നിങ്ങളു​ടെ അയൽക്കാ​ര​നു​മാ​യി സമാധാ​നം പുലർത്തു​ക

മറ്റു​ള്ള​വ​രു​മാ​യി സമാധാ​നം പുലർത്തു​ന്ന​തിന്‌ ആദ്യമാ​യി നിങ്ങൾ നിങ്ങ​ളോ​ടു​തന്നെ സമാധാ​ന​ത്തി​ലാ​യി​രി​ക്കേ​ണ്ട​തുണ്ട്‌. “നീ നിന്റെ അയൽക്കാ​രനെ നിന്നേ​പ്പോ​ലെ​തന്നെ സ്‌നേ​ഹി​ക്കണം” എന്നു പറഞ്ഞ​പ്പോ​ഴത്തെ യേശു​ക്രി​സ്‌തു​വി​ന്റെ ആ വാക്കു​ക​ളിൽ നിന്ന്‌ ഇത്‌ വ്യക്തമാണ്‌. (മത്തായി 22:39) നിങ്ങളു​ടെ അയൽക്കാ​രനെ സ്‌നേ​ഹി​ക്കു​ന്ന​തിന്‌ നിങ്ങൾ നിങ്ങ​ളേ​ത്തന്നെ സ്‌നേ​ഹി​ക്കണം. നിങ്ങൾ പൂർണ്ണ​നാ​യ​തു​കൊ​ണ്ടല്ല. നിങ്ങൾ പൂർണ്ണ​ന​ല്ലെന്ന്‌ നിങ്ങൾക്ക​റി​യാം. നിങ്ങൾക്കു കുറവു​ക​ളുണ്ട്‌, നിങ്ങൾ തെറ്റു​കൾ വരുത്തു​ന്നു, കുറ്റ​ബോ​ധം അനുഭ​വി​ക്കു​ന്നു. ഇതെല്ലാം നിങ്ങൾക്ക​റി​യാം. എന്നാൽ നിങ്ങളു​ടെ കുറവു​കൾ സംബന്ധിച്ച്‌ നിങ്ങൾക്കു ഖേദമു​ണ്ടെന്ന്‌ നിങ്ങൾക്ക​റി​യാം. നിങ്ങൾ അവയ്‌ക്കു ക്ഷമ ചോദി​ക്കു​ന്നു. മെച്ചമാ​യി ചെയ്യാൻ തീരു​മാ​നി​ക്കു​ന്നു. ഈ വിധത്തിൽ ഭാരിച്ച കുറ്റ​ബോ​ധ​ങ്ങ​ളിൽ നിന്ന്‌ നിങ്ങ​ളേ​ത്തന്നെ വിമു​ക്ത​രാ​ക്കു​ന്നു.

നമ്മുടെ ഹൃദയ​ത്തി​ന്റെ സമൃദ്ധി​യിൽ നിന്ന്‌ നാം സംസാ​രി​ക്കു​ക​യും പ്രവർത്തി​ക്കു​ക​യും ചെയ്യുന്നു. (മത്തായി 12:34, 35) നമ്മുടെ ഹൃദയങ്ങൾ കുറ്റ​ങ്ങ​ളാ​ലും പ്രത്യാ​രോ​പ​ണ​ങ്ങ​ളാ​ലും നിറഞ്ഞി​രു​ന്നാൽ, അങ്ങനെ​യുള്ള നിഷേ​ധാ​ത്മക വിചാ​രങ്ങൾ സ്‌നേ​ഹ​ര​ഹി​ത​മാ​യി മറ്റു​ള്ള​വ​രി​ലേക്ക്‌ വിക്ഷേ​പി​ക്ക​പ്പെ​ടും. മറ്റു​ള്ള​വരെ സ്‌നേ​ഹി​ക്കു​ന്ന​തിന്‌ നിങ്ങൾക്ക്‌ സ്വമൂ​ല്യ​ത്തി​ന്റെ, ആത്മാഭി​മാ​ന​ത്തി​ന്റെ, കുറെ ബോധ​മു​ണ്ടാ​യി​രി​ക്കണം, നിങ്ങ​ളേ​ത്തന്നെ അംഗീ​ക​രി​ക്കാൻ കഴിയണം. നിങ്ങ​ളെ​ക്കു​റി​ച്ചു​തന്നെ ചിരി​ക്കാൻ പോലും കഴിയണം. ഈ വിധത്തിൽ നിങ്ങ​ളേ​ത്തന്നെ സ്‌നേ​ഹി​ക്കു​മ്പോൾ മറ്റു​ള്ള​വ​രു​മാ​യുള്ള നിങ്ങളു​ടെ ബന്ധങ്ങളെ വ്രണ​പ്പെ​ടു​ത്തു​ന്ന​തിന്‌ നിങ്ങൾക്ക്‌ ആന്തരിക പ്രക്ഷോ​ഭം ഉണ്ടായി​രി​ക്കു​ക​യില്ല. ഈ ആന്തരിക സുരക്ഷി​ത​ത്വ​മു​ള്ള​തി​നാൽ നിങ്ങൾക്ക്‌ മറ്റു​ള്ള​വ​രിൽ നിന്നുള്ള ഭീഷണി ഉള്ളതായി തോന്നു​ക​യില്ല, ദയാപൂർവ്വ​ക​മായ താത്‌പ​ര്യം പ്രകട​മാ​ക്കാ​നും കഴിയും. സമാധാ​ന​പൂർവ്വം മറ്റു​ള്ള​വ​രി​ലേക്ക്‌ കൈനീ​ട്ടു​ന്ന​തിന്‌ നിങ്ങൾക്കു​തന്നെ ആന്തരി​ക​മാ​യി സമാധാ​ന​മു​ണ്ടാ​യി​രി​ക്കണം.

