യുവജ​നങ്ങൾ ചോദി​ക്കു​ന്നു. . .

ഇത്രയ​ധി​കം ഗൃഹപാ​ഠം സംബന്ധിച്ച്‌ എനിക്ക്‌ എന്തു ചെയ്യാൻ കഴിയും?

യുവജനങ്ങൾക്കിടയിലെസമ്മർദങ്ങൾക്കുള്ള ഏററവും സാധാ​ര​ണ​മായ കാരണ​ങ്ങ​ളിൽ ഒന്നു “വളരെ​യേ​റെ​യുള്ള സ്‌കൂൾ പ്രവർത്ത​നങ്ങൾ” ആണെന്നു പറയ​പ്പെ​ടു​ന്നു.

“നിങ്ങൾ സുസം​ഘ​ടി​ത​ര​ല്ലെ​ങ്കിൽ, അടുത്ത​താ​യി എന്താണു ചെയ്യേ​ണ്ടത്‌ എന്നു ചിന്തി​ച്ചു​കൊ​ണ്ടു വളരെ​യ​ധി​കം സമയം പാഴാ​ക്കും”

‘ഞങ്ങൾക്കു വേണ്ടു​വോ​ളം സമയമില്ല!’ ഒരു കൂട്ടം ഹൈസ്‌കൂൾ വിദ്യാർഥി​കൾ പരാതി​പ്പെ​ട്ടത്‌ അങ്ങനെ​യാണ്‌. ഈ പ്രശ്‌ന​ത്തി​ന്റെ കാരണം? സ്‌കൂ​ളി​നും ഗൃഹപാ​ഠ​ത്തി​നും കൊടു​ക്കേ​ണ്ടി​വ​രുന്ന ശ്രദ്ധ തന്നെ. വെറോ​നിക്ക്‌ എന്ന യുവതി പറയുന്നു: “എന്റെ സ്‌കൂൾ രാവിലെ 8 മണിക്ക്‌ ആരംഭിച്ച്‌ വൈകിട്ട്‌ 5:30-ന്‌ അവസാ​നി​ക്കും. ഞാൻ വീട്ടി​ലെ​ത്തു​മ്പോ​ഴേ​ക്കും ആറരയാ​കും. അതു ബുദ്ധി​മു​ട്ടാണ്‌. സ്‌കൂ​ളി​ലാ​യി​രി​ക്കു​ന്നതു സുഖക​ര​മായ ഒരു ജീവി​ത​മാ​ണെ​ന്നാണ്‌ മാതാ​പി​താ​ക്കൾ വിചാ​രി​ക്കു​ന്നത്‌. സ്‌കൂൾ ക്ഷീണി​പ്പി​ക്കു​ന്ന​തും സമ്മർദ​മു​ള​വാ​ക്കു​ന്ന​തും ആണെന്നും പിന്നെ വീട്ടി​ലെ​ത്തി​യാൽ ഗൃഹപാ​ഠ​മു​ണ്ടെ​ന്നും അവർ മനസ്സി​ലാ​ക്കു​ന്നില്ല.” പതി​നേ​ഴു​കാ​രി സാന്ദ്രിൻ കൂട്ടി​ച്ചേർക്കു​ന്നു: “ഗൃഹപാ​ഠം ചെയ്യാൻ ഞാൻ ഓരോ രാത്രി​യി​ലും രണ്ടുമു​തൽ മൂന്നു​വരെ മണിക്കൂ​റും പിന്നെ വാരാ​ന്ത​ങ്ങ​ളും ചെലവ​ഴി​ക്കു​ന്നു.”

യൂറോ​പ്പിൽ വിദ്യാർഥി​കൾക്ക്‌ ഏററവും ദീർഘിച്ച സ്‌കൂൾ ദിനങ്ങ​ളുള്ള സ്ഥലങ്ങളിൽ ഒന്നായ ഫ്രാൻസി​ലാ​ണു വെറോ​നി​ക്കും സാന്ദ്രി​നും ജീവി​ക്കു​ന്നത്‌. മററു പല ദേശങ്ങ​ളി​ലെ വിദ്യാർഥി​ക​ളും, എല്ലാറ​റി​നു​മാ​യി തങ്ങളുടെ സമയം ചെലവി​ടേ​ണ്ട​തു​ള്ള​തി​നാൽ ഇതു​പോ​ലെ​തന്നെ സമർദ​വും നിരാ​ശ​യും ആകുല​ത​യും അനുഭ​വി​ക്കു​ന്നു. യുവജ​ന​ങ്ങൾക്കി​ട​യി​ലെ സമ്മർദ​ങ്ങൾക്കുള്ള ഏററവും സാധാ​ര​ണ​മായ കാരണ​ങ്ങ​ളിൽ ഒന്നു “വളരെ​യേ​റെ​യുള്ള സ്‌കൂൾപ്ര​വർത്ത​നങ്ങൾ” ആണെന്നു പറയ​പ്പെ​ടു​ന്നു.

