യുവജ​നങ്ങൾ ചോദി​ക്കു​ന്നു. . .

എന്റെ പ്രശ്‌നങ്ങൾ പരിഹ​രി​ക്കാൻ എന്നെ ആർക്കു സഹായി​ക്കാൻ കഴിയും?

“മനുഷ്യൻ കഷ്ടതെ​ക്കാ​യി ജനിച്ചി​രി​ക്കു​ന്നു.” ഇതാണ്‌ ഇയ്യോബ്‌ എന്നു പേരു​ണ്ടാ​യി​രുന്ന, കൊടിയ വേദന​യി​ലാ​യി​രുന്ന ഒരു മനുഷ്യൻ ഏതാണ്ട്‌ നാലാ​യി​രം വർഷം മുമ്പു പറഞ്ഞത്‌. (ഇയ്യോബ്‌ 5:7) നിങ്ങളു​ടെ ജീവിതം ഒരുപക്ഷേ ഇയ്യോ​ബി​ന്റെ അത്രയും ദുരന്ത​പൂർണ​മാ​യി​രി​ക്കില്ല. എങ്കിലും ഒരള​വോ​ളം പ്രശ്‌ന​ങ്ങ​ളും പ്രയാ​സ​ങ്ങ​ളും നിങ്ങളും അനുഭ​വി​ക്കു​ന്നു​ണ്ടെ​ന്ന​തിൽ സംശയ​മില്ല.

“നിങ്ങളെ ഏററവും അലട്ടു​ന്നത്‌ എന്താണ്‌?” എന്ന്‌ അമേരി​ക്ക​യി​ലെ ഒരു കൂട്ടം യുവാ​ക്ക​ളോ​ടു ചോദി​ച്ച​പ്പോൾ അനേകർ ഉത്‌ക​ണ്‌ഠ​യു​ടെ ഉറവി​ട​ങ്ങ​ളാ​യി സ്‌കൂ​ളി​ലേ​ക്കും മാതാ​പി​താ​ക്ക​ളി​ലേ​ക്കും പണത്തി​ലേ​ക്കും സുഹൃ​ത്തു​ക്ക​ളി​ലേ​ക്കും ഉടപ്പി​റ​ന്നോ​രി​ലേ​ക്കും വിരൽചൂ​ണ്ടി. നിങ്ങളെ സംബന്ധി​ച്ചെന്ത്‌? നിങ്ങൾ കൂട്ടു​കാ​രിൽ നിന്നുള്ള സമ്മർദ​ത്തെ​യും പണം സംബന്ധിച്ച മനഃ​ക്ലേ​ശ​ങ്ങ​ളെ​യും സ്‌കൂൾ പ്രശ്‌ന​ങ്ങ​ളെ​യും അഭിമു​ഖീ​ക​രി​ക്കു​ന്നു​ണ്ടോ? താരു​ണ്യ​ത്തി​ലെ ശാരീ​രി​ക​വും വൈകാ​രി​ക​വു​മായ വ്യതി​യാ​ന​ങ്ങ​ളോ​ടു പൊരു​ത്ത​പ്പെ​ടു​ന്നതു നിങ്ങൾ വിഷമ​ക​ര​മാ​യി കണ്ടെത്തു​ന്നു​വോ? നിങ്ങൾ നിങ്ങളു​ടെ ഭാവിയെ സംബന്ധിച്ച്‌ ആകുല​രാ​ണോ?

ഈ പ്രശ്‌ന​ങ്ങ​ളെ​ല്ലാം ശിരസ്സി​ലേന്തി ചിന്താ​ഭാ​ര​ത്താൽ കുഴഞ്ഞ്‌ നിരാ​ശി​ത​രാ​യി​ത്തീ​രാൻ എളുപ്പ​മാണ്‌. യഥാർഥ​ത്തിൽ, അത്തരം ആകുല​തകൾ നിങ്ങളിൽത്തന്നെ ഒതുക്കി​വെ​ച്ചാൽ നിങ്ങൾ മററു​ള്ള​വ​രിൽ നിന്നു വൈകാ​രി​ക​മാ​യി ഒററ​പ്പെ​ടു​ന്ന​താ​യി കണ്ടെത്തി​യേ​ക്കാം. (സദൃശ​വാ​ക്യ​ങ്ങൾ 18:1 താരത​മ്യ​പ്പെ​ടു​ത്തുക.) അങ്ങനെ​യെ​ങ്കിൽ വ്യക്തി​പ​ര​മായ പ്രശ്‌നങ്ങൾ പരിഹ​രി​ക്കു​ന്നതു സംബന്ധിച്ച്‌ നിങ്ങൾ എന്തു ചെയ്യണം? അവയെ നിങ്ങൾ യഥാർഥ​ത്തിൽ ഒററയ്‌ക്കു നേരി​ട​ണ​മോ?

