ചെറു​പ്പ​ക്കാർ ചോദി​ക്കു​ന്നു . . .

“ബൈബിൾ യഥാർത്ഥ​ത്തിൽ സത്യമാ​ണോ?”

ബൈബി​ളിൽ ഉറച്ചവി​ശ്വാ​സം ഉണ്ടായി​രുന്ന മാതാ​പി​താ​ക്ക​ളാൽ ഒരു ക്രിസ്‌ത്യാ​നി​യാ​യി മൈക്കി​ളി വളർത്ത​പ്പെട്ടു. മൈക്കി​ളിക്ക്‌ ബൈബിൾ സത്യമാ​യി​രു​ന്നെന്ന്‌ അംഗീ​ക​രി​ക്കു​ന്നത്‌ രാത്രി​യെ തുടർന്ന്‌ പകൽ വരുന്നു എന്നംഗീ​ക​രി​ക്കു​ന്ന​തു​പോ​ലെ​യാ​യി​രു​ന്നു.

എന്നുവ​രി​കി​ലും, ഒരിക്കൽ ഇത്‌ അവളുടെ മനസ്സിൽ ഉദിച്ചു—താൻ എന്തു​കൊണ്ട്‌ ബൈബി​ളിൽ വിശ്വ​സി​ച്ചു​വെന്ന്‌ അവൾക്ക​റി​യി​ല്ലാ​യി​രു​ന്നു. എന്റെ മാതാ​പി​താ​ക്കൾ അതു വിശ്വ​സി​ച്ചി​രു​ന്ന​തു​കൊണ്ട്‌ അതുവരെ ഞാനും അതു വിശ്വ​സി​ച്ചി​രു​ന്നു​വെന്ന്‌ ഞാൻ ഊഹിച്ചു. എന്നാൽ ബൈബിൾ സത്യമാ​ണെന്ന്‌ തീർച്ച​യാ​ക്കു​ന്ന​തിന്‌ അതിലു​പ​രി​യാ​യി ചിലത്‌ ആവശ്യ​മാ​ണെന്ന്‌ എനിക്കു തോന്നി. ബൈബിൾ ദൈവ​ത്തി​ന്റെ വചനമാ​ണെന്ന്‌ ഞാൻ എന്നെത്തന്നെ ഒരിക്ക​ലും യഥാർത്ഥ​മാ​യി ബോദ്ധ്യ​പ്പെ​ടു​ത്തി​യി​രു​ന്നില്ല,” അവൾ പറഞ്ഞു.

ഇത്‌ എന്തു വ്യത്യാ​സം ഉളവാ​ക്കു​ന്നു?

എന്നിരു​ന്നാ​ലും, ‘ബൈബിൾ സത്യമാ​ണെന്ന്‌ ബോദ്ധ്യം വരേണ്ടത്‌ യഥാർത്ഥ​ത്തിൽ അത്രതന്നെ പ്രധാ​ന​മാ​ണോ?’ എന്നു നിങ്ങൾ അതിശ​യി​ച്ചേ​ക്കാം. തീർച്ച​യാ​യും അതെ!

ഒരു സംഗതി, ബൈബിൾ ദൈവ​ത്തി​ന്റെ പുസ്‌ത​ക​മാ​ണെന്ന്‌ അവകാ​ശ​പ്പെ​ടു​ന്നു. (1തെസ്സലോനിക്യർ 2:13) ഇതു ശരിയാ​ണെ​ങ്കിൽ, നിങ്ങളു​ടെ ജീവിതം അതുപ​റ​യു​ന്ന​തി​ന​നു​സൃ​ത​മാ​യിരി​ക്കണം. “എന്റെ വചനങ്ങൾ . . . അവയെ കണ്ടെത്തു​ന്ന​വർക്ക്‌ ജീവൻ ആകുന്നു” എന്ന്‌ ദൈവ​വ​ചനം പറയുന്നു.— സദൃശ​വാ​ക്യ​ങ്ങൾ 4:20-22.

നിങ്ങളു​ടെ ജീവൻ ഒരു ശസ്‌ത്ര​ക്രി​യാ​വി​ദ​ഗ്‌ദ്ധന്റെ വൈദ​ഗ്‌ദ്ധ്യ​ത്തെ ആശ്രയി​ച്ചി​രി​ക്കു​ന്നു​വെ​ങ്കിൽ, അയാൾ ഒരു മുറി​വൈ​ദ്യ​നല്ല എന്ന്‌ ഉറപ്പു​വ​രു​ത്താൻ നിങ്ങളാ​ഗ്ര​ഹി​ക്കു​ക​യി​ല്ലേ? അതു​പോ​ലെ​തന്നെ ബൈബിൾ സത്യമാ​ണെ​ന്നും നിങ്ങൾക്കു ബോദ്ധ്യം വരേണ്ട​തുണ്ട്‌.