എന്നിരു​ന്നാ​ലും, ഈ ആധുനി​ക​ലോ​ക​ത്തി​ലെ സമ്മർദ്ദ​പൂ​രി​ത​മായ ബഹളത്തിൽ ആന്തരി​ക​സ​മാ​ധാ​ന​ത്തിന്‌ ഭീഷണി​യുണ്ട്‌. അയൽസ്‌നേഹം പുലർത്തു​ക​യെന്ന ശാന്തമായ കല അപ്രത്യ​ക്ഷ​പ്പെ​ടു​ക​യാണ്‌. പുറ​ത്തേക്കു തല നീട്ടാ​നുള്ള ഭയപ്പാ​ടോ​ടെ തോടി​നു​ള്ളി​ലെ സുരക്ഷി​ത​ത്വ​ത്തിൽ ഉളിഞ്ഞു നോക്കുന്ന ആമക​ളേ​പ്പോ​ലെ​യാണ്‌ ആളുകൾ അന്യോ​ന്യം അഭിമു​ഖീ​ക​രി​ക്കു​ന്നത്‌. പിരി​മു​റു​ക്ക​മി​ല്ലാത്ത സൗഹൃദം ഭയത്തി​നും ഏകാന്ത​ത​ക്കും വഴിമാ​റി​ക്കൊ​ടു​ത്തി​രി​ക്കു​ന്നു. നാം ജീവി​ക്കുന്ന അപകട​ക​ര​മായ കാലങ്ങളെ പരിഗ​ണി​ക്കു​മ്പോൾ അത്‌ സങ്കടക​ര​മാണ്‌, എന്നാൽ മനസ്സി​ലാ​ക്കാ​വു​ന്ന​താണ്‌—2 തിമൊ​ഥെ​യോസ്‌ 3:1-5.

എന്നിരു​ന്നാ​ലും, സൗഹൃദം പ്രകട​മാ​ക്കാൻ ഒരു വ്യക്തി മുൻകൈ എടുക്കു​ന്നു​വെ​ങ്കിൽ, അയാളു​ടെ ശ്രമത്തിന്‌ സന്തോ​ഷ​ക​ര​മായ പ്രതി​ക​ര​ണ​മാണ്‌ സാധാരണ ലഭിക്കുക. നടപ്പാ​ത​യി​ലൂ​ടെ നിങ്ങളെ കടന്നു​പോ​കുന്ന ഒരു അയൽക്കാ​ര​നോട്‌ സംസാ​രി​ക്കുക, തന്റെ വീട്ടു മുറ്റത്തു പണി​ചെ​യ്‌തു​കൊ​ണ്ടി​രി​ക്കുന്ന ആരോ​ടെ​ങ്കി​ലും രണ്ടു വാക്കു പറയുക, ഒരു പാർക്കി​ലെ ബഞ്ചിൽ ഇരിക്കു​മ്പോൾ ആരോ​ടെ​ങ്കി​ലും സല്ലപി​ക്കുക,—അത്തരം നിമി​ഷങ്ങൾ ആസ്വാ​ദ്യ​മായ ഇടവേ​ള​ക​ളാ​യി​രി​ക്കാൻ കഴിയും. അങ്ങനെ​യുള്ള അവസര​ങ്ങളെ ഉല്ലാസ​പ്ര​ദ​മാ​ക്കു​ന്ന​തി​നും നമ്മുടെ മാനു​ഷ​ബ​ന്ധ​ങ്ങ​ളിൽ സമാധാ​നം വർദ്ധി​പ്പി​ക്കു​ന്ന​തി​നും നമുക്ക​നു​സ​രി​ക്കാൻ കഴിയുന്ന മാർഗ്ഗ​രേ​ഖ​ക​ളുണ്ട്‌. അവയിൽ ചിലതു പരിചി​ന്തി​ക്കുക.

