ചെറു​പ്പ​ക്കാർ ചോദി​ക്കു​ന്നു . . .

ഞാൻ എന്റെ മാതാ​പി​താ​ക്ക​ളു​ടെ മതം എന്തു​കൊണ്ട്‌ സ്വീക​രി​ക്കണം?

“ഞാൻ ചെറു​പ്പ​മാ​യി​രു​ന്ന​പ്പോൾ അത്‌ എന്നിൽ അടി​ച്ചേൽപ്പി​ച്ചു. എനിക്ക്‌ ആളുക​ളു​ടെ നിലപാട്‌ പ്രിയ​മാ​യി​രു​ന്നില്ല.” “ഞാൻ അതിൽനിന്ന്‌ സ്വത​ന്ത്ര​നാ​യി.” കത്തോ​ലി​ക്കാ സഭ വിട്ടു​പോ​ന്ന​തെ​ന്തു​കൊ​ണ്ടെന്ന്‌ ഒരിക്കൽ കത്തോ​ലി​ക്ക​രായ രണ്ട്‌ ചെറു​പ്പ​ക്കാ​രോട്‌ അഭി​പ്രാ​യ​വോ​ട്ടെ​ടു​പ്പു​കാർ ചോദി​ച്ച​പ്പോൾ അവർ നൽകിയ ഉത്തരം അതായി​രു​ന്നു. അവരുടെ വീക്ഷണം നിരവധി ചെറു​പ്പ​ക്കാർ ഇന്ന്‌ കാര്യങ്ങൾ വീക്ഷി​ക്കു​ന്ന​തെ​ങ്ങ​നെ​യെന്ന്‌ വിളി​ച്ച​റി​യി​ക്കു​ന്നു. തങ്ങളുടെ മാതാ​പി​താ​ക്ക​ളു​ടെ മതം സ്വീക​രി​ക്കാൻ അവർക്ക്‌ ധാർമ്മി​ക​മാ​യി കടപ്പാ​ടി​ല്ലെന്ന്‌ അവർ കരുതു​ന്നു.

എന്നിരു​ന്നാ​ലും ചെറു​പ്പ​ക്കാർ അവശ്യം മതമി​ല്ലാ​ത്ത​വ​രാ​ണെന്ന്‌ ഇത്‌ അർത്ഥമാ​ക്കു​ന്നില്ല. ജർമ്മനി​യിൽ ചെറു​പ്പ​ക്കാർ മതമുൾപ്പെ​ടെ​യുള്ള “യാഥാ​സ്ഥി​തി​കാ​ദർശ​ങ്ങളി”ലേക്ക്‌ മടങ്ങി​വ​രു​ന്ന​താ​യി റിപ്പോർട്ടു ചെയ്യുന്നു. “അമേരി​ക്ക​യി​ലെ ചെറു​പ്പ​ക്കാർ തങ്ങളുടെ മതവി​ശ്വാ​സ​ങ്ങ​ളെ​ക്കു​റിച്ച്‌ തികച്ചും ബോധ​വാൻമാ​രാ”ണെന്ന്‌ ഐക്യ​നാ​ടു​ക​ളി​ലെ മതവി​ശ്വാ​സ​ങ്ങ​ളു​ടെ ആഴമേ​റിയ ഒരു പഠനം വെളി​പ്പെ​ടു​ത്തി. ഇത്തരം ചില ചിന്തകൾ സഭാസ്ഥാ​പ​ന​ങ്ങ​ളു​ടെ മൂർച്ച​യേ​റിയ, തുടർച്ച​യായ വിമർശ​ന​ത്തിൽ കലാശി​ക്കു​ന്നു.”—ജി. ഗാലപ്പ്‌ ജൂനി​യ​റി​ന്റെ​യും ഡി. പോളിം​ഗി​ന്റെ​യും അമേരി​ക്കൻ വിശ്വാ​സ​ത്തി​ന്റെ അന്വേ​ഷണം.

