സാത്താ​ന്യാ​രാ​ധ​ന​യു​ടെ നാളുകൾ എണ്ണപ്പെ​ട്ടി​രി​ക്കു​ന്നു

യഹോ​വ​യായ ദൈവം ആദാമി​നെ​യും ഹവ്വാ​യെ​യും സൃഷ്ടിച്ച്‌ ഏദൻതോ​ട്ട​ത്തിൽ ആക്കി​വെ​ക്കു​ക​യും വർദ്ധി​ച്ചു​പെ​രു​കി നീതി​യുള്ള സന്തതി​ക​ളെ​ക്കൊ​ണ്ടു ഭൂമിയെ നിറയ്‌ക്കാൻ അവരോ​ടു പറയു​ക​യും ചെയ്‌തു. അവർ ആ തോട്ടത്തെ പരിപാ​ലിച്ച്‌, കൃഷി​ചെ​യ്‌തു നിലനിർത്തു​ക​യും എന്നേക്കും ജീവി​ക്കു​ക​യും ചെയ്യണ​മാ​യി​രു​ന്നു. സുകര​മായ ഒരൊററ വ്യവസ്ഥയേ ഉണ്ടായി​രു​ന്നു​ള്ളു: ‘തോട്ട​ത്തി​ന്റെ നടുവി​ലുള്ള ഒരു പ്രത്യേക വൃക്ഷത്തിൽനി​ന്നു ഭക്ഷിക്ക​രുത്‌. നീ അതിൽനി​ന്നു ഭക്ഷിച്ചാൽ നീ മരിക്കും.’—ഉല്‌പത്തി 1:27, 28; 2:8, 9, 15-17; യെശയ്യാ​വു 45:18.

ശക്തനായ ഒരു ദൂതൻ ദൈവ​ത്തി​നെ​തി​രാ​യി മത്സരി​ക്കു​ക​യും സാത്താ​നാ​യി​ത്തീ​രു​ക​യും ചെയ്‌തു. ആ പേരിന്റെ അർഥം “എതിർക്കു​ന്നവൻ” എന്നായി​രു​ന്നു; കാരണം അവൻ നിയ​ന്ത്രണം തട്ടി​യെ​ടു​ക്കാൻ ആഗ്രഹി​ച്ചു. അവൻ മനുഷ്യ​വർഗ​ത്തി​ന്റെ ആരാധന തനിക്കാ​യി ആഗ്രഹി​ച്ചു. അവൻ വിലക്ക​പ്പെട്ട ഫലം തിന്നാൻ ഹവ്വായെ സ്വാധീ​നിച്ച്‌ അത്‌ ആഹാര​ത്തി​നു നല്ലതാ​ണെ​ന്നും അവൾ മരിക്കാ​തെ നൻമയും തിൻമ​യും സ്വയം തീരു​മാ​നി​ക്കാ​നുള്ള പ്രാപ്‌തി​യോ​ടെ ദൈവ​ത്തെ​പ്പോ​ലെ​യാ​കു​മെ​ന്നും അവകാ​ശ​പ്പെട്ടു. അവളുടെ ആദ്യ തീരു​മാ​നം മോശ​മാ​യി​രു​ന്നു; വിലക്ക​പ്പെട്ട ഫലം ഭക്ഷിക്കു​ന്നതു നല്ലതാ​ണെന്ന്‌ അവൾ തീരു​മാ​നി​ച്ചു. ഹവ്വാ ഭക്ഷിച്ചു, കനിയിൽ കുറേ ആദാമി​നും കൊടു​ത്തു. അവനും ഭക്ഷിച്ചു. രണ്ടു​പേ​രും ഒടുവിൽ മരിച്ചു. അങ്ങനെ ആദാം അവരുടെ സന്തതി​ക​ളു​ടെ​മേൽ പാപവും മരണവും വരുത്തി, അന്നുമു​തൽ അവർ എക്കാല​ത്തും മരിച്ചു​കൊ​ണ്ടാ​ണി​രി​ക്കു​ന്നത്‌. (ഉല്‌പത്തി 3:1-6; റോമർ 5:12) ആദ്യത്തെ മനുഷ്യ​ജോ​ടി സാത്താനെ അനുഗ​മി​ക്കാൻ തീരു​മാ​നി​ക്കു​ക​യും സാത്താ​ന്യാ​രാ​ധ​ന​യി​ലേ​ക്കുള്ള ആദ്യത്തെ പരിവർത്തി​ത​രാ​യി​ത്തീ​രു​ക​യും ചെയ്‌തു. ഇന്നോളം ദശലക്ഷങ്ങൾ ആ ആദ്യമാ​താ​പി​താ​ക്ക​ളു​ടെ മതം നല്ലതാ​യി​രു​ന്നു​വെ​ന്നും ആണെന്നും തീരു​മാ​നി​ച്ചി​രി​ക്കു​ന്നു. “നിങ്ങൾ ദാസൻമാ​രാ​യി അനുസ​രി​പ്പാൻ നിങ്ങ​ളെ​ത്തന്നെ സമർപ്പി​ക്കു​ക​യും നിങ്ങൾ അനുസ​രി​ച്ചു​പോ​രു​ക​യും ചെയ്യു​ന്ന​വന്നു ദാസൻമാർ ആകുന്നു.”—റോമർ 6:16; യോഹ​ന്നാൻ 17:15, 16; 1 യോഹ​ന്നാൻ 5:19.

