മനുഷ്യ​ശ​ക്തി​യാൽ ഇതു നിർത്താൻ കഴിയു​മോ?

ആയുധ​വ്യാ​പാ​രി​കൾ ദരി​ദ്ര​രിൽനിന്ന്‌ വമ്പിച്ച അളവിൽ അവശ്യ​സാ​ധ​ന​ങ്ങ​ളും സേവന​ങ്ങ​ളും അപഹരി​ക്കു​ന്നു​വെ​ങ്കി​ലും ജനങ്ങൾ അവരെ തടയാ​ത്തത്‌ എന്തു​കൊണ്ട്‌? ലളിത​മായ ഉത്തരം: പണവും ശക്തിയും ആയുധ​വ്യാ​പാ​ര​ത്തി​ന്റെ വരുതി​യി​ലാണ്‌. ഈ വൻ വ്യാപാ​ര​ത്തി​ന്റെ, വ്യാപ്‌തി, താൽപ്പ​ര്യ​ങ്ങൾ, രീതികൾ എന്നിവ​യെ​ക്കു​റി​ച്ചുള്ള പിൻവ​രുന്ന വസ്‌തു​തകൾ മാനു​ഷ​ശ​ക്തിക്ക്‌ ഇത്‌ നിർത്താൻ കഴിയാ​ത്ത​തെ​ന്തു​കൊണ്ട്‌ എന്നു മനസ്സി​ലാ​ക്കാൻ നിങ്ങളെ സഹായി​ക്കും.

അനേക​മാ​ളു​കൾ ആയുധ​വ്യാ​പാ​രം​കൊണ്ട്‌ ജീവി​ക്കു​ന്നു. ഈ നൂററാ​ണ്ടി​ന്റെ ആരംഭം മുതൽ ആയുധ​വ്യാ​പാ​രം ലോക​ത്തി​ലെ ഏററവും വലിയ രാജ്യാ​ന്ത​ര​വ്യ​വ​സാ​യ​മാണ്‌. അതു ലോക​വ്യാ​പ​ക​മാ​യി 5കോടിയോളം ആളുകൾക്ക്‌ നേരി​ട്ടോ അല്ലാ​തെ​യോ തൊഴിൽ നൽകുന്നു. കൂടാതെ ലോക​ത്തി​ലെ ശാസ്‌ത്ര​ജ്ഞൻമാ​രിൽ നാലി​ലൊന്ന്‌ അഥവാ അഞ്ചുല​ക്ഷ​ത്തോ​ളം സൈനി​ക​ഗ​വേ​ഷ​ണ​ങ്ങ​ളിൽ ഏർപ്പെ​ട്ടി​രി​ക്കു​ന്നു.

ബൃഹത്തായ സാമ്പത്തിക താൽപ്പ​ര്യ​ങ്ങൾ ഉൾപ്പെ​ടു​ന്നു. 1960 മുതൽ ലോക​രാ​ഷ്‌ട്രങ്ങൾ പതിന​ഞ്ചു​ല​ക്ഷത്തി ഇരുപ​തി​നാ​യി​രം കോടി ഡോളർ (1984-ലെ മൂല്യ​പ്ര​കാ​ര​മുള്ള 1,52,00,00,00,00,000 യു. എസ്സ്‌. ഡോളർ) ആയുധ​മൽസ​ര​ത്തി​നു ചെലവ​ഴി​ച്ചു. ആയുധ​ങ്ങൾക്കുള്ള ആവശ്യം തുടരു​ക​യും ചെയ്യുന്നു. ദൃഷ്ടാ​ന്ത​ത്തിന്‌ 1987ൽ സൈനി​ക​ച്ചെ​ല​വു​കൾ ഒരു മിനി​ട്ടിൽ 18 ലക്ഷം ഡോളർ എന്ന ഒരു പുതിയ ഉച്ചാവ​സ്ഥ​യിൽ എത്തി! 1987ൽ നടന്ന ഇരുപ​ത്തി​രണ്ടു യുദ്ധങ്ങ​ളിൽ കുറഞ്ഞത്‌ 22ലക്ഷം പേർ മരിച്ചു—രേഖ​പ്പെ​ടു​ത്തിയ ചരി​ത്ര​ത്തിൽ ഏതു മുൻവർഷ​ത്തേ​തി​ലു​മ​ധി​കം യുദ്ധങ്ങൾ!a രേഖ​പ്പെ​ടു​ത്ത​പ്പെട്ട ചരി​ത്ര​ത്തിൽ വച്ച്‌ ഏററവും രക്തരൂ​ക്ഷി​ത​വും വിഭവ​ശേഷി ഉപയോ​ഗ​പ്പെ​ടു​ത്തി​യ​തു​മായ പ്രാ​ദേ​ശിക യുദ്ധ​മെന്നു ചൂണ്ടി​ക്കാ​ണി​ക്ക​പ്പെ​ടുന്ന ഇറാൻ ഇറാക്ക്‌ യുദ്ധത്തിൽ ലോക​മെ​മ്പാ​ടും നിന്ന്‌ ആയുധങ്ങൾ ശേഖരി​ക്ക​പ്പെട്ടു.

