യാഥാർത്ഥ്യ​ങ്ങളെ അഭിമു​ഖീ​ക​രി​ക്കൽ: പുകയില ഇന്ന്‌

സിഗറ്റ​റു​കൾക്ക്‌ ഡിമാൻഡ്‌ വർദ്ധി​ച്ച​തിൽ അത്ഭുത​പ്പെ​ട്ടു​കൊണ്ട്‌ ഹാർവാർഡ്‌ മെഡി​ക്കൽസ്‌കൂൾ ഹെൽത്ത്‌ ലെറ്ററി​ന്റെ എഡിറ്റർ ചോദി​ക്കു​ന്നു: “[18-ാം കളിൽ] വളരെ​യ​ധി​ക​മാ​യി മദ്ധ്യവി​ക്‌ടോ​റി​യൻ അവജ്ഞക്കു​വി​ധേ​യ​മാ​യി കുറഞ്ഞു​കൊ​ണ്ടി​രുന്ന ഒരു ദുഃശീ​ലം പെട്ടെന്ന്‌ വീണ്ടും സ്ഥാനം പിടി​ച്ച​തെ​ങ്ങനെ?” ഉവ്വ്‌, അടുത്ത കാലത്തെ ഒരു പരസ്യം വനിതാ പുകവ​ലി​ക്കാ​രെ പുകഴ്‌ത്തു​ന്ന​തു​പോ​ലെ, “കുട്ടി, നീ ബഹുദൂ​രം പിന്നി​ട്ടി​രി​ക്കു​ന്നു.” പുകവ​ലി​യു​ടെ ബഹുജ​നാം​ഗീ​കാ​ര​ത്തി​നുള്ള ബഹുമതി ആസക്തി​ക്കും പരസ്യ​ത്തി​നും യുദ്ധങ്ങൾക്കു​മാണ്‌ ചരി​ത്ര​കാ​രൻമാർ കൊടു​ക്കു​ന്നത്‌. “പുകവ​ലി​ക്കാ​രു​ടെ ഹൃദയ​ത്തി​നും മനസ്സി​നും​വേ​ണ്ടി​യുള്ള പോരാ​ട്ട​ത്തിൽ സിഗരറ്റ്‌ വ്യവസാ​യ​ത്തി​ന്റെ അതിശ​ക്ത​മായ സഖ്യകക്ഷി ആസക്തി കഴിഞ്ഞാൽ പരസ്യ​മാണ്‌” എന്ന്‌ അടുത്ത കാലത്തെ ഒരു ഗവേഷകൻ റിപ്പോർട്ടു ചെയ്യുന്നു. സത്യം​തന്നെ, എന്നാൽ കഥയിൽ കൂടുതൽ അടങ്ങി​യി​ട്ടു​ണ്ടോ?

കഥയ്‌ക്കു പിന്നിലെ കഥ

ബൈബിൾ വിദ്യാർത്ഥി​കളെ സംബ്ബന്ധി​ച്ച​ട​ത്തോ​ളം സിഗറ്ററ്‌ യുഗത്തി​ന്റെ പ്രാധാ​ന്യ​ത്തെ തള്ളിക്ക​ള​യാ​വു​ന്നതല്ല. എന്തു​കൊണ്ട്‌? എന്തു​കൊ​ണ്ടെ​ന്നാൽ വിശേ​ഷാൽ 1914 മുതലുള്ള ഈ യുഗം പ്രവച​നത്തെ നിവർത്തി​ച്ചി​രി​ക്കു​ന്നു. ഒന്നാമ​താ​യി, 1914-ൽ ലോക​യു​ദ്ധ​ത്തിൽ ‘ജനത ജനതയ്‌ക്കെ​തി​രെ എഴു​ന്നേറ്റു.’ പിന്നീട്‌, യേശു​ക്രി​സ്‌തു കൂടു​ത​ലാ​യി മുൻകൂ​ട്ടി​പറഞ്ഞ പ്രകാരം, മനുഷ്യ​സ​മു​ദാ​യം ‘വർദ്ധി​ച്ചു​വ​രുന്ന നിയമ​രാ​ഹി​ത്യ​ത്താൽ’ ശിഥി​ല​മാ​യി. യുദ്ധം ജനങ്ങൾക്കു യാഥാർത്ഥ്യ​ബോ​ധ​മു​ള​വാ​ക്കു​ക​യും അവരുടെ വിക്‌ടോ​റി​യൻ മൂല്യ​ങ്ങളെ തകർക്കു​ക​യും ചെയ്‌ത​പ്പോൾ, അത്‌ മുമ്പു​ണ്ടാ​യി​ട്ടി​ല്ലാത്ത തോതിൽ സിഗറ്റ​റി​ന്റെ അംഗീ​ക​ര​ണ​ത്തി​ലേക്കു നയിച്ചു.—മത്തായി 24:7, 12.

