യോഹന്നാൻ
പഠനക്കുറിപ്പുകൾ—അധ്യായം 16
പുണ്യപ്രവൃത്തി: അക്ഷ. “വിശുദ്ധസേവനം.” ഇവിടെ ഉപയോഗിച്ചിരിക്കുന്ന ലാറ്റ്രിയ എന്ന ഗ്രീക്കുപദം ഒരു ആരാധനാപ്രവൃത്തിയെ സൂചിപ്പിക്കുന്ന പദമാണ്‌. ക്രിസ്‌തീയ ഗ്രീക്കുതിരുവെഴുത്തുകളിൽ ഈ നാമപദം ദൈവത്തെ സേവിക്കുന്നതുമായി ബന്ധപ്പെട്ട്‌ മാത്രമേ ഉപയോഗിച്ചിട്ടുള്ളൂ. (റോമ 9:4; 12:1; എബ്ര 9:1, 6) ഇതിനോടു ബന്ധമുള്ള ലാറ്റ്രിയോ എന്ന ഗ്രീക്കുക്രിയാപദത്തെക്കുറിച്ച്‌ മനസ്സിലാക്കാൻ ലൂക്ക 1:75-ന്റെ പഠനക്കുറിപ്പു കാണുക.
സഹായി: യോഹ 14:16-ന്റെ പഠനക്കുറിപ്പു കാണുക.
അവൻ: 13, 14 വാക്യങ്ങളിൽ “അവൻ” എന്നു പറഞ്ഞിരിക്കുന്നതു യോഹ 16:7-ലെ സഹായിയെക്കുറിച്ചാണ്‌. “സഹായി” (ഗ്രീക്കിൽ ഇതു പുല്ലിംഗമാണ്‌.) എന്നു പറഞ്ഞപ്പോൾ ആളത്വമില്ലാത്ത ശക്തിയായ പരിശുദ്ധാത്മാവിന്‌ (ഗ്രീക്കിൽ ഇതു നപുംസകലിംഗമാണ്‌.) ആളത്വം കല്‌പിച്ച്‌ സംസാരിക്കുകയായിരുന്നു യേശു.—യോഹ 14:16-ന്റെ പഠനക്കുറിപ്പു കാണുക.