ഒരു നല്ല ശ്രോ​താ​വാ​യി​രി​ക്കുക

ആദരവു പ്രകട​മാ​ക്കുക. നിങ്ങളു​മാ​യി സംസാ​രി​ക്കുന്ന ആളുക​ളു​ടെ മുഖത്തു​നോ​ക്കുക. നിങ്ങളു​ടെ കണ്ണുകൾ മറ്റെ​വി​ടെ​യെ​ങ്കി​ലും അലഞ്ഞു തിരി​യു​ക​യാ​ണെ​ങ്കിൽ, നിങ്ങൾ അയാൾക്കു കൊടു​ക്കുന്ന സന്ദേശം ‘എനിക്കു നിങ്ങളി​ലോ നിങ്ങൾ പറയു​ന്ന​തി​ലോ താത്‌പ​ര്യ​മി​ല്ലെ’ന്നാണ്‌. ഒരുപക്ഷേ, നിങ്ങൾ അത്‌ അർത്ഥമാ​ക്കു​ന്നി​ല്ലാ​യി​രി​ക്കാം. അതു​കൊണ്ട്‌ അയാൾ പറയു​ന്നതു ശ്രദ്ധി​ക്കു​ക​യും പ്രത്യേ​ക​മാ​യി ചെവി​കൊ​ടു​ക്കു​ക​യും ചെയ്യുക. വിശദാം​ശങ്ങൾ ചോദി​ക്കാ​നോ ഉചിത​മായ ചോദ്യ​ങ്ങൾ ഉന്നയി​ക്കാ​നോ അല്ലെങ്കിൽ തടസ്സ​പ്പെ​ടു​ത്ത​രുത്‌. “ഒരു സംഗതി കേൾക്കു​ന്ന​തി​നു മുൻപ്‌ ആരെങ്കി​ലും മറുപടി പറയു​മ്പോൾ അത്‌ അയാളു​ടെ ഭാഗത്ത്‌ മൗഢ്യ​വും അപമാ​ന​വു​മാണ്‌.” (സദൃശ​വാ​ക്യ​ങ്ങൾ 18:13) അയാളു​ടെ ചിന്തയും സ്ഥാനവും വികാ​ര​ങ്ങ​ളും മനസ്സി​ലാ​ക്കാൻ ശ്രദ്ധി​ക്കുക. നിങ്ങളു​ടെ കാതുകൾ കൊണ്ടു​മാ​ത്രമല്ല ഹൃദയം കൊണ്ടും ശ്രദ്ധി​ക്കുക. “കേൾവി​ക്കു വേഗത​യും സംസാ​ര​ത്തി​നു താമസ​വും കോപ​ത്തി​നു താമസ​വു​മു​ള്ള​വ​രാ​യി​രി​ക്കുക.”—യാക്കോബ്‌ 1:19.

ആശയവി​നി​യ​മയം ചെയ്യുക, സംഭാ​ഷണം നടത്തുക

“തൃപ്‌തി​ക​ര​മാ​യി സ്വീക​രി​ക്കു​ക​യോ ഗ്രഹി​ക്കു​ക​യോ ചെയ്യത്ത​ക്ക​വണ്ണം വിവര​ങ്ങ​ളോ ആശയമോ വിചാ​ര​മോ പ്രേഷണം ചെയ്യുക” എന്നാണ്‌ ആശയവി​നി​മ​യ​ത്തി​ന്റെ അർത്ഥം. നീട്ടി നീട്ടി​യോ വളച്ചു​കെ​ട്ടി​യോ സംസാ​രി​ക്കാ​തെ വ്യക്തമാ​യും സംക്ഷി​പ്‌ത​മാ​യും സംസാ​രി​ക്കുക. മറ്റേ​യാൾ നിങ്ങളു​ടെ പോയിൻറ്‌ മനസ്സി​ലാ​ക്കു​ന്ന​ണ്ടെന്ന്‌ തിട്ട​പ്പെ​ടു​ത്തുക. സംഭാ​ഷി​ക്കുക എന്നതിന്റെ അർത്ഥം “സംസാരം വഴി ആശയങ്ങ​ളും അഭി​പ്രാ​യ​ങ്ങ​ളും കൈമാ​റുക” എന്നാണ്‌. സംഭാ​ഷണം ഒരു പ്രസം​ഗമല്ല, അത്‌ പരസ്‌പ​ര​കൈ​മാ​റ്റ​മാണ്‌. നിങ്ങൾ ഒരു ആശയം പറയു​മ്പോൾ മറ്റേ​യാ​ളു​ടെ മറുപടി ശ്രദ്ധി​ക്കുക. ആരെങ്കി​ലും ഒരു അനുഭവം പറയു​ക​യോ ഒരു റിപ്പോർട്ടു വായി​ക്കു​ക​യോ ചെയ്യു​മ്പോൾ നിങ്ങൾ ഒരു ശ്രോ​താ​വാണ്‌. ഒരു സംഭാ​ഷ​ണ​ത്തിൽ നിങ്ങൾ ഒരു പങ്കാളി​യാണ്‌. അതിനു സംഭാവന ചെയ്യുക, അതു ചെയ്യാൻ മറ്റു​ള്ള​വരെ അനുവ​ദി​ക്കു​ക​യും ചെയ്യുക. വഴക്കമു​ള്ള​വ​രാ​യി​രി​ക്കുക. പുതിയ ആശയങ്ങൾക്ക്‌ മനസ്സു തുറന്നി​ടുക. സിദ്ധാ​ന്ത​പ​ര​മാ​യി മുറു​കെ​പ്പി​ടി​ക്കുന്ന ഒരു മുൻ വീക്ഷണ​ഗതി നിങ്ങളു​ടെ കണ്ണുകളെ അന്ധമാ​ക്കു​ക​യും നിങ്ങളു​ടെ കാതു​കളെ കൊട്ടി​യ​ട​യ്‌ക്കു​ക​യും ഹൃദയത്തെ കഠിന​മാ​ക്കു​ക​യും ചെയ്യുന്നു.—മത്തായി 13:15.

