“മതപീ​ഡ​ന​ത്തി​ന്റെ​മു​ഖ്യ ഇരകൾ”

ചരി​ത്ര​ത്തി​ലു​ട​നീ​ളം മതപീ​ഡനം നടന്നി​ട്ടുണ്ട്‌. കയീൻ ഹാബേ​ലി​നെ കൊന്നത്‌ മതഭി​ന്ന​ത​ക​ളാൽ പ്രേരി​ത​നാ​യി​ട്ടാ​യി​രു​ന്നു. ദൈവം ഹാബേ​ലി​ന്റെ ബലിയിൽ പ്രസാ​ദി​ക്കു​ക​യും തന്റേതി​നെ പ്രീതി​യോ​ടെ വീക്ഷി​ക്കാ​തി​രി​ക്കു​ക​യും ചെയ്‌തത്‌ കയീന്‌ ഇഷ്ടപ്പെ​ട്ടില്ല. അവൻ കുപി​ത​നാ​കു​ക​യും ഒടുവിൽ തന്റെ സഹോ​ദ​രനെ കൊല ചെയ്യു​ക​യും ചെയ്‌തു.—ഉൽപ്പത്തി 4:3-8.

വിശേ​ഷിച്ച്‌ അന്ത്യകാ​ലത്ത്‌ തന്റെ അനുഗാ​മി​കൾ പീഡി​പ്പി​ക്ക​പ്പെ​ടു​മെന്ന്‌ യേശു​ക്രി​സ്‌തു പ്രവചി​ച്ചു. അവൻ ഇങ്ങനെ മുന്നറി​യി​പ്പു നൽകി: “നിങ്ങൾ ശിക്ഷക്കും വധത്തി​നും ഏൽപ്പി​ക്ക​പ്പെ​ടും; സകല ജനതക​ളി​ലെ​യും ആളുകൾ നിങ്ങൾക്ക്‌ എന്നോ​ടുള്ള കൂറു നിമിത്തം നിങ്ങളെ വെറു​ക്കും.”—മത്തായി 24:9, ദി ന്യൂ ഇംഗ്ലീഷ്‌ ബൈബിൾ.

കഴിഞ്ഞ സഹസ്രാ​ബ്ദ​ങ്ങ​ളിൽ, മുഖ്യ മതങ്ങൾ ജനങ്ങളു​ടെ​മേ​ലുള്ള തങ്ങളുടെ കുത്തക​നി​യ​ന്ത്ര​ണ​ത്തിന്‌ ഭീഷണി നേരി​ടു​ന്ന​താ​യി കണ്ടപ്പോൾ അന്യോ​ന്യം പീഡി​പ്പി​ച്ചി​ട്ടുണ്ട്‌. കത്തോ​ലി​ക്ക​രും പ്രോ​ട്ട​സ്‌റ​റൻറു​കാ​രും ഹിന്ദു​ക്ക​ളും മുസ്ലീ​ങ്ങ​ളും യഹൂദൻമാ​രും മററു​ള്ള​വ​രും അങ്ങോ​ട്ടും ഇങ്ങോ​ട്ടും രക്തച്ചൊ​രി​ച്ചി​ലിൽ ഏർപ്പെ​ട്ടി​ട്ടുണ്ട്‌. യാഥാ​സ്ഥി​തി​ക​ത്വ​ത്തി​ന്റെ​യും അപ്രമാ​ദി​ത്വ​സ​ത്യ​ത്തി​ന്റെ​യും ദേഹി​യു​ടെ അമർത്ത്യ​ത​യു​ടെ​യും പേരിൽ പീഡനം ന്യായീ​ക​രി​ക്ക​പ്പെ​ട്ടി​ട്ടുണ്ട്‌. യഹൂദൻമാർ തങ്ങളുടെ മതവും വർഗ്ഗവും നിമിത്തം പീഡി​പ്പി​ക്ക​പ്പെ​ട്ടി​രി​ക്കു​ന്നു. ഈ 20-ാം നൂററാ​ണ്ടിൽ ചില രാജ്യ​ങ്ങ​ളിൽ നിരീ​ശ്വര കമ്യൂ​ണി​സം ‘ജനങ്ങളെ മയക്കുന്ന കറുപ്പ്‌’ എന്ന നിലയിൽ മതത്തി​നെ​തി​രെ തിരി​ഞ്ഞി​ട്ടുണ്ട്‌.

എന്നിരു​ന്നാ​ലും, ഇതേ നൂററാ​ണ്ടിൽ, മതപര​മാ​യാ​ലും രാഷ്‌ട്രീ​യ​മാ​യാ​ലും, ഏതു കേന്ദ്ര​ത്തിൽനി​ന്നും പീഡി​പ്പി​ക്ക​പ്പെ​ട്ടി​ട്ടുള്ള ഒരു മതമുണ്ട്‌. അവർ ആരാണ്‌, ആന്തരങ്ങൾ എന്തായി​രു​ന്നു?

