ബൈബി​ളി​ന്റെ വീക്ഷണം

ഭീകര പ്രവർത്തനം—ശീഘ്ര​മായ വളർച്ച എന്തു​കൊണ്ട്‌?

“നിങ്ങൾക്ക്‌ ക്രൂരത തുടച്ചു നീക്കു​ന്ന​തിന്‌ ഭൂഖണ്ഡ​ത്തി​ന്റെ പകുതി അടിച്ചു തകർക്കേ​ണ്ടി​വ​രി​ക​യും രക്തപ്ര​ളയം ഒഴു​ക്കേ​ണ്ടി​വ​രി​ക​യും ചെയ്‌താ​ലും, അപ്രകാ​രം ചെയ്യു​ന്ന​തിൽ സന്ദേഹം ഉണ്ടായി​രി​ക്ക​രുത്‌.”—ജർമ്മൻ വിപ്ലവ​കാ​ര​നായ കാൾ ഹെയ്‌ൻസെൻ, 1809-80.

ജർമ്മനി​യി​ലെ ഡോർട്ടു​മൻഡിൽ ഉള്ള ഒരു ഡിപ്പാർട്ടു​മെൻറു കടയിൽ ഒരു ബോംബു സ്‌ഫോ​ട​ന​മു​ണ്ടാ​യ​പ്പോൾ പുസ്‌ത​ക​ങ്ങ​ളും മറ്റു വസ്‌തു​ക്ക​ളും പെട്ടെന്നു പറന്നു പോയി. കടയിൽ സാധനം വാങ്ങി​ക്കൊ​ണ്ടി​രുന്ന എട്ടു​പേർക്കു പരുക്കു​പ​റ്റി, ചിലരു​ടേത്‌ ഗുരു​ത​ര​മാ​യി​രു​ന്നു. രാഷ്‌ട്രീയ തീവ്ര​വാ​ദി​ക​ളു​ടെ മറ്റൊ​രു നിന്ദ്യ​മായ പ്രവർത്ത​ന​മാ​യി​രു​ന്നോ? അല്ല പെട്ടെന്നു പോലീ​സി​ന്റെ പിടി​യി​ലായ 20 വയസ്സു​കാ​രൻ പറഞ്ഞത്‌ ഇപ്രകാ​ര​മാ​യി​രു​ന്നു, “അതെല്ലാം വെറു​മൊ​രു തമാശ​യാ​യി​രു​ന്നു.” എന്നിരു​ന്നാ​ലും അയാൾക്ക്‌ രാഷ്‌ട്രീയ പ്രേരണ ഇല്ലായി​രു​ന്നു എന്ന വസ്‌തുത അതിനെ ഭീകര പ്രവർത്ത​ന​ത്തെ​ക്കാൾ കുറഞ്ഞ ഒന്നാക്കു​ന്നില്ല.

കേവലം ഒൻപതു ദിവസ​ങ്ങൾക്കു​ള്ളിൽ—1985 ഫെബ്രു​വരി 28 മുതൽ മാർച്ച്‌ 8 വരെ—വടക്കേ അയർല​ണ്ടും ലബനോ​നും സ്‌പെ​യി​നും ഫേഡറൽ റിപ്പബ്ലിക്ക്‌ ഓഫ്‌ ജർമ്മനി​യും ഭീകര​പ്ര​വർത്ത​ന​ത്തി​ന്റെ രക്തം നിറഞ്ഞ കൈകൾ 72 പേരെ മരണക​ര​മാ​യി വീഴ്‌ത്തി​യ​താ​യും വേറെ 245 പേരെ പരു​ക്കേൽപ്പി​ച്ച​താ​യും കാണ​പ്പെട്ടു. അതിനു​ശേഷം ദുഷിച്ച മനുഷ്യ​രാ​ലുള്ള ഭീകരത, ഭയം, ഞെട്ടൽ എന്നിവ പരിമി​തി​യി​ല്ലാ​തെ തുടർന്നി​രി​ക്കു​ന്നു.

