ചെറു​പ്പ​ക്കാർ ചോദി​ക്കു​ന്നു . . .

എനിക്ക്‌ വിവാ​ഹ​ത്തി​നു​മു​മ്പുള്ള ലൈം​ഗിക ബന്ധം നിരസി​ക്കാൻ കഴിയു​ന്ന​തെ​ങ്ങനെ?

നമ്മുടെ ലോകം അധാർമ്മി​കത നിറഞ്ഞ​താണ്‌. നിങ്ങളും അതിൽ അകപ്പെ​ടാൻ വളരെ​യ​ധി​കം സമ്മർദ്ദ​മുണ്ട്‌. അതേസ​മയം, നിരവധി ചെറു​പ്പ​ക്കാർ, വിവാ​ഹ​ത്തി​നു​മു​മ്പുള്ള ലൈം​ഗിക ബന്ധത്തിന്റെ ശോച​നീ​യ​മായ ഫലങ്ങൾ തിരി​ച്ച​റി​ഞ്ഞു​കൊണ്ട്‌ തങ്ങൾക്കാ​യി ശോഭ​ന​മായ ഭാവി കാംക്ഷി​ക്കു​ന്നു. റ്റീൻ മാസിക നടത്തിയ രാഷ്‌ട്ര​വ്യാ​പ​ക​മായ ഒരു സർവ്വേ​യിൽ ചെറു​പ്പ​ക്കാർക്ക്‌ ബുദ്ധ്യു​പ​ദേശം ലഭിക്കേണ്ട പ്രാഥ​മിക വിഷയം എന്താ​ണെന്ന്‌ വെളി​പ്പെ​ടു​ത്തി: “ലൈം​ഗിക സമ്മർദ്ദത്തെ തടയു​ന്ന​തെ​ങ്ങനെ.” ഇതി​ന്റെ​യർത്ഥം, ധാർമ്മി​കത സംബന്ധിച്ച ബൈബിൾ നിലവാ​രങ്ങൾ എത്തിപ്പി​ടി​ക്കാൻ പറ്റാത്ത​വി​ധം അത്രകണ്ട്‌ ഉന്നതമാ​ണെ​ന്നാ​ണോ? ഒരിക്ക​ലു​മല്ല! ആയിര​ക്ക​ണ​ക്കിന്‌ ചെറു​പ്പ​ക്കാർ വിജയ​പൂർവ്വം ചാരി​ത്ര്യ​ശു​ദ്ധി കാത്തു​സൂ​ക്ഷി​ച്ചി​ട്ടുണ്ട്‌.

സങ്കീർത്ത​നം 119:9-ൽ ഉന്നയി​ച്ചി​രി​ക്കുന്ന ചോദ്യം മർമ്മ​പ്ര​ധാ​ന​മാണ്‌: “ഒരു യുവാവ്‌ [അല്ലെങ്കിൽ യുവതി] തന്റെ നടപ്പിനെ നിർമ്മ​ല​മാ​ക്കു​ന്ന​തെ​ങ്ങനെ?” ഉത്തരം ഇതാണ്‌: “നിന്റെ [ദൈവ​ത്തി​ന്റെ] വചന​പ്ര​കാ​രം കാത്ത്‌ സൂക്ഷി​ക്കു​ന്ന​തി​നാൽതന്നെ.” എന്നാൽ ശിരോ​ജ്ഞാ​ന​ത്തെ​ക്കാൾ കൂടുതൽ ആവശ്യ​മാണ്‌. “ലൈം​ഗിക ദുർമ്മാർഗ്ഗം സംബന്ധിച്ച്‌ ബൈബിൾ പറയു​ന്ന​തെ​ന്തെന്ന്‌ നിങ്ങളു​ടെ മനസ്സി​ലുണ്ട്‌” എന്ന്‌ ഒരു യുവതി സമ്മതിച്ചു പറഞ്ഞു. “എന്നാൽ നിങ്ങളു​ടെ ഹൃദയം ഈ ന്യായ​ങ്ങളെ നിങ്ങളു​ടെ മനസ്സിന്റെ പിമ്പി​ലേക്ക്‌ തള്ളിമാ​റ്റി​ക്കൊ​ണ്ടേ​യി​രി​ക്കു​ന്നു.” അനു​യോ​ജ്യ​മാ​യി, സങ്കീർത്ത​ന​ക്കാ​രൻ തുടർന്നു​പ​റഞ്ഞു: “ഞാൻ നിന്നോട്‌ പാപം ചെയ്യാ​തി​രി​ക്കേ​ണ്ട​തിന്‌, ഞാൻ നിന്റെ വചനത്തെ എന്റെ ഹൃദയ​ത്തിൽ സംഗ്ര​ഹി​ക്കു​ന്നു.”—സങ്കീർത്തനം 119:11.