ലോക​ത്തി​ന്റെ മിക്ക ഭാഗങ്ങ​ളി​ലും ഒരു ജോലി കണ്ടെത്തുക മുമ്പെ​ന്ന​ത്തെ​ക്കാൾ കൂടുതൽ ബുദ്ധി​മു​ട്ടേ​റി​യ​താ​ക​യാൽ, നല്ല വിദ്യാ​ഭ്യാ​സം നേടു​ന്നതു തൊഴിൽ മേഖല​യിൽ തങ്ങളുടെ ഭാവിക്കു നിർണാ​യ​ക​മാ​ണെന്ന്‌ അനേകം യുവജ​നങ്ങൾ വീക്ഷി​ക്കു​ന്നു. ഒരു ഹൈസ്‌കൂൾ വിദ്യാർഥി​നി​യായ വീയോ​ലെയ്‌ൻ പറയു​ന്ന​തു​പോ​ലെ: “പഠിക്കുക—അല്ലാതെ മററു മാർഗ​മൊ​ന്നു​മില്ല എന്നു കുട്ടികൾ മനസ്സി​ലാ​ക്ക​ത്ത​ക്ക​വി​ധം അന്തസ്സുള്ള ഒരു ജോലി ലഭിക്കു​ന്ന​തി​നുള്ള അവസരങ്ങൾ അത്രയ്‌ക്കു വളരെ വിഷമ​ക​ര​മാ​യി​രി​ക്കു​ന്നു!”

വേണ്ടു​വോ​ളം സമയമില്ല?

എന്നിരു​ന്നാ​ലും, അതിനു വളരെ​യേറെ സമയവും ഊർജ​വും ആവശ്യ​മാ​ണെന്നു സ്‌കൂ​ളിൽ മിടു​ക്ക​രാ​യി​രി​ക്കു​ന്ന​വർക്ക്‌ അറിയാം. നിങ്ങൾ യുവ​പ്രാ​യ​ത്തി​ലുള്ള ഒരു ക്രിസ്‌ത്യാ​നി​യാ​ണെ​ങ്കിൽ സമയം കൂടുതൽ ആവശ്യ​മുള്ള വേറെ കാര്യ​ങ്ങ​ളും നിങ്ങൾക്കുണ്ട്‌: ക്രിസ്‌തീയ യോഗ​ങ്ങൾക്കു ഹാജരാ​കൽ, ബൈബിൾ പഠനം, മററു​ള്ള​വ​രു​മാ​യി നിങ്ങളു​ടെ വിശ്വാ​സം പങ്കു​വെ​യ്‌ക്കൽ എന്നിവ​തന്നെ. (യോഹ​ന്നാൻ 17:3; റോമർ 10:10; എബ്രായർ 10:24, 25) “ചിരി​പ്പാൻ ഒരു കാലം” ഉണ്ടെന്നും ഉല്ലസി​ക്കാൻ ഒരു കാലമു​ണ്ടെ​ന്നും ബൈബിൾ കൂടു​ത​ലാ​യി പറയുന്നു. (സഭാ​പ്ര​സം​ഗി 3:1, 4; 11:9) മിക്ക യുവജ​ന​ങ്ങ​ളെ​യും​പോ​ലെ നിങ്ങളും വിനോ​ദ​ത്തി​നും വിശ്ര​മ​ത്തി​നും വേണ്ടി അല്‌പ​മെ​ങ്കി​ലും സമയമു​ണ്ടാ​ക്കാൻ ആഗ്രഹി​ച്ചേ​ക്കാം. എന്നാൽ നിങ്ങൾ ചെയ്‌തു തീർക്കേണ്ട കാര്യങ്ങൾ ചെയ്യാൻ സമയം വളരെ കുറ​ച്ചേ​യു​ള്ളു എന്നും ചെയ്യാൻ ഇഷ്ടപ്പെ​ടുന്ന മററു കാര്യ​ങ്ങൾക്കു സമയം അതിലും കുറ​ച്ചേ​യു​ള്ളു എന്നും സ്‌കൂൾപ്ര​വർത്തനം തോന്നി​പ്പി​ച്ചേ​ക്കാം.

