അറിയിപ്പുകൾ
◼ സാഹിത്യ സമർപ്പണം. ജനുവരി: സഭയുടെ സ്റ്റോക്കിൽ ഉണ്ടായിരുന്നേക്കാവുന്ന 1988-ന്‌ മുമ്പു പ്രസിദ്ധീകരിച്ച ഏതൊരു പുസ്‌തകവും. ഇവ സ്റ്റോക്കില്ലെങ്കിൽ, അടുത്തുള്ള സഭകളിൽ പഴയ പ്രസിദ്ധീകരണങ്ങൾ അധികമായുണ്ടോ എന്ന്‌ ദയവായി അന്വേഷിക്കുക. ഉണ്ടെങ്കിൽ നിങ്ങൾക്ക്‌ അവ ഉപയോഗിക്കാവുന്നതാണ്‌. പഴയ പുസ്‌തകങ്ങൾ ഇല്ലാത്ത സഭകൾക്ക്‌ കുടുംബസന്തുഷ്ടിയുടെ രഹസ്യം, യുവജനങ്ങൾ ചോദിക്കുന്ന ചോദ്യങ്ങളും പ്രായോഗികമായ ഉത്തരങ്ങളും എന്നിവയിൽ ഏതെങ്കിലും സമർപ്പിക്കാവുന്നതാണ്‌. ഫെബ്രുവരി: യഹോവയോട്‌ അടുത്തു ചെല്ലുവിൻ. ഈ പ്രസിദ്ധീകരണം ലഭ്യമല്ലെങ്കിൽ ജീവൻ—അത്‌ ഇവിടെ എങ്ങനെ വന്നു? പരിണാമത്താലോ സൃഷ്ടിയാലോ? എന്ന പുസ്‌തകമോ അല്ലെങ്കിൽ വെളിപാട്‌—അതിന്റെ മഹത്തായ പാരമ്യം സമീപിച്ചിരിക്കുന്നു! എന്ന പുസ്‌തകമോ സമർപ്പിക്കാവുന്നതാണ്‌. മാർച്ച്‌: നിത്യജീവനിലേക്കു നയിക്കുന്ന പരിജ്ഞാനം. ഭവന ബൈബിളധ്യയനങ്ങൾ ആരംഭിക്കുന്നതിന്‌ പ്രത്യേക ശ്രമം നടത്തുന്നതായിരിക്കും. ആളുകൾക്കു മുന്നമേ ഈ പ്രസിദ്ധീകരണം ലഭിച്ചിട്ടുണ്ടെങ്കിൽ ദാനീയേൽ പ്രവചനത്തിനു ശ്രദ്ധ കൊടുപ്പിൻ! സമർപ്പിക്കാവുന്നതാണ്‌. ഏപ്രിൽ: വീക്ഷാഗോപുരത്തിന്റെയും ഉണരുക!യുടെയും ഒറ്റ പ്രതികൾ വിശേഷവത്‌കരിക്കുക. താത്‌പര്യക്കാർക്ക്‌ മടക്കസന്ദർശനം നടത്തുമ്പോൾ സ്‌മാരകത്തിലോ മറ്റു ദിവ്യാധിപത്യ കൂടിവരവുകളിലോ സംബന്ധിച്ചിട്ടുള്ളവരും എന്നാൽ സംഘടനയോട്‌ സജീവമായി സഹവസിക്കുന്നില്ലാത്തവരുമായ ആളുകളെ ഉൾപ്പെടുത്തുക. ദൈവത്തെ ആരാധിക്കുക പുസ്‌തകം സമർപ്പിക്കുന്നതിൽ ശ്രദ്ധ കേന്ദ്രീകരിക്കുക. ഒരു ബൈബിളധ്യയനം ആരംഭിക്കാൻ ശുഷ്‌കാന്തിയോടെ പരിശ്രമിക്കുക, വിശേഷിച്ചും പരിജ്ഞാനം പുസ്‌തകവും ആവശ്യം ലഘുപത്രികയും പഠിച്ചുകഴിഞ്ഞവർക്ക്‌.