വേണ്ട, എന്തു​കൊ​ണ്ടെ​ന്നാൽ നിങ്ങളു​ടെ പ്രശ്‌നങ്ങൾ—അവ വളരെ വലുതാ​യി കാണ​പ്പെ​ട്ടേ​ക്കാ​മെ​ങ്കി​ലും—അസാധാ​ര​ണ​ങ്ങളല്ല. മനുഷ്യ സ്വഭാ​വ​ത്തെ​ക്കു​റി​ച്ചു ശ്രദ്ധാ​പൂർവം പഠിച്ച​തി​നു ശേഷം ജ്ഞാനി​യായ ശലോ​മോൻ രാജാവ്‌ ഇപ്രകാ​രം നിഗമനം ചെയ്‌തു: “സൂര്യന്നു കീഴിൽ പുതു​താ​യി യാതൊ​ന്നും ഇല്ല.” (സഭാ​പ്ര​സം​ഗി 1:9) അതേ, മററു​ള്ളവർ നിങ്ങളു​ടേ​തു​പോ​ലുള്ള പ്രശ്‌ന​ങ്ങളെ അഭിമു​ഖീ​ക​രി​ക്കു​ക​യും വിജയ​ക​ര​മാ​യി പരിഹ​രി​ക്കു​ക​യും ചെയ്‌തി​രി​ക്കു​ന്നു. അതു​കൊണ്ട്‌, നിങ്ങൾ എല്ലായ്‌പോ​ഴും തനിയെ കാര്യങ്ങൾ പരിഹ​രി​ക്ക​ണ​മെ​ന്നില്ല; ചില​പ്പോൾ ഇതി​നോ​ടകം അപ്രകാ​രം ചെയ്‌തി​ട്ടുള്ള ആരിൽനി​ന്നെ​ങ്കി​ലും നിങ്ങൾക്കു സഹായം ലഭി​ച്ചേ​ക്കാം. നിങ്ങൾ അജ്ഞാത​മായ ഒരു സ്ഥലത്തേക്കു പോകു​ക​യാ​ണെ​ങ്കിൽ ഇതി​നോ​ടകം അവിടെ പോയി​ട്ടുള്ള ആരിൽനി​ന്നെ​ങ്കി​ലും നിർദേ​ശങ്ങൾ നേടാൻ നിങ്ങൾ ശ്രമി​ക്കു​ക​യി​ല്ലേ? അതു​കൊണ്ട്‌ ചോദ്യം ഇതാണ്‌, അത്തരം സഹായ​ത്തി​നു​വേണ്ടി നിങ്ങൾ തിരി​യേ​ണ്ടത്‌ ആരി​ലേ​ക്കാണ്‌?

സമപ്രാ​യ​ക്കാർ—ബുദ്ധ്യു​പ​ദേ​ശ​ത്തി​ന്റെ ഏററവും നല്ല ഉറവി​ട​മോ?

അനേകം യുവാ​ക്ക​ളും തങ്ങളുടെ പ്രശ്‌നങ്ങൾ പങ്കുവ​യ്‌ക്കാൻ സമപ്രാ​യ​ക്കാ​രെ​യാ​ണു തിര​ഞ്ഞെ​ടു​ക്കു​ന്നത്‌. “ഞാൻ അനുഭ​വി​ക്കുന്ന മാററ​ങ്ങ​ളിൽ ചിലത്‌ അനിത​ര​സാ​ധാ​ര​ണ​മാ​ണെന്ന്‌ എനിക്കു ചില​പ്പോൾ തോന്നാ​റുണ്ട്‌. ‘ഇതു​പോ​ലെ മററാ​രെ​ങ്കി​ലും അനുഭ​വി​ക്കു​ന്നു​ണ്ടോ’ എന്നു ഞാൻ ചിന്തി​ക്കും. എന്നാൽ ഇങ്ങനെ ചിന്തി​ക്കു​ന്ന​തു​തന്നെ മടയത്ത​ര​മാ​ണോ എന്നു ഞാൻ സ്വയം ചോദി​ക്കും” എന്നു യുവതി​യായ അനീററ വിശദീ​ക​രി​ക്കു​ന്നു. നിങ്ങളു​ടെ അതേ പ്രായ​ത്തി​ലുള്ള ഒരാൾ നിങ്ങളു​ടെ വികാ​രങ്ങൾ മനസ്സി​ലാ​ക്കു​മെ​ന്നും എന്നാൽ ഒരു മുതിർന്ന ആൾ—പ്രത്യേ​കിച്ച്‌ മാതാ​വോ പിതാ​വോ—അനാവ​ശ്യ​മാ​യി കുററ​പ്പെ​ടു​ത്തു​ക​യും വിമർശി​ക്കു​ക​യും ചെയ്യു​മെ​ന്നും നിങ്ങൾക്കു തോന്നി​യേ​ക്കാം.