യഹോവ സാത്താന്റെ അന്തിമ​നാ​ശം ഉച്ചരിച്ചു, എന്നാൽ കുറേ കാല​ത്തേക്കു തുടരാൻ അവനെ അനുവ​ദി​ച്ചു. പരി​ശോ​ധി​ക്ക​പ്പെ​ടുന്ന പക്ഷം തന്നോടു വിശ്വ​സ്‌ത​രാ​യി നില​കൊ​ള്ളുന്ന മനുഷ്യ​രെ ഭൂമി​യിൽ ആക്കി​വെ​ക്കാൻ ദൈവ​ത്തി​ന്നു കഴിക​യി​ല്ലെന്നു സാത്താൻ നടത്തിയ ഒരു വെല്ലു​വി​ളി തെളി​യി​ക്കു​ന്ന​തി​നുള്ള അവസരം ഇത്‌ അവന്‌ ഒരുക്കി​ക്കൊ​ടു​ക്കും—ഇത്‌ ഇയ്യോബ്‌ എന്ന ബൈബിൾപു​സ്‌ത​ക​ത്തി​ന്റെ ആദ്യത്തെ രണ്ട്‌ അദ്ധ്യാ​യ​ങ്ങ​ളിൽ സ്‌പഷ്ട​മാ​യി വരച്ചു​കാ​ട്ടി​യി​രി​ക്കു​ന്ന​തും വിവാ​ദ​ത്തിൽ യഹോ​വ​യു​ടെ പക്ഷത്തിന്‌ അനുകൂ​ല​മാ​യി ഉത്തരം​കൊ​ടു​ത്തി​രി​ക്കു​ന്ന​തു​മായ ഒരു വെല്ലു​വി​ളി​യാണ്‌. സാത്താ​നിൽനി​ന്നുള്ള ക്രൂര​വും ദുഷ്ടവു​മായ ആക്രമ​ണ​ങ്ങ​ളിൻകീ​ഴിൽ ഇയ്യോ​ബു​തന്നെ ദൈവ​ത്തോ​ടു നിർമലത പാലി​ക്കാ​നും അങ്ങനെ സാത്താനെ ഒരു നുണയൻ എന്നു തെളി​യി​ക്കാ​നും തീരു​മാ​നി​ച്ചു. (ഉല്‌പത്തി 3:15; പുറപ്പാ​ടു 9:16; ഇയ്യോബ്‌ 42:7) സാർവ്വ​ത്രിക പരമാ​ധി​കാ​ര​ത്തി​ന്റെ വാദവി​ഷ​യ​ത്തിൽ യഹോ​വ​യു​ടെ പക്ഷത്തു നില​കൊണ്ട സാക്ഷി​ക​ളു​ടെ ഒരു നീണ്ട പട്ടിക എബ്രായർ 11-ാം അദ്ധ്യാ​യ​വും രേഖ​പ്പെ​ടു​ത്തു​ന്നു.

സാർവ​ത്രി​ക പരമാ​ധി​കാ​രം, ദൈവ​ത്തോ​ടുള്ള മനുഷ്യ നിർമലത എന്നിവയെ ചൊല്ലി​യുള്ള വലിയ വാദവി​ഷ​യ​ത്തിൽ യഹോ​വ​യു​ടെ പക്ഷത്തി​നു​വേണ്ടി എക്കാല​ത്തേ​ക്കു​മാ​യുള്ള പൂർണ​മായ ഉത്തരം കൊടുത്ത പ്രമുഖൻ ക്രിസ്‌തു​യേ​ശു​വാണ്‌. ഇതു സാത്താനു നേരിട്ട ഒരു കനത്ത പരാജ​യ​മാ​യി​രു​ന്നു. സാത്താനെ ആരാധി​ക്കു​ന്നു എന്നു കാട്ടുന്ന ഒരൊററ ക്രിയക്കു പ്രതി​ഫ​ല​മാ​യി അവനു മുഴു​ലോ​ക​ത്തിൻമേ​ലു​മുള്ള ഭരണാ​ധി​പ​ത്യം കൊടു​ക്കാ​മെ​ന്നുള്ള സാത്താന്റെ വാഗ്‌ദാ​നത്തെ യേശു അപ്പാടെ തള്ളിക്ക​ളഞ്ഞു. ഒരു ദണ്ഡനസ്‌തം​ഭ​ത്തിൽ മരിക്കവേ യേശു പിൻമാ​റാ​തെ ഒരു ഭയങ്കര യാതന സഹിക്കു​ക​യും ചെയ്‌തു. അവൻ നമുക്കു പിന്തു​ട​രു​ന്ന​തിന്‌ ഒരു പൂർണ​മാ​തൃക വെച്ചു​കൊണ്ട്‌ സാത്താ​നെ​യും സാത്താന്റെ ലോക​ത്തെ​യും ജയിച്ചു.—മത്തായി 4:8-10; 27:50; യോഹ​ന്നാൻ 16:33; എബ്രായർ 5:7-10; 1 പത്രോസ്‌ 2:21.

