കൂടുതൽ വിദ്യാ​ഭ്യാ​സം വേണമോ വേണ്ടയോ?

ഒരു ഉപജീ​വനം തേടാൻ എത്ര​ത്തോ​ളം വിദ്യാ​ഭ്യാ​സം ആവശ്യ​മാണ്‌? അതിനുള്ള ഉത്തരം രാജ്യ​ങ്ങൾതോ​റും വ്യത്യ​സ്‌ത​മാ​യി​രി​ക്കും. സാമ്പത്തിക ചെലവു​കൾ വഹിക്കാൻ ഇപ്പോൾ അനേകം നാടു​ക​ളി​ലും കുറെ വർഷങ്ങൾക്കു മുമ്പ്‌ ആവശ്യ​മാ​യി​രു​ന്ന​തി​നെ​ക്കാൾ കൂടുതൽ വിദ്യാ​ഭ്യാ​സം വേണ്ടി​യി​രി​ക്കു​ന്ന​താ​യി തോന്നു​ന്നു. ചില രാജ്യ​ങ്ങ​ളിൽ, നിയമം ആവശ്യ​പ്പെ​ടുന്ന ഏററവും കുറഞ്ഞ വിദ്യാ​ഭ്യാ​സം പോര, തങ്ങളുടെ ജീവി​ത​ച്ചെ​ല​വു​കൾ നടത്താൻ.

അതു​കൊ​ണ്ടാണ്‌ കൂടു​തൽക്കൂ​ടു​തൽ ബിരു​ദ​ധാ​രി​കൾ ജോലി​സ്ഥ​ല​ത്തേക്കു പോകു​ന്ന​തി​നു പകരം വീണ്ടും പഠിക്കാൻ പോകു​ന്നത്‌ എന്നതിനു സംശയ​മില്ല. തീർച്ച​യാ​യും പ്രതി​ഫ​ലങ്ങൾ ആകർഷ​ക​മെന്നു തോന്നി​യേ​ക്കാം. “1979 മുതൽ 1987 വരെ ഹൈസ്‌കൂൾ ഡിപ്ലോ​മ​യുള്ള ജോലി​ക്കാ​രായ പുരു​ഷൻമാ​രു​ടെ വേതന​മൂ​ല്യ​ത്തിൽ 7.4 ശതമാനം കുറവു​ണ്ടാ​യി, അതേസ​മയം കോ​ളെജ്‌ ബിരു​ദ​ധാ​രി​ക​ളു​ടെ വേതനം 7 ശതമാനം കണ്ട്‌ ഉയർന്നു” എന്ന്‌ സാമ്പത്തിക നയസ്ഥാ​പ​ന​ത്തി​ന്റെ ഒരു റിപ്പോർട്ടി​നെ ഉദ്ധരി​ച്ചു​കൊണ്ട്‌ ദ ന്യൂ​യോർക്ക്‌ ടൈംസ്‌ പറയുന്നു.

കോ​ളെജ്‌ ബിരു​ദ​ധാ​രി​കൾക്കു തൊഴി​ല​വ​സ​ര​ങ്ങ​ളി​ലേ​ക്കുള്ള കവാടം തുറക്കുന്ന ഡിഗ്രി​ക​ളുണ്ട്‌. ഹഡ്‌സൺ ഇൻസ്‌റ​റി​റ​റ്യൂ​ട്ടി​ലെ ഒരു സീനിയർ ഗവേഷ​ക​നായ വില്യം ബി. ജോൺസ്‌ററൺ ഇപ്രകാ​രം പറയുന്നു: “കോ​ളെജ്‌ ബിരുദം അഥവാ കോ​ളെ​ജിൽ പോയി​ട്ടു​ണ്ടെ​ന്നു​ള്ള​തി​ന്റെ തെളിവ്‌, തൊഴി​ലി​നു​വേ​ണ്ടി​യുള്ള രാജ്യത്തെ അതി​പ്ര​ധാ​ന​പ്പെട്ട യോഗ്യ​താ​പ​ത്ര​മാ​യി​ത്തീർന്നി​രി​ക്കു​ന്നു.”

