നിങ്ങളു​ടെ വായന മെച്ച​പ്പെ​ടു​ത്തുക—നിങ്ങൾക്ക്‌ അതിന്‌ കഴിയും!

നല്ല വായനക്ക്‌ സൂത്ര​പ്പ​ണി​ക​ളൊ​ന്നും ഇല്ലെന്ന്‌ സമ്മതി​ക്കു​ന്നു. എന്നിരു​ന്നാ​ലും നിങ്ങൾക്ക്‌ വായി​ക്കാൻ കഴിയു​മെ​ങ്കിൽ നിങ്ങൾക്ക്‌ നന്നായി വായി​ക്കാ​നും കഴിയും! നിരന്തരം വായി​ക്കാ​തെ നമുക്ക്‌ നന്നായി വായി​ക്കാ​മെന്ന്‌ പ്രതീ​ക്ഷി​ക്കാൻ കഴിയില്ല. ഒരു ദിവസ​ത്തിൽ അരമണി​ക്കൂ​റെ​ങ്കി​ലും—സാദ്ധ്യ​മെ​ങ്കിൽ അതിലു​മ​ധി​കം—ഈ ഉദ്ദേശ്യ​ത്തി​നാ​യി നീക്കി​വെച്ചേ തീരൂ.

വിവേ​ച​നാ​ശേഷി ഉണ്ടായി​രി​ക്കേ​ണ്ട​തി​ന്റെ ആവശ്യം

നിങ്ങൾ എന്തു വായി​ക്കു​ന്നു എന്നതിൽ വിവേ​ച​ന​യു​ള്ള​വ​രാ​യി​രി​ക്കുക. നിങ്ങൾക്ക്‌ പരിചി​ത​മായ വാക്കുകൾ ഉള്ളതും സാങ്കേ​തി​ക​മ​ല്ലാ​ത്ത​തു​മായ വിഷയം തെര​ഞ്ഞെ​ടു​ക്കുക. അതിനു​ശേഷം ക്രമത്തിൽ നിങ്ങളു​ടെ പദസഞ്ചയം വർദ്ധി​പ്പി​ക്കുന്ന വിഷയം തെര​ഞ്ഞെ​ടു​ക്കുക.

മറ്റൊ​രർത്ഥ​ത്തി​ലും വിവേ​ച​ന​യു​ള്ള​വ​രാ​യി​രി​ക്കുക, കാരണം എല്ലാ സാഹി​ത്യ​വും പരിപു​ഷ്ടി​പ്പെ​ടു​ത്തു​ന്ന​തും മനസ്സിന്‌ ഉൻമേഷം നൽകു​ന്ന​തും അല്ല. ജ്ഞാനി​യായ ഒരു മനുഷ്യൻ ഒരിക്കൽ ഇപ്രകാ​രം പറഞ്ഞു: “നിരവധി പുസ്‌ത​കങ്ങൾ ഉണ്ടാക്കു​ന്ന​തിന്‌ അവസാനം ഇല്ല, അവയോട്‌ അധികം അഭിനി​വേശം കാണി​ക്കു​ന്നത്‌ ശരീര​ത്തിന്‌ ക്ഷീണമാണ്‌.” (സഭാ​പ്ര​സം​ഗി 12:12) പ്രസി​ദ്ധീ​ക​ര​ണങ്ങൾ ഇന്ന്‌ ധാരാളം ഉണ്ട്‌, പലതും ആരോ​ഗ്യാ​വ​ഹ​മായ വായന പ്രദാനം ചെയ്യുന്നു. നിങ്ങൾക്ക്‌ ധാർമ്മി​ക​മാ​യും ആത്മീയ​മാ​യും ഏറ്റവു​മ​ധി​കം പ്രയോ​ജനം ചെയ്യു​ന്നത്‌ തെര​ഞ്ഞെ​ടു​ക്കുക. സദൃശ​വാ​ക്യ​ങ്ങൾ എന്ന ബൈബിൾ പുസ്‌ത​ക​ത്തിൽ 13-ാം അദ്ധ്യായം 20-ാം വാക്യം ഇപ്രകാ​രം പ്രസ്‌താ​വി​ക്കു​ന്നു: “ജ്ഞാനി​ക​ളോ​ടു​കൂ​ടെ നടക്കു​ന്നവൻ ജ്ഞാനി​യാ​യി​ത്തീ​രും, എന്നാൽ ഭോഷൻമാർക്ക്‌ കൂട്ടാ​ളി​യാ​യ​വന്‌ ദോഷം ഭവിക്കും.” ഒരുവന്റെ കൂട്ടു​കെ​ട്ടി​ന്റെ സംഗതി​യിൽ തെര​ഞ്ഞെ​ടു​പ്പു നടത്തേ​ണ്ട​തു​പോ​ലെ​തന്നെ വായി​ക്കുന്ന കാര്യ​ങ്ങ​ളി​ലും തെര​ഞ്ഞെ​ടുപ്പ്‌ നടത്തു​ന്ന​തിൽ ഈ തത്വം ബാധക​മാ​കു​ന്നു.

