ഈ കണ്ണുനീ​രെ​ല്ലാം എന്തു​കൊണ്ട്‌?

ഒടുവിൽ എന്നാണു നിങ്ങൾ നന്നായി​യൊ​ന്നു കണ്ണീ​രൊ​ഴു​ക്കി കരഞ്ഞത്‌? അതു സന്തോ​ഷം​കൊണ്ട്‌ അല്ലെങ്കിൽ സങ്കടം​കൊ​ണ്ടാ​യി​രു​ന്നോ? വ്യക്തി​പ​ര​മായ ഒരു വിജയ​ത്തി​ന്റെ അല്ലെങ്കിൽ തകർക്കുന്ന ഒരു പരാജ​യ​ത്തി​ന്റെ പേരി​ലാ​യി​രു​ന്നോ? ആശ്വാ​സ​ത്തിൽനിന്ന്‌ അല്ലെങ്കിൽ ഇച്ഛാഭം​ഗ​ത്തിൽനിന്ന്‌ ആയിരു​ന്നോ? ഒരു ശിശു​വി​ന്റെ പിറവി അല്ലെങ്കിൽ ഒരു ഇണയുടെ മരണം, പ്രിയ​പ്പെട്ട ഒരോർമ്മ അല്ലെങ്കിൽ നോവി​ക്കുന്ന ഒരു സ്‌മരണ, ഒരു പ്രിയ​പ്പെ​ട്ട​കൂ​ട്ടു​കാ​രനെ സ്വാഗതം ചെയ്യു​ന്നത്‌ അല്ലെങ്കിൽ ഒരുവ​നോ​ടു വിടപ​റ​യു​ന്നത്‌ ആയിരു​ന്നോ? വിപരീത ഭാവങ്ങൾ, വ്യത്യസ്‌ത അനുഭ​വങ്ങൾ, എങ്കിലും മിക്ക​പ്പോ​ഴും പ്രകടി​പ്പി​ക്കു​ന്നത്‌ ഒരേ വിധത്തിൽ തന്നെ—കണ്ണുനീ​രോ​ടെ.

തീക്ഷ്‌ണ​മാ​യ വികാ​ര​ത്തോ​ടു പ്രതി​ക​രി​ക്കു​മ്പോൾ, എന്തു​കൊ​ണ്ടാ​ണു നാം കരയു​ന്നത്‌? അത്‌ എന്തെങ്കി​ലും നേട്ടം കൈവ​രു​ത്തു​ന്നു​ണ്ടോ? അല്ലെങ്കിൽ കണ്ണുനീ​രൊ​ഴി​വാ​ക്കാൻ നമുക്കു സാധി​ക്കു​മോ?

എന്തു​കൊ​ണ്ടാ​ണു നാം കരയു​ന്നത്‌?

ആർക്കും അത്ര ഉറപ്പില്ല. മനുഷ്യ​രും മൃഗങ്ങ​ളും രണ്ടു തരത്തി​ലുള്ള കണ്ണുനീർ ഉത്‌പാ​ദി​പ്പി​ക്കു​ന്നു. അടിസ്ഥാന, അല്ലെങ്കിൽ അനുസ്യൂ​ത​മായ കണ്ണുനീർ കണ്ണിനെ നനയ്‌ക്കു​ന്നു. പ്രതി​പ്ര​വർത്തക കണ്ണുനീർ, ഏതെങ്കി​ലും അന്യവ​സ്‌തു കണ്ണിൽ കടന്നു കരുക​രു​പ്പു​ണ്ടാ​ക്കു​മ്പോൾ പെട്ടെന്നു പ്രവർത്ത​ന​നി​ര​ത​മാ​കു​ന്നു. എന്നാൽ വൈകാ​രി​ക​മായ കണ്ണുനീർ പൊഴി​ക്കൽ, കരച്ചിൽ, ആണ്‌ പ്രത്യേ​കാൽ മനുഷ്യ​സ​ഹ​ജ​വും മനസ്സി​ലാ​ക്ക​പ്പെ​ടാ​ത്ത​തു​മാ​യി​രിക്കു​ന്നത്‌ എന്നു​തോ​ന്നു​ന്നു.

