ആഗോള സാഹോ​ദ​ര്യം സുനി​ശ്ചി​തം!

മിഷനറി ഒരു വിദൂ​ര​പ്ര​ദേ​ശത്തെ ഒരു മതപര​മായ കൺ​വെൻ​ഷ​നിൽ സംബന്ധി​ച്ച​പ്പോൾ അദ്ദേഹം പശ്ചിമാ​ഫ്രി​ക്ക​യിൽ എത്തിയിട്ട്‌ ദീർഘ​നാ​ളാ​യി​രു​ന്നില്ല. അദ്ദേഹം ഒരു തദ്ദേശ കുടും​ബത്തെ സമീപി​ച്ച​പ്പോൾ പ്രത്യ​ക്ഷ​ത്തിൽ കാരണ​മൊ​ന്നും കൂടാതെ രണ്ടു വയസ്സുള്ള ഒരു ആൺകുട്ടി കരയാൻ തുടങ്ങി.

മിഷനറി കുട്ടിയെ ആശ്വസി​പ്പി​ക്കാൻ ശ്രമിച്ചു. എന്നാൽ അപ്പോൾ കുട്ടി​യു​ടെ കരച്ചിൽ മുറയി​ട​ലാ​യി മാറി. “എന്തു പററി,” മിഷനറി മാതാ​വി​നോ​ടു ചോദി​ച്ചു. അല്‌പം ബുദ്ധി​മു​ട്ടോ​ടെ അവർ മറുപടി പറഞ്ഞു: “താങ്കൾ കാരണ​മാ​ണെന്ന്‌ ഞാൻ വിചാ​രി​ക്കു​ന്നു. അവന്‌ നിങ്ങളു​ടെ നിറത്തെ ഭയമാണ്‌. അവൻ മുമ്പൊ​രി​ക്ക​ലും ഒരു വെള്ളക്കാ​രനെ കണ്ടിട്ടില്ല.”

ശൈശവം മുതൽ നാം ആളുകൾ തമ്മിലുള്ള ശാരീ​രിക വ്യത്യാ​സ​ങ്ങ​ളെ​ക്കു​റിച്ച്‌ ബോധ​മു​ള്ള​വ​രാ​യി​ത്തീർന്നേ​ക്കാം. മുൻവി​ധി​കൾ പിൽക്കാ​ല​ത്താണ്‌ വികാസം പ്രാപി​ക്കു​ന്നത്‌. കുട്ടി​ക​ളു​ടെ വീക്ഷണങ്ങൾ കരുപ്പി​ടി​പ്പി​ക്ക​പ്പെ​ടു​ന്നത്‌ അവരുടെ മാതാ​പി​താ​ക്ക​ളെ​പ്പോ​ലെ പ്രായ​മു​ള്ള​വ​രു​ടെ മനോ​ഭാ​വ​ങ്ങ​ളും പെരു​മാ​റ​റ​വും അവർ നിരീ​ക്ഷി​ക്കു​മ്പോ​ഴാണ്‌. സ്‌കൂ​ളിൽ അവർ തങ്ങളുടെ അദ്ധ്യാ​പ​ക​രാ​ലും സുഹൃ​ത്തു​ക്ക​ളാ​ലും സഹപാ​ഠി​ക​ളാ​ലും കൂടു​ത​ലാ​യി സ്വാധീ​നി​ക്ക​പ്പെ​ടു​ന്നു.

ഐക്യ​നാ​ടു​ക​ളി​ലെ ഒരു ദീർഘ​കാല പഠനമ​നു​സ​രിച്ച്‌, കുട്ടി​കൾക്ക്‌ 12 വയസ്സാ​കു​മ്പോ​ഴേക്ക്‌ അവർ അപ്പോൾത്തന്നെ തങ്ങൾക്കു ചുററു​മുള്ള വംശീയ, വർഗ്ഗീയ മത സമൂഹ​ങ്ങ​ളെ​ക്കു​റിച്ച്‌ സ്ഥിരമായ രൂപത്തി​ലുള്ള വീക്ഷണ​ങ്ങ​ളും മനോ​ഭാ​വ​ങ്ങ​ളും വികസി​പ്പി​ച്ചി​രി​ക്കും. യൗവന​ത്തി​ലെ​ത്തു​മ്പോ​ഴേക്ക്‌ ഈ വീക്ഷണങ്ങൾ ആഴത്തി​ലു​റ​യ്‌ക്കു​ന്നു.