എന്നാൽ നേരേ​മ​റിച്ച്‌, അനേകം കോ​ളെജ്‌ ബിരു​ദ​ധാ​രി​ക​ളും ജോലി കണ്ടെത്താൻ പാടു​പെ​ടു​ക​യാ​ണെന്നു സമ്മതി​ക്കേ​ണ്ടി​യി​രി​ക്കു​ന്നു. ജോലി നഷ്ടപ്പെ​ടുക എന്ന അപകട​ത്തിൽനി​ന്നും അവർ സുരക്ഷി​തരല്ല. “എന്നോ​ടൊ​പ്പം ബിരുദം നേടിയ എന്റെ സുഹൃ​ത്തു​ക്ക​ളിൽ മിക്കവർക്കും യാതൊ​രു ജോലി​യു​മില്ല” എന്ന്‌ 22 വയസ്സു​കാ​ര​നായ കാൾ പറയുന്നു. 55 വയസ്സുള്ള ജിം വിഖ്യാ​ത​മായ ഒരു യൂണി​വേ​ഴ്‌സി​റ​റി​യിൽനിന്ന്‌ ഡിസ്‌റ​റി​ങ്‌ഷ​നോ​ടെ ബിരുദം നേടിയ ആളാണ്‌. എന്നാൽ 1992 ഫെബ്രു​വ​രി​യിൽ അദ്ദേഹ​ത്തി​നു ജോലി നഷ്ടപ്പെട്ടു. അദ്ദേഹ​ത്തി​നു ലഭിച്ച ഡിപ്ലോമ തുണയ്‌ക്കെ​ത്തി​യില്ല, സ്ഥിരമായ ഒരു ജോലി കണ്ടെത്താൻ അത്‌ അദ്ദേഹത്തെ സഹായി​ച്ച​തു​മില്ല. “നിങ്ങളു​ടെ വിദ്യാ​ഭ്യാ​സം ആശ്രയി​ക്കാൻ പററാ​ത്ത​താ​യി​ത്തീ​രു​ന്നു,” അദ്ദേഹം പറയുന്നു.

യു.എസ്‌.ന്യൂസ്‌ & വേൾഡ്‌ റിപ്പോർട്ട്‌ “വെള്ള​ക്കോ​ളർ ശുദ്ധീ​ക​ര​ണ​സ്ഥലം”—ജോലി​യിൽനി​ന്നു വിരമി​ക്കാൻ തീരെ പ്രായം കുറവും എന്നാൽ മറെറാ​രു കമ്പനി അവരെ ജോലി​ക്കെ​ടു​ക്കാൻ കഴിയാ​ത്ത​വി​ധം പ്രായ​ക്കൂ​ടു​ത​ലും—എന്നു വിളിച്ച അവസ്ഥയി​ലാണ്‌ ജിമ്മും മററു പലരു​മെന്ന്‌ അവർ മനസ്സി​ലാ​ക്കു​ന്നു.

അതു​കൊണ്ട്‌, കോ​ളെജ്‌ വിദ്യാ​ഭ്യാ​സ​ത്തി​നു നേട്ടങ്ങ​ളു​ണ്ടെ​ങ്കി​ലും അതു വ്യക്തമാ​യും സർവ​പ്ര​ശ്‌ന​ങ്ങ​ളു​ടെ​യും പ്രതി​വി​ധി​യല്ല. തിര​ഞ്ഞെ​ടു​ക്കാ​നുള്ള ഒരേ​യൊ​രു സംഗതി​യു​മല്ല അത്‌. ദ ക്വസ്‌റ​റ്യൻ ഈസ്‌ കോ​ളെജ്‌ എന്ന ഗ്രന്ഥത്തിൽ ഹെർബെർട്ട്‌ കോൾ ഇപ്രകാ​രം എഴുതു​ന്നു: “കോ​ളെ​ജിൽ പോയി​ട്ടി​ല്ലാത്ത വിജയ​പ്ര​ദ​രായ അനേക​മാ​ളു​ക​ളുണ്ട്‌, അതു​പോ​ലെ കോ​ളെജ്‌ ബിരുദം ആവശ്യ​മി​ല്ലാത്ത ധാരാളം മാന്യ​മായ ജോലി​ക​ളു​മുണ്ട്‌.” ഉദാഹ​ര​ണ​ത്തിന്‌, മിക്ക​പ്പോ​ഴും കോ​ളെജ്‌ ബിരു​ദ​ധാ​രി​കൾ അലങ്കരി​ക്കുന്ന സ്ഥാനങ്ങ​ളി​ലേക്ക്‌ ഒരു കോർപ്പ​റേഷൻ തിര​ഞ്ഞെ​ടു​ക്കു​ന്നത്‌ കോ​ളെജ്‌ ബിരുദം നേടാ​ത്ത​വ​രെ​യാണ്‌. ബിരു​ദ​ങ്ങൾക്കു​വേണ്ടി നോക്കു​ന്ന​തി​നു പകരം, നൽകിയ ജോലി നന്നായി നിർവ​ഹി​ക്കാ​നുള്ള പ്രാപ്‌തി തെളി​യി​ക്കുന്ന അപേക്ഷ​ക​രെ​യാണ്‌ ആ കോർപ്പ​റേഷൻ തേടു​ന്നത്‌. “ഒരിക്കൽ ഞങ്ങൾ ആ വ്യക്തിയെ കണ്ടെത്തി​യാൽ പ്രത്യേക തൊഴിൽ വൈദ​ഗ്‌ധ്യം [അയാളെ] പഠിപ്പി​ക്കാൻ കഴിയു​മെന്ന്‌ ഞങ്ങൾ വിചാ​രി​ക്കു​ന്നു,” ഒരു വക്താവ്‌ പറയുന്നു.

