തീ ഒരു ജനക്കൂ​ട്ടത്തെ ഭീഷണി​പ്പെ​ടു​ത്തു​മ്പോൾ

തീ പൊതു​സം​ഭ​വ​ങ്ങ​ളു​ടെ സംഘാ​ട​ക​രെ​സം​ബ​ന്ധി​ച്ച​ട​ത്തോ​ളം ഒരു വൃത്തി​കെട്ട വാക്കാണ്‌. ഓരോ വർഷവും തീ ആയിര​ക്ക​ണ​ക്കിന്‌ മരണത്തി​നും ദാരു​ണ​മായ പരിക്കു​കൾക്കും ഇടയാ​ക്കു​ന്നു. ജനക്കൂ​ട്ടങ്ങൾ അടച്ചു​കെ​ട്ടിയ ഒരു സ്ഥലത്ത്‌ കൂടി​വ​രു​മ്പോൾ അപകടം വിശേ​ഷാൽ ഗുരു​ത​ര​മാണ്‌. അഗ്‌നി​ബാ​ധ​യു​ടെ അപകടം കുറക്കു​ന്ന​തിന്‌ മേളക​ളു​ടെ​യും നാടക​ങ്ങ​ളു​ടെ​യും കോൺഫ​റൻസു​ക​ളു​ടെ​യും മററു വലിയ കൂട്ടങ്ങ​ളു​ടെ​യും ചുമത​ല​യു​ള്ള​വർക്ക്‌ എന്തു ചെയ്യാൻ കഴിയും? അങ്ങനെ​യുള്ള ഒരു ജനക്കൂ​ട്ട​ത്തി​ന്റെ ഭാഗമാ​യി​രി​ക്കു​ന്ന​വർക്ക്‌ കാര്യങ്ങൾ സുരക്ഷി​ത​മാ​ക്കാൻ എന്തു ചെയ്യാൻ കഴിയും? യഥാർത്ഥ​മാ​യി ഒരു തീ പൊട്ടി​പ്പു​റ​പ്പെ​ടു​ന്നു​വെ​ങ്കിൽ അതിജീ​വ​ന​ത്തി​ന്റെ സാദ്ധ്യ​തകൾ വർദ്ധി​പ്പി​ക്കു​ന്ന​തിന്‌ എന്തു ചെയ്യാൻ കഴിയും?

ഈ കാര്യങ്ങൾ സംബന്ധിച്ച്‌ കുറെ വിവരങ്ങൾ കിട്ടു​ന്ന​തിന്‌ ഉണരുക! അയർല​ണ്ടി​ലെ ഒരു അഗ്‌നി​ശമന ഉദ്യോ​ഗ​സ്ഥനെ ഇൻറവ്യൂ ചെയ്‌തു. അദ്ദേഹം അഗ്‌നി​ശ​മ​ന​പ്ര​വർത്ത​കരെ പരിശീ​ലി​പ്പി​ക്കു​ന്ന​യാ​ളാണ്‌, തീപി​ടു​ത്തം​സം​ബ​ന്ധിച്ച്‌ ധാരാളം അനുഭ​വ​പ​രി​ച​യ​വു​മുണ്ട്‌.

ഒരു സംഭവ​ത്തിന്‌ ജനക്കൂ​ട്ട​ങ്ങളെ പ്രതീ​ക്ഷി​ക്കു​മ്പോൾ കാര്യങ്ങൾ സുരക്ഷി​ത​മാ​ക്കാൻ ചുമത​ല​യു​ള്ള​വർക്ക്‌ എന്തു ചെയ്യാൻ കഴിയും?

ഒന്നാമതു തിട്ട​പ്പെ​ടു​ത്തേണ്ട സംഗതി നിങ്ങളു​പ​യോ​ഗി​ക്കാൻ പ്രതീ​ക്ഷി​ക്കുന്ന കെട്ടിടം സുരക്ഷി​ത​മാ​ണെ​ന്നു​ള്ള​താണ്‌. ആവശ്യം നേരി​ടുന്ന പക്ഷം പെട്ടെന്ന്‌ കെട്ടി​ട​ത്തി​നു​ള്ളി​ലു​ള്ള​വർക്കെ​ല്ലാം രക്ഷപെ​ടാൻ പുറ​ത്തേ​ക്കുള്ള ധാരാളം വാതി​ലു​കൾ ഉണ്ടായി​രി​ക്കണം. കൂടാതെ, പുറ​ത്തേ​ക്കുള്ള ഓരോ വാതി​ലും വ്യക്തമാ​യി അടയാ​ള​പ്പെ​ടു​ത്തി​യി​ട്ടു​ള്ള​തും തടസ്സങ്ങ​ളി​ല്ലാ​ത്ത​തു​മാ​യി​രി​ക്കണം. എല്ലാ ഇടനാ​ഴി​ക​ളും ഗോവ​ണി​ക​ളും എല്ലാ സമയങ്ങ​ളി​ലും തടസ്സങ്ങ​ളി​ല്ലാ​തെ സൂക്ഷി​ക്കണം. അടിയ​ന്തി​ര​സ​മ​യ​ങ്ങ​ളി​ലേ​ക്കുള്ള വാതി​ലു​കൾ പുറ​ത്തേക്കു തുറക്കു​ക​യും അനായാ​സം തുറക്കു​ക​യും ചെയ്യണം.