ഹൃദയത്തെ കാത്തു​സൂ​ക്ഷി​ക്കു​ക

ദൈവ​ത്തി​ന്റെ വചനങ്ങൾ നിങ്ങളു​ടെ ഹൃദയ​ത്തിൽ സംഗ്ര​ഹി​ക്കു​ന്ന​തിന്‌ നിങ്ങൾ ആദ്യം​തന്നെ തിരു​വെ​ഴു​ത്തു​ക​ളും തിരു​വെ​ഴു​ത്ത​ധി​ഷ്‌ഠിത സാഹി​ത്യ​ങ്ങ​ളും വായി​ക്കു​ക​യും പഠിക്കു​ക​യും ചെയ്യേ​ണ്ട​താ​വ​ശ്യ​മാണ്‌. ഇവ ദൈവ​നി​യ​മങ്ങൾ വളരെ മൂല്യ​വ​ത്താ​ണെന്ന്‌—ഒരു നിധി​യാ​ണെന്ന്‌ നിങ്ങളെ ബോദ്ധ്യ​പ്പെ​ടു​ത്തും. അത്തരം വിലമ​തിപ്പ്‌ വളർത്തി​യെ​ടു​ക്കു​ന്ന​തി​നു​വേ​ണ്ടി​യാണ്‌ ഈ മാസി​ക​യിൽ “ചെറു​പ്പ​ക്കാർ ചോദി​ക്കു​ന്നു . . . ”എന്ന പരമ്പര ഉൾപ്പെ​ടു​ത്തി​യി​രി​ക്കു​ന്നത്‌. നിങ്ങൾ ഓരോ ലേഖന​വും ശ്രദ്ധാ​പൂർവ്വം വായി​ക്കു​ന്നു​ണ്ടോ?

മറിച്ച്‌, ഒരുവൻ ഉല്ലാസ​ത്തി​നു​വേണ്ടി ലൈം​ഗിക പ്രേരണ നൽകുന്ന വിവരങ്ങൾ വായി​ക്കു​ക​യോ കേൾക്കു​ക​യോ വീക്ഷി​ക്കു​ക​യോ ചെയ്യു​ന്നെ​ങ്കിൽ അത്‌ “ലൈം​ഗിക തൃഷ്‌ണ” ജ്വലി​പ്പി​ക്കു​ന്നു. (കൊ​ലോ​സ്യർ 3:5) അത്തരം വിവരങ്ങൾ തികച്ചും ഒഴിവാ​ക്കുക! പകരം നിർമ്മ​ല​മായ കാര്യങ്ങൾ ചിന്തി​ച്ചു​കൊ​ണ്ടി​രി​ക്കുക. അങ്ങനെ നിങ്ങൾ നിങ്ങളു​ടെ ലൈം​ഗി​കോ​ല്ലാ​സ​ത്തി​നു വേണ്ടി​യുള്ള ഹൃദയ​വാഞ്‌ഛ കുറയ്‌ക്കു​ക​തന്നെ ചെയ്യും.

യുവാക്കൾ ചാരി​ത്ര്യ​ശു​ദ്ധി​യു​ള്ള​വ​രാ​യി നിലനിൽക്കു​ക​യോ നിൽക്കാ​തി​രി​ക്കു​ക​യോ ചെയ്യു​ന്ന​തിൽ ഉറ്റ സുഹൃ​ത്തു​ക്കൾക്ക്‌ വലിയ ഒരു സ്വാധീ​ന​മു​ണ്ടെന്ന്‌ ഗവേഷണം ചൂണ്ടി​ക്കാ​ണി​ക്കു​ന്നത്‌ രസകര​മാണ്‌. അതിനാൽ തങ്ങളുടെ ഹൃദയത്തെ കാത്തു​സൂ​ക്ഷി​ക്കാൻ ആഗ്രഹി​ക്കു​ന്നവർ സങ്കീർത്ത​ന​ക്കാ​രന്റെ ഈ വാക്കു​കൾക്ക്‌ ചെവി​കൊ​ടു​ക്കണം: “നിന്നെ [ദൈവത്തെ] ഭയപ്പെ​ടു​ക​യും നിന്റെ കല്‌പ​നകൾ അനുസ​രി​ക്കു​ക​യും ചെയ്യുന്ന എല്ലാവർക്കും ഞാൻ ഒരു കൂട്ടാ​ളി​യാ​കു​ന്നു.”—സങ്കീർത്തനം 119:63.

