ബദാം—ഒരു പരിപ്പിൻ പഴം

കുന്നിൻ തുഞ്ചത്തെ സൗകര്യ​മുള്ള ഒരു സ്ഥാനത്തു​നിന്ന്‌ ഞാൻ നോക്കു​മ്പോൾ കീഴെ ഹരിത​നീ​ല​ത്താ​ഴ്‌വ​ര​യിൽ കൊച്ചു​കൊച്ച്‌ വെള്ളദ്വീ​പു​കൾ ചിതറി​ക്കി​ട​ക്കു​ന്നതു കാണുന്നു. വെള്ള​പോ​പ്‌കോ​ണി​ന്റെ ഉരുളകൾ നിറഞ്ഞ വയൽപോ​ലെ അകലെ​നിന്ന്‌ തോന്നി​ക്കുന്ന ആ കാഴ്‌ച കുറെ​ക്കൂ​ടി അടുത്തു​ചെന്ന്‌ നോക്കി​യാൽ, വാസ്‌ത​വ​ത്തിൽ, ഒറ്റ​യൊ​റ്റ​യാ​യി നിൽക്കുന്ന ആയിര​ക്ക​ണ​ക്കിന്‌ വൃക്ഷങ്ങ​ളാ​ണെന്ന്‌ കാണാം. അവയോ​രോ​ന്നും, ചുവന്നു തരളമായ ഉൾക്കാ​മ്പോട്‌ കൂടിയ മനംമ​യ​ക്കുന്ന പരിമ​ളം​കൊണ്ട്‌ അന്തരീ​ക്ഷത്തെ നിറക്കുന്ന വെളുത്ത പൂക്കള​ണി​ഞ്ഞു നിൽക്കു​ന്നു. എന്റെ ബോ​ധേ​ന്ദ്രി​യ​ങ്ങളെ പുളകം​കൊ​ള്ളി​ക്കുന്ന ഈ മനോ​ഹ​ര​ദൃ​ശ്യം വസന്തകാ​ലാ​രം​ഭ​ത്തിൽ പൂത്തു​ല​ഞ്ഞു​നിൽക്കുന്ന ഒരു ബദാം തോട്ട​ത്തി​ന്റെ മാതൃ​കാ​ചി​ത്ര​മാണ്‌.

കാലി​ഫോർണി​യ​യി​ലെ ചെറിയ പട്ടണങ്ങ​ളി​ലൊ​ന്നി​ലെ ബദാം വൃക്ഷ​ത്തോ​പ്പിൽ ഞാൻ വളർന്നു​പോ​ന്ന​തു​കൊണ്ട്‌ ഈ മനോ​ജ്ഞ​മായ ദൃശ്യം കുട്ടി​ക്കാ​ലം മുതൽക്കേ ഞാൻ ആസ്വദി​ച്ചു പോന്നി​രു​ന്നു. ഈ സ്വാദി​ഷ്ട​പഴം വളർത്തി അതിന്റെ വിള​വെ​ടു​ത്തു​കൊ​ണ്ടാണ്‌ ഞങ്ങളുടെ കുടും​ബം അഹോ​വൃ​ത്തി തേടി​യി​രു​ന്നത്‌.

“പഴമോ?” എന്ന്‌ നിങ്ങൾ ചോദി​ച്ചേ​ക്കാം, “ബദാം ഒരു പരിപ്പല്ലേ?” കൊള്ളാം, അതെ എന്നും അല്ല എന്നും പറയാം. പൊതു​വേ ഒരു പരി​പ്പെന്ന്‌ കണക്കാ​ക്കു​ന്നു​വെ​ങ്കി​ലും, ബദാം വിചി​ത്ര​മാം​വി​ധം ഒരു പഴമാണ്‌. മറ്റ്‌ കല്ലൻ പഴങ്ങളു​ടെ മൂല കുടും​ബ​മായ റോസ്‌ കുടും​ബ​ത്തി​ന്റെ ഭാഗമാണ്‌ ഇതും. കല്ലൻ പഴങ്ങളിൽ പീച്ചുകൾ, ആപ്രി​ക്കോ​ട്ടു​കൾ, പ്ലം എന്നിവ​യും ഉൾപ്പെ​ടു​ന്നു. അടുത്ത പ്രാവ​ശ്യം ഒരു പീച്ചു കായ്‌ നിങ്ങളു​ടെ കൈയ്യിൽ കിട്ടു​മ്പോൾ ആകൃതി​യി​ലും വലിപ്പ​ത്തി​ലും ഒരു ബദാം കായോട്‌ എത്ര സാമ്യം ആണുള്ള​തെന്ന്‌ നോക്കുക. രണ്ടും പൊളി​ച്ചു​നോ​ക്കി​യാൽ രണ്ടിന്റെ ഉൾക്കാ​മ്പും ഒരു​പോ​ലെ എന്നു കാണാം. പക്ഷേ, ബദാം​പ​രി​പ്പു മാത്രമേ ഭക്ഷ്യ​യോ​ഗ്യ​മാ​യി​ട്ടു​ള്ളു. പീച്ചു​പോ​ലുള്ള കായ്‌ക​ളു​ടെ പരിപ്പ്‌ തിന്നാൽ അസുഖം പിടി​പെ​ടും.