ഏറെയും വൃക്കക​ളും, വൻകു​ട​ലും, ശ്വാസ​കോ​ശ​വും, രോമ​കൂ​പ​ങ്ങ​ളും ചെയ്യു​ന്ന​തു​പോ​ലെ, വൈകാ​രി​ക​മായ കരച്ചിൽ ഹാനി​ക​ര​വും ആവശ്യ​ത്തി​ല​ധി​ക​മു​ള്ള​തു​മായ പദാർത്ഥ​ങ്ങ​ളിൽനി​ന്നു ശരീരത്തെ യഥാർത്ഥ​ത്തിൽ മോചി​പ്പി​ക്കു​ന്നു​വെന്നു ഗവേഷ​ക​നായ വില്യം ഫ്രൈ അഭി​പ്രാ​യ​പ്പെ​ടു​ന്നു. അദ്ദേഹം, കരച്ചിൽ—കണ്ണുനീ​രി​ന്റെ രഹസ്യം (Crying— The Mystery of Tears) എന്ന തന്റെ പുസ്‌ത​ക​ത്തിൽ, ഒരു പ്രകോ​പ​ന​വ​സ്‌തു (ഒരു ഉള്ളി) മൂലം ഉണ്ടാകുന്ന കണ്ണുനീ​രും വികാ​ര​ത്താ​ലു​ണ്ടാ​കുന്ന (സങ്കടക​ര​മായ ചലച്ചി​ത്രങ്ങൾ കാണു​ന്ന​തിൽനിന്ന്‌) കണ്ണുനീ​രും തമ്മിൽ നടത്തിയ താരത​മ്യ​പ​ഠ​ന​ത്തേ​പ്പ​ററി വിവരി​ക്കു​ന്നു. വൈകാ​രിക കണ്ണുനീ​രിൽ മാംസ്യം കൂടിയ അളവിൽ അടങ്ങി​യി​രു​ന്നു—ഏതാണ്ട്‌ 24 ശതമാനം അധികം. കാരണം ഇനിയും വ്യക്തമ​ല്ലെ​ങ്കി​ലും, ശരീരം പ്രകോ​പ​ന​ത്തോ​ടുള്ള പ്രതി​ക​ര​ണം​കൊണ്ട്‌ ഉണ്ടാകു​ന്ന​തിൽനി​ന്നു വ്യത്യ​സ്‌ത​മായ ഒരു തരം കണ്ണുനീർ വികാ​ര​ത്തോ​ടുള്ള പ്രതി​ക​ര​ണ​മാ​യി ഉത്‌പാ​ദി​പ്പി​ക്കു​ന്നു​വെന്നു തോന്നു​ന്നു.

“ഞാൻ ഒരു സ്‌ത്രീ​യെ​പ്പോ​ലെ കരയുന്നു. എന്റെ കണ്ണ്‌, എന്റെ കണ്ണുതന്നെ നീരൊ​ഴു​ക്കു​ന്നു,” എന്നു പ്രവാ​ച​ക​നായ യിരെ​മ്യാവ്‌ എഴുതി. (വിലാ​പങ്ങൾ 1:16, NW) വാസ്‌ത​വ​ത്തിൽ സ്‌ത്രീ​കൾ പുരു​ഷൻമാ​രേ​ക്കാൾ കൂടുതൽ കരയു​ന്നു​ണ്ടോ? സ്ഥിതി​വി​വ​ര​ക്ക​ണ​ക്ക​നു​സ​രിച്ച്‌ അങ്ങനെ​യാണ്‌—ഏതാണ്ടു നാലി​രട്ടി പ്രാവ​ശ്യം (ഒരുമാ​സം പുരു​ഷൻമാ​രു​ടെ 1.4 പ്രാവ​ശ്യ​ത്തിന്‌ എതിരെ 5.3 പ്രാവ​ശ്യം). ഫ്രൈ പറയു​ന്ന​ത​നു​സ​രിച്ച്‌, ശൈശ​വ​ത്തിൽ ആൺകു​ട്ടി​ക​ളും പെൺകു​ട്ടി​ക​ളും ഏതാണ്ട്‌ ഒരേ അളവിൽ കരയു​ന്നു​വെ​ങ്കി​ലും, കുട്ടി വൈകാ​രിക കണ്ണുനീർ പൊഴി​ക്കാൻ തുടങ്ങു​ന്നതു ജനനത്തി​നു​ശേഷം ദിവസ​ങ്ങ​ളോ ആഴ്‌ച​ക​ളോ കഴിഞ്ഞാ​യി​രി​ക്കാം. എന്നിരു​ന്നാ​ലും, കൗമാ​ര​വർഷ​ങ്ങ​ളിൽ വ്യത്യാ​സം പ്രകട​മാ​കാൻ തുടങ്ങു​ന്നു. ഇതു സാമു​ദാ​യി​ക​സ്വാ​ധീ​നം​കൊ​ണ്ടാ​യി​രി​ക്കാം. എങ്കിലും കൗമാ​ര​പ്രാ​യം​വരെ രണ്ടു വർഗ്ഗത്തി​ലും​പെട്ട കുട്ടി​ക​ളി​ലും ക്ഷീരോൽപ്പാ​ദ​നോ​ത്തേജക ഹോർമോ​ണായ പ്രൊ​ലാ​ക്‌റ​റിൻ തുല്യ​മാ​യി അടങ്ങി​യി​രി​ക്കു​ന്നു. സ്‌ത്രീ​ക​ളിൽ, 13-നും 16-നും ഇടയ്‌ക്ക്‌ ഏതെങ്കി​ലും പ്രായ​ത്തിൽ ഇതിന്റെ അളവു​യ​രു​ന്നു.