◼ 2004 മാർച്ച്‌ 15-ന്‌ ആരംഭിക്കുന്ന വാരംമുതൽ സഭാപുസ്‌തകാധ്യയനത്തിൽ യഹോവയോട്‌ അടുത്തു ചെല്ലുവിൻ എന്ന പുസ്‌തകം പഠിക്കുന്നതായിരിക്കും. ഈ പ്രസിദ്ധീകരണം ഇപ്പോൾ ഇംഗ്ലീഷ്‌, കന്നഡ, തമിഴ്‌, തെലുങ്ക്‌, പഞ്ചാബി, ബംഗാളി, മലയാളം, ഹിന്ദി എന്നീ ഭാഷകളിൽ ലഭ്യമാണ്‌. സഭാ പുസ്‌തകാധ്യയനത്തിന്‌ ഇതിന്റെ പ്രതികൾ ആവശ്യമുണ്ടെങ്കിൽ ദയവായി നിങ്ങളുടെ ഓർഡർ പെട്ടെന്നുതന്നെ അയയ്‌ക്കുക.
◼ ഈ വർഷം ഏപ്രിൽ 4 ഞായറാഴ്‌ച സൂര്യാസ്‌തമയശേഷം സ്‌മാരകം ആചരിക്കാൻ സഭകൾ സൗകര്യപ്രദമായ ക്രമീകരണങ്ങൾ ചെയ്യണം. പ്രസംഗം നേരത്തേ തുടങ്ങാമെങ്കിലും സ്‌മാരക ചിഹ്നങ്ങളുടെ വിതരണം സൂര്യാസ്‌തമയത്തിനു ശേഷമേ തുടങ്ങാവൂ. നിങ്ങളുടെ പ്രദേശത്തെ സൂര്യാസ്‌തമയം എപ്പോഴാണെന്നു നിശ്ചയപ്പെടുത്താൻ പ്രാദേശിക ഉറവിടങ്ങളുമായി ബന്ധപ്പെടുക. വയൽസേവന യോഗമൊഴികെ യാതൊരു യോഗവും അന്നു നടത്തരുതാത്തതുകൊണ്ട്‌, വീക്ഷാഗോപുര അധ്യയനം മറ്റൊരു സമയത്തു നടത്താൻ ഉചിതമായ ക്രമീകരണങ്ങൾ ചെയ്യേണ്ടതാണ്‌. സർക്കിട്ട്‌ മേൽവിചാരകന്മാർ ആ വാരത്തേക്കുള്ള യോഗപട്ടിക പ്രാദേശിക സാഹചര്യങ്ങൾക്കനുസരിച്ച്‌ ക്രമീകരിക്കേണ്ടതുണ്ടായിരിക്കും. ഓരോ സഭയും സ്വന്തമായി സ്‌മാരകാചരണം നടത്തുന്നതാണ്‌ അഭികാമ്യമെങ്കിലും എല്ലായ്‌പോഴും അതു സാധിക്കണമെന്നില്ല. സാധാരണമായി പല സഭകൾ ഒരേ രാജ്യഹാൾ ഉപയോഗിക്കുന്നിടത്ത്‌ ഒരുപക്ഷേ ഒന്നോ അതിലധികമോ സഭകൾക്ക്‌ സ്‌മാരകാചരണത്തിനായി മറ്റൊരു സ്ഥലം ഉപയോഗിക്കാൻ ക്രമീകരിക്കാവുന്നതാണ്‌. ഒരു ഹാളിൽ ഒന്നിലധികം സ്‌മാരകാചരണം നടക്കുമ്പോൾ സാധ്യമെങ്കിൽ പരിപാടികൾക്കിടയിൽ 40 മിനിട്ടെങ്കിലും ഉണ്ടായിരിക്കാൻ നിർദേശിക്കുന്നു. കൂടിവരുന്ന എല്ലാവർക്കും ആ അവസരത്തിൽനിന്നു പൂർണപ്രയോജനം നേടാൻ കഴിയേണ്ടതിനാണ്‌ ഇത്‌. വാഹനങ്ങൾ പാർക്ക്‌ചെയ്യുമ്പോഴും യാത്രക്കാരെ കയറ്റുകയും ഇറക്കുകയും മറ്റും ചെയ്യുമ്പോഴും ഗതാഗത തടസ്സം സൃഷ്ടിക്കാതിരിക്കാൻ പ്രത്യേകം ശ്രദ്ധിക്കേണ്ടതാണ്‌. പ്രാദേശികമായി ഏതു ക്രമീകരണങ്ങളാണ്‌ ഏറ്റവും ഉചിതമെന്നു മൂപ്പന്മാരുടെ സംഘം തീരുമാനിക്കണം.