ഒരു പരിഷ്‌കൃത ലോക​ത്തി​ലെ ജനങ്ങൾ തങ്ങളുടെ ലക്ഷ്യങ്ങൾ നേടു​ന്ന​തിന്‌ അക്രമ​ത്തിൽ ആശ്രയി​ക്കു​ന്ന​തെ​ന്തു​കൊ​ണ്ടാണ്‌? അതിനെ എന്നെങ്കി​ലും തടയാൻ കഴിയു​മോ, തടയു​മോ? ബൈബിൾ വിശ്വാ​സ​യോ​ഗ്യ​മായ ഉത്തരങ്ങൾ നൽകുന്നു.

ഭീകര പ്രവർത്തനം എന്തു​കൊണ്ട്‌?

“ദുഷ്‌പ്ര​വൃ​ത്തി​ക്കാർ നിമിത്തം നീ ജ്വലി​ക്ക​രുത്‌. . . . കോപം കളഞ്ഞ്‌ ക്രോധം ഉപേക്ഷിക്ക; ദോഷം ചെയ്യാൻമാ​ത്രം ഉതകു​ന്ന​തി​നാൽ നീ ജ്വലി​ക്ക​രുത്‌.” “എന്തു​കൊ​ണ്ടെ​ന്നാൽ കേവലം ഞെരു​ക്ക​പ്പെ​ടു​ന്നത്‌ ജ്ഞാനിയെ മൗഢ്യ​മാ​യി പ്രവർത്തി​ക്കാൻ ഇടയാ​ക്കി​യേ​ക്കാം.”—സങ്കീർത്തനം 37:1, 8; സഭാ​പ്ര​സം​ഗി 7:7.

സമാധാ​ന​ക്കു​റവ്‌, മോശ​മായ സാഹച​ര്യം അല്ലെങ്കിൽ സാമൂ​ഹി​ക​മോ സാമ്പത്തി​ക​മോ ആയ അനീതി എന്നിങ്ങ​നെ​യുള്ള പ്രശ്‌നങ്ങൾ നേരി​ടു​ന്ന​തിൽ ഗവൺമെൻറു​കൾ ആവർത്തി​ച്ചു പരാജ​യ​പ്പെ​ടു​മ്പോ​ഴും അവ ഞെരു​ക്ക​ലി​നെ​യും വിവേ​ച​ന​യെ​യും അനുവ​ദി​ക്ക​യോ പ്രോ​ത്സാ​ഹി​പ്പി​ക്ക​പോ​ലു​മോ ചെയ്യു​മ്പോ​ഴും ആളുകൾ ഗ്രാഹ്യ​ത്തോ​ടെ “ജ്വലി​ക്കാൻ” ഇടയാ​യേ​ക്കാം. അവർ ഇപ്രകാ​രം വാദി​ക്കു​ന്നു: ‘എന്തെങ്കി​ലും ചെയ്‌തേ പറ്റൂ, ഇപ്പോ​ഴ​ല്ലെ​ങ്കിൽ എപ്പോ​ഴാണ്‌? ഞാൻ അല്ലെങ്കിൽ ആര്‌?’