ബദാം ചരി​ത്ര​ത്തിൽ

ബദാമി​ന്റെ ചരി​ത്ര​വേ​രു​കൾ, ഏഷ്യാ​മൈനർ, മദ്ധ്യധ​ര​ണി​പ്ര​ദേശം എന്നിവി​ട​ങ്ങ​ളി​ലേക്ക്‌ കടന്നു ചെല്ലുന്നു. യഥാർത്ഥ​ത്തിൽ ക്രിസ്‌തു​വി​ന്റെ നാളിന്‌ ദീർഘ​കാ​ലം മുമ്പേ മദ്ധ്യപൂർവ്വ​ദേ​ശ​ക്കാർ അവരുടെ നിത്യാ​ഹാ​ര​ത്തി​ന്റെ ഒരു നിരന്ത​ര​ഭാ​ഗ​മാ​യി ബദാം ഉപയോ​ഗി​ച്ചു​പോ​ന്നു, അതിന്‌ നല്ല കാരണം ഉണ്ടായി​രു​ന്നു​താ​നും.

ഒരു കൈക്കു​മ്പിൾ നിറയെ ബദാം സ്വാദുള്ള ഒരു ലഘുഭ​ക്ഷണം മാത്രമല്ല അത്‌ ഏറിയ പോഷ​ക​ഗു​ണ​മുള്ള ഭക്ഷണം കൂടി​യാണ്‌. ബദാമിൽ പ്രധാന പോഷ​ക​ങ്ങ​ളും അത്യാ​വ​ശ്യ​മായ വിറ്റാ​മി​നു​ക​ളും ധാതു​ക്ക​ളും അടങ്ങി​യി​രി​ക്കു​ന്നു. മദ്ധ്യപൂർവ്വ​ദേ​ശ​ക്കാ​രു​ടെ നിത്യാ​ഹാ​ര​ത്തി​ന്റെ നിരന്തര ഘടക​മെ​ന്ന​നി​ല​യിൽ അതിന്‌ ഉയർന്ന മൂല്യം കൽപ്പി​ച്ച​തി​ന്റെ​യും ഇസ്ലാം അതിന്റെ അതിർത്തി​കൾ മദ്ധ്യയു​ഗ​ങ്ങ​ളിൽ വിസ്‌തൃ​ത​മാ​ക്കി​യ​പ്പോൾ ബദാം​കൃ​ഷി വിപു​ല​മാ​ക്കി​യ​തി​ന്റെ​യും കാരണം ഇതാണ്‌.

മുസ്ലീം കൃഷി ഇനങ്ങൾ സ്‌പെ​യി​നിൽ പച്ചപി​ടി​ക്കു​ക​യും തുടർന്ന്‌ കാലി​ഫോർണി​യാ​യി​ലെ​ത്തിയ സ്‌പാ​നിഷ്‌ പര്യ​വേഷക സംഘത്തി​ന്റെ കോളനി വെട്ടി​പ്പി​ടു​ത്തം മുഖേന നവലോക (അമേരി​ക്കൻ വൻകര) ത്ത്‌ അത്‌ തഴച്ചു​വ​ള​രു​ക​യും ചെയ്‌തു. ഇന്ന്‌, 200 വർഷങ്ങൾക്കു​ശേഷം ബദാം ആണ്‌ കാലി​ഫോർണി​യാ​യി​ലെ ഏറ്റവും വലിയ വൃക്ഷവിള, ആ സംസ്ഥാ​നം​തന്നെ ലോക​ത്തി​ലെ പ്രമുഖ ബദാം ഉത്‌പാ​ദ​ക​രു​ടെ ശ്രേണി​യി​ലൊ​ന്നാണ്‌.

