നിങ്ങൾക്കുള്ള “ആത്മീയ​സ​മ്മാ​നം” ഉപയോ​ഗി​ക്കു​ക

സഹോ​ദ​ര​ങ്ങ​ളു​ടെ കൂടെ ആയിരി​ക്കു​മ്പോൾ നമുക്കു പരസ്‌പരം പ്രോ​ത്സാ​ഹനം കിട്ടുന്നു. എന്നാൽ സഹോ​ദ​ര​ങ്ങ​ളോ​ടൊ​പ്പം ആയിരി​ക്കു​ന്ന​തു​കൊണ്ട്‌ മാത്രം അതു ലഭിക്കില്ല. പരസ്‌പരം വിശ്വാ​സം ബലപ്പെ​ടു​ത്താ​നുള്ള നമ്മുടെ കഴിവി​നെ “ആത്മീയ​സ​മ്മാ​നം” എന്നാണ്‌ ബൈബിൾ വിളി​ക്കു​ന്നത്‌. (റോമ. 1:11, 12) ആ സമ്മാനം നമുക്ക്‌ എങ്ങനെ ഏറ്റവും നന്നായി ഉപയോ​ഗി​ക്കാം?

വാക്കു​ക​ളി​ലൂ​ടെ പ്രോ​ത്സാ​ഹി​പ്പി​ക്കുക. ഉദാഹ​ര​ണ​ത്തിന്‌ മീറ്റി​ങ്ങു​ക​ളിൽ അഭി​പ്രാ​യം പറയു​മ്പോൾ, നമ്മുടെ ചിന്തക​ളെ​ക്കു​റി​ച്ചും ജീവി​ത​ത്തെ​ക്കു​റി​ച്ചും ഒരുപാ​ടു പറയു​ന്ന​തി​നു പകരം, യഹോ​വ​യിൽനി​ന്നും ദൈവ​വ​ച​ന​ത്തിൽനി​ന്നും ദൈവ​ജ​ന​ത്തിൽനി​ന്നും പഠിച്ച കാര്യ​ങ്ങ​ളെ​ക്കു​റിച്ച്‌ പറയുക. ഇനി, സഹോ​ദ​ര​ങ്ങ​ളോ​ടു സംസാ​രി​ക്കു​മ്പോൾ അവരുടെ വിശ്വാ​സം ബലപ്പെ​ടു​ത്തുന്ന വിഷയങ്ങൾ തിര​ഞ്ഞെ​ടു​ക്കുക.

തീരു​മാ​ന​ങ്ങ​ളി​ലൂ​ടെ​യും പ്രവൃ​ത്തി​ക​ളി​ലൂ​ടെ​യും പ്രോ​ത്സാ​ഹി​പ്പി​ക്കുക. ഉദാഹ​ര​ണ​ത്തിന്‌, വ്യക്തി​പ​ര​മായ പല പ്രശ്‌ന​ങ്ങ​ളു​ണ്ടെ​ങ്കി​ലും ചിലർ മുഴു​സ​മ​യ​സേ​വ​ന​ത്തിൽ തുടരാൻ തീരു​മാ​നി​ച്ചി​രി​ക്കു​ന്നു. മറ്റു ചിലർ ജോലി​യു​ടെ ക്ഷീണമോ ഗുരു​ത​ര​മായ ആരോ​ഗ്യ​പ്ര​ശ്‌ന​ങ്ങ​ളോ ഒക്കെ ഉണ്ടായി​ട്ടും ഇടദി​വ​സത്തെ മീറ്റി​ങ്ങിൽ ക്രമമാ​യി പങ്കെടു​ക്കു​ന്നു.

വാക്കു​ക​ളി​ലൂ​ടെ​യും പ്രവൃ​ത്തി​ക​ളി​ലൂ​ടെ​യും നിങ്ങൾ സഹോ​ദ​ര​ങ്ങളെ പ്രോ​ത്സാ​ഹി​പ്പി​ക്കാ​റു​ണ്ടോ? നിങ്ങളെ പ്രോ​ത്സാ​ഹി​പ്പി​ക്കാ​നാ​യി അവർ തരുന്ന ആത്മീയ​സ​മ്മാ​നങ്ങൾ നിങ്ങൾ തിരി​ച്ച​റി​യാ​റു​ണ്ടോ?