ഇന്നത്തെ അത്യാ​വേശം പൂണ്ട ഗതി​വേ​ഗത്തെ നേരിടൽ

ഒരു ജീവന​ക്കാ​രൻ റ്റി. വി. യിൽ ഫുട്‌ബോൾ കളി കണ്ടു​കൊണ്ട്‌ വാരാ​ന്ത്യ​ങ്ങൾ ചെലവ​ഴി​ക്കു​ക​യും തന്റെ കുട്ടി​കളെ മൃഗശാല കാണി​ക്കാൻ കൊണ്ടു​പോ​കു​ന്ന​തിന്‌ സമയമി​ല്ലെന്നു പരാതി​പ്പെ​ടു​ക​യും ചെയ്യുന്നു. ഒരു വീട്ടമ്മ മതനി​ഷ്‌ഠ​യോ​ടെ വാരം​തോ​റും ഒരു റ്റി. വി. പരമ്പര കാണു​ക​യും വീട്ടു​ജോ​ലി ചെയ്യാൻ സമയം കിട്ടു​ന്നി​ല്ലെന്നു പറഞ്ഞു വിലപി​ക്കു​ക​യും ചെയ്യുന്നു. പ്രശ്‌നം സമയമി​ല്ലാ​യ്‌മ​യാ​ണോ? അതോ അതിന്റെ മോശ​മായ ഉപയോ​ഗ​മാ​ണോ?

സമയത്തി​ന്റെ നല്ല വിനി​യോ​ഗം ബൈബി​ളിൽ ഫിലി​പ്യർ 1:10-ൽ പ്രസ്‌താ​വി​ച്ചി​രി​ക്കുന്ന തത്വം അനുസ​രി​ക്കേ​ണ്ട​താ​വ​ശ്യ​മാ​ക്കി​ത്തീർക്കു​ന്നു: “പ്രാധാ​ന്യ​മേ​റിയ കാര്യങ്ങൾ തിട്ട​പ്പെ​ടു​ത്തുക.”

അതെ, എന്തെങ്കി​ലും അവഗണി​ക്ക​ണ​മെ​ങ്കിൽ, അത്‌ താരത​മ്യേന അപ്രധാ​ന​മാ​യ​താ​യി​രി​ക്ക​ത്ത​ക്ക​വണ്ണം ആദ്യം നിങ്ങളു​ടെ മുൻഗ​ണ​നകൾ നിശ്ചയി​ക്കുക. ഒരാഴ്‌ച​കൊ​ണ്ടു നിർവ്വ​ഹി​ക്കേണ്ട ജോലി​യു​ടെ ഒരു ലിസ്‌റ്റു​ണ്ടാ​ക്കാൻ ശ്രമി​ക്കു​ക​യും അവയെ രണ്ടു വിഭാ​ഗ​ങ്ങ​ളാ​യി തിരി​ക്കു​ക​യും ചെയ്യുക. (1) ഞാൻ ചെയ്യേ​ണ്ട​തും (2) ഞാൻ ചെയ്യാ​നാ​ഗ്ര​ഹി​ക്കു​ന്ന​തും.

ലൗകിക ജോലി​യും ഷോപ്പിം​ഗും വീട്ടിലെ അറ്റകു​റ്റ​പ്പ​ണി​ക​ളും കുടും​ബ​ത്തോ​ടൊ​ത്തു സമയം ചെലവ​ഴി​ക്ക​ലും ഒന്നാം വിഭാ​ഗ​ത്തിൽ പെടും. സത്യ​ക്രി​സ്‌ത്യാ​നി​യെ സംബന്ധിച്ച്‌, സഭാമീ​റ്റിം​ഗു​കൾക്കു ഹാജരാ​കു​ന്ന​തി​നും തന്റെ വിശ്വാ​സം മറ്റു​ള്ള​വർക്കു പങ്കു​വെ​ക്കു​ന്ന​തി​നും ബൈബിൾ പഠനത്തി​നും മുൻഗണന കൊടു​ക്കേ​ണ്ട​താണ്‌.—മത്തായി 6:33.