സൗഹൃ​ദ​വും സത്യസ​ന്ധ​ത​യും കരുത​ലു​മു​ള്ള​വ​രാ​യി​രി​ക്കുക

ഭയം പാടില്ല. മറ്റു​ള്ള​വ​രി​ലേക്ക്‌ കടന്നു​ചെ​ല്ലുക. നിങ്ങളു​ടെ സൗഹൃദം സാധാ​ര​ണ​യാ​യി അവരിൽനിന്ന്‌ സമാന​മായ പ്രതി​വർത്തനം കൈവ​രു​ത്തും. വികാ​രങ്ങൾ പകരു​ന്ന​വ​യാണ്‌. മറ്റു​ള്ള​വർക്കു​ണ്ടാ​കേ​ണ​മെന്നു നിങ്ങളാ​ഗ്ര​ഹി​ക്കുന്ന വികാരം നിങ്ങളിൽ ഉളവാ​ക്കുക. മറ്റു​ള്ളവർ വർത്തി​ക്ക​ണ​മെന്ന്‌ നിങ്ങളാ​ഗ്ര​ഹി​ക്കു​ന്ന​വി​ധ​ത്തിൽ നിങ്ങൾ വർത്തി​ക്കുക. നിങ്ങ​ളോട്‌ പെരു​മാ​റാ​നാ​ഗ്ര​ഹി​ക്കുന്ന വിധത്തിൽ മറ്റു​ള്ള​വ​രോ​ടു പെരു​മാ​റുക നിങ്ങൾ കൊയ്യാ​നാ​ഗ്ര​ഹി​ക്കു​ന്നത്‌ വിതയ്‌ക്കുക. നിങ്ങൾതന്നെ ആയിരി​ക്കുക. സത്യസ​ന്ധ​രാ​യി​രി​ക്കുക. മറ്റു​ള്ള​വ​രി​ലുള്ള കരുത​ലോ​ടെ. അവർക്കു സേവന​മ​നു​ഷ്‌ഠി​ച്ചു​കൊണ്ട്‌ അവരിൽ തത്‌പ​ര​രാ​യി​രി​ക്കുക.

മറ്റു​ള്ള​വ​രിൽ ശ്രദ്ധി​ക്കു​ക

ബൂത്ത്‌ റ്റാർക്കിം​ഗ്‌ടന്റെ നോവ​ലു​ക​ളി​ലൊ​ന്നിൽ വീടിനു മുമ്പി​ലത്തെ പുൽത്ത​കി​ടി​യിൽ കളിക്കുന്ന ഒരു കൂട്ടം കുട്ടി​ക​ളെ​ക്കു​റി​ച്ചു പറഞ്ഞി​ട്ടുണ്ട്‌. കഥാപു​രു​ഷൻമാ​രിൽ ഒരാളായ ലിറ്റിൽ ഓർവി തനിക്കു കിട്ടേണ്ട ശ്രദ്ധയു​ടെ പങ്കു ലഭിക്കു​ന്നി​ല്ലെ​ന്നുള്ള വിചാ​ര​ത്തിൽ “ഇതാ, നോക്കൂ! ഇതാ നോക്കൂ!” എന്ന്‌ വിളിച്ചു പറഞ്ഞു​കൊണ്ട്‌ ഓടാ​നും ചാടാ​നും തുടങ്ങി. പ്രായ​മു​ള്ളവർ അതു സംബന്ധിച്ച്‌ അത്ര പ്രത്യ​ക്ഷ​മാ​യി പ്രതി​ക​രി​ക്കു​ന്നില്ല, എന്നാൽ അവരും ശ്രദ്ധ ആഗ്രഹി​ക്കു​ന്നു. അതി​ല്ലെ​ങ്കിൽ ശിശു​ക്ക​ളും വയോ​ധി​ക​രും മരിക്കു​ക​പോ​ലും ചെയ്‌തേ​ക്കാം. അതു​കൊണ്ട്‌ ആളുകളെ നോക്കുക, അവരെ ശ്രദ്ധി​ക്കുക, അവരെ ഗൗനി​ക്കുക. നിങ്ങളു​ടെ അയൽക്കാ​രു​മാ​യി പരിച​യ​പ്പെ​ടുക, സൗഹൃദം പുലർത്തുക, അവരുടെ പട്ടി​യെ​യും റോസാ​ച്ചെ​ടി​ക​ളെ​യും അവരുടെ പുതിയ വസ്‌ത്ര​ത്തെ​യും ശ്ലാഘി​ക്കുക—എന്നാൽ എല്ലായ്‌പ്പോ​ഴും ആത്മാർത്ഥ​ത​യോ​ടെ ആയിരി​ക്കണം, കണക്കു​കൂ​ട്ടുന്ന ഒരു ഫലത്തി​നു​വേണ്ടി ആയിരി​ക്ക​രുത്‌.