ബൈബിൾ കൈവശം വയ്‌ക്കു​ന്നതു മാത്രം മതിയാ​കു​ന്നി​ല്ല

ഒരു ബൈബിൾ കൈവശം വയ്‌ക്കു​ക​മാ​ത്രം ചെയ്യു​ന്ന​തി​ലു​പരി അത്‌ അർത്ഥമാ​ക്കു​ന്നു. വലിയ നഗരഅന്ത:പുരങ്ങ​ളിൽ, ആളുകൾ സാധാ​ര​ണ​യാ​യി തൊട്ട​ടുത്ത്‌ താമസി​ക്കു​ന്നു. ഒരു ഭിത്തി മാത്രമെ അവരെ വേർതി​രി​ക്കു​ന്നു​ള്ളു​വെ​ങ്കി​ലും അവർ അപരി​ചി​ത​രാ​യി തന്നെ കഴിയു​ന്നു. അങ്ങനെ, അവർ ഒരിക്ക​ലും അവരുടെ അയൽക്കാ​രിൽ ദൃഢവി​ശ്വാ​സ​വും ആശ്രയ​വും വളർത്തി​യി​ട്ടില്ല. അങ്ങനെ ചെയ്യു​ന്ന​തിന്‌, അന്യോ​ന്യം മനസ്സി​ലാ​ക്കു​വാൻ തക്കവണ്ണം അവർ സമയ​മെ​ടു​ക്കേ​ണ്ട​തുണ്ട്‌. സമാന​മാ​യി, ബൈബി​ളി​നും നാം അതിന്റെ ജ്ഞാനം ഉൾക്കൊ​ള്ളാ​തെ തന്നെ, നമ്മുടെ കൈ​യെ​ത്താ​വു​ന്നി​ട​ത്താ​യി​രി​ക്കാൻ കഴിയും. നിങ്ങൾ എപ്പോ​ഴെ​ങ്കി​ലും ബൈബി​ളിൽ വിശ്വ​സി​ക്കാൻ പോകു​ന്നെ​ങ്കിൽ നിങ്ങൾ അതു പരി​ശോ​ധി​ച്ചു നോ​ക്കേ​ണ്ട​തുണ്ട്‌.

ക്രിസ്‌ത്യാ​നി​ക​ളോ​ടുള്ള അപ്പോ​സ്‌ത​ല​നായ പൗലോ​സി​ന്റെ ബുദ്ധി​യു​പ​ദേശം “സകലവും നിശ്ചയ​പ്പെ​ടു​ത്തുക” എന്നതാ​യി​രു​ന്നു. അല്ലെങ്കിൽ മറ്റു​വാ​ക്കു​ക​ളിൽ പറഞ്ഞാൽ ദി ലിവിംഗ്‌ ബൈബിൾ പറയു​ന്ന​പ്ര​കാ​രം “ഇതു സത്യമാ​ണെന്ന്‌ ഉറപ്പു​ണ്ടാ​യി​രി​ക്കുക എന്നു പറയു​ന്ന​തു​വരെ എല്ലാം പരി​ശോ​ധി​ക്കുക.” (1 തെസ്സ​ലോ​നി​ക്യർ 5:21) ഒരു സംഗതി സത്യമാ​ണോ​യെന്നു കണ്ടുപി​ടി​ക്കാൻ പരി​ശോ​ധി​ക്കു​ക​യും സൂക്‌ഷ​മ​നി​രീ​ക്ഷണം നടത്തു​ക​യും ചെയ്യു​ന്ന​തി​നെ ഈ പ്രസ്‌താ​വന അർത്ഥമാ​ക്കു​ന്നു. പുരാതന കാലങ്ങ​ളിൽ വില​യേ​റിയ ലോഹ​ങ്ങ​ളോ​ടുള്ള ബന്ധത്തിൽ ഇതു ചെയ്‌തി​രു​ന്നു. ഒരു സ്വർണ്ണ മോതി​ര​മോ നെക്‌ല​സോ വാങ്ങു​ന്ന​തി​നുള്ള അവസരം നിങ്ങൾക്കു ലഭിച്ചി​ട്ടു​ണ്ടെ​ങ്കിൽ അതു യഥാർത്ഥ​മാ​യി​രു​ന്നെന്ന്‌ നിങ്ങൾ ആദ്യം തന്നെ ഉറപ്പു വരുത്തി​യി​ട്ടി​ല്ലേ?

ഉദാഹ​ര​ണ​ത്തിന്‌, പമീല തനിക്കു പത്തു വയസ്സു​ണ്ടാ​യി​രു​ന്ന​പ്പോൾ യാതൊ​രെ​തിർപ്പും കൂടാതെ ബൈബിൾ അംഗീ​ക​രി​ച്ച​താ​യി​രു​ന്നു. എന്നിരു​ന്നാ​ലും അവൾ വളർന്ന​പ്പോൾ അതിന്റെ ആഴമായ ഒരു പഠനത്തി​ന്റെ ആവശ്യം അവൾ കണ്ടു. “എന്നെ സംബന്ധി​ച്ചി​ട​ത്തോ​ളം ബൈബിൾ സത്യമാ​ണെന്ന്‌ പറയു​ന്നതു മാത്രം മതിയാ​യി​രു​ന്നില്ല,” അവൾ പറയുന്നു. “എന്നെത്തന്നെ ബോദ്ധ്യ​പ്പെ​ടു​ത്തു​ന്ന​തിന്‌ യുക്തി​യു​ക്ത​മായ കാരണങ്ങൾ ആവശ്യ​മാ​യി​രു​ന്നു.” (1പത്രോസ്‌ 3:15) പുരാതന ബരോ​വ​യിൽ ജീവി​ച്ചി​രുന്ന ചില ആളുക​ളു​ടേ​തു​പോ​ലെ​യാ​യി​രു​ന്നു അവളുടെ മനോ​ഭാ​വം.