വായനാ​ശീ​ല​ങ്ങ​ളിൽ ഒരു മാറ്റം

സ്‌പഷ്ട​മാ​യും നമുക്ക്‌ ജീവി​ത​ത്തി​ലെ മറ്റു പല കാര്യ​ങ്ങ​ളേ​യും പോലെ വായനാ വൈദ​ഗ്‌ധ്യം വികസി​പ്പി​ച്ചെ​ടു​ക്കാ​വു​ന്ന​താണ്‌. പിയാ​നോ വായിച്ച്‌ ശീലി​ക്കാ​തെ ഒരു വ്യക്തിക്ക്‌ ഒരു നല്ല പിയാ​നോ വിദഗ്‌ധ​നാ​യി​ത്തീ​രാൻ കഴിയു​മോ? വളരെ​യ​ധി​കം ടെന്നീസ്‌ കളിക്കാ​തെ ആർക്കെ​ങ്കി​ലും ഒരു നല്ല ടെന്നീസ്‌ കളിക്കാ​രൻ ആയിത്തീ​രാൻ കഴിയു​മോ? ഒരു പിയാ​നോ വിദഗ്‌ധ​നോ ടെന്നീസ്‌ കളിക്കാ​ര​നോ എന്ന നിലയി​ലുള്ള തന്റെ തൊഴി​ലിൽ ഒരു വ്യക്തി ആദ്യകാ​ലത്ത്‌ ചീത്ത ശീലങ്ങൾ വികസി​പ്പി​ക്കു​ന്നെ​ങ്കിൽ അയാൾ അവ തിരു​ത്തി​യേ തീരൂ, അല്ലെങ്കിൽ അവ നിമിത്തം അയാൾ ദുർബ്ബ​ല​നാ​യി കഴി​യേ​ണ്ടി​വ​രും.

വായന സംബന്ധി​ച്ചും ഇത്‌ സത്യമാണ്‌. ചെറു​പ്രാ​യ​ത്തിൽ ഒരു വിദ്യാർത്ഥി മോശ​മായ വായനാ​ശീ​ലങ്ങൾ വികസി​പ്പി​ക്കു​ന്നെ​ങ്കിൽ അയാൾ തന്നെത്തന്നെ ദുർബ്ബ​ല​നാ​ക്കു​ന്നു. തൽഫല​മാ​യി, വളരെ പരിമി​ത​മായ വായനാ പ്രാപ്‌തി​ക​ളോ​ടെ അയാൾ ജീവി​ത​ത്തി​ലു​ട​നീ​ളം അച്ചടിച്ച താളു​മാ​യി മല്ലി​ടേ​ണ്ട​താ​യി വരും. അയാൾക്ക്‌ പ്രായം ചെല്ലു​മ​ള​വിൽ ചീത്ത വായനാ​ശീ​ലങ്ങൾ ഒഴിവാ​ക്കു​ന്നത്‌ കൂടുതൽ പ്രയാ​സ​ക​ര​മാ​യി​ത്തീ​രും. എന്നാൽ ഒരു വ്യക്തി ശ്രമം ചെയ്യാൻ മനസ്സു​ള്ള​വ​നാ​ണെ​ങ്കിൽ ഇതു ചെയ്യാൻ കഴിയും! ഈ ശീലങ്ങ​ളിൽ ചിലത്‌ നമുക്ക്‌ പരിചി​ന്തി​ച്ചു​നോ​ക്കാം.

