ചെറു​പ്പ​ക്കാർ ചോദി​ക്കു​ന്നു. . . 

സ്വയം​ഭോ​ഗം ഒഴിവാ​ക്കുക ഇത്ര പ്രയാ​സ​മാ​യി​രി​ക്കു​ന്ന​തെ​ന്തു​കൊണ്ട്‌?

“ശീലങ്ങൾ വളരെ മൃദു​ല​മായ ഒരു കിടക്ക​പോ​ലെ​യാണ്‌—നിഷ്‌പ്ര​യാ​സം കയറാ​വു​ന്ന​തും പ്രയാ​സ​പ്പെട്ട്‌ ഇറങ്ങാ​വു​ന്ന​തു​മായ ഒന്ന്‌” എന്ന്‌ ഒരു ആപ്‌ത​വാ​ക്യം പറയുന്നു. ഇത്‌ സ്വയം​ഭോ​ഗ​ത്തി​ന്റെ സംഗതി​യിൽ എത്ര സത്യമാണ്‌! 10 വയസ്സു​മു​തൽ 43 വയസ്സു വരെ സ്വയം​ഭോ​ഗ​ത്തി​ലേർപ്പെട്ട ഒരാൾ ഇപ്രകാ​രം സമ്മതി​ച്ചു​പ​റഞ്ഞു: “ഈ ശീലം പുകവ​ലി​യെ​ക്കാൾ കുഴപ്പ​മു​ണ്ടാ​ക്കു​ന്ന​താണ്‌. അത്ര എളുപ്പ​മാ​യി​രു​ന്നി​ല്ലെ​ങ്കി​ലും പുകവലി ഞാൻ ഉപേക്ഷി​ച്ചു.”

സ്വയം​ഭോ​ഗം ഹാനി​ക​ര​മാ​യി​രി​ക്കു​ന്ന​തെ​ന്തു​കൊ​ണ്ടെന്ന്‌ ഒരു മുൻ ലക്കം കാണി​ക്കു​ക​യു​ണ്ടാ​യി.a എന്നിരു​ന്നാ​ലും, എന്തു​കൊ​ണ്ടാണ്‌ ചെറു​പ്പ​ക്കാർ വളരെ വേഗത്തിൽ ഇതിൽ ഉൾപ്പെ​ടു​ന്നത്‌?

യൗവന​വി​ലാ​സം

“യൗവന​വി​ലാ​സം” എന്നു ബൈബിൾ വിളി​ക്കുന്ന ഒരു കാലഘ​ട്ട​ത്തി​ലേക്ക്‌ ഒരു ചെറു​പ്പ​ക്കാ​രൻ കാൽ വെക്കു​മ്പോൾ ലൈം​ഗി​ക​മോ​ഹങ്ങൾ കൂടുതൽ ശക്തമാ​കു​ന്നു. (1 കൊരി​ന്ത്യർ 7:36) ശരീരം പ്രജന​ന​പ്രാ​പ്‌തി​യി​ലേക്കു വളരു​മ​ള​വിൽ ജനനേ​ന്ദ്രി​യ​ങ്ങളെ ബാധി​ക്കുന്ന ശക്തി​യേ​റിയ ഹോർമോ​ണു​കൾ ഉൽപ്പാ​ദി​പ്പി​ക്ക​പ്പെ​ടു​ന്നു. ഈ കാലയ​ള​വിൽ ഒരു യുവാവ്‌ തന്റെ ഈ അവയവ​ങ്ങൾക്ക്‌ ഉല്ലാസ​ക​ര​മായ അനുഭൂ​തി പ്രദാനം ചെയ്യാൻ കഴിയു​മെന്ന്‌ തിരി​ച്ച​റി​യു​ന്നു. ചില​പ്പോൾ വികാ​രോ​ജ്ജ്വ​ല​മായ ഈ പുതിയ അനുഭൂ​തി​ക​ളു​ടെ പുതു​മ​യും ജിജ്ഞാ​സ​യും ചില യുവാ​ക്കളെ കൂടുതൽ ഉല്ലാസം തേടു​ന്ന​തി​നോ ഒരു ഉയർന്ന​ത​ല​ത്തി​ലുള്ള ഉത്തേജ​നത്തെ ശമിപ്പി​ക്കു​ന്ന​തി​നോ ഈ അവയവ​ങ്ങളെ മനഃപൂർവം കൈകാ​ര്യം ചെയ്‌തു​കൊണ്ട്‌ പരീക്ഷണം നടത്തു​ന്ന​തി​ലേക്കു നയിക്കു​ന്നു.

