ബൈബി​ളി​ന്റെ വീക്ഷണം

ദശാംശം കൊടു​ക്കൽ—അതിന്റെ ആവശ്യ​മു​ണ്ടോ?

ദക്ഷിണാ​ഫ്രി​ക്ക​യി​ലെ ഒരു അംഗ്ലിക്കൻ ഇടവക​യു​ടെ സെക്ര​ട്ടറി ഉൽക്കണ്‌ഠ​യി​ലാണ്‌.അദ്ദേഹ​ത്തി​ന്റെ സഭ ഒരു സാമ്പത്തിക തകർച്ച​യു​ടെ മദ്ധ്യത്തി​ലാണ്‌. അതു നിമിത്തം അതിന്റെ ശുശ്രൂ​ഷ​കർക്ക്‌ ശമ്പളം കൊടു​ക്കാ​നും പ്രയാ​സ​മാണ്‌. അദ്ദേഹ​ത്തി​ന്റെ പ്രതി​വി​ധി ഇതാണ്‌. ഇടവകാം​ഗ​ങ്ങ​ളോട്‌ ദശാംശം കൊടു​ക്കാൻ ഊന്നി​പ്പ​റ​യുക.

എന്നാൽ ദശാംശം എന്നു പറഞ്ഞാൽ എന്താണ്‌? ചിലർ പറയുന്ന പ്രകാരം, മതപര​മായ ഉദ്ദേശ്യ​ങ്ങൾക്കു​വേണ്ടി “നിങ്ങൾക്കു ലഭിക്കു​ന്ന​തി​ന്റെ​യെ​ല്ലാം പത്തി​ലൊ​രു ഭാഗം” നൽകു​ന്ന​താണ്‌. ഒരോ മതത്തി​ലും ദശാംശം കണക്കാ​ക്കുന്ന രീതി വ്യത്യ​സ്‌ത​മാ​ണെ​ങ്കി​ലും ദശാം​ശ​ത്തിന്‌ ഊന്നൽ കൊടു​ക്കേ​ണ്ട​തി​ന്റെ ആവശ്യം പല ശുശ്രൂ​ഷ​ക​രും കാണു​ന്നുണ്ട്‌. “നാം ദശാം​ശ​ത്തിന്‌ കൂടുതൽ ഊന്നൽ നൽകാ​ത്തത്‌ വലി​യോ​രു പരാധീ​ന​ത​യാണ്‌” എന്ന്‌ ആഫ്രി​ക്ക​യി​ലെ ഒരു കത്തോ​ലി​ക്കാ പുരോ​ഹി​തൻ പറയു​ക​യു​ണ്ടാ​യി. ദൈവ​ത്തോ​ടു​കൂ​ടെ ഒരു പങ്കാളി​യാ​യി​ത്തീർന്നു​കൊണ്ട്‌ ദാരി​ദ്ര്യം ഒഴിവാ​ക്കേണ്ട വിധം സംബന്ധിച്ച ഒരു മാസി​ക​യി​ലെ ലേഖന​ത്തിൽ ലോക​വ്യാ​പ​ക​ദൈ​വസഭ ഇങ്ങനെ പറഞ്ഞു: “ദൈവ​വു​മാ​യുള്ള നിങ്ങളു​ടെ ബന്ധത്തിന്‌ തുടക്ക​മി​ടാൻ, നിങ്ങൾ ആദ്യം​തന്നെ ദശാംശം കൊടു​ക്കു​ന്നതു സംബന്ധിച്ച ദൈവ​നി​യമം അനുസ​രി​ക്കേ​ണ്ട​തുണ്ട്‌.” അനുസ​രി​ക്കാ​ത്തവർ “ദൈവ​ത്തിൽനിന്ന്‌ മോഷ്ടി​ക്കു​ക​യാണ്‌” എന്ന്‌ ലേഖനം തുടർന്നു പറഞ്ഞു.

എന്നാൽ ദശാംശം കൊടു​ക്കാൻ ദൈവം നിങ്ങ​ളോട്‌ ആവശ്യ​പ്പെ​ടു​ന്നു​ണ്ടോ? അതു സംബന്ധിച്ച്‌ ബൈബിൾ പറയു​ന്ന​തെ​ന്തെന്ന്‌ തിരി​ച്ച​റി​യു​ന്നത്‌ നിങ്ങളെ അതിശ​യി​പ്പി​ച്ചേ​ക്കാം.