നാം ജീവി​ച്ചു​വ​രുന്ന അനർഥ​ക​ര​മായ കാലത്തി​ന്റെ കാര്യ​ത്തിൽ സാത്താൻ എന്നെ​ത്തേ​തി​ലും ശക്തനാ​യി​ത്തീ​രു​ക​യാ​ണെ​ന്നും സാത്താ​ന്യാ​രാ​ധ​ന​തന്നെ വർദ്ധി​ക്കു​ക​യാ​ണെ​ന്നും തോന്നി​യേ​ക്കാം. എന്നിരു​ന്നാ​ലും, വെളി​പാട്‌ എന്ന ബൈബിൾപു​സ്‌തകം 12-ാം അദ്ധ്യാ​യ​ത്തിൽ 7-9, 12 വാക്യ​ങ്ങ​ളിൽ തികച്ചും വ്യത്യ​സ്‌ത​മായ ഒരു ചിത്രം വരച്ചു​കാ​ട്ടു​ന്നു:

“സ്വർഗ്ഗ​ത്തിൽ യുദ്ധം ഉണ്ടായി; മീഖാ​യേ​ലും [ക്രിസ്‌തു​യേശു] അവന്റെ ദൂതൻമാ​രും മഹാസർപ്പ​ത്തോ​ടു പടവെട്ടി; തന്റെ ദൂതൻമാ​രു​മാ​യി മഹാസർപ്പ​വും പടവെട്ടി ജയിച്ചി​ല്ല​താ​നും. സ്വർഗ്ഗ​ത്തിൽ അവരുടെ സ്ഥലം പിന്നെ കണ്ടതു​മില്ല. ഭൂതലത്തെ മുഴുവൻ തെററി​ച്ചു​ക​ള​യുന്ന പിശാ​ചും സാത്താ​നും എന്ന മഹാസർപ്പ​മായ പഴയ പാമ്പിനെ ഭൂമി​യി​ലേക്കു തള്ളിക്ക​ളഞ്ഞു. അവന്റെ ദൂതൻമാ​രെ​യും അവനോ​ടു​കൂ​ടെ തള്ളിക്ക​ളഞ്ഞു. ആകയാൽ സ്വർഗ്ഗ​വും അതിൽ വസിക്കു​ന്ന​വ​രു​മാ​യു​ള്ളോ​രേ, ആനന്ദി​പ്പിൻ; ഭൂമി​ക്കും സമു​ദ്ര​ത്തി​ന്നും അയ്യോ കഷ്ടം; പിശാചു തനിക്കു അല്‌പ​കാ​ല​മേ​യു​ള്ളു എന്നു അറിഞ്ഞു മഹാ​ക്രോ​ധ​ത്തോ​ടെ നിങ്ങളു​ടെ അടുക്കൽ ഇറങ്ങി​വ​ന്നി​രി​ക്കു​ന്നു.”

പറുദീ​സാ​ഭൂ​മി​യു​ടെ നാളുകൾ എണ്ണമറ​റ​താ​യി​രി​ക്കും!

