ഇൻഡ്യ​യി​ലെ പുണ്യ​ന​ദി​യായ ഗംഗാ—ദശലക്ഷ​ങ്ങ​ളാൽ ആരാധി​ക്ക​പ്പെ​ടു​ന്ന​തെ​ന്തു​കൊണ്ട്‌?

ഇൻഡ്യയിലെ “ഉണരുക!”ലേഖകൻ

ഇൻഡ്യയിൽ ഗംഗാ എന്നറി​യ​പ്പെ​ടുന്ന നദി ലോക​ത്തി​ലെ അതിവി​ശു​ദ്ധ​ന​ദി​യാ​യി ഹിന്ദു​ക്ക​ളാൽ ചരി​ത്ര​ത്തി​ലു​ട​നീ​ളം പൂജി​ക്ക​പ്പെ​ട്ടി​ട്ടുണ്ട്‌. നൂററാ​ണ്ടു​ക​ളിൽ ദശലക്ഷ​ക്ക​ണ​ക്കിന്‌ ആരാധകർ അതിന്റെ തീരങ്ങ​ളിൽ തടിച്ചു​കൂ​ടി​യി​ട്ടുണ്ട്‌. ആളുകൾ അവിടെ എത്തുന്ന​തെ​ന്തു​കൊണ്ട്‌? അവർ എന്താണ​ന്വേ​ഷി​ക്കു​ന്നത്‌? ഈ നദിയി​ലേ​ക്കുള്ള ഈ ലേഖന​ത്തി​ലെ ഒരു എത്തി​നോ​ട്ടം ഉത്തരം കണ്ടെത്താൻ സഹായി​ക്കും.

ഹിമാ​ല​യ​ത്തി​ന്റെ അടിവാ​ര​ങ്ങൾക്ക​ടു​ത്തുള്ള പുണ്യ​ന​ഗ​ര​മായ ഹരിദ്വാ​റിൽ വെളു​ത്തു​തി​ള​ങ്ങുന്ന ഒരു മേഴ്‌സി​ഡസ്‌ ബെൻസ്‌ ഇടുങ്ങിയ തെരു​വു​ക​ളി​ലൂ​ടെ വളഞ്ഞു​തി​രി​ഞ്ഞു​പോ​കു​ക​യാണ്‌. അത്‌ ശ്രദ്ധാ​പൂർവം സൈക്കിൾറി​ക്ഷാ​ക​ളെ​യും കുതി​ര​വ​ണ്ടി​ക​ളെ​യും സ്‌ക്കൂ​ട്ട​റു​ക​ളെ​യും കാൽന​ട​ക്കാ​രെ​യും പിന്നിട്ട്‌ കടന്നു​പോ​കു​ന്നു. ഒടുവിൽ നഗരത്തി​ന്റെ അരികി​നോ​ട​ടുത്ത്‌ ഗംഗക്ക്‌ അഭിമു​ഖ​മാ​യുള്ള ഒരു സ്ഥാനത്ത്‌ വാഹനം നിൽക്കു​ന്നു.

നദി മുമ്പോ​ട്ടു ചെല്ലു​ന്നി​ടത്ത്‌ അത്യധി​കം മലിനീ​ക​രി​ക്ക​പ്പെ​ട്ടി​രി​ക്കു​ന്നു​വെ​ങ്കി​ലും ഇവിടെ ഹരിദ്വാ​റിൽ പർവത​ങ്ങ​ളി​ലൂ​ടെ പുതു​താ​യി ഒഴുകി​യെ​ത്തുന്ന നീലയും പച്ചയും കലർന്ന വെള്ളം കണ്ണുകൾക്ക്‌ ഉല്ലാസ​ക​ര​മായ ഒരു വിരു​ന്നൊ​രു​ക്കു​ന്നു. എന്നാൽ കാർ ഇത്ര​ത്തോ​ളം വന്നത്‌ കേവലം കാഴ്‌ച കാണാൻവേ​ണ്ടി​യ​ല്ലാ​യി​രു​ന്നു.