എന്നാൽ നിങ്ങളു​ടെ സമപ്രാ​യ​ക്കാർ കാര്യങ്ങൾ മനസ്സി​ലാ​ക്കു​ക​യും സമാനു​ഭാ​വം കാട്ടു​ക​യും അനുകമ്പ കാട്ടു​ക​യും ചെയ്‌താ​ലും അവർ എല്ലായ്‌പോ​ഴും ഏററവും നല്ല ബുദ്ധ്യു​പ​ദേശം തരണ​മെ​ന്നില്ല. ബൈബിൾ വിശദീ​ക​രി​ക്കു​ന്ന​തു​പോ​ലെ: “പക്വത​യുള്ള ആളുകൾക്ക്‌ . . . ശരിയും തെററും വിവേ​ചി​ച്ച​റി​യു​ന്ന​തി​നു പരിശീ​ലി​ത​മായ നിരൂപണ ശക്തികൾ ഉണ്ട്‌.” എന്നാൽ എങ്ങനെ? ബൈബിൾ ഇപ്രകാ​രം ഉത്തരം നൽകുന്നു: “തഴക്കത്താൽ,” അതായത്‌ അനുഭ​വ​പ​രി​ച​യ​ത്താൽ! (എബ്രായർ 5:14, ദ ന്യൂ ഇംഗ്ലീഷ്‌ ബൈബിൾ) അത്തരം അനുഭ​വ​പ​രി​ച​യ​ത്തി​ന്റെ അഭാവ​ത്താൽ, യുവാക്കൾ തങ്ങളുടെ “പ്രാ​യോ​ഗിക ജ്ഞാനവും ചിന്താ പ്രാപ്‌തി​യും” ഒരു മുതിർന്ന ആളിന്റെ അളവിൽ വളർത്തി​യെ​ടു​ത്തി​ട്ടു​ണ്ടാ​വില്ല. (സദൃശ​വാ​ക്യ​ങ്ങൾ 3:21, NW) അതു​കൊണ്ട്‌ ഒരു സഹയു​വാ​വി​ന്റെ ഉപദേശം അനുസ​രി​ക്കു​ന്ന​തിൽ അപകട​മുണ്ട്‌. സുഭാ​ഷി​തങ്ങൾ 11:14 (പി.ഒ.സി. ബൈബിൾ) ഇപ്രകാ​രം മുന്നറി​യി​പ്പു നൽകുന്നു: “മാർഗ്‌ഗ​ദർശ​ന​മി​ല്ലാ​ഞ്ഞാൽ ജനത നിലം​പ​തി​ക്കും.”

ദൈവ​ഭ​ക്ത​രായ മാതാ​പി​താ​ക്ക​ളു​ടെ വില

മുതിർന്നവർ വിദഗ്‌ധ​മായ മാർഗ​നിർദേശം നൽകു​ന്ന​തിന്‌ പൊതു​വേ മെച്ചമായ ഒരു സ്ഥാനത്താണ്‌. നീതി​മാ​നായ ഇയ്യോബ്‌ അത്‌ ഈ രീതി​യിൽ എഴുതി: “വൃദ്ധൻമാ​രു​ടെ പക്കൽ ജ്ഞാനവും വയോ​ധി​കൻമാ​രിൽ വിവേ​ക​വും ഉണ്ടു.” (ഇയ്യോബ്‌ 12:12) അതു​പോ​ലെ, ഈ കാര്യ​ത്തിൽ നിങ്ങളെ സഹായി​ക്കാൻ ഏററവും യോഗ്യ​ത​യു​ള്ളവർ നിങ്ങളു​ടെ ദൈവ​ഭ​ക്ത​രായ മാതാ​പി​താ​ക്ക​ളാണ്‌. ഒരു സംഗതി, മററാ​രെ​ക്കാ​ളും മെച്ചമാ​യി അവർക്കു നിങ്ങളെ അറിയാം. നിങ്ങൾ ഇപ്പോൾ അഭിമു​ഖീ​ക​രി​ക്കുന്ന അതേ സാഹച​ര്യ​ങ്ങ​ളിൽ ചിലത്‌ അഭിമു​ഖീ​ക​രി​ച്ചി​ട്ടുള്ള അവർക്കു നിങ്ങളെ കുഴപ്പ​ത്തിൽ നിന്നു തിരിച്ചു വിടാൻ വളരെ​യ​ധി​കം ചെയ്യാൻ കഴിയും. ഒരു പിതാ​വെന്ന നിലയിൽ സംസാ​രി​ച്ചു​കൊണ്ട്‌ ശലോ​മോൻ ഇപ്രകാ​രം ബുദ്ധ്യു​പ​ദേ​ശി​ച്ചു: “മക്കളേ, അപ്പന്റെ പ്രബോ​ധനം കേട്ടു വിവേകം പ്രാപി​ക്കേ​ണ്ട​തി​ന്നു ശ്രദ്ധി​പ്പിൻ. ഞാൻ നിങ്ങൾക്കു സൽബുദ്ധി ഉപദേ​ശി​ച്ചു തരുന്നു.”—സദൃശ​വാ​ക്യ​ങ്ങൾ 4:1, 2.