കണ്ണുനീ​രിൽ പ്രൊ​ലാ​ക്‌റ​റിൻ കാണ​പ്പെ​ടു​ന്നു. സമ്മർദ്ദ​മു​ള്ള​പ്പോ​ഴും അതു ശരീര​ത്തിൽ കുമി​ഞ്ഞു​കൂ​ടു​ന്നു. അതു​കൊണ്ട്‌, സമ്മർദ്ദ​മു​ണ്ടാ​കു​മ്പോൾ സ്‌ത്രീ​കൾ പുരു​ഷൻമാ​രേ​ക്കാൾ കൂടിയ അളവിൽ ഹോർമോ​ണിന്‌ അധീന​പ്പെ​ട്ടു​പോ​കും. പുരു​ഷൻമാ​രേ​ക്കാൾ എളുപ്പ​ത്തി​ലും കൂടെ​ക്കൂ​ടെ​യും സ്‌ത്രീ​കൾ കരയു​ന്നത്‌ ഇതു​കൊ​ണ്ടാ​യി​രി​ക്കു​മോ? രാസസ​ന്തു​ലനം വീണ്ടെ​ടു​ക്കാ​നുള്ള ശരീര​ത്തി​ന്റെ പരി​ശ്ര​മ​മാ​ണു വൈകാ​രിക കരച്ചിൽ എന്നു ഡോക്ടർ ഫ്രൈ വിശ്വ​സി​ക്കു​ന്നു. ഹോർമോ​ണു​കൾ കരച്ചി​ലി​നെ യഥാർത്ഥ​ത്തിൽ ഉത്തേജി​പ്പി​ച്ചേ​ക്കാം. അതു​കൊ​ണ്ടാ​ണു മിക്ക​പ്പോ​ഴും കരച്ചി​ലി​നു​ശേഷം കൂടുതൽ സുഖം നമുക്കു തോന്നു​ന്ന​തെന്ന്‌ അദ്ദേഹം സിദ്ധാ​ന്തി​ക്കു​ന്നു.

മനോ​രോ​ഗ​ചി​കി​ത്സ​ക​യായ മാർഗ​ര​ററ്‌ ക്രേയ്‌പ്പോ നടത്തിയ വേറൊ​രു പഠനം, കരച്ചിൽ പിടി​ച്ചു​നിർത്തു​ന്ന​തും “വ്രണങ്ങ​ളും വൻകു​ടൽപ​ഴു​പ്പും​പോ​ലെ​യുള്ള സമ്മർദ്ദ​സം​ബ​ന്ധ​മായ ആന്തരിക രോഗ​ങ്ങ​ളു​ടെ സാരമാ​യി ഉയർന്ന നിരക്കും” തമ്മിൽ ഒരു ബന്ധമു​ണ്ടെന്നു കണ്ടെത്തി. (സെവൻറീൻ, മേയ്‌ 1990) മററു ഗവേഷകർ ഇതി​നെ​തി​രായ തെളിവു കണ്ടെത്തി. ഡോക്ടർമാ​രായ സൂസൻ ലബൊ​ട്ടും റാൻഡൽ മാർട്ടി​നും കൂടെ​ക്കൂ​ടെ കരയു​ന്ന​വ​രെ​യും വല്ലപ്പോ​ഴും കരയു​ന്ന​വ​രെ​യും പരി​ശോ​ധി​ച്ച​താ​യി ഹെൽത്ത്‌ മാസിക റിപ്പോർട്ടു​ചെ​യ്യു​ന്നു. കണ്ണീ​രൊ​ലി​പ്പി​ച്ച​തു​കൊ​ണ്ടു സമ്മർദ്ദം കുറഞ്ഞി​ല്ലെ​ന്നും, കൂടെ​ക്കൂ​ടെ കരയു​ന്നവർ “ഉത്‌ക്ക​ണ്‌ഠ​ക്കും വിഷാ​ദ​ത്തി​നും കൂടുതൽ ചായ്‌വു​ള്ള​വ​രാ​യി​രു​ന്നു​വെ​ന്നും” അവരുടെ കണ്ടുപി​ടു​ത്തങ്ങൾ പ്രകട​മാ​ക്കി. കരച്ചിൽ, “പ്രശ്‌ന​ത്തിൽനി​ന്നു നമ്മെ വ്യതി​ച​ലി​പ്പി​ക്കു​ക​മാ​ത്രം” ചെയ്യു​മ്പോൾ അതുപ​കാ​ര​പ്ര​ദമല്ല എന്നാണ്‌ അവരുടെ നിഗമനം. എന്നിരു​ന്നാ​ലും, കരയു​ന്നത്‌, ആഘാത​മേൽപ്പി​ക്കുന്ന ഒരനു​ഭ​വത്തെ, ഉദാഹ​ര​ണ​ത്തിന്‌, പ്രിയ​പ്പെട്ട ഒരാളു​ടെ മരണത്തെ സഹിക്കു​ന്ന​തി​ന്റെ പ്രധാന ഭാഗമാ​യി​രി​ക്കാൻ കഴിയും.