സ്വീക​രി​ക്കാ​തി​രി​ക്കു​ന്ന​തി​നുള്ള വില​യേ​റിയ കാരണങ്ങൾ

എന്നിരു​ന്നാ​ലും ചിലർക്ക്‌ തങ്ങളുടെ മാതാ​പി​താ​ക്ക​ളു​ടെ മതം പിൻതു​ട​രാ​തി​രി​ക്കു​ന്ന​തിന്‌ തക്കതായ കാരണ​ങ്ങ​ളു​ണ്ടെന്ന്‌ സകല ആത്‌മാർത്ഥ​ത​യോ​ടും​കൂ​ടെ പറയേ​ണ്ടി​യി​രി​ക്കു​ന്നു. കത്തോ​ലി​ക്കർ തങ്ങളുടെ സഭയിൽനിന്ന്‌ ഒഴുകി​പ്പോ​കാ​നുള്ള കാരണം സംബന്ധിച്ച്‌ നടത്തിയ ഈ അഭി​പ്രാ​യ​വോ​ട്ടെ​ടു​പ്പിൽ “‘നിസ്സാര നിയമ​ലം​ഘ​ന​ങ്ങൾക്ക്‌ നരകശിക്ഷ’ നൽകു​ന്ന​തി​നെ​ക്കു​റിച്ച്‌ ഒരുവൻ പരാതി​പ്പെട്ടു. വളരെ​യ​ധി​കം ചടങ്ങു​ക​ളു​ള്ള​തി​നെ മറ്റൊ​രാൾ എതിർത്തു. ബൈബിൾ വേണ്ടത്ര പഠിപ്പി​ക്കാ​ത്ത​തി​നാൽ മറ്റു​ള്ളവർ എതിർപ്പ്‌ പ്രകട​മാ​ക്കു​ന്നു.”—റിക്കാർഡ്‌, ഒക്‌ടോ​ബർ 27, 1985.

എഴുത്തു​കാ​ര​നാ​യ ഗാലപ്പും പോളിം​ഗും ഇപ്രകാ​രം പറയുന്നു: “കൗമാ​ര​പ്രാ​യ​ക്കാർ ആത്മീയ ചോദ്യ​ങ്ങ​ളിൽ ഒരു സ്ഥായി​യായ താല്‌പ​ര്യം വെളി​പ്പെ​ടു​ത്തു​ന്നു . . . അതേസ​മയം ഇവർ സംഘടി​ത​മ​ത​ത്തിൽനിന്ന്‌ അകന്നു നിൽക്കു​ന്നു . . . വ്യക്തമാ​യും സ്ഥാപി​ത​മ​തങ്ങൾ ഈ ചെറു​പ്പ​ക്കാ​രു​ടെ ആഴമേ​റിയ ആത്മീയ വിശപ്പ്‌ ശമിപ്പി​ച്ചി​ട്ടില്ല. “സ്ഥാപി​തമത”ത്താൽ അർത്ഥമാ​ക്കു​ന്നത്‌ “പ്രമു​ഖമത”ങ്ങളെയാണ്‌.—കത്തോ​ലിക്ക്‌, പ്രോ​ട്ട​സ്‌റ്റൻറ്‌, ഓർത്ത​ഡോ​ക്‌സ്‌, യഹൂദ​മതം.

ഒരു യുവ മെതൊ​ഡി​സ്‌റ്റു​കാ​രൻ ഇപ്രകാ​രം പറയു​ന്ന​താ​യി അവർ ഉദ്ധരി​ക്കു​ന്നു: “സഭകൾ തങ്ങളുടെ പള്ളിയിൽ വരാത്ത​വ​രെ​യും വിശ്വാ​സ​മി​ല്ലാ​ത്ത​വ​രെ​യും സമീപി​ക്കാൻ ശ്രമി​ക്കണം.” “തങ്ങളോ​ടാ​വ​ശ്യ​പ്പെ​ടു​ക​യാ​ണെ​ങ്കിൽ ഒരു നിരന്ത​രാ​ടി​സ്ഥാ​ന​ത്തിൽ തങ്ങൾ കുറെ​സ​മയം സഭാ​പ്ര​വർത്ത​ന​ങ്ങൾക്കാ​യി ചെലവ​ഴി​ക്കാൻ മനസ്സു​ള്ള​വ​രാ​ണെ”ന്ന്‌ സർവ്വേ നടത്തിയ ചെറു​പ്പ​ക്കാ​രു​ടെ നല്ല ശതമാനം അഭി​പ്രാ​യ​പ്പെട്ടു. സ്‌പഷ്ട​മാ​യും അതിനു​വേണ്ടി അവരോട്‌ ഇതുവരെ ആരും ആവശ്യ​പ്പെ​ട്ടി​ട്ടില്ല.