എന്നാൽ പ്രശ്‌നം പലപ്പോ​ഴും കേവലം സമയക്കു​റവല്ല. ഹൈസ്‌കൂൾ വിദ്യാർഥി​കൾക്കു പഠിപ്പു​സം​ബ​ന്ധ​മായ പ്രശ്‌നങ്ങൾ ഉണ്ടാകു​ന്ന​തി​ന്റെ പ്രധാ​ന​കാ​ര​ണ​ങ്ങ​ളിൽ രണ്ടെണ്ണം അവരുടെ “സമയത്തി​ന്റെ മോശ​മായ ഉപയോ​ഗ​വും സംഘാ​ട​ന​ത്തി​ന്റെ അഭാവവു”മാണെന്ന്‌ അടുത്ത​കാ​ലത്തു നടത്തിയ ഒരു പഠനം വെളി​പ്പെ​ടു​ത്തി. ഒലീവ്യാർ എന്നൊരു യുവാവു കണ്ടെത്തി​യ​തു​പോ​ലെ, ഒരുവന്റെ മോശ​മായ സംഘാ​ട​ന​ത്തി​നു മാർക്കു​കളെ ബാധി​ക്കു​ന്ന​തി​ല​ധി​കം ചെയ്യാൻ കഴിയും. അവൻ പറയുന്നു: “നിങ്ങൾ സുസം​ഘ​ടി​ത​ര​ല്ലെ​ങ്കിൽ, അടുത്ത​താ​യി എന്താണു ചെയ്യേ​ണ്ടത്‌ എന്നു ചിന്തി​ച്ചു​കൊ​ണ്ടു വളരെ​യ​ധി​കം സമയം പാഴാ​ക്കും.” അങ്ങനെ​യെ​ങ്കിൽ നിങ്ങൾക്ക്‌ എങ്ങനെ സംഘടി​ത​രാ​കാൻ കഴിയും?

സ്‌കൂൾപ്ര​വർത്ത​ന​ത്തി​ന്റെ ഒരു സന്തുലി​ത​വീ​ക്ഷ​ണം

ഒന്നാമ​താ​യി നിങ്ങൾ സ്‌കൂൾപ്ര​വർത്ത​നത്തെ അതിന്റെ ആപേക്ഷിക സ്ഥാനത്തു നിർത്തണം. “നിങ്ങൾ ഭേദാ​ഭേ​ദ​ങ്ങളെ (കൂടുതൽ പ്രാധാ​ന്യ​മുള്ള കാര്യങ്ങളെ, NW) വിവേ​ചി​പ്പാ​റാ​കേണം” എന്നു ബൈബിൾ നമ്മോടു പറയുന്നു. (ഫിലി​പ്പി​യർ 1:10) നിങ്ങൾ അതി​നെ​ക്കു​റി​ച്ചു ചിന്തി​ക്കു​മ്പോൾ, നിങ്ങളു​ടെ ജീവി​ത​ത്തിൽ വാസ്‌ത​വ​ത്തിൽ ഏററവും പ്രധാ​ന​പ്പെ​ട്ടത്‌ എന്തായി​രി​ക്കണം? അതു നിങ്ങളു​ടെ ആത്മീയ ഉത്തരവാ​ദി​ത്വ​ങ്ങ​ളാ​യി​രി​ക്കേ​ണ്ട​തല്ലേ? ഇതി​നോ​ടുള്ള ബന്ധത്തിൽ യേശു തന്റെ അനുഗാ​മി​ക​ളോ​ടു പറഞ്ഞു: “മുമ്പെ അവന്റെ രാജ്യ​വും നീതി​യും അന്വേ​ഷി​പ്പിൻ.” (മത്തായി 6:33) അതർഥ​മാ​ക്കു​ന്നതു ക്രിസ്‌തീയ യോഗ​ങ്ങൾക്കും പ്രാർഥ​ന​യ്‌ക്കും മററു​ള്ള​വ​രോ​ടുള്ള സുവാർത്താ​ഘോ​ഷണ വേലയ്‌ക്കും മുൻഗണന കൊടു​ക്ക​ണ​മെ​ന്നാണ്‌.