യഹോ​വ​യു​ടെ സാക്ഷികൾ വ്യത്യ​സ്‌തർ

മുൻവി​ധി ധാരാ​ള​മുള്ള ഒരു ലോക​ത്തിൽ യഹോ​വ​യു​ടെ സാക്ഷികൾ വളരെ വ്യത്യ​സ്‌ത​രാ​യി മുന്തി​നിൽക്കു​ന്നു. അവർ തങ്ങളുടെ വർഗ്ഗീയ യോജി​പ്പു നിമിത്തം സാർവ​ദേ​ശീ​യ​മാ​യി പ്രസി​ദ്ധ​രാണ്‌. ഇത്‌ അവരുടെ വലിയ വാർഷിക കൺ​വെൻ​ഷ​നു​ക​ളിൽ നിരീ​ക്ഷ​ക​രാൽ മിക്ക​പ്പോ​ഴും ശ്രദ്ധി​ക്ക​പ്പെ​ടു​ന്നു.

ദൃഷ്ടാ​ന്ത​ത്തിന്‌, തെക്കൻ ഐക്യ​നാ​ടു​ക​ളി​ലെ യഹോ​വ​യു​ടെ സാക്ഷി​ക​ളു​ടെ ഒരു വലിയ കൺ​വെൻ​ഷ​നെ​ക്കു​റിച്ച്‌ സ്‌റേ​റ​റ​റ്‌സ്‌ ഐററം എന്ന വർത്തമാ​ന​പ്പ​ത്രം റിപ്പോർട്ടു​ചെ​യ്‌തു: “ചെറു​പ്പ​ക്കാ​രും പ്രായ​മു​ള്ള​വ​രും കറുത്ത​വ​രും വെളു​ത്ത​വ​രു​മായ യഹോ​വ​യു​ടെ സാക്ഷികൾ . . . പഠനത്തി​നും അനുഭ​വങ്ങൾ പങ്കിടു​ന്ന​തി​നു​മാ​യി ഇരുന്ന​പ്പോൾ അവർ ലൂസി​യാ​നാ സൂപ്പർഡോം നിറച്ചു​ണ്ടാ​യി​രു​ന്നു. . . .വർഗ്ഗ വിവേ​ചനം . . . സാക്ഷി​കൾക്ക്‌ ഒരു പ്രശ്‌നമല്ല.”

ദക്ഷിണാ​ഫ്രി​ക്ക​യി​ലെ സാക്ഷി​ക​ളു​ടെ ഒരു കൺ​വെൻ​ഷ​നിൽ ഒരു സോസാ സ്‌ത്രീ ഇങ്ങനെ പ്രസ്‌താ​വി​ച്ചു: “ഇവിടെ ദക്ഷിണാ​ഫ്രി​ക്ക​യിൽ എല്ലാ വർഗ്ഗങ്ങ​ളി​ലും​പെട്ട ആളുകൾക്ക്‌ ഇത്ര ഐക്യ​ത്തി​ലാ​യി​രി​ക്കാൻ കഴിയു​ന്നത്‌ അത്ഭുതാ​വ​ഹ​മാണ്‌. ഇത്‌ ഞാൻ പള്ളിക​ളിൽ പതിവാ​യി കാണു​ന്ന​തിൽനിന്ന്‌ വളരെ വ്യത്യ​സ്‌ത​മാണ്‌.”

വടക്കേ അമേരി​ക്ക​യിൽനി​ന്നും തെക്കേ അമേരി​ക്ക​യിൽനി​ന്നും അതു​പോ​ലെ​തന്നെ യൂറോ​പ്പിൽനി​ന്നും വിദൂ​ര​പൗ​ര​സ്‌ത്യ ദേശത്തും ദക്ഷിണ പസഫി​ക്കി​ലും നിന്നു​മുള്ള സന്ദർശകർ സാക്ഷി​ക​ളു​ടെ വലിയ കൺ​വെൻ​ഷ​നു​ക​ളിൽ ഹാജരാ​യ​പ്പോൾ ഒരു റിപ്പോർട്ട​നു​സ​രിച്ച്‌ “അവരുടെ ഭാഗത്തോ അവരുടെ ആതി​ഥേ​യ​രു​ടെ ഭാഗത്തോ വർഗ്ഗീ​യ​ത​യു​ടെ കണിക​പോ​ലു​മി​ല്ലാ​യി​രു​ന്നു.”