എങ്ങനെ തീരു​മാ​നി​ക്കും?

മിക്ക ചെറു​പ്പ​ക്കാ​രും ആത്മീയ ചോദ്യ​ങ്ങ​ളിൽ താല്‌പ​ര്യ​മു​ള്ള​വ​രും അതേസ​മയം തങ്ങളുടെ മാതാ​പി​താ​ക്ക​ളു​ടെ “സ്ഥാപിത മതം” അവരുടെ ആത്മീയ വിശപ്പ്‌ തൃപ്‌തി​പ്പെ​ടു​ത്താ​തി​രി​ക്കു​ക​യും ചെയ്യു​മ്പോൾ അവർ എങ്ങോ​ട്ടാണ്‌ തിരി​യേ​ണ്ടത്‌? തന്റെ മാതാ​പി​താ​ക്ക​ളു​ടെ മതം സ്വീക​രി​ക്ക​ണോ വേണ്ടയോ എന്ന്‌ ഒരു ചെറു​പ്പ​ക്കാ​രന്‌ എന്തി​ന്റെ​യ​ടി​സ്ഥാ​ന​ത്തിൽ നിർണ്ണ​യി​ക്കാൻ കഴിയും?

രസകര​മെ​ന്നു പറയട്ടെ, ചില യുവ കത്തോ​ലി​ക്കർ തങ്ങളുടെ മാതാ​പി​താ​ക്ക​ളു​ടെ മതത്തിൽ തുടരാ​തി​രു​ന്ന​തിന്‌ നൽകിയ കാരണ​ങ്ങ​ളി​ലൊന്ന്‌ “അവിടെ ബൈബിൾ വേണ്ടത്ര പഠിപ്പി​ക്കാ​ത്ത​താണ്‌.” ബൈബിൾ “ക്രിസ്‌ത്യാ​നി​ത്വ​ത്തി​ന്റെ വിശു​ദ്ധ​ഗ്രന്ഥം” എന്ന്‌ നിർവ്വ​ചി​ക്ക​പ്പെ​ട്ടി​രി​ക്കു​ന്നു. അതെ, ക്രിസ്‌തീ​യ​മെന്ന്‌ അവകാ​ശ​പ്പെ​ടുന്ന ഏതൊരു മതത്തെ​യും അത്‌ അങ്ങനെ​ത​ന്നെ​യാ​ണോ എന്ന്‌ കണ്ടുപി​ടി​ക്കു​ന്ന​തി​നുള്ള അളവു​കോൽ ബൈബി​ളാണ്‌. വാസ്‌ത​വ​ത്തിൽ ബൈബി​ളി​ലെ “നിത്യ​സ​ത്യങ്ങ”ളോട്‌ യാതൊ​രു തത്വചി​ന്ത​യും താരത​മ്യ​പ്പെ​ടു​ത്താ​വു​ന്ന​ത​ല്ലെന്ന്‌ പറയ​പ്പെ​ട്ടി​രി​ക്കു​ന്നു. അതു​കൊണ്ട്‌ നിങ്ങളു​ടെ മാതാ​പി​താ​ക്ക​ളു​ടെ മതം എന്തുത​ന്നെ​യാ​യി​രു​ന്നാ​ലും നിങ്ങൾ അതിന്റെ ഉപദേ​ശങ്ങൾ ബൈബി​ളി​നോട്‌ താരത​മ്യ​പ്പെ​ടു​ത്തേ​ണ്ടി​യി​രി​ക്കു​ന്നു.