ആയിര​ത്തി​ത്തൊ​ള്ളാ​യി​രത്തി പതിന്നാ​ലിൽ ലോകം ഉൽക്കണ്‌ഠ​യു​ടെ ഒരു യുഗത്തിൽ പ്രവേ​ശി​ച്ചു. സിഗറ്ററ്‌ വ്യവസാ​യം അഭിവൃ​ദ്ധി​പ്പെട്ടു. അനേകം പുകവ​ലി​ക്കാർ ഈ ശീലത്തി​ലേക്കു തിരി​ഞ്ഞത്‌ “ഇടപെ​ടാൻ പ്രയാ​സ​മുള്ള ദുർഘ​ട​കാ​ലങ്ങൾ” എന്നു ബൈബിൾ വിളി​ക്കു​ന്ന​തി​ന്റെ പിരി​മു​റു​ക്ക​ങ്ങ​ളോട്‌ മല്ലിടാൻ വേണ്ടി​യാ​യി​രു​ന്നു. പരസ്യ​ത്തി​ന്റെ ആകർഷ​ണ​വും നിക്കോ​ട്ടിൻ ആശ്രയ​വും സ്വാർത്ഥാ​സ​ക്തി​യെ സമുദാ​യ​ത്തി​ന്റെ പുതിയ ഭാവമാ​ക്കാൻ സഹായി​ച്ചു. അന്ത്യനാ​ളു​ക​ളി​ലെ ആളുകൾ “ദൈവ​പ്രി​യർ ആയിരി​ക്കു​ന്ന​തി​നു പകരം ഉല്ലാസ​പ്രി​യർ” ആയിരി​ക്കു​മെന്ന്‌ ബൈബിൾ കൃത്യ​മാ​യി മുൻകൂ​ട്ടി​പ്പ​റഞ്ഞു.—2 തിമൊ​ഥെ​യോസ്‌ 3:1-5.

ഇതെല്ലാം നമ്മുടെ കാലങ്ങ​ളു​ടെ അടിയ​ന്തി​ര​ത​യെ​ക്കു​റിച്ച്‌ ബോധം വരാൻ നമ്മെ സഹായി​ക്കേ​ണ്ട​താണ്‌. ഒരു പ്രതി​സ​ന്ധി​യു​ടെ സമയത്ത്‌ ചില മനുഷ്യർ ‘ഗൗനി​ച്ചില്ല’ എന്നു യേശു പറഞ്ഞു. അങ്ങനെ​യാ​യി​രി​ക്കാ​തെ നമുക്ക്‌ ചരി​ത്ര​ത്തിൽനിന്ന്‌ ഒരു പാഠം പഠിക്കാൻ കഴിയും. ലോകത്തെ നവീക​രി​ക്കാ​നുള്ള വ്യർത്ഥ പ്രസ്ഥാ​ന​ങ്ങ​ളി​ലോ രാഷ്‌ട്രങ്ങൾ ഒരുനാൾ അവയുടെ ദുഃശീ​ലങ്ങൾ ഒഴിവാ​ക്കു​മെ​ന്നുള്ള വ്യർത്ഥ സ്വപ്‌ന​ങ്ങ​ളി​ലോ പ്രത്യാ​ശ​വെ​ക്കാ​തെ ദൈവ രാജ്യ​ത്തിൽ പ്രത്യാ​ശ​വെ​ക്കാൻ ബൈബിൾ നമ്മെ പ്രോ​ത്സാ​ഹി​പ്പി​ക്കു​ന്നു.—മത്തായി 24:14, 39.