വായന​യിൽ ഉൾപ്പെ​ട്ടി​രി​ക്കുന്ന ആദ്യത്തെ ശാരീ​രിക വശം കണ്ണിന്റെ ചലനമാണ്‌. അച്ചടിച്ച ഒരു വാചകം വായി​ക്കു​മ്പോ​ഴെ​ല്ലാം നിങ്ങളു​ടെ കണ്ണുകൾ ഏതാനും നിറു​ത്തു​കൾ വരുത്തു​ന്നു. ഈ നിറു​ത്തു​കൾ പ്രധാ​ന​മാണ്‌, കാരണം അപ്പോൾ മാത്രമേ കണ്ണു വാസ്‌ത​വ​ത്തിൽ കാര്യങ്ങൾ കാണു​ന്നു​ള്ളു. ഈ ഇടവേ​ള​ക​ളിൽ, കണ്ണിൽ പതിഞ്ഞ രൂപം “സാധാരണ ഭാഷയി​ലാ​ക്കു​ന്ന​തിന്‌” തലച്ചോ​റി​ലേക്ക്‌ അയക്ക​പ്പെ​ടു​ന്നു. വായന നിർവ്വ​ഹി​ക്കു​ന്നത്‌ കണ്ണുകളല്ല, തലച്ചോ​റാണ്‌. നിങ്ങളു​ടെ കണ്ണുകൾ തലച്ചോ​റി​ന്റെ ഒരു വിരിവു മാത്ര​മാണ്‌.

മന്ദഗതി​യി​ലു​ള്ള ഒരു വായന​ക്കാ​രൻ മിക്കവാ​റും എല്ലാവാ​ക്കി​നും നിർത്തു​ന്നു. ഇത്‌ തലച്ചോ​റി​ലേക്ക്‌ അയക്കുന്ന സന്ദേശ​ങ്ങളെ പരസ്‌പ​ര​ബ​ന്ധ​മി​ല്ലാ​ത്ത​താ​ക്കു​ന്നു, വായന ഒരു ജോലി​യാ​യി​ത്തീ​രു​ക​യും ചെയ്യുന്നു. കാരണം കണ്ണുകൾ അധിക​ജോ​ലി ചെയ്യു​ക​യും വായി​ക്കു​ന്ന​തിൽ കുറച്ചു​മാ​ത്രം ഓർമ്മി​ക്കു​ക​യും ചെയ്യുന്നു. അതിനു വിരു​ദ്ധ​മാ​യി സമർത്ഥ​രായ വായന​ക്കാർക്ക്‌ ഒരു അച്ചടിച്ച താൾ വായി​ക്കു​മ​ള​വിൽ ഒഴുക്കും താളാ​നു​ഗ​ത​വു​മായ നേത്ര ചലനം ഉണ്ടായി​രി​ക്കും. ഓരോ വരിയി​ലും നിറു​ത്തു​കൾ കുറക്കാൻ അവർ പഠിക്കു​ന്നു. പദസം​ഘാ​തങ്ങൾ വായി​ച്ചു​കൊണ്ട്‌ ഒരു അച്ചടിച്ച താൾ വേഗം വായി​ച്ചു​തീർക്കാ​നും അവരുടെ ഗ്രഹണ​ശക്തി വർദ്ധി​പ്പി​ക്കാ​നും അവർക്ക്‌ കഴിയു​ന്നു.

ഇത്‌ വിഗതി​യു​ടെ പ്രശ്‌നം പൊന്തി​വ​രാ​നി​ട​യാ​ക്കു​ന്നു. വിഗതി​യെ​ന്നാൽ വായിച്ച കാര്യങ്ങൾ തന്നെ പുറ​കോ​ട്ടു​പോ​യി വീണ്ടും വായി​ക്കു​ന്ന​തി​നെ അർത്ഥമാ​ക്കു​ന്നു. വിഗതി​കൾ മിക്കതും ശീലമാണ്‌. ഒരു പ്രത്യേക ആശയം അസ്‌പ​ഷ്ട​മാ​യി​രു​ന്നേ​ക്കാ​വുന്ന സമയങ്ങൾ ഉണ്ടെന്നു​ള്ളത്‌ സത്യം തന്നെ. അപ്പോൾ പുറ​കോട്ട്‌ പോയി വീണ്ടും വായി​ക്കു​ന്നത്‌ അത്യന്താ​പേ​ക്ഷി​ത​മാ​യി​രു​ന്നേ​ക്കാം. എന്നിരു​ന്നാ​ലും വിഗതി​കൾ മിക്കതും യഥാർത്ഥ​ത്തിൽ അനാവ​ശ്യ​മാണ്‌, അത്‌ വായന​ക്കാ​രനെ മന്ദഗതി​യി​ലാ​ക്കു​ക​മാ​ത്രം ചെയ്യുന്നു. സാദ്ധ്യ​മാ​യി​രി​ക്കു​മ്പോ​ഴെ​ല്ലാം വിഗതി ഒഴിവാ​ക്കുക.