മുമ്പ്‌ വിവരിച്ച ഒരു തടസ്സവാ​ദം “നരകശിക്ത”യായി​രു​ന്നു. പൂർവ്വ, പശ്ചിമ ദേശങ്ങ​ളി​ലെ മിക്ക മതങ്ങളും ഏതെങ്കി​ലും തരത്തി​ലുള്ള മരണാ​നന്തര ശിക്ഷ​യെ​ക്കു​റിച്ച്‌ പഠിപ്പി​ക്കു​ന്ന​തി​നാൽ, നിങ്ങളു​ടെ മാതാ​പി​താ​ക്ക​ളു​ടെ മതവും ദുഷ്‌ടൻമാർ നരകത്തി​ലേക്ക്‌ പോകു​ന്നു​വെന്ന്‌ പഠിപ്പി​ക്കാൻ നല്ല സാദ്ധ്യ​ത​യുണ്ട്‌. നരകവാ​സി​കൾ ‘ദൈവിക ദർശനം ലഭിക്കാ​തെ’ കേവലം ധാർമ്മി​ക​മാ​യി ദണ്ഡിപ്പി​ക്ക​പ്പെ​ടു​ന്ന​തേ​യു​ള്ളു, മറിച്ച്‌ ശാരീ​രി​ക​മാ​യി ദണ്ഡിപ്പി​ക്ക​പ്പെ​ടു​ന്നില്ല എന്ന്‌ അവകാ​ശ​പ്പെ​ട്ടു​കൊണ്ട്‌ ഇന്ന്‌ മിക്ക പുരോ​ഹി​തൻമാ​രും നരകത്തി​ന്റെ ചൂടു​കു​റ​യ്‌ക്കാൻ ശ്രമി​ക്കു​ന്നു​വെ​ന്നത്‌ സത്യമാണ്‌. എന്നാൽ, ശാരീ​രി​ക​മാ​യി എന്നേക്കും ദണ്ഡിപ്പി​ക്ക​പ്പെ​ടു​ന്ന​തു​പോ​ലെ, ധാർമ്മി​ക​മാ​യി എന്നേക്കും ദണ്ഡിപ്പി​ക്ക​പ്പെ​ടു​ന്ന​തി​നെ​ക്കു​റിച്ച്‌ കേൾക്കു​മ്പോൾ ഒരു യുവാ​വെ​ന്ന​നി​ല​യിൽ നിങ്ങൾക്ക്‌ ക്ഷതമേൽക്കു​ക​യി​ല്ലേ?

മാനു​ഷ​ദേ​ഹിക്ക്‌ മരിക്കാൻ കഴിയു​മെ​ന്നും, മരണാ​നന്തര ജീവന്റെ പ്രത്യാശ മരിച്ച​വരെ പുനരു​ജ്ജീ​വി​പ്പി​ക്കു​ന്ന​തി​നുള്ള ദൈവ​ത്തി​ന്റെ ശക്തിയി​ലാണ്‌ നിക്ഷി​പ്‌ത​മാ​യി​രി​ക്കു​ന്ന​തെ​ന്നും, മനഃപൂർവ്വ ദുഷ്ടത​യ്‌ക്കുള്ള ശിക്ഷ മരണമാണ്‌ അല്ലാതെ നിത്യ​ദ​ണ്ഡ​ന​മ​ല്ലെ​ന്നും ബൈബിൾ പഠിപ്പി​ക്കു​ന്നു. (യെഹെ​സ്‌ക്കേൽ 18:4; പ്രവൃ​ത്തി​കൾ 24:15; റോമർ 6:23 കാണുക.)a ഈ ഉപദേശം നിങ്ങളു​ടെ ന്യായ​ബോ​ധത്തെ, ദൈവത്തെ അപമാ​ന​പ്പെ​ടു​ത്തുന്ന നരകാ​ഗ്നി​യു​ടെ ഉപദേ​ശ​ത്തേ​ക്കാൾ കൂടുതൽ തൃപ്‌തി​പ്പെ​ടു​ത്തു​ന്നി​ല്ലേ? യഹോ​വ​യു​ടെ സാക്ഷികൾ പഠിപ്പി​ക്കുന്ന ബൈബി​ളി​ന്റെ “നിത്യ​സത്യ”ങ്ങളിൽ ചിലത്‌ ഇവയാണ്‌.