പുകച്ച​ട്ടി​ക​ളു​ടെ ഉപയോ​ഗം

പുഷ്‌പ​ധാ​രണ കാലത്ത്‌ ബദാം പൂക്കളു​ടെ ഇളം മുകു​ളങ്ങൾ അധിക​നേരം ഉറയുന്ന തണുപ്പിൽ തുറന്നി​രു​ന്നാൽ അവക്ക്‌ ക്ഷതമേൽക്കും. മുൻകാ​ല​ങ്ങ​ളിൽ ഇത്‌ തടയു​ന്ന​തി​നു​വേണ്ടി മഞ്ഞിൽ നിന്നു സംരക്ഷണം നൽകുന്ന പുകച്ച​ട്ടി​കൾ ഉപയോ​ഗി​ച്ചി​രു​ന്നു. എണ്ണകൊണ്ട്‌ കത്തുന്ന ഈ ചട്ടികൾ ബദാം വൃക്ഷനി​ര​കൾക്ക​രി​കി​ലാ​യി ക്രമായ അകലത്തിൽ വച്ചിരു​ന്നു. അവ പുറ​പ്പെ​ടു​വിച്ച ഇരുണ്ടു കറുത്ത പുകയിൽനിന്ന്‌ ബദാമി​ന്റെ ചെറു​മു​കു​ളങ്ങൾ ആശ്വസി​ച്ചി​രു​ന്നു​വെ​ങ്കി​ലും പ്രദേ​ശ​വാ​സി​കൾക്ക്‌ അത്‌ അസ്വസ്ഥ​ത​യ്‌ക്കി​ട​യാ​ക്കി!

വൃത്തി​യാ​യി ഉറങ്ങാൻ കിടന്നിട്ട്‌ പ്രഭാ​ത​ത്തിൽ എഴു​ന്നേൽക്കു​മ്പോൾ മുഖമാ​കെ പുകപ​ടലം പൊതി​ഞ്ഞി​രി​ക്കു​ന്ന​തും അത്‌ മൂക്കി​നു​ള്ളി​ലും നഖങ്ങൾക്കി​ട​യി​ലും കടന്നു​കൂ​ടി​യി​രി​ക്കു​ന്ന​തും കണ്ടാൽ എങ്ങനെ​യി​രി​ക്കും എന്നൊന്ന്‌ ഊഹി​ച്ചു​നോ​ക്കൂ! മഞ്ഞി​നെ​തി​രെ പുകച്ച​ട്ടി​യു​ദ്ധ​ത്തി​ലാ​യി​രി​ക്കുന്ന ദിനങ്ങ​ളിൽ ജനലു​ക​ളും വാതി​ലു​ക​ളും എത്ര അടച്ചി​ട്ടാ​ലും എത്ര​യേറെ സോപ്പും വെള്ളവും ഉപയോ​ഗി​ച്ചാ​ലും വൃത്തി കാക്കുക നന്നേ പ്രയാ​സ​മാണ്‌.

ഭാഗ്യ​വ​ശാൽ, പക്ഷേ, കാര്യ​ങ്ങൾക്ക്‌ മാറ്റം​വ​ന്നി​രി​ക്കു​ന്നു. ചില തോപ്പു​ക​ളിൽ പുകച്ച​ട്ടി​ക​ളു​പ​യോ​ഗി​ക്കു​ന്നു​ണ്ടെ​ങ്കി​ലും ബദാം കൃഷി​യി​ടത്ത്‌ വസിക്കുന്ന ജനസമൂ​ഹ​ത്തിന്‌ ആശ്വാസം പകരു​മാറ്‌ മറ്റു സംമ്പ്ര​ദാ​യങ്ങൾ വിജയ​പൂർവ്വം ഉപയോ​ഗി​ച്ചു​വ​രു​ന്നു.