ഏതാണ്ട്‌ പൊ.യു.50-ൽ അപ്പോ​സ്‌ത​ല​നായ പൗലോസ്‌ ഈ നഗരം സന്ദർശി​ച്ചു. ആ ബരോ​വ​യ​ഹൂ​ദൻമാ​രോട്‌ പൗലോസ്‌ പറഞ്ഞത്‌ അവർക്കു മനസ്സി​ലാ​യി. എന്നാൽ അത്‌ നിശ്ചയ​പ്പെ​ടു​ത്താൻ അവരാ​ഗ്ര​ഹി​ച്ചു. (സദൃശ​വാ​ക്യ​ങ്ങൾ 14:15) അവർ എന്തു ചെയ്‌തു? പൗലോ​സി​നെ ശ്രദ്ധി​ച്ച​ശേഷം “ആ കാര്യങ്ങൾ അങ്ങനെ​ത​ന്നെ​യോ എന്നറി​യു​ന്ന​തിന്‌ അവർ ദൈനം​ദി​നം തിരു​വെ​ഴു​ത്തു​കൾ പരി​ശോ​ധി​ച്ചു.” (പ്രവൃ​ത്തി​കൾ 17:11) അങ്ങനെ അവർ തിരു​വെ​ഴു​ത്തിൽനിന്ന്‌ അവർക്കു കാണാൻ കഴിഞ്ഞ​വ​യും പൗലോ​സി​ന്റെ വാക്കു​ക​ളും തമ്മിൽ പരി​ശോ​ധി​ച്ചു​നോ​ക്കി. നിങ്ങൾക്കും അതുതന്നെ ചെയ്യാൻ കഴിയും!

നിങ്ങൾക്ക്‌ ബൈബിൾ എങ്ങനെ പരി​ശോ​ധി​ക്കാൻ കഴിയും?

നിങ്ങൾ എങ്ങനെ ആരംഭി​ക്കു​ന്നു? ഏറ്റവും ശക്തമായ കാരണ​ങ്ങ​ളി​ലൊന്ന്‌ ബൈബിൾ നിശ്വ​സ്‌ത​മാ​യ​തി​നാൽ ഭാവി മുൻകൂ​ട്ടി​പ്പ​റ​യു​ന്ന​തി​നുള്ള അതിന്റെ പിഴവു​പ​റ്റാത്ത പ്രാപ്‌തി​യാണ്‌. “അവരുടെ [ജാതി​ക​ളു​ടെ] ഇടയിൽ ഇതു പ്രസ്‌താ​വി​ക്കാൻ കഴിയു​ന്നവർ ആരുള്ളു?” അത്‌ ചോദി​ക്കു​ന്നു. സർവ്വശ​ക്ത​നായ ദൈവ​ത്തി​നു മാത്രമെ പരാജയം കൂടാതെ ‘ആരംഭ​ത്തി​ങ്കൽ തന്നെ അവസാ​ന​വും പറയാൻ’ കഴിയു​ക​യു​ള്ളു. (യെശയ്യാവ്‌ 43:9; 46:10) അവൻ ബൈബി​ളിൽ ആവർത്തിച്ച്‌ അങ്ങനെ ചെയ്യുന്നു. “ചില പ്രവച​നങ്ങൾ പരി​ശോ​ധിച്ച ശേഷം അതു ചെയ്‌ത​തെ​ല്ലാം മുൻകൂ​ട്ടി​പ്പ​റ​യാൻ അതിനു കഴിഞ്ഞ​തെ​ങ്ങനെ എന്നു കാണു​ന്ന​തിൽ ഞാൻ വിസ്‌മ​യി​ച്ചു പോയി” എന്ന്‌ 14 വയസ്സു​കാ​രി ജാനി പറയുന്നു.

മറ്റൊ​രു പഠനമ​ണ്ഡലം ബൈബി​ളി​ന്റെ ചരി​ത്ര​പ​ര​മായ കൃത്യ​ത​യാ​യി​രി​ക്കാ​വു​ന്ന​താണ്‌. പമീല പറയുന്നു: “ബൈബിൾ ചരി​ത്ര​പ​ര​മാ​യി എത്ര പ്രാമാ​ണി​ക​മാ​ണെന്ന്‌ കാണു​ന്ന​തിന്‌ അതു യഥാർത്ഥ​ത്തിൽ എന്നെ സഹായി​ച്ചു. അവ വെറും കഥകൾ അല്ല മറിച്ച്‌ യഥാർത്ഥ സംഭവ​ങ്ങ​ളും ആളുക​ളും ആയിരു​ന്നെന്ന്‌ ഞാൻ തിരി​ച്ച​റി​യാൻ തുടങ്ങി.”

പ്രയോ​ജ​ന​ക​ര​മായ മറ്റു പഠനമ​ണ്ഡ​ല​ങ്ങ​ളും പരി​ശോ​ധ​ന​ക​ളും ബൈബി​ളി​ന്റെ ആന്തരി​ക​പൊ​രു​ത്ത​ങ്ങ​ളും അതിന്റെ സത്യസ​ന്ധ​ത​യും നിഷ്‌ക​പ​ട​ത​യും അതിന്റെ ശാസ്‌ത്രീയ കൃത്യ​ത​യും ആണ്‌. 18-ഉം 19-ഉം പേജുകൾ ബൈബി​ളി​ലുള്ള വിശ്വാ​സം കെട്ടു​പ​ണി​ചെ​യ്യുന്ന വിവര​ങ്ങൾക്കുള്ള ചില ഉദാഹ​ര​ണങ്ങൾ നൽകുന്നു.