“മുഖ്യ ഇരകൾ”

കോട​തി​യും ഭരണഘ​ട​ന​യും (1987) എന്ന തന്റെ അടുത്ത കാലത്തെ പുസ്‌ത​ക​ത്തിൽ മുൻ വാട്ടർഗേ​ററ്‌ സ്‌പെ​ഷ്യൽ പ്രോ​സി​കൂ​ട്ടർ ആർച്ചി​ബാൾഡ്‌ കോക്‌സ്‌ എഴുതു​ന്നു: “ഇരുപ​താം നൂററാ​ണ്ടിൽ ഐക്യ​നാ​ടു​ക​ളി​ലെ മതപീ​ഡ​ന​ത്തി​ന്റെ മുഖ്യ ഇരകൾ യഹോ​വ​യു​ടെ സാക്ഷി​ക​ളാ​യി​രു​ന്നു.” ഈ സാഹച​ര്യം ഇളക്കി​വി​ട്ട​തെ​ന്താ​യി​രു​ന്നു? അദ്ദേഹം തുടരു​ന്നു: “അവർ തങ്ങളുടെ മതപ്ര​ചാ​ര​ണ​വും എണ്ണവും സത്വരം വർദ്ധിച്ച 1930-കളിൽ ശ്രദ്ധ ആകർഷി​ക്കാ​നും മർദ്ദനം ക്ഷണിച്ചു​വ​രു​ത്താ​നും തുടങ്ങി. ബൈബി​ളിൽനി​ന്നുള്ള ദിവ്യ​വെ​ളി​പ്പാ​ടിൽ ആശ്രയി​ച്ചു​കൊണ്ട്‌ അവർ വാച്ച്‌ ടവർ ബൈബിൾ ആൻഡ്‌ ട്രാക്‌ററ്‌ സൊ​സൈ​റ​റി​യു​ടെ ലഘു​ലേ​ഖകൾ സമർപ്പി​ക്കു​ന്ന​തിന്‌ തെരു​ക്കോ​ണു​ക​ളിൽ നിൽക്കു​ക​യും വീടു​തോ​റും പ്രചാ​രണം നടത്തു​ക​യും സംഘടി​ത​സ​ഭ​ക​ളും വ്യാപാ​ര​വും രാഷ്‌ട്ര​വും സാത്താന്റെ ഉപകര​ണ​ങ്ങ​ളാ​ണെന്നു പ്രസം​ഗി​ക്കു​ക​യും ചെയ്‌തു.”

ജനതകൾ രണ്ടാം ലോക​മ​ഹാ​യു​ദ്ധ​ത്തിൽ കുരു​ങ്ങി​യ​പ്പോൾ സാക്ഷികൾ അന്നു പ്രബല​പ്പെ​ട്ടി​രുന്ന ദേശീ​യ​ത​യു​ടെ ആത്മാവി​ന്റെ ഇരകളും രക്തസാ​ക്ഷി​ക​ളു​മാ​യി​ത്തീർന്നു. ദേശീ​യ​ത്വ​ത്തി​നു പ്രോൽസാ​ഹി​പ്പി​ച്ചു​കൊ​ണ്ടി​രു​ന്നത്‌ യുദ്ധത്തി​ലേർപ്പെ​ട്ടി​രുന്ന ഗവൺമെൻറു​ക​ളാ​യി​രു​ന്നു. ചില രാഷ്‌ട്ര​ങ്ങ​ളിൽ സ്‌കൂ​ളു​ക​ളിൽ നിർബ​ന്ധിത പതാകാ​വ​ന്ദനം അടി​ച്ചേൽപ്പി​ക്ക​പ്പെട്ടു. നിർബ​ന്ധിത സൈനി​ക​സേ​വനം നിയമ​മാ​യി​ത്തീർന്നു. കൈസർക്കു​ള്ളത്‌ കൈസർക്കു കൊടു​ക്കു​ന്ന​തിൽ യഹോ​വ​യു​ടെ സാക്ഷികൾ വിശ്വ​സി​ക്കു​ന്നു​വെ​ന്നി​രി​ക്കെ, ദൈവം ആവശ്യ​പ്പെ​ടു​ന്ന​തെന്ന്‌ അവർ വിശ്വ​സി​ക്കുന്ന ആരാധ​ന​യും പരമോ​ന്നത ഭക്തിയും അവർ ദൈവ​ത്തി​നു കൊടു​ക്കു​ന്നു—ഒരുപക്ഷേ അവരെ​ക്കാൾ മനഃസാ​ക്ഷി​ബോ​ധ​ത്തോ​ടെ നികു​തി​കൊ​ടു​ക്കു​ക​യും രാജ്യത്തെ നിയമ​മ​നു​സ​രി​ക്കു​ക​യും ചെയ്യു​ന്നവർ ഇല്ല. മിക്ക​പ്പോ​ഴും ഒരു രാഷ്‌ട്ര​ത്തി​ന്റെ പതാക പ്രതി​നി​ധാ​നം​ചെ​യ്യുന്ന നല്ല തത്വങ്ങളെ അവർ ആദരി​ക്കു​ന്നു, എന്നാൽ അവരേ​സം​ബ​ന്ധി​ച്ച​ട​ത്തോ​ളം പതാകാ​വ​ന്ദനം വിഭാ​ഗീയ പ്രതി​മാ​രാ​ധ​ന​യാണ്‌. ആ നിലപാട്‌ 1930-കളിലും ‘40-കളിലും അവരെ ഐക്യ​നാ​ടു​ക​ളിൽ കുഴപ്പ​ത്തിൽ ചാടിച്ചു.