പൊഴി​യുന്ന ബദാമി​ന്റെ പടപടപ്പ്‌

വർഷങ്ങൾകൊണ്ട്‌ ബദാമി​ന്റെ വിള​വെ​ടു​ക്കുന്ന രീതി​യും മാറി​യി​ട്ടുണ്ട്‌. കൂലി​ക്കാർ റബ്ബർകൊ​ണ്ടുള്ള നീണ്ട കൊട്ടു​വ​ടി​ക​ളു​മാ​യി വൃക്ഷങ്ങൾക്കു​മേൽ കയറി ശിഖര​ങ്ങ​ളി​ല​ടി​ക്കു​മ്പോൾ പടപട​പ്പോ​ടെ ബദാം കായ്‌കൾ താഴെ വിരി​ച്ചി​ട്ടി​രി​ക്കുന്ന ക്യാൻവാസ്സ്‌ ഷീറ്റു​ക​ളി​ലേക്ക്‌ വീഴുന്നു. ആ ഷീറ്റു​കൾ തുടർന്ന്‌ ട്രാക്ട​റോ കുതി​ര​യെ​യോ കൊണ്ട്‌ അടുത്ത വൃക്ഷത്തിൻ കീഴേക്ക്‌ വലിച്ചു​കൊ​ണ്ടി​ടു​ന്നു. ഷീറ്റു​കൾ വലിക്കാ​നാ​കാ​ത്ത​വി​ധം ഭാരി​ച്ച​താ​ണെ​ങ്കിൽ ബദാം കായ്‌കൾ കട്ടിച്ചാ​ക്കു​ക​ളിൽ വാരി​ക്കൂ​ട്ടി തോട്‌ പൊളി​ക്കുന്ന സംസ്‌ക്ക​ര​ണ​ശാ​ല​യി​ലേക്ക്‌ മാറ്റു​ന്നു.

ഇന്ന്‌, ഇതിന്‌ പകരം, വൃക്ഷം കുലുക്കി ബദാം ശേഖരി​ക്കു​ന്ന​തി​നും അഴുക്കും തോടും മറ്റും പരിപ്പിൽനിന്ന്‌ വേർതി​രി​ക്കു​ന്ന​തി​നും യന്ത്രങ്ങ​ളാണ്‌ ഉപയോ​ഗി​ക്ക​പ്പെ​ടു​ന്നത്‌. കാറ്റ്‌ പമ്പു ചെയ്‌തു​കൊണ്ട്‌ ബദാം പഴത്തിൽനിന്ന്‌ മാലി​ന്യ​ങ്ങൾ വേർതി​രി​ക്കാൻ ഉപകരി​ക്കുന്ന ഒരു യന്ത്രത്തി​ന്റെ പ്രാരംഭ ഡി​സൈ​നർമാ​രിൽ ഒരാളാ​യി​രു​ന്നു എന്റെ പിതാവ്‌.

അനന്തരം ബദാം അക്ഷരാർത്ഥ​ത്തിൽ സംസ്‌ക്കരണ പ്ലാൻറു​ക​ളി​ലൂ​ടെ പ്രവഹി​ക്കു​ന്നു. അവയെ അവി​ടെ​വച്ച്‌ പൊളി​ക്കു​ക​യും, ശുദ്ധീ​ക​രി​ക്ക​യും തരംതി​രി​ക്കു​ക​യും ഒരു ഇലക്‌​ട്രോ​ണിക്‌ നേത്ര​ത്തി​ന്റെ സഹായ​ത്തോ​ടെ അവസാന പരി​ശോ​ധ​ന​യ്‌ക്ക്‌ വിധേ​യ​മാ​ക്കു​ക​യും ചെയ്യുന്നു.

ചില ബദാം പരിപ്പു​കൾക്ക്‌ ഇനി സംഭവി​ക്കു​ന്നത്‌ കൊതി​യും കൗതു​ക​വു​മു​ണർത്തും. ശുദ്ധമായ ബദാം പരിപ്പ്‌ പെട്ടെന്ന്‌ വെളു​ത്തു​ള്ളി, ചുവന്നു​ള്ളി, ഹിക്കറി എന്നിവ​കൊണ്ട്‌ രുചി​വ​രു​ത്തി​യ​തോ, പഞ്ചസാ​ര​യോ ഉപ്പോ ചേർത്ത്‌ വറുത്ത​തോ അല്ലെങ്കിൽ ചാലിച്ച്‌ ബദാം ബട്ടർ രൂപത്തി​ലാ​ക്കി​യ​തോ ആയി മാറു​ന്നത്‌ ഒന്നാ​ലോ​ചി​ക്കു—നമ്മുടെ സ്വാദ്‌ മുകു​ള​ങ്ങളെ മോഹി​പ്പി​ക്കുന്ന വിവിധ രൂപ​ഭേ​ദ​ങ്ങ​ളിൽ കേവലം ചിലതു മാത്ര​മാ​ണിത്‌. മുഴു​വ​നോ കഷണമാ​ക്കി​യ​തോ ആയ ബദാം പരിപ്പു​കൾ ചേർത്തു​ണ്ടാ​ക്കിയ മിഠാ​യ്‌കൾ, ബേക്കറി പലഹാ​രങ്ങൾ, ഐസ്‌ക്രീം എന്നിവ​യു​ടെ കാര്യ​വും മറക്കാ​തി​രി​ക്കാം!