ദശാംശം കൊടു​ക്ക​ലും മോശ​യു​ടെ ന്യായ​പ്ര​മാ​ണ​വും

ദശാംശം കൊടു​ക്കൽ പുരാതന യിസ്രാ​യേൽ ജാതിക്ക്‌ മോശ മുഖാ​ന്തരം ദൈവം നൽകിയ നിയമ​സം​ഹി​ത​യു​ടെ ഭാഗമാ​യി​രു​ന്നു. യിസ്രാ​യേ​ലി​ന്റെ പന്ത്രണ്ട്‌ ഗോ​ത്ര​ങ്ങ​ളോട്‌ 13-ാമത്തെ ഗോ​ത്ര​മായ ലേവ്യരെ പുലർത്താൻ ന്യായ​പ്ര​മാ​ണം ആവശ്യ​പ്പെ​ട്ടി​രു​ന്നു. ഈ പുരോ​ഹിത കുലത്തിന്‌ യാതൊ​രു ദേശവും അവകാ​ശ​മാ​യി ഉണ്ടായി​രു​ന്നില്ല. ഇത്‌ ജനങ്ങളു​ടെ ആത്മീയാ​വ​ശ്യ​ങ്ങ​ളിൽ ശ്രദ്ധ​കേ​ന്ദ്രീ​ക​രി​ക്കാൻ ലേവ്യരെ പ്രാപ്‌ത​രാ​ക്കി. (സംഖ്യാ​പു​സ്‌തകം 18:21-24) യിസ്രാ​യേ​ല്യർ കൃഷി​ക്കാ​രാ​യി​രു​ന്ന​തി​നാൽ പണമായി ദശാംശം നൽകേ​ണ്ടി​രു​ന്നില്ല. പ്രത്യുത, ഇത്‌ ഭൂമി​യി​ലെ ഉല്‌പ​ന്ന​ങ്ങ​ളിൽനി​ന്നും വളർത്തു മൃഗങ്ങ​ളി​ലെ സമൃദ്ധി​യിൽനി​ന്നും വരേണ്ടി​യി​രു​ന്നു. ഉല്‌പ​ന്ന​ത്തിൽ നിന്ന്‌ ദശാംശം കൊടു​ക്കേണ്ട ഒരു യിസ്രാ​യേ​ല്യൻ, അതിനു പകരം പണം നൽകാൻ ആഗ്രഹി​ക്കു​ന്നെ​ങ്കിൽ അയാൾ ഉല്‌പ​ന്ന​ത്തി​ന്റെ വില​യെ​ക്കാൾ 20 ശതമാനം കൂടുതൽ നൽകേ​ണ്ടി​യി​രു​ന്നു.—ലേവ്യ​പു​സ്‌തകം 27:30-33.

ദശാംശം സംബന്ധിച്ച ദൈവ​ക​ല്‌പന ഗൗരവ​മായ ഒരു സംഗതി​യാ​യി​രു​ന്നു. ഒരു യിസ്രാ​യേ​ല്യൻ താൻ ദശാം​ശ​മാ​യി കൊടു​ക്കേ​ണ്ടത്‌ അബദ്ധവ​ശാൽ സ്വന്തം കാര്യ​ത്തി​നു​വേണ്ടി ഉപയോ​ഗ​പ്പെ​ടു​ത്തു​ന്നെ​ങ്കിൽ, അയാൾ അതിന്‌ പ്രായ​ശ്ചി​ത്തം ചെയ്യേ​ണ്ടി​യി​രു​ന്നു. എങ്ങനെ? മുതലി​നു പുറമേ 20 ശതമാനം നൽകി​ക്കൊ​ണ്ടും തന്റെ തെറ്റിന്‌ ഒരു മൃഗബലി അർപ്പി​ച്ചു​കൊ​ണ്ടും. (ലേവ്യ​പു​സ്‌തകം 5:14-16) എല്ലാ യിസ്രാ​യേ​ല്യർക്കും പൗരോ​ഹി​ത്യ​ത്തിൽ പങ്കുപ​റ്റാൻ കഴിഞ്ഞി​ല്ലെ​ങ്കി​ലും, എല്ലാവർക്കും ദശാം​ശ​ത്തി​ലൂ​ടെ പൗരോ​ഹി​ത്യ​സേ​വ​നത്തെ പിൻതാ​ങ്ങാൻ കഴിയു​മാ​യി​രു​ന്നു. ഇതെല്ലാം ദശാം​ശത്തെ സംബന്ധിച്ച ദൈവ​നി​യ​മ​ത്തിൽ ഉൾപ്പെ​ടു​ത്തി​യി​രു​ന്നു. അതു​കൊണ്ട്‌, അത്‌ പുരാതന ജനത്തിന്റെ സാഹച​ര്യ​ങ്ങൾക്ക്‌ യോജി​ക്കു​ന്ന​താ​യി​രു​ന്നു. എന്നാൽ അത്‌ ഇന്നത്തെ ജനത്തിന്റെ സാഹച​ര്യ​ങ്ങൾക്ക്‌ യോജി​ക്കു​ന്നു​ണ്ടോ? അധികം പ്രധാ​ന​മാ​യി, ദശാംശം കൊടു​ക്കാൻ ക്രിസ്‌ത്യാ​നി​ക​ളോട്‌ ആവശ്യ​പ്പെ​ട്ടി​ട്ടു​ണ്ടോ?