ഘാനയി​ലെ ശമുവേൽ എന്നു പേരുള്ള ഒരു യുവ മമനു​ഷ്യ​ന്റെ കാര്യം പരിഗ​ണി​ക്കുക. സെക്കണ്ടറി സ്‌കൂ​ളി​ലാ​യ​പ്പോൾ ലൗകിക വിദ്യാ​ഭ്യാ​സം പിന്തു​ട​ര​ണ​മോ അതോ യഹോ​വ​യു​ടെ സാക്ഷി​ക​ളു​ടെ ഒരു മുഴു​സമയ ശുശ്രൂ​ഷ​ക​നാ​യുള്ള ഒരു ജീവി​ത​വൃ​ത്തി പിന്തു​ട​ര​ണ​മോ എന്ന്‌ അദ്ദേഹ​ത്തി​നു തീരു​മാ​നി​ക്കേ​ണ്ടി​യി​രു​ന്നു. “എന്റെ കുടും​ബം നല്ല ആശയവി​നി​യമം ഉള്ള വളരെ യോജി​പ്പുള്ള കുടും​ബ​മാ​യി​രു​ന്ന​തു​കൊണ്ട്‌ മാതാ​പി​താ​ക്ക​ളിൽ വിശ്വാ​സ​മർപ്പി​ക്കാൻ എളുപ്പ​മാ​യി​രു​ന്നു” എന്ന്‌ അദ്ദേഹം വിശദീ​ക​രി​ക്കു​ന്നു. ശമു​വേ​ലി​ന്റെ കുടും​ബാം​ഗങ്ങൾ അദ്ദേഹത്തെ മുഴു​സമയ ശുശ്രൂ​ഷ​യു​ടെ ദിശയി​ലേക്കു തിരിച്ചു വിട്ടു—ഇപ്പോൾ അദ്ദേഹം ആ ജീവി​ത​വൃ​ത്തി​യിൽ അനുസ്യൂ​തം പുരോ​ഗ​മി​ച്ചു​കൊ​ണ്ടി​രി​ക്കു​ക​യാണ്‌. വ്യക്തി​പ​ര​മായ പ്രശ്‌നങ്ങൾ പരിഹ​രി​ക്കു​ന്ന​തിൽ ചെറു​പ്പ​ക്കാർ തങ്ങളുടെ മാതാ​പി​താ​ക്കളെ ഉൾപ്പെ​ടു​ത്ത​ണ​മെ​ന്നാണ്‌ ശമുവേൽ ശുപാർശ​ചെ​യ്യു​ന്നത്‌. എന്തു​കൊ​ണ്ടെ​ന്നാൽ “അവർ ജീവി​ത​ത്തിൽ കൂടുതൽ അനുഭ​വ​പ​രി​ചയം സിദ്ധി​ച്ച​വ​രാണ്‌. ഇതേ പ്രശ്‌ന​ങ്ങളെ അഭിമു​ഖീ​ക​രി​ച്ചി​ട്ടു​മു​ണ്ടാ​യിരി​ക്കാം . . . സംഗതി​യു​ടെ ഇരുവ​ശ​ങ്ങ​ളു​ടെ​യും ഒരു വ്യക്തമായ വീക്ഷണം നൽകാൻ പററിയ ഒരു സ്ഥാനത്തു​മാണ്‌ അവർ.”