ബദാം വൃക്ഷങ്ങൾക്കി​ട​യിൽ വളർന്നത്‌ എനിക്ക്‌ അങ്ങേയ​റ്റം സന്തോ​ഷ​ക​ര​വും സ്‌മര​ണീ​യ​വും ആയ അനുഭ​വ​മാ​യി​രു​ന്നു. ആ പരിപ്പിൻ പഴത്തെ​ക്കു​റിച്ച്‌ ഞാൻ അറി​യേ​ണ്ട​തെ​ല്ലാം അറിഞ്ഞി​ട്ടു​ണ്ടാ​വു​മെന്ന്‌ നിങ്ങൾ ഒരുപക്ഷേ കരുതി​യേ​ക്കാം. പക്ഷേ ഇല്ല. ഞാൻ ബൈബിൾ പഠിക്കാൻ തുടങ്ങി​യ​തോ​ടെ ബദാമി​നോ​ടെ​നിക്ക്‌ ഉണ്ടായി​രുന്ന മതിപ്പ്‌ നാടകീ​യ​മാ​യി വർദ്ധിച്ചു. “ബൈബി​ളോ?” എന്ന്‌ നിങ്ങൾ ചോദി​ച്ചേ​ക്കാം. അതെ, എന്റെ പഠനങ്ങ​ളി​ലൂ​ടെ, തന്റെ ജനവു​മാ​യുള്ള ദൈവ​ത്തി​ന്റെ ഇടപെ​ട​ലു​ക​ളിൽ ബദാം​വൃ​ക്ഷം ഒരു സുപ്ര​ധാന പങ്കുവ​ഹി​ച്ചി​ട്ടു​ണ്ടെന്ന്‌ ഞാൻ തിരി​ച്ച​റി​ഞ്ഞു.

ബൈബി​ളിൽ ബദാമോ?

ബദാം വൃക്ഷത്തി​നുള്ള എബ്രായ പദത്തിന്റെ അക്ഷരാർത്ഥം “ഉണർത്തു​ന്നവൻ” അഥവാ “ഉണർത്തു​ന്നത്‌” എന്നാ​ണെന്ന്‌ നിങ്ങൾ മനസ്സി​ലാ​ക്കി​യി​ട്ടു​ണ്ടോ? പലസ്‌തീൻ പ്രദേ​ശത്ത്‌ പുഷ്‌പ്പി​ക്കുന്ന ഫലവൃ​ക്ഷ​ങ്ങ​ളിൽ ഒന്നാമൻ ബദാം​വൃ​ക്ഷം ആണെ​ന്നോർക്കു​മ്പോൾ ഈ പേരെത്ര അനു​യോ​ജ്യം ആണെന്ന്‌ കാണാം. അത്‌ ഫെബ്രു​വരി ആരംഭ​ത്തി​ലേ​തന്നെ പൂക്കുന്നു. “ഒരു ബദാം വൃക്ഷത്തി​ന്റെ കൊമ്പി”നെക്കു​റിച്ച്‌ ദൈവം പരാമർശി​ച്ച​പ്പോൾ അവൻ ഉദ്ദേശിച്ച അർത്ഥ​ത്തെ​യും ഇത്‌ വിശദീ​ക​രി​ക്കു​ന്നു. (യിരെ​മ്യാവ്‌ 1:11, 12) മറ്റ്‌ വാക്കു​ക​ളിൽ, തന്റെ വാഗ്‌ദ​ത്തങ്ങൾ പാലി​ക്ക​ത്ത​ക്ക​വണ്ണം ദൈവം അവയെ സംബന്ധിച്ച്‌ “ഉണർന്നി​രി​ക്കു​ക​യാണ്‌” എന്ന്‌ അത്‌ അർത്ഥമാ​ക്കു​ന്നു.

