നിങ്ങൾ സഹിച്ചു​നിൽക്കു​ന്നു​വോ?

¹ “എന്റെ മക്കൾ സത്യത്തിൽ നടക്കുന്നു എന്നു കേൾക്കു​ന്ന​തി​നെ​ക്കാൾ വലിയ സന്തോഷം എനിക്കില്ല.” (3 യോഹ. 4) യോഹ​ന്നാ​ന്റെ ആത്മീയ മക്കളുടെ സഹിഷ്‌ണുത അവനു വലിയ സന്തോഷം കൈവ​രു​ത്തി. തന്റെ മക്കളാ​യി​ത്തീ​രാ​നുള്ള ദശലക്ഷങ്ങൾ “സത്യത്തിൽ നടക്കുന്ന”ത്‌ കാണു​ന്നതു നമ്മുടെ സ്വർഗീയ പിതാ​വായ യഹോ​വയെ എത്രയ​ധി​കം സന്തോ​ഷി​പ്പി​ക്കും!—സദൃ. 23:15, 16; 27:11.

² ഒരു കൂട്ടമെന്ന നിലയിൽ ദൈവ​ജനം ക്രിസ്‌തീയ പ്രവർത്ത​ന​ങ്ങ​ളിൽ തീക്ഷ്‌ണ​ത​യു​ള്ള​വ​രാ​ണെ​ങ്കി​ലും, വ്യക്തികൾ എന്നനി​ല​യിൽ ചിലർക്കു മന്ദീഭാ​വം സംഭവി​ച്ചി​രി​ക്കു​ന്നു. സത്യം പഠിച്ചു​തു​ട​ങ്ങിയ സമയത്ത്‌ അവർ ഊർജ​സ്വ​ലർ ആയിരു​ന്നി​രി​ക്കാ​മെ​ങ്കി​ലും, വർഷങ്ങൾ കടന്നു​പോ​യ​തോ​ടെ അവർ ശിഷ്യ​രാ​ക്കൽ വേലയിൽ വളരെ കുറച്ച്‌, അല്ലെങ്കിൽ വല്ലപ്പോ​ഴു​മൊ​ക്കെ മാത്രം പങ്കെടു​ക്കുന്ന ഒരു രീതി അവലം​ബി​ച്ചി​രി​ക്കു​ന്നു.

³ നമുക്കു മനസ്സി​ലാ​ക്കാ​വു​ന്ന​തു​പോ​ലെ, ചിലരെ സംബന്ധി​ച്ചി​ട​ത്തോ​ളം ശാരീ​രിക പരിമി​തി​ക​ളും പ്രായാ​ധി​ക്യ​വു​മാണ്‌ ഈ മന്ദീഭാ​വ​ത്തി​നു കാരണം. എന്നിരു​ന്നാ​ലും, അവർ പ്രകട​മാ​ക്കുന്ന സഹിഷ്‌ണു​ത​യെ​പ്രതി നാം അവരെ അഭിന​ന്ദി​ക്കേ​ണ്ട​താണ്‌. കാരണം, അവരാൽ കഴിയു​ന്നത്‌ അവർ ചെയ്യു​ന്നുണ്ട്‌. എന്നാൽ, തന്റെ ജീവിതം ദൈവ​ത്തി​നു സമർപ്പി​ച്ചി​രി​ക്കുന്ന ഓരോ​രു​ത്ത​രും സ്വയം ചോദി​ക്കേണ്ട ചില കാര്യ​ങ്ങ​ളുണ്ട്‌: ‘വ്യക്തി​പ​ര​മായ കാര്യ​ങ്ങ​ളിൽ വളരെ​യ​ധി​കം വ്യാപൃ​ത​നാ​കു​ന്ന​തി​നാൽ, രാജ്യ​താ​ത്‌പ​ര്യ​ങ്ങൾക്ക്‌ എന്റെ ജീവി​ത​ത്തിൽ വളരെ​ക്കു​റച്ച്‌ സ്ഥാനമേ ഉള്ളോ? ഞാൻ ഏതാ​ണ്ടൊ​രു ‘ശീതോ​ഷ്‌ണാ​വ​സ്ഥ​യി​ലാ​ണോ’ അതോ ‘തീവ്ര​ശ്രമം’ ചെയ്യു​ന്നു​വോ? (വെളി. 3:15, 16; ലൂക്കൊ. 13:24, NW) “നന്മ പ്രവർത്തി​ക്കുന്ന ഏവന്നും മഹത്വ​വും മാനവും സമാധാ​ന​വും” യഹോവ വാഗ്‌ദാ​നം ചെയ്യുന്നു എന്ന കാര്യം മനസ്സിൽ പിടി​ച്ചു​കൊണ്ട്‌, നമു​ക്കേ​വർക്കും നാം ചെയ്‌തു​കൊ​ണ്ടി​രി​ക്കുന്ന കാര്യ​ങ്ങ​ളെ​ക്കു​റിച്ച്‌ പ്രാർഥ​നാ​പൂർവം പരിചി​ന്തി​ക്കു​ക​യും ആവശ്യ​മാ​യി​രി​ക്കുന്ന മണ്ഡലങ്ങ​ളിൽ അഭിവൃ​ദ്ധി വരുത്തു​ക​യും ചെയ്യാം.—റോമർ 2:10.