പതാകയെ വന്ദിക്കാൻ വിസമ്മ​തി​ക്കു​ക​നി​മി​ത്തം നൂറു​ക​ണ​ക്കി​നു കുട്ടികൾ സ്‌കൂ​ളിൽനി​ന്നു ബഹിഷ്‌ക്ക​രി​ക്ക​പ്പെട്ടു. ഹാർലൻ ഫിസ്‌ക്കെ സ്‌റേ​റൺ: നിയമ​ത്തി​ന്റെ തൂൺ എന്ന തന്റെ പുസ്‌ത​ക​ത്തിൽ പ്രൊ​ഫസ്സർ മെയ്‌സൻ പ്രസ്‌താ​വി​ച്ച​തു​പോ​ലെ: “അവരുടെ വിസമ്മതം അവർ ദേശസ്‌നേ​ഹ​മി​ല്ലാ​ത്ത​വ​രാ​ണെ​ന്നോ അവർ തങ്ങളുടെ രാജ്യത്തെ സ്‌നേ​ഹി​ക്കു​ന്നി​ല്ലെ​ന്നോ അർത്ഥമാ​ക്കി​യില്ല. അവർ തിരു​വെ​ഴു​ത്തു​കൾ വായി​ക്കു​മ്പോൾ പതാകാ​വ​ന്ദനം ഒരു കൊത്ത​പ്പെട്ട പ്രതി​മയെ കുമ്പി​ടു​ന്ന​തി​നെ​തി​രായ ബൈബിൾവി​ല​ക്കി​നെ ലംഘി​ക്കു​ന്നു​വെന്നു മാത്രമേ അത്‌ അർത്ഥമാ​ക്കി​യു​ള്ളു.”

വിവാദം യു. എസ്‌. സുപ്രീം​കോ​ട​തി​യിൽ എത്തിക്ക​പ്പെട്ടു. 1940-ൽ 8-ന്‌ 1 എന്ന വോട്ടിന്‌ സാക്ഷി​ക​ളു​ടെ അപ്പീൽ നിരസി​ക്ക​പ്പെട്ടു. എതിർത്ത ധീരനായ ഏക വ്യക്തി ജസ്‌റ​റീസ്‌ ഹാർലൻ ഫിസ്‌ക്കേ സ്‌റേ​റാൺ ആയിരു​ന്നു. ചിലർ എങ്ങനെ പ്രതി​ക​രി​ച്ചു​വെന്ന്‌ പ്രൊ​ഫസ്സർ മെയ്‌സൻ വിശദീ​ക​രി​ച്ചു: “അമേരി​ക്കൻ സിവിൽ ലിബേർട്ടി യൂണി​യന്റെ അദ്ധ്യക്ഷ​നായ ജോൺ ഹേയ്‌നസ്‌ ഹോംസ്‌ സ്‌റേ​റാ​ണി​ന്റെ വിയോ​ജിപ്പ്‌ ‘അമേരി​ക്കൻ ചരി​ത്ര​ത്തി​ലെ വലിയ വിയോ​ജ​ന​ക്കു​റി​പ്പു​ക​ളി​ലൊ​ന്നാ​യി മുന്നിൽനിൽക്കു’മെന്ന്‌ പറയു​ക​യു​ണ്ടാ​യി. പ്രസ്‌ അഭി​പ്രാ​യങ്ങൾ അത്യന്തം അനുകൂ​ല​മാ​യി​രു​ന്നു. നൂററി​യെ​ഴു​പ​ത്തൊ​ന്നു പ്രമു​ഖ​പ​ത്രങ്ങൾ സത്വരം വിധിയെ അപലപി​ച്ചു; ചുരുക്കം ചിലതു മാത്രമേ അതിനെ അംഗീ​ക​രി​ച്ചു​ള്ളു.” എന്നാൽ പിന്നീട്‌ എന്തു സംഭവി​ച്ചു?

പ്രൊ​ഫ​സർ കോക്‌സ്‌ തന്റെ വിവരണം തുടരു​ന്നു: “സാക്ഷി​ക​ളു​ടെ പീഡനം വർദ്ധിച്ചു. ചില കേന്ദ്ര​ങ്ങ​ളിൽ, റെറക്‌സാ​സിൽ പ്രത്യേ​കി​ച്ചും, സാക്ഷികൾ പതാകയെ വന്ദിക്കാ​ഞ്ഞ​തു​കൊണ്ട്‌ ജനക്കൂ​ട്ടങ്ങൾ അവരെ ആക്രമി​ച്ചു, ചില സമയങ്ങ​ളിൽ അവർ ‘നാസി ഏജൻറൻമാ​രാ’യി കരുത​പ്പെട്ടു.” മെയ്‌നിൽ ഒരു രാജ്യ​ഹാൾ തീവെ​ക്ക​പ്പെട്ടു. ഇല്ലി​നോ​യി​യി​ലെ ഒരു പട്ടണത്തിൽ മുഴു ജനതതി​യും ഏതാണ്ട്‌ “അറുപതു സാക്ഷി​കളെ ആക്രമി​ക്കാൻ വന്നുകൂ​ടി.” അധികാ​രി​കൾ എന്തു ചെയ്‌തു? “പോലീസ്‌ അധിക​പ​ങ്കും കൈയും​കെട്ടി നിൽക്കു​ക​യോ സജീവ​മാ​യി പങ്കെടു​ക്കു​ക​യോ ചെയ്‌തു.” പ്രൊ​ഫസ്സർ മെയ്‌സൻ പറയുന്ന പ്രകാരം: “നീതി​ന്യാ​യ വകുപ്പ്‌ ഈ അക്രമ​ത്തി​ര​ത്തള്ളൽ നേരിട്ട്‌ ആദ്യത്തെ പതാകാ​വ​ന്ദ​ന​ക്കേ​സി​ലെ കോട​തി​വി​ധി നിമി​ത്ത​മാ​ണെന്ന്‌ കണ്ടുപി​ടി​ച്ചു. അങ്ങനെ കോട​തി​തന്നെ മനുഷ്യ​മ​ന​സ്സു​കൾക്കു​വേ​ണ്ടി​യുള്ള പോരാ​ട്ട​ത്തിൽ ഒരു ആയുധ​മാ​യി​ത്തീർന്നു.”

