“ആകാശ​ങ്ങ​ളി​ലെ നക്ഷത്രങ്ങൾ പോലെ”

“ഞാൻ നിന്റെ സന്തതിയെ ആകാശ​ത്തി​ലെ നക്ഷത്ര​ങ്ങൾപോ​ലെ​യും കടൽക്ക​ര​യി​ലെ മണൽത്ത​രി​പോ​ലെ​യും നിശ്‌ച​യ​മാ​യും വർദ്ധി​പ്പി​ക്കും.” (ഉല്‌പത്തി 22:17) ഈ വിധം ദൈവം ഗോ​ത്ര​പി​താ​വായ അബ്രഹാ​മി​നോട്‌ വാഗ്‌ദാ​നം ചെയ്‌തു. എന്നാൽ ബൈബിൾ സമീക്ത എന്ന പ്രസി​ദ്ധീ​ക​ര​ണ​ത്തി​ന്റെ അടുത്ത​കാ​ലത്തെ ഒരു ലക്കം ഈ വാക്യ​ത്തിൽ ഒരു പ്രശ്‌ന​മെന്നു തോന്നു​ന്ന​തി​ലേക്ക്‌ വിരൽ ചൂണ്ടുന്നു.

കടൽക്ക​ര​യി​ലെ കോടി​ക്ക​ണ​ക്കിന്‌ മണൽത്ത​രി​ക​ളോട്‌ ആകാശ​ത്തി​ലെ നക്ഷത്ര​ങ്ങ​ളു​ടെ സംഖ്യയെ തുലനം ചെയ്യു​ന്ന​തിൽ ബൈബിൾ ശാസ്‌ത്രീ​യ​മാ​യി ശരിയാണ്‌. എന്നാൽ കോടി​ക്ക​ണ​ക്കി​നു നക്ഷത്രങ്ങൾ ഉണ്ടെന്ന്‌ പുരാ​ത​ന​കാ​ല​ങ്ങ​ളിൽ പ്രത്യ​ക്ഷ​ത്തിൽ അറിയ​പ്പെ​ട്ടി​രു​ന്നില്ല. ബൈബിൾ സമീക്ത വിശദീ​ക​രി​ക്കു​ന്നു: “ഉപകര​ണ​ങ്ങ​ളു​ടെ സഹായ​മി​ല്ലാ​തെ നഗ്നമായ കണ്ണു​കൊണ്ട്‌ വാസ്‌ത​വ​ത്തിൽ കാണാ​വുന്ന അത്രയ​ധി​കം നക്ഷത്രങ്ങൾ ആകാശ​ത്തി​ലില്ല. ഏതെങ്കി​ലും തരത്തി​ലുള്ള ദൂരദർശി​നി​യി​ല്ലാ​തെ ഒരു തെളിഞ്ഞ രാത്രി​യിൽ പോലും നമുക്ക്‌ 2,000-ത്തിനും 4,000-ത്തിനു​മി​ടക്ക്‌ നക്ഷത്ര​ങ്ങളേ കാണാൻ കഴിയൂ എന്ന്‌ ജ്യോ​തി​ശാ​സ്‌ത്ര​ജ്ഞൻമാർ നമ്മോട്‌ പറയുന്നു. “ഒരു ദൂരദർശി​നി​യി​ല്ലാ​തെ കാണത്ത​ക്ക​വണ്ണം ഏതാണ്ട്‌ 6,000 നക്ഷത്രങ്ങൾ വേണ്ടത്ര പ്രകാ​ശി​ക്കു​ന്നു”വെന്ന്‌ വേൾഡ്‌ ബുക്ക്‌ എൻ​സൈ​ക്‌ളോ​പ്പീ​ഡി​യാ പറയുന്നു.