വൈകാ​രി​ക കണ്ണുനീ​രി​ന്റെ കാരണ​വും ഉദ്ദേശ്യ​വും പിടി​കൊ​ടു​ക്കാ​തെ നില​കൊ​ള്ളു​ന്നു​വെന്നു പറഞ്ഞാൽ മതിയ​ല്ലോ.

മറെറ കണ്ണുനീർ

നിങ്ങളു​ടെ കണ്ണിലി​പ്പോ​ഴുള്ള, അനുസ്യൂ​ത​മായ കണ്ണുനീ​രി​ന്റെ പ്രവർത്ത​ന​ത്തെ​പ്പ​ററി നമുക്കു വളരെ​ക്കൂ​ടു​തൽ അറിവുണ്ട്‌. അതു നിങ്ങളു​ടെ കണ്ണുകളെ നനക്കു​ന്ന​തി​ലു​പ​രി​യാ​യി വളരെ​ക്കൂ​ടു​തൽ ചെയ്യുന്നു. അത്ഭുത​ക​ര​മായ ഈ ദ്രാവകം ഉത്‌പാ​ദി​പ്പി​ക്ക​പ്പെ​ടു​ക​യും പരക്കു​ക​യും അശ്രു​വാ​ഹി​നി​വ്യ​വ​സ്ഥ​യി​ലൂ​ടെ ബഹിഷ്‌ക്ക​രി​ക്ക​പ്പെ​ടു​ക​യും ചെയ്യു​മ്പോൾ, നമുക്ക്‌ അതിന്റെ ഗതി നിരീ​ക്ഷി​ക്കാം.

നിങ്ങളു​ടെ പുറത്തെ കൺകോ​ണി​ന്റെ തൊട്ടു​മു​ക​ളി​ലുള്ള കുഴി​വി​ലാ​ണു പ്രധാന കണ്ണുനീർഗ്രന്ഥി കാണ​പ്പെ​ടു​ന്നത്‌. ഈ മൃദു​ഗ്രന്ഥി, മററ്‌ 60 എണ്ണത്തോ​ടൊ​പ്പം, ശ്ലേഷ്‌മം, ജലം, എണ്ണ എന്നിവ​യു​ടെ മൂന്നടു​ക്കു​ക​ളോ​ടു​കൂ​ടിയ ഒരു സൂക്ഷ്‌മ​പ​ടലം നിർമ്മി​ക്കു​ന്നു.

ഏററവും അകത്തെ ശ്ലേഷ്‌മ പാളി, തുറന്ന കൺമി​ഴി​ക്കു​മീ​തെ കൺപോള അനായാ​സം നീങ്ങത്ത​ക്ക​വണ്ണം വഴുവ​ഴു​പ്പു​ള്ളൊ​രു പ്രതലം സൃഷ്ടി​ക്കു​ന്നു. ഈ മൂന്നെ​ണ്ണ​ത്തിൽ ഏററവും കട്ടികൂ​ടി​യത്‌ ജല പാളി​യാണ്‌, കാചപ​ട​ല​ത്തിന്‌ ഒഴിച്ചു​കൂ​ടാൻപാ​ടി​ല്ലാത്ത ഓക്‌സി​ജ​ന​ടക്കം പല പ്രധാ​ന​പ്പെട്ട ഘടകങ്ങ​ള​ട​ങ്ങി​യ​തു​തന്നെ. അതി​നോ​ടു കണ്ണുനീ​രിൽ കാണുന്ന ലൈ​സോ​സൈ​മി​ന്റെ​യും വേറെ 11 എൻ​സൈ​മു​ക​ളു​ടെ​യും ഒരു മാത്ര​കൂ​ടെ ചേർക്കുക. ലൈ​സോ​സൈം ബാക്ടീ​രി​യ​യോ​ടു പൊരു​തു​ന്ന​തിൽ മികവു​റ​റ​താണ്‌. അതു നേത്രത്തെ ശുഭ്ര​മാ​യും ശുചി​യാ​യും സൂക്ഷി​ക്കു​ന്നു.