നല്ല വായനാ​പു​രോ​ഗ​തി​യെ തടയു​ന്ന​താ​യി അനേകം പ്രാമാ​ണി​കൻമാർ വിശ്വ​സി​ക്കുന്ന മറ്റൊ​രു ശീലം സ്വരോ​ച്ചാ​രണം ആണ്‌. അതായത്‌ വായന​ക്കാ​രൻ ചുണ്ടുകൾ അനക്കി ഓരോ വാക്കും തന്നോ​ടു​തന്നെ പറയു​ന്ന​തു​തന്നെ. അതു​പോ​ലെ, ചിലയാ​ളു​കൾ “മനസ്സിൽ കേട്ടു​കൊണ്ട്‌” നിശബ്ദ​മാ​യി വാക്കുകൾ തങ്ങളോ​ടു​തന്നെ പറയുന്നു. ഇത്‌ താണ-സ്വരോ​ച്ചാ​രണം എന്ന്‌ അറിയ​പ്പെ​ടു​ന്നു. ഇവയിൽ ഏതായി​രു​ന്നാ​ലും നമുക്ക്‌ ഓരോ മിനി​ട്ടി​ലും വായി​ക്കാൻ കഴിയുന്ന വാക്കു​ക​ളു​ടെ എണ്ണം പരിമി​ത​പ്പെ​ടു​ത്തു​ന്നു. കാരണം, നാം വായി​ക്കു​ന്നത്‌ ഫലത്തിൽ നാം സംസാ​രി​ക്കുന്ന അതേ വേഗത​യിൽ ആണ്‌. ഒരു സാധാരണ വ്യക്തി മിനി​ട്ടിൽ ഏതാണ്‌ 125 വാക്കുകൾ സംസാ​രി​ച്ചേ​ക്കാം, അതേസ​മയം സാധാരണ വായനാ​വേഗത മിനി​ട്ടിൽ 230-250 വാക്കു​ക​ളാ​ണെന്ന്‌ രേഖകൾ തെളി​യി​ക്കു​ന്നു.

ഉച്ചരി​ച്ചു​കൊണ്ട്‌ വായി​ക്കു​മ്പോൾ നാം ചെയ്യു​ന്ന​തി​നേ​ക്കാൾ വേഗത്തിൽ വായി​ക്കാൻ കഴിയുന്ന അനേകം കാര്യങ്ങൾ ഉള്ളതു​കൊണ്ട്‌ സ്വരോ​ച്ചാ​രണം ഒരു സാധാരണ ശീലമാ​ക്കാ​തി​രി​ക്കു​ന്നത്‌ നല്ലതാ​യി​രി​ക്കും. സ്വരോ​ച്ചാ​ര​ണ​ത്തി​ലോ താണ-സ്വരോ​ച്ചാ​ര​ണ​ത്തി​ലോ നിങ്ങൾക്ക്‌ കഴിയു​ന്ന​തി​നേ​ക്കാൾ വേഗത്തിൽ വായി​ക്കു​ന്ന​വ​രാ​യി​ത്തീ​രുക. പദക്കൂ​ട്ടങ്ങൾ വായി​ക്കു​ന്ന​തിന്‌ ഒരു ശ്രമം ചെയ്യുക. സ്വരോ​ച്ചാ​ര​ണ​മോ താണ-സ്വരോ​ച്ചാ​ര​ണ​മോ ഗ്രഹണ​ശ​ക്തിക്ക്‌ ഒരു സഹായ​മ​ല്ലെന്ന്‌ ഓർമ്മി​ക്കുക.

എന്നിരു​ന്നാ​ലും വിഗതി​യു​ടെ കാര്യ​ത്തി​ലെ​ന്ന​പോ​ലെ സ്വരോ​ച്ചാ​രണം ഉചിത​മാ​യി​രി​ക്കാ​വുന്ന സന്ദർഭ​ങ്ങ​ളുണ്ട്‌. ഏതെങ്കി​ലും വിഷയ​ങ്ങ​ളിൽ അഗാധ​മാ​യി ധ്യാനി​ക്കാ​നോ അത്‌ ഓർമ്മ​യിൽ നിലനിർത്താ​നോ ഒരാൾ ആഗ്രഹി​ക്കു​ന്നെ​ങ്കിൽ വാക്കുകൾ വീണ്ടും വീണ്ടും ആവർത്തി​ക്കു​ന്നതു മാത്രമല്ല ഒരളവു​വരെ സ്വരോ​ച്ചാ​ര​ണ​വും സഹായ​ക​ര​മാ​യി​രി​ക്കാ​വു​ന്ന​താണ്‌. സാധാ​ര​ണ​ഗ​തി​യിൽ “ഒരു താണസ്വ​ര​ത്തി​ലോ ഉച്ചത്തി​ലോ ആണ്‌ ഇതു ചെയ്യ​പ്പെ​ടു​ന്നത്‌.