നിങ്ങളു​ടെ കൂട്ടു​കാർ യഥാർത്ഥ​മാ​യി ‘ദൈവ​ത്തി​ന്റെ കല്‌പ​നകൾ അനുസ​രി​ക്കാൻ’ ശ്രമി​ക്കു​ന്ന​വ​രാ​ണോ? വിവാ​ഹ​ത്തി​നു മുമ്പുള്ള ലൈം​ഗി​ക​ബന്ധം നിരസി​ക്കാൻ പഠിച്ച ഒരു യുവതി​യായ ജോന്നാ തന്നെ എന്താണ്‌ സഹായി​ച്ച​തെന്ന്‌ റിപ്പോർട്ട്‌ ചെയ്‌തു: “നിങ്ങൾ യഹോ​വയെ സ്‌നേ​ഹി​ക്കുന്ന ആളുക​ളോ​ടു​കൂ​ടെ​യാ​ണെ​ങ്കിൽ, നിങ്ങൾ ധാർമ്മിക കാര്യ​ങ്ങ​ളെ​ക്കു​റിച്ച്‌ സംസാ​രി​ക്കു​മ്പോൾ, അവർക്ക്‌ തോന്നുന്ന അതേ സംഗതി നിങ്ങൾക്കും തോന്നി​ത്തു​ട​ങ്ങു​ന്ന​താ​യി നിങ്ങൾ കണ്ടെത്തും. ഉദാഹ​ര​ണ​ത്തിന്‌, അധാർമ്മി​കത മ്ലേച്ഛമാ​ണെന്ന്‌ അവർ പറയു​ന്ന​താ​യി നിങ്ങൾ കേട്ടാൽ, നിങ്ങളും ആ വിധത്തിൽ ചിന്തി​ച്ചു​തു​ട​ങ്ങും. മറിച്ച്‌, നിങ്ങൾ ഇതിന്റെ ഗൗരവം അവഗണി​ച്ചു​ക​ള​യുന്ന ആരു​ടെ​യെ​ങ്കി​ലും കൂടെ ആയിരി​ക്കു​മ്പോൾ നിങ്ങളും താമസി​യാ​തെ ഏതാണ്ട്‌ അവരെ​പ്പോ​ലെ ആയിത്തീ​രും.”—സദൃശ​വാ​ക്യം 13:20.

നിങ്ങളു​ടെ ഹൃദയ​ത്തി​ലേക്ക്‌ കടന്നു ചെല്ലുന്ന വിവരങ്ങൾ സംബന്ധിച്ച്‌ ജാഗ്രത പാലി​ക്കേ​ണ്ടത്‌ അത്യന്താ​പേ​ക്ഷി​ത​മാ​ണെ​ങ്കി​ലും, മിക്ക ചെറു​പ്പ​ക്കാ​രും വിപരീ​ത​ലിം​ഗ​ത്തിൽപ്പെട്ട ആരെങ്കി​ലു​മാ​യി വളരെ​യ​ധി​കം സമയം ഒറ്റയ്‌ക്ക്‌ ചെലവ​ഴി​ച്ചു തുടങ്ങു​മ്പോൾ മിക്ക​പ്പോ​ഴും അധാർമ്മി​ക​ത​യിൽ ഉൾപ്പെട്ടു പോകു​ന്നുണ്ട്‌. സർവ്വേ നടത്തിയ യുവാ​ക്ക​ളിൽ 56 ശതമാ​ന​വും യുവതി​ക​ളിൽ 82 ശതമാ​ന​വും തങ്ങൾ വളരെ ഇഷ്ടപ്പെ​ടു​ക​യോ കുറഞ്ഞ​പക്ഷം അടുത്ത്‌ അറിയു​ക​യോ സ്ഥിരമാ​യി ഒന്നിച്ച്‌ പോവു​ക​യോ ചെയ്യുന്ന ആരെങ്കി​ലു​മാ​യി ഒരിക്കൽ ലൈം​ഗിക ബന്ധത്തിൽ ഏർപ്പെ​ട്ട​താ​യി റോബർട്ട്‌ സോ​രെൻസൻ നടത്തിയ ഒരു രാഷ്‌ട്ര വ്യാപ​ക​മായ പഠനം കണ്ടെത്തി. അതു​കൊണ്ട്‌ നിങ്ങൾക്ക്‌ വിവാ​ഹ​ജീ​വി​ത​ത്തി​ലേക്ക്‌ കടക്കാൻ തക്ക പ്രായ​മാ​യെ​ങ്കിൽ, നിങ്ങൾക്ക്‌ ആരെങ്കി​ലു​മാ​യി പരിച​യ​പ്പെ​ടു​ന്ന​തി​നും, അതേസ​മയം ചാരി​ത്ര​ശു​ദ്ധി​കാ​ത്തു സൂക്ഷി​ക്കു​ന്ന​തി​നും എങ്ങനെ കഴിയും?