ലിസ്‌റ്റ്‌ വളരെ ബൃഹ​ത്തെന്നു തോന്നു​ന്നു​വെ​ങ്കിൽ, ഒരുപക്ഷേ ചെയ്യേ​ണ്ട​തെന്നു കരുതിയ പ്രവർത്ത​നങ്ങൾ യഥാർത്ഥ​ത്തിൽ അത്യാ​വ​ശ്യ​മു​ള്ള​വ​യ​ല്ലാ​യി​രി​ക്കാം. അല്ലെങ്കിൽ പ്രവർത്ത​ന​ങ്ങളെ സംയോ​ജി​പ്പി​ക്കാൻ നിങ്ങൾക്കു ശ്രമി​ക്കാ​വു​ന്ന​താണ്‌. ദൃഷ്ടാ​ന്ത​മാ​യി, നിങ്ങൾക്കു വീട്ടു​ജോ​ലി​കൾ ഉണ്ടെങ്കിൽ അവയിൽ ചിലതു ചെയ്യാൻ നിങ്ങളു​ടെ കുട്ടി​കളെ എന്തു​കൊ​ണ്ടു പഠിപ്പി​ച്ചു​കൂ​ടാ? അതു കാര്യങ്ങൾ ചെയ്‌തു​തീർക്കാ​നുള്ള നിങ്ങളു​ടെ പ്രാപ്‌തി വർദ്ധി​പ്പി​ക്കു​മെന്നു മാത്രമല്ല, നിങ്ങളു​ടെ കുട്ടി​ക​ളു​മാ​യി ആസ്വദി​ക്കാൻ വിലപ്പെട്ട നിമി​ഷങ്ങൾ നൽകു​ക​യും ചെയ്യും.

എന്നാൽ നിങ്ങൾ “ചെയ്യാ​നാ​ഗ്ര​ഹി​ക്കുന്ന” കാര്യ​ങ്ങ​ളു​ടെ ലിസ്‌റ്റ്‌ സംബന്ധി​ച്ചെന്ത്‌? സാദ്ധ്യ​തകൾ നിരവ​ധി​യാണ്‌. എന്നാൽ നിങ്ങൾക്കു കേവലം എല്ലാം ചെയ്യാൻ കഴിക​യില്ല. അതു​കൊണ്ട്‌ അങ്ങനെ​യുള്ള പ്രവർത്ത​ന​ങ്ങ​ളു​ടെ ചെലവു കണക്കു​കൂ​ട്ടുക. (ലൂക്കോസ്‌ 14:28) അവ നിങ്ങളു​ടെ ജീവി​ത​ത്തോ​ടു സമ്മർദ്ദം കൂട്ടു​മോ? അതോ കുറയ്‌ക്കു​മോ? അവ വീട്ടു ചെലവി​ന്റെ ഭാരം വർദ്ധി​പ്പി​ക്കു​മോ? അവ ചെയ്യേണ്ട കാര്യ​ങ്ങൾക്കു പ്രതി​ബന്ധം സൃഷ്ടി​ക്കു​മോ?

നിങ്ങൾക്കു​ത​ന്നെ അമിത​മായ പട്ടിക ഉണ്ടാക്കു​ന്ന​തി​ന്റെ—നിങ്ങൾ ഭ്രാന്ത​മാ​യി ഓടി​ന​ട​ക്ക​ത്ത​ക്ക​വണ്ണം ഒട്ടേറെ കാര്യങ്ങൾ തിരു​കി​ക്ക​യ​റ്റു​ന്ന​തി​ന്റെ—കെണി ഒഴിവാ​ക്കുക. നിങ്ങളു​ടെ ജോലി​കൾ പൂർത്തി​യാ​ക്കു​ന്ന​തിന്‌ വേണ്ടത്ര സമയം വേർതി​രി​ക്കുക. റിട്ടയർ ചെയ്‌ത ഒരു ബിൽഡിംഗ്‌ കോ​ണ്ട്രാ​ക്ടർ ഒരു യുവാ​വിന്‌ നല്ല ഒരു ഉപദേശം കൊടു​ത്തു, അയാൾ ആ യുവാ​വി​നെ ഒരു ചായ കുടി​ക്കാൻ ക്ഷണിച്ചി​രു​ന്നു. “എനിക്ക്‌ 4.50 P.M.ന്‌ ടൗണിൽ പോകണം” എന്നു പറഞ്ഞു​കൊണ്ട്‌ യുവാവ്‌ ക്ഷണം നിരസി​ച്ചു.