ഈ കണ്ണുനീ​രിന്‌ അന്തിമ​മി​നു​ക്കു​പ​ണി​കൾ നടത്തു​ന്നതു 30 മൈ​ബോ​മീ​യൻ ഗ്രന്ഥി​ക​ളാണ്‌. ഈ ഗ്രന്ഥികൾ, രണ്ടു കൺപോ​ള​ക​ളു​ടെ​യും പീലി​കൾക്കു പിറകി​ലാ​യി ഒരേ വരിയിൽ കാണ​പ്പെ​ടുന്ന ആ ചെറിയ മഞ്ഞക്കു​ത്തു​ക​ളാണ്‌. ഇവ എണ്ണയുടെ പാളി സ്രവി​പ്പി​ക്കു​ന്നു. ഈ പാളി നിങ്ങളു​ടെ കാഴ്‌ചക്കു മങ്ങലേൽക്കാത്ത വിധത്തിൽ വളരെ നേർത്ത​താ​യി​രി​ക്കു​മ്പോൾത്തന്നെ, കണ്ണുചി​മ്മു​ന്ന​തി​നി​ട​യിൽ കണ്ണുനീർപ്പാട ബാഷ്‌പീ​ഭ​വി​ക്കു​ന്ന​തിൽനി​ന്നും അസുഖ​ക​ര​മായ ഉണങ്ങിയ ഇടങ്ങൾ ഉണ്ടാകു​ന്ന​തിൽനി​ന്നും തടയുന്നു. വാസ്‌ത​വ​ത്തിൽ, ചിലയാ​ളു​കൾക്കു പരിമി​ത​മായ എണ്ണയേ ഉള്ളു. അങ്ങനെ​യു​ള്ള​വ​രു​ടെ കണ്ണുനീർ സാധാ​ര​ണ​യു​ള്ള​തി​നേ​ക്കാൾ വളരെ​വേഗം വററി​പ്പോ​കു​ന്നു.

ഒരു കണ്ണുചി​മ്മ​ലിൽ

അങ്ങനെ കൺപോള, ഘടകങ്ങ​ളു​ടെ തികച്ചും കൃത്യ​മായ മിശ്രി​തം വഹിച്ചു​കൊ​ണ്ടും അവയെ കൺമി​ഴി​ക്കു​മീ​തെ മൂന്നു​പാ​ളി​ക​ളിൽ സമമായി പരത്തി​ക്കൊ​ണ്ടും ഇതാ പെട്ടെന്നു താഴോ​ട്ടു​വ​രു​ന്നു. കൺപോ​ളകൾ സമ്പൂർണ്ണ​മാ​യി ചേരു​ന്ന​തി​നാൽ, തുറന്ന മിഴി​യു​ടെ മുഴു​പ്ര​ത​ല​വും കുളിർമ്മ​നൽകുന്ന ഈ സ്‌നാ​ന​ത്തിൽ നനയുന്നു.

ഉപയോ​ഗം കഴിഞ്ഞ കണ്ണുനീ​രിന്‌ എന്തു സംഭവി​ക്കു​ന്നു? നിങ്ങളു​ടെ കണ്ണിന്റെ ഒരു സൂക്ഷ്‌മ​നി​രീ​ക്ഷണം പംക്‌ററം എന്നു വിളി​ക്ക​പ്പെ​ടുന്ന, അകത്തെ കൺകോ​ണി​ലുള്ള ഒരു സുഷിരം നിങ്ങൾക്കു കാണി​ച്ചു​ത​രും, അത്‌ അധിക​മുള്ള കണ്ണുനീ​രി​നെ അശ്രു​സ​ഞ്ചി​യി​ലേ​ക്കുള്ള ഒരു ചാലി​ലേക്ക്‌ ഒഴുക്കി​വി​ടു​ന്നു. അവി​ടെ​നി​ന്നു കണ്ണുനീർ മൂക്കി​ന്റെ​യും കണ്‌ഠ​ത്തി​ന്റെ​യും പിറകി​ലൂ​ടെ താഴേക്കു പോകു​ക​യും, അവി​ടെ​വച്ചു ശ്ലേഷ്‌മ​പാ​ട​ക​ളാൽ വലി​ച്ചെ​ടു​ക്ക​പ്പെ​ടു​ക​യും ചെയ്യുന്നു. കണ്ണുചി​മ്മൽ അശ്രു​സ​ഞ്ചി​യെ ഒരു പമ്പു​പോ​ലെ പ്രവർത്തി​ക്കാൻ ഇടയാ​ക്കു​ന്നു, അതു കണ്ണുനീ​രി​നെ നാളി​യി​ലേ​ക്കും താഴേ​ക്കും തള്ളിവി​ടു​ന്നു.

നിങ്ങൾ കരയാൻ തുടങ്ങു​മ്പോൾ, അധിക​മുള്ള കണ്ണുനീർ നീക്കം ചെയ്യാൻ ഏറെ​വേ​ഗ​ത്തിൽ ആ പമ്പു പ്രവർത്തി​പ്പി​ച്ചു​കൊ​ണ്ടു നിങ്ങൾ സ്വാഭാ​വി​ക​മാ​യി തുരു​തു​രെ കണ്ണുചി​മ്മി​യേ​ക്കാം. എന്നിരു​ന്നാ​ലും, ഒരു കണ്ണുനീർപ്ര​ളയം തന്നെ തുടങ്ങു​മ്പോൾ, പമ്പിന്‌ അതിഭാ​ര​മാ​കു​ക​യും, നാസാ​ര​ന്ധ്ര​ത്തി​ലുള്ള അശ്രു​സഞ്ചി കവി​ഞ്ഞൊ​ഴു​കു​ക​യും, നിങ്ങളു​ടെ മൂക്കി​ലൂ​ടെ കണ്ണുനീർ ഒലിക്കു​ക​യും ചെയ്യുന്നു. ഇപ്പോ​ഴേ​ക്കും ബാക്കി​യുള്ള കണ്ണുനീർ കൺപോ​ളകൾ കവിഞ്ഞു കവിളി​ലൂ​ടെ താഴേ​ക്കൊ​ഴു​കു​ന്ന​തി​നാൽ നിങ്ങൾ ഒരു തൂവാല എടുക്കു​ക​യാ​യി​രി​ക്കും ഭേദം.