ചില​പ്പോൾ നിഷ്‌ഫ​ല​ത​യ്‌ക്കു “ഒരു ജ്ഞാനിയെ പോലും മൗഢ്യ​മാ​യി പ്രവർത്തി​ക്കാൻ” ഇടയാ​ക്കാൻ കഴിയും. താൻ തന്നെ ജ്ഞാനി​യാ​ണെന്നു ചിന്തി​ച്ചു​കൊണ്ട്‌, സമാധാന പ്രതി​ഷേ​ധകൻ ആദ്യം അക്രമ രഹിത സംഘടിത നിയമ​ലം​ഘനം നടത്തു​ന്ന​തി​നു മാത്രമേ ഉദ്ദേശി​ക്ക​യു​ള്ളാ​യി​രി​ക്കും. എന്നിരു​ന്നാ​ലും ഇവക്ക്‌ എത്ര ശീഘ്ര​മാ​യി അക്രമ പ്രവർത്ത​ന​ങ്ങ​ളി​ലേക്ക്‌ വ്യാപി​ക്കാൻ കഴിയും! ദുഷ്ടാ​ന്ത​ത്തിന്‌, വർഗ്ഗീ​യ​മാ​യും സാമ്പത്തി​ക​മാ​യും വിഭജി​ക്ക​പ്പെട്ട ഒരു ആഫ്രിക്കൻ രാജ്യത്തെ നിരീ​ക്ഷി​ക്കുക. സമാധാന പ്രതി​ഷേധ മാർച്ചു​കൾ ആയി തുടങ്ങി​യ​വ​ര​ണോ​ത്സുക പ്രതി​ഷേ​ധ​ങ്ങ​ളാ​യി പരിണ​മി​ച്ചു. ടൈം മാസിക പറയു​ന്ന​ത​നു​സ​രിച്ച്‌, “ഇന്ന്‌, കാൽ നൂറ്റാ​ണ്ടു​കാ​ലത്തെ സമരത്തി​നു​ശേഷം അടുത്ത കാലത്തെ നവീകരണ വാഗ്‌ദാ​നങ്ങൾ ഉണ്ടായി​രു​ന്നി​ട്ടും, ഈ വിഭജിത ദേശത്ത്‌ അക്രമം ഇപ്പോ​ഴും നടമാ​ടു​ന്നു.”

“ഒരു ദുഷിച്ച പ്രവൃ​ത്തി​ക്കെ​തി​രെ ശിക്ഷാ​വി​ധി വേഗത്തിൽ നടക്കാ​യ്‌ക​കൊണ്ട്‌ മനുഷ്യ​പു​ത്രൻമാ​രു​ടെ ഹൃദയങ്ങൾ ദോഷം ചെയ്യാൻ പൂർണ്ണ​മാ​യും ഉറക്കുന്നു.”—സഭാ​പ്ര​സം​ഗി 8:11.

ദുഷ്‌പ്ര​വൃ​ത്തി​ക്കാ​രെ പിടി​കൂ​ടു​ക​യും നീതി നിർവ്വ​ഹി​ക്കു​ക​യും ചെയ്യു​ന്നത്‌ പ്രയാ​സ​മാ​ണെ​ന്നതു ശരിയാണ്‌. ചില സ്ഥലങ്ങളിൽ കോട​തി​കൾ കുറ്റം ചുമത്ത​പ്പെട്ട ദുഷ്‌പ്ര​വൃ​ത്തി​ക്കാ​രെ കൈകാ​ര്യം ചെയ്യു​ന്ന​തിൽ അമിത​മാ​യി അയഞ്ഞതാ​യി​ത്തീർന്നി​രി​ക്കു​ന്നു. അതു കൂടാതെ, കോട​തി​ക​ളി​ലെ വർദ്ധിച്ച ജോലി​ഭാ​രം, “ദുഷ്‌പ്ര​വൃ​ത്തി​ക്കെ​തി​രെ വേഗത്തിൽ വിധി” നിർവ​ഹി​ക്കു​ന്ന​തിൽനിന്ന്‌ അധികാ​രി​കളെ തടയുന്നു. ദുഷ്‌പ്ര​വൃ​ത്തി​ക്കാ​രു​ടെ ഹൃദയങ്ങൾ “ദോഷം ചെയ്യാൻ പൂർണ്ണ​മാ​യും ഉറക്കു​ന്ന​തിന്‌” ഇടയാ​ക്കുന്ന ഘടകങ്ങ​ളും ഉണ്ട്‌. ഗവൺമെൻറു​കൾ “സാധാരണ” കുറ്റ​കൃ​ത്യം പോലും നേരി​ടാൻ വിജയ​പ്ര​ദ​മായ വഴിക​ണ്ടു​പി​ടി​ച്ചി​ട്ടി​ല്ലാ​ത്ത​തി​നാൽ—അന്തർദ്ദേ​ശിയ ഭീകര പ്രവർത്തനം അതിലും വളരെ​കു​റ​ച്ചു​മാ​ത്ര​വും—അനേകർക്കും അതിൽ നിന്ന്‌ രക്ഷപ്പെ​ടാൻ ശ്രമി​ക്കു​ന്ന​തിന്‌ ചായ്‌വു​തോ​ന്നി​യി​രി​ക്കാം.