രസാവ​ഹ​മാ​യി, പുരാതന യിസ്രാ​യേൽ ജനതയു​ടെ ഒരു നായക​നാ​യി​രുന്ന യോശു​വ​യോട്‌ ഇപ്രകാ​രം കല്‌പി​ച്ചി​രു​ന്നു: “ഈ ന്യായ​പ്ര​മാ​ണ​പു​സ്‌തകം (ദൈവ​ത്തി​ന്റെ) നിന്റെ വായിൽനിന്ന്‌ നീങ്ങി​പ്പോ​ക​രുത്‌. നീ ഒരു താണ സ്വരത്തിൽ രാവും പകലും അതിൽനിന്ന്‌ വായി​ക്കണം”. എന്തു​കൊണ്ട്‌? “അതിൽ എഴുത​പ്പെ​ട്ടി​രി​ക്കു​ന്ന​തെ​ല്ലാ​മ​നുസ​രിച്ച്‌ ചെയ്യാൻ നീ ശ്രദ്ധി​ക്കേ​ണ്ട​തി​നു​തന്നെ; എന്തെന്നാൽ അപ്പോൾ നീ നിന്റെ വഴി വിജയ​പ്ര​ദ​മാ​ക്കു​ക​യും ബുദ്ധി​പൂർവ്വം പ്രവർത്തി​ക്കു​ക​യും ചെയ്യും.” (യോശുവ 1:8) ഒരു താണ സ്വരത്തിൽ (സ്വരോ​ച്ചാ​രണം) “ന്യായ​പ്ര​മാ​ണ​പു​സ്‌തകം” വായി​ക്കു​ന്നത്‌ അത്‌ ഓർമ്മ​യിൽ നിലനിർത്തു​ന്ന​തി​നും അവിടെ വിവരി​ച്ചി​രി​ക്കുന്ന എല്ല ചിന്തക​ളും ശ്രദ്ധാ​പൂർവ്വം ധ്യാനി​ക്കു​ന്ന​തി​നും സഹായ​ക​ര​മാ​യി​രി​ക്കും. അങ്ങനെ, ഒരു ദൈവ​ദാ​സ​നെന്ന നിലയിൽ അവൻ എങ്ങനെ നടക്കണ​മെന്ന്‌ അവനെ നിരന്തരം ഓർമ്മ​പ്പെ​ടു​ത്തു​ന്ന​തിന്‌ ന്യായ​പ്ര​മാ​ണം യോശു​വ​യു​ടെ മുമ്പാകെ ഉണ്ടായി​രി​ക്കു​മാ​യി​രു​ന്നു. അതു​പോ​ലെ​തന്നെ, ഇന്ന്‌ വിശ്വ​സ്‌ത​ക്രി​സ്‌ത്യാ​നി​കൾ ദൈവ​വ​ചനം “ഓർമ്മി​ക്കുന്ന”തിന്റെ​യും അത്‌ ധ്യാനി​ക്കു​ന്ന​തി​ന്റെ​യും ജ്ഞാനം വിലമ​തി​ക്കു​ന്നു, അതു​കൊണ്ട്‌ അവർ അത്‌ നിരന്തരം വായി​ക്കു​ന്നു. —സങ്കീർത്തനം 103:17, 18; സദൃശ​വാ​ക്യ​ങ്ങൾ 4:5 താരത​മ്യ​പ്പെ​ടു​ത്തുക.

