചേ​ക്കാ​വുന്ന വഴികൾ സംബന്ധിച്ച്‌ ജാഗ്രത ഉള്ളവർ ആയിരി​ക്കുക” എന്ന വിഷയം ജീവി​ത​ത്തി​ന്റെ എല്ലാ വശങ്ങളി​ലും ദൈവ​ത്തി​നു സ്വീകാ​ര്യ​മായ കാര്യങ്ങൾ ഏതെന്ന്‌ എപ്രകാ​രം ഉറപ്പു​വ​രു​ത്താൻ കഴിയും എന്നു നമ്മെ പഠിപ്പി​ക്കും. “നിവൃ​ത്തി​യേ​റിയ പ്രവചനം നമ്മെ ബാധി​ക്കുന്ന വിധം” എന്ന പ്രസംഗം ദൈവ​വ​ച​ന​ത്തോ​ടുള്ള സ്‌നേ​ഹ​ത്താൽ മനസ്സി​നെ​യും ഹൃദയ​ങ്ങ​ളെ​യും നിറയ്‌ക്കാൻ നമ്മെ സഹായി​ക്കും. “ദൈവ​ത്തി​ന്റെ വഴികൾ—എത്ര പ്രയോ​ജ​ന​പ്രദം!” എന്ന പരസ്യ​പ്ര​സം​ഗം യഹോ​വ​യു​ടെ നീതി​യുള്ള വ്യവസ്ഥ​കൾക്കു ചേർച്ച​യിൽ നടക്കു​ന്ന​തി​നാൽ ഇപ്പോൾ ലഭിക്കുന്ന പ്രാ​യോ​ഗിക പ്രയോ​ജ​നങ്ങൾ ഊന്നി​പ്പ​റ​യും.

ദൈവ​ത്തി​ന്റെ സമർപ്പിത ദാസന്മാ​രിൽ ഒരുവ​നാ​യി അവന്റെ വഴിക​ളിൽ നടക്കാൻ ആഗ്രഹി​ക്കു​ന്നു​വെന്നു ജലസ്‌നാ​പ​ന​ത്തി​ലൂ​ടെ പരസ്യ​മാ​യി പ്രകട​മാ​ക്കാൻ നിങ്ങൾ ആഗ്രഹി​ക്കു​ന്നു​വോ? അങ്ങനെ​യെ​ങ്കിൽ, അതിനു​വേണ്ട ക്രമീ​ക​ര​ണങ്ങൾ ചെയ്യാൻ അധ്യക്ഷ മേൽവി​ചാ​ര​കനു കഴി​യേ​ണ്ട​തിന്‌ അദ്ദേഹ​ത്തോ​ടു സംസാ​രി​ക്കുക.

ഈ കാലോ​ചിത സർക്കിട്ട്‌ സമ്മേളനം നഷ്ടപ്പെ​ടു​ത്താ​തി​രി​ക്കാൻ ദൃഢനി​ശ്ചയം ചെയ്യുക. രണ്ടു ദിവസത്തെ മുഴു പരിപാ​ടി​ക​ളി​ലും സംബന്ധി​ക്കുക. എന്തെന്നാൽ “യഹോ​വയെ ഭയപ്പെട്ടു, അവന്റെ വഴിക​ളിൽ നടക്കുന്ന ഏവനും സന്തുഷ്ട​നാ​കു​ന്നു.”—സങ്കീ. 128:1, NW.