കാറിന്റെ കതകു​തു​റന്ന്‌ പ്രത്യ​ക്ഷ​ത്തിൽ നല്ല വിദ്യാ​ഭ്യാ​സ​മുള്ള ഒരു ആധുനിക ഇൻഡ്യൻകു​ടും​ബം പുറത്തു​വ​രു​ന്നു. മാതാവ്‌ അവരുടെ ഇളംചു​വ​പ്പു​സാ​രി നേരെ​യി​ടു​മ്പോൾ അവരുടെ സ്വർണ്ണ​ബാം​ഗി​ളു​ക​ളും നെക്ക്‌ലേ​സും സൂര്യ​കി​ര​ണങ്ങൾ തട്ടി ഉജ്ജ്വല​മാ​യി ശോഭി​ക്കു​ന്നു. പിതാവ്‌ തന്റെ കാർ പൂട്ടി​യിട്ട്‌ കുട്ടി​കളെ വിളി​ച്ചു​കൂ​ട്ടു​ന്നു, എല്ലാവ​രും ഫാഷ്യൻജീൻസും സ്‌പോർട്ട്‌സ്‌ വസ്‌ത്ര​വു​മ​ണി​ഞ്ഞി​രി​ക്കു​ന്നു. കേവലം കാഴ്‌ച​യിൽ ക്ഷേമവും ദരി​ദ്രരെ ബാധി​ക്കുന്ന ഉൽക്കണ്‌ഠ​ക​ളിൽനി​ന്നുള്ള പ്രകട​മായ വിമു​ക്തി​യു​മുണ്ട്‌. എന്നിരു​ന്നാ​ലും, കൂടുതൽ എളിയ പശ്ചാത്ത​ല​ങ്ങ​ളിൽനി​ന്നു​ള്ള​വ​രെ​പ്പോ​ലെ അവർ ഗംഗാ​ദേ​വി​യു​ടെ ശക്തിക​ളിൽനിന്ന്‌ പ്രയോ​ജ​നം​നേ​ടാ​നുള്ള പ്രത്യാ​ശ​യിൽ ദേവിയെ ആരാധി​ക്കാൻ വന്നിരി​ക്കു​ക​യാണ്‌.

ഹരി കി പാവ്‌രി എന്ന സ്‌നാ​ന​ഘ​ട്ട​ത്തി​ന​ടുത്ത്‌ അവർ തങ്ങളുടെ ഷൂസു​ക​ളൂ​രി നദിയി​ലേ​ക്കുള്ള പടിക​ളി​ലൂ​ടെ ഇറങ്ങുന്നു. ഒരു നിമിഷം കൊണ്ട്‌ അവർ വർണ്ണശ​ബ​ള​മായ സാരി​ക​ളു​ടെ​യും മററു പ്രാ​ദേ​ശി​ക​വേ​ഷ​ങ്ങ​ളു​ടെ​യും ബഹുല​ത​യിൽ അപ്രത്യ​ക്ഷ​രാ​കു​ന്നു. ഇവിടെ ഏതു ദിവസ​വും ഇൻഡ്യ​യി​ലെ ജനങ്ങളു​ടെ ഒരു പരിച്‌ഛേദം, ധനിക​രും ദരി​ദ്ര​രും, ഗംഗാ​തീ​ര​ങ്ങ​ളി​ലേക്കു വരുന്നു. അവർ ലോക​വ്യാ​പ​ക​മാ​യി സമാന്ത​ര​ങ്ങ​ളുള്ള ഒരു അടിസ്ഥാന ആത്മീയാ​വ​ശ്യ​ത്താൽ ആകർഷി​ക്ക​പ്പെ​ടു​ന്നു.

പുണ്യ​കർമ്മ​ങ്ങ​ളും നിർഭ​യ​മായ ഭക്തിയും

കുളി​സ്ഥ​ലത്ത്‌ ഗംഗാ​പൂ​ജ​യു​ടെ (ആരാധന) കർമ്മങ്ങ​ള​നു​ഷ്‌ഠി​ക്കു​ന്ന​തിന്‌ തീർത്ഥാ​ട​കരെ സഹായി​ക്കാൻ പുരോ​ഹി​തൻമാർ കാത്തു​നിൽക്കു​ക​യാണ്‌. അവർ പുഷ്‌പ​ങ്ങ​ളർപ്പി​ക്കു​ക​യും പ്രാർത്ഥ​നകൾ ഉരുവി​ടു​ക​യും ചെയ്യുന്നു. പിന്നീട്‌ പുരോ​ഹി​തൻ ചുവന്ന​തോ മഞ്ഞയോ ആയ ചാന്തു​കൊണ്ട്‌ ആരാധ​ക​രു​ടെ നെററി​ക​ളിൽ തിലകം​ചാർത്തു​ന്നു. അടുത്ത​താ​യി നിർഭ​യ​മായ ഭക്തിയു​ടെ ഒരു ശ്രദ്ധേ​യ​മായ പ്രകടനം നടക്കുന്നു.