അങ്ങനെ, ഭൂവ്യാ​പ​ക​മാ​യുള്ള ദശലക്ഷ​ക്ക​ണ​ക്കിന്‌ യഹോ​വ​യു​ടെ സാക്ഷി​കളെ സംബന്ധിച്ച്‌ വളരെ വ്യത്യ​സ്‌ത​മാ​യുള്ള ഒരു സംഗതി അവരുടെ യഥാർത്ഥ ഐക്യ​വും വർഗ്ഗീയ യോജി​പ്പു​മാണ്‌. അവർ യഥാർത്ഥ ക്രിസ്‌തീയ സ്‌നേ​ഹ​ത്താൽ കൂട്ടി​ക്കെ​ട്ട​പ്പെ​ട്ട​വ​രാണ്‌. അത്‌ യേശു പറഞ്ഞതു​പോ​ലെ​ത​ന്നെ​യാണ്‌: “നിങ്ങൾക്ക്‌ നിങ്ങളു​ടെ ഇടയിൽത്തന്നെ സ്‌നേ​ഹ​മു​ണ്ടെ​ങ്കിൽ നിങ്ങൾ എന്റെ ശിഷ്യ​രാ​ണെന്ന്‌ ഇതിനാൽ എല്ലാവ​രും അറിയും.”—യോഹ​ന്നാൻ 13:35.

അതു​കൊണ്ട്‌ യഹോ​വ​യു​ടെ സാക്ഷി​കൾക്ക്‌ ഇപ്പോൾത്തന്നെ യഥാർത്ഥ​വും സ്ഥിരവു​മായ ഒരു സാർവ​ദേ​ശീയ സാഹോ​ദ​ര്യ​മുണ്ട്‌! “നിങ്ങ​ളെ​ല്ലാം സഹോ​ദ​രൻമാ​രാ​കു​ന്നു”വെന്ന്‌ യേശു മത്തായി 23:8-ൽ പറഞ്ഞത്‌ അവർ കാര്യ​മാ​യി എടുക്കു​ന്നു. ഇത്‌ വർഗ്ഗീ​യ​വും വംശീ​യ​വു​മായ ഭിന്നത​ക​ളും വിദ്വേ​ഷ​ങ്ങ​ളും രാഷ്‌ട്ര​ങ്ങ​ളു​ടെ സംരച​ന​യെ​ത്തന്നെ പിച്ചി​ക്കീ​റുന്ന ഒരു സമയത്തു​ത​ന്നെ​യാണ്‌.—1 കൊരി​ന്ത്യർ 1:10; 1 യോഹ​ന്നാൻ 3:10-12; 4:20, 21; 5:2, 3.

ഐക്യം നേടി​യി​രി​ക്കുന്ന വിധം

ഈ ഐക്യ​ത്തി​ന്റെ അടിസ്ഥാന കാരണം യഹോ​വ​യു​ടെ സാക്ഷി​കൾക്ക്‌ അവരുടെ രാജ്യ​ഹാ​ളു​ക​ളിൽനി​ന്നും തങ്ങളുടെ വ്യക്തി​പ​ര​മായ ബൈബിൾ പഠനത്താ​ലും ലഭിക്കുന്ന ബൈബി​ള​ധി​ഷ്‌ഠിത പ്രബോ​ധ​ന​മാണ്‌. അവർ തെസ്സ​ലോ​നീ​ക്യ​യി​ലെ ക്രിസ്‌ത്യാ​നി​ക​ളെ​പ്പോ​ലെ​യാണ്‌. അവരേ സംബന്ധിച്ച്‌ അപ്പോ​സ്‌ത​ല​നായ പൗലോസ്‌ ഇങ്ങനെ പറഞ്ഞു: “നിങ്ങൾ ഞങ്ങളിൽനിന്ന്‌ കേട്ട ദൈവ​വ​ചനം സ്വീക​രി​ച്ച​പ്പോൾ നിങ്ങൾ അതിനെ മനുഷ്യ​രു​ടെ വചനമാ​യി​ട്ടല്ല, പിന്നെ​യോ അത്‌ സത്യമാ​യി ആയിരി​ക്കു​ന്ന​തു​പോ​ലെ ദൈവ​വ​ച​ന​മാ​യി​ട്ടു​തന്നെ കൈ​ക്കൊ​ണ്ടു, അത്‌ വിശ്വാ​സി​ക​ളായ നിങ്ങളിൽ വ്യാപ​രി​ച്ചു​മി​രി​ക്കു​ന്നു.”—1 തെസ്സ​ലോ​നീ​ക്യർ 2:13.