ബൈബി​ളിൽ ബദാം വൃക്ഷത്തെ ഉപയോ​ഗി​ച്ചി​രി​ക്കുന്ന മറ്റൊ​രു ദൃഷ്ടാന്തം ദൈവ​ത്തി​ന്റെ മഹാപു​രോ​ഹി​ത​നെന്ന നിലയിൽ അഹരോ​ന്റെ അധികാ​രം യിസ്രാ​യേ​ല്യർ വെല്ലു​വി​ളിച്ച രംഗമാ​യി​രു​ന്നു. പ്രശ്‌ന​ത്തിന്‌ തീർപ്പ്‌ കൽപ്പി​ക്കു​ന്ന​തിന്‌ യിസ്രാ​യേ​ലി​ലെ 12 ഗോ​ത്ര​ങ്ങ​ളിൽ ഓരോ​ന്നി​ന്റെ​യും തലവൻമാ​രോട്‌ അവരവ​രു​ടെ ആജ്ഞാപക വടി കൊണ്ടു​വ​രു​ന്ന​തി​നും വിശുദ്ധ സാക്ഷ്യ​പെ​ട്ട​ക​ത്തി​ന്റെ മുമ്പാകെ നിക്ഷേ​പി​ക്കു​ന്ന​തി​നും കൽപ്പിച്ചു. ബദാം ശിഖരം കൊണ്ടു​ണ്ടാ​ക്കിയ അഹരോ​ന്റെ വടി മറ്റു 12 വടിക​ളോ​ടു​മൊ​പ്പം ഇട്ടിരു​ന്നു. അടുത്ത ദിവസം ഫലം അറിഞ്ഞു—അഹരോ​ന്റെ വടിമേൽ ദൈവ​ത്തി​ന്റെ അംഗീ​കാ​ര​മു​ദ്ര. അവന്റെ വടി ഒറ്റരാ​ത്രി​കൊണ്ട്‌ തളിർത്തു; അത്‌ “തളിർത്ത്‌ പൂത്ത്‌ പഴുത്ത ബദാം കായ്‌ച്ചി​രു​ന്നു.” ആദ്യം മുകുളം, പിന്നെ പുഷ്‌പം തുടർന്ന്‌ കായ്‌ എന്ന സാധാരണ ക്രമത്തിന്‌ വിരു​ദ്ധ​മാ​യി മൂന്ന്‌ ഘട്ടങ്ങളും അതാ ഒരേ സമയത്ത്‌. ഒരാശ്ച​ര്യം തന്നെ!—സംഖ്യാ​പു​സ്‌തകം 17:1-11.

യിസ്രാ​യേ​ല്യർക്ക്‌ ബദാം അങ്ങേയ​റ്റം മതിക്ക​പ്പെട്ട ഒരു പ്രിയ വസ്‌തു ആയിരു​ന്നു. ദൃഷ്ടാ​ന്ത​ത്തിന്‌ മിസ്ര​യി​മ്യ രാജാ​വി​ന്റെ പ്രീതി സംമ്പാ​ദി​ക്കാ​നാ​ഗ്ര​ഹി​ച്ച​പ്പോൾ ഗോ​ത്ര​പി​താ​വായ യാക്കോബ്‌ ദേശത്തെ “വിശി​ഷ്‌ടോ​ത്‌പ​ന്ന​ങ്ങ​ളിൽ” ഒന്നെന്ന​നി​ല​യിൽ സമ്മാന​ങ്ങ​ളു​ടെ കൂട്ടത്തിൽ കുറെ ബദാം പരിപ്പും കൊടു​ത്ത​യച്ചു. (ഉല്‌പത്തി. 43:11) കൂടാതെ, സുന്ദര​മായ ബദാം പുഷ്‌പ​ത്തി​ന്റെ രൂപമാണ്‌ വിശുദ്ധ സമാഗമന കൂടാ​ര​ത്തി​ന്റെ വിളക്കു​ത​ണ്ടി​ന്റെ അഗ്രങ്ങ​ളി​ലുള്ള കപ്പുകൾക്ക്‌ മാതൃ​ക​യാ​യി അവലം​ബി​ച്ചി​രു​ന്നത്‌.—പുറപ്പാട്‌ 25:33, 34.

നിസ്സം​ശ​യ​മാ​യും ബദാമി​നെ​ക്കു​റി​ച്ചുള്ള ഈ ബൈബിൾ പരാമർശ​നങ്ങൾ ദൈവം മനു​ഷ്യ​ന്റെ അനന്തമായ ആനന്ദാ​സ്വാ​ദ​ന​ത്തി​നു​ണ്ടാ​ക്കിയ നിരവധി അത്ഭുത സൃഷ്ടി​ക​ളിൽ ഒന്നി​നെ​ക്കു​റി​ച്ചു​കൂ​ടെ തിക​വേ​റി​യ​വി​ധം വിലമ​തി​ക്കാൻ എന്നെ സഹായി​ച്ചു.