ഒരു യുവാ​വി​ന്റെ​യോ യുവതി​യു​ടെ​യോ ശരീര​ത്തിൽ നടക്കുന്ന സ്വാഭാ​വിക പരിവർത്തനം നിമിത്തം അവർ ലൈം​ഗി​ക​കാ​ര്യ​ങ്ങ​ളെ​ക്കു​റി​ച്ചു ചിന്തി​ക്കാ​ത്ത​പ്പോൾ പോലും ലൈം​ഗി​ക​മാ​യി ഉത്തേജി​പ്പി​ക്ക​പ്പെ​ട്ടേ​ക്കാം. ഉദാഹ​ര​ണ​ത്തിന്‌, ആൺകു​ട്ടി​ക​ളു​ടെ ഇടയിൽ വിവിധ വ്യഥക​ളും ഭീതി​ക​ളും നിരാ​ശ​ക​ളും ഉളവാ​ക്കുന്ന പിരി​മു​റു​ക്ക​ങ്ങൾക്ക്‌ അവരുടെ സംവേ​ദ​ക​ത്വ​മുള്ള നാഡീ​വ്യ​വ​സ്ഥ​കളെ ബാധി​ക്കാ​നും ലൈം​ഗി​കോ​ത്തേ​ജ​ന​ത്തി​നി​ട​യാക്കാ​നും കഴിയും. ശുക്ലത്തി​ന്റെ ഒരു പുഷ്ടി​പ്പെടൽ ക്രമത്തിൽ നിശാ​സ്‌ഖ​ലനം ഉളവാ​ക്കി​യേ​ക്കാം, സാധാ​ര​ണ​യാ​യി അതോ​ടു​കൂ​ടെ രതിവി​ഷ​യ​ക​മായ സ്വപ്‌നം കണ്ടേക്കാം, അല്ലെങ്കിൽ ഒരു ആൺകുട്ടി ലൈം​ഗി​ക​മാ​യി ഉത്തേജി​ത​നാ​യി ഉണരാ​നി​ട​യാ​ക്കി​യേ​ക്കാം. സമാന​മാ​യി ചില പെൺകു​ട്ടി​കൾ ആകസ്‌മി​ക​മാ​യി ഉദ്ദീപി​പ്പി​ക്ക​പ്പെ​ടു​ന്നു. ഒരു യുവതിക്ക്‌ തന്റെ ആർത്തവ​കാ​ല​ത്തി​നു മുൻപോ പിൻപോ ഉയർന്ന ലൈം​ഗി​ക​മോ​ഹം ഉണ്ടാ​യേ​ക്കാം.

നിങ്ങൾക്ക്‌ അത്തരം വേണ്ടാത്ത ഉത്തേജ​നങ്ങൾ അനുഭ​വ​പ്പെ​ട്ടി​ട്ടു​ണ്ടെ​ങ്കിൽ നിങ്ങൾക്കു കുഴപ്പ​മൊ​ന്നു​മില്ല. ഇത്‌ ഒരു യുവശ​രീ​ര​ത്തി​ന്റെ സ്വാഭാ​വി​ക​പ്ര​തി​ക​ര​ണ​മാണ്‌. അത്തരം ഇന്ദ്രി​യാ​നു​ഭ​വങ്ങൾ വളരെ തീവ്ര​മാ​യി​രു​ന്നാ​ലും അവ സ്വയം​ഭോ​ഗ​ത്തി​നു തുല്യമല്ല, കാരണം അവ ഏറെയും ഇച്‌ഛാ​പൂർവം ചെയ്യു​ന്നതല്ല. നിങ്ങൾ വളർച്ച പ്രാപിച്ച്‌ “യൗവന​വി​ലാസ”ത്തിലൂടെ കടന്നു​പോ​കു​മ്പോൾ ഈ പുതു​വി​കാ​ര​ങ്ങ​ളു​ടെ തീവ്രത കുറയും.