അതേ, ഒരു കോ​ളെജ്‌ ബിരു​ദ​ത്തി​ന്റെ പ്രയോ​ജനം കൂടാ​തെ​തന്നെ പലരും തങ്ങളു​ടെ​യും തങ്ങളുടെ കുടും​ബ​ങ്ങ​ളു​ടെ​യും സാമ്പത്തി​കാ​വ​ശ്യ​ങ്ങൾ നിറ​വേ​റ​റി​യി​ട്ടുണ്ട്‌. ഇവരിൽ ചിലർ കുറഞ്ഞ സമയവും പണവും മുടക്കി തൊഴിൽപ​രി​ശീ​ലന സ്‌കൂ​ളു​ക​ളി​ലെ​യോ സാങ്കേ​തിക സ്‌കൂ​ളു​ക​ളി​ലെ​യോ ഗവൺമെൻറ്‌ കോ​ളെ​ജു​ക​ളി​ലെ​യോ കോഴ്‌സു​ക​ളിൽ സംബന്ധി​ച്ചി​ട്ടുണ്ട്‌.a പ്രത്യേ​ക​വ​ത്‌കൃത പരിശീ​ല​ന​മൊ​ന്നും കൂടാ​തെ​തന്നെ മററു പലരും എന്തെങ്കി​ലും തൊഴി​ലോ സർവീ​സിങ്‌ സെൻറ​റോ വികസി​പ്പി​ച്ചെ​ടു​ത്തി​ട്ടുണ്ട്‌. ആശ്രയ​യോ​ഗ്യൻ എന്ന സൽപ്പേ​രു​ള്ള​തു​കൊണ്ട്‌ സ്ഥിരമായ ഒരു ജോലി നിലനിർത്താൻ അവർക്കു കഴിഞ്ഞി​രി​ക്കു​ന്നു.

ഒരു സന്തുലിത വീക്ഷണം

തീർച്ച​യാ​യും, കോ​ളെജ്‌ വിദ്യാ​ഭ്യാ​സം അല്ലെങ്കിൽ മറേറ​തെ​ങ്കി​ലും അനുബന്ധ വിദ്യാ​ഭ്യാ​സം ഉൾപ്പെടെ യാതൊ​രു തരത്തി​ലുള്ള വിദ്യാ​ഭ്യാ​സ​വും വിജയം ഉറപ്പു നൽകു​ന്നില്ല. മാത്രമല്ല, “ഈ ലോക​ത്തി​ന്റെ രംഗം മാറി​ക്കൊ​ണ്ടി​രി​ക്കു​ന്നു” എന്ന്‌ ബൈബിൾ കൃത്യ​മാ​യി​ത്തന്നെ പറയുന്നു. (1 കൊരി​ന്ത്യർ 7:31, NW) ഇന്നു ഡിമാൻഡുള്ള സംഗതി നാളെ ഒന്നിനും കൊള്ളാ​ത്ത​താ​യി മാറി​യേ​ക്കാം.

