മുന്നേ​റുന്ന മരുഭൂ​മി​കൾ—അവ യഥാർത്ഥ​ത്തിൽ പനിനീർച്ചെ​ടി​പോ​ലെ പൂക്കു​മോ?

മണൽ! മണൽ! മണൽ! കണ്ണെത്തുന്ന ദൂരം വരെ ചുട്ടു പഴുത്ത മണൽക്കൂ​നകൾ അല്ലാതെ മറ്റൊ​ന്നു​മില്ല. അങ്ങകലെ 700 അടി (210മീ.) ഉയരവും അതിന്റെ ആറിരട്ടി വിസ്‌തീർണ്ണ​വു​മുള്ള അടിത്ത​റ​യുള്ള പിരമി​ഡു​സ​മാ​ന​മായ മണൽക്കു​ന്നു​കൾ മേഘര​ഹി​ത​മായ ആകാശം​വരെ എത്തി നിൽക്കു​ന്നു. ക്രമായ കാറ്റ്‌ മണലിൽ പാമ്പി​നെ​പ്പോ​ലെ വളഞ്ഞു പുളഞ്ഞ ചുളി​ച്ചാൽ കൊത്തി​വെ​ക്കു​ന്നു. സൂര്യൻ തീവ്ര​മാണ്‌. പാമ്പു​കൾക്കും തവളക്കൾക്കു​പോ​ലും അതിൽനിന്ന്‌ മണലിന്റെ കീഴിൽ അഭയം തേടേ​ണ്ടി​യി​രി​ക്കു​ന്നു. മണലിൽ നിന്നുള്ള പ്രതി​ബിം​ബം അന്ധമാ​ക്കുന്ന തരത്തി​ലു​ള്ള​താണ്‌. സ്‌ഫു​രി​ക്കുന്ന താപം കണ്ണുക​ളിൽ കൗശലം പ്രയോ​ഗി​ക്കു​ന്നു—വെള്ളം നിറഞ്ഞ പൊയ്‌ക​ക​ളു​ടെ മരീചി​കകൾ, യഥാർത്ഥ​ത്തിൽ ഒന്നുമി​ല്ലാ​ത്തി​ടത്ത്‌. ദൂരെ​യുള്ള വസ്‌തു​ക്കൾ യഥാർത്ഥ​ത്തിൽ ഉള്ളതിൽ നിന്നു വ്യത്യ​സ്‌ത​മാ​യി കാണി​ക്കു​ന്നു.

കൂടാതെ, കാറ്റ്‌ കൊടു​ങ്കാ​റ്റി​ന്റെ ശക്തി​യോ​ടെ അടിക്കു​ക​യും പകൽ വെളി​ച്ചത്തെ ഇരുട്ടാ​ക്കി മാറ്റാൻ കഴിയുന്ന വിധത്തിൽ മണൽ ചുഴറ്റി വലിയ മേഘം പോലെ ഉയർത്തി നിർത്തു​ക​യും ചെയ്യുന്നു. അതിന്‌ വസ്‌ത്ര​ത്തി​ന​ടി​യി​ലൂ​ടെ പ്രവേ​ശി​ക്കു​ന്ന​തി​നും ത്വക്കിൽ സൂചി മുന​പോ​ലെ കുത്തു​ന്ന​തി​നും സാധി​ക്കും. അതിന്‌ വാഹന​ങ്ങ​ളു​ടെ പെയ്‌ൻറ്‌ ഇളക്കു​ന്ന​തി​നും ഗ്ലാസ്സിൽ പോറൽ ഏല്‌പിച്ച്‌ അതിനെ അതാര്യ​മാ​ക്കു​ന്ന​തി​നും കഴിയും. അതിന്‌ മരുഭൂ​മി​യി​ലെ പാറകളെ വികൃത രൂപങ്ങ​ളാ​ക്കി​ത്തീർക്കു​ന്ന​തി​നും ടെലി​ഫോൺ പോസ്‌റ്റു​ക​ളു​ടെ പകുതി വരെ മൂടു​ന്ന​തി​നും കഴിയും.

ഉച്ചസമ​യത്ത്‌ ചൂട്‌ 125 മുതൽ 130 വരെ ഡിഗ്രി ഫാരൻ ഹീറ്റ്‌ (52-54 സെൻറീ​ഗ്രേഡ്‌) ഉയർന്നേ​ക്കാം. ആ സമയത്ത്‌ സന്ദർശകർ അതിയായ ചൂട്‌ സഹി​ക്കേ​ണ്ടി​വ​രു​ന്നു. രാത്രി​യിൽ അസ്ഥി തുളക്കുന്ന തണുപ്പിൽ രസം 40 ഡിഗ്രി (4 സെ.) യോ അതിൽ താഴെ​യോ വരെ താഴുന്നു. അപ്പോൾ അവർ മരവി​ച്ചു​പോ​യേ​ക്കാം. കമ്പിളി വസ്‌ത്രങ്ങൾ പല നിര ധരിച്ചി​ട്ടു​ണ്ടെ​ങ്കിൽ അവർക്ക്‌ നല്ല തണുപ്പു​ണ്ടാ​യി​രി​ക്കും. വസ്‌ത്രം കുറവാ​ണെ​ങ്കിൽ അവർക്ക്‌ പൊള്ളുന്ന ചൂടനു​ഭ​വ​പ്പെ​ടും. നിലത്തു​നിന്ന്‌ ഒരടി ഉയർന്നി​രു​ന്നാൽ അവർക്ക്‌ തറയിൽ തന്നെ ഇരിക്കു​ന്ന​തി​നെ​ക്കാൾ 30ഡിഗ്രി (17 സെ.) കൂടുതൽ തണുപ്പ്‌ അനുഭ​വ​പ്പെ​ട്ടേ​ക്കാം. വരണ്ട​തൊ​ണ്ട​യും ദാഹവും പാമ്പു​ക​ളെ​യുള്ള പേടി​യും തേളു​ക​ളു​ടെ കുത്തും ജ്വലന​ത്തി​ന്റെ ആപത്തും നഷ്ടപ്പെ​ട്ടേ​ക്കാ​വുന്ന അപകടാ​വ​സ്ഥ​യും ഇവയോ​ടു കൂട്ടുന്നു. ഇവയെ​ല്ലാം ഈ വരണ്ട മരുഭൂ മണൽ ലോകത്തെ ബീഭൽസ​മാ​ക്കി​ത്തീർക്കു​ന്നു.