അതു​കൊണ്ട്‌, ബൈബിൾ പറയു​ന്നത്‌ സാക്ഷികൾ വിശ്വ​സി​ക്കു​ന്നു. അവർ ദൈവ​ത്തി​ന്റെ ചിന്താ​രീ​തി​യെ ആത്മാർത്ഥ​മാ​യി അനുക​രി​ക്കാ​നും ശ്രമി​ക്കു​ന്നു. അവർ നിശ്വ​സ്‌ത​ത​യിൽ ക്രിസ്‌തീയ അപ്പോ​സ്‌ത​ല​നായ പത്രോസ്‌ പറഞ്ഞത്‌ കാര്യ​മാ​യി എടുക്കു​ന്നു: “ദൈവം പക്ഷപാ​തി​ത്വ​മു​ള്ള​വനല്ല, എന്നാൽ ഏതു ജനതയി​ലും തന്നെ ഭയപ്പെ​ടു​ക​യും നീതി പ്രവർത്തി​ക്കു​ക​യും ചെയ്യുന്ന മനുഷ്യൻ അവന്‌ സ്വീകാ​ര്യ​നാണ്‌ എന്ന്‌ ഞാൻ സുനി​ശ്ചി​ത​മാ​യി ഗ്രഹി​ക്കു​ന്നു.”—പ്രവൃ​ത്തി​കൾ 10:34, 35.

ഇതിനു ചേർച്ച​യിൽ, “സകല ജനതക​ളി​ലെ​യും” ആളുകളെ ശിഷ്യ​രാ​ക്കാൻ യേശു തന്റെ അനുഗാ​മി​ക​ളോട്‌ നിർദ്ദേ​ശി​ച്ചു. (മത്തായി 28:19) തത്‌ഫ​ല​മാ​യി, യഹോ​വ​യു​ടെ സാക്ഷികൾ വ്യത്യാ​സം​കൂ​ടാ​തെ സകല വംശത്തി​ലും വർഗ്ഗത്തി​ലും​പെട്ട സമൂഹ​ങ്ങ​ളി​ലെ നീതി​സ്‌നേ​ഹി​കളെ സജീവ​മാ​യി അന്വേ​ഷി​ച്ചു കണ്ടുപി​ടി​ക്കു​ന്നു. വ്യത്യസ്‌ത പശ്ചാത്ത​ല​ങ്ങ​ളി​ലും വർഗ്ഗങ്ങ​ളി​ലും പെട്ടവർ ആരാധി​ക്കാ​നും ജോലി​ചെ​യ്യാ​നും സാമൂഹ്യ സഹവാ​സ​ത്തി​ലേർപ്പെ​ടാ​നും ഒത്തു​ചേ​രു​മ്പോൾ സ്ഥിരരൂ​പ​ത്തി​ലുള്ള ചിന്ത തരണം​ചെ​യ്യ​പ്പെ​ടു​ന്നു. അവർ അന്യോ​ന്യം വിലമ​തി​ക്കാ​നും അന്യോ​ന്യം സ്‌നേ​ഹി​ക്കാ​നും പഠിക്കു​ന്നു.