എന്നാൽ ഇപ്പോൾ ശീഘ്ര​മായ വർദ്ധനവ്‌ എന്തു​കൊണ്ട്‌?

“അന്ത്യനാ​ളു​ക​ളിൽ ഇടപെ​ടാൻ പ്രയാ​സ​മായ വിഷമ ഘട്ടങ്ങൾ ഉണ്ടായി​രി​ക്കും. . . . മനുഷ്യർ സ്വസ്‌നേ​ഹി​ക​ളും . . . നന്ദി​കെ​ട്ട​വ​രും അവിശ്വ​സ്‌ത​രും സ്വാഭാ​വിക പ്രിയ​മി​ല്ലാ​ത്ത​വ​രും യാതൊ​രു തീരു​മാ​ന​ത്തി​നും സമ്മതമി​ല്ലാ​ത്ത​വ​രും . . . ആത്മനി​യ​ന്ത്ര​ണ​മി​ല്ലാ​ത്ത​വ​രും ഉഗ്രൻമാ​രും നൻമ​പ്രി​യ​മി​ല്ലാ​ത്ത​വ​രും . . . ആയിരി​ക്കും.”—2 തിമൊ​ഥെ​യോസ്‌ 3:1-3.

ബൈബിൾ കാലക്ക​ണ​ക്കും ബൈബിൾ പ്രവച​ന​ങ്ങ​ളു​ടെ നിവൃ​ത്തി​യും നമ്മുടെ തലമുറ” ഇടപെ​ടാൻ പ്രയാ​സ​മായ വിഷമ ഘട്ടങ്ങളാൽ” അടയാ​ള​പ്പെ​ടു​ത്ത​പ്പെട്ട “അന്ത്യനാ​ളു​ക​ളി​ലാണ്‌” ജീവി​ക്കു​ന്നത്‌ എന്ന്‌ സൂചി​പ്പി​ക്കു​ന്നു. മുകളിൽ പറഞ്ഞി​രി​ക്കുന്ന സ്വഭാ​വ​ങ്ങ​ളോ​ടു​കൂ​ടിയ സ്‌ത്രീ​പു​രു​ഷൻമാർ ഭീകര പ്രവർത്തക രംഗത്തെ പ്രബല​രായ വ്യക്തികൾ ആണെന്ന്‌ നിങ്ങൾ പറയു​ക​യി​ല്ലേ? “അന്ത്യനാ​ളു​കൾ” അതിന്റെ അവസാ​ന​ത്തി​ലേക്ക്‌ നീങ്ങു​മ​ള​വിൽ അവരുടെ സംഖ്യ വർദ്ധി​ച്ചി​രി​ക്കു​ന്ന​തി​നാൽ അക്രമം മനുഷ്യ​സ​മു​ദാ​യ​ത്തി​ന്റെ എല്ലാ രംഗത്തും പ്രാമു​ഖ്യം നേടു​ന്ന​തിൽ തുടർന്നു കൊണ്ടി​രി​ക്കു​ന്ന​തിൽ നാം അത്ഭുത​പ്പെ​ട​രുത്‌.

“സത്യ​ദൈ​വ​ത്തി​ന്റെ കാഴ്‌ച​യിൽ ഭൂമി നശിച്ച അവസ്ഥയി​ലാ​യി​രു​ന്നു; ഭൂമി അക്രമം കൊണ്ടു​നി​റ​ഞ്ഞു​മി​രു​ന്നു.” “എന്തു​കൊ​ണ്ടെ​ന്നാൽ നോഹ​യു​ടെ നാളുകൾ പോ​ലെ​തന്നെ മനുഷ്യ​പു​ത്രന്റെ സാന്നി​ദ്ധ്യ​വു​മാ​കും.”—ഉല്‌പത്തി 6:11, 13; മത്തായി 24:37.