സ്‌കൂൾപ്ര​വർത്തനം അപ്രധാ​ന​മാ​ണെന്ന്‌ ഇത്‌ അർഥമാ​ക്കു​ന്നു​ണ്ടോ? അശേഷ​മില്ല. എന്നാൽ ഒരു ക്രിസ്‌ത്യാ​നി​യെന്ന നിലയിൽ, വിദ്യാ​ഭ്യാ​സം നേടുക എന്ന ലക്ഷ്യം ഏതെങ്കി​ലും ഒരു ലൗകിക ജോലി​ക്കാ​യി നിങ്ങളെ സജ്ജരാ​ക്കുക എന്നതാ​യി​രി​ക്ക​രുത്‌. പ്രത്യുത, അതു ദൈവ​ത്തി​ന്റെ ഒരു ശുശ്രൂ​ഷകൻ എന്ന നിലയി​ലുള്ള നിങ്ങളു​ടെ ജീവി​ത​വൃ​ത്തി​യിൽ ഉപകാ​ര​പ്ര​ദ​മാ​ണെന്നു തെളി​യി​ക്കുന്ന വൈദ​ഗ്‌ധ്യ​ങ്ങൾ നേടാ​നാ​യി​രി​ക്കണം. അതേസ​മ​യം​തന്നെ നിങ്ങൾ സ്വന്തവും, ഒരുപക്ഷേ ഭാവി​യിൽ ഒരു കുടും​ബ​ത്തി​ന്റെ​യും, ഭൗതി​കാ​വ​ശ്യ​ങ്ങൾ നിറ​വേ​റ​റു​ന്ന​തിന്‌ ഒരു ജോലി സമ്പാദി​ക്കാൻ തക്കവണ്ണം നിങ്ങ​ളെ​ത്തന്നെ ഇപ്പോൾ ഒരുക്കു​ക​യു​മാണ്‌. (1 തെസ്സ​ലൊ​നീ​ക്യർ 4:11, 12; 1 തിമൊ​ഥെ​യൊസ്‌ 5:8) ഇതറി​യു​ന്നതു സ്‌കൂ​ളിൽ ഏററവും മെച്ചമാ​യി പഠിക്കാൻ ശ്രമി​ക്കു​ന്ന​തി​നു നിങ്ങളെ സഹായി​ക്കും. അതോ​ടൊ​പ്പം നിങ്ങ​ളെ​ത്തന്നെ ആത്മീയ​മാ​യി ബലിഷ്‌ഠ​രാ​യി നിലനിർത്താൻ ഉചിത​മായ ശ്രമങ്ങൾ നടത്തു​ക​യും വേണം.

ആത്മീയ ഉത്തരവാ​ദി​ത്വ​ങ്ങൾ, ഗൃഹ​ജോ​ലി​കൾ, വിനോ​ദങ്ങൾ, സ്‌കൂൾപ്ര​വർത്തനം എന്നിവ​യ്‌ക്കാ​യി “സമയം തക്കത്തിൽ ഉപയോ​ഗി”ക്കുന്നത്‌ (വിലയ്‌ക്കു വാങ്ങുന്നത്‌, NW) ഒരു യഥാർഥ വെല്ലു​വി​ളി​യാ​യി​രി​ക്കാം, എന്നാൽ അതു ചെയ്യാൻ കഴിയു​ന്ന​താണ്‌.—എഫെസ്യർ 5:15, 16.

ഒരു ദിനചര്യ ഉണ്ടാക്കി​യെ​ടു​ക്കു​ന്ന​തി​ന്റെ മൂല്യം

നിങ്ങൾ പഠിക്കുന്ന വിധം കൂടുതൽ കാര്യ​ക്ഷ​മ​ത​യു​ള്ള​താ​ക്കി​ത്തീർക്കു​ന്ന​താ​ണു സമയം വിലയ്‌ക്കു വാങ്ങാ​നുള്ള ഒരു മാർഗം. യുവജ​നങ്ങൾ ചോദി​ക്കുന്ന ചോദ്യ​ങ്ങ​ളും പ്രാ​യോ​ഗി​ക​മായ ഉത്തരങ്ങളുംa എന്ന പുസ്‌ത​ക​ത്തി​ന്റെ 18-ാം അധ്യായം സഹായ​ക​മായ പല നിർദേ​ശ​ങ്ങ​ളും നൽകു​ന്നുണ്ട്‌. ഉദാഹ​ര​ണ​ത്തിന്‌, നിങ്ങളു​ടെ സ്‌കൂൾപ്ര​വർത്ത​ന​ത്തി​നു​വേണ്ടി ഒരു പട്ടിക​യോ ദിനച​ര്യ​യോ രൂപ​പ്പെ​ടു​ത്താൻ നിങ്ങൾ പരി​ശ്ര​മി​ച്ചി​ട്ടു​ണ്ടോ?—ഫിലി​പ്പി​യർ 3:16 താരത​മ്യ​പ്പെ​ടു​ത്തുക.