സമാധാ​ന​ത്തെ​പ്പ​ററി ധാരാളം പറയ​പ്പെ​ടു​ന്നു​വെ​ങ്കി​ലും ആഗോള സൈനി​ക​ച്ചെ​ലവ്‌ ലക്ഷം കോടി ഡോള​റി​ലെ​ത്തി​യി​രി​ക്കു​ന്നു. യഥാർത്ഥ​ത്തിൽ സമാധാ​നം നിലനിർത്താ​നുള്ള യത്‌ന​ങ്ങൾക്കു ചെലവ​ഴി​ക്കു​ന്ന​തി​ന്റെ മൂവാ​യി​ര​ത്തോ​ളം മടങ്ങ്‌ സൈനി​ക​സം​രം​ഭ​ങ്ങൾക്കാ​യി ലോകം ചെലവ​ഴി​ക്കു​ന്നു!

ആഗോള ആയുധ​ച്ച​ന്ത​യു​ടെ കൗണ്ടറു​കൾക്കു പിന്നിൽ അനേകം രാഷ്‌ട്രങ്ങൾ നിൽക്കു​ന്നു. രണ്ടു വൻശക്തി​ക​ളാണ്‌ ലോക​ത്തി​ലെ പ്രമുഖ ആയുധ​വിൽപ്പ​ന​ക്കാർ. ഫ്രാൻസ്‌, ബ്രിട്ടൻ, പശ്ചിമ​ജർമ്മനി, ഇററലി ഇവയാണ്‌ പശ്ചിമ​യൂ​റോ​പ്പി​ന്റെ വലിയ ആയുധ​ക്ക​ച്ച​വ​ട​ക്കാർ. ഗ്രീസ്‌, സ്‌പെ​യിൻ, ആസ്‌ത്രിയ എന്നിവ അടുത്ത​കാ​ലത്ത്‌ അവയോ​ടു ചേർന്നു.

നിഷ്‌പ​ക്ഷ​രാ​ഷ്‌ട്ര​ങ്ങൾപോ​ലും ആയുധ​ങ്ങ​ളും സൈനിക സാങ്കേ​തിക വിദ്യ​യും വിൽക്കു​ന്നു. സമാധാ​ന​ത്തി​നുള്ള നോബൽ സമ്മാന​ത്തി​നു ആവിർഭാ​വ​മേകി എന്ന ബഹുമ​തി​യുള്ള സ്വീഡ​നിൽ കയററു​മ​തി​ക്കാ​യി സ്‌ഫോ​ടക വസ്‌തു​ക്ക​ളും പീരങ്കി​ക​ളും ജററു​വി​മാ​ന​ങ്ങ​ളും നിർമ്മി​ക്കു​ന്ന​തി​നുള്ള ലോക​ത്തേ​റ​റ​വും മെച്ചമായ രണ്ടു ആയുധ​ക്ക​മ്പ​നി​കൾ ഉണ്ട്‌. റെഡ്‌​ക്രോ​സി​നും മനുഷ്യ​സ്‌നേ​ഹ​പ​ര​മായ യത്‌ന​ങ്ങൾക്കും വേണ്ടി പ്രതി​ജ്ഞാ​ബ​ദ്ധ​മായ സ്വിറ​റ്‌സർല​ണ്ടും അന്തർദ്ദേ​ശീയ ആയുധ​വ്യാ​പാ​ര​ത്തിൽ ഉൾപ്പെ​ട്ടി​രി​ക്കു​ന്നു. ഈ കടുത്ത മൽസര​ത്തിന്‌ ആക്കം കൂട്ടു​വാൻ കൂടുതൽ മൂന്നാം ലോക​രാ​ഷ്‌ട്ര​ങ്ങ​ളും ആയുധ​ഉൽപ്പാ​ദ​ക​രാ​യി​ത്തീ​രു​ക​യാണ്‌.