നല്ല ഗ്രഹണ​ശേഷി വികസി​പ്പി​ക്കൽ

ഡയഗ്‌നോ​സ്‌റ്റിക്ക്‌ ആൻഡ്‌ റമഡി​യൽ ടീച്ചിംഗ്‌ എന്ന തന്റെ പുസ്‌ത​ക​ത്തിൽ ഗ്ലെൻ മായേ​ഴ്‌സ്‌ ബെയ്‌ളർ ഇപ്രകാ​രം പ്രസ്‌താ​വി​ച്ചു: “വായന മെച്ച​പ്പെ​ടു​ത്തു​ന്ന​തി​നുള്ള എല്ലാ പരിപാ​ടി​ക​ളു​ടെ​യും പ്രാഥ​മി​ക​ല​ക്ഷ്യം കുട്ടി​ക​ളിൽ ഗ്രഹണ​ശേഷി വികസി​പ്പി​ക്കുക എന്നതാണ്‌. മറ്റു​കാ​ര്യ​ങ്ങൾക്ക്‌ പ്രാധാ​ന്യ​ത്തിൽ രണ്ടാം സ്ഥാനമാണ്‌.” അടിസ്ഥാ​ന​പ​ര​മാ​യി, നിങ്ങൾ വായി​ക്കു​ന്നത്‌ ഗ്രഹി​ക്കുക എന്നാൽ അതിന്റെ അർത്ഥം മനസ്സി​ലാ​ക്കുക, അത്‌ വിവേ​ചി​ക്കുക എന്നാണ്‌. വായനയെ വിലയു​ള്ള​തും മൂല്യ​വ​ത്തു​മാ​ക്കു​ന്നത്‌ ഇതാണ്‌.

ന്യു​യോർക്ക്‌ സിറ്റി കോ​ളോ​ജി​ലെ അദ്ധ്യാ​പ​ക​നും വിദ്യാ​ഭ്യാ​സ​വി​ദ​ഗ്‌ദ​നു​മായ റോബർട്ട്‌ റിച്ച്‌ ഇപ്രകാ​രം ശുപാർശ ചെയ്‌തു: “ഗ്രഹണ​ശേ​ഷി​യെ സഹായി​ക്കു​ന്ന​തിന്‌ എല്ലായ്‌പ്പോ​ഴും ഒരു ഉദ്ദേശ്യ​ത്തോ​ടു​കൂ​ടെ വായി​ക്കാൻ പ്രയത്‌നി​ക്കുക. വായി​ക്കാൻ തെര​ഞ്ഞെ​ടുത്ത വിഷയ​ത്തിൽ നിന്ന്‌ നിങ്ങൾ എന്തു ലഭിക്കാൻ ആഗ്രഹി​ക്കു​ന്നു​വെന്ന്‌ മുൻകൂ​ട്ടി നിശ്ചയി​ക്കുക. ഒരു സന്ദർഭ​ത്തിൽ ചില വസ്‌തു​തകൾ ലഭിക്കു​ന്ന​തിന്‌ നിങ്ങൾ വായി​ക്കാൻ ആഗ്രഹി​ച്ചേ​ക്കാം. മറ്റു സമയങ്ങ​ളിൽ നിങ്ങളു​ടെ വായന വിനോ​ദ​ത്തി​നും ഉല്ലാസ​ത്തി​നും വേണ്ടി മാത്ര​മാ​യി​രി​ക്കാം. സംഗതി എന്തുത​ന്നെ​യാ​യി​രു​ന്നാ​ലും, വായി​ക്കേണ്ട വിഷയം എത്ര കട്ടിയു​ള്ള​താ​ണെ​ന്ന​തി​നെ​യും ഉദ്ദേശ്യ​ത്തെ​യും ആശ്രയിച്ച്‌ വായന​യു​ടെ തോത്‌ ക്രമീ​ക​രി​ക്കുക. വായി​ക്കു​മ്പോൾ വിമർശനം നടത്തു​ന്ന​വ​രാ​യി​ത്തീ​രുക. നിങ്ങ​ളോ​ടു​തന്നെ ചോദി​ക്കുക: എഴുത്തു​കാ​രൻ ഇതു പറയു​ന്ന​തെ​ന്തു​കൊണ്ട്‌? അയാളു​ടെ ലക്ഷ്യം എന്തായി​രു​ന്നു? മുഖ്യ ആശയമോ ഖണ്ഡിക​യി​ലെ ചിന്താ​വി​ഷ​യ​മോ വേർതി​രി​ക്കുക. വായന​ക്കാ​ര​നെന്ന നിലയിൽ അത്‌ എന്നെ ബാധി​ക്കു​ന്ന​തെ​ങ്ങനെ? എന്ന്‌ ചോദി​ക്കുക.” അതെ, ഒരു ഉദ്ദേശ്യ​ത്തോ​ടു​കൂ​ടെ വായി​ക്കു​ന്നത്‌ നിങ്ങളു​ടെ ശീലമാ​ക്കി​ത്തീർക്കുക, നിങ്ങൾ വായന ഒരു ഉല്ലാസ​മെന്ന്‌ കണ്ടെത്തു​ന്ന​താ​യി​രി​ക്കും.