രസകര​മെ​ന്നു പറയട്ടെ, അടുത്ത​കാ​ലത്തു നടത്തിയ ഒരു പൊതു സർവേ​യിൽ, വളരെ​യ​ധി​കം യുവാക്കൾ മാതാ​പി​താ​ക്ക​ളു​ടെ മാർഗ​നിർദേശം ആഗ്രഹി​ക്കു​ന്നെന്നു കണ്ടെത്തി—മയക്കു​മ​രു​ന്നു​കൾ, സ്‌കൂൾ, ലൈം​ഗി​കത എന്നിങ്ങ​നെ​യുള്ള വിഷയ​ങ്ങ​ളിൽ പോലും.

‘അവർ എന്നെ മനസ്സി​ലാ​ക്കു​ന്നില്ല!’

എന്നിരു​ന്നാ​ലും, ദുഃഖ​ക​ര​മെന്നു പറയട്ടെ, കൗമാ​ര​പ്രാ​യ​ത്തി​ലെ​ത്തു​മ്പോൾ പല യുവാ​ക്ക​ളും തങ്ങളുടെ മാതാ​പി​താ​ക്ക​ളിൽ നിന്ന്‌ അകന്നു​മാ​റു​ന്നു. ചിലർ ഇപ്രകാ​രം പറഞ്ഞ കൗമാ​ര​പ്രാ​യ​ക്കാ​ര​നെ​പ്പോ​ലെ വിചാ​രി​ക്കു​ന്നു: “ഗ്രേഡു​കൾ സംബന്ധി​ച്ചു ഞാൻ എത്ര പേടി​യു​ള്ള​വ​നാ​ണെ​ന്നും ഈ സ്‌കൂ​ളി​ലെ പഠനം വിഷമ​ക​ര​മാ​ണെന്നു ഞാൻ വിചാ​രി​ക്കു​ന്നു എന്നും എന്റെ മാതാ​പി​താ​ക്ക​ളോ​ടു സംസാ​രി​ക്കാൻ ഞാൻ ശ്രമി​ച്ചി​ട്ടുണ്ട്‌. എന്നാൽ ഞാൻ മടിയ​നാ​ണെ​ന്നും കൂടുതൽ പഠിക്ക​ണ​മെ​ന്നും മാത്ര​മാണ്‌ അവർ പറയു​ന്നത്‌.” ആഫ്രി​ക്ക​യി​ലെ ഒരു ക്രിസ്‌തീയ യുവതി ഇങ്ങനെ പറഞ്ഞു​കൊ​ണ്ടു സമാന​മായ ഒരു ഉത്‌കണ്‌ഠ പ്രകടി​പ്പി​ച്ചു: “സഹായം ആവശ്യ​മാ​യി​രി​ക്കുന്ന വ്യക്തി​പ​ര​മായ പ്രശ്‌നങ്ങൾ എന്റെ ഉള്ളിന്റെ ഉള്ളിൽ ഉണ്ടെന്ന്‌ എനിക്ക​റി​യാം. എന്നാൽ എന്റെ മാതാ​പി​താ​ക്കൾ എന്നെ മനസ്സി​ലാ​ക്കു​ക​യി​ല്ലെന്നു ഞാൻ ഭയപ്പെ​ടു​ന്നു.”

ശരിയാണ്‌, ദൈവ​ഭ​ക്ത​രായ മാതാ​പി​താ​ക്കൾക്കു പോലും ചില സമയങ്ങ​ളിൽ തെററു​പ​റ​റു​ന്നു. അവർ കാര്യ​ങ്ങ​ളോട്‌ അതിരു​ക​ടന്നു പ്രതി​ക​രി​ക്കു​ക​യും കേൾക്കാൻ പരാജ​യ​പ്പെ​ടു​ക​യും തെററി​ദ്ധ​രി​ക്കു​ക​യും ചെയ്‌തേ​ക്കാം, അല്ലെങ്കിൽ കുററം വിധി​ക്കു​ന്ന​വ​രാ​യി​രി​ക്കാം. എന്നിരു​ന്നാ​ലും, നിങ്ങൾ അവരെ നിങ്ങളു​ടെ ജീവി​ത​ത്തിൽ നിന്നു പുറന്ത​ള്ള​ണ​മെന്ന്‌ ഇതിനർഥ​മില്ല. യേശു​ക്രി​സ്‌തു അപൂർണ​രായ മാതാ​പി​താ​ക്ക​ളാ​ലാ​ണു വളർത്ത​പ്പെ​ട്ടത്‌. എന്നിട്ടും, യേശു “അവർക്കു കീഴട​ങ്ങി​യി​രു​ന്നു” എന്നു ബൈബിൾ കാണി​ക്കു​ന്നു. അവരുടെ സ്വാധീ​നം “ജ്ഞാനത്തി​ലും . . . ദൈവ​ത്തി​ന്റെ​യും മനുഷ്യ​രു​ടെ​യും കൃപയി​ലും മുതിർന്നുവ”രാൻ അവിടു​ത്തെ സഹായി​ച്ചു എന്നുള്ള​തി​നു സംശയ​മില്ല.—ലൂക്കൊസ്‌ 2:51, 52.