കോർട്ടിംഗ്‌ സമയത്ത്‌ കെണികൾ ഒഴിവാ​ക്കു​ക

ഇണകൾ അന്യോ​ന്യം കണ്ടുക​ഴി​യു​മ്പോൾ അവരുടെ ഹൃദയം പെട്ടെന്നു തന്നെ ഇഴുകി​ച്ചേ​രു​ന്നു. പക്ഷേ ബൈബിൾ ഇപ്രകാ​രം മുന്നറി​യി​പ്പു നൽകുന്നു: “ഹൃദയം എന്തി​നേ​ക്കാ​ളും കപടവും സാഹസി​ക​വു​മാണ്‌; അത്‌ ഗ്രഹി​ക്കു​ന്നവൻ ആർ?” (യിരെ​മ്യാവ്‌ 17:9, ബയിം​ഗ്‌ടൺ) ഒരുവന്‌ ആരോ​ടെ​ങ്കി​ലും ആത്മാർത്ഥ​മായ താല്‌പ​ര്യം തോന്നു​ന്നത്‌ സാധാ​ര​ണ​യാണ്‌. എന്നാൽ നിങ്ങൾ ഒന്നിച്ചാ​യി​രി​ക്കു​ന്ന​ത​നു​സ​രിച്ച്‌ നിങ്ങളു​ടെ താല്‌പ​ര്യം വർദ്ധി​ക്കു​ന്നു. ആ വിധത്തി​ലാണ്‌ നാം സൃഷ്ടി​ക്ക​പ്പെ​ട്ടി​രി​ക്കു​ന്നത്‌. പക്ഷേ നിങ്ങളു​ടെ ഈ താല്‌പ​ര്യം നിങ്ങളു​ടെ ഹൃദയത്തെ വഴി​തെ​റ്റി​ച്ചേ​ക്കാം. “ഹൃദയ​ത്തിൽനിന്ന്‌ ദുർന്യാ​യ​ങ്ങ​ളും . . . ദുർവൃ​ത്തി​യും ഉൽഭവി​ക്കു​ന്നു” എന്ന്‌ യേശു​ക്രി​സ്‌തു പറയു​ക​യു​ണ്ടാ​യി. (മത്തായി 15:19) അത്തരം കാര്യങ്ങൾ ഒഴിവാ​ക്കാൻ നിങ്ങൾ നിങ്ങളു​ടെ ഹൃദയത്തെ നയി​ക്കേ​ണ്ട​തുണ്ട്‌. മറിച്ച്‌ അത്‌ നിങ്ങളെ നയിക്കാൻ അനുവ​ദി​ക്ക​രുത്‌. ഇത്‌ നിങ്ങൾക്ക്‌ എങ്ങനെ ചെയ്യാൻ കഴിയും?—സദൃശ​വാ​ക്യം 23:19.