നന്നായി വായി​ക്കു​ന്നത്‌ അനേക പ്രയോ​ജ​നങ്ങൾ കൈവ​രു​ത്തു​ന്നു

നിങ്ങൾ ഒരു വിദ്യാർത്ഥി​യോ, ഒരു ഉദ്യോ​ഗ​സ്ഥ​നോ, ഒരു വീട്ടമ്മ​യോ, ഒരു ഓഫീസ്‌ ജീവന​ക്കാ​ര​നോ ഫാക്ടറി ജീവന​ക്കാ​ര​നോ ആരായി​രു​ന്നാ​ലും നല്ല വായനാ​ശീ​ലങ്ങൾ അത്യന്താ​പേ​ക്ഷി​ത​മാണ്‌. നന്നായി വായി​ക്കു​ന്ന​വർക്ക്‌ അനേകം വാതി​ലു​കൾ തുറന്നി​രി​ക്കു​ന്നു.

നല്ല വായന​ക്കാ​ര​നായ ഒരു വിദ്യാർത്ഥി തന്റെ ജോലി​യിൽ കൂടുതൽ മിടുക്കൻ ആയിത്തീ​രു​ന്നു, സ്‌കൂ​ളിൽ കൂടുതൽ കാര്യങ്ങൾ പഠിക്കു​മെ​ന്ന​തി​നും സംശയ​മില്ല. വായന​ക്കും പുനർവാ​യ​ന​ക്കു​മുള്ള നിയമ​ന​ങ്ങ​ളിൽ ചെലവ​ഴി​ക്കുന്ന സമയം അയാൾക്ക്‌ കുറക്കാൻ കഴിയും.

അതു​പോ​ലെ​ത​ന്നെ, ഒരു വ്യാപാ​രി​യോ, ഉദ്യോ​ഗ​സ്ഥ​നോ നല്ല വായനാ ശേഷി​യു​ള്ള​വ​നെ​ങ്കിൽ നീണ്ട റിപ്പോർട്ടു​ക​ളും മറ്റും വിജയ​ക​ര​മാ​യി കൈകാ​ര്യം ചെയ്യാൻ കഴിയും. ക്രമത്തിൽ, ഇത്‌ രോഗി​ക​ളോ​ടോ ഇടപാ​ടു​കാ​രോ​ടോ വ്യക്തി​പ​ര​മായ സമ്പർക്ക​ങ്ങൾക്ക്‌ കൂടുതൽ സമയം നൽകും. മെച്ചപ്പെട്ട വായനാ​പ്രാ​പ്‌തി​കൾ വിപു​ല​മായ വായന​യിൽ ഏർപ്പെ​ടു​ന്ന​തിന്‌ അയാളെ പ്രാപ്‌ത​നാ​ക്കും. ഇത്‌ മറ്റു​ള്ളവർ ചെയ്യുന്ന ജോലി​യും പഠനവും പരീക്ഷ​ണ​ങ്ങ​ളു​മാ​യി നന്നായി പരിച​യ​പ്പെ​ടു​ന്ന​തിന്‌ അയാളെ സഹായി​ക്കും

മെച്ചമായ വായനാ പ്രാപ്‌തി​യി​ലൂ​ടെ നേടുന്ന വർദ്ധിച്ച പരിജ്ഞാ​നം കൊണ്ട്‌ കുടും​ബ​ത്ത​ല​വൻമാർക്ക്‌ അവരുടെ ജോലി വൈദ​ഗ്‌ധ്യ​ങ്ങ​ളും ഉത്തരവാ​ദി​ത്വ​ങ്ങൾ നിർവ്വ​ഹി​ക്കാ​നുള്ള പ്രാപ്‌തി​യും മെച്ച​പ്പെ​ടു​ത്താൻ കഴിയും. മാർഗ്ഗ​രേ​ഖ​ക​ളും വ്യവസ്ഥ​ക​ളും നിർദ്ദേ​ശ​ങ്ങ​ളും വായി​ക്കാ​നുള്ള പ്രാപ്‌തി ലോക​ത്തി​ന്റെ പല ഭാഗത്തും വീട്ടു​കാ​ര്യ​ങ്ങൾ നന്നായി പരിര​ക്ഷി​ക്കാൻ സഹായി​ക്കു​ന്നു. കുടും​ബ​ത്തി​ന്റെ സാമ്പത്തി​ക​വശം കൈകാ​ര്യം ചെയ്യു​മ്പോ​ഴും വായനാ വൈദ​ഗ്‌ധ്യം ഒരു സഹായ​മാണ്‌.