എങ്ങനെ പഠിക്കണം (How to Study) എന്ന തന്റെ പുസ്‌ത​ക​ത്തിൽ ഹാരി മാഡക്‌സ്‌ ഇങ്ങനെ പറയുന്നു: “പഠിക്കു​ന്ന​തി​ലെ ഏററവും സർവസാ​ധാ​ര​ണ​മായ ബുദ്ധി​മു​ട്ടു നിസ്സം​ശ​യ​മാ​യും ഏകാ​ഗ്ര​ത​യോ​ടെ പഠനമാ​രം​ഭി​ക്കാൻ സാധി​ക്കാ​തെ​വ​രിക എന്നതാണ്‌.” നിങ്ങളെ സംബന്ധി​ച്ചെന്ത്‌? ചെയ്യാൻ നിങ്ങൾക്കു തോന്നു​ന്ന​സ​മ​യം​വ​രെ​യോ കൂടുതൽ സൗകര്യ​പ്ര​ദ​മായ സമയം​വ​രെ​യോ നിങ്ങൾ ഗൃഹപാ​ഠം മാററി​വെ​ക്കാ​റു​ണ്ടോ? സഭാ​പ്ര​സം​ഗി 11:4 ഇങ്ങനെ മുന്നറി​യി​പ്പു നൽകുന്നു: “കാററി​നെ വിചാ​രി​ക്കു​ന്നവൻ വിതെ​ക്ക​യില്ല; മേഘങ്ങളെ നോക്കു​ന്നവൻ കൊയ്‌ക​യു​മില്ല.”

ഹാരി മാഡക്‌സ്‌ തുടർന്നു​പ​റ​യു​ന്നു: “ധാരാളം സമയം പാഴാ​ക്കി​ക്ക​ള​യാൻ അങ്ങേയ​ററം എളുപ്പ​മാണ്‌. നിങ്ങൾ ഒരു നിശ്ചിത സമയം ലക്ഷ്യം വെക്കു​ന്നി​ല്ലെ​ങ്കിൽ പഠിക്കേണ്ട സമയത്ത്‌ അതു ചെയ്യാതെ ററി.വി. കാണാ​നോ മാസിക വായി​ക്കാ​നോ . . . അല്ലെങ്കിൽ കഴിവു​കു​റഞ്ഞ വിദ്യാർഥി​കൾ ഉൾപ്പെ​ടാ​റുള്ള നൂറു​കൂ​ട്ടം കാര്യ​ങ്ങ​ളി​ലേ​തെ​ങ്കി​ലു​മൊ​ന്നു ചെയ്യാ​നോ സമയം ചെലവി​ടാൻ കൂടുതൽ സാധ്യ​ത​യുണ്ട്‌. നിങ്ങൾക്ക്‌ ഒരു പട്ടിക​യു​ണ്ടാ​യി​രി​ക്കു​ക​യും അതി​നോ​ടു പററി​നിൽക്കു​ക​യും ചെയ്യു​ന്നെ​ങ്കിൽ, ധിക്കരി​ക്കാൻ പാടി​ല്ലാത്ത ഒരു നിയമ​ത്തി​ന്റെ എല്ലാ ഫലവും അതിന്‌ (പട്ടിക​യ്‌ക്ക്‌) ഉണ്ടായി​രി​ക്കും. സമയം കടന്നു​പോ​കു​ന്ന​തോ​ടെ അതി​നോ​ടുള്ള പററി​ച്ചേരൽ ആയാസ​ര​ഹി​ത​മാ​യി​ത്തീ​രു​ക​യും അനുദിന ജീവി​ത​ത്തി​ന്റെ ഒരു സാധാരണ ഭാഗമാ​യി നിങ്ങൾ അതിനെ വീക്ഷി​ക്കാൻ തുടങ്ങു​ക​യും ചെയ്യുന്നു.”