വിമർശനം ഒഴിവാ​ക്കു​ക

അത്‌ തീർച്ച​യാ​യും വ്യർത്ഥ​മാണ്‌. അത്‌ അഭിമാ​നത്തെ മുറി​പ്പെ​ടു​ത്തു​ക​യും നീരസം ജനിപ്പി​ക്കു​ക​യും ചെയ്യുന്നു. അത്‌ ഒരു ആക്രമ​ണം​പോ​ലെ വരുന്നു. ആളുകൾ പ്രതി​രോ​ധി​ക്കു​ന്നു. അവർ ന്യായീ​ക​രി​ക്കാൻ ശ്രമി​ക്കു​ക​യും നിങ്ങൾക്കെ​തി​രെ പ്രതി​കാ​രം ചെയ്യു​ക​യും ചെയ്യുന്നു. വിമർശി​ച്ചാൽ നിങ്ങൾ അപകട​ത്തി​ലാണ്‌. ആളുകൾ ഒട്ടുമി​ക്ക​പ്പോ​ഴും യുക്തി​ബോ​ധ​ത്തെ​ക്കാൾ വികാ​ര​ത്തി​ന​ടി​മ​പ്പെ​ട്ട​വ​രാണ്‌, വിശേ​ഷിച്ച്‌ അവർ ആക്രമണ വിധേ​യ​രാ​യി​രി​ക്കു​മ്പോൾ. അവർ വിമർശ​നത്തെ അങ്ങനെ​യാ​ണു വീക്ഷി​ക്കു​ന്നത്‌. കുറ്റം​വി​ധി​ക്കു​ന്ന​തി​നു പകരം മനസ്സി​ലാ​ക്കാൻ ശ്രമി​ക്കുക. പ്രോ​ത്സാ​ഹ​ന​വാ​ക്കു​കൾ അത്ഭുതങ്ങൾ പ്രവർത്തി​ക്കു​ന്നു. അവരുടെ ദൗർബ്ബ​ല്യ​ങ്ങ​ളിൽ ശ്രദ്ധ​കേ​ന്ദ്രീ​ക​രി​ക്കാ​തെ അവരുടെ നല്ല വശങ്ങൾ കാണുക. “കുറ്റങ്ങൾ അവഗണി​ക്കു​ന്നത്‌ ഒരു മനു​ഷ്യ​ന്റെ മഹത്വ​മാണ്‌.”—സദൃശ​വാ​ക്യ​ങ്ങൾ 19:11, ദി ന്യൂ ഇംഗ്ലീഷ്‌ ബൈബിൾ.

ബുദ്ധി​യു​പ​ദേശം കൊടു​ക്കൽ

ഊഷ്‌മള സ്‌നേ​ഹ​വും സൗഹൃ​ദ​വും ഉള്ളവരാ​യി​രി​ക്കുക. അയാൾ ആദ്യം സംസാ​രി​ക്കു​ക​യും ദീർഘ​മാ​യി സംസാ​രി​ക്കു​ക​യും ചെയ്യട്ടെ. അയാളു​ടെ ആഗ്രഹ​ങ്ങ​ളോട്‌ അനുകമ്പ കാണി​ക്കുക. അയാളു​ടെ വീക്ഷണ​ഗ​തി​മ​ന​സ്സി​ലാ​ക്കുക. അയാളു​ടെ നടത്തയു​ടെ പിമ്പിലെ വൈകാ​രിക കാരണങ്ങൾ തിരി​ച്ച​റി​യുക. നിങ്ങളും തെറ്റു ചെയ്യന്നു​വെ​ന്നും അയാ​ളെ​പ്പോ​ലെ അപൂർണ്ണ​നാ​ണെ​ന്നും അറിയി​ക്കുക. അനന്തരം, “അങ്ങനെ​യുള്ള ഒരു മനുഷ്യ​നെ സൗമ്യ​ത​യു​ടെ ആത്മാവിൽ യഥാസ്ഥാ​ന​പ്പെ​ടു​ത്താൻ” ശ്രമി​ക്കുക, “നിങ്ങളും പരീക്ഷി​ക്ക​പ്പെ​ടാ​മെ​ന്നുള്ള ഭയത്താൽ സ്വയം സൂക്ഷി​ക്കു​മ്പോൾത്തന്നെ.” (ഗലാത്യർ 6:1) നിങ്ങളു​ടെ ബുദ്ധി​യു​പ​ദേശം പ്രശ്‌ന​മാ​യി​രി​ക്കുന്ന പോയിൻറിൽ മാത്രം പരിമി​ത​പ്പെ​ടു​ത്തുക. അത്‌ വ്യക്തിക്കു പറ്റു​ന്ന​താ​ക്കു​ക​യും ആശയം മനസ്സി​ലാ​ക്കാൻ അയാളെ ദയാപൂർവ്വം സഹായി​ക്കു​ക​യും നയപൂർവ്വം സംസാ​രി​ക്കു​ക​യും ചെയ്യുക. “ഓരോ​രു​ത്തർക്കും ഉത്തരം കൊടു​ക്കേ​ണ്ട​തെ​ങ്ങ​നെ​യെ​ന്ന​റി​യ​ത്ത​ക്ക​വണ്ണം നിങ്ങളു​ടെ മൊഴി എല്ലായ്‌പ്പോ​ഴും കൃപ​യോ​ടു​കൂ​ടി​യ​തും ഉപ്പിനാൽ രുചി​വ​രു​ത്തി​യ​തു​മാ​യി​രി​ക്കട്ടെ.” (കൊ​ലോ​സ്യർ 4:6) ക്രിയാ​ത്മക സഹായം കൊടു​ക്കുക, മെച്ച​പ്പെ​ടു​മ്പോൾ അഭിന​ന്ദി​ക്കുക.