ലോക​ത്തിന്‌ ഈ ശീലം ഒഴിവാ​ക്കാൻ കഴിയു​മോ?

ലോകം അതിന്റെ പുകയി​ല​ശീ​ലം ഒഴിവാ​ക്കു​ന്ന​തി​നുള്ള സാദ്ധ്യത ആശാവ​ഹ​മാ​യി​രി​ക്കു​ന്നില്ല. 1962-ൽ ബ്രിട്ടീഷ്‌ റോയൽ കോളജ്‌ ഓഫ്‌ ഫിസി​ഷ്യൻസ്‌ ആദ്യമാ​യി പുകവ​ലി​ക്കെ​തി​രെ മുന്നറി​യി​പ്പു കൊടു​ത്തു, എന്നാൽ 1981-ൽ ബ്രിട്ടീ​ഷു​കാർ 11000 കോടി സിഗറ്റ​റു​കൾ വാങ്ങു​ക​യു​ണ്ടാ​യി. ഐക്യ​നാ​ടു​ക​ളി​ലെ സർജൻ ജനറൽ ആദ്യമാ​യി ആരോ​ഗ്യാ​പ​ക​ട​ങ്ങ​ളെ​ക്കു​റിച്ച്‌ 1964-ൽ മുന്നറി​യി​പ്പു​കൊ​ടു​ത്തു എന്നാൽ അടുത്ത​വർഷം റക്കോർഡ്‌ വില്‌പ​ന​യാണ്‌ നടന്നത്‌. 1980 ആയപ്പോ​ഴേക്ക്‌ അമേരി​ക്ക​ക്കാർ 1964-ലേതി​നെ​ക്കാൾ 135000 കോടി സിഗറ്റ​റു​കൾകൂ​ടി വാങ്ങു​ന്നു​ണ്ടാ​യി​രു​ന്നു, ഓരോ പായ്‌ക്ക​റ്റി​ലും സർജൻ ജനറലി​ന്റെ അപകട​മു​ന്ന​റി​യി​പ്പു പ്രത്യ​ക്ഷ​പ്പെ​ട്ടി​ട്ടും! ലോകം ഇപ്പോൾ വാർഷി​ക​മാ​യി നാല്‌പ​തി​നാ​യി​രം കോടി സിഗറ്റ​റു​കൾ വാങ്ങു​ന്നു​ണ്ടെ​ന്നു​ള്ള​താണ്‌ വസ്‌തുത.