സാക്ഷി​ക​ളു​ടെ കുട്ട​ക​ളും തീരു​മാ​ന​മെ​ടു​ക്കണം

ഇപ്പോൾ, യഹോ​വ​യു​ടെ സാക്ഷി​ക​ളു​ടെ മാതാ​പി​താ​ക്ക​ളാൽ വളർത്ത​പ്പെ​ട്ടി​രി​ക്കുന്ന ചെറു​പ്പ​ക്കാ​രെ സംബന്ധി​ച്ചെന്ത്‌? “ഞാൻ എന്റെ മാതാ​പി​താ​ക്ക​ളു​ടെ മതം എന്തു​കൊണ്ട്‌ സ്വീക​രി​ക്കണം?” എന്ന ചോദ്യ​ത്തെ അവർ അഭിമു​ഖീ​ക​രി​ക്കു​ന്നി​ല്ലെന്ന്‌ ഞങ്ങൾ പറയു​ന്നു​ണ്ടോ? ഒരിക്ക​ലു​മില്ല. അവർ തങ്ങളുടെ ജീവിതം യഹോ​വ​യാം ദൈവ​ത്തിന്‌ സമർപ്പി​ക്ക​ണോ വേണ്ടയോ എന്ന്‌ തീരു​മാ​നി​ക്കേണ്ട ഒരു സമയം അവരുടെ ജീവി​ത​ത്തി​ലുണ്ട്‌.

മറ്റ്‌ യുവാ​ക്ക​ളെ​പ്പോ​ലെ അവർ തങ്ങളോ​ടു​തന്നെ ഇപ്രകാ​രം ചോദി​ക്കു​ന്നു: ‘എന്റെ മാതാ​പി​താ​ക്ക​ളു​ടെ മതം സത്യമാ​ണെന്ന്‌ എനിക്ക്‌ എങ്ങനെ ഉറപ്പു​ണ്ടാ​യി​രി​ക്കാൻ കഴിയും?’ മറ്റു​ള്ള​വ​രെ​പ്പോ​ലെ അവർക്കും അതിന്റെ ഉപദേ​ശങ്ങൾ ബൈബി​ളി​നോട്‌ ചേർച്ച​യി​ലാ​ണെ​ന്നുള്ള ബോധ്യം ഉണ്ടായി​രി​ക്കണം.

ജർമ്മനി​യിൽ ജനിച്ചു വളർന്ന രൂത്ത്‌, ഒരു യുവതി​യെന്ന നിലയിൽ തന്നിൽനിന്ന്‌ പ്രതീ​ക്ഷി​ക്കു​ന്ന​തെ​ന്താ​ണെന്ന്‌ മനസ്സി​ലാ​ക്കി​യി​രു​ന്നു. അവൾ “ശരിയായ” ഉത്തരം നൽകി​യ​താ​യി സമ്മതിച്ചു പറയുന്നു. ഉദാഹ​ര​ണ​ത്തിന്‌, “നിന്റെ ജീവി​ത​ത്തിൽ ഒന്നാം സ്ഥാനം എന്തിനാണ്‌?” എന്ന്‌ ചോദി​ച്ച​പ്പോൾ അവൾ ഇപ്രകാ​രം മറുപടി പറഞ്ഞു: “ദൈവ​രാ​ജ്യ​ത്തിന്‌.” എന്നിരു​ന്നാ​ലും അവൾ തുടർന്നു പറയുന്നു: “ഇതാണ്‌ ശരിയായ ഉത്തര​മെന്ന്‌ എനിക്ക​റി​യാ​മാ​യി​രു​ന്നു. എന്നാൽ അതിനു​ശേഷം ‘ഇത്‌ വാസ്‌ത​വ​മാ​ണോ?’ എന്ന്‌ ഞാൻ എന്നോ​ടു​തന്നെ ചോദി​ച്ചു.” അവളുടെ ജീവി​ത​ത്തി​ലെ ആ ഘട്ടത്തിൽ അവളുടെ വിദ്യാ​ഭ്യാ​സ​മാ​യി​രു​ന്നു ദൈവ​രാ​ജ്യ​ത്തെ​ക്കാൾ പ്രധാനം എന്ന്‌ സമ്മതി​ക്കാൻ തക്കവണ്ണം അവൾ അത്ര വിശ്വ​സ്‌ത​യാ​യി​രു​ന്നു.