ലോകത്ത്‌ വലുതും ചെറു​തു​മായ എത്ര മരുഭൂ​മി​കൾ ഉണ്ടെന്ന്‌ സുനി​ശ്ചി​ത​മാ​യി ആർക്കും അറിഞ്ഞു​കൂ​ടാ. ആരും അവ എണ്ണി​നോ​ക്കി​യ​താ​യി തോന്നു​ന്നില്ല എന്നതാണ്‌ അതിന്റെ വ്യക്തമായ ഒരു കാരണം. മരുഭൂ​മി കണ്ടുപി​ടി​ക്കാൻ ശ്രമി​ക്കു​ന്ന​വ​രിൽ ഗണനീ​യ​നായ ഒരാൾ, “ഞാൻ 125-ൽ അധികം കണ്ടെത്തി” എന്നു പറഞ്ഞു. “ഒരുപക്ഷേ അതിന്റെ ഇരട്ടി ഉണ്ടായി​രി​ക്കും”. എന്നിരു​ന്നാ​ലും ഭൂമി​യി​ലെ എല്ലാ ഭൂഖണ്ഡ​ങ്ങ​ളി​ലും മരുഭൂ​മി​കൾ ഉണ്ട്‌. അവ ഭൂമി​യു​ടെ കരഭാ​ഗ​ത്തി​ന്റെ ഉദ്ദേശം അഞ്ചിൽ ഒരു ഭാഗത്തു സ്ഥിതി ചെയ്യുന്നു.

എല്ലാറ്റി​ലും വലിയ മരുഭൂ​മി​യായ വടക്കേ ആഫ്രി​ക്ക​യി​ലെ സഹാറാ ലോകത്തെ മരു​പ്ര​ദേ​ശ​ത്തി​ന്റെ പകുതി വരുന്നു. അതിന്റെ വിസ്‌തീർണ്ണം മുപ്പത്തി​യഞ്ചു ലക്ഷം ചതുരശ്ര മൈൽ ആണ്‌. aഅറേബ്യൻ ഉപദ്വീ​പി​ലെ അറേബ്യൻ മരുഭൂ​മി 5,00,000 ചതുരശ്ര മൈലും തെക്കു പടിഞ്ഞാ​റെ ആഫ്രി​ക്ക​യി​ലെ കലഹാരി മരുഭൂ​മി 2,00,000 ചതുര​ശ്ര​മൈ​ലും കരപ്ര​ദേശം കവിഞ്ഞു​കി​ട​ക്കു​ന്നു. സഹാറാ കഴിഞ്ഞാൽ അടുത്ത വിസ്‌തീർണ്ണം കൂടിയ ആസ്‌​ത്രേ​ലി​യൻ മരുഭൂ​മി 13 ലക്ഷം ചതുര​ശ്ര​മൈൽ പ്രദേ​ശത്തെ കീഴ്‌പ്പെ​ടു​ത്തി​യി​ട്ടി​രി​ക്കു​ന്നു—ആ ഭൂഖണ്ഡ​ത്തി​ന്റെ പകുതി​യോ​ട​ടുത്ത്‌. യു​ണൈ​റ്റഡ്‌ സ്‌റ്റേ​റ്റ്‌സി​ലെ ടെക്‌സാ​സി​ന്റെ ഇരട്ടി വലിപ്പ​മുള്ള ചൈന​യി​ലെ ഗോബി മരുഭൂ​മി 5,00,000 ചതുര​ശ്ര​മൈൽ കവിഞ്ഞു കിടക്കു​ന്നു.

വടക്കേ അമേരി​ക്കക്ക്‌ അതി​ന്റെ​തായ മരുഭൂ​മി​കൾ ഉണ്ട്‌—കാലി​ഫോർണിയ സംസ്ഥാ​ന​ത്തി​ന്റെ 2.5 ശതമാനം മരുഭൂ​മി​യാണ്‌. അരി​സോ​ണാ, ഒറി​ഗോൺ, ഉട്ടാഹ്‌, നെവാഡാ, മെക്‌സി​ക്കോ എന്നിവി​ട​ങ്ങ​ളി​ലെ മരുഭൂ​മി​കൾ അതു​പൊ​ലെ​തന്നെ വരണ്ടതും ചൂടു​ള്ള​തു​മാണ്‌. കാലി​ഫോർണി​യാ​യി​ലെ മരണ താഴ്‌വര ലോക​ത്തി​ലെ ഏറ്റവും ചൂടുള്ള മരുഭൂ​മി​യിൽ രണ്ടാമ​ത്തേ​താ​ണെന്ന്‌ റിപ്പോർട്ടു ചെയ്യുന്നു. തെക്കെ അമേരിക്ക ഭൂമി​യി​ലെ ഏറ്റവും വരണ്ട മരുഭൂ​മി​യു​ള്ള​തെന്ന നിലയിൽ ശ്രദ്ധേ​യ​മാണ്‌—അറ്റക്കാമ—600 മൈൽ (970 കി.മീ.) നീളത്തിൽ പെറു​വി​ന്റെ അതിർത്തിക്ക്‌ തെക്കു മുതൽ ചിലി​യു​ടെ വടക്കൻ പ്രദേശം വരെ കിടക്കു​ന്നു. എല്ലാ മരുഭൂ​മി​ക​ളും ഒരേ പ്രത്യേ​കത പങ്കിടു​ന്നു.—ചൂടും വരൾച്ച​യും.