സുസം​ഘ​ടി​ത​വും സുശി​ക്ഷി​ത​വു​മായ രീതി​യിൽ നിങ്ങൾ നിങ്ങളു​ടെ സ്‌കൂൾപ്ര​വർത്തനം കൈകാ​ര്യം ചെയ്യു​ന്നെ​ങ്കിൽ, നിങ്ങൾക്കു വളരെ​യ​ധി​കം സമയം ലഭ്യമാ​യി​രി​ക്കും. നിങ്ങളു​ടെ ഭാഗത്തെ ശരിയായ ആസൂ​ത്ര​ണ​ത്തി​നു നിങ്ങളു​ടെ സ്‌കൂൾനി​യ​മ​നങ്ങൾ പൂർത്തി​യാ​ക്കു​ന്ന​തും സഭാ​യോ​ഗ​ങ്ങൾക്കു സംബന്ധി​ക്കു​ന്ന​തു​പോ​ലുള്ള ക്രിസ്‌തീയ ഉത്തരവാ​ദി​ത്വ​ങ്ങൾ നിറ​വേ​റ​റു​ന്ന​തും തമ്മിലുള്ള ഉരസൽ ഒഴിവാ​ക്കാൻ നിങ്ങളെ സഹായി​ക്ക​കൂ​ടി ചെയ്യും.

നിങ്ങളു​ടെ സമയം വ്യവസ്ഥ​പ്പെ​ടു​ത്തുക!

നിങ്ങൾ ചെയ്യാൻ ആഗ്രഹി​ക്കു​ന്ന​തും ചെയ്‌തു​തീർക്കേ​ണ്ട​തു​മായ ഗൃഹ​ജോ​ലി​കൾ പോലുള്ള മററു സംഗതി​ക​ളെ​ക്കു​റി​ച്ചെന്ത്‌? ഇവി​ടെ​യും സംഘടി​പ്പി​ക്കൽ അഥവാ വ്യവസ്ഥ​പ്പെ​ടു​ത്ത​ലാണ്‌ പ്രധാനം. പിൻവ​രുന്ന നിർദേ​ശങ്ങൾ പ്രാവർത്തി​ക​മാ​ക്കി നോക്കുക:

ചെയ്യാ​നു​ള്ള കാര്യ​ങ്ങ​ളു​ടെ ഒരു ലിസ്‌ററു സൂക്ഷി​ക്കുക. നിങ്ങ​ളോ​ടൊ​പ്പം ഒരു പോക്ക​ററ്‌-സൈസ്‌ നോട്ടു​ബുക്ക്‌ സദാ കൊണ്ടു​ന​ട​ക്കാ​നാണ്‌ ടൈം-മാനേ​ജ്‌മെൻറ്‌ കൺസൾട്ടൻറായ സ്‌റെ​റ​ഫാ​നി വിൻസ്‌ററൺ ശുപാർശ ചെയ്യു​ന്നത്‌. “സകല ആശയങ്ങ​ളും, നിയമ​ന​ങ്ങ​ളും ടെലി​ഫോൺ വിളി​ക​ളും പദ്ധതി​ക​ളും കൈമാ​റാ​മെ​ന്നേററ സന്ദേശ​ങ്ങ​ളും—അവ വലുതോ ചെറു​തോ, നിസ്സാ​ര​മോ പ്രധാ​ന​മോ ആയി​ക്കൊ​ള്ളട്ടെ—ലഭിക്കു​മ്പോൾത്തന്നെ” അതിൽ കുറി​ച്ചി​ടുക. ഒററ നോട്ട​ത്തിൽ നിങ്ങളു​ടെ ലിസ്‌ററ്‌ ഭയങ്കര​മാ​യി തോന്നി​യേ​ക്കാം, എന്നാൽ പിൻവ​രുന്ന നിർദേ​ശങ്ങൾ പാലി​ക്കു​ന്ന​തി​നാൽ അതിനെ പിടി​യി​ലൊ​തു​ക്കാ​വുന്ന അവസ്ഥയി​ലേക്കു വെട്ടി​ച്ചു​രു​ക്കാൻ നിങ്ങൾക്കു സാധി​ക്കും.

കാര്യങ്ങൾ മുൻഗ​ണ​നാ​ക്ര​മ​ത്തി​ലാ​ക്കുക. ഇതു യഥാർഥ​ത്തിൽ ചെയ്യ​പ്പെ​ടേണ്ട കാര്യ​ങ്ങ​ളിൽ ശ്രദ്ധ​കേ​ന്ദ്രീ​ക​രി​ക്കാൻ നിങ്ങളെ സഹായി​ക്കും. അതേസ​മയം, അടിയ​ന്തിര സ്വഭാ​വ​മി​ല്ലാ​ത്ത​തോ അല്ലെങ്കിൽ ചെയ്യാൻ നിങ്ങൾക്കു സമയം ലഭിക്കാ​ത്ത​തോ ആയ സംഗതി​കളെ ഒഴിവാ​ക്കു​ക​യും ചെയ്യാം.