“തനിക്കു അല്‌പ​കാ​ല​മേ​യു​ള്ളു എന്നു അറിഞ്ഞു”കൊണ്ട്‌, സാത്താൻ ഈ “അന്ത്യനാ​ളു​ക​ളിൽ” തന്റെ ഭൂത​പ്ര​വർത്തനം വർദ്ധി​പ്പി​ക്കു​ക​യാണ്‌. (യാക്കോബ്‌ 5:1-3) എന്നിരു​ന്നാ​ലും, നമ്മുടെ നാളു​ക​ളി​ലെ കാർമേ​ഘ​ങ്ങ​ളിൽ ഒരു രജതരേഖ ഉണ്ട്‌. അത്‌ എന്താ​ണെന്നു വെളി​പ്പാട്‌ 21:1, 3-5 വെളി​പ്പെ​ടു​ത്തു​ന്നു: “ഞാൻ പുതിയ ആകാശ​വും പുതിയ ഭൂമി​യും കണ്ടു; ഒന്നാമത്തെ ആകാശ​വും ഒന്നാമത്തെ ഭൂമി​യും ഒഴിഞ്ഞു​പോ​യി; സമു​ദ്ര​വും ഇനി ഇല്ല. ഇതാ, മനുഷ്യ​രോ​ടു​കൂ​ടെ ദൈവ​ത്തി​ന്റെ കൂടാരം; അവൻ അവരോ​ടു​കൂ​ടെ വസിക്കും; അവർ അവന്റെ ജനമാ​യി​രി​ക്കും; ദൈവം​താൻ അവരുടെ ദൈവ​മാ​യി അവരോ​ടു​കൂ​ടെ ഇരിക്കും. അവൻ അവരുടെ കണ്ണിൽനി​ന്നു കണ്ണുനീർ എല്ലാം തുടെ​ച്ചു​ക​ള​യും. ഇനി മരണം ഉണ്ടാക​യില്ല; ഒന്നാമ​ത്തേതു കഴിഞ്ഞു​പോ​യി; സിംഹാ​സ​ന​ത്തിൽ ഇരിക്കു​ന്നവൻ: ഇതാ, ഞാൻ സകലവും പുതു​താ​ക്കു​ന്നു എന്നു അരുളി​ച്ചെ​യ്‌തു. എഴുതുക, ഈ വചനം വിശ്വാ​സ​യോ​ഗ്യ​വും സത്യവും ആകുന്നു എന്നും അവൻ കല്‌പി​ച്ചു.”

അങ്ങനെ, ക്രിസ്‌തു​യേശു ഒരു ആയിരം വർഷം ഭരിക്കും. ആ സമയത്തു യഹോവ, ഭൂമിയെ സൃഷ്ടി​ച്ച​തി​ന്റെ​യും മനുഷ്യ​വർഗത്തെ അതിൽ ആക്കി​വെ​ച്ച​തി​ന്റെ​യും പിന്നിലെ ആദിമ ഉദ്ദേശ്യം നിറ​വേ​റ​റും. (വെളി​പ്പാ​ടു 20:1, 2, 6) മനുഷ്യ​വർഗം ആദിയിൽ നീതി​യുള്ള സന്താന​ങ്ങ​ളെ​ക്കൊ​ണ്ടു ഭൂമിയെ നിറച്ച്‌ അതിനെ പരിപാ​ലി​ക്കു​ക​യും അതിലെ സസ്യങ്ങ​ളെ​യും മൃഗങ്ങ​ളെ​യും ശുശ്രൂ​ഷിച്ച്‌ സമാധാ​ന​ത്തിൽ ജീവി​ക്കു​ക​യും അന്യോ​ന്യം സ്‌നേ​ഹി​ക്കു​ക​യും ചെയ്യേ​ണ്ട​താ​യി​രു​ന്നു​വെന്നു നിങ്ങൾ ഓർമി​ക്കു​മ​ല്ലോ. ആ ഉദ്ദേശ്യ​ത്തി​ന്റെ നിവൃത്തി തനിക്കു സകല ആളുക​ളെ​യും യഹോ​വ​യാം ദൈവ​ത്തിൽനിന്ന്‌ അകററാൻ കഴിയു​മെ​ന്നുള്ള സാത്താന്റെ വെല്ലു​വി​ളി തെളി​യി​ക്കാൻ അവനെ അനുവ​ദി​ക്കു​ന്ന​തി​നു നീട്ടി​വെ​ച്ചി​രി​ക്കു​ക​യാണ്‌. അവൻ കോടി​ക്ക​ണ​ക്കി​നാ​ളു​കളെ അടിമ​ക​ളാ​ക്കി​യി​രി​ക്കു​ക​യാണ്‌, എന്നാൽ നിർമ​ല​താ​പാ​ല​ക​രായ ഏതാനും ലക്ഷങ്ങളു​ടെ കാര്യ​ത്തിൽ അവൻ പരാജ​യ​പ്പെ​ട്ടി​രി​ക്കു​ന്നു.—റോമർ 6:16.