നിങ്ങൾ വ്യക്തി​പ​ര​മാ​യി പുകവ​ലി​ച്ചാ​ലും ഇല്ലെങ്കി​ലും ഇക്കാലത്തെ പുകയില വ്യവസാ​യ​ത്തി​ലെ പണം ഗവൺമെൻറും രാജ്യ​ത​ന്ത്ര​ജ്ഞൻമാ​രും പുകയില വ്യാപാ​രം നിർത്താൻ പോകു​ന്നി​ല്ലെ​ന്നാണ്‌ അറിയി​ക്കു​ന്നത്‌. ദൃഷ്ടാ​ന്ത​മാ​യി, ഐക്യ​നാ​ടു​ക​ളിൽ ഓരോ വർഷവും 350000 പേർ സിഗറ്ററ്‌ വലി നിമിത്തം മരിക്കു​ന്നു​വെ​ങ്കി​ലും പുകയില 2100 കോടി ഡോളർ നികു​തി​യാ​യി നൽകു​ന്നുണ്ട്‌. അത്‌ ജോലി​യും കൊടു​ക്കു​ന്നുണ്ട്‌. പുകയി​ല​ക്ക​മ്പ​നി​കൾ വലിയ പണച്ചെ​ല​വു​കാ​രാണ്‌. ലോക​വ്യാ​പ​ക​മാ​യി, അവ 200 കോടി ഡോളർ പരസ്യ​ത്തിന്‌ ചെലവി​ടു​ന്നു—ഇത്‌ അമേരി​ക്കൻ കാൻസർ സൊ​സൈ​റ്റി​യും അമേരി​ക്കൻ ലംഗ്‌ അസോ​സി​യേ​ഷ​നും കൂടെ പുകവലി വിരുദ്ധ വിദ്യാ​ഭ്യാ​സ​ത്തിന്‌ ചെലവി​ടുന്ന 70 ലക്ഷം ഡോള​റി​നെ തുച്ഛമാ​ക്കു​ന്നു.

അല്ലെങ്കിൽ, ഐക്യ​രാ​ഷ്‌ട്ര​ങ്ങ​ളു​ടെ രണ്ട്‌ ഏജൻസി​ക​ളെ​യും പുകയില നയം സംബ്ബന്ധിച്ച അവയുടെ ബുദ്ധി​മു​ട്ടി​പ്പി​ക്കുന്ന ഭിന്നത​ക​ളെ​യും കുറിച്ച്‌ ചിന്തി​ക്കുക. മൂന്നാം ലോക രാഷ്‌ട്ര​ങ്ങ​ളി​ലെ “പുകവലി മഹാമാ​രി” 9നിർത്തുന്നത്‌” ആരോ​ഗ്യ​ത്തെ മെച്ച​പ്പെ​ടു​ത്തു​ന്ന​തി​നും . . . ആയുസ്സി​നെ ദീർഘി​പ്പി​ക്കു​ന്ന​തി​നും പര്യാ​പ്‌ത​മാണ്‌. പ്രതി​രോധ ഔഷധ​മ​ണ്ഡ​ല​ത്തി​ലെ മറ്റേ​തൊ​രു ഒറ്റപ്പെട്ട പ്രവർത്ത​ന​ത്തെ​ക്കാൾ ഇതു ഫലകര​മാണ്‌” എന്ന്‌ ലോകാ​രോ​ഗ്യ സംഘടന അടുത്ത കാലത്തു പ്രഖ്യാ​പി​ക്കു​ക​യു​ണ്ടാ​യി. എന്നാൽ “പുകയില” കൃഷി മൂന്നാം ലോക​ത്തിൽ “വലിയ തോതിൽ ഗ്രാമീണ തൊഴിൽ സൃഷ്ടി​ക്കു​ന്നു“വെന്ന്‌ ഭക്ഷ്യകാർഷിക സംഘടന വിചാ​രി​ക്കു​ന്നു. “പുകയില ഉല്‌പാ​ദി​പ്പി​ക്കുന്ന”തിന്‌ കർഷകർക്ക്‌ ശക്തമായ പ്രചോ​ദനം കൊടു​ത്തു​കൊ​ണ്ടും “അതിന്റെ കൃഷി​യും നിർമ്മാ​ണ​വും പ്രോ​ത്സാ​ഹി​പ്പി​ക്കു​ന്ന​തിന്‌” ഗവൺമെൻറു​കളെ പ്രചോ​ദി​പ്പി​ച്ചു​കൊ​ണ്ടും ലോക കാർഷിക സംഘടന പുകയി​ലയെ “വളരെ പ്രധാ​ന​വും അനായാ​സം ചൂഷണം ചെയ്യാ​വുന്ന ഒരു നികു​തി​വ​രു​മാ​ന​മാർഗ്ഗവു”മെന്നു വർണ്ണിച്ചു.

