പുതിയ പ്രത്യേക സമ്മേള​ന​ദിന പരിപാ​ടി

2001 ഫെബ്രു​വരി മുതൽ ആരംഭി​ക്കുന്ന പ്രത്യേക സമ്മേള​ന​ദിന പരിപാ​ടി​യു​ടെ വിഷയം “ഗ്രഹണ​പ്രാ​പ്‌തി​ക​ളിൽ പൂർണ വളർച്ച പ്രാപി​ച്ചവർ ആയിത്തീ​രു​വിൻ” എന്നതാണ്‌. (1 കൊരി. 14:20, NW) നാം അതിൽ സംബന്ധി​ക്കു​ന്നത്‌ മൂല്യ​വ​ത്താ​യി​രി​ക്കു​ന്നത്‌ എന്തു​കൊ​ണ്ടാണ്‌? കാരണം, ദുഷ്ടത നിറഞ്ഞ ഒരു ലോക​ത്തി​ലാണ്‌ നാം ജീവി​ക്കു​ന്നത്‌. ദുഷ്ടതയെ ചെറുത്തു നിൽക്കു​ന്ന​തിന്‌, തിന്മയെ നന്മകൊ​ണ്ടു കീഴട​ക്കാൻ കഴിയ​ത്ത​ക്ക​വി​ധം നാം നമ്മുടെ ആത്മീയ ഗ്രഹണ​പ്രാ​പ്‌തി​കളെ വളർത്തി​യെ​ടു​ക്കേ​ണ്ട​തുണ്ട്‌. അതു ചെയ്യാ​നാണ്‌ ഈ പ്രത്യേക സമ്മേള​ന​ദിന പരിപാ​ടി നമ്മെ സഹായി​ക്കു​ന്നത്‌.

പ്രാരംഭ സെഷനിൽ സർക്കിട്ട്‌ മേൽവി​ചാ​രകൻ, “ബൈബിൾ ഗ്രാഹ്യ​ത്തിൽ പൂർണ​വ​ളർച്ച പ്രാപി​ക്കു​ന്ന​തി​നുള്ള സഹായങ്ങൾ” സംബന്ധിച്ച്‌ ചർച്ച ചെയ്യും. ക്രിസ്‌തീയ വിശ്വാ​സ​ത്തിൽ എങ്ങനെ സ്ഥിരത​യു​ള്ള​വ​രാ​യി​ത്തീ​രാം എന്ന്‌ അദ്ദേഹം നമ്മോട്‌ വിശദീ​ക​രി​ക്കും. “ഗ്രഹണ​പ്രാ​പ്‌തി​കളെ പരിശീ​ലി​പ്പി​ച്ചു​കൊണ്ട്‌ ആത്മീയത പരിര​ക്ഷി​ക്കുക” എന്ന വിഷയം വികസി​പ്പി​ക്കുന്ന സന്ദർശക പ്രസം​ഗകൻ, ബൈബിൾ തത്ത്വങ്ങ​ളു​ടെ ഉപയോ​ഗം അഥവാ ബാധക​മാ​ക്കൽ സൂക്ഷ്‌മ​മായ ഉൾക്കാഴ്‌ച വളർത്തി​യെ​ടു​ക്കു​ന്ന​തിൽ എത്ര പ്രധാ​ന​മാ​ണെന്നു വിശദ​മാ​ക്കും.