ആശയവി​നി​മ​യ​ത്തി​ന്റെ സംഗതി: “ധിക്കാ​ര​ത്താൽ ഒരുവൻ വഴക്കി​നി​ട​യാ​ക്കുക മാത്രമേ ചെയ്യു​ന്നു​ള്ളു; എന്നാൽ കൂടി​യാ​ലോ​ചി​ക്കു​ന്ന​വർക്കു ജ്ഞാനമുണ്ട്‌.” (സദൃശ​വാ​ക്യം 13:10) തങ്ങൾ ഏതുത​ര​ത്തി​ലുള്ള സ്‌നേ​ഹ​പ്ര​ക​ട​ന​ങ്ങ​ളാണ്‌ അന്യോ​ന്യം പ്രതീ​ക്ഷി​ക്കു​ന്നത്‌ എന്നത്‌ സംബന്ധിച്ച്‌ ഇണകൾക്ക്‌ പലപ്പോ​ഴും തെറ്റായ ധാരണകൾ ഉണ്ടാകാ​റുണ്ട്‌. ഉദാഹ​ര​ണ​ത്തിന്‌ താൻ അവളെ ചുംബി​ക്കു​ന്ന​തി​ലും ആശ്ലേഷി​ക്കു​ന്ന​തി​ലും മുൻകൈ എടുക്കാൻ അവൾ പ്രതീ​ക്ഷി​ക്കു​ന്ന​താ​യി ഒരു പുരു​ഷന്‌ കൂടെ കൂടെ തോന്നി​യേ​ക്കാം. എന്നാൽ വാസ്‌ത​വ​ത്തിൽ അങ്ങനെ​യാ​യി​രി​ക്ക​യില്ല. അതിനാൽ, “കൂടി​യാ​ലോ​ചി​ച്ചു”കൊണ്ട്‌ നിങ്ങൾ കാര്യങ്ങൾ എങ്ങനെ​യാണ്‌ വീക്ഷി​ക്കു​ന്നത്‌ എന്ന്‌ മറ്റേ ആളിനെ അറിയി​ക്കുക. മറ്റേയാ​ളി​ന്റെ വീക്ഷണം എന്തുത​ന്നെ​യാ​യി​രു​ന്നാ​ലും സ്‌നേ​ഹ​പ്ര​ക​ട​നങ്ങൾ ബുദ്ധി​പൂർവ്വം പരിധി​ക്കു​ള്ളിൽ നിർത്തുക. അതേ സമയം വ്യത്യ​സ്‌ത​മായ ധാരണകൾ നൽകാ​തി​രി​ക്കുക. ഇറുക്ക​മു​ള്ള​തും വളരെ ലോല​മാ​യ​തും ലൈം​ഗിക പ്രാധാ​ന്യം നൽകു​ന്ന​തു​മായ വസ്‌ത്രങ്ങൾ ധരിക്കു​ന്നത്‌ നിങ്ങളു​ടെ പങ്കാളിക്ക്‌ തെറ്റായ ആശയം നൽകി​യേ​ക്കാം.

സാഹച​ര്യ​ങ്ങൾ സസൂക്ത്‌മം ശ്രദ്ധി​ക്കുക: ബൈബിൾ ഒരു യുവ കന്യക​യെ​ക്കു​റിച്ച്‌ പറയുന്നു. അവളുടെ പുരു​ഷ​സു​ഹൃത്ത്‌ അവളെ മലകളി​ലെ ഒരു നിർജ്ജ​ന​സ്ഥ​ലത്ത്‌ അവനോ​ടൊ​പ്പം ചുറ്റി​ക്ക​റ​ങ്ങാൻ ക്ഷണിച്ചു. അവർക്ക്‌ അവിടെ വസന്തകാ​ലത്തെ പ്രകൃ​തി​ര​മ​ണീ​യത ആസ്വദി​ക്കാൻ കഴിയു​മാ​യി​രു​ന്നു. പക്ഷേ, കന്യക​യു​ടെ സഹോ​ദ​രൻമാർ അത്‌ തിരി​ച്ച​റി​യു​ക​യും ഇണകളു​ടെ പദ്ധതി​കൾക്ക്‌ തികച്ചും വിരാ​മി​ടു​ക​യും ചെയ്‌തു. അവൾ ധാർമ്മിക ശുദ്ധി​യി​ല്ലാ​ത്ത​വ​ളാ​ണെന്ന്‌ അവർക്ക്‌ തോന്നി​യ​തു​കൊ​ണ്ടല്ല, പിന്നെ​യോ അത്തരം സാഹച​ര്യ​ങ്ങ​ളി​ലെ വശീകരണ ശക്തി അവർ തിരി​ച്ച​റി​ഞ്ഞ​തു​കൊ​ണ്ടാണ്‌. (ഉത്തമഗീ​തം 1:6; 2:8-15; 8:10) നിങ്ങളു​ടെ ഹൃദയം ഏതെല്ലാം ന്യായങ്ങൾ കൊണ്ടു​വ​ന്നാ​ലും, എതിർലം​ഗ​ത്തിൽപ്പെട്ട ആരെങ്കി​ലു​മാ​യി ഒരു വീട്ടി​ലോ, ഒരു ബഹുശാ​ലാ​മ​ന്ദി​ര​ത്തി​ലോ ഏകാന്ത​സ്ഥ​ലത്ത്‌ പാർക്ക്‌ ചെയ്‌തി​രി​ക്കുന്ന ഒരു വാഹന​ത്തി​ലോ ഒറ്റയ്‌ക്കാ​യി​രി​ക്കു​ന്നത്‌ ഒഴിവാ​ക്കുക.