ദീർഘ​നാ​ളാ​യി വർഗ്ഗീയ മുൻവി​ധി​ക്കി​ര​യാ​യി​രുന്ന ഒരു മനുഷ്യൻ തന്റെ വീക്ഷണ​ങ്ങളെ പെട്ടെന്ന്‌ മാററാ​തി​രു​ന്നേ​ക്കാ​മെ​ന്നത്‌ സത്യം​തന്നെ. എന്നാൽ അയാൾ ഒരു സാക്ഷി​യാ​യി​ത്തീ​രു​മ്പോൾ അയാൾ സത്യ​ക്രി​സ്‌ത്യാ​നി​യു​ടെ “പുതിയ വ്യക്തി​ത്വം ധരിക്കാൻ” തുടങ്ങു​ന്നു, അയാൾ മുമ്പ്‌ പുലർത്തി​യി​രുന്ന വീക്ഷണ​ങ്ങളെ തരണം​ചെ​യ്യാൻ കഠിന​യ​ത്‌നം ചെയ്യുന്നു. (എഫേസ്യർ 4:22-24) ‘അങ്ങനെ​യാണ്‌ ഞാൻ വളർത്ത​പ്പെ​ട്ടത്‌’ എന്ന്‌ പറഞ്ഞു​കൊണ്ട്‌ അയാൾ തന്റെ മുൻവി​ധി​കളെ ന്യായീ​ക​രി​ക്കാൻ ശ്രമി​ക്കു​ന്നില്ല. ഇല്ല, അയാൾ തന്റെ മനസ്സിനെ പുതു​ക്കാ​നും “സഹോ​ദ​രൻമാ​രു​ടെ മുഴു സമൂഹ​ത്തോ​ടും സ്‌നേ​ഹ​മു​ണ്ടാ​യി​രി”ക്കാനും കഠിന​ശ്രമം ചെയ്യുന്നു.—1 പത്രോസ്‌ 2:17.

ബൈബിൾപ്ര​വ​ച​നങ്ങൾ നിവർത്തി​ക്ക​പ്പെ​ട്ടു​കൊ​ണ്ടി​രി​ക്കു​ന്നു

യഹോ​വ​യു​ടെ സാക്ഷി​ക​ളു​ടെ ഇടയിൽ ഇന്ന്‌ സംഭവി​ച്ചു​കൊ​ണ്ടി​രി​ക്കു​ന്ന​തിന്‌ വലിയ പ്രാധാ​ന്യ​മുണ്ട്‌. തീർച്ച​യാ​യും, അത്‌ ബൈബി​ളിൽ പ്രവചി​ക്ക​പ്പെ​ട്ടി​രു​ന്നു.

“നാളു​ക​ളു​ടെ അന്തിമ​ഭാ​ഗത്ത്‌,” ഈ ദുഷ്ടവ്യ​വ​സ്ഥി​തി​യു​ടെ “അവസാന നാളു​ക​ളിൽ,” സംഭവി​ക്കു​മെന്ന്‌ യെശയ്യാവ്‌ 2:2-4 മുൻകൂ​ട്ടി​പ്പ​റ​ഞ്ഞത്‌ കുറി​ക്കൊ​ള്ളുക. (2 തിമൊ​ഥെ​യോസ്‌ 3:1-5, 13) ഈ തലമു​റ​യിൽ യഹോ​വ​യു​ടെ സത്യാ​രാ​ധന സ്ഥാപി​ക്ക​പ്പെ​ടു​മെ​ന്നും ‘അതി​ലേക്ക്‌ സകല ജനതക​ളിൽനി​ന്നു​മുള്ള ആളുകൾ ഒഴുകി​ച്ചെ​ല്ലു​മെ​ന്നും യഹോ​വ​യു​ടെ ആ പ്രവചനം കുറി​ക്കൊ​ണ്ടു.’ ‘അനേകം ജനങ്ങൾ തീർച്ച​യാ​യും പോകു​ക​യും “ജനങ്ങളേ, വരുവിൻ, യഹോ​വ​യു​ടെ സത്യാ​രാ​ധ​ന​യാ​കുന്ന പർവത​ത്തി​ലേക്ക്‌ നമുക്ക്‌ കയറി​പ്പോ​കാം” എന്നു പറയു​ക​യും ചെയ്യും. അവൻ നമ്മെ തന്റെ വഴികൾ പഠിപ്പി​ക്കും, നാം അവന്റെ പാതക​ളിൽ നടക്കു​ക​യും ചെയ്യും.”’