◼ ലഭ്യമായ പുതിയ പ്രസിദ്ധീകരണങ്ങൾ:
മഹാനായ അധ്യാപകനിൽനിന്നു പഠിക്കുക —ഇംഗ്ലീഷ്‌, തമിഴ്‌
യഹോവയോട്‌ അടുത്തു ചെല്ലുവിൻ —കന്നഡ, തമിഴ്‌, തെലുങ്ക്‌, പഞ്ചാബി, ബംഗാളി, മലയാളം, ഹിന്ദി
കാണ്മിൻ! ആ ‘നല്ല ദേശം’ —ഇംഗ്ലീഷ്‌, കന്നഡ, തമിഴ്‌, തെലുങ്ക്‌, മലയാളം, ഹിന്ദി
യഹോവയ്‌ക്കു സ്‌തുതിഗീതങ്ങൾ പാടുക (ചെറിയ പാട്ടുപുസ്‌തകം) —കന്നഡ
യഹോവയ്‌ക്കു സ്‌തുതിഗീതങ്ങൾ പാടുക (29 ഗീതങ്ങൾ) —നേപ്പാളി
ഈ ലോകം അതിജീവിക്കുമോ? (ലഘുലേഖ നമ്പർ 19) —അസമിയ
വിഷാദമഗ്നർക്ക്‌ ആശ്വാസം (ലഘുലേഖ നമ്പർ 20) —അസമിയ
കുടുംബജീവിതം ആസ്വദിക്കുക (ലഘുലേഖ നമ്പർ 21) —അസമിയ
ആർ യഥാർത്ഥത്തിൽ ഈ ലോകത്തെ ഭരിക്കുന്നു? (ലഘുലേഖ നമ്പർ 22) —അസമിയ
◼ വീണ്ടും ലഭ്യമായ പ്രസിദ്ധീകരണങ്ങൾ:
നിത്യജീവനിലേക്കു നയിക്കുന്ന പരിജ്ഞാനം —ഗുജറാത്തി
ചർച്ചയ്‌ക്കുവേണ്ടിയുള്ള ബൈബിൾ വിഷയങ്ങൾ —നേപ്പാളി
യഹോവയ്‌ക്കു സ്‌തുതിഗീതങ്ങൾ പാടുക (29 ഗീതങ്ങൾ) —തെലുങ്ക്‌
സമാധാനപൂർണ്ണമായ ഒരു പുതിയ ലോകത്തിലെ ജീവിതം (ലഘുലേഖ നമ്പർ 15) — കന്നഡ, ഗുജറാത്തി, ഡസോങ്ക, തമിഴ്‌, നേപ്പാളി, പഞ്ചാബി, ബംഗാളി, മറാഠി, മിസോ, ഹിന്ദി
മരിച്ച പ്രിയപ്പെട്ടവർക്ക്‌ എന്തു പ്രത്യാശ? (ലഘുലേഖ നമ്പർ 16) —കന്നഡ, കൊങ്കണി (കാനറീസ്‌, റോമൻ), മിസോ
ഈ ലോകം അതിജീവിക്കുമോ? (ലഘുലേഖ നമ്പർ 19) —ഗുജറാത്തി, തമിഴ്‌, ബംഗാളി, മറാഠി, ഹിന്ദി
നിങ്ങൾക്ക്‌ ഒരു അമർത്യ ആത്മാവ്‌ ഉണ്ടോ? (ലഘുലേഖ നമ്പർ 25) —മിസോ