“മാനസിക ഇന്ധനം”

എന്നാൽ ചില​പ്പോൾ വികാരം ഉണ്ടാകു​ന്നത്‌ ഒരുവന്റെ ഹോർമോ​ണു​ക​ളു​ടെ പ്രവർത്ത​ന​ഫ​ല​മാ​യി മാത്ര​മാ​യി​രി​ക്കു​ക​യില്ല. ഉദാഹ​ര​ണ​ത്തിന്‌ ഒരു വേശ്യയെ കണ്ടുമു​ട്ടിയ ഒരു യുവാ​വി​നെ​ക്കു​റി​ച്ചു ബൈബിൾ വർണ്ണി​ക്കു​ന്നു. അവൾ അവനെ ചുംബി​ച്ചു​കൊണ്ട്‌ ഇപ്രകാ​രം പറയുന്നു: “വരൂ . . . നമുക്ക്‌ പ്രേമ​വി​ലാ​സ​ത്തിൽ ഒരുമി​ച്ചു സുഖി​ക്കാം.” അതിനു​ശേഷം എന്തു സംഭവി​ക്കു​ന്നു? “പെട്ടെ​ന്നു​തന്നെ കശാപ്പു​കാ​രന്റെ അടു​ത്തേക്കു വരുന്ന ഒരു കാള​യെ​പ്പോ​ലെ അവൻ അവളുടെ പിറകേ പോകു​ന്നു.” (സദൃശ​വാ​ക്യ​ങ്ങൾ 7:7-22) പ്രസ്‌പ​ഷ്‌ട​മാ​യി ഈ യുവാ​വി​ന്റെ വികാ​രങ്ങൾ അവൻ കാണു​ക​യും കേൾക്കു​ക​യും അഭിമു​ഖീ​ക​രി​ക്കു​ക​യും ചെയ്‌ത കാര്യ​ങ്ങ​ളാൽ ജ്വലി​പ്പി​ക്ക​പ്പെട്ടു—കേവലം അവന്റെ ഹോർമോ​ണു​ക​ളാ​ലാ​യി​രു​ന്നില്ല! സമാന​മാ​യി ഒരു യുവാവ്‌ സമ്മതി​ച്ചു​പ​റ​യു​ന്നു: ‘എന്റെ സ്വയം ഭോഗ​ത്തി​ന്റെ മൂലകാ​രണം ഞാൻ എന്റെ മനസ്സി​ലേക്കു കടത്തിയ കാര്യ​ങ്ങ​ളാണ്‌. അധാർമ്മി​ക​വും ചില​പ്പോൾ നഗ്നത പ്രദർശി​പ്പി​ച്ചി​രു​ന്ന​തു​മായ റ്റി. വി. പരിപാ​ടി​കൾ ഞാൻ കാണു​മാ​യി​രു​ന്നു. അത്തരം ദൃശ്യങ്ങൾ വളരെ ഞെട്ടി​ക്കു​ന്ന​വ​യാ​യ​തു​കൊണ്ട്‌ അവ നിങ്ങളു​ടെ മനസ്സിൽ തങ്ങിനിൽക്കു​ന്നു. ആ ദൃശ്യങ്ങൾ വീണ്ടും എന്റെ മനസ്സിൽ പൊങ്ങി​വ​രു​ക​യും സ്വയം​ഭോ​ഗ​ത്തി​ലേർപ്പെ​ടാൻ മാനസിക ഇന്ധനം പ്രദാനം ചെയ്യു​ക​യും ചെയ്യു​മാ​യി​രു​ന്നു.”

അതു​കൊണ്ട്‌ ഒരുവൻ ഉല്ലാസ​ത്തി​നു​വേണ്ടി വായി​ക്കു​ന്ന​തും ശ്രദ്ധി​ക്കു​ന്ന​തും കേൾക്കു​ന്ന​തും ധ്യാനി​ക്കു​ന്ന​തു​മായ കാര്യ​ങ്ങ​ളാണ്‌ പലപ്പോ​ഴും സ്വയം​ഭോ​ഗം ഒഴിവാ​ക്കു​ന്നതു പ്രയാ​സ​മാ​ക്കി​ത്തീർക്കു​ന്നത്‌. അതിനാൽ ഈ ശീലം ഒഴിവാ​ക്കാൻ നിങ്ങളു​ടെ മനസ്സി​ലേക്കു കടക്കുന്ന കാര്യ​ങ്ങ​ളിൽ ശ്രദ്ധി​ക്കു​ന്നത്‌ അത്യന്താ​പേ​ക്ഷി​ത​മാണ്‌. 25 വയസ്സുള്ള ഒരു സ്‌ത്രീ സമ്മതി​ച്ചു​പ​റ​ഞ്ഞ​പ്ര​കാ​രം: “എനിക്ക്‌ ഈ ശീലത്തിന്‌ വിരാ​മ​മി​ടാൻ കഴിയു​ക​യി​ല്ലെന്നു തോന്നി. എന്നിരു​ന്നാ​ലും ഞാൻ ലൈം​ഗിക ഉത്തേജനം നൽകുന്ന നോവ​ലു​കൾ വായി​ക്കുക പതിവാ​യി​രു​ന്നു. ഇത്‌ എന്റെ പ്രശ്‌നത്തെ വഷളാക്കി.” കൗതു​ക​ക​ര​മാ​യി, അവളെ സ്വയം​ഭോ​ഗ​ത്തി​ലേക്കു നയിച്ച സംഗതി കേവലം ലൈം​ഗി​ക​മാ​യി അശുദ്ധ​മായ ചിന്തക​ളാ​യി​രു​ന്നില്ല. തീർച്ച​യാ​യും അവളുടെ അനുഭവം സ്വയം​ഭോ​ഗം ഒഴിവാ​ക്കുക ഇത്ര പ്രയാ​സ​മാ​യി​രി​ക്കു​ന്ന​തി​ന്റെ ഏറ്റവും വലിയ കാരണം വെളി​പ്പെ​ടു​ത്തു​ന്നു​ണ്ടാ​യി​രി​ക്കാം.