ഒരു പുനഃ​സ്ഥാ​പ​ന​കാ​ലത്തു ക്രിസ്‌തു​യേ​ശു​വി​ലൂ​ടെ​യുള്ള യഹോ​വ​യു​ടെ കരുണ ശവക്കു​ഴി​യി​ലേക്കു പോലും കടന്നു​ചെ​ല്ലും. കഴിഞ്ഞ ആയിര​ക്ക​ണ​ക്കി​നു വർഷങ്ങ​ളിൽ മരിച്ചു​പോ​യി​രി​ക്കുന്ന കോടി​ക്ക​ണ​ക്കി​നാ​ളു​കൾക്ക്‌ ഒരു പറുദീ​സാ​ഭൂ​മി​യി​ലെ നിത്യ​ജീ​വന്റെ അവസരം നൽക​പ്പെ​ടും: “ഇതിങ്കൽ ആശ്ചര്യ​പ്പെ​ട​രുത്‌; കല്ലറക​ളിൽ ഉള്ളവർ എല്ലാവ​രും അവന്റെ ശബ്ദം കേട്ടു, നൻമ ചെയ്‌തവർ ജീവന്നാ​യും തിൻമ​ചെ​യ്‌തവർ ന്യായ​വി​ധി​ക്കാ​യും പുനരു​ത്ഥാ​നം പ്രാപി​ക്കാ​നുള്ള നാഴിക വരുന്നു.”—യോഹ​ന്നാൻ 5:28, 29.

ആ പുതിയ ഭൂമി​യി​ലെ നീതി​യുള്ള ചുററു​പാ​ടി​നോട്‌ ഇണങ്ങി​ച്ചേ​രാൻ വിസമ്മ​തി​ക്കുന്ന ആരും അതി​നെ​യും അതിലെ ചെടി​ക​ളെ​യും മൃഗങ്ങ​ളെ​യും മനുഷ്യ​വർഗ​ത്തി​ന്റെ സമാധാ​ന​ത്തെ​യും യഹോ​വ​യാം ദൈവ​ത്തി​ന്റെ സത്യാ​രാ​ധ​ന​യെ​യും മലിനീ​ക​രി​ക്കാ​നോ നശിപ്പി​ക്കാ​നോ ശേഷി​ച്ചി​രി​ക്കു​ക​യില്ല. സങ്കീർത്തനം 37:10, 11, 29 ഇതിനെ സ്ഥിരീ​ക​രി​ക്കു​ന്നു: “കുറ​ഞ്ഞോ​ന്നു കഴിഞ്ഞി​ട്ടു ദുഷ്ടൻ ഇല്ല; നീ അവന്റെ ഇടം സൂക്ഷി​ച്ചു​നോ​ക്കും; അവനെ കാണു​ക​യില്ല. എന്നാൽ സൌമ്യ​ത​യു​ള്ളവർ ഭൂമിയെ കൈവ​ശ​മാ​ക്കും; സമാധാന സമൃദ്ധി​യിൽ അവർ ആനന്ദി​ക്കും. നീതി​മാൻമാർ ഭൂമിയെ അവകാ​ശ​മാ​ക്കി എന്നേക്കും അതിൽ വസിക്കും.”

മീഖാ 4:2-4 യഥാർഥ സമാധാ​ന​വും സുരക്ഷി​ത​ത്വ​വും വാഗ്‌ദാ​നം​ചെ​യ്യു​ന്നു: “അനേക​വം​ശ​ങ്ങ​ളും ചെന്നു: വരുവിൻ, നമുക്കു യഹോ​വ​യു​ടെ പർവ്വത​ത്തി​ലേ​ക്കും യാക്കോ​ബിൻ ദൈവ​ത്തി​ന്റെ ആലയത്തി​ലേ​ക്കും കയറി​ച്ചെ​ല്ലാം; അവൻ നമുക്കു തന്റെ വഴികളെ ഉപദേ​ശി​ച്ചു​ത​രു​ക​യും നാം അവന്റെ പാതക​ളിൽ നടക്കയും ചെയ്യും എന്നു പറയും. സീയോ​നിൽനി​ന്നു ഉപദേ​ശ​വും യെരൂ​ശ​ലേ​മിൽനി​ന്നു യഹോ​വ​യു​ടെ വചനവും പുറ​പ്പെ​ടും. അവൻ അനേക ജാതി​ക​ളു​ടെ ഇടയിൽ ന്യായം വിധി​ക്ക​യും ബഹുവം​ശ​ങ്ങൾക്കു ദൂര​ത്തോ​ളം വിധി കല്‌പി​ക്ക​യും ചെയ്യും; അവർ തങ്ങളുടെ വാളു​കളെ കൊഴു​ക്ക​ളാ​യും കുന്തങ്ങളെ വാക്കത്തി​ക​ളാ​യും അടിച്ചു​തീർക്കും; ജാതി ജാതി​ക്കു​നേരെ വാൾ ഓങ്ങു​ക​യില്ല; അവർ ഇനി യുദ്ധം അഭ്യസി​ക്ക​യു​മില്ല. അവർ ഓരോ​രു​ത്തൻ താന്താന്റെ മുന്തി​രി​വ​ള്ളി​യു​ടെ കീഴി​ലും അത്തിവൃ​ക്ഷ​ത്തി​ന്റെ കീഴി​ലും പാർക്കും; ആരും അവരെ ഭയപ്പെ​ടു​ത്തു​ക​യില്ല; സൈന്യ​ങ്ങ​ളു​ടെ യഹോ​വ​യു​ടെ വായ്‌ അതു അരുളി​ച്ചെ​യ്‌തി​രി​ക്കു​ന്നു.”