കഴുത്ത​റപ്പൻ മൽസരം

തങ്ങളുടെ ഉൽപ്പന്നങ്ങൾ (അവ കാറു​ക​ളോ, ഷേവിംഗ്‌ ഉപകര​ണ​ങ്ങ​ളോ, ചൂലു​ക​ളോ ആയാലും) ആണ്‌ ഏററവും മെച്ച​മെന്ന്‌ പരസ്യ​ങ്ങ​ളി​ലൂ​ടെ ജനങ്ങളെ ബോദ്ധ്യ​പ്പെ​ടു​ത്താൻ എല്ലാ വ്യാപാ​രി​ക​ളും ഇഷ്ടപ്പെ​ടു​ന്നു. അങ്ങനെ​തന്നെ ചെല​വേ​റിയ മുഴു​വർണ്ണ​വ്യാ​പാര പത്രി​ക​ക​ളി​ലൂ​ടെ വ്യാപാ​രി​കൾ തങ്ങളുടെ മാരക ഉൽപ്പന്ന​ങ്ങളെ ഹിംസാ​ത്മ​ക​സു​നി​ശ്ചി​ത​മാ​ക്ക​പ്പെട്ടവ​യെന്നു പരസ്യ​പ്പെ​ടു​ത്തു​ന്നു.

പ്രഭാ​ത​ദി​ന​പ്പ​ത്ര​ത്തിൽ പിൻവ​രു​ന്ന​പോ​ലെ ഒരു പരസ്യം വായി​ച്ചാൽ നിങ്ങളു​ടെ പ്രതി​ക​രണം എന്തായി​രി​ക്കും: “നാശം വിതക്കുന്ന മി​സ്സൈ​ലാ​ണോ അന്വേഷിക്കുന്നത്‌? RBS 70 ഉയർന്ന നശീക​ര​ണ​ക്ഷ​മ​ത​യുള്ള സ്‌ഫോ​ട​ക​വ​സ്‌തു വഹിക്കു​ന്നു”? മറെറാ​രു പരസ്യം ഭാരം കുറഞ്ഞ ടാങ്ക്‌വേധ ആയുധത്തെ ഇങ്ങനെ അവതരി​പ്പി​ക്കും: “ഒററ പ്രഹരം—വധം സുനി​ശ്ചി​തം! . . . യാതൊ​ന്നും ഇതു തടയാൻ പര്യാ​പ്‌തമല്ല”?