⁴ സഹിഷ്‌ണുത കാണി​ക്കേണ്ട വിധം: സഹിഷ്‌ണുത കാണി​ക്കാൻ യേശു​വി​നെ സഹായി​ച്ചത്‌ എന്തായി​രു​ന്നു? പൗലൊസ്‌ വിശദീ​ക​രി​ച്ചു: “തന്റെ മുമ്പിൽ വെച്ചി​രുന്ന സന്തോഷം ഓർത്തു അവൻ അപമാനം അലക്ഷ്യ​മാ​ക്കി ക്രൂശി​നെ സഹിക്ക​യും ദൈവ​സിം​ഹാ​സ​ന​ത്തി​ന്റെ വലത്തു​ഭാ​ഗത്തു ഇരിക്ക​യും ചെയ്‌തു.” (എബ്രാ. 12:1-3) യേശു, തനിക്ക്‌ അഭിമു​ഖീ​ക​രി​ക്കേണ്ടി വന്ന താത്‌കാ​ലി​ക​മായ പരി​ശോ​ധ​ന​ക​ളെ​ക്കാൾ തന്റെ മുമ്പാകെ വെച്ചി​രുന്ന സന്തോ​ഷ​ത്തി​നു കൂടുതൽ പ്രാധാ​ന്യം നൽകി. നമ്മുടെ മുമ്പാകെ വെച്ചി​രി​ക്കുന്ന സന്തോഷം മനസ്സിൽ പിടി​ക്കു​ന്നത്‌ സഹിച്ചു​നിൽക്കാൻ നമ്മെയും സഹായി​ക്കും. (വെളി. 21:4, 7; 22:12) വ്യക്തിഗത പഠനം, പതിവായ യോഗ​ഹാ​ജർ, ഇടവി​ടാ​തെ​യുള്ള പ്രാർഥന എന്നിവ​യി​ലൂ​ടെ ശക്തിക്കാ​യി നാം യഹോ​വ​യിൽ ആശ്രയി​ക്കു​ന്നെ​ങ്കിൽ, അവൻ ഭരമേൽപ്പി​ച്ചി​രി​ക്കുന്ന വേലയിൽ സ്ഥിരോ​ത്സാ​ഹം ഉള്ളവരാ​യി​രി​ക്കാൻ നമുക്കു സാധി​ക്കും.

⁵ തന്റെ വിശ്വ​സ്‌ത​രു​ടെ സഹിഷ്‌ണുത യഹോ​വയെ സന്തോ​ഷി​പ്പി​ക്കു​ന്നു. അതിനാൽ, ‘സത്യത്തിൽ നടന്നു​കൊണ്ട്‌’ നമുക്ക്‌ യഹോ​വ​യു​ടെ സന്തോഷം ഇനിയും വർധി​പ്പി​ക്കാം.