ഒരു നവംബർ ദിനത്തി​ലെ പാഞ്ഞൊ​ഴു​കുന്ന തണുത്ത വെള്ളങ്ങൾ തീർത്ഥാ​ട​കരെ പിന്തി​രി​പ്പി​ക്കു​ന്നില്ല. ചെറു​പ്പ​ക്കാ​രും പ്രായ​മു​ള്ള​വ​രും മരവിച്ച നദിയി​ലേക്ക്‌ സധീരം ഇറങ്ങുന്നു. ഒരുപക്ഷേ ഒരു ആയുഷ്‌ക്കാ​ലത്ത്‌ ഒരിക്ക​ലാ​യി ആസ്വദി​ക്കുന്ന ഈ അവസര​ത്തിൽ അവർ ഗംഗാ​ജലം തങ്ങളുടെ ശരീര​ങ്ങളെ മരവി​പ്പി​ക്കാൻ അനുവ​ദി​ക്കു​ന്നു. ജാഗ്ര​ത​യുള്ള മാതാ​പി​താ​ക്ക​ളു​ടെ കൈക​ളിൽ കൊച്ചു കുട്ടികൾ പോലും വെള്ളത്തിൽ കുതിർക്ക​പ്പെ​ടു​ന്നു. വിറച്ചു​കൊ​ണ്ടാ​ണെ​ങ്കി​ലും സംതൃ​പ്‌ത​രാ​യി കുളി​ക്കു​ന്നവർ സൂര്യന്റെ, സൂര്യ​ദേ​വന്റെ, മുമ്പിൽ തങ്ങളേ​ത്തന്നെ ചൂടു​പി​ടി​പ്പി​ക്കു​ന്ന​തിന്‌ കയറി​വ​രു​ന്നു. പിന്നീട്‌, അവർ ഹരിദ്വാ​റി​ലുള്ള നിരവധി ക്ഷേത്ര​ങ്ങ​ളിൽ ചിലതു സന്ദർശി​ക്കും, അല്ലെങ്കിൽ ഒരുപക്ഷേ മുകളിൽ 16 മൈൽ ദൂരത്തുള്ള ഋഷികേശിലേക്കു പോകും. അവിടെ, ഗംഗാ​തീ​ര​ങ്ങ​ളിൽ ഡസൻക​ണ​ക്കിന്‌ ആശ്രമങ്ങൾ നിരന്നു​നിൽക്കു​ന്നു. വിദേ​ശി​കൾ ധ്യാന​ത്തി​നും യോഗാ​ഭ്യാ​സ​ത്തി​നു​മാ​യി അവിടെ തടിച്ചു​കൂ​ടു​ന്നു.

രാത്രി​യാ​കു​ന്ന​തോ​ടെ തീർത്ഥാ​ടകർ ഒരു പ്രത്യേക ആരാധ​നാ​സ​മ​യ​ത്തി​നു​വേണ്ടി മടങ്ങി​വ​രു​ന്നു. കുടും​ബ​കൂ​ട്ട​ങ്ങ​ളും ഇണകളും പച്ചില​കൾകൊ​ണ്ടു നിർമ്മിച്ച ബലമുള്ള ചെറിയ ബോട്ട​ക​ളു​മാ​യി വരുന്നു. അവയിൽ നിറമാർന്ന സൂര്യ​കാ​ന്തി​പ്പൂ​ക്ക​ളും സുഗന്ധ​വാ​ഹി​ക​ളായ റോസാ​ദ​ള​ങ്ങ​ളും തിരി​യിട്ട ഒരു ചെറിയ കളിമൺക​പ്പും നിറക്കു​ന്നു. ഒരു യുവ മിഥു​നങ്ങൾ തങ്ങളുടെ ചെരി​പ്പു​ക​ളൂ​രി​യിട്ട്‌ ഒരുമി​ച്ചു പ്രാർത്ഥി​ക്കു​ക​യും തിരി​കൊ​ളു​ത്തു​ക​യും തങ്ങളുടെ ബോട്ട്‌ പാഞ്ഞൊ​ഴു​കുന്ന വെള്ളത്തിൽ സാവധാ​ന​ത്തിൽ നിക്ഷേ​പി​ക്കു​ക​യും ചെയ്യുന്നു. അനേകം നവദമ്പ​തി​ക​ളെ​പ്പോ​ലെ അവർ ആരോ​ഗ്യ​മുള്ള ഒരു കൊച്ചു പുത്രന്റെ രൂപത്തി​ലുള്ള അനു​ഗ്ര​ഹ​ത്തി​നാ​യി ഗംഗാ​ദേ​വി​യോ​ടു അപേക്ഷി​ച്ചി​രി​ക്കാം. മററു​ള്ള​വ​രും അതു​പോ​ലെ അപേക്ഷകൾ നടത്തി​യ​ശേഷം തങ്ങളുടെ കൊച്ചു ബോട്ടു​കൾ നദിയി​ലി​റ​ക്കു​ന്നു. പെട്ടെന്ന്‌ പൊങ്ങി​യും താണും നീങ്ങുന്ന വെളി​ച്ച​ങ്ങ​ളോ​ടു​കൂ​ടിയ ഒരു കപ്പൽഗണം വെള്ളത്തിൽ നിറയു​ക​യും പെട്ടെന്ന്‌ ശക്തമായ ഒഴുക്ക്‌ അവയെ താഴോ​ട്ടു വഹിച്ചു​കൊ​ണ്ടു​പോ​കു​ക​യും ചെയ്യുന്നു.