ബൈബിൾ പരി​ശോ​ധി​ക്കു​ന്ന​തി​നുള്ള മറ്റൊ​രു മാർഗ്ഗം ഫിലിപ്പ്‌ എന്ന യുവാവ്‌ സൂചി​പ്പി​ച്ചു: “ബൈബി​ളി​ലുള്ള എന്റെ വിശ്വാ​സം വളർന്നത്‌ ആളുക​ളു​ടെ ജീവി​ത​ത്തി​ലുള്ള അതിന്റെ സ്വാധീ​നം കണ്ടപ്പോ​ഴാണ്‌. ബൈബി​ള​നു​സ​രി​ച്ചു ജീവി​ക്കു​ന്നവർ അമിത​മാ​യി ഭാര​പ്പെ​ടു​ത്ത​പ്പെ​ടു​ന്ന​തി​നു പകരം വളരെ​യ​ധി​ക​മാ​യി പ്രയോ​ജനം അനുഭ​വി​ക്കു​ന്നതു ഞാൻ കണ്ടു.”

ദൈവ​ത്തിൽ നിന്നുള്ള ഒരു പുസ്‌തകം നല്ല ഫലം ഉൽപ്പാ​ദി​പ്പി​ക്കു​മെന്ന്‌ നിങ്ങൾ പ്രതീ​ക്ഷി​ക്കു​ക​യി​ല്ലേ? ആളുകൾ അതിന്റെ മാർഗ്ഗ​നിർദ്ദേ​ശങ്ങൾ പിൻപ​റ്റു​മ്പോൾ അവർ നല്ലവരാ​യി​ത്തീ​രു​ന്നു​വെന്ന്‌ വസ്‌തു​തകൾ പ്രകട​മാ​ക്കു​ന്നു. (എഫേസ്യർ 4:20-32 കാണുക) “ബൈബിൾ തത്വങ്ങൾ ബാധക​മാ​ക്കു​ന്നത്‌ ആളുകളെ സന്തുഷ്ട​രാ​ക്കു​ന്ന​തെ​ങ്ങ​നെ​യെന്നു കാണു​ന്നത്‌ ബൈബിൾ സത്യമാ​ണെ​ന്നുള്ള നിങ്ങളു​ടെ വിശ്വാ​സം യഥാർത്ഥ​ത്തിൽ വർദ്ധി​പ്പി​ക്കു​ന്നു എന്ന്‌ 13 വയസ്സു​കാ​രി സാറ കൂട്ടി​ച്ചേർക്കു​ന്നു. (സങ്കീ. 119:1, 2; 1 രാജാ. 10:6-8 താരത​മ്യം ചെയ്യുക.) അവൾ പറഞ്ഞത്‌ എത്ര ശരിയാണ്‌!

“ഒരുവ​നേ​ക്കാൾ ഇരുവർ നല്ലത്‌”

തീർച്ച​യാ​യും ബൈബിൾ പരി​ശോ​ധി​ക്കു​ന്ന​തിൽ നിങ്ങൾക്ക്‌ ചില സഹായം ആവശ്യ​മാ​യി​രു​ന്നേ​ക്കാം. വാച്ച്‌ടവർ സൊ​സൈ​റ്റി സഹായി​ക്കു​ന്ന​തിന്‌ പ്രസി​ദ്ധീ​ക​ര​ണങ്ങൾ ഉൽപ്പാ​ദി​പ്പി​ച്ചി​ട്ടുണ്ട്‌.a കൂടാതെ, സഭാ​പ്ര​സം​ഗി 4:9 നമ്മെ ഓർമ്മ​പ്പെ​ടു​ത്തു​ന്നു, “ഒരുവ​നേ​ക്കാൾ ഇരുവർ നല്ലത്‌.” എന്തു​കൊണ്ട്‌ നിങ്ങൾ ആശ്രയി​ക്കുന്ന, പ്രശ്‌നം നിസ്സാ​ര​മാ​യി തള്ളിക്ക​ള​യു​ക​യി​ല്ലാത്ത ചിലരെ സമീപി​ക്കു​ക​യും സഹായം ചോദി​ക്കു​ക​യും ചെയ്യാൻ പാടില്ല?

ഉദാഹ​ര​ണ​ത്തിന്‌, 15 വയസ്സു​കാ​രൻ വാൾട്ടർ തന്റെ സഹപാ​ഠി​ക​ളി​ലും അദ്ധ്യാ​പ​ക​രി​ലും ചുരുക്കം പേർ ബൈബി​ളിൽ വിശ്വ​സി​ച്ച​താ​യി കണ്ടുപി​ടി​ച്ചു. ഇത്‌ അവനെ അസ്വസ്ഥ​നാ​ക്കു​ക​യും പതറി​ക്കു​ക​യും ചെയ്‌തു. എന്നിരു​ന്നാ​ലും അവൻ തന്റെ വികാ​രങ്ങൾ തന്റെ പിതാ​വി​നോട്‌ വിവരി​ച്ചു. അപ്പോൾ ബൈബി​ളി​ന്റെ സത്യത​യിൽ അവന്റെ വിശ്വാ​സം വർദ്ധി​പ്പി​ക്കു​ന്ന​തി​നു​വേണ്ടി അതിന്റെ ശ്രദ്ധാ​പൂർവ്വ​മായ ഒരു പഠനത്തിന്‌ അവർ ഒത്തൊ​രു​മിച്ച്‌ അനേകം മണിക്കൂ​റു​കൾ ചെലവ​ഴി​ച്ചു. “ബൈബിൾ വെറുതെ അന്ധമായി സ്വീക​രി​ക്കു​ന്ന​തി​നു പകരം അതിൽ വിശ്വ​സി​ക്കു​ന്ന​തി​നുള്ള നല്ല കാരണങ്ങൾ എനിക്കു കാണാൻ കഴിഞ്ഞു” എന്ന്‌ അവൻ പറയുന്നു.—റോമർ 12:1,2.