അങ്ങനെ​യെ​ങ്കിൽ ഈ താരത​മ്യം ചെയ്യലി​ലെ ബൈബി​ളി​ന്റെ അസാധാ​ര​ണ​കൃ​ത്യത ഒരുവൻ എങ്ങനെ വിശദീ​ക​രി​ക്കും? ഒരു വിശദീ​ക​രണം ബൈബിൾ “ദൈവ​നി​ശ്വ​സ്‌ത​മാണ്‌” എന്നതാ​യി​രി​ക്കും. (2 തിമൊ​ഥെ​യോസ്‌ 3:16) എന്നാൽ ഈ നിഗമ​നത്തെ മറിക​ട​ക്കാൻ ബൈബിൾ സമീക്ത​യ​ലെ ലേഖനം അബ്രഹാം ഒരുപക്ഷേ ഒരു ജ്യോ​തി​ശാ​സ്‌ത്ര​ജ്ഞ​നാ​യി​രു​ന്നു​വെന്ന്‌ അഭി​പ്രാ​യ​പ്പെ​ട്ടു​കൊണ്ട്‌ വളരെ പണി​പ്പെ​ടു​ന്നു! തികച്ചും വിചി​ത്ര​മായ ഈ അനുമാ​നത്തെ തുടർന്ന്‌ ഈ ചോദ്യം ഉണ്ടായി: “പൗരാ​ണി​കർക്ക്‌, നഗ്നമായ കണ്ണു​കൊണ്ട്‌ കാണാൻ കഴിയാത്ത നക്ഷത്ര​ങ്ങളെ ദൃശ്യ​മാ​ക്കുന്ന ദൂരദർശി​നി​കൾ ഉണ്ടായി​രി​ക്കാൻ കഴിയു​മാ​യി​രു​ന്നോ?” ഈ സിദ്ധാ​ന്തത്തെ പിൻതാ​ങ്ങാൻ, ഈ ലേഖനം നിനെ​വെ​യി​ലും മററ്‌ പുരാ​ത​ന​സ്ഥ​ല​ങ്ങ​ളി​ലും കണ്ടെടുത്ത സ്‌ഫടി​കങ്ങൾ പുരാതന ഭൂതക്ക​ണ്ണാ​ടി​ക​ളാ​യി ഉതകി​യി​രി​ക്കാ​മെന്ന തെളിവു നൽകി.

പക്ഷേ, നക്ഷത്ര​മെ​ണ്ണാൻ പൗരാ​ണി​കർ അത്തരം ഭൂതക്ക​ണ്ണാ​ടി​കൾ ഉപയോ​ഗി​ച്ച​താ​യി തെളി​വില്ല. മാത്രമല്ല, പുരാതന ദൂരദർശി​നി​കൾ സ്ഥിതി​ചെ​യ്‌തി​രു​ന്നാൽ പോലും അബ്രഹാ​മി​നോ ഉൽപ്പത്തി​പ്പു​സ്‌ത​ക​ത്തി​ന്റെ ലേഖക​നോ ഒന്ന്‌ ലഭ്യമാ​യി​രു​ന്നെന്ന്‌ എന്താണ്‌ തെളിവ്‌? വാസ്‌ത​വ​ത്തിൽ അബ്രഹാ​മി​നോ​ടുള്ള ദൈവ​ത്തി​ന്റെ വാഗ്‌ദത്തം ബൈബി​ളി​ന്റെ ശാസ്‌ത്രീയ കൃത്യ​ത​യു​ടെ നിരവധി ദൃഷ്ടാ​ന്ത​ങ്ങ​ളിൽ ഒന്നു മാത്ര​മാണ്‌. സ്‌പഷ്ട​മാ​യും പ്രവാ​ച​ക​നായ യിരെ​മ്യാവ്‌ ഒരു ദൂരദർശി​നി​യു​ടെ സഹായ​മി​ല്ലാ​തെ​യാണ്‌ ഒരു കൃത്യ​മായ സമാനാ​ഭി​പ്രാ​യം രേഖ​പ്പെ​ടു​ത്തി​യത്‌: ‘ആകാശ​ത്തി​ലെ സൈന്യ​ത്തെ എണ്ണുവാ​നും കടലിലെ മണൽ അളക്കു​വാ​നും സാദ്ധ്യമല്ല.’—യിരെ​മ്യാവ്‌ 33:22. (g88 4/8)

[25-ാം പേജിലെ ചിത്ര​ത്തിന്‌ കടപ്പാട്‌]

NASA photos