പെട്ടെന്ന്‌ ക്ഷേത്ര​മ​ണി​ക​ളു​ടെ ഉഗ്രമായ മുഴക്ക​ത്താൽ സായാ​ഹ്ന​സ​മാ​ധാ​നം ഭഞ്‌ജി​ക്ക​പ്പെ​ടു​ന്നു. ഈ ബഹളം കുറേ സമയം തുടരു​മ്പോൾ പുരോ​ഹി​തൻമാർ ജ്വലി​ക്കുന്ന വിളക്കു​കൾ നദിയു​ടെ വക്കിൽ നിന്നു വീശു​ക​യും ഗംഗക്ക്‌ സ്‌തു​തി​കൾ പാടു​ക​യും ചെയ്യുന്നു. അങ്ങനെ ആരാധ​ന​യു​ടെ​യും ഭക്തിയു​ടെ​യു​മായ മറെറാ​രു ദിവസം പര്യവ​സാ​നി​ക്കു​ന്നു.

“നിങ്ങളു​ടെ അമ്മയുടെ മുലപ്പാൽ കുടി​ക്കു​ന്നു”

നിസ്സം​ശ​യ​മാ​യി ഗംഗാ നദിക​ളു​ടെ ഇടയിൽ അനുപ​മ​മാണ്‌, എന്നാൽ അതിന്റെ ഭൗതി​ക​ഗു​ണങ്ങൾ സംബന്ധി​ച്ചല്ല. ലോക​ത്തി​ലെ ഏതാണ്ട്‌ 30 നദികൾ നീളം​കൂ​ടി​യ​വ​യാണ്‌. ഇൻഡ്യ​യിൽത്തന്നെ ബ്രഹ്മപു​ത്രാ​ന​ദി​യും സിന്ധു​ന​ദി​യും വളരെ നീളം​കൂ​ടി​യ​വ​യാണ്‌. എന്നിരു​ന്നാ​ലും ഹിമത്തിൽനി​ന്നുള്ള ഗംഗയു​ടെ എളിയ ഉത്ഭവം മുതൽ ബംഗാൾ ഉൾക്കട​ലി​ലേ​ക്കുള്ള അതിന്റെ പരന്നൊ​ഴു​കി​യുള്ള പതനം​വരെ ഗംഗാ അതിന്റെ 1678 മൈൽ നീളത്തി​ലു​ട​നീ​ളം ആരാധി​ക്ക​പ്പെ​ടു​ന്നു. രാജ്യത്തെ 80 കോടി ആളുക​ളിൽ മൂന്നി​ലൊന്ന്‌ ഗംഗാ​ന​ദീ​ത​ട​ത്തിൽ ജീവി​ക്കു​ന്നു. അവർ ആഹാര​ത്തി​നും വെള്ളത്തി​നും ജലസേ​ച​ന​ത്തി​നും വേണ്ടി ഭൗതി​ക​മാ​യി അതിനെ ആശ്രയി​ക്കു​ന്നു. മറേറ​തൊ​രു നദി​യെ​ക്കാ​ളു​മ​ധി​ക​മാ​യി ഗംഗാ ഇൻഡ്യ​യു​ടെ പ്രതീ​ക​മാ​യി​രി​ക്കു​ന്നു.

അതു​കൊണ്ട്‌ ഹൈന്ദ​വ​വി​ശ്വാ​സി​കൾക്ക്‌ ഗംഗാ ഗംഗാ മാതാവ ആണ്‌. ഈ നദി തന്റെ മക്കളെ ആത്മീയ​മാ​യും ഭൗതി​ക​മാ​യും പോറ​റു​ക​യും ശുദ്ധീ​ക​രി​ക്കു​ക​യും ചെയ്യുന്ന ഒരു വിശ്വ​സ്‌ത​മാ​താ​വാ​യി വീക്ഷി​ക്ക​പ്പെ​ടു​ന്നു. അതു​കൊണ്ട്‌ ഇൻഡ്യൻക​വി​യായ തുളസീ​ദാസ്‌ ഗംഗയെ ഭക്തി മുക്തി ദായിനി അതായത്‌ രക്ഷയും ഭൗതി​ക​സു​ഖ​വും പ്രദാ​നം​ചെ​യ്യു​ന്നവൾ എന്നു വർണ്ണിച്ചു. അവളിൽനി​ന്നു കുടി​ക്കു​ന്നത്‌ “നിങ്ങളു​ടെ അമ്മയുടെ മുലപ്പാൽ കുടി​ക്കു​ന്ന​തു​പോ​ലെ​യാണ്‌” എന്ന്‌ ഒരു ഭക്തൻ പറയു​ക​യു​ണ്ടാ​യി. ഇങ്ങനെ​യുള്ള വികാ​രങ്ങൾ ഈ നദിയും അതിന്റെ ആരാധ​ക​രും തമ്മിലുള്ള ഉററ ബന്ധത്തെ പ്രതി​ഫ​ലി​പ്പി​ക്കു​ന്നു. മുൻവർഷ​ങ്ങ​ളി​ലെ തീർത്ഥാ​ടകർ അതിന്റെ വെള്ളങ്ങ​ളിൽ മനഃപൂർവം മുങ്ങി​മ​രി​ച്ചു​കൊണ്ട്‌ വൈമ​ന​സ്യം കൂടാതെ ‘ജീവബലി’ അർപ്പി​ക്ക​ത്ത​ക്ക​വണ്ണം ഈ ബന്ധം അത്ര ശക്തമാ​യി​രു​ന്നി​ട്ടുണ്ട്‌.