സഹാനു​ബോ​ധം പ്രകട​മാ​ക്കു​ക

ഇതിന്റെ അർത്ഥം നിങ്ങളെ മറ്റെ​യാ​ളി​ന്റെ സ്ഥാനത്ത്‌ നിർത്താൻ പ്രാപ്‌ത​നാ​യി​രി​ക്ക​ണ​മെ​ന്നാണ്‌. അയാളു​ടെ ആവശ്യങ്ങൾ മണത്തറി​യുക. അയാൾ വിചാ​രി​ക്കു​ന്ന​തു​പോ​ലെ വിചാ​രി​ക്കുക. നിങ്ങൾ അയാളു​ടെ സ്ഥാനത്താ​ണെ​ങ്കിൽ നിങ്ങ​ളോട്‌ എങ്ങനെ പെരു​മാ​റാൻ നിങ്ങളാ​ഗ്ര​ഹി​ക്കും? ‘മനുഷ്യർ നിങ്ങ​ളോ​ടു ചെയ്യാ​നാ​ഗ്ര​ഹി​ക്കു​ന്ന​തെ​ല്ലാം നിങ്ങൾ അവരോ​ടും ചെയ്യണം’ എന്ന സുവർണ്ണ ചട്ടം അനുസ​രി​ക്കു​ന്ന​തിന്‌ നിങ്ങൾ ഇതെല്ലാം അറിഞ്ഞി​രി​ക്കണം. (മത്തായി 7:12) ഇത്‌ എളുപ്പമല്ല. ചില കേസു​ക​ളിൽ നിങ്ങളു​ടെ സഹാനു​ബോ​ധ​ത്തി​ന്റെ വിചാ​രങ്ങൾ വാക്കു​ക​ളാൽ പ്രകാ​ശി​പ്പി​ക്കുക അസാദ്ധ്യ​മാണ്‌—കണ്ണുനീർ പൊഴി​ക്കാൻ മാത്രമേ സാദ്ധ്യ​മാ​കൂ. “സന്തോ​ഷി​ക്കു​ന്ന​വ​രോ​ടു​കൂ​ടെ സന്തോ​ഷി​ക്കുക; കരയു​ന്ന​വ​രോ​ടു​കൂ​ടെ കരയുക” എന്നു പറഞ്ഞ​പ്പോൾ അപ്പോ​സ്‌ത​ല​നായ പൗലോസ്‌ അങ്ങനെ​യുള്ള സഹാനു​ബോ​ധത്തെ ശുപാർശ ചെയ്‌തു.—റോമർ 12:15.

ലാസറി​ന്റെ മരണ​ശേഷം മറിയ യേശു​വി​ന്റെ അടുക്കൽ വന്നു. വിവരണം ഇങ്ങനെ തുടരു​ന്നു: “അതു​കൊണ്ട്‌ യേശു അവൾ കരയു​ന്ന​തും അവളോ​ടു​കൂ​ടെ വന്ന യഹൂദൻമാർ കരയു​ന്ന​തും കണ്ടപ്പോൾ ആത്മാവിൽ ഞരങ്ങു​ക​യും അസസ്ഥനാ​കു​ക​യും ‘നിങ്ങൾ അവനെ എവിടെ വെച്ചു?’ എന്നു ചോദി​ക്കു​ക​യും ചെയ്‌തു. ‘കർത്താവേ, വന്നു കാണുക’ എന്ന്‌ അവർ അവനോ​ടു പറഞ്ഞു. യേശു കണ്ണുനീർ വാർത്തു.” (യോഹ​ന്നാൻ 11:33-35) താൻ ചെയ്യാൻ പോകു​ന്ന​തെ​ന്തെന്ന്‌ യേശു​വി​ന​റി​യാ​മാ​യി​രു​ന്നു, എന്നിട്ടും അവരുടെ സങ്കടം കണ്ടപ്പോൾ അവരോ​ടു​കൂ​ടെ കരയാൻ തക്കവണ്ണം അവൻ വികാ​രാ​ധീ​ന​നാ​യി. അവൻ സഹാനു​ബോ​ധം പ്രകട​മാ​ക്കി.

തിൻമ​യ്‌ക്കു പകരം തിൻമ പാടില്ല

സുവർണ്ണ ചട്ടത്തെ ചിലർ വികട​മാ​ക്കു​ന്ന​തു​പോ​ലെ ‘മറ്റു​ള്ളവർ നിങ്ങ​ളോ​ടു ചെയ്യു​ന്ന​തു​പോ​ലെ അവരോ​ടു ചെയ്യ’രുത്‌. എന്നാൽ, തിൻമക്കു പകരം തിൻമ​ചെ​യ്യാ​തെ, തിൻമയെ നൻമ​കൊ​ണ്ടു ജയിച്ച​ട​ക്കുക. യഹോവ നമ്മോ​ടുള്ള തന്റെ സ്‌നേഹം മുഖേന നമ്മിൽ സ്‌നേഹം ഉത്തേജി​പ്പി​ക്കു​ന്നു. “അവൻ ആദ്യം നമ്മെ സ്‌നേ​ഹി​ച്ച​തു​കൊ​ണ്ടു നാം സ്‌നേ​ഹി​ക്കു​ന്നു.” (1 യോഹ​ന്നാൻ 4:19) ഇത്‌ അപ്ര​യോ​ഗി​ക​മായ സിദ്ധാ​ന്തമല്ല; അതു മാനു​ഷ​പ്ര​കൃ​തി​യാണ്‌. ഒരു മൃദു​വായ ഉത്തരം ക്രോധം അകറ്റി​ക്ക​ള​യു​ന്നു. മറ്റേ ചെകി​ടു​കൂ​ടെ കാണി​ച്ചു​കൊ​ടു​ക്കു​ന്നത്‌ ആക്രമ​ണ​ത്തിന്‌ വിരാ​മ​മി​ട്ടേ​ക്കാം. പുരാതന ചൂളക​ളിൽ കുന്നി​ച്ചി​രുന്ന കൽക്കരി അയിരിൽ നിന്ന്‌ ലോഹത്തെ ഉരുക്കി​യെ​ടു​ത്ത​തു​പോ​ലെ, നിങ്ങൾ തിൻമ​യ്‌ക്കു പകരം നൻമ ചെയ്യു​ന്നത്‌ മിക്ക​പ്പോ​ഴും നിങ്ങളു​ടെ ശത്രു​വി​ന്റെ കോപത്തെ ശമിപ്പി​ക്കു​ക​യും അത്‌ ഉരുകാ​നി​ട​യാ​ക്കു​ക​യും ചെയ്‌തേ​ക്കാം, അങ്ങനെ തിൻമയെ ജയിച്ച​ട​ക്കാ​വു​ന്ന​താണ്‌. മറിച്ച്‌, നിങ്ങൾ അയാളു​ടെ തിൻമ പ്രവൃ​ത്തി​യിൽനിന്ന്‌ തുടർന്നും ദുരി​ത​മ​നു​ഭ​വി​ച്ചേ​ക്കാം. എന്നാൽ സമാധാ​നത്തെ അഭിവൃ​ദ്ധി​പ്പെ​ടു​ത്തു​ന്ന​തിന്‌ നിങ്ങൾ നിങ്ങളാ​ലാ​വതു ചെയ്‌തു. നിങ്ങൾ നിങ്ങ​ളോ​ടു​തന്നെ വിശ്വ​സ്‌ത​നാ​യി​രു​ന്നു, നിങ്ങളു​ടെ തത്വങ്ങ​ളോ​ടും. ദുഷ്‌പ്ര​വൃ​ത്തി​ക്കാ​രൻ നിങ്ങളെ ഒരു ദുഷ്‌പ്ര​വൃ​ത്തി​ക്കാ​ര​നാ​ക്കി മാറ്റാൻ നിങ്ങൾ അനുവ​ദി​ച്ചില്ല.—റോമർ 12:17-21.