ദൃഷ്ടാ​ന്ത​ത്തിന്‌ ചിലി​യി​ലെ അറ്റക്കാമ മരുഭൂ​മി​യിൽ മഴ വളരെ അപൂർവ്വ​മായ സ്ഥലങ്ങൾ ഉണ്ട്‌. ആ പ്രദേ​ശത്തു വസിക്കുന്ന ഒരുവൻ ഇപ്രകാ​രം വിലപി​ക്കു​ന്ന​തി​നു പ്രേരി​ത​നാ​യി, “ഏതാനും വർഷങ്ങൾക്കി​ട​യിൽ ഒരിക്കൽ ഞങ്ങൾക്കു ഒരു നേർത്ത മൂടൽമഞ്ഞു ലഭിക്കു​ന്നു—എന്നാൽ അതിന്റെ തുള്ളികൾ വളരെ ചെറു​താണ്‌.” അതേ മരുഭൂ​മി​യു​ടെ മറ്റു സ്ഥലങ്ങളിൽ, ഔദ്യോ​ഗിക റിപ്പോർട്ടു​കൾ കാണി​ക്കു​ന്നത്‌, ഒരു 14 വർഷ കാലഘ​ട്ട​ത്തി​നി​ടക്ക്‌ യാതൊ​രു മഴയോ മഞ്ഞോ ഉണ്ടായില്ല എന്നാണ്‌. അറ്റക്കാ​മ​യു​ടെ മറ്റു സ്ഥലങ്ങളിൽ, അനൗ​ദ്യോ​ഗിക റിപ്പോർട്ടു​കൾ കാണി​ക്കു​ന്നത്‌ 50 വർഷങ്ങൾക്കി​ടക്ക്‌ ഒട്ടും മഴയി​ല്ലാ​യി​രു​ന്നെ​ന്നും അതിലും വരണ്ട പ്രദേ​ശ​ങ്ങ​ളിൽ മഴ ഒരിക്ക​ലും രേഖ​പ്പെ​ടു​ത്ത​പ്പെ​ട്ടി​ട്ടി​ല്ലെ​ന്നു​മാണ്‌. തെക്കു പടിഞ്ഞാ​റെ ആഫ്രി​ക്ക​യി​ലെ നമീബ്‌ മരുഭൂ​മി​യിൽ വാർഷിക വർഷപാ​തം ഒരിഞ്ചി​ന്റെ എട്ടിൽ ഒന്നിൽ താഴെ മുതൽ ആറ്‌ ഇഞ്ചുവരെ (0.3 സെ. മീ.—15 സെ. മീ.) വ്യത്യ​സ്‌ത​മാ​യി​രി​ക്കും. സഹാറാ​യു​ടെ പ്രദേ​ശ​ങ്ങ​ളിൽ ഒന്നു രണ്ടു വർഷകാ​ല​യ​ള​വിൽ വർഷപാ​തം പൂജ്യ​മാ​യി​രു​ന്നു. വർഷപാ​തം അവ്യവ​സ്ഥി​ത​മാ​യി​രി​ക്കാൻ കഴിയും. പരിച​യ​സ​മ്പ​ന്ന​നായ ഒരു മരു ഗവേഷകൻ ഇപ്രകാ​രം പറഞ്ഞു, “ഒരിക്കൽ ഗോബി മരുഭൂ​മി​യിൽ ആടുകൾ വെള്ളം കിട്ടാതെ ചത്തു വീണു​കൊ​ണ്ടി​രു​ന്നു. അടുത്ത ദിവസം ഒരു കാർമേ​ഘ​ത്തി​ന്റെ അതിയായ ബഹിർഗ​മനം മൃഗങ്ങ​ളെ​യും മനുഷ്യ​രെ​യും മുക്കി​ക്കൊ​ന്നു.”