ഉറപ്പി​ച്ചി​ട്ടു​ള്ള ഇരിപ്പി​ട​ങ്ങ​ളി​ല്ലാത്ത കെട്ടി​ട​ങ്ങ​ളിൽ ഇരിപ്പി​ട​ക്ര​മീ​ക​ര​ണങ്ങൾ ഒരു വെല്ലു​വി​ളി ഉയർത്തി​യേ​ക്കാം. പ്രാ​ദേ​ശി​ക​മായ അഗ്‌നി​ശമന നിബന്ധ​ന​കൾക്കു​നു​സൃ​ത​മാ​യി കസേരകൾ ക്രമീ​ക​രി​ക്കു​ന്നത്‌ സുപ്ര​ധാ​ന​മാണ്‌. ഒരു അപകടം സംഭവി​ക്കുന്ന പക്ഷം എന്തു ചെയ്യണ​മെന്ന്‌ എല്ലാ സേവക​രും, ഇരിപ്പി​ട​ങ്ങ​ളി​ലേക്ക്‌ ആനയി​ക്കു​ന്ന​വ​രും, അറിഞ്ഞി​രി​ക്കണം. സുരക്ഷി​ത​ത്വ​ത്തിന്‌ ഉത്തരവാ​ദി​ത്തം വഹിക്കു​ന്നവർ അഗ്‌നി​ശ​മ​നി​ക​ളെ​ല്ലാം എവി​ടെ​യാ​ണെ​ന്നും ഉപയോ​ഗി​ക്കേ​ണ്ട​തെ​ങ്ങ​നെ​യെ​ന്നും അറിഞ്ഞി​രി​ക്കണം. തീ പൊട്ടി​പ്പു​റ​പ്പെ​ട്ട​ശേഷം നിർദ്ദേ​ശങ്ങൾ വായി​ക്കു​ന്നത്‌ തീരെ താമസി​ച്ചു​പോ​കും. ഒഴിപ്പി​ക്കൽ നടപടി​കൾ തുടങ്ങി​യ​ശേഷം മുൻഗ​ണ​ന​കൊ​ടു​ക്കേ​ണ്ടത്‌ അഗ്‌നി​ശ​മ​ന​വ​കു​പ്പി​നെ വിളി​ക്കാ​നാ​യി​രി​ക്ക​ണ​മെ​ന്നും ഓർമ്മ​യി​ലി​രി​ക്കട്ടെ.

അങ്ങനെ​യുള്ള സംഭവ​ങ്ങൾക്ക്‌ ഹാജരാ​കു​ന്ന​വർക്ക്‌ സുരക്ഷി​ത​ത്വം മെച്ച​പ്പെ​ടു​ത്തു​ന്ന​തിന്‌ ചെയ്യാൻക​ഴി​യുന്ന എന്തെങ്കി​ലു​മു​ണ്ടോ?

തീർച്ച​യാ​യും ഉണ്ട്‌! അപരി​ചി​ത​മായ ചുററു​പാ​ടു​ക​ളി​ലാണ്‌ ആളുകൾ ഏറെ എളുപ്പം വെപ്രാ​ള​പ്പെ​ടു​ന്നത്‌. അതു​കൊണ്ട്‌ കൂടി​വ​രുന്ന കെട്ടി​ട​ത്തി​ന്റെ പൊതു​സം​വി​ധാ​നം പരിചി​ത​മാ​ക്കുക. പുറ​ത്തേ​ക്കുള്ള വാതി​ലു​ക​ളും അടിയ​ന്തി​ര​വാ​തി​ലു​ക​ളും എവി​ടെ​യാ​ണെന്ന്‌ കുറി​ക്കൊ​ള്ളുക. വെപ്രാ​ള​പ്പെ​ട​രുത്‌. ശിക്ഷണം പാലി​ക്കുക. നൽക​പ്പെ​ടുന്ന ഏതു നിർദ്ദേ​ശ​ങ്ങ​ളും ശ്രദ്ധാ​പൂർവം കേൾക്കു​ക​യും അനുസ​രി​ക്കു​ക​യും ചെയ്യുക. കെട്ടി​ട​ത്തിൽനിന്ന്‌ ഇറങ്ങു​മ്പോൾ വേഗം നടക്കുക, എന്നാൽ ഓടു​ക​യോ ഉന്തുക​യോ ചെയ്യരുത്‌.