ഒരു നാടകീയ തിരി​ച്ച​ടി

ഈ ക്രൂര​പീ​ഡനം ഗണ്യമാ​ക്കാ​തെ സാക്ഷി​ക്കു​ട്ടി​കൾ മൂന്നു വിശ്വസ്‌ത എബ്രാ​യ​രെ​പ്പോ​ലെ ദേശീ​യ​ചി​ഹ്നത്തെ, ഈ സംഗതി​യിൽ പതാകയെ, വന്ദിക്കാൻ വിസമ്മ​തി​ച്ചു. (ദാനി​യേൽ അദ്ധ്യായം 3) വാച്ച്‌ടവർ സൊ​സൈ​റ​റി​യു​ടെ നിയമ​വ​കുപ്പ്‌ പതാകാ​വ​ന്ദ​ന​ക്കേ​സു​കളെ അപ്പീൽകോ​ട​തി​ക​ളി​ലൂ​ടെ മുമ്പോ​ട്ടു​കൊ​ണ്ടു​പോ​കു​ന്ന​തിൽ തുടർന്നു. യഥാർത്ഥ​ത്തിൽ, “‘പൗരസ്വാ​ത​ന്ത്ര്യ​ത്തി​ന്റെ നിയമ​പ്ര​ശ്‌ന​ങ്ങളെ പരിഹ​രി​ക്കു​ന്ന​തിൽ യഹോ​വ​യു​ടെ സാക്ഷികൾ നൽകുന്ന സഹായ​ത്തി​ന്റെ വീക്ഷണ​ത്തിൽ അവർക്ക്‌ ഒരു പാരി​തോ​ഷി​കം കൊടു​ക്കേ​ണ്ട​താ​ണെ’ന്ന്‌ [ജസ്‌റ​റീസ്‌] സ്‌റേ​റാൺ നിർദ്ദേ​ശി​ക്ക​ത്ത​ക്ക​വണ്ണം അത്ര തീവ്ര​മാ​യി അവർ തങ്ങളുടെ അവകാ​ശ​ങ്ങളെ മുന്നോ​ട്ടു​വെ​ക്കു​ന്ന​തിൽ തുടർന്നു.”—ഹാർലൻ ഫിസ്‌ക്കേ സ്‌റേ​റൺ: നിയമ​ത്തി​ന്റെ തൂൺ, പേജ്‌ 598.

പിന്നീട്‌, 1943 ജൂൺ 14-ന്‌ (പതാകാ​ദി​നം) യു. എസ്‌. സുപ്രീം കോടതി ഒരു അസാധാ​രണ നടപടി സീകരി​ച്ചു. ഒരു വ്യത്യസ്‌ത പതാകാ​വ​ന്ദ​ന​ക്കേ​സിൽ (വെസ്‌ററ വെർജീ​നി​യാ സംസ്ഥാ​ന​വി​ദ്യാ​ഭ്യാ​സ​ബോർഡും ബാർന​റ​റ തമ്മിൽ നടന്നത്‌) അത്‌ നേരെ തിരിച്ച്‌ വിധി​ക്കു​ക​യും സാക്ഷി​കളെ കുററ​വി​മു​ക്ത​രാ​ക്കു​ക​യും​ചെ​യ്‌തു. അതേ ദിവസം യഹോ​വ​യു​ടെ സാക്ഷികൾ ഉൾപ്പെട്ട മറെറാ​രു കേസിൽ ന്യായാ​ധി​പൻമാർ ഇങ്ങനെ പ്രസ്‌താ​വി​ച്ചു: “അപ്പീൽ കൊടു​ത്ത​വർക്ക്‌ [സാക്ഷി​കൾക്ക്‌] ബാധക​മാ​കു​ന്ന​പ്ര​കാ​രം അത്‌ [നിയമം] അവരെ ശിക്ഷി​ക്കു​ന്നു, അവർ പ്രചരി​പ്പി​ച്ചത്‌ ഒരു ദുഷ്ട ആന്തര​ത്തോ​ടെ​യാ​യി​രു​ന്നു​വെ​ന്നോ രാഷ്‌ട്ര​ത്തി​നോ സംസ്ഥാ​ന​ത്തി​നൊ എതിരാ​യുള്ള വിധ്വം​സ​ക​പ്ര​വർത്ത​ന​ത്തിന്‌ പ്രേരി​പ്പി​ച്ച​താ​യോ അവകാ​ശ​പ്പെ​ടു​ന്നി​ല്ലെ​ങ്കി​ലും അഥവാ പ്രകട​മാ​ക്ക​പ്പെ​ടു​ന്നി​ല്ലെ​ങ്കി​ലും. . . ഞങ്ങളുടെ തീരു​മാ​ന​പ്ര​കാ​രം അങ്ങനെ​യുള്ള പ്രചാ​ര​ണ​ത്തിന്‌ ക്രിമി​നൽ ശിക്ഷ ചുമത്താ​വു​ന്നതല്ല.”