നിങ്ങളു​ടെ പരിമി​തി​കൾ തിരി​ച്ച​റി​യുക: മറ്റ്‌ സമയങ്ങളെ അപേക്ഷിച്ച്‌, നിങ്ങൾ ലൈം​ഗിക വശീക​ര​ണങ്ങൾ നിയ​ന്ത്ര​ണാ​ധീ​ത​മാ​യി ഭേദി​ച്ചേ​ക്കാ​വുന്ന ചില സമയങ്ങൾ ഉണ്ടായി​രു​ന്നേ​ക്കാം. മറ്റുള്ള​വ​രു​മാ​യുള്ള—ഒരുപക്ഷേ മാതാ​പി​താ​ക്ക​ളു​മാ​യുള്ള—വിയോ​ജി​പ്പു നിമി​ത്ത​മോ ഏതെങ്കി​ലും വ്യക്തി​പ​ര​മായ പരാജയം നിമി​ത്ത​മോ നിങ്ങൾ മനസ്സു​മ​ടു​ത്ത​വ​രാ​യി​രി​ക്കാം. അത്തരം സമയങ്ങ​ളിൽ നിങ്ങൾ വിശേ​ഷാൽ ജാഗ്ര​ത​യു​ള്ള​വ​രാ​യി​രി​ക്കേ​ണ്ട​തുണ്ട്‌. കൂടാതെ, ലഹരി​പാ​നീ​യ​ങ്ങ​ളു​ടെ ഉപയോ​ഗം സംബന്ധി​ച്ചും ശ്രദ്ധി​ക്കുക. അവയുടെ സ്വാധീ​ന​ത്തിൻ കീഴിൽ നിങ്ങൾ വിലക്കു​കൾ ഭേദി​ച്ചേ​ക്കാം. “വീഞ്ഞും പുതു​വീ​ഞ്ഞും നല്ല ആന്തരം എടുത്തു​ക​ള​യു​ന്ന​വ​യാണ്‌.”—ഹോശേയ 4:11.

നിരസി​ക്കു​ക​യും അതുതന്നെ ഉദ്ദേശി​ക്കു​ക​യും ചെയ്യുക: നിങ്ങളു​ടെ വികാ​രങ്ങൾ സ്‌പർശി​ക്ക​പ്പെ​ടു​ക​യും അവർ തങ്ങളെ​ത്തന്നെ അപകട​ക​ര​മാം വിധം ഗാഢസൗ​ഹൃ​ദ​ത്തിൽ കണ്ടെത്ത​പ്പെ​ടു​ക​യും ചെയ്യു​മ്പോൾ ഇണകൾക്ക്‌ എന്തു ചെയ്യാൻ കഴിയും? അവരിൽ ഒരാൾ ‘വൈകാ​രിക ബന്ധം വിടർത്താൻ’ എന്തെങ്കി​ലും ചെയ്യു​ക​യോ പറയു​ക​യോ ചെയ്യേ​ണ്ട​താ​വ​ശ്യ​മാണ്‌. യുവതി​യായ ദെബരാ തന്റെ പുരുഷ സുഹൃത്ത്‌ “സംസാ​രി​ക്കു”ന്നതിനു​വേണ്ടി ഒരു നിർജ്ജന സ്ഥലത്ത്‌ കാർ നിർത്തി​യ​താ​യി കണ്ടെത്തി. വികാ​രങ്ങൾ സ്‌പർശി​ക്കാൻ തുടങ്ങി​യ​പ്പോൾ ദെബരാ തന്റെ സുഹൃ​ത്തി​നോട്‌ ഇങ്ങനെ പറഞ്ഞു: “ഇത്‌ ഗളാലിം​ഗ​ന​മല്ലേ? നമുക്കി​വി​ടെ നിർത്തെണ്ടേ?” അതോടെ വികാരം കെട്ടടങ്ങി. അവർ പെട്ടെ​ന്നു​തന്നെ വീട്ടി​ലേക്ക്‌ യാത്ര​തി​രി​ക്കു​ക​യും ചെയ്‌തു. ഇത്തരം സാഹച​ര്യ​ങ്ങ​ളിൽ വേണ്ടെന്നു പറയു​ന്നത്‌ നിങ്ങൾക്ക്‌ ഏറ്റവും പ്രയാ​സ​മുള്ള ഒരു സംഗതി​യാ​യി​രി​ക്കാം. എന്നാൽ ദുർവൃ​ത്തി​യി​ലേർപ്പെട്ട ഒരു 20 വയസ്സു​കാ​രി പറഞ്ഞ​പ്ര​കാ​രം: “നിങ്ങൾ നിർത്തി​പ്പോ​രു​ന്നി​ല്ലെ​ങ്കിൽ, നിങ്ങൾ ദുഃഖി​ക്കേ​ണ്ടി​വ​രും!”