“അത്‌ എങ്ങനെ​യുള്ള വാക്കാണ്‌? കോ​ണ്ട്രാ​ക്ടർ ചോദി​ച്ചു. “പൂർണ്ണ​മ​ണി​ക്കൂ​റു​കൾക്ക്‌ വാക്കു​കൊ​ടു​ക്കുക, അല്ലെങ്കിൽ നീ ഓടി ഓടി മരി​ച്ചേ​ക്കാം” എന്ന്‌ അയാൾ ഉപദേ​ശി​ച്ചു.

നേരിടൽ പ്രയാ​സ​മാ​യി​രി​ക്കു​ന്ന​തി​ന്റെ കാരണം

ഈ നിർദ്ദേ​ശങ്ങൾ സഹായ​ക​മെന്നു തെളി​ഞ്ഞേ​ക്കാം. എന്നാൽ സമ്മർദ്ദ​വും തിടു​ക്ക​വും “ഇടപെ​ടാൻ പ്രയാ​സ​മായ,” നാം ജീവി​ക്കുന്ന കാലങ്ങ​ളു​ടെ ഇഷ്ടദാ​ന​മാ​ണെ​ന്നോർക്കുക. (2 തിമൊ​ഥെ​യോസ്‌ 3:1-5) ഇന്നത്തെ ലോകം വാസ്‌ത​വ​ത്തിൽ തിടു​ക്കം​കൂ​ട്ടുന്ന ഒരു ലോക​മാണ്‌. എന്നാൽ മനുഷ്യ​ബ​ന്ധങ്ങൾ വഷളാ​കു​ക​യും ലോക​പ്ര​ശ്‌നങ്ങൾ പെരു​കു​ക​യും ചെയ്യു​ന്നു​വെന്ന വസ്‌തുത ഈ തിടു​ക്ക​മെ​ല്ലാം ആളുകളെ ഒരിട​ത്തും എത്തിക്കു​ന്നി​ല്ലെന്ന്‌ പ്രകട​മാ​ക്കു​ന്നു.

യഥാർത്ഥ​ത്തിൽ, ലോകം സമയം കടം വാങ്ങി​യാണ്‌ ജീവി​ക്കു​ന്നത്‌. “ശേഷിച്ച സമയം കുറഞ്ഞി​രി​ക്കു​ന്നു” വെന്ന്‌ ബൈബിൾ മുന്നറി​യി​പ്പു​നൽകു​ന്നു. (1 കൊരി​ന്ത്യർ 7:29) നാം ഇപ്പോൾ ജീവി​ക്കുന്ന ഈ കാലത്തി​ലേ​ക്കു​തന്നെ യേശു​ക്രി​സ്‌തു വിരൽചൂ​ണ്ടു​ക​യും ഇപ്പോ​ഴത്തെ ലോകാ​രി​ഷ്ടത അവന്റെ രാജ്യം സമീപി​ച്ചി​രി​ക്കു​ന്നു​വെ​ന്ന​തി​ന്റെ തെളി​വാ​ണെന്നു പറയു​ക​യും ചെയ്‌തു. (ലൂക്കോസ്‌ 21:10, 11, 28-31) അതു​കൊണ്ട്‌ പിശാ​ചായ സാത്താൻ “തനിക്കു ചുരു​ങ്ങിയ കാലഘ​ട്ട​മാ​ണു​ള്ള​തെ​ന്ന​റി​ഞ്ഞു​കൊണ്ട്‌ മഹാ​ക്രോ​ധം” പ്രകട​മാ​ക്കു​ന്നു. (വെളി​പ്പാട്‌ 12:12) അവന്റെ മുഴു​ലോക വ്യവസ്ഥി​തി​യും നാശത്തി​ലേക്കു പായു​ക​യാണ്‌, ഇതിനെ തടയാ​നുള്ള അവന്റെ ശ്രമങ്ങ​ളെ​ല്ലാം വ്യർത്ഥ​മാണ്‌!