ഈ ആദർശാ​ത്മ​ക​ചി​ത്ര​ത്തിന്‌ ഇന്ന്‌ ഒരു പുതിയ സ്വഭാ​വ​വും നിറവും കൈവ​ന്നി​ട്ടുണ്ട്‌. സമ്പൽസ​മൃ​ദ്ധ​മായ നഗരങ്ങളെ ചുററി​യൊ​ഴു​കുന്ന ഗംഗാ നഗരമാ​ലി​ന്യ​ങ്ങ​ളു​ടെ​യും രാസവ​സ്‌തു​ക്ക​ളു​ടെ​യും ഒരു നിരന്തര ആക്രമ​ണത്തെ ആഗിരണം ചെയ്യുന്നു. ഈ സാഹച​ര്യ​ത്തെ​ക്കു​റി​ച്ചു പരിത​പി​ച്ചു​കൊണ്ട്‌ ഒരു സിവിൾ എൻജി​നി​യർ ഇങ്ങനെ പ്രസ്‌താ​വി​ച്ചു: “സാധുക്കൾ കേവലം നദിയി​ലേക്ക്‌ മലവി​സർജ്ജനം നടത്തുന്നു, ധനികർ വ്യാവ​സാ​യി​ക​വി​സർജ്ജ്യ​ങ്ങൾ തള്ളുന്നു, മതഭക്തർ തങ്ങളുടെ ശവശരീ​രങ്ങൾ അതി​ലേക്ക്‌ എറിയു​ന്നു. കുറഞ്ഞ​പക്ഷം പതിനാ​യി​രം മൃതശ​രീ​രങ്ങൾ ഓരോ ദിവസ​വും ഈ നദിയി​ലേ​ക്കെ​റി​യ​പ്പെ​ടു​ന്നു​ണ്ടെന്ന്‌ കണക്കാ​ക്ക​പ്പെ​ടു​ന്നു. എന്നിട്ടും, വാരണാ​സി നഗരത്തിൽ (ബനാറസ്‌) ദിവസ​വും ആഹ്ലാദ​ചി​ത്ത​രായ കുളി​കാർ ഇപ്പോൾ ഇരുണ്ട തവിട്ടു​നി​റ​മായ വെള്ളത്തിൽ കർമ്മാ​നു​ഷ്‌ഠാ​ന​പ​ര​മാ​യി മുങ്ങുന്നു, അടുത്തുള്ള ദഹനസ്ഥ​ല​ങ്ങ​ളിൽനിന്ന്‌ വന്ന്‌ പൊങ്ങി​ക്കി​ട​ക്കുന്ന ജീർണ്ണാ​വ​ശി​ഷ്ടങ്ങൾ വിസ്‌മ​രി​ച്ചു​കൊ​ണ്ടു​തന്നെ. വിശ്വാ​സ​ത്തോ​ടെ അവർ സൂര്യാ​രാ​ധ​ന​യു​ടെ ഭാഗമാ​യി അല്‌പം ഗംഗാ​ജലം അകത്താ​ക്കി​ക്കൊണ്ട്‌ ആചമനം നടത്തുന്നു.

“ഞാൻ മരിക്കു​ന്ന​തു​വരെ ഞാൻ പുണ്യ​സ്‌നാ​നം നടത്തു​ന്ന​തിൽ തുടരും” എന്ന്‌ ഗംഗക്കു സമീപം വസിക്കുന്ന ഒരു ശാസ്‌ത്രജ്ഞൻ പറയു​ക​യു​ണ്ടാ​യി. “എന്നാൽ ഞാൻ ആചമനം നടത്തുന്ന ഓരോ പ്രാവ​ശ്യ​വും . . . , എന്നിൽ ഭയങ്കര​മായ ഒരു പോരാ​ട്ടം നടക്കു​ന്നുണ്ട്‌.” ഈ പ്രസ്‌താ​വ​ന​യെ​ക്കു​റിച്ച്‌ ഒരു ഇൻഡ്യൻമാ​സിക ഇങ്ങനെ പറഞ്ഞു: “താൻ കുടി​ക്കുന്ന വെള്ളം മലിന​മാ​ണെന്ന്‌ ഒരു ശാസ്‌ത്രജ്ഞൻ എന്ന നിലയിൽ പ്രൊ​ഫസ്സർ മിശ്ര​ക്ക​റി​യാം. എന്നാൽ മഹന്ത്‌ വീരഭദ്ര മിശ്രക്ക്‌ ഗംഗാ പുണ്യ​ജലം കുടി​ക്കാ​തി​രി​ക്കാൻ നിർവാ​ഹ​മില്ല. ഒരുപക്ഷേ ഗംഗ​യോട്‌ ഹിന്ദു​ക്കൾക്കുള്ള വികാ​ര​ങ്ങ​ളു​ടെ ഇതിലും മെച്ചപ്പെട്ട ദൃഷ്ടാ​ന്ത​മില്ല.”