അകമ്പടി സേവന​ത്തിന്‌ ഒരാളു​ണ്ടാ​യി​രി​ക്കുക: ഇത്‌ ചില രാജ്യ​ങ്ങ​ളിൽ അവജ്ഞ​യോ​ടു​കൂ​ടി വീക്ഷി​ക്ക​പ്പെ​ടു​ന്നെ​ങ്കി​ലും അകമ്പടി സേവന​ത്തിന്‌ ഒരാളു​ണ്ടാ​യി​രി​ക്കു​ന്നത്‌ മറ്റ്‌ സ്ഥലങ്ങളിൽ ഒരാവ​ശ്യ​മാണ്‌. “അത്‌ ഞങ്ങൾ ആശ്രയി​ക്കാൻ കൊള്ളാ​വു​ന്ന​വ​ര​ല്ലെന്ന്‌ വെളി​പ്പെ​ടു​ത്തു​ന്നു” എന്ന്‌ ചില ചെറു​പ്പ​ക്കാർ പരാതി പറയുന്നു. നിങ്ങ​ളെയല്ല നിങ്ങളു​ടെ ഹൃദയ​ത്തെ​യാണ്‌ ആശ്രയി​ക്കാൻ വയ്യാത്തത്‌! സദൃശ​വാ​ക്യം 28:26 തുറന്നു​പ​റ​യു​ന്നു: “സ്വന്തഹൃ​ദ​യ​ത്തിൽ ആശ്രയി​ക്കു​ന്നവൻ മൂഢനാ​കു​ന്നു, ജ്ഞാന​ത്തോ​ടെ നടക്കു​ന്ന​വ​നാണ്‌ രക്ഷപ്പെ​ടു​ന്നത്‌.” ഡെയി​റ്റിംഗ്‌ സമയത്ത്‌ അകമ്പടി സേവന​ത്തിന്‌ നിങ്ങ​ളോ​ടു​കൂ​ടെ ആരെങ്കി​ലും ഉണ്ടായി​രു​ന്നു​കൊണ്ട്‌ ജ്ഞാനപൂർവ്വം നടക്കുക. “ഒരു അകമ്പടി സേവകനെ കൂട്ടി​ക്കൊ​ണ്ടു​വ​രുന്ന വ്യക്തിയെ ഞാൻ യഥാർത്ഥ​മാ​യി ആദരി​ക്കു​ന്നു. ചാരി​ത്ര്യ​ശു​ദ്ധി​പാ​ലി​ക്കു​ന്ന​തിൽ ഞാൻ താല്‌പ​ര്യ​മെ​ടു​ക്കു​ന്നി​ട​ത്തോ​ളം അവനും താല്‌പ​ര്യ​മെ​ടു​ക്കു​ന്നു​വെന്ന്‌ എനിക്ക​റി​യാം” എന്ന്‌ ദെബരാ വെളി​പ്പെ​ടു​ത്തി. “അത്‌ ഒരു ബുദ്ധി​മു​ട്ടല്ല. എന്തു​കൊ​ണ്ടെ​ന്നാൽ ഞങ്ങൾക്ക്‌ എന്തെങ്കി​ലും രഹസ്യ​മാ​യി പറയാ​നു​ണ്ടെ​ങ്കിൽ, ഞങ്ങൾ മറ്റുള്ള​വർക്ക്‌ കേൾക്കാ​വുന്ന അകലത്തി​ന​പ്പു​റ​ത്തേക്ക്‌ ചുവടു​വെ​ക്കും. എന്നിരു​ന്നാ​ലും ആരെങ്കി​ലും ഉണ്ടായി​രി​ക്കു​ന്ന​തിൽനി​ന്നു ലഭിക്കുന്ന സംരക്ഷണം ഏത്‌ അസൗക​ര്യ​ങ്ങൾക്കും അതീത​മാണ്‌.”