ലോകം നീങ്ങി​ക്കൊ​ണ്ടി​രി​ക്കുന്ന ദിശ സംബന്ധിച്ച്‌ നിങ്ങൾക്ക്‌ ഒന്നും ചെയ്യാൻ കഴിക​യി​ല്ലെ​ന്നു​ള്ളതു സത്യം​തന്നെ. എന്നാൽ നിങ്ങളു​ടെ സ്വന്തം ജീവി​ത​ത്തിൽ സമാധാ​ന​ത്തി​നും ശാന്തത​ക്കും ഉറപ്പു​വ​രു​ത്താൻ നിങ്ങൾക്ക്‌ വളരെ​യ​ധി​കം ചെയ്യാൻ കഴിയും. അല്ല, പ്രശാന്തത നൽകുന്ന ഔഷധ​ങ്ങളല്ല പരിഹാ​രം; സമയവി​നി​യോഗ വിദ്യ​ക​ളും എല്ലാവർക്കും പ്രാവർത്തി​ക​മാ​കു​ന്നില്ല; ബൈബി​ളി​ന്റെ പരിജ്ഞാ​ന​വും വിവേ​ക​വു​മാണ്‌ വളരെ​യേറെ സഹായകം. ബൈബി​ളി​ന്റെ​യോ?.

അതെ, എന്തു​കൊ​ണ്ടെ​ന്നാൽ “പൂർണ്ണ​ദൈ​വി​ക​ഭ​ക്തി​യോ​ടെ ശാന്തവും സ്വസ്ഥവു​മായ ഒരു ജീവിതം” നയിക്കു​ന്ന​തിൽ തുടരു​ന്നത്‌ അഭികാ​മ്യ​മാ​ണെന്ന്‌ ബൈബിൾ സൂചി​പ്പി​ക്കു​ന്നു. (1 തിമൊ​ഥെ​യോസ്‌ 2:2) അതു സാദ്ധ്യ​മാ​ണോ? അതെ, എന്തു​കൊ​ണ്ടെ​ന്നാൽ ഈ ദുർഘ​ട​മായ “അന്ത്യനാ​ളു​ക​ളു​ടെ” സമ്മർദ്ദ​ങ്ങൾക്ക്‌ നിങ്ങൾ ഇപ്പോ​ഴും വിധേ​യ​രാ​ണെ​ങ്കി​ലും ജീവി​ത​ത്തെ​ക്കു​റിച്ച്‌ ഒരു പുതിയ കാഴ്‌ച​പ്പാ​ടു വികസി​പ്പി​ക്കാൻ ബൈബി​ളി​നു നിങ്ങളെ സഹായി​ക്കാൻ കഴിയും.

ദൃഷ്ടാ​ന്ത​മാ​യി നിങ്ങളു​ടെ ജോലി​ക്കാ​ര്യം എടുക്കുക. നിങ്ങളു​ടെ ജീവിതം, ഭൗതി​ക​വ​സ്‌തു​ക്കൾക്കു പകരം “ദൈവി​ക​ഭ​ക്തി​യി​ലും ഗൗരവ​ത്തി​ലും” ചുറ്റി​ത്തി​രി​യു​ന്നു​വെ​ങ്കിൽ നിങ്ങൾക്ക്‌ വഹിക്കാൻ കഴിയാത്ത വസ്‌തു​ക്കൾ കുന്നു​കൂ​ട്ടാൻ നിങ്ങൾ വലിയ തിടുക്കം കൂട്ടു​ക​യില്ല. “പണസ്‌നേഹം ഹാനി​ക​ര​മായ സകലതരം കാര്യ​ങ്ങ​ളു​ടെ​യും മൂല”മാണെ​ന്ന​റി​യു​മ്പോൾ നിങ്ങൾക്ക്‌ “ആഹാര​വും വസ്‌ത്ര​വും” കൊണ്ട്‌ തൃപ്‌തി​പ്പെ​ടാൻ കഴിയും. (1 തിമൊ​ഥെ​യോസ്‌ 6:8, 10) നിങ്ങളു​ടെ ജോലിക്ക്‌ നിങ്ങളു​ടെ ജീവി​ത​ത്തിൽ രണ്ടാം സ്ഥാനം മാത്രം ഉള്ളതു​കൊണ്ട്‌ ആവശ്യ​മായ വിശ്ര​മ​ത്തി​നും വിശ്രാ​ന്തി​ക്കും നിങ്ങൾ സമയമു​ണ്ടാ​ക്കു​ക​പോ​ലും ചെയ്യും. “ഒരു കൈ നിറയെ വിശ്രമം രണ്ടു കൈനി​റയെ കഠിനാ​ദ്ധ്വാ​ന​ത്തെ​യും കാറ്റി​നു പിന്നാ​ലെ​യുള്ള ഓട്ട​ത്തെ​യും​കാൾ മെച്ചമാണ്‌.”—സഭാ​പ്ര​സം​ഗി 4:6.