വസ്‌തു​ത​കളെ അഭിമു​ഖീ​ക​രി​ക്കൽ

അതെ, വിശേ​ഷിച്ച്‌ 1914 മുതലുള്ള സിഗറ്ററ്‌ പ്രതി​ഭാ​സം ചില കഠിന യാഥാർത്ഥ്യ​ങ്ങളെ അഭിമു​ഖി​ക​രി​ക്കേ​ണ്ട​താ​വ​ശ്യ​മാ​ക്കി​ത്തീർക്കു​ന്നു. ‘അതു നല്ലതാ​ണെന്ന്‌ വിചാ​രി​ക്കു​ന്നു​വെ​ങ്കിൽ, ഇത്‌ ചെയ്യുക’ എന്നു ചിലർ പറയുന്നു. എന്നാൽ പുകവ​ലി​യെ​യും കരൾരോ​ഗ​ത്തെ​യും ഹൃ​ദ്രോ​ഗ​ത്തെ​യും തമ്മിൽ ബന്ധിപ്പി​ക്കുന്ന വസ്‌തു​തകൾ അത്തരം ഹ്രസ്വ​ദൃ​ഷ്ടി​യോ​ടു​കൂ​ടിയ വീക്ഷണത്തെ തള്ളിക്ക​ള​യു​ന്നു. ഇംഗ്ലണ്ടിൽ കാറപ​ക​ട​ങ്ങ​ളിൽ മരണമ​ട​യു​ന്ന​വ​രു​ടെ എട്ടിരട്ടി ആളുകളെ സിഗറ്ററ്‌ വലി കൊല്ലു​ന്ന​താ​യി പറയ​പ്പെ​ടു​ന്നു. ലോക​വ്യാ​പ​ക​മാ​യി, ഈ ശീലം “ഈ നൂറ്റാ​ണ്ടി​ലെ എല്ലാ യുദ്ധങ്ങ​ളെ​ക്കാ​ളും അധികം​പേരെ തുടച്ചു​നീ​ക്കി​യി​ട്ടു”ണ്ടെന്ന്‌ മാഞ്ചസ്‌റ്റർ ഗാർഡി​യൻ വീക്ക്‌ലി​യി​ലെ ഒരു റിപ്പോർട്ട്‌ പറയുന്നു.

ആസക്തി സംബ്ബന്ധി​ച്ചെന്ത്‌? നിക്കോ​ട്ടിൻ മയക്കു​മ​രു​ന്നി​ലുള്ള ആശ്രയ​ത്തി​ന്റെ ഒരു അവസ്ഥ സൃഷ്ടി​ക്കു​ന്നു​വെ​ന്ന​താണ്‌ കഠിന വസ്‌തുത. അതി​നോ​ടു ബന്ധപ്പെട്ട ധാർമ്മി​ക​വും ആത്മീയ​വു​മായ തകരാ​റി​നെ അവഗണി​ക്കാ​നാ​വി​ല്ലെന്ന്‌ ചിന്താ​ശീ​ല​രായ അനേകർ വിചാ​രി​ക്കു​ന്നു.