എന്നാൽ ചാരി​ത്ര്യം നിലനിർത്തു​ന്ന​തിൽ ഏറ്റം വലിയ സഹായം എന്താണ്‌?

ദൈവ​വു​മാ​യുള്ള സൗഹൃദം

ഒരു സുഹൃ​ത്തി​ന്റെ വികാ​ര​ങ്ങളെ മുറി​പ്പെ​ടു​ത്താൻ നിങ്ങൾ ആഗ്രഹി​ക്കാ​ത്ത​തി​നാൽ നിങ്ങൾ പലപ്പോ​ഴും ചില പ്രത്യേക പ്രവർത്ത​നങ്ങൾ ഒഴിവാ​ക്കാൻ ആഗ്രഹി​ച്ചേ​ക്കാം. അതു​പോ​ലെ​തന്നെ, ദൈവ​വു​മാ​യി അടുത്ത ഒരു സൗഹൃദം വികസി​പ്പി​ക്കു​ന്നത്‌, അവനെ വികാ​ര​ങ്ങ​ളുള്ള ഒരു യഥാർത്ഥ വ്യക്തി​യെന്ന നിലയിൽ കണക്കാ​ക്കു​ന്നത്‌, അവനെ മുറി​പ്പെ​ടു​ത്തുന്ന പെരു​മാ​റ്റം ഒഴിവാ​ക്കാൻ നമ്മെ സഹായി​ക്കും. നിങ്ങളു​ടെ പ്രത്യേക പ്രശ്‌നങ്ങൾ ഹൃദയം തുറന്ന്‌ അവനെ അറിയി​ക്കു​ന്നത്‌ നിങ്ങളെ അവനോട്‌ അടുപ്പി​ക്കും. പാതി​വ്ര​ത്യം നിലനിർത്താൻ ആഗ്രഹി​ക്കുന്ന നിരവധി ഇണകൾ വൈകാ​രിക സമ്മർദ്ദം അനുഭ​വി​ക്കുന്ന സാഹച​ര്യ​ങ്ങ​ളിൽ വേണ്ടത്ര ബലം നൽകു​ന്ന​തി​നു​വേണ്ടി ഒന്നിച്ചി​രുന്ന്‌ ദൈവ​ത്തോട്‌ പ്രാർത്ഥി​ക്കു​ക​പോ​ലും ചെയ്‌തി​ട്ടുണ്ട്‌.

അത്തരമാ​ളു​കൾക്ക്‌ “സാധാ​ര​ണ​യിൽ കവിഞ്ഞ​ശക്തി” നൽകി​ക്കൊണ്ട്‌ യഹോവ അവരുടെ പ്രാർത്ഥ​നകൾ കേൾക്കു​ന്നു. (2 കൊരി​ന്ത്യർ 4:7) നിസ്സം​ശ​യ​മാ​യും നിങ്ങൾ നിങ്ങളു​ടെ ഉത്തരവാ​ദി​ത്വം നിർവ്വ​ഹി​ക്കേ​ണ്ട​തുണ്ട്‌. അതേസ​മയം ദൈവ​ത്തി​ന്റെ സഹായ​ത്താ​ലും അനു​ഗ്ര​ഹ​ത്താ​ലും ലൈം​ഗിക അധാർമ്മി​ക​ത​യോട്‌ വേണ്ടെന്നു പറയുക സാദ്ധ്യ​മാ​ണെന്ന്‌ ഉറപ്പു​ള്ള​വ​രാ​യി​രി​ക്കുക. (g86 4/22)

[13-ാം പേജിലെ ചിത്രം]

കോർട്ടിംഗ്‌ സമയത്ത്‌ നിങ്ങൾ ഒറ്റയ്‌ക്കാ​യി​രി​ക്കാ​തെ ദുർവൃ​ത്തി ഒഴിവാ​ക്കു​ക