യേശു​വി​നെ കുറി​ച്ചുള്ള സത്യം അറിയി​ക്കു​ക

¹ വേറെ ആടുക​ളായ തങ്ങളുടെ സഹകാ​രി​ക​ളാൽ പിന്തു​ണയ്‌ക്ക​പ്പെ​ടുന്ന അഭിഷിക്ത ക്രിസ്‌ത്യാ​നി​കൾക്ക്‌ “യേശു​വി​നു സാക്ഷ്യം വഹിക്കു​ക​യെന്ന വേല”യുണ്ട്‌. (വെളി. 12:17) ഇതൊരു സുപ്ര​ധാന നിയോ​ഗ​മാണ്‌, കാരണം യേശു​വി​ലൂ​ടെ മാത്രമേ രക്ഷ പ്രാപി​ക്കാൻ കഴിയൂ.—യോഹ. 17:3; പ്രവൃ. 4:12.

² “വഴിയും സത്യവും ജീവനും”: “ഞാൻ തന്നേ വഴിയും സത്യവും ജീവനും ആകുന്നു; ഞാൻ മുഖാ​ന്ത​ര​മ​ല്ലാ​തെ ആരും പിതാ​വി​ന്റെ അടുക്കൽ എത്തുന്നില്ല” എന്ന്‌ യേശു പറഞ്ഞു. (യോഹ. 14:6) “വഴി” ആകുന്ന യേശു​വി​ലൂ​ടെ മാത്രമേ പ്രാർഥ​ന​യിൽ ദൈവത്തെ സമീപി​ക്കു​ന്ന​തി​നും അവനു​മാ​യി ഒരു അംഗീ​കൃത ബന്ധം ആസ്വദി​ക്കു​ന്ന​തി​നും നമുക്കു സാധി​ക്കു​ക​യു​ള്ളൂ. (യോഹ. 15:16) എബ്രായ തിരു​വെ​ഴു​ത്തു​ക​ളിൽ അടങ്ങി​യി​രി​ക്കുന്ന പ്രവച​ന​ങ്ങ​ളും നിഴലു​ക​ളും അവനിൽ നിവൃ​ത്തി​യേറി എന്നതി​നാൽ യേശു “സത്യവും” ആണ്‌. (യോഹ. 1:17; കൊലൊ. 2:16, 17) തീർച്ച​യാ​യും, യഥാർഥ പ്രവച​ന​ത്തി​ന്റെ പ്രഥമ ഉദ്ദേശ്യം​തന്നെ ദൈ​വോ​ദ്ദേ​ശ്യ​ത്തി​ന്റെ പൂർത്തീ​ക​ര​ണ​ത്തിൽ യേശു​വി​നുള്ള നിർണാ​യക പങ്കിനെ പ്രകാ​ശ​മാ​ന​മാ​ക്കു​ക​യാണ്‌. (വെളി. 19:10) യേശു “ജീവനും” കൂടെ​യാണ്‌. നിത്യ​ജീ​വൻ എന്ന ദാനം ലഭിക്കാൻ സകലരും അവന്റെ മറുവി​ല​യാ​ഗ​ത്തിൽ വിശ്വാ​സം പ്രകട​മാ​ക്കണം.—യോഹ. 3:16, 36; എബ്രാ. 2:9.

³ ശിരസ്സും വാഴുന്ന രാജാ​വും: യഹോവ തന്റെ പുത്രനെ ഭരമേൽപ്പി​ച്ചി​രി​ക്കുന്ന വിപു​ല​മായ ഭരണനിർവഹണ അധികാ​ര​ത്തെ​യും ആളുകൾ തിരി​ച്ച​റിഞ്ഞ്‌ അംഗീ​ക​രി​ക്കണം. ദൈവ​രാ​ജ്യ​ത്തി​ന്റെ രാജാ​വാ​യി യേശു​വി​നെ അവരോ​ധി​ച്ചി​രി​ക്കു​ക​യാണ്‌—‘ജനതകൾ അവന്റെ ആജ്ഞാനു​വർത്തി​കൾ ആണ്‌.’ (ഉല്‌പ. 49:10, ന്യൂ ഇന്ത്യാ ബൈബിൾ ഭാഷാ​ന്തരം) കൂടാതെ, സഭയുടെ ശിരസ്സാ​യും യഹോവ അവനെ നിയമി​ച്ചി​രി​ക്കു​ന്നു. (എഫെ. 1:22, 23) യേശു സഭയെ നയിക്കു​ക​യും ‘തക്കസമ​യത്ത്‌ ആത്മീയ ആഹാരം കൊടു​ക്കേ​ണ്ട​തി​നു വിശ്വസ്‌ത​നും വിവേ​കി​യു​മായ അടിമ’യെ ഉപയോ​ഗി​ക്കു​ക​യും ചെയ്യു​ന്നത്‌ എങ്ങനെ​യെന്നു വിലമ​തി​ക്കാൻ നമ്മുടെ ബൈബിൾ വിദ്യാർഥി​കളെ നാം സഹായി​ക്കണം.—മത്താ. 24:45-47, NW.

⁴ കരുണ​യുള്ള മഹാപു​രോ​ഹി​തൻ: ഒരു മനുഷ്യൻ എന്ന നിലയിൽ യേശു​തന്നെ ദുരി​ത​ങ്ങ​ളും കഷ്ടപ്പാ​ടു​ക​ളും അനുഭ​വി​ച്ചി​രി​ക്ക​യാൽ, ‘പരീക്ഷി​ക്ക​പ്പെ​ടു​ന്ന​വരെ സഹായി​പ്പാൻ’ അവനു കഴിയും. (എബ്രാ. 2:17, 18) യേശു തങ്ങളുടെ ബലഹീ​ന​ത​ക​ളിൽ സഹതപി​ക്കു​ക​യും ദയയോ​ടെ തങ്ങൾക്കു​വേണ്ടി പക്ഷവാദം നടത്തു​ക​യും ചെയ്യുന്നു എന്ന്‌ അറിയു​ന്നത്‌ അപൂർണ മനുഷ്യ​രെ സംബന്ധി​ച്ചി​ട​ത്തോ​ളം എത്ര ഹൃദ​യോഷ്‌മ​ള​മാണ്‌! (റോമ. 8:34) യേശു​വി​ന്റെ മറുവി​ല​യാ​ഗ​ത്തി​ന്റെ അടിസ്ഥാ​ന​ത്തിൽ, മഹാപു​രോ​ഹി​ത​നാ​യുള്ള അവന്റെ സേവനം മുഖാ​ന്തരം നമുക്ക്‌ ‘തക്കസമ​യത്തു സഹായം’ ലഭിക്കു​ന്ന​തി​നാ​യി “സംസാര സ്വാത​ന്ത്ര്യ​ത്തോ​ടെ” യഹോ​വയെ സമീപി​ക്കാൻ കഴിയും.—എബ്രാ. 4:15, 16, NW.

⁵ യേശു​വി​നെ കുറി​ച്ചുള്ള സത്യം മറ്റുള്ള​വരെ അറിയി​ക്കാ​നുള്ള നമ്മുടെ ശ്രമങ്ങൾ, അവനെ അനുസ​രി​ക്കു​ന്ന​തി​ലും സേവി​ക്കു​ന്ന​തി​ലും നമ്മോ​ടൊ​പ്പം ചേരാൻ അവരെ പ്രചോ​ദി​പ്പി​ക്കട്ടെ.—യോഹ. 14:15, 21.