നിയമ​ത്തി​ന്റെ ഒരു മാറ്റം

യേശു​വി​ന്റെ പുനരു​ത്ഥാ​ന​ത്തിന്‌ ചുരുക്കം വർഷങ്ങൾക്കു​ശേഷം പരി​ഛേ​ദ​ന​യേൽക്കാത്ത യഹൂ​ദേ​തരർ ക്രിസ്‌ത്യാ​നി​ത്വ​ത്തി​ലേക്ക്‌ പരിവർത്തനം ചെയ്യ​പ്പെട്ടു. “അവരെ പരി​ഛേദന കഴിപ്പി​ക്ക​യും മോശ​യു​ടെ ന്യായ​പ്ര​മാ​ണം പാലി​ക്കാൻ അവരോട്‌ ആവശ്യ​പ്പെ​ടു​ക​യും വേണം” എന്ന്‌ ചില യഹൂദ​ക്രി​സ്‌ത്യാ​നി​കൾ വാദിച്ചു. (പ്രവർത്തി​കൾ 15:5) മറ്റു​ള്ളവർ അതി​നോട്‌ യോജി​ച്ചില്ല. അതു​കൊണ്ട്‌ യേശു​വി​ന്റെ അപ്പോ​സ്‌ത​ലൻമാ​രും മറ്റ്‌ അനുഭ​വ​സ​മ്പ​ന്ന​രായ ക്രിസ്‌ത്യാ​നി​ക​ളും ഈ പ്രശ്‌നം ചർച്ച ചെയ്യാൻ യരൂശ​ലേ​മിൽ ഒന്നിച്ചു​കൂ​ടി. അവർ ദൈ​വേഷ്ടം തിരി​ച്ച​റി​യാൻ ആഗ്രഹി​ച്ചു. അവർ ദശാംശം ഉൾപ്പെ​ടുന്ന മോ​ശൈക ന്യായ​പ്ര​മാ​ണം പാലി​ക്കാൻ ക്രിസ്‌തു​വി​ന്റെ അനുഗാ​മി​ക​ളോട്‌ ആവശ്യ​പ്പെ​ട്ടോ? യഹൂ​ദേ​ത​ര​രു​മാ​യി​ട്ടുള്ള ദൈവ​ത്തി​ന്റെ ഇടപെ​ട​ലു​ക​ളി​ലെ ഒരു മാറ്റം ചൂണ്ടി​ക്കാ​ണി​ച്ചു​കൊണ്ട്‌ അനുഭ​വങ്ങൾ വിവരി​ക്കു​ക​യു​ണ്ടാ​യി. ഇത്‌ ദൈവ​ത്തി​ന്റെ സ്വന്തം പ്രാവ​ച​നിക വചനത്തിൽനിന്ന്‌ സമർത്ഥി​ക്കു​ക​യും ചെയ്‌തു. (പ്രവൃ​ത്തി​കൾ 15:6-21) തീരു​മാ​നം എന്തായി​രു​ന്നു?