നിങ്ങളെ ആശ്രയി​ച്ചി​രി​ക്കു​ന്നി​ട​ത്തോ​ളം സമാധാ​നം പിന്തു​ട​രു​ക

സജീവ​മാ​യി “എല്ലാവ​രോ​ടും സമാധാ​നം പിന്തു​ട​രുക.” (എബ്രായർ 12:14) അത്‌ സ്വതവേ സ്ഥിതി​ചെ​യ്യു​ന്നില്ല. അത്‌ നേടുക എല്ലായ്‌പ്പോ​ഴും സാദ്ധ്യമല്ല. ചില കേസു​ക​ളിൽ നിങ്ങൾ അതിന്റെ പിന്തു​ടരൽ ഉപേക്ഷി​ക്കേ​ണ്ടി​യി​രി​ക്കു​ന്നു. “കോപി​ഷ്‌ഠ​നോ​ടു സഖിത്വം പാടില്ല; കോപാ​വേ​ശ​മുള്ള ഒരു മനുഷ്യ​നോ​ടു​കൂ​ടെ നീ പ്രവേ​ശി​ക്ക​രുത്‌.” (സദൃശ​വാ​ക്യ​ങ്ങൾ 22:24) എന്നിരു​ന്നാ​ലും, “സാദ്ധ്യ​മെ​ങ്കിൽ, നിങ്ങളെ ആശ്രയി​ച്ചി​രി​ക്കു​ന്ന​ട​ത്തോ​ളം സകല മനുഷ്യ​രോ​ടും സമാധാ​ന​ത്തി​ലാ​യി​രി​ക്കുക.”—റോമർ 12:18.

നിങ്ങളു​ടെ അയൽക്കാ​ര​നോട്‌ ഉണ്ടായി​രി​ക്ക​ണ​മെന്ന്‌ യേശു പറഞ്ഞതരം സ്‌നേ​ഹ​ത്തി​ന്റെ ഗ്രീക്ക്‌ പദം അഗാപേ ആണ്‌. അഗാപേ എന്ന ഈ ഗുണത്തിന്‌ അപ്പോ​സ്‌ത​ല​നായ പൗലോസ്‌ നൽകുന്ന നിർവ്വ​ചനം നിങ്ങളു​ടെ അയൽക്കാ​ര​നു​മാ​യി സമാധാ​നം പിന്തു​ട​രു​ന്ന​തി​നുള്ള മാർഗ്ഗ​രേ​ഖകൾ സംഗ്ര​ഹി​ച്ചു പറയുന്നു: “സ്‌നേഹം ദീർഘ​ക്ഷ​മ​യും ദയയു​മു​ള്ള​താണ്‌. സ്‌നേഹം അസൂയ​യു​ള്ളതല്ല, അത്‌ പൊങ്ങച്ചം പറയു​ന്ന​തില്ല, ചീർക്കു​ന്നില്ല, അയോ​ഗ്യ​മാ​യി പെരു​മാ​റു​ന്നില്ല, അതിന്റെ സ്വന്തതാ​ത്‌പ​ര്യ​ങ്ങൾ അന്വേ​ഷി​ക്കു​ന്നില്ല, പ്രകോ​പി​ത​മാ​കു​ന്നില്ല. അതു ദ്രോ​ഹ​ത്തി​ന്റെ കണക്കു സൂക്ഷി​ക്കു​ന്നില്ല. അത്‌ അനീതി​യിൽ സന്തോ​ഷി​ക്കു​ന്നില്ല, എന്നാൽ സത്യത്തിൽ സന്തോ​ഷി​ക്കു​ന്നു. അതു സകലവും വഹിക്കു​ന്നു, സകലവും വിശ്വ​സി​ക്കു​ന്നു, സകലവും പ്രത്യാ​ശി​ക്കു​ന്നു, സകലവും സഹിക്കു​ന്നു. സ്‌നേഹം ഒരിക്ക​ലും നിലച്ചു​പോ​കു​ന്നില്ല.”—1 കൊരി​ന്ത്യർ 13:4-8. (g86 1/22)