ഹോശേയ 2:18 പറയു​ന്ന​തു​പോ​ലെ, ഈ സമാധാ​നം മൃഗങ്ങ​ളെ​യും ഉൾപ്പെ​ടു​ത്താൻ വ്യാപി​ക്കും: “അന്നാളിൽ ഞാൻ [യഹോവ] അവർക്കു​വേണ്ടി കാട്ടിലെ മൃഗങ്ങ​ളോ​ടും ആകാശ​ത്തി​ലെ പക്ഷിക​ളോ​ടും നിലത്തി​ലെ ഇഴജാ​തി​ക​ളോ​ടും ഒരു നിയമം ചെയ്യും. ഞാൻ വില്ലും വാളും യുദ്ധവും ഭൂമി​യിൽനി​ന്നു നീക്കി, അവരെ നിർഭയം വസിക്കു​മാ​റാ​ക്കും.” എസെക്കി​യേൽ 34:25-ഉം “ഉപദ്ര​വ​കാ​രി​യായ കാട്ടു​മൃഗ”ത്തിന്റെ സാന്നി​ദ്ധ്യ​ത്തെ ഒഴിവാ​ക്കുന്ന ഒരു ഉടമ്പടി​യെ​ക്കു​റി​ച്ചു പറയുന്നു.

കൂടാതെ, യെശയ്യാവ്‌ 11:6-9 പറുദീ​സ​യി​ലെ മൃഗങ്ങൾ തമ്മിലുള്ള സമാധാ​നം വാഗ്‌ദാ​നം​ചെ​യ്യു​ന്നു. “ചെന്നായി കുഞ്ഞാ​ടി​നോ​ടു​കൂ​ടെ പാർക്കും; പുള്ളി​പ്പു​ലി കോലാ​ട്ടു​കു​ട്ടി​യോ​ടു​കൂ​ടെ കിടക്കും; പശുക്കി​ടാ​വും ബാലസിം​ഹ​വും തടിപ്പിച്ച മൃഗവും ഒരുമി​ച്ചു പാർക്കും; ഒരു ചെറിയ കുട്ടി അവയെ നടത്തും. പശു കരടി​യോ​ടു കൂടെ മേയും; അവയുടെ കുട്ടികൾ ഒരുമി​ച്ചു​കി​ട​ക്കും; സിംഹം കാള എന്നപോ​ലെ വൈ​ക്കോൽ തിന്നും. മുലകു​ടി​ക്കുന്ന ശിശു സർപ്പത്തി​ന്റെ പോതി​ങ്കൽ കളിക്കും; മുലകു​ടി മാറിയ പൈതൽ അണലി​യു​ടെ പൊത്തിൽ കൈ ഇടും. സമുദ്രം വെള്ളം​കൊ​ണ്ടു നിറഞ്ഞി​രി​ക്കു​ന്ന​തു​പോ​ലെ ഭൂമി യഹോ​വ​യു​ടെ പരിജ്ഞാ​നം കൊണ്ടു പൂർണ്ണ​മാ​യി​രി​ക്ക​യാൽ എന്റെ വിശു​ദ്ധ​പർവ​ത​ത്തിൽ എങ്ങും ഒരു ദോഷ​മോ നാശമോ ആരും ചെയ്‌ക​യില്ല.”