കോട​തി​യു​ടെ വക്താവെന്ന നിലയിൽ ജസ്‌റ​റീസ്‌ ജാക്‌സൻ ഗമാലി​യേൽസ​മാ​ന​ജ്ഞാ​നം പ്രകട​മാ​ക്കുന്ന ഒരു അഭി​പ്രാ​യം ഉൾപ്പെ​ടു​ത്തി: “നമ്മുടെ ഭരണഘ​ട​നാ​പ​ര​മായ നക്ഷത്ര​രാ​ശി​യിൽ ഒരു സ്ഥിരന​ക്ഷ​ത്ര​മു​ണ്ടെ​ങ്കിൽ രാഷ്‌ട്രീ​യ​ത്തി​ലോ ദേശീ​യ​ത്വ​ത്തി​ലോ മതത്തി​ലൊ മറേറ​തെ​ങ്കി​ലും അഭി​പ്രാ​യ​കാ​ര്യ​ത്തി​ലോ സത്യ​മെ​ന്താ​ണെന്ന്‌ ചെറു​തോ വലുതോ ആയ യാതൊ​രു ഉദ്യോ​ഗ​സ്ഥ​നും നിർദ്ദേ​ശി​ക്കാ​നോ വാക്കി​നാ​ലോ പ്രവൃ​ത്തി​യാ​ലോ അതിലുള്ള അവരുടെ വിശ്വാ​സത്തെ ഏററു​പ​റ​യാൻ പൗരൻമാ​രെ നിർബ​ന്ധി​ക്കാ​നോ കഴിക​യി​ല്ലെ​ന്നു​ള്ള​താ​ണത്‌.” ഈ വിധി “കോട​തി​യു​ടെ ചരി​ത്ര​ത്തി​ലെ ഏററം നാടകീ​യ​മായ തിരി​യ​ലു​ക​ളി​ലൊന്ന്‌” എന്നു വിളി​ക്ക​പ്പെ​ട്ടി​രി​ക്കു​ന്നു.—പ്രവൃ​ത്തി​കൾ 5:34, 38, 39 താരത​മ്യ​പ്പെ​ടു​ത്തുക.

പതാകയെ വന്ദിക്കാൻ നിയമ​ത്താൽ സാക്ഷി​കൾക്കു കടപ്പാ​ടു​ണ്ടാ​ക്കാ​തി​രി​ക്കു​ന്നത്‌ ന്യായം​മാ​ത്ര​മാ​യി​രി​ക്കു​ന്ന​തെ​ന്തു​കൊണ്ട്‌? പ്രൊ​ഫസ്സർ കോക്‌സ്‌ വിശദീ​ക​രി​ക്കു​ന്നു: “ഗോ​ബൈ​റ​റിസ്‌, ബാർനെ​ററ്‌ [സാക്ഷികൾ] കുട്ടി​ക​ളു​ടെ എതിർപ്പ്‌ അവർ വിശ്വ​സി​ക്കാത്ത ഒരു രാഷ്‌ട്രീയ വിശ്വാ​സത്തെ പ്രഘോ​ഷി​ക്കാൻ സംസ്ഥാനം നിർബ​ന്ധി​ക്കു​ന്ന​തി​നോ​ടാ​യി​രു​ന്നു.” സാക്ഷികൾ ചെയ്‌തത്‌ ഈ ബൈബിൾത​ത്വം അനുസ​രി​ക്കുക മാത്ര​മാ​യി​രു​ന്നു: “ഞങ്ങൾ മനുഷ്യ​രെ​ക്കാ​ള​ധി​കം ദൈവത്തെ അധിപ​തി​യാ​യി അനുസ​രി​ക്കേ​ണ്ട​താ​കു​ന്നു.”—പ്രവൃ​ത്തി​കൾ 5:29.

ന്യൂന​പ​ക്ഷ​ങ്ങളെ സംരക്ഷി​ക്കു​ന്ന​തെ​ന്തിന്‌?

ഈ കേസുകൾ സംബന്ധിച്ച തന്റെ അപഗ്ര​ഥ​ന​ത്തിൽ കോക്‌സ്‌ ഒരു ഗണ്യമായ ചോദ്യം ഉയർത്തു​ന്നു: “പതാകയെ വന്ദിക്കാൻ വിസമ്മ​തി​ക്കുന്ന ആ ചെറിയ ന്യൂന​പ​ക്ഷ​ത്തി​ന്റെ ആത്മീയ സ്വാത​ന്ത്ര്യ​ത്തെ​ക്കു​റി​ച്ചു നാം വ്യാകു​ല​പ്പെ​ടു​ന്ന​തെ​ന്തിന്‌? അല്ലെങ്കിൽ സുവി​ശേ​ഷ​ക​രായ യഹോ​വ​യു​ടെ സാക്ഷി​ക​ളെ​പ്പോ​ലെ​യുള്ള കുഴപ്പ​ക്കാ​രു​ടെ അവസര​ങ്ങളെ സംരക്ഷി​ക്കു​ന്ന​തി​നെ​ക്കു​റിച്ച്‌ വ്യാകു​ല​പ്പെ​ടു​ന്ന​തെ​ന്തിന്‌? അദ്ദേഹം പ്രതി​വ​ചി​ക്കു​ന്നു: “ഉത്തരത്തി​ന്റെ ഒരു ഭാഗം സ്ഥിതി​ചെ​യ്യു​ന്നത്‌ നമ്മുടെ സമുദാ​യ​ത്തി​ന്റെ അടിത്ത​റ​യായ വ്യക്തി​മാ​ന്യ​ത​യെന്ന പ്രമേ​യ​ത്തിൻമേ​ലാണ്‌, അത്‌ യാഥാ​സ്ഥി​തി​കർക്കും വിയോ​ജി​പ്പു​കാർക്കും ഉള്ള ഒരു മാന്യ​ത​യാണ്‌. ഒരു ഭാഗം സ്ഥിതി​ചെ​യ്യു​ന്നത്‌ സംസ്ഥാനം യഹോ​വ​യു​ടെ സാക്ഷി​ക​ളു​ടെ സംസാ​രത്തെ നിശബ്ദ​മാ​ക്കു​ന്നു​വെ​ങ്കിൽ. . . . നമ്മു​ടേ​തു​ത​ന്നെ​യാ​യി​രി​ക്കാം അടുത്തത്‌ എന്ന ബോധ​ത്തി​ലാണ്‌.”