യോഗം ഒരു ഏകകണ്‌ഠ​മാ​യി തീരു​മാ​ന​ത്തി​ലെത്തി. ക്രിസ്‌ത്യാ​നി​കൾ മോശ​യു​ടെ ന്യായ​പ്ര​മാ​ണ​ത്താൽ ഭാര​പ്പെ​ടു​ത്തേ​ണ്ട​വരല്ല. എന്നിരു​ന്നാ​ലും അവർക്ക്‌ ചുരുക്കം ചില “അവശ്യ​സം​ഗ​തി​കൾ” അനുസ​രി​ക്കേ​ണ്ട​താ​യു​ണ്ടാ​യി​രു​ന്നു. ദശാംശം അതിൽ ഒന്നായി​രു​ന്നോ? നിശ്വസ്‌ത തീരു​മാ​നം ഇങ്ങനെ പറയ​പ്പെ​ടു​ന്നു: “വിഗ്ര​ഹ​ങ്ങൾക്ക്‌ ബലിയർപ്പിച്ച വസ്‌തു​ക്ക​ളും രക്തവും ശ്വാസം മുട്ടി​ച്ച​ത്ത​വ​യും ദുർവൃ​ത്തി​യും വർജ്ജി​ക്കു​ന്ന​തിൽ തുടരു​ക​യെന്ന ഈ ആവശ്യ​സം​ഗ​തി​ക​ളൊ​ഴിച്ച്‌ കൂടു​ത​ലായ മറ്റു യാതൊ​രു ഭാരവും നിങ്ങ​ളോ​ടു കൂട്ടാ​തി​രി​ക്കു​ന്ന​തി​നോട്‌ പരിശു​ദ്ധാ​ത്മാ​വും ഞങ്ങൾത​ന്നെ​യും അനുകൂ​ലി​ച്ചി​രി​ക്കു​ന്നു.” (പ്രവൃ​ത്തി​കൾ 15:25, 28, 29) ക്രിസ്‌ത്യാ​നി​കൾക്കു​വേ​ണ്ടി​യുള്ള ഈ “ആവശ്യ​സം​ഗ​തി​കൾ” ദശാം​ശത്തെ സംബന്ധിച്ച ദൈവ​നി​യമം പട്ടിക​പ്പെ​ടു​ത്താ​ത്തത്‌ രസകരം​തന്നെ.

പിന്നീട്‌, അപ്പോ​സ്‌ത​ല​നായ പൗലോസ്‌, യിസ്രാ​യേ​ലു​മാ​യി​ട്ടുള്ള ദൈവ​ത്തി​ന്റെ ന്യായ​പ്ര​മാണ ഉടമ്പടി ക്രിസ്‌തു​വി​ന്റെ മരണത്താൽ റദ്ദാക്കി​യ​താ​യി വിശദീ​ക​രി​ച്ചു. അവൻ ഇപ്രകാ​രം പറഞ്ഞു: “[ദൈവം] കയ്യെഴു​ത്തു പ്രമാണം മായിച്ചു, അത്‌ ദണ്ഡനസ്‌തം​ഭ​ത്തിൽ തറെച്ച്‌ വഴിയിൽനിന്ന്‌ നീക്കി​ക്ക​ളഞ്ഞു.” (കൊ​ലോ​സ്യർ 2:14) ഇതിന്റെ അർത്ഥം ക്രിസ്‌ത്യാ​നി​കൾക്ക്‌ യാതൊ​രു നിയമ​വും ഇല്ല എന്നല്ല. പ്രത്യുത, നിയമ​ത്തിൽ ഒരു മാറ്റം വന്നിരി​ക്കു​ന്നു. അതിൽ ഇപ്പോൾ “ക്രിസ്‌തു​വി​ന്റെ ന്യായ​പ്ര​മാ​ണം” ഉൾപ്പെ​ടു​ന്നു.—ഗലാത്യർ 6:2; എബ്രായർ 7:12.