നിങ്ങൾ സ്വന്തം മാതാ​പി​താ​ക്ക​ളു​ടെ ജ്ഞാനത്തിൽ നിന്നും അനുഭ​വ​പ​രി​ച​യ​ത്തിൽ നിന്നും പ്രയോ​ജനം അനുഭ​വി​ക്കു​ന്നു​വോ? ഇല്ലെങ്കിൽ, ഈസ്‌റ​റ്‌വുഡ്‌ അററ്‌വോ​ട്ട​റി​ന്റെ യൗവനം [ഇംഗ്ലീഷ്‌] എന്ന പുസ്‌ത​ക​ത്തിൽ പറഞ്ഞി​രി​ക്കു​ന്നതു പരിഗ​ണി​ക്കുക: “കൗമാ​ര​പ്രാ​യ​ക്കാർ തങ്ങളുടെ സമപ്രാ​യ​ക്കാ​രാൽ അമിത​മാ​യി സ്വാധീ​നി​ക്ക​പ്പെ​ട്ട​വ​രാ​യി​ത്തീ​രു​ന്നെ​ങ്കിൽ അതു സമപ്രാ​യ​ക്കാ​രു​ടെ വലിയ ആകർഷകത്വംകൊണ്ടായിരിക്കുന്നതിനെക്കാളധികം മാതാ​പി​താ​ക്ക​ളും യുവാ​ക്ക​ളും തമ്മിലുള്ള ബന്ധത്തി​ലുള്ള എന്തോ കുറവു​കൊ​ണ്ടാ​യി​രി​ക്കാ​നാ​ണു കൂടുതൽ സാധ്യത.” ഏതു തരത്തി​ലുള്ള ബന്ധമാണു നിങ്ങൾക്കു നിങ്ങളു​ടെ മാതാ​പി​താ​ക്ക​ളു​മാ​യു​ള്ളത്‌? (ഗലാത്യർ 6:5) അവരു​മാ​യി ആശയവി​നി​യമം നടത്തു​ന്നതു നിങ്ങൾ ഈയി​ടെ​യാ​യി ഒഴിവാ​ക്കി​യി​രി​ക്കു​മോ? അങ്ങനെ​യെ​ങ്കിൽ കാര്യങ്ങൾ മെച്ച​പ്പെ​ടു​ത്താൻ നിങ്ങൾക്കു കഴിയു​ന്നത്‌ എന്തു​കൊ​ണ്ടു ചെയ്‌തു​കൂ​ടാ?a ഇത്‌ ഒരുവന്റെ മാതാ​പി​താ​ക്കൾക്ക്‌ “ഒരു യഥാർഥ പുത്രൻ” അഥവാ പുത്രി എന്നു ശലോ​മോൻ വിളി​ച്ചവർ ആയിരി​ക്കു​ന്ന​തി​ന്റെ ഒരു ഭാഗമാണ്‌.—സദൃശ​വാ​ക്യ​ങ്ങൾ 4:3.

ഇപ്പോൾ ഐക്യ​നാ​ടു​ക​ളിൽ പാർക്കുന്ന ഘാനാ യുവാ​വായ മാൽകം മാതാ​പി​താ​ക്കൾ തന്റെ വികാ​രങ്ങൾ മനസ്സി​ലാ​ക്കു​ന്നി​ല്ലെ​ന്നാണ്‌ ഒരിക്കൽ വിചാ​രി​ച്ചത്‌. എന്നാൽ അവർ തങ്ങളുടെ ജീവി​താ​നു​ഭ​വ​ങ്ങ​ളും ദൈവ​വ​ച​ന​ത്തി​ന്റെ ശിക്ഷണ​വും അവനു പകർന്നു​കൊ​ടു​ത്തു​കൊ​ണ്ടേ​യി​രു​ന്നു. തന്റെ മാതാ​പി​താ​ക്കൾക്ക്‌ അടുത്ത​കാ​ലത്ത്‌ എഴുതിയ ഒരു കത്തിൽ മാൽകം ഇപ്രകാ​രം എഴുതി: “കഴിഞ്ഞ കാലത്ത്‌ നമുക്കി​ട​യിൽ ഭിന്നത​ക​ളു​ണ്ടാ​യി​രു​ന്നു എന്നു ഞാൻ മനസ്സി​ലാ​ക്കു​ന്നു. പക്ഷേ പിന്തി​രി​ഞ്ഞു നോക്കു​മ്പോൾ നിങ്ങൾ എന്റെ ദുശ്ശാ​ഠ്യ​വു​മാ​യി ഒത്തിണ​ങ്ങി​പ്പോ​യ​തും ഞാൻ എടുത്ത ചില തീരു​മാ​നങ്ങൾ സൗമ്യ​മാ​യി അംഗീ​ക​രി​ച്ച​തും എന്നെ അതിശ​യി​പ്പി​ക്കു​ന്നു. എന്നെ വിശ്വ​സി​ക്കൂ, മററു ഭവനങ്ങ​ളിൽ എന്താണു സംഭവി​ക്കു​ന്നത്‌ എന്ന്‌ എനിക്ക​റി​യാം. തീർച്ച​യാ​യും ബൈബിൾ [നമ്മിൽ] വ്യത്യാ​സം ഉളവാക്കി. ഒരിക്കൽക്കൂ​ടി നന്ദി പറയുന്നു.”