അതു​കൊണ്ട്‌, അനുബന്ധ വിദ്യാ​ഭ്യാ​സ​ത്തെ​ക്കു​റി​ച്ചു കാര്യ​മാ​യി ചിന്തി​ക്കുന്ന ഒരുവൻ അതിന്റെ നേട്ടങ്ങ​ളും കോട്ട​ങ്ങ​ളും വിലയി​രു​ത്തേ​ണ്ട​തുണ്ട്‌. ‘എനിക്ക്‌ ചെലവ്‌ താങ്ങാൻ കഴിയു​മോ? എനിക്കു ലഭിക്കു​ന്നത്‌ ഏതുതരം ചുററു​പാ​ടു​ക​ളും സുഹൃ​ത്തു​ക്ക​ളു​മാ​യി​രി​ക്കും? സാമ്പത്തിക ചെലവു​കൾ നടത്താൻ എന്നെ പ്രാപ്‌ത​നാ​ക്കുന്ന പ്രാ​യോ​ഗിക പരിശീ​ലനം ഈ കോഴ്‌സു​കൾ എനിക്കു പ്രദാനം ചെയ്യു​മോ? കാല​ക്ര​മ​ത്തിൽ ഞാൻ വിവാഹം കഴിക്കു​ക​യാ​ണെ​ങ്കിൽ ഒരു കുടും​ബ​ത്തി​നു വേണ്ടി കരുതാൻ അത്‌ എന്നെ സഹായി​ക്കു​മോ?’ തങ്ങളു​ടെ​മേൽ ബൈബിൾ വെക്കുന്ന ഉത്തരവാ​ദി​ത്വ​ത്തി​നു ചേർച്ച​യിൽ മൂല്യ​വ​ത്തായ ഉപദേശം നൽകാൻ പിന്തുണ നൽകുന്ന മാതാ​പി​താ​ക്കൾക്കു കഴിയും. (ആവർത്ത​ന​പു​സ്‌തകം 4:10; 6:4-9; 11:18-21; സദൃശ​വാ​ക്യ​ങ്ങൾ 4:1, 2) അനുബന്ധ വിദ്യാ​ഭ്യാ​സ​ത്തി​ന്റെ സാമ്പത്തിക നേട്ടങ്ങ​ളോ അതിന്റെ ഏതെങ്കി​ലും പ്രത്യേ​ക​വ​ശ​മോ നിങ്ങൾ പരിഗ​ണി​ക്കു​ക​യാ​ണെ​ങ്കിൽ യേശു​വി​ന്റെ വാക്കുകൾ പരിചി​ന്തി​ക്കു​ന്നത്‌ ഉചിത​മാ​യി​രി​ക്കും: “നിങ്ങളിൽ ആരെങ്കി​ലും ഒരു ഗോപു​രം പണിവാൻ ഇച്ഛിച്ചാൽ ആദ്യം ഇരുന്നു അതു തീർപ്പാൻ വക ഉണ്ടോ എന്നു കണക്കു നോക്കു​ന്നി​ല്ല​യോ?”—ലൂക്കൊസ്‌ 14:28.

തീർച്ച​യാ​യും, അനുബന്ധ വിദ്യാ​ഭ്യാ​സ​ത്തിൽ ഏർപ്പെ​ട​ണ​മോ എന്ന കാര്യം ശ്രദ്ധാ​പൂർവം വിലയി​രു​ത്തി എടുക്കേണ്ട ഒരു തീരു​മാ​ന​മാണ്‌. ഒരു ക്രിസ്‌ത്യാ​നി എല്ലായ്‌പോ​ഴും മത്തായി 6:33-ലെ യേശു​വി​ന്റെ വാക്കുകൾ മനസ്സിൽ പിടി​ക്കു​ന്നു: “മുമ്പെ [നിങ്ങളു​ടെ സ്വർഗീയ പിതാ​വി​ന്റെ] രാജ്യ​വും നീതി​യും അന്വേ​ഷി​പ്പിൻ; അതോ​ടു​കൂ​ടെ ഇതൊ​ക്കെ​യും നിങ്ങൾക്കു കിട്ടും.” സത്യ​ക്രി​സ്‌ത്യാ​നി​ക​ളു​ടെ ഇടയിൽ കൂടു​ത​ലായ വിദ്യാ​ഭ്യാ​സ​മി​ല്ലാ​ത്ത​വരെ അവജ്ഞ​യോ​ടെ വീക്ഷി​ക്കു​ക​യോ താഴ്‌ന്ന​വ​രാ​യി കണക്കാ​ക്കു​ക​യോ ചെയ്യു​ന്നില്ല, കൂടുതൽ വിദ്യാ​ഭ്യാ​സ​മു​ള്ള​വരെ ഉദ്ധതചി​ന്താ​ഗ​തി​ക്കാ​രാ​യി തള്ളിക്ക​ള​യു​ന്നു​മില്ല. അപ്പോ​സ്‌ത​ല​നായ പൗലോസ്‌ ഇപ്രകാ​രം എഴുതി: “മറെറാ​രു​ത്തന്റെ ദാസനെ വിധി​പ്പാൻ നീ ആർ? അവൻ നില്‌ക്കു​ന്ന​തോ വീഴു​ന്ന​തോ സ്വന്തയ​ജ​മാ​ന​ന്ന​ത്രേ; അവൻ നില്‌ക്കും​താ​നും; അവനെ നില്‌ക്കു​മാ​റാ​ക്കു​വാൻ കർത്താ​വി​ന്നു കഴിയു​മ​ല്ലോ?”—റോമർ 14:4.