അതെ, ജനപ്രീ​തി​യി​ല്ലാത്ത ഒരു ന്യൂന​പ​ക്ഷ​ത്തി​ന്റെ ആരാധ​നാ​സ്വാ​ത​ന്ത്ര്യ​ത്തി​ന്റെ അടിച്ച​മർത്തൽ എല്ലാ പൗരൻമാ​രു​ടെ​യും മററു സ്വാത​ന്ത്ര്യ​ങ്ങ​ളു​ടെ അടിച്ച​മർത്ത​ലി​ലേക്കു നയിക്കാ​വുന്ന ഉപാധി​യാ​യി​രി​ക്കാൻ കഴിയും. എന്നാൽ പ്രൊ​ഫസ്സർ കോക്‌സ്‌ ഉൾപ്പെ​ടു​ത്തുന്ന മറെറാ​രു രസാവ​ഹ​മായ വസ്‌തു​ത​യുണ്ട്‌:

“ഭാഗി​ക​മായ ഉത്തരം ഏതെങ്കി​ലും വിദൂര ന്യൂന​പക്ഷം സത്യത്തി​ലെ​ത്തി​യേ​ക്കാ​മെന്ന ബോധ​ത്തി​ലാണ്‌ സ്ഥിതി​ചെ​യ്യു​ന്നത്‌—അടിച്ച​മർത്ത​ലി​നാൽ നീട്ടി​വെ​ക്ക​പ്പെ​ടു​ക​യോ എന്നേക്കും നഷ്ടപ്പെ​ട്ട​തോ ആയ സത്യത്തിൽതന്നെ.” അടിച്ച​മർത്ത​ലിന്‌ വിധേ​യ​മാ​ക്ക​പ്പെട്ട സത്യത്തിൽ യഹോ​വ​യു​ടെ സാക്ഷികൾ പ്രസം​ഗി​ക്കു​ന്നത്‌ ഉൾപ്പെ​ടു​ന്നു, അതായത്‌ സമാധാ​ന​ത്തി​നും രക്ഷക്കും വേണ്ടി​യുള്ള മനുഷ്യ​വർഗ്ഗ​ത്തി​ന്റെ ഏക പ്രത്യാശ ദൈവ​രാ​ജ്യ​ഗ​വൺമെൻറാ​ണെ​ന്നുള്ള സത്യം.—ദാനി​യേൽ 2:44; മത്തായി 6:9, 10.

ക്രിസ്‌തീയ “കുഴപ്പ​ക്കാർ”

കോക്‌സ്‌ സാക്ഷി​കളെ “കുഴപ്പ​ക്കാർ” എന്നു പരാമർശി​ക്കു​മ്പോൾ ആദിമ ക്രിസ്‌തീയ ശിഷ്യൻമാർ അവരുടെ എതിരാ​ളി​ക​ളാൽ എങ്ങനെ വർണ്ണി​ക്ക​പ്പെ​ട്ടു​വെ​ന്നോർക്കുക: “ലോക​മാ​സ​കലം കുഴപ്പ​മു​ണ്ടാ​ക്കി​യി​രി​ക്കുന്ന ഈ മനുഷ്യർ ഇപ്പോൾ ഇവിടെ വന്നിരി​ക്കു​ന്നു. . . അവരെ​ല്ലാം യേശു എന്നു പേരുള്ള മറെറാ​രു രാജാ​വു​ണ്ടെന്നു പറഞ്ഞു​കൊണ്ട്‌ കൈസ​റു​ടെ ആജ്ഞകളെ ധിക്കരി​ക്കു​ക​യാണ്‌.” (പ്രവൃ​ത്തി​കൾ 17:6, 7, ന്യൂ ഇൻറർനാ​ഷനൽ വേർഷൻ) യഹോ​വ​യു​ടെ സാക്ഷികൾ അനേക രാജ്യ​ങ്ങ​ളിൽ വന്നെത്തി​യി​രി​ക്കുന്ന സാഹച​ര്യ​ത്തോട്‌ എത്ര സമാനം! അതെന്തു​കൊണ്ട്‌? ആദിമ​ക്രി​സ്‌ത്യാ​നി​കൾ കഷ്ടപ്പെട്ട അതേ കാരണ​ത്താൽ—തങ്ങളുടെ രാജാ​വായ ക്രിസ്‌തു​യേ​ശു​വി​നോ​ടും അവന്റെ രാജ്യ​ത്തോ​ടു​മുള്ള അവരുടെ കൂറു​തന്നെ.