ചിലർക്ക്‌ തങ്ങളുടെ ലൗകിക ജോലി കുറയ്‌ക്കാൻ കഴിയു​ന്നു. ഒരു വലിയ സ്ഥാപന​ത്തി​ന്റെ ഡയറക്ട​റാ​യി​രുന്ന ഒരു മനുഷ്യൻ ഇങ്ങനെ അനുസ്‌മ​രി​ക്കു​ന്നു: “23 വർഷത്തെ കഠിനാ​ദ്ധ്വാ​ന​ത്തി​നു​ശേഷം എനിക്കു നല്ല ശമ്പളവും സൗജന്യ ആരോ​ഗ്യ​ര​ക്ഷ​യും നല്ല പെൻഷ​നും മറ്റും കിട്ടി​യി​രു​ന്നു. എന്നാൽ ഇതെല്ലാം കിട്ടു​ന്ന​തിന്‌ നിങ്ങൾ നിങ്ങളു​ടെ ജോലി​യിൽ കൂടുതൽ കൂടുതൽ സമയവും ഊർജ്ജ​വും ചെലവ​ഴി​ക്കേ​ണ്ട​തുണ്ട്‌. ഒടുവിൽ നിങ്ങൾക്ക്‌ സ്വന്തം കാര്യ​ത്തി​നു സമയം കിട്ടാതെ വരുന്നു. ജോലി​യ​ല്ലാ​തെ മറ്റെ​ന്തെ​ങ്കി​ലും നിങ്ങളു​ടെ മുമ്പാകെ വെക്കുന്ന ഏതു സമയത്തും ‘ഞാൻ ഖേദി​ക്കു​ന്നു. ഞാൻ വളരെ ജോലി​ത്തി​ര​ക്കി​ലാണ്‌’ എന്നാണ്‌ നിങ്ങൾ പറയുക.” തന്നിമി​ത്തം ഈ മനുഷ്യൻ തന്റെ അന്തസ്സുള്ള ജോലി വിട്ടു. ഇത്‌ കൂടുതൽ ലളിത​മായ ഒരു ജീവി​ത​രീ​തി ആവശ്യ​മാ​ക്കി​ത്തീർത്തു​വെ​ന്നതു സത്യം​തന്നെ. എന്നാൽ അത്‌ അയാളു​ടെ കുടും​ബ​ത്തി​നും ക്രിസ്‌തീയ പ്രവർത്ത​ന​ങ്ങൾക്കും​വേണ്ടി കൂടുതൽ സമയം ഉണ്ടാക്കി​ക്കൊ​ടു​ക്കു​ക​യും ചെയ്‌തു.

ഉചിത​മായ മുൻഗ​ണ​നകൾ വെക്കുക

നാം ജീവി​ക്കുന്ന നിർണ്ണാ​യക കാലങ്ങ​ളു​ടെ വീക്ഷണ​ത്തിൽ ഒരു സത്യ​ക്രി​സ്‌ത്യാ​നിക്ക്‌ ആത്മീയ കാര്യങ്ങൾ സംബന്ധിച്ച്‌ ഒരു അശ്രദ്ധ മനോ​ഭാ​വം കൈ​ക്കൊ​ള്ളാൻ സാദ്ധ്യമല്ല. സഖായി​യു​ടെ കാര്യം പരിചി​ന്തി​ക്കുക, ബൈബിൾ അയാളെ വിളി​ക്കു​ന്നത്‌ ധനിക​നായ ഒരു നികുതി പിരി​വു​കാ​രൻ എന്നാണ്‌. യേശു​വി​നെ​ക്കു​റിച്ച്‌ കൂടുതൽ അറിയാ​നാ​ഗ്ര​ഹി​ച്ചു​കൊണ്ട്‌, അയാൾ ഒരിക്കൽ, യേശു പട്ടണത്തിൽ കൂടെ കടന്നു​പോ​യ​പ്പോൾ അവനെ മെച്ചമാ​യി കാണാൻ ഒരു മരത്തിൽ കയറി. വിവരണം ഇങ്ങനെ വായി​ക്ക​പ്പെ​ടു​ന്നു: “ഇപ്പോൾ യേശു ആ സ്ഥലത്തെ​ത്തി​യ​പ്പോൾ അവൻ മേല്‌പ്പോ​ട്ടു നോക്കി അവനോട്‌: ‘സഖായി​യേ, ബദ്ധപ്പെട്ട്‌ ഇറങ്ങുക, എന്തെന്നാൽ ഇന്ന്‌ ഞാൻ നിന്റെ വീട്ടിൽ താമസി​ക്കേ​ണ്ട​താണ്‌’ എന്നു പറഞ്ഞു. അതോടെ അവൻ ബദ്ധപ്പെട്ട്‌ ഇറങ്ങു​ക​യും സസന്തോ​ഷം അവനെ അതിഥി​യാ​യി സ്വീക​രി​ക്കു​ക​യും ചെയ്‌തു.”—ലൂക്കോസ്‌ 18:2-6.

