അഗസ്റ്റസ്‌ സീസർ

റോമൻ സാമ്രാ​ജ്യ​ത്തി​ന്റെ ആദ്യത്തെ ചക്രവർത്തി​യാ​യി​രു​ന്നു ഒക്ടേവി​യസ്‌. അദ്ദേഹ​ത്തി​ന്റെ മുഴുവൻ പേര്‌ ഗയസ്‌ ജൂലി​യസ്‌ സീസർ ഒക്ടേവി​യാ​നസ്‌ (ഒക്ടേവി​യസ്‌ അഥവാ ഒക്ടേവി​യൻ) എന്നായി​രു​ന്നു. ബി.സി. 44-ൽ വധിക്ക​പ്പെട്ട റോമൻ ഏകാധി​പ​തി​യായ ജൂലി​യസ്‌ സീസറി​ന്റെ ദത്തുപു​ത്ര​നാ​യി​രു​ന്നു ഇദ്ദേഹം. ബി.സി. 31 സെപ്‌റ്റം​ബ​റിൽ ഒക്ടേവി​യസ്‌ റോമൻ സാമ്രാ​ജ്യ​ത്തി​ന്റെ അനി​ഷേ​ധ്യ​നേ​താ​വാ​യി. ബി.സി. 27 ജനുവരി 16-ന്‌ റോമൻ ഭരണസ​മി​തി അദ്ദേഹ​ത്തിന്‌ അഗസ്റ്റസ്‌ എന്ന സ്ഥാന​പ്പേര്‌ നൽകി. റോമൻ സാമ്രാ​ജ്യ​ത്തി​ലുള്ള എല്ലാവ​രും ‘അവരവ​രു​ടെ നഗരങ്ങ​ളിൽ’ പേര്‌ രേഖ​പ്പെ​ടു​ത്ത​ണ​മെന്ന്‌ ബി.സി. 2-ൽ അഗസ്റ്റസ്‌ ഉത്തരവി​റക്കി. (ലൂക്ക 2:1-7) യേശു ബേത്ത്‌ലെ​ഹെ​മിൽ ജനിക്കു​മെന്ന ബൈബിൾപ്ര​വ​ചനം നിറ​വേ​റാൻ ആ ഉത്തരവ്‌ വഴി​യൊ​രു​ക്കു​ക​യും ചെയ്‌തു. (ദാനി 11:20; മീഖ 5:2) എ.ഡി. 14 ആഗസ്റ്റ്‌ 17-ാം തീയതി (ജൂലിയൻ കലണ്ടറ​നു​സ​രിച്ച്‌ ആഗസ്റ്റ്‌ 19) അഗസ്റ്റസ്‌ അന്തരിച്ചു. അദ്ദേഹം സ്വന്തം പേര്‌ നൽകിയ മാസം​ത​ന്നെ​യാ​യി​രു​ന്നു ആ സംഭവം. ഈ ഫോ​ട്ടോ​യിൽ കാണി​ച്ചി​രി​ക്കുന്ന വെങ്കല​പ്ര​തിമ ബി.സി. 27-നും 25-നും ഇടയ്‌ക്കുള്ള കാല​ത്തേ​താണ്‌. അത്‌ ഇപ്പോൾ ബ്രിട്ടീഷ്‌ മ്യൂസി​യ​ത്തിൽ സൂക്ഷി​ച്ചി​രി​ക്കു​ന്നു.