സാക്ഷി​ക​ളു​ടെ വിജയ​ക​ര​മായ പ്രസംഗം ലൗകി​കാ​ധി​കാ​രി​ക​ളിൽനിന്ന്‌ സഹായം​തേ​ടാൻ ഓർത്ത​ഡോ​ക്‌സ്‌ വൈദി​കരെ ഉത്തേജി​പ്പി​ക്കു​ന്നു. ഇത്‌ പൗലോ​സി​ന്റെ വിജയ​ക​ര​മായ ശുശ്രൂ​ഷ​ക്കു​ശേഷം സംഭവി​ച്ച​തി​നോ​ടു സമാന​മാണ്‌. വിവരണം നമ്മോടു പറയുന്നു: “എന്നാൽ യഹൂദൻമാർ അസൂയ​പൂണ്ട്‌ ജനതതി​യി​ലെ വിടക്കു​ക​ളായ ചില ഹീനരെ കൂലിക്കു വിളി​ക്കു​ക​യും ജനക്കൂ​ട്ടത്തെ ഇളക്കു​ക​യും നഗരത്തെ പ്രക്ഷു​ബ്ധ​മാ​ക്കു​ക​യും ചെയ്‌തു. . . . അവർ യാസോ​നെ​ത്ത​ന്നെ​യും ചില സഭാം​ഗ​ങ്ങ​ളെ​യും ന്യായാ​ധി​പൻമാ​രു​ടെ മുമ്പി​ലേക്കു വലിച്ചി​ഴ​ച്ചു​കൊ​ണ്ടു​പോ​യി.”—പ്രവൃ​ത്തി​കൾ 17:5, 6, ന്യൂ ഇംഗ്ലീഷ്‌ ബൈബിൾ.

യഹോ​വ​യു​ടെ സാക്ഷികൾ യുദ്ധകാ​ല​ങ്ങ​ളി​ലും സമാധാ​ന​കാ​ല​ങ്ങ​ളി​ലും അനേകം രാജ്യ​ങ്ങ​ളിൽ അന്യാ​യ​മായ പീഡനം അനുഭ​വി​ച്ചി​ട്ടുണ്ട്‌. അനേകം സന്ദർഭ​ങ്ങ​ളിൽ അങ്ങനെ​യുള്ള പീഡന​ത്തി​നു പ്രോൽസാ​ഹി​പ്പി​ച്ചവർ മതനേ​താ​ക്കൻമാ​രാ​യി​രു​ന്നി​ട്ടുണ്ട്‌. അവർ സാക്ഷി​ക​ളു​ടെ പ്രവർത്ത​ന​ങ്ങളെ നിയ​ന്ത്രി​ക്കു​ന്ന​തിന്‌ നിലവി​ലുള്ള ഭരണാ​ധി​കാ​ര​വർഗ്ഗ​ത്തിൻമേ​ലുള്ള തങ്ങളുടെ സ്വാധീ​നത്തെ ഉപയോ​ഗി​ച്ചി​രി​ക്കു​ന്നു. ഒരു പ്രമുഖ ദൃഷ്ടാന്തം 1950 മുതൽ 1970 വരെയുള്ള കാലഘ​ട്ട​ത്തിൽ കത്തോ​ലി​ക്കാ സ്‌പെ​യി​നിൽ യഹോ​വ​യു​ടെ സാക്ഷി​കൾക്കു നേരിട്ട പീഡന​മാണ്‌. തങ്ങളുടെ സ്വന്തം ഭവനങ്ങ​ളിൽ ബൈബിൾ പഠിച്ച​തു​കൊ​ണ്ടു​മാ​ത്രം പുരു​ഷൻമാ​രും സ്‌ത്രീ​ക​ളും കുട്ടി​ക​ളും വേട്ടയാ​ട​പ്പെ​ടു​ക​യും പിഴയി​ട​പ്പെ​ടു​ക​യും​ചെ​യ്‌തു. നൂറു​ക​ണ​ക്കിന്‌ ചെറു​പ്പ​ക്കാർ ക്രിസ്‌തീയ നിഷ്‌പക്ഷത പാലി​ച്ച​തി​നാൽ പത്തില​ധി​കം വർഷം​വീ​തം സൈനി​ക​ത​ട​ങ്ക​ലിൽ കഴിച്ചു​കൂ​ട്ടി.a

സ്‌പെ​യി​നി​ലെ യഹോ​വ​യു​ടെ സാക്ഷി​ക​ളു​ടെ കേസ്‌ വളരെ പ്രമു​ഖ​മാ​യി​രു​ന്ന​തു​കൊണ്ട്‌ ഒരു പ്രമുഖ നിയമ​ജ്ഞ​നായ സെനോർ മാർട്ടിൻ റെട്ടോർട്ടി​ലോ ഇങ്ങനെ എഴുതി: “ഒരുവൻ പത്തു വർഷം നിയമം പഠിക്കു​ക​യും മത നടത്തയെ ബാധി​ക്കുന്ന പൊതു​ക്ര​മ​ത്തി​ന്റെ കാരണ​ങ്ങ​ളാൽ കൊടു​ക്ക​പ്പെട്ട ഗവൺമെൻറ്‌ ശിക്ഷകളെ നിരീ​ക്ഷി​ക്കു​ക​യു​മാ​ണെ​ങ്കിൽ നിർണ്ണാ​യ​ക​മാ​യി ശ്രദ്ധപി​ടി​ച്ചെ​ടു​ക്കുന്ന ഒരു വസ്‌തു​ത​യുണ്ട്‌: പരിഗ​ണി​ക്ക​പ്പെട്ട മിക്കവാ​റു​മെല്ലാ കേസു​ക​ളി​ലും ഉൾപ്പെ​ട്ടി​രു​ന്നത്‌ ഒരൊററ മതസമൂ​ഹ​ത്തി​ലെ അംഗങ്ങ​ളാ​യി​രു​ന്നു എന്നതാണ്‌—‘യഹോ​വ​യു​ടെ സാക്ഷികൾ’”