ഹൈന്ദ​വാ​രാ​ധ​കർ ഗംഗ​യോട്‌ ഇത്ര ഭക്തരാ​യി​രി​ക്കു​ന്ന​തെ​ന്തു​കൊണ്ട്‌? അതിന്റെ ഐതി​ഹാ​സി​ക​മായ ഉത്ഭവത്തി​ന്റെ​യും അതിലെ വെള്ളത്തി​നു​ള്ള​താ​യി പറയ​പ്പെ​ടുന്ന ശക്തിക​ളു​ടെ​യും പുരാണം അറിയാൻപാ​ടി​ല്ലാ​ത്ത​വർക്ക്‌ ഇതെല്ലാം വിസ്‌മ​യ​മാ​യി​രി​ക്കാം. ഇവയി​ലാണ്‌ ഗംഗക്ക്‌ ജനങ്ങളു​ടെ​മേ​ലുള്ള സ്വാധീ​ന​ത്തി​ന്റെ രഹസ്യം സ്ഥിതി​ചെ​യ്യു​ന്നത്‌.

സ്വർഗ്ഗ​ത്തിൽനി​ന്നുള്ള ഇറക്കം—എന്തിന?

ഗംഗയു​ടെ ഐതി​ഹ്യം ഏത്‌ ഹൈന്ദ​വ​ദൈ​വ​ങ്ങ​ളു​ടെ​യും ദേവി​ക​ളു​ടെ​യും കഥകൾ പോലെ വിപു​ല​മാ​യി മെന​ഞ്ഞെ​ടു​ത്തി​ട്ടു​ള്ള​താണ്‌. കൃത്യ​മായ വിശദാം​ശങ്ങൾ വ്യത്യാ​സ​പ്പെ​ട്ടി​രി​ക്കു​ന്നു, എന്നാൽ ചുരു​ക്ക​ത്തിൽ കഥ പോകു​ന്ന​തി​ങ്ങ​നെ​യാണ്‌:

സാഗര​രാ​ജാ​വിന്‌ 60,000 പുത്രൻമാ​രു​ണ്ടാ​യി​രു​ന്നു, അവർ കപില​മു​നി​യാൽ കൊല്ല​പ്പെട്ടു. ഗംഗാ​ദേവി അവരെ ശുദ്ധീ​ക​രി​ക്കാ​നും ശാപ​മോ​ക്ഷം​കൊ​ടു​ക്കാ​നും സ്വർഗ്ഗ​ത്തിൽനിന്ന്‌ ഇറങ്ങി​വ​രാ​ത്ത​പക്ഷം അവരുടെ ദേഹികൾ ഭൂമി​യിൽ എന്നേക്കും ഉഴന്നു​ന​ട​ക്കാൻ ശപിക്ക​പ്പെട്ടു. മറെറാ​രു രാജാ​വായ ഭഗീര​ഥി​യു​ടെ തപസ്സു​നി​മി​ത്തം ഗംഗാ ഭൂമി​യി​ലേക്കു വരുക​യും ശിവന്റെ തലമു​ടി​യിൽ—ഹിമാ​ല​യ​ശൃം​ഗ​ങ്ങ​ളിൽ—ഉടക്കു​ക​യും​ചെ​യ്‌തു. അവി​ടെ​നിന്ന്‌ അവൾ സമു​ദ്ര​ത്തി​ലേക്ക്‌ കുതി​ച്ചു​പാ​യു​ക​യും അവളുടെ വെള്ളങ്ങൾ സാഗര​രാ​ജാ​വി​ന്റെ 60,000 പുത്രൻമാ​രെ ശുദ്ധീ​ക​രി​ക്കു​ക​യും അവരെ പറുദീ​സ​യിൽ പുനഃ​സ്ഥാ​പി​ക്കു​ക​യും ചെയ്‌തു.