സ്വയം പ്രാ​യോ​ഗിക ജ്ഞാനം ആർജി​ക്കുക!

നിങ്ങളു​ടെ മാതാ​പി​താ​ക്ക​ളു​ടെ മാർഗ​നിർദേശം സ്വീക​രി​ക്കുന്ന പക്ഷം അതു നിങ്ങളു​ടെ വളർച്ചയെ ഞെരു​ക്കി​ക്ക​ള​യു​ക​യില്ല, പകരം പ്രായ​പൂർത്തി​യി​ലേക്കു പക്വത പ്രാപി​ക്കു​ന്ന​തി​നുള്ള ഏററവും എളുപ്പ മാർഗം ആയിരി​ക്കും അത്‌. അതു​പോ​ലെ കാല​ക്ര​മ​ത്തിൽ നിങ്ങൾക്ക്‌ ‘സൂക്ഷ്‌മ​ബു​ദ്ധി​യും പരിജ്ഞാ​ന​വും വകതി​രി​വും’ വളർത്തി​യെ​ടു​ക്കാൻ കഴിയും. (സദൃശ​വാ​ക്യ​ങ്ങൾ 1:4) പ്രശ്‌ന​ങ്ങളെ വിശക​ലനം ചെയ്യു​ന്ന​തി​നും അവ പരിഹ​രി​ക്കേ​ണ്ട​തെ​ങ്ങനെ എന്നതു സംബന്ധി​ച്ചു കൃത്യ​മായ നിഗമ​ന​ങ്ങ​ളിൽ എത്തി​ച്ചേ​രു​ന്ന​തി​നും നിങ്ങൾ സജ്ജരാ​കും.

എല്ലാ യുവാ​ക്ക​ളും ദൈവ​ഭ​ക്ത​രായ മാതാ​പി​താ​ക്ക​ളാൽ അനുഗൃ​ഹീ​തരല്ല എന്നുള്ളതു ശരിയാണ്‌. എന്നിരു​ന്നാ​ലും, നിങ്ങളു​ടെ മാതാ​പി​താ​ക്കൾ ക്രിസ്‌ത്യാ​നി​കൾ അല്ലാത്ത​തു​കൊ​ണ്ടു മാത്രം അവർ പറയു​ന്നതു നിങ്ങൾ അനുസ​രി​ക്കേ​ണ്ട​തില്ല എന്നു നിഗമനം ചെയ്യു​ന്നതു തെററാ​യി​രി​ക്കും. അവർ ഇപ്പോ​ഴും നിങ്ങളു​ടെ മാതാ​പി​താ​ക്ക​ളാണ്‌. അവരെ ആ വിധത്തിൽ ബഹുമാ​നി​ക്കു​ക​യും വേണം. (എഫെസ്യർ 6:1-3) കൂടാതെ, നിങ്ങൾ അവർക്ക്‌ ഒരു അവസരം കൊടു​ക്കു​ക​യാ​ണെ​ങ്കിൽ പ്രാ​യോ​ഗിക ബുദ്ധ്യു​പ​ദേ​ശ​മാ​യി അവർക്കു വളരെ അധികം നൽകാ​നു​ണ്ടെന്നു നിങ്ങൾ കണ്ടെത്തുക തന്നെ ചെയ്‌തേ​ക്കാം. നിങ്ങൾക്ക്‌ ആത്മീയ മാർഗ​നിർദേശം ആവശ്യ​മാ​യി വരു​മ്പോൾ ക്രിസ്‌തീയ സഭയിലെ ആശ്രയ​യോ​ഗ്യ​നായ ഒരു അംഗത്തിൽ ഉററവി​ശ്വാ​സം പുലർത്താൻ ശ്രമി​ക്കുക. വിവേ​ക​വും അനുക​മ്പ​യു​മുള്ള, വസ്‌തു​നി​ഷ്‌ഠ​മാ​യി ശ്രദ്ധി​ക്കുന്ന, ദൈവ​ഭ​യ​മുള്ള ഒരു മുതിർന്ന​യാ​ളി​നെ കണ്ടെത്താൻ പ്രയാ​സ​മില്ല.