സൗമ്യ​ത​യു​ള്ള​വർ ഭൂമിയെ അവകാ​ശ​മാ​ക്കും. അവർ വായു​വി​നെ​യും വെള്ള​ത്തെ​യും മണ്ണി​നെ​യും സംരക്ഷി​ക്കും. നീരു​റ​വ​ക​ളും നീരൊ​ഴു​ക്കു​ക​ളും വരണ്ട ദേശങ്ങളെ കുതിർക്കും. സ്വാർഥ ലാഭത്തി​നു​വേണ്ടി വെട്ടി​ത്തെ​ളിച്ച പർവത​ങ്ങളെ വനങ്ങൾ വസ്‌ത്ര​മ​ണി​യി​ക്കും. കാട്ടു​പ്ര​ദേ​ശങ്ങൾ തഴക്കു​ക​യും മുൻമ​രു​ഭൂ​മി​കൾ റോസ പോലെ പുഷ്‌പി​ക്കു​ക​യും ചെയ്യും. അന്ധർ കാണും, ബധിരർ കേൾക്കും, മുടന്തർ നടക്കും, ഊമർ സംസാ​രി​ക്കും. (യെശയ്യാ​വു 35:1-7) യഹോ​വ​യു​ടെ മഹത്ത്വ​മാർന്ന പർവതങ്ങൾ, താഴ്‌വ​രകൾ എന്നിവ​യോ​ടും അലയടി​ക്കുന്ന സമു​ദ്രങ്ങൾ, കടലുകൾ എന്നിവ​യു​ടെ തീര​പ്ര​ദേ​ശ​ങ്ങ​ളോ​ടു​മുള്ള വിലമ​തി​പ്പു മനുഷ്യ​രു​ടെ അത്യാ​ഗ്രഹം വീണ്ടും ഉയർന്നു​വന്നു ഭൂമിയെ നശിപ്പി​ക്കാൻ ഒരിക്ക​ലും അനുവ​ദി​ക്കു​ക​യില്ല. യഹോ​വ​യു​ടെ ആത്മാവി​ന്റെ ഫലങ്ങൾ നിറഞ്ഞ പൂർണ​ത​യുള്ള മനുഷ്യ​വർഗ​ത്തിന്‌, ഓരോ​രു​ത്തർക്കും, അയൽക്കാ​രനെ തന്നേ​പ്പോ​ലെ​തന്നെ സ്‌നേ​ഹി​ക്കു​ന്ന​തും എല്ലാറ​റി​നു​മു​പ​രി​യാ​യി യഹോ​വയെ തന്റെ മുഴു ഹൃദയ​ത്തോ​ടും ദേഹി​യോ​ടും മനസ്സോ​ടും ശക്തി​യോ​ടും​കൂ​ടെ സ്‌നേ​ഹി​ക്കു​ന്ന​തും അനായാ​സ​മാ​യി​രി​ക്കും, സ്വാഭാ​വി​ക​മാ​യി​രി​ക്കും. അതെ, സകല മനുഷ്യ​വർഗ​വും “സ്‌നേഹം, സന്തോഷം, സമാധാ​നം, ദീർഘക്ഷമ, ദയ, നൻമ, വിശ്വാ​സം, സൗമ്യത, ആത്മനി​യ​ന്ത്രണം” എന്നീ ആത്മീയ ഫലങ്ങൾ കായി​ക്കും.—ഗലാത്യർ 5:22, 23.

സത്യമാ​യി​രി​ക്കാൻ കഴിയാ​ത്ത​വി​ധം ശോഭ​ന​മോ?

‘ഇതെല്ലാം സത്യമാ​യി​രി​ക്കാൻ കഴിയാ​ത്ത​വി​ധം ശോഭ​ന​മാ​യി തോന്നു​ന്നു’ എന്നായി​രി​ക്കാം ചില വായന​ക്കാർ ഇപ്പോൾ പറയു​ന്നത്‌. എന്നാൽ അങ്ങനെയല്ല, ഇപ്പോൾ നിലവി​ലുള്ള അവസ്ഥകൾ അവ തുടരാൻ പാടി​ല്ലാ​ത്ത​വി​ധം വളരെ മോശ​മാണ്‌. ബൈബിൾ “അന്ത്യകാ​ലം” എന്നു വിളി​ക്കുന്ന കാലത്താ​ണു നാം എത്തിയി​രി​ക്കു​ന്നത്‌. ചുററും നോക്കുക, അപ്പോൾ ഇതിങ്ങ​നെ​ത​ന്നെ​യാ​ണെന്നു നിങ്ങൾക്കു കാണാൻ കഴിയും. “അന്ത്യകാ​ലത്തു ദുർഘ​ട​സ​മ​യങ്ങൾ വരും എന്നറിക,” ദൈവ​വ​ചനം പറയുന്നു. “മനുഷ്യർ സ്വസ്‌നേ​ഹി​ക​ളും ദ്രവ്യാ​ഗ്ര​ഹി​ക​ളും വമ്പുപ​റ​യു​ന്ന​വ​രും അഹങ്കാ​രി​ക​ളും ദൂഷകൻമാ​രും അമ്മയപ്പൻമാ​രെ അനുസ​രി​ക്കാ​ത്ത​വ​രും നന്ദി​കെ​ട്ട​വ​രും അശുദ്ധ​രും വാത്സല്യ​മി​ല്ലാ​ത്ത​വ​രും ഇണങ്ങാ​ത്ത​വ​രും ഏഷണി​ക്കാ​രും അജി​തേ​ന്ദ്രി​യൻമാ​രും ഉഗ്രൻമാ​രും സൽഗു​ണ​ദ്വേ​ഷി​ക​ളും ദ്രോ​ഹി​ക​ളും ധാർഷ്ട്യ​ക്കാ​രും നിഗളി​ക​ളു​മാ​യി ദൈവ​പ്രി​യ​മി​ല്ലാ​തെ ഭോഗ​പ്രി​യ​രാ​യി ഭക്തിയു​ടെ വേഷം ധരിച്ചു അതിന്റെ ശക്തി ത്യജി​ക്കു​ന്ന​വ​രു​മാ​യി​രി​ക്കും. അങ്ങനെ​യു​ള്ള​വരെ വിട്ടൊ​ഴി​യുക. ദുഷ്ട മനുഷ്യ​രും മായാ​വി​ക​ളും വഞ്ചിച്ചും വഞ്ചിക്ക​പ്പെ​ട്ടും കൊണ്ടു മേൽക്കു​മേൽ ദോഷ​ത്തിൽ മുതിർന്നു​വ​രും.”—2 തിമൊ​ഥെ​യൊസ്‌ 3:1-5, 13.