“ഇതു സംബന്ധിച്ച്‌ നിങ്ങൾക്ക്‌ എന്തെങ്കി​ലും പ്രശ്‌ന​മു​ണ്ടെ​ങ്കിൽ നിങ്ങളു​ടെ മാതാ​പി​താ​ക്ക​ളോട്‌ സത്യസ​ന്ധ​രാ​യി​രി​ക്കുക” എന്ന്‌ യുവതി​യായ ജാനൽ നിർദ്ദേ​ശി​ക്കു​ന്നു. “വിശ്വ​സി​ക്കാൻ പ്രയാ​സ​മുള്ള എന്തെങ്കി​ലും കണ്ടെത്തു​ന്നെ​ങ്കിൽ ചോദ്യ​ങ്ങൾ ചോദി​ക്കുക.” (സദൃശ​വാ​ക്യ​ങ്ങൾ 15:22) പ്രയാ​സ​ക​ര​മായ വിധത്തിൽ ഡന്നീസ്‌ പഠിച്ചു. ബൈബിൾ സത്യമാ​ണെന്ന്‌ അവനു​തന്നെ ബോദ്ധ്യം വരുന്ന​തി​നു മുൻപ്‌ വേദനാ​ക​ര​മായ ഒരു മത്‌സ​രാ​ത്‌മ​ക​ഗ​തി​യി​ലൂ​ടെ അവൻ നീങ്ങി. അവന്റെ അനുഭവം ബൈബി​ളി​ലുള്ള ആശ്രയം വർദ്ധി​പ്പി​ക്കു​ന്ന​തി​നു​വേ​ണ്ടി​യുള്ള ആഴമേ​റിയ വ്യക്തി​പ​ര​മായ താത്‌പ​ര്യ​ത്തി​ന്റെ​യും ശ്രമത്തി​ന്റെ​യും ആവശ്യം അവനെ പഠിപ്പി​ച്ചു. “നിങ്ങളു​ടെ മാതാ​പി​താ​ക്കൾ പറയു​ന്നത്‌ എന്താ​ണെന്ന്‌ വ്യക്തി​പ​ര​മാ​യി ചിന്തി​ക്കാ​തെ വെറുതെ സ്വീക​രി​ക്കു​ന്നെ​ങ്കിൽ അതിന്‌ പിന്നീട്‌ യഥാർത്ഥ പ്രശ്‌ന​ത്തി​ലേക്കു നയിക്കാൻ കഴിയും,” അവൻ പറയുന്നു.—1 തിമോഥെയോസ്‌ 4:15.

ഈ സംഗതി​യിൽ സഹായ​ത്തി​നുള്ള മറ്റൊ​രു വലിയ ഉറവിടം ബൈബി​ളിൽ ഉറച്ച വിശ്വാ​സ​മു​ള്ള​വ​രു​മാ​യുള്ള സഹവാ​സ​മാണ്‌. (സദൃശ​വാ​ക്യ​ങ്ങൾ 27:17) “തങ്ങളെ ബോദ്ധ്യ​പ്പെ​ടു​ത്തി​യി​രി​ക്കു​ന്ന​തെ​ന്താ​ണെന്ന്‌ മറ്റു​ള്ള​വ​രോ​ടു ചോദി​ക്കുക” ഡെന്നീസ്‌ പറയുന്നു. സഹവി​ശ്വാ​സി​ക​ളു​മാ​യി കണ്ടുമു​ട്ടു​മ്പോൾ അവരെ ശ്രദ്ധി​ക്കു​ന്നത്‌ ഒരു രീതി​യാ​ക്കുക. (എബ്രായർ 10:24,25) “മീറ്റിം​ഗു​ക​ളിൽ ഞാൻ വെറുതെ ഇരിക്കു​മാ​യി​രു​ന്നു എന്നല്ലാതെ കൂടു​ത​ലാ​യി യാതൊ​ന്നും മനസ്സി​ലാ​ക്കി​യി​രു​ന്നില്ല” എന്ന്‌ 21 വയസ്സു​കാ​രി കിം​ബേർലി പറയുന്നു. “എന്നാൽ ബൈബി​ളിൽ എനിക്ക്‌ യഥാർത്ഥ വിശ്വാ​സം ഉണ്ടാകു​ന്ന​തിന്‌ ഞാൻ കൂടു​ത​ലാ​യി ചിലതു ചെയ്യേ​ണ്ട​തു​ണ്ടാ​യി​രു​ന്നെന്ന്‌ ഞാൻ മനസ്സി​ലാ​ക്കി.” അവൾ സദൃശ​വാ​ക്യ​ങ്ങൾ 1:5-ലെ ബുദ്ധി​യു​പ​ദേശം പിൻപ​റ്റി. അവൾ നന്നായി ശ്രദ്ധി​ക്കു​ക​യും കൂടു​ത​ലായ നിർദ്ദേ​ശങ്ങൾ മനസ്സി​ലാ​ക്കു​ക​യും ചെയ്‌തു.