ഒരു പട്ടിക തയ്യാറാ​ക്കുക. അതേ, നിങ്ങളു​ടെ ലിസ്‌റ​റി​നെ ഒരു കർമപ​രി​പാ​ടി—എഴുത്തു പട്ടിക—ആക്കി മാററുക. ഇക്കാര്യ​ത്തിന്‌ ഒരു ചെറിയ പോക്ക​ററ്‌-സൈസ്‌ കലണ്ടറോ ഡയറി​യോ മതിയാ​കും. ഒരു സന്തുലിത പട്ടിക നിങ്ങളു​ടെ സ്വാത​ന്ത്ര്യ​ത്തിൻമേൽ കടിഞ്ഞാ​ണി​ടു​ന്ന​തി​നു പകരം സമയത്തിൻമേൽ കൂടുതൽ നിയ​ന്ത്ര​ണ​മു​ണ്ടാ​യി​രി​ക്കാൻ നിങ്ങളെ സഹായി​ക്കു​ക​യാ​യി​രി​ക്കും ചെയ്യുക.

യാഥാർഥ്യ​ബോ​ധ​മു​ള്ള​വ​രാ​യി​രി​ക്കുക. ചില സംഗതി​കൾ ഏററവും മെച്ചമാ​യി ചെയ്യാൻ കഴിയു​ന്ന​തെ​പ്പോൾ എന്ന്‌ ഉദ്യമ​ങ്ങ​ളി​ലൂ​ടെ​യും പ്രമാ​ദ​ങ്ങ​ളി​ലൂ​ടെ​യും മനസ്സി​ലാ​ക്കുക. ഉദാഹ​ര​ണ​ത്തിന്‌, കഴിയു​ന്നത്ര രാവിലെ, നിങ്ങൾ മാനസി​ക​മാ​യി ഉൻമേ​ഷ​വാൻമാ​രാ​യി​രി​ക്കു​മ്പോൾത്തന്നെ, ഗൃഹപാ​ഠം ചെയ്യു​ന്ന​തി​നു പട്ടിക​പ്പെ​ടു​ത്തു​ന്നതു പ്രയോ​ജ​ന​പ്ര​ദ​മാ​യി കണ്ടെത്തി​യേ​ക്കാം.

എന്നിരു​ന്നാ​ലും, ജീവി​ത​ത്തി​ലെ ഓരോ നിമി​ഷ​ത്തെ​യും നിങ്ങൾ ആസൂ​ത്രണം ചെയ്യേ​ണ്ട​തി​ല്ലെന്നു തിരി​ച്ച​റി​യുക. അപ്രതീ​ക്ഷി​ത​മാ​യും പൊടു​ന്ന​നെ​യും ഉണ്ടാകാ​വുന്ന സംഗതി​കൾക്കാ​യി നിങ്ങളു​ടെ പട്ടികയെ വഴക്കമു​ള്ള​താ​ക്കുക. ആവശ്യാ​നു​സ​രണം മാററങ്ങൾ വരുത്തുക, എന്നാൽ നിങ്ങളു​ടെ പട്ടിക​യോ​ടു കഴിയു​ന്നത്ര പററി​നിൽക്കു​ക​യും ചെയ്യുക. ശ്രദ്ധി​ക്കുക: ഒരു പ്രത്യേക ജോലി പൂർത്തീ​ക​രി​ക്കാൻ നിങ്ങൾക്കാ​വ​ശ്യ​മാ​യി​വ​രുന്ന സമയത്തി​ലും കൂടുതൽ കണക്കാ​ക്കു​ന്നത്‌ എപ്പോ​ഴും ഉത്തമമാ​യി​രി​ക്കും. സമയത്തി​നു മുമ്പേ തീരു​ന്നെ​ങ്കിൽ നിങ്ങൾക്ക്‌ എല്ലായ്‌പോ​ഴും പൊരു​ത്ത​പ്പെ​ടാൻ കഴിയും.