ഇതുകൂ​ടി ഓർമി​ക്കുക, യഹോ​വ​യു​ടെ ആത്മാവ്‌, അതിനു​വേണ്ടി ചോദി​ക്കു​ന്ന​വർക്കു സഹായ​വും ശക്തിയും കൊടു​ക്കാൻ എപ്പോ​ഴും ഒരുങ്ങി​യി​രി​ക്കുന്ന ഒരു സ്രോ​ത​സ്സാണ്‌. (ലൂക്കൊസ്‌ 11:13) യഹോവ പ്രദാനം ചെയ്‌തി​രി​ക്കുന്ന വളരെ​യ​ധി​കം വിവരങ്ങൾ ബൈബി​ളി​ലൂ​ടെ​യും വാച്ച്‌ടവർ സൊ​സൈ​റ​റി​യു​ടെ ബൈബി​ള​ധി​ഷ്‌ഠിത പ്രസി​ദ്ധീ​ക​ര​ണ​ങ്ങ​ളി​ലൂ​ടെ​യും നമുക്കു ലഭ്യമാ​യി​രി​ക്കു​ന്നു. എന്തിന്‌, ഈ പരമ്പര തന്നെ തങ്ങളുടെ പ്രശ്‌ന​ങ്ങൾക്കു പ്രാ​യോ​ഗിക ഉത്തരങ്ങൾ കണ്ടെത്താൻ ആയിര​ക്ക​ണ​ക്കി​നു യുവാ​ക്കളെ സഹായി​ച്ചി​രി​ക്കു​ന്നു! കൂലം​ക​ഷ​മാ​യി ഗവേഷണം ചെയ്യാൻ പഠിക്കു​ന്ന​തി​നാൽ നിങ്ങൾ സ്വന്തമാ​യി അനേകം പ്രശ്‌നങ്ങൾ പരിഹ​രി​ക്കാൻ പ്രാപ്‌ത​രാ​യേ​ക്കാം.—സദൃശ​വാ​ക്യ​ങ്ങൾ 2:4.

തീർച്ച​യാ​യും, പ്രശ്‌നങ്ങൾ അനുഭ​വി​ക്കു​ന്നത്‌ ജീവി​ത​ത്തി​ന്റെ ഭാഗമാണ്‌. എന്നാൽ അത്‌ സങ്കീർത്ത​ന​ക്കാ​രന്‌ ഉണ്ടായി​രുന്ന ക്രിയാ​ത്മക മനോ​ഭാ​വം ഉണ്ടായി​രി​ക്കാൻ സഹായി​ക്കു​ന്നു. അദ്ദേഹം എഴുതി: “നിന്റെ ചട്ടങ്ങൾ പഠിപ്പാൻ തക്കവണ്ണം ഞാൻ കഷ്ടതയിൽ ആയിരു​ന്നതു എനിക്കു ഗുണമാ​യി.” (സങ്കീർത്തനം 119:71) അതേ, പ്രശ്‌നങ്ങൾ പരിഹ​രി​ക്കു​ന്നതു നിങ്ങളെ വാർത്തെ​ടു​ക്കു​ക​യും പരിശീ​ലി​പ്പി​ക്കു​ക​യും ചെയ്യും. എന്നാൽ അവയെ നിങ്ങൾ ഒററയ്‌ക്കു നേരി​ടേ​ണ്ട​തില്ല. സഹായം കണ്ടെത്തുക. സാധാ​ര​ണ​ഗ​തി​യിൽ അതു ചോദി​ക്കു​ന്ന​വർക്കു ലഭ്യമാണ്‌. (g93 12/8)

[അടിക്കു​റി​പ്പു​കൾ]

[19-ാം പേജിലെ ചിത്രം]

പ്രായപൂർത്തിയിലേക്കു പക്വത പ്രാപി​ക്കു​ന്ന​തി​നുള്ള ഏററവും എളുപ്പ മാർഗം മാതാ​പി​താ​ക്ക​ളു​ടെ മാർഗ​നിർദേശം സ്വീക​രി​ക്കു​ന്നത്‌ ആയിരി​ക്കാം