പിന്നീട്‌ അവൾ തന്നോ​ടു​തന്നെ ഇപ്രകാ​രം ചോദി​ച്ചു: “ഇന്ന്‌ വ്യത്യ​സ്‌ത​ത​ര​ത്തി​ലുള്ള നിരവധി സിദ്ധാ​ന്തങ്ങൾ ഉണ്ടായി​രി​ക്കെ, ശൈശവം മുതൽ ഞാൻ മനസ്സി​ലാ​ക്കി​യി​രി​ക്കു​ന്നത്‌ സത്യമാ​ണെന്ന്‌ എനിക്ക്‌ എങ്ങനെ ഉറപ്പു​ണ്ടാ​യി​രി​ക്കാൻ കഴിയും?” പിൻവ​രുന്ന മൂന്ന്‌ തിരു​വെ​ഴു​ത്തു​കൾ അവളെ സഹായി​ച്ചു: മത്തായി 7:15-20 (“അവരുടെ ഫലങ്ങളാൽ നിങ്ങൾ അവരെ തിരി​ച്ച​റി​യും”) യോഹ​ന്നാൻ 13:35 (“നിങ്ങളു​ടെ​യി​ട​യിൽ സ്‌നേ​ഹ​മു​ണ്ടെ​ങ്കിൽ, നിങ്ങൾ എന്റെ ശിഷ്യൻമാ​രാ​ണെന്ന്‌ എല്ലാവ​രും അറിയും”), മത്തായി 24:14 (“രാജ്യ​ത്തി​ന്റെ ഈ സുവി​ശേഷം ഒരു സാക്ഷ്യ​ത്തി​നാ​യി നിവസി​ത​ഭൂ​മി​യി​ലെ​ല്ലാം പ്രസം​ഗി​ക്ക​പ്പെ​ടും”). മറ്റ്‌ മതങ്ങൾ നല്ല ഫലം പുറ​പ്പെ​ടു​വി​ച്ചി​ട്ടി​ല്ലെന്ന്‌ അവൾ കണ്ടറിഞ്ഞു. അവൾ യഹോ​വ​യു​ടെ സാക്ഷി​ക​ളു​ടെ​യി​ട​യിൽ “നിസ്വാർത്ഥ​മാ​യി ദൈവ​രാ​ജ്യ സുവാർത്ത പ്രസം​ഗി​ക്കു​ന്ന​തിൽ സജീവ​മാ​യി പങ്കെടു​ക്കുന്ന ഒരു അന്തർദേ​ശീയ, ഏകീകൃത സഹോ​ദ​ര​വർഗ്ഗത്തെ” നിരീ​ക്ഷി​ച്ചു. അതു​കൊണ്ട്‌ അവൾ തന്റെ അമ്മ തന്നെ വളർത്തി​ക്കൊ​ണ്ടു​വന്ന മതത്തിൽ നിലനിൽക്കാൻ തീരു​മാ​നി​ച്ചു.