നൂററാ​ണ്ടു​ക​ളിൽ ദശലക്ഷങ്ങൾ ഗംഗാ സന്ദർശി​ക്കു​ക​യും ആരാധി​ക്കു​ക​യും ചെയ്‌തി​ട്ടു​ള്ള​തെ​ന്തു​കൊ​ണ്ടെ​ന്നുള്ള​തി​ന്റെ ഉത്തരം ഇവിടെ സ്ഥിതി​ചെ​യ്യു​ന്നു. ആരാധകർ പറയു​ന്ന​ത​നു​സ​രിച്ച്‌ ഗംഗക്ക്‌ മോച​ന​ത്തി​ന്റെ​യും നിർമ്മ​ലീ​ക​ര​ണ​ത്തി​ന്റെ​യും ശുദ്ധീ​ക​ര​ണ​ത്തി​ന്റെ​യും രോഗ​ശാ​ന്തി​യു​ടെ​യും ശക്തിക​ളുണ്ട്‌. ഒരു പുരാതന ഹൈന്ദ​വ​ലി​ഖി​ത​മായ ദി ബ്രഹ്മാ​ന​ന്ദ​പു​രാണ ഇങ്ങനെ പറയുന്നു: “ശുദ്ധമായ ഗംഗാ​പ്ര​വാ​ഹ​ങ്ങ​ളിൽ ഭക്തിപൂർവം ഒരിക്കൽ കുളി​ക്കു​ന്ന​വർക്ക്‌, അവരുടെ ഗോ​ത്രങ്ങൾ ശതസഹ​സ്ര​ക്ക​ണ​ക്കിന്‌ അപകട​ങ്ങ​ളിൽനിന്ന്‌ അവളാൽ സംരക്ഷി​ക്ക​പ്പെ​ടു​ന്നു. തലമു​റ​ക​ളിൽ കുന്നു​കൂ​ടിയ തിൻമകൾ നശിപ്പി​ക്ക​പ്പെ​ടു​ന്നു. ഗംഗയിൽ കുളി​ക്കു​ന്ന​തു​കൊ​ണ്ടു​മാ​ത്രം ഒരുവന്‌ സത്വര​ശു​ദ്ധി ലഭിക്കു​ന്നു.” കൂടാതെ, ഗംഗാ​ജലം കുടി​ക്കു​ന്ന​തി​നാൽ അമർത്യ​ത​പ്രാ​പി​ക്കു​ന്നു​വെ​ന്നും പറയ​പ്പെ​ടു​ന്നു. ഗംഗയിൽ മരിക്കു​ന്ന​തും അതിന്റെ തീരങ്ങ​ളിൽ ദഹിപ്പി​ക്ക​പ്പെ​ടു​ന്ന​തും ഒരുവന്റെ ചിതാ​ഭ​സ്‌മം നദിയിൽ നിക്ഷേ​പി​ക്ക​പ്പെ​ടു​ന്ന​തും നിത്യ​മോ​ക്ഷ​ത്തി​ലേക്കു നയിക്കു​ന്നു​വെന്ന്‌ വിചാ​രി​ക്ക​പ്പെ​ടു​ന്നു. അനേക​രും അമർത്യ​മെന്നു വിശ്വ​സി​ക്കുന്ന ദേഹി അതിന്‌ ദൈവ​സ​ത്ത​യിൽ ലയിച്ചു​കൊണ്ട്‌ ഒടുവിൽ വിശ്ര​മി​ക്കാൻ കഴിയ​ത്ത​ക്ക​വണ്ണം പുനർജ്ജൻമ​ച​ക്ര​ത്തിൽനിന്ന്‌ വിമു​ക്ത​മാ​കു​ന്നു​വെന്ന്‌ പറയ​പ്പെ​ടു​ന്നു.

സകല ജനതക​ളു​ടെ​യും രോഗ​ശാ​ന്തി അടുത്തി​രി​ക്കു​ന്നു

ആത്മീയ ശുദ്ധീ​ക​ര​ണ​ത്തി​നും കഷ്ടപ്പാ​ടിൽനി​ന്നുള്ള വിമോ​ച​ന​ത്തി​നു​മുള്ള ആഗ്രഹം എല്ലായി​ട​ത്തു​മുള്ള മനുഷ്യർക്ക്‌ അടിസ്ഥാ​ന​പ​ര​മാ​യി​ട്ടു​ള്ള​താ​ണെന്ന്‌ തോന്നു​ന്നു. ലോക​ത്തി​ന്റെ മററു ഭാഗങ്ങ​ളിൽ രക്ഷ അഥവാ മുക്തി മററു വിധങ്ങ​ളിൽ തേടുന്നു. ചിലർ പാപ​മോ​ച​ന​ത്തി​നാ​യി ഒരു പുരോ​ഹി​ത​നെ​പ്പോ​ലെ​യുള്ള മദ്ധ്യസ്ഥ​നോട്‌ തങ്ങളുടെ പാപങ്ങൾ ഏററു​പ​റ​യു​ക​യും അനന്തരം ആവശ്യ​മായ പ്രായ​ശ്ചി​ത്തം ചെയ്യു​ക​യും ചെയ്യുന്നു. പ്രാർത്ഥ​ന​ക​ളാ​ലും വിശു​ദ്ധ​വേ​ദ​ങ്ങ​ളു​ടെ വായന​യാ​ലും യാഗങ്ങ​ളാ​ലും ദാനധർമ്മ​ങ്ങ​ളാ​ലും അല്ലെങ്കിൽ ആത്മപരി​ത്യാ​ഗ​ത്താ​ലും ഒരു മനുഷ്യന്‌ തന്റെ അകൃത്യ​ങ്ങ​ളിൽനി​ന്നുള്ള ശുദ്ധീ​ക​രണം നേടാ​മെ​ന്നും മരണാ​ന​ന്തരം അനു​ഗ്ര​ഹങ്ങൾ പ്രാപി​ക്കാ​മെ​ന്നും വിചാ​രി​ക്കു​ന്നു. എന്നാൽ അത്തരം വിരു​ദ്ധ​ങ്ങ​ളായ ആശയങ്ങ​ളു​ള്ള​പ്പോൾ പാപത്തിൽനി​ന്നും മരണത്തിൽനി​ന്നും മോച​നം​നേ​ടു​ന്ന​തിന്‌ തിട്ടമുള്ള വഴിയു​ണ്ടോ?