അവസാ​ന​മാ​യി, ശരിയായ ഒരു മനോ​ഭാ​വം ഉണ്ടായി​രി​ക്കേ​ണ്ട​യാ​വ​ശ്യ​മുണ്ട്‌. (സങ്കീർത്തനം 25:4,5,9) “നിങ്ങൾ ബൈബി​ളിൽ വിശ്വാ​സം ആർജ്ജി​ക്കേണ്ട ഒരാളാ​ണെ​ങ്കിൽ, നിങ്ങൾ സഹായ​ത്തി​നാ​യി ദൈവ​ത്തോ​ടു പ്രാർത്ഥി​ക്കേ​ണ്ടത്‌ വളരെ പ്രധാ​ന​മാണ്‌” എന്ന്‌ സാറാ ഊന്നി​പ്പ​റ​യു​ന്നു. അന്തിമ​മാ​യി, ഇത്‌ അവന്റെ പുസ്‌ത​ക​മാണ്‌. യേശു പ്രസ്‌താ​വിച്ച ഒരു തത്വം നാം പിൻപ​റ്റേ​ണ്ട​തുണ്ട്‌: “ചോദി​ച്ചു​കൊ​ണ്ടേ​യി​രി​ക്കുക, അതു നിങ്ങൾക്കു നൽക​പ്പെ​ടും; അന്വേ​ഷി​ച്ചു​കൊ​ണ്ടേ​യി​രി​ക്കുക, നിങ്ങൾ കണ്ടെത്തും.” (മത്തായി 7:7) ഈ വിധത്തിൽ നിങ്ങൾക്ക്‌ ബൈബി​ളിൽ വിശ്വാ​സം വളർത്താൻ കഴിയും.

അപ്പോ​സ്‌ത​ല​നാ​യ പൗലോസ്‌ തിമോ​ഥെ​യോ​സി​നോ​ടു പറഞ്ഞു: “നീ പഠിച്ച​തും വിശ്വ​സി​ക്കാൻ പ്രേരി​പ്പി​ക്ക​പ്പെ​ട്ട​തു​മായ ഈ കാര്യ​ങ്ങ​ളിൽ തന്നെ നിലനിൽക്കുക.” ദി ന്യൂ ടെസറ്റ​മെൻറ്‌ ഇൻ മോഡേൺ ഇംഗ്ലീഷ്‌ പറയു​ന്ന​പ്ര​കാ​രം “നീ പഠിച്ച​തും നീ അറിയു​ന്ന​തു​മായ കാര്യങ്ങൾ സത്യമാ​കു​ന്നു.” (2തിമോഥെയോസ്‌ 3:14) താൻ പഠിച്ച​കാ​ര്യ​ങ്ങൾ വിശ്വ​സി​ക്കാൻ തിമോ​ഥെ​യോസ്‌ പ്രേരി​പ്പി​ക്ക​പ്പെട്ടു. കാരണം അവന്‌ മതിയായ തെളിവ്‌ നൽക​പ്പെട്ടു. ഈ ലേഖന​ത്തി​ന്റെ ആരംഭ​ത്തിൽ പരാമർശി​ക്ക​പ്പെട്ട മൈക്കി​ളി​യും അങ്ങനെ​ത​ന്നെ​യാ​യി​രു​ന്നു. അവൾ ശ്രദ്ധാ​പൂർവ്വം തെളി​വു​കൾ പരി​ശോ​ധി​ച്ചു. അവൾക്ക്‌ ഇപ്പോൾ “ബൈബിൾ സത്യമാ​ണെന്ന്‌ എനിക്കു​റ​പ്പുണ്ട്‌” എന്നു പറയാൻ കഴിയു​ന്നു. (g87 6/8)

[അടിക്കു​റി​പ്പു​കൾ]

[14, 15 പേജു​ക​ളി​ലെ ചതുരം/ചിത്രം]

ബൈബിൾ പ്രവച​ന​വും നിവൃ​ത്തി​യും

ലൂക്കോസ്‌ 19:41-44 വരെയും 21:20,21-ലും രേഖ​പ്പെ​ടു​ത്തി​യി​രി​ക്കുന്ന പ്രവച​നങ്ങൾ വായി​ക്കുക. പൊ. യു. 33-ലെ തന്റെ മരണത്തിന്‌ തൊട്ടു​മുൻപ്‌ യേശു യെരൂ​ശ​ലേ​മി​നെ​ക്കു​റിച്ച്‌ കരഞ്ഞു, കാരണം അതിന്‌ എന്ത്‌ സംഭവി​ക്കാൻ പോകു​ന്നു​വെന്ന്‌ അവൻ അറിഞ്ഞി​രു​ന്നു. കൊടും വിപത്തിന്‌ കാരണ​മാ​ക്കി​ക്കൊണ്ട്‌ റോമൻ സൈന്യം എങ്ങനെ വരു​മെ​ന്നും, യെരൂ​ശ​ലേ​മി​നു ചുറ്റും മുനയാ​ക്കിയ സ്‌തം​ഭ​ങ്ങൾകൊണ്ട്‌ കോട്ട​കെട്ടി നഗരത്തെ എങ്ങനെ നശിപ്പി​ക്കു​മെ​ന്നും അവൻ പ്രവചി​ച്ചു. റോമാ​ക്കാർ നഗരത്തി​നെ​തി​രാ​യി വരുന്നത്‌ കാണു​മ്പോൾ ‘പർവ്വത​ങ്ങ​ളി​ലേക്ക്‌ ഓടി​പ്പോ​കു​ന്ന​തി​നും’ അങ്ങനെ തങ്ങളുടെ ജീവൻ രക്ഷിക്കു​ന്ന​തി​നും അവൻ തന്റെ ശിഷ്യൻമാർക്ക്‌ മുന്നറി​യിപ്പ്‌ കൊടു​ത്തു.