മിക്ക​പ്പോ​ഴും താഴ്‌വ​ര​യി​ലെ പുത്തു​ല​ഞ്ഞു​നിൽക്കുന്ന ബദാം വൃക്ഷ​ത്തോ​പ്പു​ക​ളു​ടെ ചേതോ​ഹര ദൃശ്യം ഞാൻ നോക്കി​ക്കാ​ണു​മ്പോൾ അനേക നൂറ്റാ​ണ്ടു​കൾക്ക്‌ മുമ്പ്‌ രേഖ​പ്പെ​ടു​ത്ത​പ്പെട്ട പിൻവ​രുന്ന വാക്കു​ക​ളെ​ക്കു​റിച്ച്‌ ഞാൻ ചിന്തി​ച്ചു​പോ​വു​ന്നു: “പർവ്വത​ങ്ങ​ളും, ഫലവൃ​ക്ഷ​ങ്ങ​ളും, ദേവദാ​രു​ക്ക​ളും ആയ നിങ്ങൾ . . . യഹോ​വയെ സ്‌തു​തി​പ്പിൻ.”—സങ്കീർത്ത​നങ്ങൾ 148:7-9—സംഭാവന ചെയ്യ​പ്പെ​ട്ടത്‌. (g87 4/22)

[27-ാം പേജിലെ ചതുരം]

ബദാം—സംപു​ഷ്ട​മായ ഊർജ്ജ​ത്തി​ന്റെ കൊച്ചു പൊതി​കൾ

കൈയിൽ കൊണ്ടു നടക്കാ​വുന്ന ഒരു കൊച്ചു പൊതി​ക്കു​ള്ളിൽ ബദാം വർദ്ധിച്ച പോഷണം അടക്കം ചെയ്യുന്നു. നാല്‌ അടിസ്ഥാന ഭക്ഷ്യഗ​ണ​ങ്ങ​ളിൽ നാലി​ലും കാണുന്ന പ്രധാന പോഷ​കങ്ങൾ ഇവയി​ല​ട​ങ്ങി​യി​രി​ക്കു​ന്നു—പ്രോ​ട്ടീൻ, പഴങ്ങളും പച്ചക്കറി​ക​ളും, ക്ഷീരവി​ഭ​വങ്ങൾ, ധാന്യങ്ങൾ. അവയുടെ പോഷക സംഘാ​ടനം സംബന്ധിച്ച്‌ നമുക്ക്‌ ഒന്നടുത്ത്‌ വീക്ഷി​ക്കാം.a

◻ കാർബോ​ഹൈ​ഡ്രേ​റ്റ്‌: സങ്കീർണ്ണ കാർബോ​ഹൈ​ഡ്രേ​റ്റു​ക​ളു​ടെ ഒരു ഉപയോ​ഗ​ക്ഷ​മ​മായ ഉറവി​ട​മാണ്‌ ബദാം. കാർബോ​ഹൈ​ഡ്രേ​റ്റു​ക​ളാണ്‌ നിങ്ങളു​ടെ ശരീര​ത്തി​ന്റെ മുഖ്യ ഊർജ്ജ​സ്രോ​തസ്സ്‌. ഒരു ഔൺസ്‌ ബദാം അതായത്‌ ഏകദേശം 20-25 പരിപ്പ്‌ 170 കലോ​റിക്ക്‌ തുല്യ​മാണ്‌.b

◻ കൊഴുപ്പ്‌: ഭക്ഷണത്തി​നു​പ​യോ​ഗി​ക്കുന്ന സസ്യങ്ങ​ളിൽ ബദാം, കൊഴു​പ്പി​ന്റെ ഏറ്റവും സമൃദ്ധ​മായ ഉറവി​ട​ങ്ങ​ളി​ലൊ​ന്നാണ്‌. ബദാമിൽ കൊ​ളെ​സ്‌​ട്രോൾ അടങ്ങി​യി​ട്ടില്ല. കൊഴുപ്പ്‌ ഒരു പ്രധാന ഉർജ്ജ സ്രോ​തസ്സ്‌ ആണ്‌; നിങ്ങളു​ടെ ശരീര​ത്തി​ന്റെ ഏറ്റവും കാര്യ​ക്ഷ​മ​മായ രൂപത്തി​ലുള്ള ഇന്ധന ശേഖര​മാ​ണത്‌. ഒരു ബദാമി​ന്റെ ഭാരത്തി​ന്റെ പകുതി​യോ​ളം സസ്യ എണ്ണയാണ്‌.—ഗാഢപൂ​രി​ത​മായ കൊഴുപ്പ്‌.