നോഹ​യു​ടെ നാളിൽ, തങ്ങളെ​ത്തന്നെ ഭൂതങ്ങ​ളാ​ക്കി​ത്തീർത്തി​രുന്ന ആത്മപു​ത്രൻമാർ അക്രമം​കൊ​ണ്ടു നിറഞ്ഞ ഒരു ലോകം ഉളവാ​ക്കു​ന്ന​തിൽ ഒരു പ്രധാന പങ്കു വഹിച്ചി​രു​ന്നു. (ഉല്‌പത്തി 6:1-5) ഈ ദുഷ്ടജീ​വി​കൾക്ക്‌, അന്നു ചെയ്‌തി​രു​ന്ന​തു​പോ​ലെ മനുഷ്യ​വർഗ്ഗത്തെ നേരിട്ട്‌ സ്വാധീ​നി​ക്ക​ത്ത​ക്ക​വണ്ണം മേലാൽ മാനുഷ ജഡം അവലം​ബി​ക്കാൻ സാദ്ധ്യമല്ല. എന്നാൽ ഇന്ന്‌ അവരുടെ പരോ​ക്ത​വും അദൃശ്യ​വു​മായ ആക്രമ​ണങ്ങൾ മരണക​ര​മാ​യ​തി​നെ​ക്കാൾ ഒട്ടും കുറഞ്ഞതല്ല.

ഇപ്പോൾ “[മഹത്വീ​ക​രി​ക്ക​പ്പെട്ട] മനുഷ്യ​പു​ത്രന്റെ [യേശു​ക്രി​സ്‌തു] സാന്നിദ്ധ്യ” കാലത്ത്‌ ജീവി​ച്ചി​രി​ക്കുന്ന നമുക്ക്‌ ലോകം അതേവി​ധ​ത്തി​ലുള്ള അക്രമ​ത്താൽ രക്തപങ്കി​ല​മാ​യി​രി​ക്കു​മെന്ന്‌ പ്രതീ​ക്ഷി​ക്കാൻ കഴിയും. യഥാർത്ഥ​ത്തിൽ യേശു പ്രവചി​ച്ച​തു​പോ​ലെ നമുക്ക്‌, “അധർമ്മ​ത്തി​ന്റെ വർദ്ധനവ്‌” നിരീ​ക്ഷി​ക്കാൻ കഴിയും. (മത്തായി 24:12) “പിശാ​ചും സാത്താ​നും എന്നു വിളി​ക്ക​പ്പെ​ടു​ന്ന​വ​നെ​യും . . . അവന്റെ ദൂതൻമാ​രെ​യും അവനോ​ടു​കൂ​ടെ ഭൂമി​യി​ലേക്ക്‌ ചുഴറ്റി എറിഞ്ഞു.” എന്തുഫ​ല​ത്തോ​ടെ? “ഭൂമി​ക്കും സമു​ദ്ര​ത്തി​നും മഹാകഷ്ടം, എന്തു​കൊ​ണ്ടെ​ന്നാൽ പിശാചു തനിക്കു അല്‌പ​കാ​ല​മേ​യു​ള്ളു എന്നറിഞ്ഞു മഹാ​ക്രോ​ധ​ത്തോ​ടെ നിങ്ങളു​ടെ അടുക്കൽ ഇറങ്ങി​വ​ന്നി​രി​ക്കു​ന്നു.” (വെളി​പ്പാട്‌ 12:7-12) ഇന്ന്‌ ഭീകര പ്രവർത്തനം അത്ഭുത​പൂർവ്വ​മായ നിരക്കിൽ വർദ്ധി​ക്കു​ന്ന​തി​ന്റെ പ്രധാന കാരണം ഇതല്ലയോ?