അങ്ങനെ, കണ്ണുനീ​രി​നു പ്രേരി​പ്പി​ക്കു​ന്നത്‌ എന്തുത​ന്നെ​യാ​യാ​ലും—ഒരു ഹൃദയം​ഗ​മ​മായ പുകഴ്‌ത്ത​ലോ വേദനി​പ്പി​ക്കുന്ന ഒരു ദൂഷണ​മോ ആവേശ​ക​ര​മായ ചിരി​യോ തുടർച്ച​യായ നിരാ​ശ​യോ പുളക​പ്ര​ദ​മായ ഒരു വിജയ​മോ ഉൽക്കട​മായ ഇച്ഛാഭം​ഗ​മോ ആയിരു​ന്നാ​ലും—നിങ്ങളു​ടെ വികാ​ര​ങ്ങളെ വിളി​ച്ച​റി​യി​ക്കാൻ ഒരു കണ്ണുനീർസം​ഭാ​രം ഒരുങ്ങി​യി​രി​ക്കു​ന്നു. (g92 9/22)

23-ാം പേജിലെ ചതുരം]]

കണ്ണു ചുവക്കു​ന്ന​തി​നു പരിഹാ​രം

പലപ്പോ​ഴും നിങ്ങളു​ടെ കണ്ണുക​ളിൽ ആ നീറുന്ന, തരുത​രു​ക്കുന്ന അനുഭവം ഉണ്ടായി​ട്ടുണ്ട്‌. എന്താണ്‌ അതിന്റെ ഹേതു? വെള്ളക്ക​രു​വി​നു മീതെ​യുള്ള പാടയി​ലെ രക്തധമ​നി​കൾ വലിയു​മ്പോ​ഴാണ്‌, കണ്ണു ചുവക്കു​ന്നത്‌.

കണ്ണുനീ​രി​ന്റെ കുറവാ​യി​രി​ക്കാം കുററ​ക്കാ​രൻ. നീണ്ട മണിക്കൂ​റു​കൾ വീഡി​യോ പ്രദർശന ടെർമി​ന​ലി​ലോ അച്ചടിച്ച പേജു​ക​ളി​ലോ ജോലി​ചെ​യ്യു​ന്നവർ വേണ്ടു​വോ​ളം കണ്ണുചി​മ്മു​ന്നേ​യില്ല. സാധാരണ കണ്ണുചി​മ്മൽ നിരക്ക്‌ ഒരുമി​നി​ട്ടിൽ ഏതാണ്ട്‌ 15 പ്രാവ​ശ്യ​മാണ്‌. വായി​ക്കു​മ്പോ​ഴോ, വണ്ടി ഓടി​ക്കു​മ്പോ​ഴോ, വേറേ ഏതെങ്കി​ലും വിധത്തിൽ ശ്രദ്ധ​കേ​ന്ദ്രീ​ക​രി​ക്കു​മ്പോ​ഴോ ഈ നിരക്കു മിനി​ട്ടിൽ മൂന്നു മുതൽ ആറു വരെ കുറ​ഞ്ഞേ​ക്കാ​വു​ന്ന​തു​കൊ​ണ്ടു കണ്ണിൽ വരൾച്ച​യും കരുക​രു​പ്പും ഉണ്ടാകു​ന്നു. കണ്ണുചി​മ്മൽ ഒഴിവ്‌ എന്നു വിളി​ക്ക​പ്പെ​ടുന്ന അവസര​ത്തി​നു തങ്ങളേ​ത്തന്നെ വിട്ടു​കൊ​ടു​ക്കാ​നും തുള്ളി​മ​രു​ന്നു​കൾ ഉപയോ​ഗി​ച്ചു കണ്ണുകളെ തണുപ്പി​ക്കു​വാ​നും ഡോക്ടർമാർ ശുപാർശ ചെയ്യുന്നു.

ഇരുട്ടി​ലും ഉറക്കത്തി​ലും കണ്ണുനീർ പ്രവർത്തനം വളരെ കുറയു​ന്ന​തി​നാൽ നിങ്ങൾ ഉറക്കമു​ണ​രു​മ്പോൾ അൽപ്പം ചുവപ്പു​നി​റം നിരീ​ക്ഷി​ക്കും.