ധാർമ്മി​ക​മായ തടസ്സവാ​ദ​ങ്ങൾ

പുകയി​ല​യു​പ​യോ​ഗം സംബ്ബന്ധിച്ച ധാർമ്മി​ക​വും തിരു​വെ​ഴു​ത്തു​പ​ര​വു​മായ തടസ്സവാ​ദങ്ങൾ വൈദ്യ​ശാ​സ്‌ത്ര​പ​ര​മോ ആരോ​ഗ്യ​പ​ര​മോ ആയ മുന്നറി​യി​പ്പു​ക​ളെ​ക്കാൾപോ​ലും ഘനമേ​റി​യ​വ​യാണ്‌. പുകയില ഉപയോ​ഗം ജഡാത്മ​വാ​ദ​ത്തി​ലും ആത്മാചാ​ര​ത്തി​ലും മനുഷ്യ​നിർമ്മിത ദൈവ​ങ്ങ​ളു​ടെ ആരാധ​ന​യി​ലു​മാണ്‌ ഉത്ഭവി​ച്ചത്‌—ഇവയെ​ല്ലാം സ്രഷ്ടാ​വിൽനിന്ന്‌ ഒരുവനെ അകറ്റി​ക്ക​ള​യുന്ന അധഃപ​തി​പ്പി​ക്കുന്ന ആചാര​ങ്ങ​ളെന്ന നിലയിൽ ബൈബി​ളിൽ കുറ്റം​വി​ധി​ച്ചി​രി​ക്കു​ന്ന​താണ്‌. [4-ാം പേജിലെ പിടി​ച്ചു​നിന്ന വിശുദ്ധ ഇല” എന്ന ചതുരം കാണുക.] (റോമർ 1:23, 24) പുകവലി അശുദ്ധ​വും അപകട​ക​ര​വും ക്രിസ്‌തീയ പ്രമാ​ണ​ങ്ങ​ളക്കു വിരു​ദ്ധ​വു​മാണ്‌. (2 കൊരി​ന്ത്യർ 7:1) കൂടുതൽ പ്രധാ​ന​മാ​യി, ആസക്തി ഈ ശീലത്തെ “മയക്കു​മ​രു​ന്നു​പ്ര​യോഗ”ത്തിന്റെ പരിധി​യിൽ വരുത്തു​ന്നു—ഇത്‌ ആത്മീയ​മാ​യി ഹാനി​ക​ര​വും അന്ധവി​ശ്വാ​സ​പ​ര​വു​മായ നടപടി​കൾക്ക്‌ ബൈബി​ളിൽ ഉപയോ​ഗി​ക്ക​പ്പെ​ട്ടി​രി​ക്കുന്ന കുറ്റവി​ധി​യുൾപ്പെ​ടുന്ന ഒരു പദമാണ്‌.—വെളി​പ്പാട്‌ 21:8; 22:15-നെ സംബ്ബന്ധിച്ച റഫറൻസ്‌ ബൈബി​ളി​ലെ അടിക്കു​റിപ്പ്‌ കാണുക.

അതു​കൊണ്ട്‌ ഒരുവന്റെ ആരോ​ഗ്യ​ത്തി​ന്റെ ചെലവിൽ അയാളു​ടെ ഇന്ദ്രി​യ​ങ്ങളെ സുഖി​പ്പി​ക്കു​ന്ന​തും ഒരുവന്റെ അയൽക്കാ​രൻ ശ്വസി​ക്കേണ്ട വായു​വി​നെ മലിനീ​ക​രി​ക്കു​ന്ന​തും അതുതന്നെ ചെയ്‌തു തുടങ്ങാൻ ഗ്രഹണ​ക്ഷ​മ​ത​യുള്ള യുവാ​ക്കളെ സ്വാധീ​നി​ക്കു​ന്ന​തു​മായ ശീലം സംബ്ബന്ധിച്ച്‌ ഗൗരവാ​വ​ഹ​മായ ധാർമ്മി​ക​വി​വ​ക്ഷ​ക​ളുണ്ട്‌. കുറെ ചിന്തക്കും ഒരുപക്ഷേ വേദനാ​ജ​ന​ക​മായ വിലയി​രു​ത്ത​ലി​നും ശേഷം അനേകം പുകവ​ലി​ക്കാർ തങ്ങളുടെ സ്വന്ത ഗുണത്തി​നും തങ്ങളുടെ പ്രിയ​പ്പെ​ട്ട​വ​രു​ടെ ഗുണത്തി​നും​വേണ്ടി ഈ ശീലം നിർത്തേ​ണ്ട​താ​ണെന്ന്‌ തീരു​മാ​നി​ക്കു​ന്നു.