നിങ്ങളു​ടേ​താ​യ പൂർത്തീ​ക​ര​ണ​ത്തീ​യ​തി​കൾ നിശ്ചയി​ക്കുക. ഒരു കാര്യം ചെയ്‌തു തീർക്കാൻ അവസാന നിമി​ഷം​വരെ കാത്തി​രി​ക്കാ​നുള്ള പ്രവണത ഒഴിവാ​ക്കാൻ ഇതു നിങ്ങളെ സഹായി​ക്കു​ന്നു. സ്‌കൂ​ളിൽ നിങ്ങൾക്ക്‌ ഒരു പരിപാ​ടി​യു​ണ്ടെ​ങ്കിൽ അതു സമർപ്പി​ക്കേ​ണ്ട​തി​ന്റെ തീയതി​ക്കു നന്നേ മുമ്പു​തന്നെ ഒരു പൂർത്തീ​ക​ര​ണ​ത്തീ​യതി വെക്കാൻ പരി​ശ്ര​മി​ക്കുക.

നിങ്ങളു​ടെ പട്ടിക​യോ​ടു പററി​നിൽക്കാൻ ആത്മശി​ക്ഷണം നേടുക. അവസാന പരീക്ഷ​കൾക്കാ​യി വീട്ടി​ലി​രു​ന്നു പഠി​ക്കേ​ണ്ട​പ്പോൾ ഒരു കൂട്ടു​കാ​രന്റെ വീട്ടിൽ പോകാൻ നിങ്ങൾ പ്രേരി​ത​നാ​യേ​ക്കാം. എന്നാൽ നിങ്ങളു​ടെ പഠനത്തി​ന്റെ കാര്യ​ത്തിൽ ലോഭ​മാ​യി വിതെ​ച്ചാൽ ഭാവി​യിൽ മോശ​മായ മാർക്കാ​യി​രി​ക്കും നിങ്ങൾ കൊയ്യുക. (2 കൊരി​ന്ത്യർ 9:6 താരത​മ്യ​പ്പെ​ടു​ത്തുക.) കൂടാതെ, നിങ്ങൾ ജോലി പൂർത്തീ​ക​രി​ച്ചു​ക​ഴി​ഞ്ഞാൽപ്പി​ന്നെ ഒഴിവു​സ​മയം മിക്ക​പ്പോ​ഴും കൂടുതൽ ആസ്വാ​ദ്യ​മാ​യി​രി​ക്കു​ക​യും ചെയ്യും. ഒരു സഹായ​ക​ര​മായ തത്ത്വം ഇതാണ്‌, പ്രധാ​ന​പ്പെട്ട കാര്യങ്ങൾ ഒന്നാമത്‌, വിനോ​ദം പിന്നാലെ.

നിങ്ങൾ തന്നെ പട്ടിക​യു​ള്ള​വ​രും സംഘടി​ത​രും ആയിരി​ക്കു​ന്ന​തി​നും സമയവും ക്ഷമയും ഗണ്യമായ ആത്മശി​ക്ഷ​ണ​വും ആവശ്യ​മാണ്‌, എന്നാൽ സകല കാര്യ​ങ്ങ​ളി​ലും ആത്മനി​യ​ന്ത്രണം പാലി​ക്കാ​നാ​ണു ക്രിസ്‌ത്യാ​നി​ക​ളോ​ടു പറഞ്ഞി​രി​ക്കു​ന്നത്‌. (1 കൊരി​ന്ത്യർ 9:25) ഒരു പട്ടിക​യോ​ടു പററി​നിൽക്കാൻ പഠിക്കു​ന്നത്‌ ഈ തത്ത്വം ബാധക​മാ​ക്കു​ന്ന​തി​ലെ ഒരു നല്ല നടപടി​യാണ്‌. നേട്ടത്തി​ന്റെ സംതൃ​പ്‌തി​യും നിങ്ങളു​ടെ ജീവി​ത​ത്തിൻമേൽ കൂടു​ത​ലായ നിയ​ന്ത്ര​ണ​വും നിങ്ങൾ ചെയ്യാൻ ആഗ്രഹി​ക്കു​ന്ന​തും ചെയ്യേ​ണ്ട​തു​മായ കാര്യങ്ങൾ ചെയ്യു​ന്ന​തി​നു കൂടു​ത​ലായ സമയവു​മാ​യി​രി​ക്കും അനന്തര​ഫ​ലങ്ങൾ.

[അടിക്കു​റി​പ്പു​കൾ]

[15-ാം പേജിലെ ചിത്രം]

ഒരു പഠനപ്പ​ട്ടിക തയ്യാറാ​ക്കി അതി​നോ​ടു പററി​നിൽക്കു​ക