വാർദ്ധ​ക്യ​മാ​കൽ പ്രക്രിയ പോ​ലെ​തന്നെ ചില മരുന്നു​ക​ളു​ടെ ഉപയോ​ഗ​വും കണ്ണുനീർ ഗ്രന്ഥി​ക​ളു​ടെ പ്രവർത്ത​നത്തെ മന്ദീഭ​വി​പ്പി​ച്ചേ​ക്കാം. അലർജി​കൾ മൂലമോ, കാലാ​വ​സ്ഥ​യി​ലെ അമിത വ്യതി​യാ​നങ്ങൾ മൂലമോ, മലിന​വ​സ്‌തു​ക്കൾ മൂലമോ, കൺപോ​ള​ക്കു​ണ്ടാ​കുന്ന രോഗ​പ്പ​കർച്ച​യോ വീക്കമോ മൂലമോ ചുവപ്പു​നി​റം ഉണ്ടാ​യേ​ക്കാം.

ക്ഷതം​കൊ​ണ്ടോ ജൻമനാ​യുള്ള തകരാ​റു​കൾകൊ​ണ്ടോ കൺപോ​ള​യോ ഗ്രന്ഥി​ക​ളോ വികല​മാ​വു​ക​യോ അടഞ്ഞു​പോ​വു​ക​യോ ചെയ്‌താൽ, കണ്ണീർപാ​ട​യു​ടെ പൂർണ്ണ​മായ ആവരണം കണ്ണിനു കിട്ടാ​താ​യേ​ക്കാം. അല്ലെങ്കിൽ പാട തന്നെ ഘടനയിൽ അസന്തു​ലി​ത​മാ​യി​രി​ക്കാം.

അന്തിമ​മാ​യി, കണ്ണുക​ളും വായും ചർമ്മവും ഉണങ്ങാൻ ഇടയാ​ക്കി​ക്കൊ​ണ്ടു കണ്ണുനീർ, ഉമിനീർ, എണ്ണ, ഗ്രന്ഥി​ക​ളേ​യും മററു​ള്ള​വ​യേ​യും ആക്രമി​ക്കുന്ന ഒരു സ്വതഃ​പ്ര​തി​ര​ക്ഷാ​ക്ര​മ​ക്കേ​ടായ സ്‌ജോ​ഗ്രെൻ സിൻ​ഡ്രോം പോ​ലെ​യുള്ള രോഗ​ങ്ങ​ളാൽ ദശലക്ഷങ്ങൾ കഷ്ടപ്പെ​ടു​ന്നു.

കണ്ണുക​ളു​ടെ വിട്ടു​മാ​റാത്ത നിർജ്ജലത സംബന്ധി​ച്ചെന്ത്‌? ബാഷ്‌പീ​ക​ര​ണത്തെ കുറയ്‌ക്കുന്ന, കണ്ണിനു​ചു​റ​റു​മുള്ള ഒരു വായു​രോ​ധക കവചമാ​യി പ്രവർത്തി​ക്കുന്ന, പ്രത്യേക ഗ്ലാസ്സു​കൾപോ​ലെ​തന്നെ തുള്ളി​ക​ളു​ടെ​യും ചെറിയ ഗുളി​ക​ക​ളു​ടെ​യും രൂപത്തിൽ കൃത്രി​മ​ക​ണ്ണു​നീർ ഇപ്പോൾ വ്യാപ​ക​മാ​യി ലഭ്യമാണ്‌. അസുഖ​ക​ര​മാ​ണെ​ന്നി​രി​ക്കെ, ഈ അവസ്ഥകൾ വളരെ അപൂർവ​മാ​യേ അന്ധതയി​ലേക്കു നയിക്കു​ന്നു​ള്ളു. എന്നിരു​ന്നാ​ലും ചികി​ത്സി​ക്കാ​തെ വിട്ടാൽ വിട്ടു​മാ​റാത്ത നിർജ്ജലത കാചപ​ട​ല​ത്തിന്‌ അപകടം ചെയ്യും. അതു​കൊ​ണ്ടു വൈ​ദ്യോ​പ​ദേശം തേടു​ന്നതു പ്രധാ​ന​മാണ്‌.

[24-ാം പേജിലെ ചതുരം]

“എന്റെ കണ്ണുനീർ നിന്റെ തുരു​ത്തി​യിൽ ആക്കി​വെ​ക്കേ​ണമേ”

ദൈവ​ത്തോട്‌, തന്റെ അഗാധ​മായ കഷ്ടതയി​ലേക്കു ശ്രദ്ധതി​രി​ക്ക​ണ​മേ​യെന്ന്‌ അപേക്ഷി​ച്ചു​കൊ​ണ്ടു സങ്കീർത്ത​ന​ക്കാ​ര​നായ ദാവീദ്‌ അപ്രകാ​രം എഴുതി. (സങ്കീർത്തനം 56:8) അതെ, ഹൃദയ​ഭേ​ദ​ക​മായ സാഹച​ര്യ​ങ്ങൾ ദൈവ​ത്തി​ന്റെ വിശ്വ​സ്‌ത​രായ ദാസൻമാ​രു​ടെ ജീവി​ത​ത്തിൽപോ​ലും കരച്ചി​ലി​നു കാരണ​മാ​ക്കി​യി​ട്ടുണ്ട്‌.