നിങ്ങൾ ചരിത്രം പരി​ശോ​ധി​ക്കു​ക​യാ​ണെ​ങ്കിൽ, പൊ.യു.66-ൽ ഇവയെ​ല്ലാം സംഭവി​ച്ച​താ​യി നിങ്ങൾ കണ്ടെത്തും. 33 വർഷങ്ങൾക്കു ശേഷം റോമൻ സൈന്യം യെരൂ​ശ​ലേ​മി​നെ ആക്രമി​ച്ചു. യഹൂദ ചരി​ത്ര​കാ​ര​നായ ജോസീ​ഫസ്‌ പറയു​ന്ന​ത​നു​സ​രിച്ച്‌ റോമൻ സൈന്യാ​ധി​പൻ “യാതൊ​രു പരാജ​യ​വും അനുഭ​വി​ച്ചി​ല്ലെ​ങ്കി​ലും പ്രതീക്ഷ ഉപേക്ഷിച്ച്‌ തന്റെ സൈന്യ​ത്തെ പിൻവ​ലി​ച്ചു, എല്ലാ ന്യായ​ങ്ങൾക്കും ഉപരി​യാ​യി നഗരത്തിൽനി​ന്നും പിൻവാ​ങ്ങി.” ഇത്‌ യേശു​വി​ന്റെ പ്രവചനം ഓർമ്മിച്ച ക്രിസ്‌ത്യാ​നി​കളെ രക്ഷപെ​ടു​ന്ന​തിന്‌ അനുവ​ദി​ച്ചു. പൊ.യു. 70-ൽ റോമാ​ക്കാർ തിരി​കെ​വന്നു, 4.5 മൈൽ (7.2കി.മീ.) ചുറ്റ​ള​വിൽ വേലി ഉണ്ടാക്കു​ക​യും നഗരത്തി​നു​ള്ളി​ലെ എല്ലാവ​രെ​യും കുടു​ക്കു​ക​യും ചെയ്‌തു. ബൈബി​ളും പുരാ​വ​സ്‌തു ശാസ്‌ത്ര​വും ഇങ്ങനെ പറയുന്നു: “യെരൂ​ശ​ലേം തന്നെ ക്രമം​ക്ര​മ​മാ​യി നശിപ്പി​ക്ക​പ്പെ​ടു​ക​യും ആലയം നാശത്തിൽ വിടു​ക​യും ചെയ്‌തു.”

ബൈബിളിന്റെ ചരി​ത്ര​പ​ര​മായ നിജസ്ഥി​തി

ഒരു അഭിഭാ​ഷകൻ ബൈബിൾ പരി​ശോ​ധി​ക്കു​ന്നു എന്ന പുസ്‌തകം ബൈബി​ളി​ന്റെ ചരി​ത്ര​പ​ര​മായ കൃത്യത ഈ വിധത്തിൽ എടുത്തു​കാ​ട്ടു​ന്നു: “അഭിഭാ​ഷ​ക​രെന്ന നിലയിൽ നല്ല വ്യവഹാ​ര​ത്തിന്‌ ഞങ്ങൾ പഠിക്കുന്ന നിയമ​ങ്ങളെ, അതായത്‌ പ്രസ്‌താ​വ​ന​കൾക്ക്‌ സമയവും സ്ഥലവും സൂചി​പ്പി​ക്കേ​ണ്ട​താ​വ​ശ്യ​മാ​ണെന്ന വസ്‌തു​തയെ ലംഘി​ച്ചു​കൊണ്ട്‌ ശൃംഗാ​ര​ങ്ങ​ളും കെട്ടു​ക​ഥ​ക​ളും കള്ളസാ​ക്ഷ്യ​ങ്ങ​ളും സംഭവ​ങ്ങളെ ചില അനിശ്ചി​ത​മായ സമയങ്ങ​ളോ​ടും ചില വിദൂ​ര​മായ സ്ഥലങ്ങ​ളോ​ടും ബന്ധപ്പെ​ടു​ത്തു​മ്പോൾ, ബൈബിൾ വിവര​ണങ്ങൾ കാര്യ​ങ്ങ​ളോ​ടു ബന്ധപ്പെട്ട സ്ഥലവും തീയതി​യും ഏറ്റവും കൃത്യ​മാ​യി നമുക്കു നൽകുന്നു.”

ദി ന്യൂ ബൈബിൾ ഡിക്ഷനറി ഇപ്രകാ​രം അഭി​പ്രാ​യ​പ്പെ​ടു​ന്നു: “പ്രവൃ​ത്തി​ക​ളു​ടെ പുസ്‌ത​ക​ത്തി​ന്റെ എഴുത്തു​കാ​രൻ തന്റെ വിവര​ണങ്ങൾ സമകാ​ലിക ചരി​ത്ര​ത്തി​ന്റെ ചട്ടക്കൂ​ട്ടിൽ വയ്‌ക്കു​ന്നു; തന്റെ പേജു​ക​ളിൽ മുഴുവൻ നഗരമ​ജി​സ്‌​ട്രേ​ട്ട്‌മാ​രെ​യും സംസ്ഥാന ഗവർണ്ണർമാ​രെ​യും ആശ്രിത രാജാ​ക്കൻമാ​രെ​യും അതു​പോ​ലു​ള്ള​വ​രെ​യും കുറി​ച്ചുള്ള പരാമർശ​ന​ങ്ങ​ളാണ്‌. ഈ പരാമർശ​നങ്ങൾ, ചോദ്യം ചെയ്യ​പ്പെ​ട്ടി​രി​ക്കുന്ന സമയത്തി​നും സ്ഥലത്തി​നും അനു​യോ​ജ്യ​മാ​ണെന്ന്‌ ആവർത്തി​ച്ചാ​വർത്തിച്ച്‌ തെളി​യി​ക്ക​പ്പെ​ട്ടി​രി​ക്കു​ന്നു.”