ഒരു വൈകാ​രിക “ട്രാങ്ക്വി​ലൈസർ”

യുവതി തുടർന്നു പറയുന്നു: “സാധാ​ര​ണ​യാ​യി ഞാൻ സ്വയം​ഭോ​ഗ​ത്തി​ലേർപ്പെ​ടു​ന്നത്‌ സമ്മർദ്ദ​മോ പിരി​മു​റു​ക്ക​മോ ഉൽക്കണ്‌ഠ​യോ കുറയ്‌ക്കു​ന്ന​തി​നു​വേ​ണ്ടി​യാണ്‌. ആ ക്ഷണിക​മായ ഉല്ലാസം മദ്യാ​സക്തൻ തന്റെ ഞരമ്പു​കളെ പ്രശാ​ന്ത​മാ​ക്കാൻ കുടി​ക്കു​ന്ന​തു​പോ​ലെ​യാണ്‌. “തീർച്ച​യാ​യും അവളു​ടേത്‌ അസാധാ​രണ അനുഭ​വമല്ല. ഗവേഷ​ക​രായ സൂസനും ഇർവിംഗ്‌ സാർനോ​ഫും എഴുതു​ന്നു: “ചിലരു​ടെ കാര്യ​ത്തിൽ സ്വയം​ഭോ​ഗം അവർക്ക്‌ എന്തി​നെ​ക്കു​റി​ച്ചെ​ങ്കി​ലും ആശങ്ക തോന്നു​മ്പോ​ഴെ​ല്ലാം അല്ലെങ്കിൽ തിരച്ചടി കിട്ടു​മ്പോ​ഴെ​ല്ലാം ആശ്വാ​സ​ത്തി​നു​വേണ്ടി ആശ്രയി​ക്കുന്ന ഒരു ശീലമാ​യി​ത്തീർന്നേ​ക്കാം. എന്നിരു​ന്നാ​ലും ചിലർ ഏറ്റം കഠിന​മായ വൈകാ​രി​ക​സ​മ്മർദ്ദ​ത്തിൻകീ​ഴി​ലാ​യി​രി​ക്കുന്ന ചില സന്ദർഭ​ങ്ങ​ളിൽമാ​ത്ര​മാണ്‌ ഈ വിധത്തിൽ പിൻവാ​ങ്ങു​ന്നത്‌.”