പെട്ടെന്ന്‌ പുറത്തു​ക​ട​ക്കേ​ണ്ട​തി​ന്റെ ആവശ്യം എത്ര ഊന്നി​പ്പ​റ​ഞ്ഞാ​ലും അധിക​മാ​കു​ക​യില്ല. തീ എത്ര പെട്ടെന്ന്‌ പരക്കു​മെന്ന്‌ മിക്കവ​രും തിരി​ച്ച​റി​യു​ന്നില്ല. പ്രായ​മു​ള്ള​വർക്കും ദുർബ​ലർക്കും പ്രയാ​സ​മ​നു​ഭ​വ​പ്പെ​ടു​ന്ന​താ​യി നിങ്ങൾ കാണു​ന്നു​വെ​ങ്കിൽ അവരെ സഹായി​ക്കുക. കെട്ടി​ട​ത്തിൽനിന്ന്‌ പുറത്തു​ക​ട​ന്നാൽ നിങ്ങൾക്ക്‌ പിന്നാലെ വരുന്ന​വർക്ക്‌ വഴി തടസ്സ​പ്പെ​ടു​ത്താ​തി​രി​ക്കാൻ പുറ​ത്തേ​ക്കുള്ള വാതി​ലു​ക​ളിൽനിന്ന്‌ അകന്നു​നിൽക്കുക. നിങ്ങൾ പുറത്തു​വ​ന്നു​ക​ഴി​ഞ്ഞാൽ സുരക്ഷി​ത​മെന്നു പ്രഖ്യാ​പി​ക്കു​ന്ന​തു​വരെ തിരികെ പ്രവേ​ശി​ക്കാൻ ഒരിക്ക​ലും ശ്രമി​ക്ക​രുത്‌.

മാതാ​പി​താ​ക്കൾക്കു​വേണ്ടി നിങ്ങൾക്ക്‌ എന്തു ബുദ്ധി​യു​പ​ദേ​ശ​മുണ്ട്‌?

വലിയ ജനക്കൂ​ട്ട​ങ്ങ​ളിൽ മാതാ​പി​താ​ക്കൾ എല്ലായ്‌പ്പോ​ഴും തങ്ങളുടെ കൊച്ചു​കു​ട്ടി​കളെ തങ്ങളോ​ടു​കൂ​ടെ സൂക്ഷി​ക്കു​ക​യോ അവർ പ്രായ​മുള്ള, ഉത്തരവാ​ദി​ത്ത​മുള്ള, ഒരാ​ളോ​ടു​കൂ​ടെ​യാ​ണെന്ന്‌ ഉറപ്പു​വ​രു​ത്തു​ക​യോ ചെയ്യണം. ഒരു അഗ്‌നി​ബാ​ധ​യു​ടെ അടിയ​ന്തി​ര​ഘ​ട്ട​ത്തിൽ കാണാ​തി​രി​ക്കുന്ന തങ്ങളുടെ കുട്ടി​കളെ ജനക്കൂ​ട്ട​ത്തിൽ തെരയുന്ന സംഭ്രാ​ന്ത​രായ മാതാ​പി​താ​ക്കൾ സകല തരം പ്രശ്‌ന​ങ്ങൾക്കും ഇടയാ​ക്കി​യേ​ക്കാം.

തീയുടെ അപകടം ഉഗ്രമായ ചൂടിൽ പരിമി​ത​പ്പെ​ട്ടി​രി​ക്കു​ന്നു​വോ?

ഇല്ല. സാധാ​ര​ണ​യാ​യി പുകയും വിഷവാ​ത​ക​ങ്ങ​ളു​മാണ്‌ ഒരു അഗ്‌നി​ബാ​ധ​യിൽ മരണം​വ​രു​ത്തു​ന്നത്‌. മരണക​ര​മാ​യ​തി​ലും കുറഞ്ഞ ഗാഢത​യി​ലും അത്യധി​കം ചൂടായ വാതകങ്ങൾ ശ്വസി​ക്കു​ന്ന​വ​രു​ടെ ശ്വസനാ​വ​യ​വ​ങ്ങ​ളെ​യും നാഡീ​വ്യ​വ​സ്ഥ​യെ​യും ആക്രമി​ക്കും. ഇത്‌ വിവേ​ക​ശൂ​ന്യ​മായ ഒരു രീതി​യിൽ ആളുകൾ പ്രവർത്തി​ക്കാ​നി​ട​യാ​ക്കാം. പുക കനത്തതാ​യി​രി​ക്കു​മ്പോൾ ഒരു തൂവാല കൊണ്ട്‌ നിങ്ങളു​ടെ മൂക്കും വായും മൂടുക. അത്‌ വിഷവാ​ത​ക​ങ്ങ​ളിൽനിന്ന്‌ നിങ്ങളെ സംരക്ഷി​ക്കു​ക​യില്ല. എന്നാൽ അത്‌ ഓക്കാ​നം​വ​രു​ത്തി​യേ​ക്കാ​വുന്ന പുകയു​ടെ വലിയ കണിക​കളെ പുറത്തു​നിർത്താൻ സഹായി​ക്കും.