സാധാ​ര​ണ​പ​ത്ര​ങ്ങ​ളിൽ പരസ്യ​പ്പെ​ടു​ത്തി​യാൽ ഇത്തരം പരസ്യങ്ങൾ ജനങ്ങളെ അസ്വസ്ഥ​രാ​ക്കും. എന്നാൽ ആയുധ​വ്യാ​പാ​ര​പ്ര​സി​ദ്ധീ​ക​ര​ണങ്ങൾ ഇവകൊ​ണ്ടു നിറഞ്ഞി​രി​ക്കു​ന്നു. ശത്രു​വി​നും ഇതു​പോ​ലെ തന്നെ മാരക​വും ഇതു​പോ​ലെ​തന്നെ സൂക്ഷ്‌മ​ത​യു​ള്ള​തും ഇത്രതന്നെ സാങ്കേ​തിക മേൻമ​യു​ള്ള​തു​മായ ഇതേ ആയുധങ്ങൾ നൽകു​ന്നു​വെന്ന്‌ ഒരിട​ത്തും പറയു​ന്നില്ല. ഈ ആയുധങ്ങൾ എങ്ങനെ ഉപയോ​ഗി​ക്ക​പ്പെ​ടു​മെ​ന്നോ ഈ ഭീകര​മായ ആയുധ​ങ്ങ​ളാൽ സാമാ​ന്യ​ജനം—ആത്യന്തിക “ഉപഭോ​ക്താ​ക്കൾ”—എങ്ങനെ ബാധി​ക്ക​പ്പെ​ടു​മെ​ന്നോ ഒരിട​ത്തും പരാമർശി​ക്കു​ന്നില്ല.

വ്യാജ​വ്യാ​പാ​രം

ആയുധം സംബന്ധിച്ച കൂടുതൽ ഇടപാ​ടു​ക​ളും ഗവൺമെൻറു​കൾ തമ്മിൽ ആണെങ്കി​ലും രഹസ്യ​വ്യാ​പാ​ര​മാ​ണിത്‌. ഒരു സ്വകാര്യ റിപ്പോർട്ടു പറയു​ന്നത്‌: “ഒരു വ്യാപ​ക​മായ വ്യാപാര സംഘം അംഗീ​കൃ​തസ​ര​ണി​ക​ളി​ലെ​ന്ന​തു​പോ​ലെ​തന്നെ വ്യാജ​മാ​യും പ്രവർത്തി​ക്കു​ന്നു. ഗവൺമെൻറു​കൾ സ്വന്തം താത്‌പ​ര്യ​ങ്ങൾ പിന്തു​ട​രു​ന്നു, മിക്ക​പ്പോ​ഴും രഹസ്യ​മാ​യി.”

ആയുധ​നിർമ്മാ​താ​ക്ക​ളായ അനേകം രാജ്യ​ങ്ങൾക്കും യുദ്ധത്തി​ലേർപ്പെ​ട്ടി​രി​ക്കുന്ന രാഷ്‌ട്ര​ങ്ങ​ളി​ലേ​ക്കുള്ള ആയുധ​ക്ക​യ​റ​റു​മതി നിയ​ന്ത്രി​ക്കുന്ന കർശന​നി​യ​മങ്ങൾ ഉണ്ടെന്നി​രു​ന്നാ​ലും അവരുടെ ആയുധങ്ങൾ യുദ്ധക്ക​ള​ങ്ങ​ളി​ലേ​ക്കുള്ള വഴി കണ്ടെത്തു​ന്നു. സ്‌റേ​റാ​ക്ക്‌ഹോം സാർവ്വ​ദേ​ശീയ സമാധാന ഗവേഷ​ണ​സ്ഥാ​പനം കാരണം വിശദീ​ക​രി​ക്കു​ന്നു: “നിയമാ​നു​സൃ​ത​മായ ‘വെളുത്ത’ ആയുധ​വ്യാ​പാ​ര​വും ‘നിറം മങ്ങിയ​തും’ ‘കറുത്ത​തു​മായ’ വ്യാജ​മായ ആയുധ​ഇ​ട​പാ​ടു​ക​ളും തമ്മിൽ വേർതി​രി​ക്കു​ന്ന​തിന്‌ സൂക്ഷ്‌മ​മായ ഉപാധി​കൾ ഒന്നുമില്ല. ആയുധങ്ങൾ വിൽക്കുന്ന ഒരു രാജ്യ​ത്തി​നും എങ്ങനെ, ആർക്കെ​തി​രെ, ആരാൽ ഈ ആയുധങ്ങൾ ഉപയോ​ഗി​ക്ക​പ്പെ​ട​ണ​മെന്ന്‌ പൂർണ്ണ​മായ നിയ​ന്ത്രണം ചെലു​ത്താൻ കഴിയു​മെന്നു തോന്നു​ന്നില്ല.” ആയുധ​വ്യാ​പാ​ര​ത്തെ​ക്കു​റി​ച്ചുള്ള ഒരു ന്യൂസ്‌ വീക്ക്‌ റിപ്പോർട്ട്‌ ചൂണ്ടി​ക്കാ​ട്ടു​ന്നു: “ആയുധ​വിൽപ്പ​ന​ക്കു​വേ​ണ്ടി​യുള്ള മൽസര​ത്തിൽ കൂടുതൽ രാജ്യങ്ങൾ പ്രവേ​ശി​ക്കു​ന്ന​തോ​ടെ ആയുധ വിൽപ്പന സംബന്ധിച്ച നിയ​ന്ത്ര​ണങ്ങൾ തകരാൻ സാദ്ധ്യ​ത​യുണ്ട്‌.”