മരുഭൂ​മി​കൾ ക്രമായി മുന്നേ​റു​ന്നു

ഇന്ന്‌, ഭൂമി​യി​ലെ മരുഭൂ​മി​ക​ളെ​ക്കു​റി​ച്ചുള്ള പരിചി​ന്ത​ന​ത്തി​നാ​യി ലോകത്തു വർത്തമാ​ന​പ്പ​ത്ര​ത്തി​ന്റെ അന്തമി​ല്ലാത്ത കോളങ്ങൾ അർപ്പി​ക്ക​പ്പെ​ടു​ന്നു. സഹസ്രാ​ബ്ദ​ങ്ങ​ളി​ലെ ആസ്‌തി​ക്യ​ത്തി​നു​ശേഷം മരുഭൂ​മി​കൾക്ക്‌ അത്തരം കുപ്ര​സി​ദ്ധി ലഭിക്കു​ന്ന​തെ​ന്തു​കൊ​ണ്ടാണ്‌? നമ്മുടെ ഏറ്റം വലിയ തടാക​ങ്ങ​ളും അരുവി​ക​ളും മനുഷ്യ​നാൽ മലിന​മാ​ക്ക​പ്പെ​ടു​ന്നു. നദിക​ളിൽ മനുഷ്യർ നിരു​ത്ത​ര​വാ​ദി​ത്വ​ത്തോ​ടെ കുടഞ്ഞി​ട്ടി​ട്ടുള്ള വിഷരാ​സ​വ​സ്‌തു​ക്കൾകൊണ്ട്‌ അവയിലെ മൽസ്യങ്ങൾ ഭാര​പ്പെ​ട്ടി​രി​ക്ക​യാണ്‌. മുകളി​ലെ ആകാശം​പോ​ലും മനുഷ്യൻ റോക്ക​റ്റിൽ അയച്ചി​ട്ടുള്ള “ഉപയോ​ഗ​ശൂ​ന്യ​മായ വസ്‌തു​ക്കൾ” ഭ്രമണ​പ​ഥ​ത്തി​ലൂ​ടെ സഞ്ചരി​ക്കുന്ന രംഗമാ​യി​ത്തീർന്നി​രി​ക്കു​ന്നു. എന്നാൽ മരുഭൂ​മി​ക​ളു​ടെ ചില ഭാഗങ്ങൾ മനുഷ്യർ കീഴട​ക്കി​യി​ട്ടു​ണ്ടെ​ങ്കി​ലും അവയുടെ ഘടനാ​പ​ര​മായ മിക്ക സ്വഭാ​വ​ങ്ങ​ളും ആയിര​ക്ക​ണ​ക്കി​നു വർഷങ്ങ​ളാ​യി അറിയ​പ്പെ​ട്ടി​രുന്ന അവയിലെ സസ്യങ്ങ​ളും മൃഗങ്ങ​ളും ഇപ്പോ​ഴും നിലനിൽക്കു​ന്നു.

എന്നിരു​ന്നാ​ലും മിക്കവാ​റും ആഴ്‌ച​തോ​റും തലക്കെ​ട്ടു​കൾ കഥ പറഞ്ഞു​കൊ​ണ്ടി​രി​ക്കു​ന്നു—“മരുഭൂ​മി​ക​ളു​ടെ വ്യാപനം ഭക്ഷ്യക്ഷാ​മ​ത്തി​നു അടിവ​ര​യി​ടുന്ന കൊടും​വി​പ​ത്തി​നാ​യി കാണ​പ്പെ​ടു​ന്നു” എന്ന്‌ ദി ന്യൂ​യോർക്ക്‌ ടൈംസ്‌ റിപ്പോർട്ട്‌ ചെയ്യുന്നു. ദി അറ്റ്‌ലാൻറാ ജേണൽ ആൻഡ്‌ കോൺസ്‌റ്റി​ട്യൂ​ഷ​നി​ലെ ശീർഷകം ഇപ്രകാ​ര​മാ​യി​രു​ന്നു. “ആഫ്രി​ക്ക​യി​ലെ​മ്പാ​ടു​മ​നു​ഭ​വ​പ്പെ​ടുന്ന അപകട​ക​ര​മായ വരൾച്ച സാഹേ​ലി​നെ മറ്റൊരു സഹാറാ ആയി രൂപാ​ന്ത​ര​പ്പെ​ടു​ത്തു​ന്നു.” “മരുഭൂ​മി​കൾ തുടർന്നു വ്യാപി​ക്കു​ന്നു,” ദി ബോസ്‌റ്റൺ ഗ്ലോബ്‌, “ലോക​ത്തി​ന്റെ കൃഷി​ഭൂ​മി​യെ ക്ഷയിപ്പി​ക്കു​ന്നു,” ദി ടൊ​റോ​ന്റോ സ്‌റ്റാർ, “ഒറ്റ വർഷം കൊണ്ട്‌ സഹാറാ, ചാഡിന്റെ അധിക​ഭാ​ഗ​വും ഗ്രസി​ക്കു​ന്നു,” മറ്റൊരു വാർത്ത. മരുഭൂ​മി​ക​ളു​ടെ വ്യാപന ഭീഷണി​യെ സംബന്ധിച്ച്‌ കെട്ടു​ക​ണ​ക്കിന്‌ കടലാ​സ്സിൽ അച്ചടി​ച്ചു​കൊ​ണ്ടി​രി​ക്കു​ന്നു.

ഇപ്പോൾ താഴെ കൊടു​ത്തി​രി​ക്കുന്ന ശീർഷ​കങ്ങൾ വായി​ക്കുക. “സഹാറാ​യു​ടെ ശൂന്യ​മായ ഒരു മരു​പ്ര​ദേശം ഒരു ദശകത്തി​ല​ധി​ക​മാ​യി ഓരോ വർഷവും 10-20 കി. മീ. എന്ന നിരക്കിൽ തെക്കോട്ട്‌ വ്യാപി​ച്ചു​കൊ​ണ്ടി​രി​ക്കു​ന്നു. അതു ക്രമേണ അതിന്റെ തെക്കെ അറ്റത്തെ അർദ്ധ വരൾച്ച ഭൂവല​യ​വു​മാ​യി യോജി​ക്കു​ന്നു,” എന്ന്‌ 1985 ജനുവരി 2-ലെ ന്യൂ​യോർക്ക്‌ ടൈംസ്‌ പറയുന്നു.