പീഡനം സാക്ഷി​കളെ തടയു​ന്ന​തിൽ പരാജ​യ​പ്പെ​ടു​ന്നു

യഹോ​വ​യു​ടെ സാക്ഷി​കൾക്ക്‌ 1970 മുതൽ സ്‌പെ​യി​നിൽ നിയമ​പ​ര​മായ അംഗീ​കാ​ര​മുണ്ട്‌. അന്ന്‌ പ്രവർത്ത​ന​നി​ര​ത​രാ​യി​രുന്ന 10,000-ത്തിനു പകരം 73,000 പേർ ഏതാണ്ട്‌ ആയിരം സഭകളിൽ സഹവസി​ക്കു​ന്നുണ്ട്‌! ഐക്യ​നാ​ടു​ക​ളി​ലും പുരോ​ഗ​തി​യു​ടെ ഒരു സമാന നിരക്കുണ്ട്‌. പ്രൊ​ഫസ്സർ കോക്‌സ്‌ പരാമർശി​ക്കുന്ന കാലഘ​ട്ട​ത്തിൽ (1930-കൾ—1940-കൾ) ഐക്യ​നാ​ടു​ക​ളിൽ ഏതാണ്ട്‌ 40,000 മുതൽ 60,000 വരെ സാക്ഷി​കളേ ഉണ്ടായി​രു​ന്നു​ള്ളു. മുഴു​ലോ​ക​ത്തി​ലു​മാ​യി മൊത്ത​മു​ണ്ടാ​യി​രു​ന്നത്‌ 1,15,000 പേരാ​യി​രു​ന്നു. ഇന്ന്‌ ഐക്യ​നാ​ടു​ക​ളിൽ 7,97,000-ത്തിൽപരം സാക്ഷി​ക​ളുണ്ട്‌. ലോക​ത്തി​ലാ​കെ 57,000 സഭകളിൽ 35,00,000 പേരുണ്ട്‌. അവരുടെ ലോക​വ്യാ​പക വിദ്യാ​ഭ്യാ​സ​വേ​ല​യു​ടെ പുരോ​ഗ​തി​യെ തടയു​ന്ന​തിൽ പീഡനം പരാജ​യ​പ്പെ​ട്ടി​രി​ക്കു​ന്നു.

പീഡനത്തെ അഭിമു​ഖീ​ക​രി​ക്കു​മ്പോൾ സാക്ഷി​കൾക്കു നൽകാൻ കഴിയുന്ന ഒരു ഉത്തര​മേ​യു​ള്ളു: “ദൈവ​ത്തെ​ക്കാൾ നിങ്ങളെ കേട്ടനു​സ​രി​ക്കു​ന്നത്‌ ദൈവ​ത്തി​ന്റെ ദൃഷ്ടി​യിൽ നീതി​യോ എന്ന്‌ നിങ്ങൾതന്നെ വിധി​ക്കുക. എന്നാൽ ഞങ്ങളേ സംബന്ധി​ച്ച​ട​ത്തോ​ളം, ഞങ്ങൾ കണ്ടും കേട്ടു​മി​രി​ക്കുന്ന കാര്യ​ങ്ങ​ളേ​ക്കു​റി​ച്ചുള്ള സംസാരം നിർത്താൻ ഞങ്ങൾക്കു കഴിക​യില്ല.”—പ്രവൃ​ത്തി​കൾ 4:19, 20. (g88 6/8)

[അടിക്കു​റി​പ്പു​കൾ]

[22-ാം പേജിലെ ചിത്രം]

ഒരു പതാകയെ വന്ദിക്കാൻ വിസമ്മ​തി​ക്കു​ന്നത്‌ അനാദ​ര​വ​ല്ലെന്ന്‌ കോട​തി​കൾ വിധിച്ചു

[23-ാം പേജിലെ ചിത്രം]

ജസ്‌ററീസ്‌ സ്‌റേ​റാൺ മാത്രമേ 1940-ലെ സുപ്രീം കോട​തി​വി​ധി​യിൽ യഹോ​വ​യു​ടെ സാക്ഷി​ക​ളു​ടെ നിലപാ​ടി​നെ പിന്തു​ണ​ച്ചു​ള്ളു

[കടപ്പാട്‌]

Office of the Curator, The Supreme Court of the United States

[24-ാം പേജിലെ ചിത്രം]

ഈ ന്യായാ​ധി​പൻമാർ പതാകാ​വ​ന്ദ​ന​പ്ര​ശ്‌ന​ത്തിൽ ഒരു ഭൂരിപക്ഷ വോട്ടി​നാൽ സാക്ഷി​കൾക്ക്‌ അനുകൂ​ല​മാ​യി വിധിച്ചു

[കടപ്പാട്‌]

Office of the Curator, The Supreme Court of the United States