ഡോ. ഷെർവിൻ വുഡ്‌സ്‌ കൂട്ടി​ച്ചേർക്കു​ന്നു: “സ്വയം​ഭോഗ അനുഭ​വ​ങ്ങ​ളു​ടെ ഒരു ഉയർന്ന അനുപാ​തം ലൈം​ഗി​കാ​വ​ശ്യ​ങ്ങ​ളേ​ക്കാ​ളു​പരി പൊതു ഉൽക്കണ്‌ഠ​യാ​ലും പിരി​മു​റു​ക്ക​ത്താ​ലും വിരസ​ത​യാ​ലു​മാണ്‌ പ്രേരി​പ്പി​ക്ക​പ്പെ​ടു​ന്നത്‌, അവയ്‌ക്ക്‌ ഒരു ശാന്തി നൽകുന്ന ഔഷധ​മാ​യി (ട്രാങ്ക്വി​ലൈസർ) അതിനെ തേടു​ക​യാണ്‌. അതു​കൊണ്ട്‌ ഒരുവൻ അസ്വസ്ഥ​നും വിഷാ​ദ​മ​ഗ്ന​നും ഏകാന്ത​നും ആയിരി​ക്കു​മ്പോൾ അല്ലെങ്കിൽ സമ്മർദ്ദ​ത്തിൻകീ​ഴി​ലാ​യി​രി​ക്കു​മ്പോൾ ഈ ശീലം ഒരുവന്റെ കുഴപ്പ​ങ്ങളെ നീക്കി​യെ​ടു​ക്കു​ന്ന​തി​നുള്ള സൗകര്യ​പ്ര​ദ​മായ ഒരു “ട്രാങ്ക്വി​ലൈ​സ​റാ​യി”ത്തീരുന്നു. (സദൃശ​വാ​ക്യ​ങ്ങൾ 31:6, 7 താരത​മ്യ​പ്പെ​ടു​ത്തുക.) അതു​കൊണ്ട്‌ സ്വയം​ഭോ​ഗം ഒഴിവാ​ക്കു​ന്ന​തിന്‌ ഇത്‌ പ്രശ്‌ന​ങ്ങളെ കൈകാ​ര്യം ചെയ്യു​ന്ന​തി​നുള്ള ഒരു അപക്വ​മായ മാർഗ്ഗ​മാ​ണെന്ന്‌ നിങ്ങൾ തിരി​ച്ച​റി​യണം. കൂടാതെ ഇനി പറയു​ന്ന​തി​നു മനസ്സു​ണ്ടാ​യി​രി​ക്കു​ക​യും വേണം. . .

‘ഒരു ശിശു​വി​ന്റെ സ്വഭാ​വ​ല​ക്ഷ​ണങ്ങൾ ത്യജി​ക്കുക’

അപ്പോ​സ്‌ത​ല​നായ പൗലോസ്‌ ഇപ്രകാ​രം എഴുതി: “ഞാൻ ഒരു ശിശു​വാ​യി​രു​ന്ന​പ്പോൾ ഞാൻ ഒരു ശിശു​വി​നെ​പ്പോ​ലെ സംസാ​രി​ക്കു​ക​യും ഒരു ശിശു​വി​നെ​പ്പോ​ലെ ചിന്തി​ക്കു​ക​യും ഒരു ശിശു​വി​നെ​പ്പോ​ലെ ന്യായ​വാ​ദം​ചെ​യ്യു​ക​യും​ചെ​യ്യുക പതിവാ​യി​രു​ന്നു. എന്നാൽ ഞാൻ ഇപ്പോൾ ഒരു പുരു​ഷ​നാ​യി​ത്തീർന്നി​രി​ക്കു​ന്ന​തി​നാൽ ഞാൻ ഒരു ശിശു​വി​ന്റെ സ്വഭാ​വ​ല​ക്ഷ​ണങ്ങൾ ത്യജി​ച്ചി​രി​ക്കു​ന്നു.” (1 കൊരി​ന്ത്യർ 13:11) സ്വയം​ഭോ​ഗം പ്രശ്‌ന​ങ്ങ​ളോ​ടു പ്രതി​ക​രി​ക്കു​ന്ന​തി​നുള്ള ബാലി​ശ​മായ ഒരു മാർഗ്ഗ​മാണ്‌. ഒരിക്കൽ അടിയു​റ​ച്ചു​പോ​യാൽ “ശിശു​വി​ന്റെ സ്വഭാ​വ​ല​ക്ഷ​ണങ്ങൾ”ക്ക്‌ പ്രായ​മാ​യി​ക്ക​ഴി​ഞ്ഞും തുടരാൻക​ഴി​യും. ഉദാഹ​ര​ണ​ത്തിന്‌ ഒരു ബാലൻ ഒൻപതു വയസ്സിൽ സ്‌കൂ​ളിൽവച്ച്‌ വളരെ വിഷമം​പി​ടിച്ച ഒരു ഗണിത​പ്ര​ശ്‌നത്തെ അഭിമു​ഖീ​ക​രി​ച്ചു. തന്റെ മനസ്സിനെ സാന്ത്വ​ന​പ്പെ​ടു​ത്താൻ അവൻ ആദ്യമാ​യി ഹസ്‌ത​മൈ​ഥു​ന​ത്തിൽ അഭയം​തേടി. അതി​നേ​തു​ടർന്ന്‌ അവൻ കുഴഞ്ഞ​പ്ര​ശ്‌ന​ങ്ങളെ അഭിമു​ഖീ​ക​രി​ച്ച​പ്പോ​ഴെ​ല്ലാം ഈ ശീലത്തി​ലേക്കു തിരിഞ്ഞു. ഇപ്പോൾ പ്രായ​മായ അയാൾ ഇങ്ങനെ സമ്മതി​ച്ചു​പ​റഞ്ഞു: “ഇന്നുവ​രെ​യും തലച്ചോ​റു​പ​യോ​ഗി​ക്കേണ്ട ഒരു കഠിന​ജോ​ലി സ്വയം​ഭോ​ഗ​ത്തി​ലേർപ്പെ​ടാ​നുള്ള ഒരു അതിശക്ത പ്രചോ​ദനം എന്നിൽ ഉളവാ​ക്കു​ക​യാണ്‌. അതു കൂടാതെ എനിക്ക്‌ അശേഷം ജോലി ചെയ്യുക സാദ്ധ്യമല്ല.”