യേശു സന്തുലി​ത​മായ ഈ വീക്ഷണത്തെ പ്രതി​ഫ​ലി​പ്പി​ച്ചു. “പഠിപ്പി​ല്ലാ​ത്ത​വ​രും സാമാ​ന്യ​രു​മായ” ആളുകളെ അവൻ നിന്ദി​ച്ചില്ല, ശക്തമായ സുവി​ശേ​ഷ​വേല നിർവ​ഹി​ക്കാൻ അഭ്യസ്‌ത​വി​ദ്യ​നായ പൗലോ​സി​നെ തിര​ഞ്ഞെ​ടു​ക്കു​ന്ന​തിൽനിന്ന്‌ അവൻ പിൻമാ​റി​നി​ന്ന​തു​മില്ല. (പ്രവൃ​ത്തി​കൾ 4:13; 9:10-16) അവസ്ഥ ഇതി​ലേ​താ​യി​രു​ന്നാ​ലും വിദ്യാ​ഭ്യാ​സത്തെ അതിന്റെ സ്ഥാനത്തു നിർത്തേ​ണ്ട​തുണ്ട്‌, അതാണ്‌ പിൻവ​രുന്ന ലേഖനം പ്രകട​മാ​ക്കു​ന്നത്‌.

[അടിക്കു​റി​പ്പു​കൾ]

[5-ാം പേജിലെ ചതുരം]

അനുബന്ധ വിദ്യാ​ഭ്യാ​സം

1993 ഫെബ്രു​വരി 1-ലെ വീക്ഷാ​ഗോ​പു​രം യഹോ​വ​യു​ടെ സാക്ഷി​ക​ളെ​യും മുഴു​സമയ ശുശ്രൂ​ഷ​യെ​യും സംബന്ധിച്ച്‌ ഇപ്രകാ​രം അഭി​പ്രാ​യ​പ്പെട്ടു: “അനേകം ദേശങ്ങ​ളി​ലെ​യും പൊതു​പ്ര​വണത മാന്യ​മായ ശമ്പളം വാങ്ങു​ന്ന​തിന്‌ ഇന്നാവ​ശ്യ​മായ സ്‌കൂൾവി​ദ്യാ​ഭ്യാ​സം ഏതാനും വർഷങ്ങൾ മുമ്പ​ത്തേ​തി​നെ​ക്കാൾ ഉയർന്ന​താ​ണെന്നു തോന്നു​ന്നു. . . . റിപ്പോർട്ടു​കൾ സൂചി​പ്പി​ക്കു​ന്നത്‌ . . . നിയമം ആവശ്യ​പ്പെ​ടുന്ന ഏററവും കുറഞ്ഞ സ്‌കൂൾവി​ദ്യാ​ഭ്യാ​സം . . . പൂർത്തീ​ക​രി​ച്ച​തി​നു​ശേ​ഷം​പോ​ലും . . . മാന്യ​മായ ശമ്പളമുള്ള ജോലി കണ്ടെത്താൻ പ്രയാ​സ​മാ​ണെ​ന്നാണ്‌. . . .

“‘മാന്യ​മായ ശമ്പളം’ എന്നതി​നാൽ എന്താണ്‌ അർത്ഥമാ​ക്കു​ന്നത്‌? . . . അവർ സമ്പാദി​ക്കു​ന്നതു തങ്ങളുടെ ക്രിസ്‌തീയ ശുശ്രൂഷ നിറ​വേ​റ​റാ​നാ​വ​ശ്യ​മായ സമയവും ആരോ​ഗ്യ​വും ഉണ്ടായി​രി​ക്കെ​ത്തന്നെ അവരെ മാന്യ​മാ​യി ജീവി​ക്കാൻ അനുവ​ദി​ക്കു​ന്നെ​ങ്കിൽ അവരുടെ ശമ്പള​ത്തെ​ക്കു​റി​ച്ചു ‘പര്യാ​പ്‌ത​മാ​യത്‌,’ ‘തൃപ്‌തി​ക​ര​മാ​യത്‌’ എന്നു പറയാൻ കഴിയും.”

അതു​കൊണ്ട്‌ വീക്ഷാ​ഗോ​പു​രം ഇപ്രകാ​രം പറഞ്ഞു: “കൂടു​ത​ലായ വിദ്യാ​ഭ്യാ​സ​ത്തിന്‌ അനുകൂ​ല​മാ​യോ പ്രതി​കൂ​ല​മാ​യോ യാതൊ​രു കർശന​നി​യ​മ​വും ഉണ്ടാക്ക​രുത്‌.”