പ്രക്രി​യയെ തിരി​ച്ച​ടി​ക്കൽ

പുകയില ആസക്തി​യിൽനിന്ന്‌ വിട്ടു​മാ​റാൻ, നിങ്ങൾ സ്വന്തം ശരീര​ത്തിൽനി​ന്നും ചുറ്റു​പാ​ടു​ക​ളിൽനി​ന്നും സമ്മർദ്ദത്തെ അഭിമു​ഖീ​ക​രി​ക്കു​ന്നുണ്ട്‌. ഒര പുകവ​ലി​ക്കാ​ര​നെന്ന നിലയിൽ നിങ്ങളു​ടെ ശരീരം നിക്കോ​ട്ടി​നെ ആശ്രയി​ക്കു​ന്നു. നിങ്ങൾക്ക​നു​ഭ​വ​പ്പെ​ടു​ന്നത്‌ സിഗറ്ററ്‌ പുക അകത്തേക്ക്‌ വലിക്കാ​വു​ന്ന​താ​യി​ത്തീർന്നതു മുതൽ ഒരു നൂറ്റാ​ണ്ടു​കാ​ലം പുകവ​ലി​ക്കാർക്ക്‌ അനുഭ​വ​പ്പെട്ട അതേ അത്യാ​ശ​ത​ന്നെ​യാണ്‌. ബോർഡു​ക​ളും മാസി​ക​ക​ളും നിങ്ങളു​ടെ മനോ​ദൃ​ഷ്ടി മുമ്പാകെ ഈ ശീലത്തെ പ്രദർശി​പ്പി​ക്കു​ക​യും എല്ലായ്‌പ്പോ​ഴും അതി​നോട്‌ ഉല്ലാസ​ത്തെ​യും സ്വാത​ന്ത്ര്യ​ത്തെ​യും വീരകൃ​ത്യ​ത്തെ​യും സൗന്ദര്യ​ത്തെ​യും ആഡംബ​ര​ത്തെ​യും ബന്ധിപ്പി​ക്കു​ക​യും ചെയ്യുന്നു. നിങ്ങളു​ടെ സഹപു​ക​വ​ലി​ക്കാർ പുകവ​ലി​യെ സാധാ​ര​ണ​വും സുരക്ഷി​ത​വും നിർദ്ദോ​ഷ​വും ഉല്ലാസ​പ്ര​ദ​വും പരിഷ്‌കൃ​ത​വു​മെന്ന്‌ വീക്ഷി​ക്കാൻ ചായ്‌വു​ള്ള​വ​രാണ്‌. പുകവ​ലി​യു​ടെ ആശയത്തിന്‌ നിങ്ങൾ ഇടമു​ണ്ടാ​ക്കി​യി​രി​ക്കു​ക​യാണ്‌.

ചുരു​ക്ക​ത്തിൽ, ഈ ശീലത്തെ നിങ്ങൾ ഒഴിവാ​ക്ക​ണ​മെ​ങ്കിൽ, നിങ്ങൾ ലോകത്തെ കുരു​ക്കി​ലാ​ക്കിയ പ്രക്രി​യയെ വ്യക്തി​പ​ര​മാ​യി തിരി​ച്ച​ടി​ക്കേ​ണ്ടി​യി​രി​ക്കു​ന്നു. ഈ പേജിൽ കാണു​ന്ന​തു​പോ​ലെ​യുള്ള പ്രാ​യോ​ഗിക നിർദ്ദേ​ശ​ങ്ങൾക്ക്‌ ലോക പ്രവണ​തയെ പ്രതി​രോ​ധി​ക്കു​ന്ന​തിന്‌ നിങ്ങളെ സഹായി​ക്കാൻ കഴിയും, എന്നാൽ ആദ്യന​ട​പടി നിർണ്ണാ​യ​ക​മാണ്‌: നിങ്ങൾ നിർത്താ​നാ​ഗ്ര​ഹി​ക്കു​ന്നത്‌ എന്തു​കൊ​ണ്ടെന്ന്‌ അറിയുക. “ഉള്ളിൽ അഗാധ​മാ​യി തീരു​മാ​നം ചെയ്യേ​ണ്ടി​യി​രി​ക്കു​ന്നു” എന്ന്‌ അമേരി​ക്കൻ മെഡിക്കൽ ന്യൂസിൽ ഡോ. സി. എഫ്‌. റ്റാറ്റേ പറയുന്നു. “ഒരിക്കൽ ഈ തീരു​മാ​നം ചെയ്‌തു​ക​ഴി​ഞ്ഞാൽ, പോരാ​ട്ട​ത്തി​ന്റെ ഏറ്റവും വലിയ ഭാഗം തീർന്നു.”