“ഓരോ വർഷവും ഏകദേശം 2 കോടി 10 ലക്ഷം ഹെക്ടാർ കര മരുഭൂ​മി​യാ​യി മാറുന്നു . . . ഈ പ്രശ്‌നം പ്രാരം​ഭ​ത്തിൽ ആഫ്രി​ക്ക​യി​ലും ഇൻഡ്യ​യി​ലും തെക്കെ അമേരി​ക്ക​യി​ലും സംജാ​ത​മാ​യി,” എന്നു ദി ബോസ്‌റ്റൺ ഗ്ലോബ്‌, 1984 ജൂൺ 11 റിപ്പോർട്ട്‌ ചെയ്യുന്നു.

“മരുഭൂ​മി​യു​ടെ വികസനം മൗറി​റ്റേ​നി​യാ ഉൾപ്പെടെ ചില രാജ്യ​ങ്ങ​ളു​ടെ നിലനിൽപു​തന്നെ ഭീഷണി​പ്പെ​ടു​ത്ത​പ്പെ​ടു​ന്നു. അവിടത്തെ ഗവൺമെൻറ്‌ ഉദ്യോ​ഗ​സ്ഥൻമാർ പറയു​ന്നത്‌ സഹാറാ മരുഭൂ​മി ഒരു വർഷം 6 കി. മീ. എന്ന നിരക്കിൽ തെക്കോ​ട്ടു നീങ്ങുന്നു എന്നാണ്‌. രാജ്യ​ത്തി​ന്റെ വന പ്രദേ​ശ​ങ്ങ​ളിൽ സിംഹങ്ങൾ പാർത്തി​രുന്ന നാളു​ക​ളെ​ക്കു​റിച്ച്‌ മൗറി​റ്റോ​നി​യാ​ക്കാർ പറയുന്ന അതേ പ്രദേ​ശങ്ങൾ ഇന്ന്‌ വൃക്ഷങ്ങൾ നശിച്ച്‌ ചുട്ടു പഴുത്ത മണൽ നിറഞ്ഞ ശൂന്യ​മായ കര പ്രദേ​ശ​ത്തെ​ക്കാൾ കൂടു​ത​ലായ ഒന്നുമല്ല,” എന്ന്‌ 1985 ജനുവരി 20-ലെ ദി അറ്റലാൻറാ ജേണൽ ആൻഡ്‌ കോൺസ്‌റ്റി​ട്യൂ​ഷൻ വിശദീ​ക​രി​ക്കു​ന്നു.

മരുഭൂ​മി​കൾ വ്യാപി​ക്കുന്ന ഈ ആഗോള പ്രതി​ഭാ​സം പുതി​യതല്ല. എന്നിരു​ന്നാ​ലും ഈ വഞ്ചകമായ പ്രക്രി​യയെ വർണ്ണി​ക്കാൻ ഒരു പുതിയ വാക്കു നിർമ്മി​ക്കു​ക​യു​ണ്ടാ​യി—“മരുഭൂ​മി​വൽക്ക​രണം” ഇത്‌ ലോക​ത്തി​ന്റെ ചില ഭാഗങ്ങ​ളിൽ അതി​വേഗം ഒരു സാധാരണ വാക്കായി തീർന്നു​കൊ​ണ്ടി​രി​ക്കു​ന്നു. മരുഭൂ​മി​വൽക്ക​രണം ഇപ്പോൾ ഏകദേശം നൂറു രാജ്യ​ങ്ങളെ, പ്രത്യേ​കിച്ച്‌ അക്ഷരീയ മരുഭൂ​മി​ക​ളാൽ ചുറ്റപ്പെട്ട ആഫ്രി​ക്ക​യി​ലെ അവിക​സിത രാജ്യ​ങ്ങളെ ബാധി​ക്കു​ന്നു.

ഇത്‌ ഐക്യ​രാ​ഷ്‌ട്ര സംഘടന ഒരു പരിഹാ​ര​ത്തി​നു​വേണ്ടി പരിസ്ഥി​തി പരിപാ​ടി (യു. എൻ. ഇ. പി.) യുടെ മരുഭൂ​മി​വൽക്കരണ ശാഖയു​ടെ മുഖ്യ​നായ ഗാഫർഖ​രാർ ഇപ്രകാ​രം പറഞ്ഞു, “നാം ഇതിനെ ഒരു ഭീമായ പ്രശ്‌ന​മാ​യി കാണേ​ണ്ടി​യി​രി​ക്കു​ന്നു. ഈ നൂറ്റാ​ണ്ടി​ന്റെ അവസാ​ന​ത്തോ​ടെ ലോക​ത്തിൽ നിലവി​ലുള്ള കൃഷി​ഭൂ​പ്ര​ദേ​ശ​ത്തി​ന്റെ മൂന്നിൽ ഒന്ന്‌ നഷ്ടപ്പെ​ടാ​നി​ട​യാ​കും.” ഒരു യു. എൻ. റിപ്പോർട്ട​നു​സ​രിച്ച്‌ മരുഭൂ​മി​വൽക്ക​രണം ഭൂമി​യു​ടെ 35 ശതമാനം കരപ്ര​ദേ​ശത്തെ അഥവാ ഏകദേശം 4 കോടി 50 ലക്ഷം ചതുരശ്ര മൈൽ പ്രദേ​ശ​ത്തെ​യും അതിലെ 20 ശതമാനം ജനസം​ഖ്യ​യെ​യും—ഏകദേശം 8 കോടി 50 ലക്ഷം ആളുകളെ—ഭീഷണി​പ്പെ​ടു​ത്തു​ന്നു. “യഥാർത്ഥ​ത്തിൽ ലോക​ത്തിൽ മരുഭൂ​മി​വൽക്ക​ര​ണ​ത്തിൽ നിന്ന്‌ വിമു​ക്ത​മാ​ക്ക​പ്പെട്ട ഒരിട​വു​മില്ല,” എന്നു ഖറാർ പറഞ്ഞു.