മുൻ സംഭവം വളരെ അതിർ കടന്നതാ​യി​രി​ക്കാ​മെ​ങ്കി​ലും വൈകാ​രി​ക​വൈ​ഷ​മ്യ​ങ്ങൾ തരണം​ചെ​യ്യു​ന്ന​തി​നു​വേണ്ടി ഈ “ട്രാങ്ക്വി​ലൈസർ” ഉപയോ​ഗി​ക്കു​ന്ന​തിൽ യഥാർത്ഥ അപകട​മുണ്ട്‌. എന്നാൽ സ്വയം​ഭോ​ഗ​ത്തി​ലൂ​ടെ മാനസി​ക​മാ​യി രക്ഷപെ​ടാൻ ശ്രമി​ക്കു​ന്ന​തി​നു പകരം “ചിന്താ​പ്രാ​പ്‌തി” ഉപയോ​ഗി​ച്ചു​കൊണ്ട്‌ പ്രശ്‌നത്തെ തന്നെ ആക്രമി​ക്കാൻ ശ്രമി​ക്കുക. (സദൃശ​വാ​ക്യ​ങ്ങൾ 1:4) പ്രശ്‌ന​ങ്ങ​ളും നിരാ​ശ​ക​ളും ആകുലീ​ക​രി​ക്കു​ന്ന​താ​യി തോന്നു​മ്പോൾ “നിങ്ങളു​ടെ സകല ഉൽക്കണ്‌ഠ​ക​ളും [ദൈവ​ത്തിൽ] ഇടാൻ” പഠിക്കുക, “എന്തു​കൊ​ണ്ടെ​ന്നാൻ അവൻ നിങ്ങൾക്കു​വേണ്ടി കരുതു​ന്നു.” മറ്റൊ​രു മനുഷ്യ​നും കരുതു​ന്നി​ല്ലെന്നു നിങ്ങൾ വിചാ​രി​ച്ചാൽ പോലും അവൻ നിങ്ങളു​ടെ ദുരവസ്ഥ മനസ്സി​ലാ​ക്കു​ന്നു. (1 പത്രോസ്‌ 5:6, 7) “അവന്റെ ആത്മാവി​നാൽ നിങ്ങളു​ടെ അകത്തെ മനുഷ്യ​നെ സംബന്ധിച്ച്‌ ശക്തി​യോ​ടെ ബലപ്പെ​ടേ​ണ്ട​തിന്‌” നിങ്ങളെ സഹായി​ക്കാൻ ദൈവത്തെ അനുവ​ദി​ക്കുക. (എഫേസ്യർ 3:16) അതു​കൊണ്ട്‌ ഒരു “ട്രാങ്ക്വി​ലൈസർ” എന്ന നിലയിൽ സ്വയം​ഭോ​ഗ​ത്തി​ലേക്കു ബലഹീ​ന​മാ​യി തിരി​യു​ന്ന​തി​നു പകരം “പുരു​ഷൻമാ​രെ​പ്പോ​ലെ [സ്‌ത്രീ​ക​ളെ​പ്പോ​ലെ, ശിശു​ക്ക​ളെ​പ്പോ​ലെയല്ല] വർത്തി​ക്കു​ക​യും ശക്തി പ്രാപി​ക്കു​ക​യും ചെയ്യുക.”—1 കൊരി​ന്ത്യർ 16:13.