അപ്പോ​സ്‌ത​ല​നാ​യ പൗലോസ്‌ നിയമ​ത്തി​ന്റെ ഈ മാറ്റ​ത്തി​ന​നു​സ​ര​ണ​മാ​യി ജീവിച്ചു. ഒന്നിനു​പു​റകേ ഒന്നായി സഭകൾ രൂപീ​ക​രി​ക്കു​ന്ന​തിൽ കഠിനാ​ദ്ധ്വാ​നം ചെയ്‌തെ​ങ്കി​ലും, അവൻ ഒരിക്ക​ലും ദശാം​ശ​ത്തി​ന്റെ രൂപത്തിൽ എന്തെങ്കി​ലും പകരം നല്‌കാൻ ആവശ്യ​പ്പെ​ട്ടില്ല. മറിച്ച്‌, ഒരു കൂടാ​ര​പ്പ​ണി​ക്കാ​ര​നാ​യി അംശകാല ജോലി ചെയ്‌തു​കൊണ്ട്‌ അവൻ തന്റെ സ്വന്തം ചെലവ്‌ വഹിക്കാൻ മനസ്സു​ള്ള​വ​നാ​യി​രു​ന്നു. (പ്രവൃ​ത്തി​കൾ 18:3, 4) തികഞ്ഞ ആത്മാർത്ഥ​ത​യോ​ടെ അവന്‌ ഇങ്ങനെ പറയാൻ കഴിഞ്ഞു: “എന്റെയും എന്നോ​ടു​കൂ​ടെ​യു​ള്ള​വ​രു​ടെ​യും ആവശ്യ​ത്തി​നു​വേണ്ടി ഈ കരങ്ങൾ അദ്ധ്വാ​നി​ച്ചി​രി​ക്കു​ന്നു.”—പ്രവൃ​ത്തി​കൾ 20:34.

അങ്ങനെ​യെ​ങ്കിൽ, കൊടു​ക്ക​ലി​ന്റെ സംഗതി​യിൽ എന്തു നിർദ്ദേ​ശ​മാണ്‌ ക്രിസ്‌ത്യാ​നി​കൾക്കു​ള്ളത്‌? നിങ്ങൾ എത്രമാ​ത്രം കൊടു​ക്കണം?

ക്രിസ്‌തീയ കൊടു​ക്കൽ

ഈ ഭൂമി​യിൽ ഏറ്റവും കൂടുതൽ ഔദാ​ര്യം പ്രകട​മാ​ക്കിയ മനുഷ്യൻ യേശു​ക്രി​സ്‌തു​വാണ്‌. അവന്റെ മാതൃക ഔദാ​ര്യ​പൂർവ്വം വർത്തി​ക്കാൻ അനേകരെ പ്രേരി​പ്പി​ച്ചി​ട്ടുണ്ട്‌. അവൻ ഇപ്രകാ​രം പറഞ്ഞു: “കൊടു​ത്തു​കൊ​ണ്ടി​രി​പ്പിൻ; ആളുകൾ നിങ്ങൾക്കു​ത​രും. അവർ അമർത്തി കുലുക്കി കവിയു​ന്നൊ​രു നല്ല അളവ്‌ നിങ്ങളു​ടെ മടിയി​ലേക്ക്‌ തരും. നിങ്ങൾ അളന്നു കൊടു​ക്കുന്ന അളവി​നാൽ അവർ നിങ്ങൾക്ക്‌ തിരിച്ച്‌ അളന്നു തരും.” (ലൂക്കോസ്‌ 6:38) ഈ സംഗതി​യിൽ നിയ​ന്ത്ര​ണ​ങ്ങ​ളു​ണ്ടോ? ഇല്ല. നിർലോ​ഭ​മാ​യി കൊടു​ക്കാൻ ക്രിസ്‌ത്യാ​നി​കൾ പ്രോ​ത്സാ​ഹി​പ്പി​ക്ക​പ്പെ​ട്ടി​രി​ക്കു​ന്നു. സാധി​ക്കു​മെ​ങ്കിൽ, അത്‌ പത്തി​ലൊ​ന്നിൽ അധികം​പോ​ലും ആയിരു​ന്നേ​ക്കാം.—ലൂക്കോസ്‌ 18:22; പ്രവൃ​ത്തി​കൾ 20:35.