യെശയ്യാ​വി​ന്റെ പ്രവചനം പിൻവ​രുന്ന അസാധാ​രണ ഫലത്തെ​യും ശ്രദ്ധിച്ചു, അത്‌ ഈ നൂററാ​ണ്ടി​ലു​ട​നീ​ളം യഹോ​വ​യു​ടെ സാക്ഷി​ക​ളു​ടെ ഇടയിൽ സാർവ​ദേ​ശീ​യ​മായ ഒരു അളവിൽ കാണ​പ്പെ​ട്ടി​രി​ക്കു​ന്നു: “അവർ തങ്ങളുടെ വാളു​കളെ കൊഴു​ക്ക​ളാ​യും തങ്ങളുടെ കുന്തങ്ങളെ കോതു​ക​ത്രി​ക​ക​ളാ​യും അടിച്ചു​തീർക്കും. ജനത ജനത​ക്കെ​തി​രാ​യി വാളു​യർത്തു​ക​യില്ല, അവർ മേലാൽ യുദ്ധം അഭ്യസി​ക്കു​ക​യു​മില്ല.”

കൂടാതെ, വെളി​പ്പാട്‌ എന്ന ബൈബിൾപു​സ്‌തകം നമ്മുടെ കാല​ത്തെ​ക്കു​റിച്ച്‌ സംസാ​രി​ച്ചു​കൊണ്ട്‌ “സകല ജനതക​ളിൽനി​ന്നും ഗോ​ത്ര​ങ്ങ​ളിൽനി​ന്നും ജനങ്ങളിൽനി​ന്നും ഭാഷക​ളിൽനി​ന്നു​മുള്ള” ഒരു മഹാപു​രു​ഷാ​രം ദൈവത്തെ ഒററ​ക്കെ​ട്ടാ​യി സേവി​ക്കു​ന്ന​തിന്‌ യഥാർത്ഥ സാഹോ​ദ​ര്യ​ത്തിൽ ഒരുമി​ച്ചു​കൂ​ടു​മെന്ന്‌ മുൻകൂ​ട്ടി​പ്പ​റ​യു​ക​യു​ണ്ടാ​യി.—വെളി​പ്പാട്‌ 7:9, 15.

ഇത്‌ വ്യാ​മോ​ഹ​പ​ര​മായ ചിന്തയല്ല. സകല ജനതക​ളിൽനി​ന്നും വർഗ്ഗീ​യ​വും വംശീ​യ​വു​മായ സകല കൂട്ടങ്ങ​ളിൽനി​ന്നു​മുള്ള മഹാപു​രു​ഷാ​രം ഇപ്പോൾത്തന്നെ രൂപം​കൊ​ള്ളു​ക​യാണ്‌. ഇപ്പോൾത്തന്നെ യഥാർത്ഥ​വും നിലനിൽക്കു​ന്ന​തു​മായ ആഗോ​ള​സാ​ഹോ​ദ​ര്യം കെട്ടു​പ​ണി​ചെ​യ്യ​പ്പെ​ട്ടു​കൊ​ണ്ടി​രി​ക്കു​ക​യാണ്‌! അത്‌ ദൈവ​ത്താൽ പെട്ടെന്ന്‌ നശിപ്പി​ക്ക​പ്പെ​ടാ​നി​രി​ക്കുന്ന ഇപ്പോ​ഴത്തെ ദുഷിച്ച സമുദാ​യ​ത്തി​ന്റെ സ്ഥാനത്ത്‌ വരുന്ന തികച്ചും പുതു​തായ ഒരു ആഗോള സമുദാ​യ​ത്തി​ന്റെ അടിസ്ഥാ​ന​മാണ്‌. യേശു പറഞ്ഞതു​പോ​ലെ, ഈ ഒററ​ക്കെ​ട്ടായ സമുദാ​യം “ഭൂമിയെ അവകാ​ശ​മാ​ക്കും,” ദൈവ​രാ​ജ്യ​ഭ​ര​ണ​ത്തിൻ കീഴിൽ അവർ അതിൽ എന്നേക്കും വസിക്കും.—മത്തായി 5:5; 6:9, 10; സങ്കീർത്തനം 37:10, 11, 28, 29, 37, 38.