തന്റെ പുത്രൻമാ​രായ അമ്‌നോ​ന്റെ​യും അബ്‌ശാ​ലോ​മി​ന്റെ​യും വിശ്വസ്‌ത സുഹൃ​ത്തായ യോനാ​ഥാ​ന്റെ​യും അതു​പോ​ലെ​തന്നെ ശൗൽ രാജാ​വി​ന്റെ​യും മരണത്തിൽ ദാവീദ്‌ രാജാ​വി​ന്റെ കഠിന​മായ ദുഃഖാ​ശ്രു​വി​നെ​ക്കു​റി​ച്ചു സങ്കൽപ്പി​ക്കുക. (2 ശമൂവേൽ 1:11, 12; 13:29, 36; 18:33) അമാ​ലേ​ക്യർ സിക്ലാ​ഗ്‌പ​ട്ടണം കൊള്ള​യ​ടി​ക്കു​ക​യും ദാവീ​ദി​ന്റെ​യും അവന്റെ ബലവാൻമാ​രായ പുരു​ഷൻമാ​രു​ടെ​യും ഭാര്യ​മാ​രെ​യും കുട്ടി​ക​ളെ​യും പിടി​ച്ചു​കൊ​ണ്ടു​പോ​കു​ക​യും ചെയ്‌ത​പ്പോൾ “അവർ ബലമി​ല്ലാ​താ​കു​വോ​ളം ഉറക്കെ കരഞ്ഞു.”—1ശമൂവേൽ 30:4.

യാക്കോ​ബും മോശ​യും മരിച്ച​പ്പോൾ ജനം മുഴുവൻ ദിവസ​ങ്ങ​ളോ​ളം കരഞ്ഞ​പ്പോൾ അവരുടെ ദുഃഖം വലുതാ​യി​രു​ന്നി​രി​ക്കും. (ഉല്‌പത്തി 50:3; ആവർത്തനം 34:8) അടിമ​ത്ത​വും പീഡന​വും കഷ്ടപ്പാ​ടി​ന്റെ കരച്ചിൽ യഹോ​വ​യു​ടെ കാതു​ക​ളിൽ എത്തിച്ചി​ട്ടുണ്ട്‌. (ഇയ്യോബ്‌ 3:24; സങ്കീർത്തനം 137:1; സഭാ​പ്ര​സം​ഗി 4:1) ബൈബിൾപു​സ്‌ത​ക​മായ വിലാ​പങ്ങൾ മുഴു​വ​നും കണ്ണീ​രൊ​ഴു​ക്കി​ക്കൊ​ണ്ടി​രുന്ന യിരെ​മ്യാ​വി​നാൽ എഴുത​പ്പെട്ട ശോകാ​കു​ല​മായ ഒരു ഗീതമാണ്‌.—വിലാ​പങ്ങൾ 1:16; 2:11, 18; 1:1 കാണുക, അടിക്കു​റി​പ്പും.

ബലഹീ​ന​ത​യു​ടെ ഒരു അടയാ​ള​മാ​യി​രി​ക്കു​ന്ന​തി​നു​പ​കരം കരച്ചിൽ ശക്തമായ വികാ​ര​ങ്ങ​ളു​ടെ ഒരു നൈസർഗ്ഗിക പ്രകട​ന​മാണ്‌. അതിനാൽ, പൂർണ്ണ​മ​നു​ഷ്യ​നാ​യി​രുന്ന യേശു​പോ​ലും വികാ​രാ​ധീ​ന​നാ​യി. ഒരിക്കൽ അവൻ യരുശ​ലേം നഗര​ത്തെ​ക്കു​റി​ച്ചും മറെറാ​രി​ക്കൽ മരണത്തിൽ നഷ്ടപ്പെട്ട ലാസറി​ന്റെ കുടും​ബ​ത്തെ​യും സുഹൃ​ത്തു​ക്ക​ളെ​യും കണ്ടിട്ടും കരഞ്ഞു. (ലൂക്കൊസ്‌ 19:41; യോഹ​ന്നാൻ 11:33-35) എന്നിരു​ന്നാ​ലും, യേശു തന്റെ ഉററമി​ത്രത്തെ കല്ലറയിൽനി​ന്നു വിളി​ച്ച​പ്പോൾ കുടും​ബ​ത്തി​ന്റെ​യും മിത്ര​ങ്ങ​ളു​ടെ​യും ആ ദുഃഖ​ത്തി​ന്റെ അശ്രുക്കൾ പെട്ടെ​ന്നു​തന്നെ സന്തോ​ഷാ​ശ്രു​ക്ക​ളാ​യി​മാ​റി.—യോഹ​ന്നാൻ 11:41-44.