നിങ്ങൾക്ക്‌ വ്യക്തി​പ​ര​മാ​യി വരുത്താൻ കഴിയുന്ന മാറ്റം വരുത്തു​ന്ന​തിന്‌ കഴിയാ​ത്ത​തും മനസ്സി​ല്ലാ​ത്ത​തു​മായ ലോകത്തെ സംബ്ബന്ധി​ച്ചെന്ത്‌? ഇല്ല, സിഗറ്ററ്‌ പ്രേമം​പോ​ലെ​യുള്ള സ്വവി​നാ​ശ​ക​മായ നടപടി​കളെ സ്വന്തം ശ്രമങ്ങ​ളാൽ മനുഷ്യ​സ​മു​ദാ​യം അവസാ​നി​പ്പി​ക്കാ​നി​ട​യില്ല. എന്നാൽ “ഭൂമിയെ നശിപ്പി​ക്കു​ന്ന​വരെ നശിപ്പി​ക്കു”മെന്ന്‌ ദൈവം വാഗ്‌ദാ​നം ചെയ്യു​ന്നു​വെന്ന്‌ ഉറപ്പു​ണ്ടാ​യി​രി​ക്കുക. (വെളി​പ്പാട്‌ 11:18) ഇതു കൈവ​രു​ത്തു​ന്ന​തി​നുള്ള ദൈവ​ത്തി​ന്റെ ഉപാധി​യായ അവന്റെ സ്വർഗ്ഗീയ രാജ്യ​ഗ​വൺമെൻറാണ്‌ ഒരു നാളിൽ ഈ ഭൂമി​യിൽ എല്ലായി​ട​ത്തും ആത്മീയ​വും ധാർമ്മി​ക​വും ശാരീ​രി​ക​വു​മായ ആരോ​ഗ്യം പുനഃ​സ്ഥാ​പി​ക്ക​പ്പെട്ടു കാണു​ന്ന​തി​നുള്ള നിങ്ങളു​ടെ ഉറച്ച പ്രത്യാശ.—യെശയ്യാവ്‌ 33:24. (g86 4/8)

[9-ാം പേജിലെ ഗ്രാഫ്‌/ചിത്രം]

(For fully formatted text, see publication.)

സിഗറ്ററ്‌ പരസ്യ​ത്തി​ന്റെ വാർഷിക ബജറ്റായ 200 കോടി ഡോളർ പുകവ​ലി​വി​രുദ്ധ വിദ്യാ​ഭ്യാ​സ​ത്തി​ന്റെ ബജറ്റായ 70 ലക്ഷം ഡോള​റി​നെ തുച്ഛമാ​ക്കു​ന്നു

പുകവലി വിരുദ്ധ വിദ്യാ​ഭ്യാ​സം

7 മില്യൺ

സിഗറ്ററ്‌ പരസ്യം

2 മില്യൺ

(ഓരോ ചതുര​വും ഒരു മില്യൺ ഡോള​റു​കൾക്ക്‌ തുല്യ​മാണ്‌)