സ്വയം​ഭോ​ഗ​വും മുതിർന്ന​വ​രു​ടെ ലൈം​ഗി​ക​ത​യും എന്ന തങ്ങളുടെ പുസ്‌ത​ക​ത്തിൽ സർനോഫ്‌ സഹോ​ദ​രൻമാർ ഇപ്രകാ​രം പറയുന്നു: “ആളുകൾ എങ്ങനെ, എന്തു​കൊണ്ട്‌ ബലഹീ​ന​രെന്നു വിചാ​രി​ക്കു​ന്നു​വെന്ന്‌ പരിഗ​ണി​ക്കാ​തെ സ്വയം​ഭോ​ഗ​ത്തി​ലേർപ്പെ​ടാ​നുള്ള അവരുടെ തീരു​മാ​നം ലക്ഷ്യ​ബോ​ധ​മുള്ള സാമൂഹ്യ പ്രവർത്ത​ന​ങ്ങ​ളി​ലൂ​ടെ തങ്ങളുടെ ബലഹീനത നീക്കാൻ അവർ ശ്രമി​ക്കു​ന്നി​ല്ലെ​ന്നുള്ള വസ്‌തു​തയെ ചൂണ്ടി​ക്കാ​ണി​ക്കു​ന്നു. . . . ഒരു വ്യക്തിക്ക്‌ തന്റെ പ്രശ്‌നങ്ങൾ പരിഹ​രി​ക്കു​ന്ന​തിന്‌ ശ്രമി​ക്കു​ക​യും അവയുടെ പിരി​മു​റു​ക്ക​ങ്ങ​ള​നു​ഭ​വ​പ്പെ​ടു​മ്പോ​ഴെ​ല്ലാം സ്വയം​ഭോ​ഗം നടത്തു​ക​യും ചെയ്യു​ക​യെന്ന പൊതു നയം സ്വീക​രി​ക്കാൻക​ഴി​യു​മെ​ന്നതു സത്യം​തന്നെ. എന്നാൽ രണ്ടാമത്തെ പരിഹാ​രത്തെ അനുകൂ​ലി​ക്കാ​നുള്ള പ്രലോ​ഭനം വളരെ വലുതാണ്‌, കാരണം നിങ്ങളു​ടെ ശരീരം എല്ലായ്‌പ്പോ​ഴും നിങ്ങ​ളോ​ടു​കൂ​ടെ​യുണ്ട്‌. അതു​കൊണ്ട്‌ നിങ്ങളു​ടെ പ്രശ്‌ന​ങ്ങ​ളിൽ ശ്രദ്ധ​കേ​ന്ദ്രീ​ക​രി​ച്ചു​കൊണ്ട്‌ യഥാർത്ഥ​പ​രി​ഹാ​ര​മാർഗ്ഗങ്ങൾ കണ്ടുപി​ടിച്ച്‌ പ്രാവർത്തി​ക​മാ​ക്കു​ന്നത്‌ നന്നായി​രി​ക്കും.” ഒരുവൻ പ്രശ്‌ന​ങ്ങളെ അഭിമു​ഖീ​ക​രി​ക്കു​മ്പോൾ അവയെ പരിഹ​രി​ക്കാൻ ശ്രമി​ക്കു​ന്ന​തി​നു പകരം സ്വയം​ഭോ​ഗ​ത്തി​ലേർപ്പെ​ടു​ക​യാ​ണെ​ങ്കിൽ ഈ ശീലം യഥാർത്ഥ​ത്തിൽ നിർബ​ന്ധി​ത​മാ​യി​ത്തീ​രാം.

“വളരെ ശക്തമായ ഒരു ആസക്തി”