ഗവൺമെൻറു​കൾ തമ്മിലുള്ള ഈ അന്തർദ്ദേ​ശീയ ആയുധ​വ്യ​പാ​ര​ത്തി​ന്റെ നിഴലിൽ സ്വകാര്യ വിൽപ്പ​ന​ക്കാ​രു​ടെ ഒരു പടതന്നെ ലോക​മാ​സ​കലം പ്രവർത്തി​ക്കു​ന്നു. അവർ ഉന്നതരാ​ഷ്‌ട്രീയ സൈനിക വൃത്തങ്ങ​ളിൽ സമ്പർക്കം പുലർത്തു​ന്നു. ഇവരു​ടെ​യി​ട​യിൽ വലിയ ആയുധ വ്യവസാ​യി​കൾ നിയമി​ച്ചി​ട്ടുള്ള വിൽപ്പ​ന​ക്കാർ, ഒരിക്ക​ലും ആയുധം തൊടാത്ത ഏജൻറൻമാർ (മദ്ധ്യവർത്തി​കൾ), ആയുധ​ങ്ങൾക്കു​വേണ്ടി മയക്കു​മ​രുന്ന്‌ വ്യാപാ​രം ചെയ്യുന്ന കള്ളക്കട​ത്തു​കാർ, ചെറു​കിട കൊള്ള​ലാ​ഭ​മോ​ഹി​കൾ എന്നിവ​രുണ്ട്‌.

പണത്തി​നു​വേ​ണ്ടി​യുള്ള പരക്കം പാച്ചി​ലിൽ ചില ആയുധ​ക്ക​മ്പ​നി​കൾ സകല പരിധി​യും ലംഘി​ക്കു​ന്നു. ആയുധ​വ്യാ​പാ​ര​ത്തി​ന്റെ ഒരു സൂക്ഷ്‌മ​നി​രീ​ക്ഷ​ക​നായ ആന്തണി സാംപ്‌സന്റെ അഭി​പ്രാ​യ​പ്ര​കാ​രം അവർ ഏർപ്പെ​ടു​ന്ന​താ​യി ആരോ​പി​ക്ക​പ്പെ​ടുന്ന ചില ഉപജാ​പങ്ങൾ പിൻവ​രുന്ന ലിസ്‌ററ്‌ കാണിച്ചു തരുന്നു:

1. യുദ്ധഭീ​തി വളർത്തു​ക​യും, യുദ്ധാ​നു​കൂ​ല​ന​യങ്ങൾ അംഗീ​ക​രി​ക്കു​ന്ന​തി​നും ആയുധ​ശേഷി വികസി​പ്പി​ക്കു​ന്ന​തി​നും തങ്ങളുടെ സ്വന്തം രാജ്യ​ങ്ങളെ നിർബ​ന്ധി​ക്കുക.

2. ഗവൺമെൻറ്‌ ഉദ്യോ​ഗ​സ്ഥർക്കു വമ്പിച്ച കൈക്കൂ​ലി നൽകുക.

3. ആയുധ​ങ്ങൾക്കാ​യുള്ള ചെലവ്‌ വർദ്ധി​പ്പി​ക്കു​ന്ന​തിന്‌ വിവി​ധ​രാ​ജ്യ​ങ്ങ​ളി​ലെ സൈനിക നീക്കങ്ങ​ളെ​ക്കു​റിച്ച്‌ വ്യാജ​റി​പ്പോർട്ടു​കൾ പ്രചരി​പ്പി​ക്കുക.