വിശുദ്ധ എഴുത്തു​ക​ളു​ടെ ഒരു പുരാതന പുസ്‌ത​ക​മായ ബൈബി​ളും ഒരു നദി​യോ​ടുള്ള ബന്ധത്തിൽ മനുഷ്യ​വർഗ്ഗ​ത്തിന്‌ ആത്മീയ ശുദ്ധീ​ക​ര​ണ​വും രോഗ​ശാ​ന്തി​യും കിട്ടു​ന്ന​തി​നെ​ക്കു​റി​ച്ചു പറയു​ന്നു​വെ​ന്നത്‌ കൗതു​ക​ക​ര​മാണ്‌. പ്രവാ​ച​ക​നും എഴുത്തു​കാ​ര​നു​മായ യോഹ​ന്നാൻ ദൈവ​ത്തി​ന്റെ സിംഹാ​സ​ന​ത്തിൽനിന്ന്‌ പുറ​പ്പെ​ടുന്ന “ഒരു ജീവജ​ല​നദി”യുടെ ദർശനം കണ്ടു. അതിന്റെ തീരങ്ങ​ളിൽ കുളി​ക്കു​ന്ന​വ​രു​ണ്ടാ​യി​രി​ക്കു​ന്ന​തി​നു പകരം “ജനതക​ളു​ടെ രോഗ​ശാ​ന്തി​ക്കു​വേണ്ടി”യുള്ള സമൃദ്ധ​മായ ഫലവൃ​ക്ഷ​ങ്ങ​ളാ​ണു​ണ്ടാ​യി​രു​ന്നത്‌.—വെളി​പ്പാട്‌ 22:1, 2.

മനുഷ്യ​വർഗ്ഗ​ത്തെ പാപത്തിൽനി​ന്നും മരണത്തിൽനി​ന്നും എന്നേക്കും മോചി​പ്പി​ക്കു​ന്ന​തി​നും നിത്യ​ജീ​വൻ പ്രദാ​നം​ചെ​യ്യു​ന്ന​തി​നു​മുള്ള സ്രഷ്ടാ​വി​ന്റെ അത്ഭുത​ക​ര​മായ കരുത​ലു​ക​ളെ​ക്കു​റിച്ച്‌ ബൈബിൾ ഇവിടെ പ്രതീ​കാ​ത്മ​ക​മാ​യി സംസാ​രി​ക്കു​ക​യാണ്‌. ഈ കരുത​ലിൻകീ​ഴിൽ ഗംഗാ​ജ​ല​ത്തിൽ കുളി​ച്ചി​ട്ടുള്ള പുരു​ഷാ​ര​ങ്ങൾക്കും ഗംഗാ ഒരിക്ക​ലും കണ്ടിട്ടി​ല്ലാത്ത ദശലക്ഷ​ങ്ങൾക്കും വളരെ അടുത്ത ഭാവി​യിൽ പാപത്തിൽനി​ന്നുള്ള ശുദ്ധീ​ക​ര​ണ​വും മരണത്തിൽനി​ന്നുള്ള വിമോ​ച​ന​വും പ്രാപി​ക്കു​ന്ന​തി​നുള്ള അവസരം ലഭിക്കും.a (g89 3⁄22)

[അടിക്കു​റി​പ്പു​കൾ]

[17-ാം പേജിലെ ചിത്രം]

നിരവധി ക്ഷേത്ര​ങ്ങൾക്കും ദേവാ​ല​യ​ങ്ങൾക്കു​മി​ട​യിൽ സകല തരത്തി​ലു​മുള്ള ആളുകൾ ഗംഗയിൽ കുളി​ക്കാൻ വന്നെത്തു​ന്നു

[17-ാം പേജിലെ ചിത്രം]

നദിയുടെ വക്കിൽ ഗംഗാ​പൂ​ജ​യു​ടെ അഥവാ ആരാധ​ന​യു​ടെ കർമ്മങ്ങൾ സംബന്ധിച്ച്‌ ഒരു പുരോ​ഹി​തൻ ഒരു സ്‌ത്രീ​യെ സഹായി​ക്കു​ന്നു

[18-ാം പേജിലെ ചിത്രം]

ഹരിദ്വാറിലെ അനേകം ക്ഷേത്ര​ങ്ങ​ളി​ലൊ​ന്നി​ലെ ഹൈന്ദ​വ​ദേ​വൻമാ​രു​ടെ​യും ദേവി​ക​ളു​ടെ​യും ഒരു ഗണം

[19-ാം പേജിലെ ചിത്രം]

ഒരു ചെറു​പ്പ​ക്കാ​രി തന്റെ ഇലബോട്ട്‌ ഗംഗയിൽ വിടാൻ ഒരുങ്ങു​ന്നു