കെനി​യാ​യി​ലെ നെയ്‌റോ​ബി​യിൽ 1977-ൽ 94 രാഷ്‌ട്രങ്ങൾ ഒന്നിച്ചു കൂടി ഈ നൂറ്റാ​ണ്ട​വ​സാ​നി​ക്കു​ന്ന​തോ​ടെ മരുഭൂ​വ്യാ​പ​നത്തെ പിടിച്ചു നിർത്തു​ന്ന​തി​നുള്ള ഒരു “പ്രവർത്തന പദ്ധതി” അംഗീ​ക​രി​ച്ചു. എന്നാൽ രാഷ്‌ട്ര​ങ്ങ​ളു​ടെ പക്ഷത്തെ പൊതു​വായ അനാസ്ഥ​യും പണത്തിന്റെ അഭാവ​വും നിമിത്തം മേലാൽ സുഖക​രമല്ല എന്നതി​നാൽ ആ പദ്ധതി ഉപേക്ഷി​ക്ക​പ്പെട്ടു. 2000-ാം മാണ്ടോ​ടെ മരുഭൂ​മി​ക​ളു​ടെ വ്യാപനം നിർത്തു​ന്ന​തിന്‌ 20 വർഷ​ത്തേക്ക്‌ 90 കോടി അമേരി​ക്കൻ ഡോളർ അഥവാ ഓരോ ആണ്ടിലും നാലര​കോ​ടി ഡോളർ വീതം ചെലവ്‌ വരു​മെന്ന്‌ യു. എൻ. ഇ. പി. 1980-ൽ കണക്കാക്കി. വിദഗ്‌ദ്ധർ മണൽ ലോക​ത്തി​ന്റെ ഈ ക്രമായ പുരോ​ഗ​തി​യെ എത്ര ഗൗരവ​മാ​യി​ട്ടാണ്‌ കണക്കാ​ക്കു​ന്നത്‌? “ഇപ്പോ​ഴത്തെ മരുഭൂ​മി​വൽക്കരണ മുന്നേറ്റം തുടരു​ക​യാ​ണെ​ങ്കിൽ 2000-ാമാ​ണ്ടോ​ടെ അവസ്ഥ ഒരു ആഗോള ദുരന്ത​മാ​യി​ത്തീർന്നി​രി​ക്കും,” എന്ന്‌ യു. എൻ. ഇ. പി.യുടെ ഒരു പ്രതി​നി​ധി പറഞ്ഞു.

ഒരുവൻ മരുഭൂ​മി​വൽക്ക​ര​ണ​ത്തി​ന്റെ പ്രകൃതം തന്നെ പരിഗ​ണി​ക്കു​മ്പോൾ, ചില രസകര​മായ ചോദ്യ​ങ്ങൾ ഉദിക്കു​ന്നു: മാറ്റമി​ല്ലാ​ത്ത​തെന്നു ദ്യോ​തി​പ്പി​ക്കുന്ന ഈ മരുഭൂ​വ്യാ​പനം ഫലപ്ര​ദ​മാ​യി തടയാൻ ഐക്യ​രാ​ഷ്‌ട്ര സംഘടന നടപടി​ക്കുള്ള എന്തു പദ്ധതി പ്രാബ​ല്യ​ത്തിൽ കൊണ്ടു​വ​രും? ഐക്യ​രാ​ഷ്‌ട്ര​ത്തിന്‌ മനുഷ്യ​ന്റെ വിചാ​രത്തെ ഒരുക്കു​ന്ന​തി​നും അതിനെ ദീർഘ​വീ​ക്ഷ​ണ​മു​ള്ള​വ​രും സദു​ദ്ദേ​ശ്യ​ത്തോ​ടു​കൂ​ടി​യ​വ​രും തുടർച്ച​യായ മരുഭൂ​മി​വൽക്ക​രണം കൈവ​രു​ത്തുന്ന ആഗോള ദുരന്തം കാണു​ന്ന​വ​രു​മായ മനുഷ്യ​രു​ടെ ചിന്ത​യോട്‌ പൂർണ്ണ​യോ​ജി​പ്പിൽ വരുത്തു​ന്ന​തി​നും കഴിയു​മോ? “മരുഭൂ​മി​വൽക്ക​രണം എന്ന പദം മനുഷ്യ​രു​ടെ പ്രവർത്ത​ന​ത്തി​ന്റെ ഫലമാ​യുള്ള മരുഭൂ​മി​ക​ളു​ടെ വികസനം എന്നു വിവർത്തനം ചെയ്യുന്നു” എന്ന്‌ ഒരു എഴുത്തു​കാ​രൻ പറയുന്നു. യു. എൻ. ഇ. പി.യുടെ എക്‌സി​ക്യൂ​ട്ടീവ്‌ ഡയറക്ടർ ആയ ഡോ. മുസ്‌തഫാ കെ. തോൽബാ ഇപ്രകാ​രം പറഞ്ഞു: “മരുഭൂ​മി​വൽക്ക​ര​ണ​ത്തി​ന്റെ മൂലകാ​രണം പരിച്ചി​ന്തി​ച്ചാൽ, അനേക​രും ഇപ്പോ​ഴും വിശ്വ​സി​ക്കു​ന്ന​തു​പോ​ലെ വരൾച്ചയല്ല പിന്നെ​യോ അമിത കൃഷി​യും അമിത​മായ കാലി​മേ​ക്ക​ലും മോശ​മായ ജലസേചന രീതി​ക​ളും വനനശീ​ക​ര​ണ​വും മൂലം മനുഷ്യർ കരയെ അമിത​മാ​യി മുത​ലെ​ടു​ക്കു​ന്ന​താണ്‌.”