അതു​പോ​ലെ​ത​ന്നെ, ഫ്രാൻസി​ലെ ഡോർക്കാ​സി​നെ​യും വളർത്തി​ക്കൊ​ണ്ടു​വ​ന്നത്‌ സാക്ഷി​ക​ളായ മാതാ​പി​താ​ക്ക​ളാണ്‌. ബൈബിൾ പ്രസി​ദ്ധീ​ക​ര​ണ​ങ്ങ​ളു​ടെ അല്‌പ​മായ പഠനവും സ്‌കൂ​ളി​ലെ തത്വശാ​സ്‌ത്ര​ങ്ങ​ളു​ടെ അധിക​മായ പഠനവും തന്റെ കുരുന്നു മനസ്സിൽ സന്ദേഹ​ത്തി​ന്റെ വിത്തു പാകി​യ​താ​യി അവൾ ഇപ്പോൾ തിരി​ച്ച​റി​യു​ന്നു. എന്നിരു​ന്നാ​ലും തന്റെ മാതാ​പി​താ​ക്കൾ തന്നെ പഠിപ്പിച്ച ബൈബിൾ സത്യമി​ല്ലാ​തുള്ള ഒരു ജീവിതം എന്തായി​രി​ക്കു​മെന്ന്‌ സങ്കൽപ്പി​ക്കാൻ അവൾ ശ്രമിച്ചു. അവൾ ശൂന്യത മാത്രമേ കണ്ടുള്ളു. അതു​കൊണ്ട്‌ അവൾ മൂല്യ​വ​ത്തായ പഠനസ​ഹാ​യി​കൾ ഉപയോ​ഗിച്ച്‌ ബൈബിൾ പ്രവച​ന​ങ്ങ​ളു​ടെ ഗൗരവ​മായ ഒരു പഠനത്തിൽ ഏർപ്പെട്ടു. അവൾ ഇപ്രകാ​രം പറയുന്നു: “എന്റെ പക്കൽ സത്യമു​ണ്ടെന്ന്‌ അന്തിമ​മാ​യി എനിക്ക്‌ ബോദ്ധ്യം വന്നശേഷം ഞാൻ സ്‌നാ​ന​മേ​റ്റു.” ഡോർക്കാസ്‌ അവളുടെ മാതാ​പി​താ​ക്ക​ളു​ടെ മതത്തിൽ ഉറച്ചു നിൽക്കാൻ തീരു​മാ​നി​ച്ചു.

സഭകൾ “തങ്ങളുടെ പള്ളിക​ളിൽ വരാത്ത​വരെ സമീപി​ക്കു​ന്ന​തി​നും വിശ്വാ​സ​മി​ല്ലാ​ത്ത​വരെ സഹായി​ക്കു​ന്ന​തി​നും” ശ്രമി​ക്കു​ന്നി​ല്ലെന്ന്‌ പരാതി​പ്പെട്ട യുവ മെതൊഡിസ്‌റ്റുകാരനെപ്പോലെയായിരുന്നില്ല രൂത്തും ഡോർക്കാ​സും. അവർ യഹോ​വ​യു​ടെ സാക്ഷി​ക​ളോ​ടൊ​പ്പം ആ വേല ചെയ്യു​ന്ന​തിൽ സന്തോ​ഷ​മു​ള്ള​വ​രാ​യി​രു​ന്നു. ചെറു​പ്പ​ക്കാ​രും പ്രായം ചെന്നവ​രു​മായ എല്ലാ സാക്ഷി​ക​ളും പ്രസം​ഗ​പ്ര​വർത്ത​ന​ത്തിൽ “തങ്ങളുടെ അല്‌പ​സ​മയം” ചെലവ​ഴി​ക്കാൻ ക്ഷണിക്ക​പ്പെ​ട്ടി​രി​ക്കു​ന്നു. ഇന്ന്‌ നിരവധി യുവസാ​ക്ഷി​കൾ പെട്ടെ​ന്നു​തന്നെ നമ്മുടെ ഭൂമി​യിൽ പറുദീസ സ്ഥാപി​ക്കുന്ന ദൈവ​രാ​ജ്യ​ത്തി​ന്റെ സുവാർത്ത ഘോഷി​ക്കുന്ന മുഴു സമയ ശുശ്രൂ​ഷ​ക​രാ​യി​ത്തീ​രു​ക​യാണ്‌.—മത്തായി 6:10.