വായന​യി​ലൂ​ടെ കൂടിയ പരിജ്ഞാ​നം സമ്പാദി​ക്കുന്ന വീട്ടമ്മ​മാർക്ക്‌ ഉചിത​മായ പോഷ​ണ​ത്തി​ന്റെ​യും ആരോ​ഗ്യ​ര​ക്ഷ​യു​ടെ​യും രോഗം തടയു​ന്ന​തി​ന്റെ​യും അഥവാ രോഗി​ക​ളാ​യി​ത്തീ​രു​ന്ന​വ​രു​ടെ​യും സംഗതി​യിൽ കുടും​ബത്തെ നന്നായി പരിര​ക്ഷി​ക്കു​ന്ന​തി​നു കഴിയും. നല്ല വായക്കാ​രായ അമ്മമാർക്ക്‌ സ്‌കൂ​ളിൽ പോയി​ത്തു​ട​ങ്ങു​ന്ന​തിന്‌ മുമ്പ്‌ കുട്ടി​കളെ വായി​ക്കാൻ പഠിപ്പി​ക്കു​ന്ന​തിൽ വിജയം ലഭി​ച്ചേ​ക്കാം.—1968, മെയ്‌ 22-ലെ ഉണരുക! 20-2 പേജുകൾ കാണുക.

അതിലും പ്രാധാ​ന്യം അർഹി​ക്കു​ന്ന​താ​യി, നന്നായി വായി​ക്കുന്ന ഒരാൾക്ക്‌ ഈ വ്യവസ്ഥി​തിക്ക്‌ അപ്പുറ​ത്തുള്ള ജീവനി​ലേക്കു നയിക്കുന്ന പരിജ്ഞാ​നം സമ്പാദി​ക്കാൻ കഴിയും. ഇപ്പോ​ഴത്തെ വ്യവസ്ഥി​തി​യു​ടെ സമാപ​നത്തെ സംബന്ധി​ക്കുന്ന ബൈബിൾ പ്രവച​നങ്ങൾ ഇപ്പോൾ നിവൃ​ത്തി​യേ​റി​ക്കൊ​ണ്ടി​രി​ക്കു​ക​യാണ്‌. ഒരു പരദീ​സാ​ഭൂ​മി​യി​ലെ നിത്യ​ജീ​വൻ ആസ്വദി​ക്കു​ന്ന​തി​നുള്ള പ്രതീക്ഷ വെച്ചു​പു​ലർത്തുന്ന എല്ലാവ​രും നമ്മുടെ സ്രഷ്ടാ​വി​നെ​യും അവന്റെ ഉദ്ദേശ്യ​ങ്ങ​ളെ​യും സംബന്ധിച്ച്‌ പരിജ്ഞാ​നം സമ്പാദി​ക്കു​ന്നത്‌ മർമ്മ​പ്ര​ധാ​ന​മാണ്‌. യോഹ​ന്നാൻ 17:3-ൽ യേശു ഇപ്രകാ​രം പ്രസ്‌താ​വി​ച്ചു: “അവർ ഏകസത്യ​ദൈ​വ​മായ നിന്നെ​യും നീ അയച്ച യേശു​ക്രി​സ്‌തു​വി​നെ​യും സംബന്ധി​ച്ചുള്ള പരിജ്ഞാ​നം ഉൾക്കൊ​ള്ളു​ന്ന​തി​ന്റെ അർത്ഥം നിത്യ​ജീ​വൻ എന്നാകു​ന്നു.”

അപ്പോൾ പരിജ്ഞാ​ന​ത്തി​ന്റെ​യും ഉത്തേജ​ന​ത്തി​ന്റെ​യും ഒരു ലോക​ത്തി​ലേക്ക്‌ നയിക്കുന്ന വാതിൽ പ്രവേ​ശി​ക്കാൻ മനുസ്സുള്ള ഏതൊ​രു​വ​നും തുറന്നു കിടക്കു​ന്നു എന്നതിന്‌ യാതൊ​രു സംശയ​വു​മില്ല. അതിന്റെ താക്കോൽ വായന​യാണ്‌. അതെ, നന്നായി വായി​ക്കുക, ആ വാതിൽ എപ്പോ​ഴും നിങ്ങൾക്ക്‌ തുറന്നി​രി​ക്കും! (g85 9/8)

[7-ാം പേജിലെ ചിത്രം]

നിങ്ങൾ വായി​ക്കുന്ന വിഷയ​ങ്ങ​ളിൽ വിവേ​ച​ന​യു​ള്ള​വ​രാ​യി​രി​ക്കുക.