യേശു​വി​നെ സൽക്കരി​ക്കു​ക​യും അവനു​മാ​യി ആത്മീയ കാര്യങ്ങൾ ചർച്ച​ചെ​യ്യു​ക​യും ചെയ്‌ത​തു​കൊണ്ട്‌ സഖായി​ക്കു ലഭിച്ച പ്രയോ​ജ​നങ്ങൾ സങ്കൽപ്പി​ക്കുക! സഖായി​യു​ടെ മുൻഗ​ണ​നകൾ ക്രമത്തി​ലാ​ക്കു​ന്ന​തിന്‌ യേശു അവനെ സഹായി​ച്ചു, തന്നിമി​ത്തം സഖായി ഭൗതി​ക​വ​സ്‌തു​ക്കൾ സമ്പാദി​ക്കു​ന്ന​തിന്‌ ഊന്നൽ കൊടു​ക്കു​ന്നതു നിർത്തി. “നോക്കൂ! കർത്താവേ, എന്റെ സ്വത്തു​ക്ക​ളിൽ പകുതി ഞാൻ ദരി​ദ്രർക്കു കൊടു​ക്കു​ക​യാണ്‌, ഞാൻ വ്യാജ കുറ്റാ​രോ​പ​ണ​ത്തി​ലൂ​ടെ ആരിൽനി​ന്നെ​ങ്കി​ലും പിടി​ച്ചു​പ​റി​ച്ചത്‌ ഞാൻ നാലു​മ​ടങ്ങ്‌ തിരികെ കൊടു​ക്കു​ക​യാണ്‌” എന്ന്‌ അവൻ യേശു​വി​നോ​ടു പറഞ്ഞു—ലൂക്കോസ്‌ 19:8.

ഇന്ന്‌ സത്യ​ക്രി​സ്‌ത്യാ​നി​കൾ അതു​പോ​ലെ ആത്മീയ കാര്യങ്ങൾ ചർച്ച​ചെ​യ്യാ​നുള്ള അവസര​ങ്ങളെ പ്രയോ​ജ​ന​പ്പെ​ടു​ത്താൻ ആകാം​ക്ഷ​യു​ള്ള​വ​രാണ്‌. ഭൗതി​ക​വ​സ്‌തു​ക്കൾ സമ്പാദി​ക്കു​ന്നത്‌ അവർക്ക്‌ മേലാൽ മുഖ്യ മുൻഗണന ആയിരി​ക്കു​ന്നില്ല. പകരം, ദൈവ​ത്തെ​യും അവന്റെ ഉദ്ദേശ്യ​ങ്ങ​ളെ​യും കുറിച്ച്‌ പഠിക്കാൻ തങ്ങളെ സഹായി​ക്കുന്ന ക്രിസ്‌തീയ പ്രസി​ദ്ധീ​ക​ര​ണങ്ങൾ ലഭിക്കു​മ്പോൾ അവ വായി​ക്കു​ന്നത്‌ ഒരു മുൻഗ​ണ​ന​യാ​യി​ത്തീ​രു​ന്നു. സഹക്രി​സ്‌ത്യാ​നി​ക​ളു​ടെ യോഗങ്ങൾ ഉള്ളപ്പോൾ അവർ പ്രബോ​ധ​ന​ത്തി​ന്റെ​യും പരിപു​ഷ്‌ഠി​പ്പെ​ടു​ത്തുന്ന സഹവാ​സ​ത്തി​ന്റെ​യും ഒരൊറ്റ മിനി​റ്റു​പോ​ലും നഷ്ടപ്പെ​ടു​ത്താ​തി​രി​ക്കാൻ കഠിന​ശ്രമം ചെയ്യുന്നു.