[5-ാം പേജിലെ ചതുരം]

സദൃശവാക്യങ്ങൾ എന്ന ബൈബിൾ പുസ്‌ത​ക​ത്തിൽ നിന്നുള്ള, മാനു​ഷ​ബ​ന്ധങ്ങൾ സംബന്ധിച്ച മാർഗ്ഗ​രേ​ഖകൾ, അദ്ധ്യാ​യ​വും വാക്യ​വും

“ഒരു ഉത്തരം, ശാന്തമാ​യി​രി​ക്കു​മ്പോൾ, കോപത്തെ അകറ്റി​ക്ക​ള​യു​ന്നു, എന്നാൽ വേദനി​പ്പി​ക്കുന്ന ഒരു വാക്ക്‌ കോപം വരുത്തു​ന്നു.”—15:1.

“ജ്ഞാനി​യു​ടെ ഹൃദയം അവന്റെ വായ്‌ ഉൾക്കാഴ്‌ച പ്രകട​മാ​ക്കാ​നി​ട​യാ​ക്കു​ന്നു, അത്‌ അവന്റെ അധരങ്ങൾക്ക്‌ പ്രേരണ വർദ്ധി​പ്പി​ക്കു​ന്നു.”—16:23.

“സന്തോ​ഷ​പ്ര​ദ​മായ മൊഴി​കൾ ഒരു തേൻക​ട്ട​യാ​കു​ന്നു, ദേഹിക്കു മധുര​വും അസ്ഥികൾക്ക്‌ ഔഷധ​വും​തന്നെ.—16:24.

“ലംഘനം മറയ്‌ക്കു​ന്നവൻ സ്‌നേഹം തേടുന്നു, ഒരു സംഗതി​യെ​ക്കു​റി​ച്ചു സംസാ​രി​ച്ചു​കൊ​ണ്ടേ​യി​രി​ക്കു​ന്നവൻ അന്യോ​ന്യം പരിച​യ​മു​ള്ള​വരെ തമ്മിൽ വേർപെ​ടു​ത്തു​ന്നു.”—17:9.

“ശണ്‌ഠ​യു​ടെ ആരംഭം ഒരുവൻ വെള്ളം തുറന്നു​വി​ടു​ന്ന​തു​പോ​ലെ​യാണ്‌, അതു​കൊണ്ട്‌ വഴക്ക്‌ പൊട്ടി​പു​റ​പ്പെ​ടു​ന്ന​തി​നു മുൻപ്‌ സ്ഥലംവി​ടുക.”—17:14.

“തന്റെ മൊഴി​കളെ പിൻവ​ലി​ക്കു​ന്നവൻ അറിവു​ള്ള​വ​നാ​കു​ന്നു, വിവേ​ച​ന​യുള്ള മനുഷ്യൻ ശാന്തമാ​ന​സ​നാ​കു​ന്നു.”—17:27.

“ഒരു മനു​ഷ്യ​ന്റെ ഉൾക്കാഴ്‌ച തീർച്ച​യാ​യും അയാളു​ടെ കോപത്തെ ശമിപ്പി​ക്കു​ന്നു, ലംഘനം അവഗണി​ക്കു​ന്നത്‌ അയാളു​ടെ ഭാഗത്തു ഭൂഷണ​മാ​കു​ന്നു.”—19:11.

“തർക്കി​ക്കു​ന്ന​തിൽനിന്ന്‌ മാറി​നിൽക്കു​ന്നത്‌ ഒരു മനുഷ്യ​നു മഹത്വ​മാ​കു​ന്നു, എന്നാൽ മൂഢനായ ഏവനും അതി​ലേക്ക്‌ ഇരച്ചു​ക​യ​റും.”—20:3.

“ഒരു മനു​ഷ്യ​ന്റെ ഹൃദയ​ത്തി​ലെ ആലോചന ആഴമുള്ള വെള്ളങ്ങൾപോ​ലെ​യാ​കു​ന്നു, എന്നാൽ വിവേ​ച​ന​യു​ള്ളവൻ അതു കോരി​യെ​ടു​ക്കു​ന്ന​വ​നാണ്‌.”—20:5.

“നിന്റെ കൂട്ടു​കാ​ര​നു​മാ​യി നിന്റെ കാര്യം വാദി​ക്കുക, മറ്റൊ​രാ​ളു​ടെ രഹസ്യ​സം​സാ​രം വെളി​പ്പെ​ടു​ത്ത​രുത്‌.”—25:9.

“നിന്റെ കൂട്ടു​കാ​രൻ നിന്നെ​ക്കൊ​ണ്ടു മടുത്തി​ട്ടു തീർച്ച​യാ​യും നിന്നെ വെറു​ക്കാ​തി​രി​ക്കാൻ അയാളു​ടെ വീട്ടിൽ അപൂർവ്വ​മാ​യി പോകുക.”—25:17.

“സംസാ​ര​ത്തിൽ ധൃതഗ​തി​യുള്ള മനുഷ്യ​നെ നീ കണ്ടിരി​ക്കു​ന്നു​വോ? മൂഢ​നെ​ക്കു​റിച്ച്‌ അയാ​ളെ​ക്കാൾ കൂടുതൽ പ്രത്യാ​ശ​യുണ്ട്‌.”—29:20.