4. പ്രചാ​ര​ണ​മാ​ദ്ധ്യ​മ​ങ്ങളെ നിയ​ന്ത്രിച്ച്‌ പൊതു​ജ​നാ​ഭി​പ്രാ​യം സ്വാധീ​നി​ക്കുക.

5. ഒരു രാജ്യത്തെ മറെറാ​ന്നി​നെ​തി​രെ തിരി​ക്കുക.

6. ആയുധ​വില കൂട്ടു​ന്ന​തി​നാ​യി സാർവ്വ​ദേ​ശീയ സമിതി​കൾ സംഘടി​പ്പി​ക്കുക.

മുമ്പെ​ന്ന​ത്തെ​ക്കാ​ളു​മ​ധി​കം ഇപ്പോ​ഴും ആയുധ​വ്യാ​പാ​രം തഴച്ചു​വ​ള​രു​ന്നു. ഈ അതിശ​ക്ത​മായ ആയുധച്ചന്ത അടച്ചു​പൂ​ട്ടാൻ ആർക്കും കഴിയു​മെന്നു തോന്നു​ന്നില്ല. ചരി​ത്ര​ത്തിൽ ഉണ്ടായി​ട്ടു​ള്ള​തി​ലേ​ക്കും വലിയ രണ്ടു സാർവ്വ​ദേ​ശീയ സമാധാന സംഘട​ന​കൾക്ക്‌ സർവ്വരാ​ജ്യ​സ​ഖ്യ​ത്തി​നും അതിന്റെ പിൻഗാ​മി​യായ ഐക്യ​രാ​ഷ്‌ട്ര​ങ്ങൾക്കും ‘തങ്ങളുടെ വാളു​കളെ കൃഷി​യാ​യു​ധ​ങ്ങ​ളാ​യി അടിച്ചു തീർക്കാൻ’ ഒരു അംഗരാ​ഷ്‌ട്ര​ത്തെ​പ്പോ​ലും പ്രേരി​പ്പി​ക്കാൻ കഴിഞ്ഞി​ട്ടില്ല. ആയുധ വ്യാപാ​രം ലോക​കാ​ര്യ​ങ്ങ​ളു​മാ​യി രാഷ്‌ട്രീ​യ​പ​ര​മാ​യും സാമ്പത്തി​ക​മാ​യും വളരെ​യേറെ കൂടി​ക്കു​ഴ​ഞ്ഞി​രി​ക്കു​ന്നു. തൻമൂലം ഇതു തടയുക എന്നത്‌ മനുഷ്യ​പ്രാ​പ്‌തി​ക്ക​തീ​ത​മാ​ണെന്ന്‌ അനേക​മാ​ളു​കൾ കരുതു​ന്നു. അപ്പോൾ ആയുധ​വ്യാ​പാ​രം നിർത്താൻ പ്രാപ്‌ത​മായ ഏതെങ്കി​ലും ശക്തിയു​ണ്ടോ? (g89 6/8)

[അടിക്കു​റി​പ്പു​കൾ]

[8-ാം പേജിലെ ആകർഷ​ക​വാ​ക്യം]

ആയുധ വ്യാപാ​രി​കൾ തങ്ങളുടെ മാരക​മായ ഉൽപ്പന്ന​ങ്ങ​ളെ​ക്കു​റിച്ച്‌ മുഴു​വർണ്ണ​വ്യാ​പാര പ്രസി​ദ്ധീ​ക​ര​ണ​ങ്ങ​ളി​ലൂ​ടെ വിപു​ല​മാ​യി പരസ്യം ചെയ്യുന്നു

[7-ാം പേജിലെ ചിത്രങ്ങൾ]

നിഷ്‌പക്ഷ രാഷ്‌ട്രങ്ങൾ പോലും ആയുധ​ങ്ങ​ളും സൈനിക സാങ്കേ​തിക വിദ്യ​യും വിൽക്കു​ന്നു