പതി​നൊ​ന്നു വയസ്സു​മു​തൽ 15 വർഷക്കാ​ലം സ്വയം​ഭോ​ഗ​വു​മാ​യി മല്ലിട്ട​ശേഷം ഒരു മനുഷ്യൻ ഇപ്രകാ​രം സമ്മതി​ച്ചു​പ​റഞ്ഞു: “ഇത്‌ സ്ഥായി​യായ ഒരു ആസക്തി​യാണ്‌—നിസ്സാ​ര​മാ​യി കരുതാ​വുന്ന ഒന്നല്ല. ഇത്‌ മയക്കു​മ​രു​ന്നാ​സ​ക്തി​യോ മദ്യാ​സ​ക്തി​യോ പോലെ ശീലമാ​യി​ത്തീ​രാ​വു​ന്ന​താണ്‌.” പെനെ​ലോപ്‌ ലീച്ച്‌ എഴുതിയ നിങ്ങളു​ടെ വളർന്നു​കൊ​ണ്ടി​രി​ക്കുന്ന കുട്ടി എന്ന പുസ്‌തകം ഇപ്രകാ​രം വിശദീ​ക​രി​ക്കു​ന്നു: “അവന്‌ സ്വയം​ഭോ​ഗ​ത്തിൽനി​ന്നു ലഭിക്കാ​വുന്ന ഉല്ലാസ​വും സുഖവി​ചാ​ര​വും നിർബ​ന്ധി​ത​മാ​യി​ത്തീർന്നി​രി​ക്കു​ന്നു, എന്തു​കൊ​ണ്ടെ​ന്നാൽ അവന്റെ മറ്റു ജീവി​ത​വ​ശങ്ങൾ അവന്‌ അസഹനീ​യ​മാണ്‌. ഒരു യഥാർത്ഥ ആസക്ത​നേ​പ്പേലെ അവൻ കൂടുതൽ കൂടുതൽ സ്വയം​ഭോ​ഗ​ത്തി​ലേർപ്പെ​ടണം, അങ്ങനെ ചെയ്യു​ന്ന​തി​നാൽ അവൻ മറ്റ്‌ ഉല്ലാസ​ങ്ങ​ളിൽനിന്ന്‌ സ്വയം അധിക​മ​ധി​കം മാറ്റി​നിർത്തു​ക​യാണ്‌.”

ഒരുവന്റെ ജീവി​ത​ത്തിൽ കാര്യങ്ങൾ നേരേ​ചൊ​വ്വേ നടക്കാ​ത്ത​പ്പോൾ വെറും ഉല്ലാസ​ത്തി​നു​വേണ്ടി സ്വയം​ഭോ​ഗത്തെ ആശ്രയി​ക്കു​ന്നത്‌ അവൻ അനായാ​സം ‘നാനാ​മോ​ഹ​ങ്ങ​ളു​ടെ​യും ഭോഗ​ങ്ങ​ളു​ടെ​യും ബുദ്ധി​കെട്ട ഒരു അടിമ’യായി​ത്തീ​രാൻ ഇടയാ​ക്കാ​വു​ന്ന​താണ്‌. (തീത്തോസ്‌ 3:3) എന്നാൽ അപ്പോ​സ്‌ത​ല​നായ പൗലോസ്‌ ഇപ്രകാ​രം പറഞ്ഞു: “ഞാൻ യാതൊ​ന്നി​ന്റെ​യും അധീന​ത്തി​ലാ​കാൻ എന്നേത്തന്നെ അനുവ​ദി​ക്കു​ക​യില്ല.” (1 കൊരി​ന്ത്യർ 6:12) അവൻ തന്റെ മോഹ​ങ്ങളെ ഒരു പരുഷ​നായ യജമാ​ന​നാ​യി​ത്തീ​രാൻ അനുവ​ദി​ക്കാൻ പോകു​ക​യ​ല്ലാ​യി​രു​ന്നു. മറിച്ച്‌ പൗലോസ്‌ ഇങ്ങനെ എഴുതി: “ഞാൻ എന്റെ ശരീരത്തെ [ജഡികാ​ഭി​ലാ​ഷ​ങ്ങളെ] ദണ്ഡിപ്പിച്ച്‌ ഒരു അടിമ​യെ​പ്പോ​ലെ നടത്തു​ക​യാണ്‌.” (1 കൊരി​ന്ത്യർ 9:27) അവൻ തന്നോ​ടു​തന്നെ പരുഷ​നാ​യി​ത്തീർന്നു! സമാന​മായ ഒരു ശ്രമം സ്വയം​ഭോ​ഗ​ത്തിൽനിന്ന്‌ കുതറി​മാ​റാൻ ആരെയും പ്രാപ്‌ത​നാ​ക്കും—എത്ര കഠിന​മാ​യി ശ്രമി​ക്കേ​ണ്ടി​വ​ന്നാ​ലും.b (g87 11/8)

[അടിക്കു​റി​പ്പു​കൾ]

[13-ാം പേജിലെ ചിത്രം]

അധാർമ്മികരംഗങ്ങൾ നിരീ​ക്ഷി​ക്കു​ന്നത്‌ സ്വയം​ഭോ​ഗ​ത്തി​നുള്ള “മാനസിക ഇന്ധനം” നൽകും