നമുക്കുള്ള മറ്റൊ​രു നല്ല ദൃഷ്ടാന്തം ലോത്തി​ന്റേ​താണ്‌. സോ​ദോ​മും ഗോ​മോ​റ​യും നശിപ്പി​ക്ക​പ്പെ​ടാ​നി​രി​ക്കു​ക​യാ​ണെന്ന്‌ ദൈവ​ദൂ​തൻ അവനു മുന്നറി​യി​പ്പു​കൊ​ടു​ത്തി​രു​ന്നു. മറ്റു​ള്ള​വ​രിൽ സ്‌നേ​ഹ​പു​ര​സ്സ​ര​മായ താത്‌പ​ര്യം പ്രകട​മാ​ക്കി​ക്കൊണ്ട്‌ ലോത്ത്‌ “തന്റെ പുത്രി​മാ​രെ സ്വീക​രി​ക്കാ​നി​രുന്ന തന്റെ മരുമ​ക്ക​ളോട്‌ സംസാ​രി​ക്കു​വാൻ തുടങ്ങു​ക​യും ‘എഴു​ന്നേൽക്കുക! ഈ സ്ഥലത്തു​നി​ന്നു പുറത്തു​പോ​കുക, എന്തു​കൊ​ണ്ടെ​ന്നാൽ യഹോവ നഗരത്തെ നശിപ്പി​ക്കു​ക​യാ​കു​ന്നു” എന്നു പറഞ്ഞു​കൊ​ണ്ടി​രി​ക്കു​ക​യും ചെയ്‌തു.” എന്നാൽ ലോത്തു​തന്നെ “തങ്ങിനിൽക്കു​ക​യാ​യി​രു​ന്നു,” അത്‌ “നീ അവിടെ ചെല്ലു​ന്ന​തു​വരെ എനിക്കു യാതൊ​ന്നും ചെയ്യാൻ കഴിക​യി​ല്ലാ​ത്ത​തു​കൊണ്ട്‌ ബദ്ധപ്പെ​ടുക, അവി​ടേക്ക്‌ രക്ഷപ്പെ​ടുക” എന്നു പറഞ്ഞു​കൊണ്ട്‌ ദൈവ​ത്തി​ന്റെ സുരക്ഷി​ത​സ്ഥ​ല​ത്തേക്ക്‌ താമസം​വി​നാ രക്ഷപ്പെ​ടാൻ അവനെ പ്രോ​ത്സാ​ഹി​പ്പി​ക്കു​ന്ന​തിന്‌ ദൈവ​ദൂ​തനെ പ്രേരി​പ്പി​ച്ചു.—ഉല്‌പത്തി 19:14, 16, 22.

ഇന്നത്തെ ലോകം ആഗോള സോ​ദോ​മി​ന്റെ​യും ഗോ​മോ​റ​യു​ടെ​യും മാനങ്ങൾ കൈവ​രി​ച്ചി​രി​ക്കു​ക​യാണ്‌, അതു​പോ​ലെ നാശത്തെ അഭിമു​ഖീ​ക​രി​ക്കു​ക​യു​മാണ്‌. അതു​കൊ​ണ്ടാണ്‌ ബൈബി​ളിൽ മുൻകൂ​ട്ടി​പ്പ​റ​ഞ്ഞി​ട്ടുള്ള ഈ വരാനി​രി​ക്കുന്ന നാശ​ത്തെ​ക്കു​റിച്ച്‌ മറ്റു​ള്ള​വർക്കു മുന്നറി​യി​പ്പു കൊടു​ക്കു​ന്ന​തിന്‌ യഹോ​വ​യു​ടെ സാക്ഷി​ക​ളു​ടെ ജീവി​ത​ത്തിൽ മുൻഗ​ണ​ന​യു​ള്ളത്‌ ഈ മുന്നറി​യി​പ്പി​നെ​ക്കു​റി​ച്ചുള്ള പരി​ശോ​ധ​നക്ക്‌ നിങ്ങൾ നിങ്ങളു​ടെ ജീവി​ത​ത്തിൽ മുൻഗണന കൊടു​ക്കു​മോ?