ജനസംഖ്യ വർദ്ധി​ക്കു​ക​യും പുതിയ പ്രദേ​ശ​ങ്ങ​ളിൽ താമസം തുടങ്ങു​ക​യും ചെയ്യു​ന്ന​ത​നു​സ​രിച്ച്‌ അത്തരം അമിത മുത​ലെ​ടുപ്പ്‌ കുതി​ച്ചു​യ​രു​ന്നു. വർദ്ധി​ച്ചു​വ​രുന്ന ജന സംഖ്യയെ തീറ്റു​ന്ന​തിന്‌ കൃഷി​യി​റ​ക്കു​ന്ന​തി​നും വീടുകൾ വെക്കു​ന്ന​തി​നും തടി വിറകി​നു​പ​യോ​ഗി​ക്കു​ന്ന​തി​നും വേണ്ടി കാഴ്‌ച​യിൽ പെടുന്ന ഓരോ വൃക്ഷവും മുറി​ച്ചി​ടു​ന്നു. ആഫ്രി​ക്ക​യിൽ മൗറി​റ്റേ​നി​യാ​യി​ലെ പ്രകൃതി സംരക്ഷ​ണ​ത്തി​ന്റെ ഡയറക്ടർ ഇപ്രകാ​രം പറഞ്ഞു, “ഇപ്പോൾ മരത്തി​ന്റെ​യും കരിയു​ടെ​യും ക്ഷാമവു​മുണ്ട്‌. എന്നിട്ടും ആളുകൾ വീണ്ടും വീണ്ടും മുറി​ക്കു​ന്നു. അല്ലാഹു മഴയും മരങ്ങളും പ്രദാനം ചെയ്യും എന്ന്‌ അവർ വിചാ​രി​ക്കു​ന്നു.” അവരുടെ കന്നുകാ​ലി​കൾ അതിജീ​വി​ക്കു​ന്ന​തിന്‌ അവക്കു മേയാൻ കഴിയു​ന്ന​ട​ത്തോ​ളം സസ്യങ്ങ​ളു​ടെ എല്ലാ നാമ്പും തിന്നുന്നു. അതിന്റെ ഫലമായി തുറന്നു​കി​ട​ക്കുന്ന കരരൂ​ക്ഷ​മായ സൂര്യ​നാൽ കല്ലിനെ കഠിന​മാ​യി ഉണക്കു​ക​യും സസ്യങ്ങ​ളു​ടെ വളർച്ച​ക്കാ​വ​ശ്യ​മായ അണുജീ​വി​കളെ കൊല്ലു​ക​യും ചെയ്യുന്നു. സസ്യങ്ങൾ കുറയു​മ്പോൾ മരുഭൂ​മി വർദ്ധി​ക്കു​ന്നു.

അടുത്ത​താ​യി വീശു​ന്ന​കാറ്റ്‌ വരുന്നു. ചുറ്റു​പാ​ടു​മുള്ള ഊഷര​ഭൂ​മി​യിൽ നിന്ന്‌ മണൽക്കാ​റ്റ​ടിച്ച്‌ പറപ്പി​ക്കു​ക​യും തുറന്ന പ്രദേ​ശ​ത്തു​കൂ​ടെ ഒരു തടസ്സവും കൂടാതെ പറന്ന്‌ തെരു​വു​ക​ളിൽ കൂനകൂ​ടു​ക​യും വീടു​ക​ളി​ലേക്ക്‌ പറന്ന്‌ക​യ​റു​ക​യും ചെയ്‌തു​കൊണ്ട്‌ പ്രദേ​ശത്തെ ഗ്രസി​ക്കു​ന്നു. അത്‌ ആളുകൾ പുറത്തു ചാടി പുതിയ പ്രദേ​ശ​ങ്ങ​ളി​ലേക്ക്‌ നീങ്ങാൻ നിർബ​ന്ധി​ത​രാ​ക്കു​ന്നു, ഒരിക്ക​ലും അവസാ​നി​ക്കാ​ത്ത​തെന്ന്‌ തോന്നുന്ന ഒരു പരിവൃ​ത്തി​തന്നെ.

ഒരിക്കൽ ധാരാളം മഴയു​ണ്ടാ​യി​രു​ന്ന​തും ഇപ്പോൾ തുറന്നു കിടക്കു​ന്ന​തു​മായ പ്രദേശം അന്തരീ​ക്ഷ​ത്തി​ന്റെ ഊഷ്‌മ​ഗ​തിക്ക്‌ മാറ്റം വരുത്തി​ക്കൊണ്ട്‌ സൗരോർജ്ജത്തെ പ്രതി​ഫ​ലി​പ്പി​ക്കു​ന്ന​തി​നാൽ മഴയെ ഞെരു​ക്കു​ക​യും മരുഭൂ​തു​ല്യ​മായ അവസ്‌തകൾ വളരു​ന്ന​തി​ന്റെ വേഗത കൂടു​ക​യും മുന്നോ​ട്ടു നീങ്ങു​ന്ന​തി​ന​നു​സ​രിച്ച്‌ സംവേഗ ശക്തി ലഭിക്കു​ക​യും ചെയ്യുന്നു എന്ന്‌ വിദഗ്‌ദ്ധർ പറയുന്നു. ആളുകൾ തങ്ങളുടെ വരണ്ടഭൂ​മി​യിൽ വിത്തു നടുന്ന​തി​നാ​യി കുഴി​ക്കു​ന്നു, എന്നാൽ കഷ്ടം, ഒന്നും വളരു​ക​യില്ല. ക്ഷാമം പ്രദേ​ശത്തു നടമാ​ടു​ന്നു. ഇത്‌ എപ്പോൾ അവസാ​നി​ക്കും?