നിങ്ങൾക്കു​ത​ന്നെ ഇതൊന്നു കാണരു​തോ? യഹോ​വ​യു​ടെ സാക്ഷി​ക​ളു​ടെ ഏതെങ്കി​ലും രാജ്യ​ഹാ​ളിൽ സന്ദർശി​ക്കാ​നും അവരുടെ വർഗ്ഗീയ യോജിപ്പ്‌ അനുഭ​വി​ക്കാ​നും നിങ്ങൾക്ക്‌ സ്വാഗ​ത​മുണ്ട്‌. അല്ലെങ്കിൽ അടുത്ത പ്രാവ​ശ്യം സാക്ഷികൾ നിങ്ങളെ സന്ദർശി​ക്കു​മ്പോൾ അവരെ അകത്തേക്കു ക്ഷണിക്കു​ക​യും അവരുടെ വർഗ്ഗീ​യ​മായ ഐക്യ​ത്തി​ന്റെ അടിസ്ഥാ​ന​മെ​ന്താ​ണെന്ന്‌ ബൈബി​ളിൽനിന്ന്‌ നിങ്ങളെ കാണി​ക്കാൻ അവരോട്‌ ആവശ്യ​പ്പെ​ടു​ക​യും ചെയ്യുക. ഭൂമി​യി​ലാ​സ​കലം യഥാർത്ഥ സാഹോ​ദ​ര്യം സ്ഥിതി​ചെ​യ്യുന്ന ഒരു പുതിയ ലോകത്തെ സംബന്ധിച്ച അവരുടെ ബൈബിൾപ്ര​ത്യാ​ശ അവർ നിങ്ങൾക്കു കാണി​ച്ചു​ത​രട്ടെ.

സർവശ​ക്ത​നാ​യ ദൈവ​മായ യഹോവ സകല മനുഷ്യ​വർഗ്ഗ​ത്തി​ന്റെ​യും സാഹോ​ദ​ര്യം സ്ഥാപി​ക്കാ​നുള്ള തന്റെ ഉദ്ദേശ്യം നിവർത്തി​ക്ക​പ്പെ​ടു​മെ​ന്നുള്ള ഉറപ്പ്‌ നൽകുന്നു. അവൻ പ്രസ്‌താ​വി​ക്കു​ന്നു: “എന്റെ വായിൽനി​ന്നു പുറ​പ്പെ​ടുന്ന എന്റെ വചനം അങ്ങനെ​യെന്നു തെളി​യും. അത്‌ നിഷ്‌ഫ​ല​മാ​യി എന്നി​ലേക്ക്‌ മടങ്ങു​ക​യില്ല, എന്നാൽ അത്‌ എനിക്ക്‌ പ്രസാ​ദ​മു​ള്ളത്‌ തീർച്ച​യാ​യും ചെയ്യും, ഞാൻ അതിനെ എന്തിനു​വേണ്ടി അയച്ചി​രി​ക്കു​ന്നു​വോ അതിൽ അതിന്‌ സുനി​ശ്ചി​ത​വി​ജയം ലഭിക്കും.”—യെശയ്യാവ്‌ 55:11.

ബൈബിൾപ്ര​വ​ച​ന​ങ്ങ​ളിൽനി​ന്നും ആ പ്രവച​ന​ങ്ങ​ളു​ടെ നിവൃ​ത്തി​യിൽനി​ന്നും തെളിവ്‌ പരി​ശോ​ധി​ക്കാൻ ഞങ്ങൾ നിങ്ങളെ ക്ഷണിക്കു​ന്നു. നിങ്ങൾ അതു ചെയ്യു​ന്നു​വെ​ങ്കിൽ, വർഗ്ഗീ​യ​മായ ഐക്യം സാദ്ധ്യ​മാ​ണെന്നു മാത്രമല്ല, അനിവാ​ര്യ​വു​മാ​ണെന്ന്‌ നിങ്ങൾ മനസ്സി​ലാ​ക്കും. (g90 12⁄8)

[9-ാം പേജിലെ ആകർഷ​ക​വാ​ക്യം]

യഹോവയുടെ സാക്ഷി​ക​ളു​ടെ ഇടയിൽ ഇന്ന്‌ സംഭവി​ക്കു​ന്നത്‌ ബൈബി​ളിൽ പ്രവചി​ക്ക​പ്പെ​ട്ടി​രു​ന്നു

[10-ാം പേജിലെ ചിത്രം]

യഹോവയുടെ സാക്ഷികൾ തങ്ങളുടെ ഇടയിൽ യഥാർത്ഥ വർഗ്ഗീയ യോജി​പ്പു​ണ്ടാ​യി​രി​ക്കു​ന്ന​തിൽ അനുപ​മ​രാണ്‌