പ്രസവ​വേ​ദന

യേശു തന്റെ രാജ്യം സ്ഥാപി​ച്ച​ശേഷം ഈ ദുഷ്ടവ്യ​വ​സ്ഥി​തി നശിപ്പി​ക്കു​ന്ന​തി​നു​മു​മ്പുള്ള പരിവർത്തന കാലഘ​ട്ട​ത്തിൽ സംഭവി​ക്കുന്ന പല കാര്യങ്ങൾ മുൻകൂ​ട്ടി പറഞ്ഞു. (മത്തായി 24; മർക്കോസ്‌ 13; ലൂക്കോസ്‌ 21) മർക്കോസ്‌ 13:8-ൽ രേഖ​പ്പെ​ടു​ത്തി​യി​രി​ക്കു​ന്ന​തു​പോ​ലെ, “യാതന​യു​ടെ അതി​വേദന” ഉണ്ടായി​രി​ക്കു​മെന്ന്‌ അവൻ പറഞ്ഞു. പ്രസവം അടുത്തു​വ​രു​മ്പോൾ അക്ഷരീയ പ്രസവ​വേദന സംഖ്യ​യി​ലും തീവ്ര​ത​യി​ലും പെരു​കു​ന്ന​തു​പോ​ലെ തന്നെ “അന്ത്യനാ​ളു​ക​ളു​ടെ” അടയാ​ള​മാ​യി യേശു വിവരിച്ച യാതന​യു​ടെ അതി​വേദന ക്രിസ്‌തു​വി​ന്റെ എതിർപ്പി​ല്ലാത്ത ഭരണം അടുത്തു വരു​മ്പോൾ സംഖ്യ​യി​ലും തീവ്ര​ത​യി​ലും വർദ്ധി​ക്കും.

അപ്പോൾ, ഭീകര പ്രവർത്ത​ന​ത്തി​ന്റെ “അതി​വേദന” വർദ്ധി​ച്ചു​വ​രു​ന്ന​തിൽ അതിശ​യ​മില്ല. ഇത്‌ അറിവു ലഭിക്കാത്ത ആളുകൾ യേശു​വി​ന്റെ പ്രവച​ന​ത്തി​ന്റെ നിവൃ​ത്തി​യാ​യി, “നിവസിത ഭൂമി​യിൽ സംഭവി​ക്കുന്ന കാര്യ​ങ്ങ​ളെ​ക്കു​റി​ച്ചുള്ള പ്രതീ​ക്ഷ​യാ​ലും ഭയത്താ​ലും ബോധ​ര​ഹി​ത​രാ​യി​ത്തീ​രു​ന്ന​തിന്‌” ഇടയാ​ക്കി​യേ​ക്കാം. എന്നിരു​ന്നാ​ലും “ഈ കാര്യങ്ങൾ സംഭവി​ച്ചു തുടങ്ങു​മ്പോൾ നിവർന്ന്‌ നിങ്ങളു​ടെ തലകൾ ഉയർത്തു​വിൻ, എന്തു​കൊ​ണ്ടെ​ന്നാൽ നിങ്ങളു​ടെ വിടുതൽ [ഭീകര പ്രവർത്ത​ന​ത്തിൽ നിന്നു​മുള്ള വിടു​ത​ലും] അടുത്തു വരുന്നു,” എന്നുള്ള അവന്റെ വാക്കു​ക​ളു​ടെ അർത്ഥമ​റി​യാ​വു​ന്ന​വർക്ക്‌ ഇല്ല. (g86 2/8)

[18-ാം പേജിലെ ആകർഷ​ക​വാ​ക്യം]

ഗവൺമെൻറുകൾ പ്രശ്‌ന​ങ്ങളെ നേരി​ടു​ന്ന​തിൽ പരാജ​യ​പ്പെ​ടു​മ്പോൾ ആളുകൾ “ജ്വലി​ക്കാൻ” ഇടയാ​ക്കാൻ കഴിയും

[19-ാം പേജിലെ ആകർഷ​ക​വാ​ക്യം]

നോഹയുടെ നാളിൽ അക്രമം നിറഞ്ഞ ഒരു ലോകം ഉളവാ​ക്കു​ന്ന​തിൽ ഭൂതങ്ങൾ ഒരു പ്രധാന പങ്കു വഹിച്ചു