വിപരീ​ത​മാ​യി, ഒരു ക്രിസ്‌ത്യാ​നി പെട്ടെന്ന്‌—ഒരുപക്ഷേ അപകട​മോ രോഗ​മോ നിമിത്തം—അടിയ​ന്തി​ര​മാ​യി ചില ചെലവു​കൾ അഭിമു​ഖീ​ക​രി​ച്ചേ​ക്കാം. അത്തരം പരിതഃ​സ്ഥി​തി​യിൽ അയാളു​ടെ ശമ്പളത്തി​ന്റെ പത്തി​ലൊന്ന്‌ കൊടു​ക്കു​ന്നത്‌ തന്റെ കുടും​ബാം​ഗ​ങ്ങ​ളു​ടെ ജീവി​താ​വ​ശ്യ​ങ്ങൾ കവർന്നെ​ടു​ത്തേ​ക്കാം. അത്‌ ക്രിസ്‌ത്യാ​നി​ത്വ​മാ​യി​രി​ക്ക​യില്ല.—മത്തായി 15:5-9; 1 തിമൊ​ഥെ​യോസ്‌ 5:8.

ക്രിസ്‌തീ​യ കൊടു​ക്കൽ സ്വമേ​ധയാ ഉള്ളതാണ്‌. അത്‌ ഓരോ വ്യക്തി​യും വ്യത്യസ്‌ത ജീവിത പശ്ചാത്ത​ല​ങ്ങ​ളി​ലാ​ണെന്ന്‌ പരിഗ​ണി​ക്കു​ന്നു. ബൈബിൾ പറയുന്നു: “ഒന്നാമ​താ​യി മനസ്സൊ​രു​ക്കം ഉണ്ടെങ്കിൽ, ഒരു വ്യക്തിക്ക്‌ ഇല്ലാത്ത​തി​ന​നു​സ​രി​ച്ചല്ല, മറിച്ച്‌ ഒരു വ്യക്തിക്ക്‌ ഉള്ളതി​ന​നു​സ​രിച്ച്‌ കൊടു​ത്താൽ അത്‌ വിശേ​ഷാൽ സ്വീകാ​ര്യ​മാണ്‌.”—2 കൊരി​ന്ത്യർ 8:12.

അങ്ങനെ​യെ​ങ്കിൽ, നിങ്ങൾ എത്രമാ​ത്രം കൊടു​ക്കണം? അത്‌ നിങ്ങൾ സ്വയം നിർണ്ണ​യി​ക്കേണ്ട ഒരു പ്രശ്‌ന​മാണ്‌. നിങ്ങൾ എന്തു​കൊ​ടു​ക്കു​മെന്ന്‌ നിർണ്ണ​യി​ക്കു​ന്നത്‌ ദൈവ​ത്തോ​ടുള്ള നിങ്ങളു​ടെ സ്വന്ത ഹൃദയ​വി​ല​മ​തി​പ്പി​ന്റെ ആഴമാണ്‌. മറിച്ച്‌ പണ്ട്‌ നിശ്ചയി​ച്ചി​രുന്ന ദശാം​ശ​ത്തി​ന്റെ വ്യവസ്ഥയല്ല. ബൈബിൾ പ്രേരി​പ്പി​ക്കു​ന്ന​ത​നു​സ​രിച്ച്‌: “ഓരോ​രു​ത്തൻ താന്താന്റെ ഹൃദയ​ത്തിൽ നിശ്ചയി​ച്ചി​രി​ക്കു​ന്ന​തു​പോ​ലെ ചെയ്യട്ടെ, വെറു​പ്പോ​ടെ​യോ നിർബ്ബ​ന്ധ​ത്തിൻ കീഴി​ലോ അരുത്‌, എന്തു​കൊ​ണ്ടെ​ന്നാൽ സന്തോ​ഷ​ത്തോ​ടെ കൊടു​ക്കുന്ന ഒരുവനെ ദൈവം സ്‌നേ​ഹി​ക്കു​ന്നു.” (2 കൊരി​ന്ത്യർ 9:7) ദശാംശം കൊടു​ക്കൽ യിസ്രാ​യേ​ലി​ന്റെ ആലയവും പൗരോ​ഹി​ത്യ​വും നിലനിർത്താൻ മോ​ശൈക ന്യായ​പ്ര​മാ​ണ​ത്തി​ലെ ഒരു വ്യവസ്ഥ​യാ​യി​രു​ന്നു. ഇന്നത്തെ ക്രിസ്‌ത്യാ​നി​ക​ളോട്‌ ഇത്‌ കല്‌പി​ച്ചി​ട്ടില്ല. അതിന്റെ ആവശ്യ​വു​മൊ​ട്ടില്ല. (g86 12/8)