◻ തന്തു: ഒരു ഔൺസ്‌ ബദാം നിങ്ങളു​ടെ ശരീര​ത്തിന്‌ പ്രതി​ദി​നം ആവശ്യ​മായ തന്തുക്ക​ളു​ടെ 10 ശതമാ​ന​ത്തോ​ളം പ്രദാനം ചെയ്യുന്നു. മുഴുവൻ ഗോതമ്പ്‌ കൊണ്ടു​ണ്ടാ​ക്കിയ റൊട്ടി​യു​ടെ രണ്ടു കഷണങ്ങ​ളിൽ ഉള്ളതി​നേ​ക്കാൾ കൂടുതൽ തന്തുക്ക​ളാ​ണത്‌.

◻ ധാതുക്കൾ: ഫോസ്‌ഫ​റസ്‌, ചെമ്പ്‌, മഗ്നീഷ്യം തുടങ്ങിയ അവശ്യ​ധാ​തു​ക്ക​ളു​ടെ ഒരു വമ്പിച്ച അളവ്‌ ബദാം പ്രദാനം ചെയ്യുന്നു. വളർച്ച​ക്കും ഉചിത​മായ പരിപാ​ല​ന​ത്തി​നും നിങ്ങളു​ടെ ശരീര​ത്തിന്‌ ധാതുക്കൾ ആവശ്യ​മുണ്ട്‌. ഒരു ഔൺസ്‌ ബദാമിൽ 2.3 ഔൺസ്‌ പാലിൽ ഉള്ളത്ര കാൽസ്യ​വും 1.3 ഔൺസ്‌ മാട്ടി​റ​ച്ചി​യി​ലോ, കൊഴു​പ്പു​കളഞ്ഞ പന്നിയി​റ​ച്ചി​യി​ലോ ഉള്ളത്ര ഇരുമ്പും അടങ്ങി​യി​ട്ടുണ്ട്‌.

◻ പ്രോ​ട്ടീൻ: ബദാം സസ്യജ​നിത പ്രോ​ട്ടീ​ന്റെ ഒരു നല്ല ഉറവാണ്‌. നിങ്ങളു​ടെ ശരീര​ത്തി​ന്റെ വളർച്ച​ക്കും പരിപാ​ല​ന​ത്തി​നും പ്രോ​ട്ടീൻ ആവശ്യ​മാണ്‌. ഒരു ഔൺസ്‌ ബദാമിൽ പ്രോ​ട്ടീ​ന്റെ യു. എസ്‌. ആർ.ഡി.എ (നിർദ്ദിഷ്‌ഠ പ്രതി​ദിന വിഹിതം—തോതി​ന്റെ 10 ശതമാനം അടങ്ങി​യി​രി​ക്കു​ന്നു.

◻ വിറ്റാ​മി​നു​കൾ: ബദാം റിബോ​ഫേ​വ്‌ളി​ന്റെ​യും (വിറ്റാ​മിൻ ബി2) വിറ്റാ​മിൻ ‘ഇ’യുടെ​യും ഒരു നല്ല ഉറവാണ്‌. വിറ്റാ​മി​നു​കൾ (ജീവകങ്ങൾ) നിങ്ങളു​ടെ ഉത്തമാ​രോ​ഗ്യ​ത്തിന്‌ അനിവാ​ര്യ​മാണ്‌. ഒരൗൺസ്‌ ബദാമിൽ 7 ഔൺസ്‌ മുളപ്പിച്ച ഗോത​മ്പി​ലോ 18 തുടങ്ങി 20 ഔൺസ്‌ കരളി​ലോ അടങ്ങി​യി​ട്ടുള്ള അത്രയും വിറ്റാ​മിൻ ‘ഇ’ (യു. എസ്‌. ആർ.ഡി.എ. യുടെ 35 ശതമാനം) ഉണ്ട്‌.

[അടിക്കു​റി​പ്പു​കൾ]