പുക വളരെ സാന്ദ്ര​മാ​ണെ​ങ്കിൽ ദിശാ​ബോ​ധം നഷ്‌ട​പ്പെ​ടാ​തി​രി​ക്കാൻ ഒരു ഭിത്തി​ക്ക​രി​കിൽ നിൽക്കാൻ ശ്രമി​ക്കുക. നിങ്ങൾക്ക്‌ ഭിത്തി കാണാ​നോ സ്‌പർശി​ക്കാ​നോ കഴിയു​ന്നി​ല്ലെ​ങ്കിൽ നിങ്ങൾ ഒരു ഭിത്തിക്കൽ വരുന്ന​തു​വരെ ഒരേ ദിശയിൽ നടക്കുക. പിന്നീട്‌ ഒരു വാതിൽക്ക​ലോ ജനാല​ക്ക​ലോ നിങ്ങൾ വരുന്ന​തു​വരെ അതിനെ പിന്തു​ട​രുക. കൂടാതെ, പുകനി​റഞ്ഞ ഒരു മുറി​യിൽ തറയോ​ട​ടുത്ത്‌ ശ്വസി​ക്കാ​വുന്ന കൂടുതൽ വായു കാണു​മെ​ന്നും ഓർക്കുക. അവിടെ നിങ്ങൾക്ക്‌ മെച്ചമാ​യി കാണാ​നും കഴിയും.

ഒരാളു​ടെ വസ്‌ത്ര​ത്തിന്‌ തീപി​ടി​ക്കു​ന്നു​വെ​ങ്കിൽ എന്തു ചെയ്യാൻ കഴിയും?

ഓടു​ന്ന​താണ്‌ നിങ്ങൾക്കു ചെയ്യാ​വുന്ന ഏററം മോശ​മായ സംഗതി. അത്‌ തീ ആളിക്ക​ത്തി​ക്കു​ക​യേ​യു​ള്ളു. പകരം, തറയിൽ വീണു​കി​ട​ന്നു​രു​ളുക. ഇത്‌ ജ്വാല​കളെ നിങ്ങളു​ടെ മുഖത്തു​നിന്ന്‌ അകററു​ക​യും ആശാവ​ഹ​മാ​യി തീയെ ഞെരു​ക്കു​ക​യും ചെയ്യും.

ഞങ്ങളുടെ വായന​ക്കാർക്കു​വേണ്ടി എന്തെങ്കി​ലും അന്തിമ​വാക്ക്‌?

നിങ്ങൾ ഒരിക്ക​ലും ഒരു തീയിൽ അകപ്പെ​ടു​ക​യി​ല്ലെന്ന്‌ ഞാൻ ആശിക്കു​ന്നു. അത്‌ പേടി​പ്പെ​ടു​ത്തുന്ന ഒരു അനുഭ​വ​മാണ്‌. എന്നാൽ നിങ്ങൾ ഒന്നിൽ അകപ്പെ​ടു​ന്നു​വെ​ങ്കിൽ ഈ ചുരുക്കം ചില നിയമങ്ങൾ സഹായ​ക​മെന്നു തെളി​യും. ഓർക്കുക, തീയുടെ അപകടത്തെ ഗൗരവ​മാ​യി എടുക്കുക. അതിനെ നിസ്സാ​ര​മാ​യോ തമാശ​യാ​യോ എടുക്ക​രുത്‌. അത്‌ അങ്ങനെയല്ല. (g90 5⁄22)

[30-ാം പേജിലെ ആകർഷ​ക​വാ​ക്യം]

ഒരു ഹോട്ട​ലിൽ താമസി​ക്കു​മ്പോൾ രാത്രി​യിൽ കിടക്കു​ന്ന​തി​നു​മുമ്പ്‌ ഏററവു​മ​ടുത്ത പുറ​ത്തേ​ക്കുള്ള അടിയ​ന്തി​ര​വാ​തിൽ എവി​ടെ​യാ​ണെന്ന്‌ നിങ്ങൾ എല്ലായ്‌പ്പോ​ഴും കണ്ടുപി​ടി​ക്കു​ന്നു​വോ?