യുവജ​ന​ങ്ങ​ളും തങ്ങളുടെ ഗ്രഹണ​പ്രാ​പ്‌തി​കളെ വളർത്തി​യെ​ടു​ക്കേ​ണ്ട​തുണ്ട്‌. “തിന്മയ്‌ക്കു ശിശുക്കൾ ആയിരി​ക്കേ​ണ്ട​തി​ന്റെ കാരണം,” “ഇപ്പോൾ ഗ്രാഹ്യം നേടുന്ന യുവജ​നങ്ങൾ” എന്നീ പ്രസം​ഗ​ങ്ങ​ളിൽ ഇതു ചർച്ച ചെയ്യ​പ്പെ​ടും. ലോക​ത്തി​ന്റെ ദുഷ്‌പ്ര​വൃ​ത്തി​ക​ളെ​ക്കു​റിച്ച്‌ തങ്ങൾക്കുള്ള ഏതൊരു ജിജ്ഞാ​സ​യെ​യും നിയ​ന്ത്രി​ക്കു​ന്ന​തിന്‌ ആവശ്യ​മായ ആത്മീയ ബലം നേടാൻ തങ്ങൾ എന്തെല്ലാ​മാണ്‌ ചെയ്യു​ന്നത്‌ എന്ന്‌ യുവജ​നങ്ങൾ പറയു​മ്പോൾ ശ്രദ്ധ നൽകുക.

ജീവി​ത​ത്തിൽ യഥാർഥ സന്തോഷം കണ്ടെത്താൻ നമുക്ക്‌ എങ്ങനെ കഴിയും? “ബൈബിൾ തത്ത്വങ്ങൾ ഗ്രാഹ്യ​ത്തോ​ടെ ബാധക​മാ​ക്കു​ന്ന​തി​ന്റെ പ്രയോ​ജ​നങ്ങൾ” എന്ന സമാപന പ്രസം​ഗ​ത്തിൽ സന്ദർശക പ്രസം​ഗകൻ അത്‌ വിശദീ​ക​രി​ക്കും. ബൈബിൾ തത്ത്വങ്ങൾ ബാധക​മാ​ക്കു​ന്നത്‌ പ്രശ്‌നങ്ങൾ പരിഹ​രി​ക്കാ​നും തീരു​മാ​നങ്ങൾ എടുക്കാ​നും യഹോ​വ​യു​ടെ പഠിപ്പി​ക്ക​ലു​ക​ളിൽനിന്ന്‌ ശരിയായ പ്രയോ​ജനം നേടാ​നും നമ്മെ സഹായി​ക്കു​മെന്നു വ്യക്തമാ​ക്കുന്ന ഉദാഹ​ര​ണങ്ങൾ അദ്ദേഹം നൽകും.

ഈ സമ്മേള​ന​ത്തിൽ യഹോ​വ​യ്‌ക്കുള്ള സമർപ്പണം സ്‌നാ​പ​ന​ത്തി​ലൂ​ടെ പ്രതീ​ക​പ്പെ​ടു​ത്താൻ ആഗ്രഹി​ക്കു​ന്നവർ കഴിയു​ന്നത്ര നേരത്തേ വിവരം അധ്യക്ഷ മേൽവി​ചാ​ര​കനെ അറിയി​ക്കേ​ണ്ട​താണ്‌. പ്രത്യേക സമ്മേള​ന​ത്തി​ന്റെ തീയതി അറിഞ്ഞു​ക​ഴി​ഞ്ഞാൽ ഉടനെ അത്‌ കലണ്ടറിൽ കുറി​ച്ചി​ടുക, സമൃദ്ധ​മായ ഈ പരിപാ​ടി​യിൽ സംബന്ധി​ക്കാൻ വേണ്ട സുനി​ശ്ചി​ത​മായ ആസൂ​ത്ര​ണങ്ങൾ ചെയ്യുക. ഈ പ്രത്യേക സമ്മേള​ന​ദി​ന​ത്തി​ലെ ഒരു പരിപാ​ടി​യും നഷ്ടപ്പെ​ടു​ത്ത​രുത്‌. ഈ ദുഷ്ട ലോക​ത്തിൽ സഹിച്ചു​നിൽക്കാ​നും യഹോ​വ​യോ​ടു വിശ്വ​സ്‌ത​രാ​യി തുടരാ​നും അതു നിങ്ങളെ ശക്തി​പ്പെ​ടു​ത്തും.