മരുഭൂ​മി​കൾ യഥാർത്ഥ​ത്തിൽ റോ​സേ​പാ​ലെ പൂക്കു​മോ?

രണ്ടു സഹസ്രാ​ബ്ദ​ങ്ങൾക്കു മുമ്പ്‌ ഈ ഭൂമി​യി​ലെ മരുഭൂ​മി​ക​ളു​ടെ ഭാവി​യും അവയുടെ അത്ഭുത​ക​ര​മായ രുപാ​ന്ത​ര​വും സംബന്ധിച്ച്‌ എഴുതു​ന്ന​തിന്‌ യെശയ്യാ പ്രവാ​ച​കനെ നിശ്വ​സ്‌ത​നാ​ക്കി -ഐക്യ​രാ​ഷ്ട്ര സംഘട​ന​യു​ടെ ഏതെങ്കി​ലും ആസൂത്രണ പ്രവർത്ത​ന​ത്താൽ അല്ല, എന്നാൽ ക്രിസ്‌തു​യേ​ശു​വി​ന്റെ രാജ്യ​ഭ​ര​ണ​ത്തിൻകീ​ഴിൽ മാത്ര​മാണ്‌. ഇപ്പോൾ നിവൃ​ത്തി​യേ​റു​ന്ന​തിന്‌ ഏറ്റവും സമീപ​മാ​യി​രി​ക്കുന്ന ഈ മഹത്തായ പ്രവച​ന​ത്തിൽ നൈരാ​ശ്യ​ത്തി​ന്റെയല്ല പകരം പ്രത്യാ​ശ​യു​ടെ വാക്കു​ക​ളാണ്‌. “ആ നാളു​ക​ളിൽ ശൂന്യ പ്രദേ​ശ​വും മരുഭൂ​മി​യും പോലും ആനന്ദി​ക്കും; മരുഭൂ​മി പൂക്കൾ വിടർത്തും. ഉവ്വ്‌, പൂക്കളു​ടെ സമൃദ്ധി​യും സംഗീ​ത​വും സന്തോ​ഷ​വും ഉണ്ടായി​രി​ക്കും! മരുഭൂ​മി​കൾ ലബാ​നോൻ പർവ്വത​ങ്ങൾപോ​ലെ പച്ചയാ​യും കർമ്മേൽ പർവ്വത​ത്തി​ന്റെ മേച്ചിൽ സ്ഥലങ്ങൾപോ​ലെ​യും ശാരോ​നി​ലെ താഴ്‌വ​രകൾ പോ​ലെ​യും മനോ​ഹ​ര​മാ​യും ആയിത്തീ​രും; എന്തു​കൊ​ണ്ടെ​ന്നാൽ കർത്താവ്‌ അവിടെ തന്റെ മഹത്വ​വും, നമ്മുടെ ദൈവ​ത്തി​ന്റെ അതീവ ശ്രേഷ്‌ഠ​ത​യും പ്രകടി​പ്പി​ക്കും . . . ശൂന്യ പ്രദേ​ശത്ത്‌ നീരു​റ​വു​ക​ളും മരുഭൂ​മി​യിൽ അരുവി​ക​ളും പൊട്ടി​പ്പു​റ​പ്പെ​ടും. ദാഹമുള്ള ദേശത്ത്‌ നീരു​റ​വു​കൾ സഹിതം വരണ്ടനി​ലം ഒരു പൊയ്‌ക​യാ​യി​ത്തീ​രും. കുറുക്കൻ പാർത്തി​രുന്ന മരുഭൂ​മി​യിൽ ഈറലും പുല്ലും ഉണ്ടാകും!”—യെശയ്യാവ്‌ 35:1-6, ദി ലിവിംഗ്‌ ബൈബിൾ.

ഭൂമി​യി​ലെ പൊള്ളുന്ന മണൽക്കൂ​നകൾ നിറഞ്ഞ മരുഭൂ​മി​ക​ളു​ടെ ഭാവിയെ സംബന്ധിച്ച നിശ്വസ്‌ത വാഗ്‌ദാ​നം അതാണ്‌. (g86 3/22)

[അടിക്കു​റി​പ്പു​കൾ]

[26-ാം പേജിലെ ആകർഷ​ക​വാ​ക്യം]

“ഏതാനും വർഷങ്ങൾക്കി​ട​യിൽ ഒരിക്കൽ ഞങ്ങൾക്കു ഒരു നേർത്ത മൂടൽ മഞ്ഞ്‌ ലഭിക്കു​ന്നു—എന്നാൽ അതിന്റെ തുള്ളികൾ വളരെ നേർത്ത​താണ്‌”

[27-ാം പേജിലെ ഭൂപടം]

(For fully formatted text, see publication.)

ലോകത്തെ മരു​പ്ര​ദേ​ശങ്ങൾ വെള്ളയാ​യി കാണി​ച്ചി​രി​ക്കു​ന്നു