ബൈബിളിന്റെ ആന്തരിക യോജി​പ്പും നിഷ്‌ക​പ​ട​ത​യും

ഒരു പുസ്‌തകം റോമാ​സാ​മ്രാ​ജ്യ​ത്തി​ന്റെ കാലത്ത്‌ എഴുതാൻ ആരംഭി​ക്കു​ക​യും മദ്ധ്യയു​ഗ​ങ്ങ​ളി​ലൂ​ടെ എഴുത്തു തുടരു​ക​യും ഈ ഇരുപ​താം​നൂ​റ്റാ​ണ്ടിൽ പൂർത്തി​യാ​ക്ക​പ്പെ​ടു​ക​യു​മാ​ണെ​ങ്കിൽ അതി​നെ​ക്കു​റിച്ച്‌ സങ്കൽപ്പി​ക്കുക. എഴുത്തു​കാ​രു​ടെ തൊഴി​ലു​കൾ, പടയാ​ളി​കൾ, രാജാ​ക്കൻമാർ, പുരോ​ഹി​തൻമാർ, മീൻപി​ടു​ത്ത​ക്കാർ, മൃഗങ്ങളെ മേയി​ക്കു​ന്നവർ, ഡോക്‌ടർമാർ എന്നിവ​പോ​ലെ വ്യത്യ​സ്‌ത​മാ​യി​രു​ന്നെ​ങ്കിൽ നിങ്ങൾ എന്തു പ്രതീ​ക്ഷി​ക്കും? യോജി​പ്പു​ള്ള​തും യുക്തി​യു​ക്ത​വു​മാ​യി​രി​ക്കു​ന്ന​തിന്‌ നിങ്ങൾ പ്രതീ​ക്ഷി​ക്കു​മോ? ‘അസാദ്ധ്യ’മെന്ന്‌ നിങ്ങൾ പറയുന്നു. ബൈബിൾ ഈ പരിത​സ്ഥി​തി​ക​ളിൽ എഴുത​പ്പെട്ടു—എന്നിരു​ന്നാ​ലും അതു ആദ്യന്തം യോജി​പ്പു​ള്ള​താണ്‌! ബൈബിൾ 40 വ്യത്യസ്‌ത എഴുത്തു​കാ​രാൽ 1,600 വർഷകാ​ല​യ​ള​വിൽ എഴുത​പ്പെട്ട 66 പുസ്‌ത​ക​ങ്ങ​ളു​ടെ ഒരു ശേഖര​മാണ്‌.

പുരാതന എഴുത്തു​കാ​രിൽ ഭൂരി​പ​ക്ഷ​വും തങ്ങളുടെ വിജയ​ങ്ങ​ളെ​യും നൻമക​ളെ​യും​കു​റിച്ച്‌ മാത്രം രേഖ​പ്പെ​ടു​ത്തി​യ​പ്പോൾ, ബൈബി​ളി​ന്റെ എഴുത്തു​കാർ തങ്ങളുടെ കുറ്റ​ങ്ങ​ളെ​പ്പ​റ്റി​യും അതു​പോ​ലെ അവരുടെ രാജാ​ക്കൻമാ​രു​ടെ​യും നേതാ​ക്കൻമാ​രു​ടെ​യും പരാജ​യ​ങ്ങ​ളെ​പ്പ​റ്റി​യും തുറന്നു സമ്മതിച്ചു. ഇതിന്റെ ചില ഉദാഹ​ര​ണങ്ങൾ, സംഖ്യാ​പു​സ്‌തകം 20:1-13-ലും ആവർത്തനം 32:50-52-ലും ആ പുസ്‌ത​ക​ങ്ങ​ളു​ടെ എഴുത്തു​കാ​ര​നായ മോശയെ സംബന്ധി​ച്ചു​ള്ളതു വായി​ക്കുക; യോനാ 1:1-3-ലും യോനാ 4:1-ലും യോനാ​യു​ടെ പരാജ​യ​ങ്ങളെ സംബന്ധി​ച്ചാണ്‌; മത്തായി 17:18-20, 18:1-6, 20:20-28, 26:25 എന്നിവി​ട​ങ്ങ​ളിൽ യേശു​വി​ന്റെ ശിഷ്യൻമാർ കാണിച്ച മോശ​മായ ഗുണങ്ങളെ സംബന്ധി​ച്ചും വായി​ക്കുക. ബൈബി​ളെ​ഴു​ത്തു​കാ​രു​ടെ പരമാർത്ഥ​ത​യും നിഷ്‌ക​പ​ട​ത​യും ദൈവ​നി​ശ്വ​സ്‌ത​മാ​ണെ​ന്നുള്ള അവരുടെ അവകാ​ശ​വാ​ദ​ത്തിന്‌ പിന്തുണ നൽകുന്നു. (g87 6/8)

[13-ാം പേജിലെ ചിത്രം]

ഒരു സ്വർണ്ണാ​ഭ​രണം വാങ്ങു​ന്ന​തി​നു മുൻപ്‌ അത്‌ യഥാർത്ഥ​മാ​ണെന്ന്‌ നിങ്ങൾ ഉറപ്പു​വ​രു​ത്തു​ന്നു.