തെര​ഞ്ഞെ​ടുപ്പ്‌ നിങ്ങളു​ടേത്‌

മതവി​ശ്വാ​സ​മി​ല്ലാ​തെ ഒരു ജീവിതം നയിക്കു​ന്നത്‌ ഒരു ജീവി​ത​മേ​യ​ല്ലെന്ന്‌ നിരവധി യുവാക്കൾ ഇന്ന്‌ തിരി​ച്ച​റി​യു​ന്നുണ്ട്‌. എന്നിരു​ന്നാ​ലും, നാം കണ്ടതു​പോ​ലെ, നിരവധി യുവാ​ക്ക​ളു​ടെ “ആഴമായ ആത്മീയ വിശപ്പ്‌” “ഇന്നത്തെ സ്ഥാപി​ത​മ​ത​ങ്ങൾക്ക്‌ തൃപ്‌തി​പ്പെ​ടു​ത്താൻ കഴിഞ്ഞി​ട്ടില്ല.”

“ഞാൻ എന്റെ മാതാ​പി​താ​ക്ക​ളു​ടെ മതം എന്തു​കൊണ്ട്‌ സ്വീക​രി​ക്കണം?” എന്ന ചോദ്യ​ത്തെ നിങ്ങൾ അഭിമു​ഖീ​ക​രി​ക്കു​ന്നെ​ങ്കിൽ, ബൈബി​ളിൽ കാണുന്ന “നിത്യ സത്യങ്ങ”ളോട്‌ അവരുടെ വിശ്വാ​സ​ങ്ങളെ എന്തു​കൊണ്ട്‌ താരത​മ്യ​പ്പെ​ടു​ത്തി​കൂ​ടാ? ഇത്‌ പരി​ശോ​ധി​ച്ച​റി​യാൻ നിങ്ങളെ പ്രാപ്‌ത​രാ​ക്കുന്ന ബൈബിൾ പഠനസ​ഹാ​യി​കൾക്കു​വേണ്ടി ഈ മാസി​ക​യു​ടെ പ്രസാ​ധ​കർക്കെ​ഴു​തുക. അല്ലെങ്കിൽ നിങ്ങളു​ടെ സ്‌കൂ​ളി​ലോ ജോലി​സ്ഥ​ല​ത്തോ നിങ്ങൾക്ക​റി​യാ​വുന്ന യഹോ​വ​യു​ടെ സാക്ഷി​ക​ളി​ലാ​രെ​ങ്കി​ലു​മാ​യി സമ്പർക്ക​ത്തിൽ വരുക. അതിനു​ശേഷം, നിങ്ങളു​ടെ മാതാ​പി​താ​ക്ക​ളു​ടെ മതം പിൻതു​ട​ര​ണ​മോ വേണ്ടയോ എന്ന്‌ സ്വന്തമാ​യി തീരു​മാ​ന​മെ​ടു​ക്കുക. തെര​ഞ്ഞെ​ടുപ്പ്‌ നിങ്ങളു​ടേ​താണ്‌! (g86 11/22)

[അടിക്കു​റി​പ്പു​കൾ]

[15-ാം പേജിലെ ആകർഷ​ക​വാ​ക്യം]

“കൗമാ​ര​പ്രാ​യ​ക്കാർ ആത്മീയ ചോദ്യ​ങ്ങ​ളിൽ ഒരു സ്ഥായി​യായ താല്‌പ​ര്യം വെളി​പ്പെ​ടു​ത്തു​ന്നു.”

[16-ാം പേജിലെ ചിത്രം]

തങ്ങളുടെ മാതാ​പി​താ​ക്കൾ തങ്ങളെ ബൈബിൾ സത്യം പഠിപ്പി​ച്ചി​ട്ടു​ണ്ടോ​യെന്ന്‌ യുവാക്കൾ പരി​ശോ​ധി​ക്ക​ണം