വ്യർത്ഥ​മാ​യ വ്യാപാ​ര​ങ്ങ​ളി​ലെ തിടുക്കം കൂട്ടൽ തീർച്ച​യാ​യും നിങ്ങൾക്ക്‌ തലവേ​ദ​ന​യും ഞരമ്പു വൈക​ല്യ​വും മാത്രമേ കൈവ​രു​ത്തു​ക​യു​ള്ളു. ദൈവ​ത്തെ​യും ജീവിതം മേലാൽ ഭ്രാന്ത​മായ തിരക്കു​കൂ​ട്ട​ലാ​യി​രി​ക്കാത്ത ഒരു പുതിയ വ്യവസ്ഥി​തി ആനയി​ക്കാ​നുള്ള ദൈവ​ത്തി​ന്റെ ഉദ്ദേശ്യ​ത്തെ​യും കുറിച്ച്‌ പഠിക്കു​ന്നത്‌ വളരെ​യേറെ മെച്ചമാ​യി​രി​ക്കും!—2 പത്രോസ്‌ 3:13; യെശയ്യാവ്‌ 65:17, 21-25; സങ്കീർത്തനം 37:10, 11.

ഇതിനി​ട​യിൽ, ഭ്രാന്ത​മാ​യി​ട്ടല്ല, ഉല്‌പാ​ദ​ന​ക്ഷ​മ​മാ​യി തിരക്കു​ള്ള​വ​രാ​യി​രി​ക്കാൻ പഠിക്കുക. ദൈവ​ത്തി​ന്റെ ഉദ്ദേശ്യ​ങ്ങ​ളെ​ക്കു​റി​ച്ചു പഠിക്കുന്ന സംഗതി​യിൽ താമസം വരുത്ത​രുത്‌! അത്‌ നിങ്ങളു​ടെ പ്രഥമ മുൻഗണന അർഹി​ക്കട്ടെ! (g87 2/22)

[8-ാം പേജിലെ ചതുരം]

അനുചിതമായ ധൃതഗ​തി​ക്കെ​തി​രായ ജ്ഞാനപൂർവ്വ​ക​മായ മുന്നറി​യി​പ്പു​കൾ!

“ധനം സമ്പാദി​ക്കാൻ ബദ്ധപ്പെ​ടു​ന്നവൻ നിർദ്ദോ​ഷി​യാ​യി സ്ഥിതി​ചെ​യ്യു​ക​യില്ല.”—സദൃശ​വാ​ക്യ​ങ്ങൾ 28:20.

“ഉത്സാഹി​യു​ടെ പദ്ധതികൾ തീർച്ച​യാ​യും നേട്ടമു​ണ്ടാ​ക്കു​ന്നു, എന്നാൽ ധൃതഗ​തി​ക്കാ​ര​നായ ഏവനും തീർച്ച​യാ​യും ദാരി​ദ്ര്യ​ത്തി​ലേക്കു നീങ്ങുന്നു.”—സദൃശ​വാ​ക്യ​ങ്ങൾ 21:5.

“വാക്കിൽ ധൃതഗ​തി​ക്കാ​ര​നായ മനുഷ്യ​നെ നീ കണ്ടിട്ടു​ണ്ടോ? അവനെ​ക്കാൾ പ്രത്യാശ മൂഢനായ ഒരുവ​നെ​ക്കു​റി​ച്ചുണ്ട്‌.”—സദൃശ​വാ​ക്യ​ങ്ങൾ 29:20.

“നിന്റെ വായുടെ കാര്യ​ത്തിൽ ധൃതി​കൂ​ട്ട​രുത്‌; നിന്റെ ഹൃദയത്തെ സംബന്ധി​ച്ചാ​ണെ​ങ്കിൽ, സത്യ​ദൈ​വ​ത്തി​ന്റെ മുമ്പാകെ ഒരു വാക്ക്‌ ഉച്ചരി​ക്കാൻ അത്‌ ധൃതി​കൂ​ട്ടാ​തി​രി​ക്കട്ടെ.”—സഭാ​പ്ര​സം​ഗി 5:2.

[7-ാം പേജിലെ ചിത്രം]

ജീവിതത്തിൽ ഉചിത​മായ മുൻഗ​ണ​നകൾ വെക്കാൻ യേശു സഖായി​യെ സഹായി​ച്ചു

[9-ാം പേജിലെ ചിത്രം]

സമയത്തിന്റെ മോശ​പ്പെട്ട പട്ടിക​പ്പെ​ടു​ത്ത​ലും ഒരുവന്റെ പട്ടിക​യിൽ ഒട്ടേറെ കാര്യങ്ങൾ ഉൾപ്പെ​ടു​ത്തു​ന്ന​തു​മാണ്‌ മിക്ക​പ്പോ​ഴും ധൃതഗ​തി​ക്കു കാരണം