നമ്മുടെ കാലങ്ങ​ളു​ടെ ഈ സ്‌പഷ്ട​മായ ചിത്ര​മു​ണ്ടാ​യാ​ലും അനേകർ പിന്നെ​യും പരിഹ​സി​ക്കും. അതും പ്രതീ​ക്ഷി​ക്കേ​ണ്ട​താണ്‌. അവരുടെ പരിഹാ​സം നാം അന്ത്യനാ​ളു​ക​ളി​ലാ​ണെ​ന്നുള്ള ആകമാന തെളി​വി​ന്റെ ഒരു ശകലമാണ്‌: “അവന്റെ പ്രത്യ​ക്ഷ​ത​യു​ടെ വാഗ്‌ദത്തം എവിടെ? പിതാ​ക്കൻമാർ നിദ്ര​കൊണ്ട ശേഷം സകലവും സൃഷ്ടി​യു​ടെ ആരംഭ​ത്തിൽ ഇരുന്ന​തു​പോ​ലെ തന്നേ ഇരിക്കു​ന്നു എന്നു പറഞ്ഞു സ്വന്ത മോഹ​ങ്ങളെ അനുസ​രി​ച്ചു​ന​ട​ക്കുന്ന പരിഹാ​സി​കൾ പരിഹാ​സ​ത്തോ​ടെ അന്ത്യകാ​ലത്തു വരും . . . ഇപ്പോ​ഴത്തെ ആകാശ​വും ഭൂമി​യും അതേ വചനത്താൽ തീക്കായി സൂക്ഷി​ച്ചും ന്യായ​വി​ധി​യും ഭക്തികെട്ട മനുഷ്യ​രു​ടെ നാശവും സംഭവി​പ്പാ​നുള്ള ദിവസ​ത്തേക്കു കാത്തു​മി​രി​ക്കു​ന്നു . . . എന്നാൽ നാം അവന്റെ വാഗ്‌ദത്ത പ്രകാരം നീതി വസിക്കുന്ന പുതിയ ആകാശ​ത്തി​ന്നും പുതിയ ഭൂമി​ക്കു​മാ​യി​ട്ടു കാത്തി​രി​ക്കു​ന്നു.”—2 പത്രൊസ്‌ 3:3, 4, 7, 13.

നീതി​യു​ള്ള തന്റെ പുതിയ ലോക​ത്തിൽ, സാത്താന്റെ ലോക​മാ​കുന്ന ഈ ദുഷ്ടവ്യ​വ​സ്ഥി​തി മനസ്സി​ലേക്കു വരുക​പോ​ലു​മില്ല: “ഇതാ, ഞാൻ പുതിയ ആകാശ​വും പുതിയ ഭൂമി​യും സൃഷ്ടി​ക്കു​ന്നു; മുമ്പി​ലെത്തവ ആരും ഓർക്കു​ക​യില്ല; ആരു​ടെ​യും മനസ്സിൽ വരുക​യു​മില്ല. ഞാൻ സൃഷ്ടി​ക്കു​ന്ന​തി​നെ​ക്കു​റി​ച്ചു നിങ്ങൾ സന്തോ​ഷി​ച്ചു എന്നേക്കും ഘോഷി​ച്ചു​ല്ല​സി​പ്പിൻ.” (യെശയ്യാ​വു 65:17, 18) സാത്താ​ന്യാ​രാ​ധ​ന​യു​ടെ ദിവസങ്ങൾ എണ്ണപ്പെ​ട്ടി​രി​ക്കു​ക​യാണ്‌, ദൈവ​ത്തി​ന്റെ തക്കസമ​യത്തു സാത്താൻത​ന്നെ​യും എന്നേക്കും നശിപ്പി​ക്ക​പ്പെ​ടും.—വെളി​പ്പാ​ടു 20:1-3, 7-10.

തീർച്ച​യാ​യും, പറുദീ​സാ​ഭൂ​മി​യിൽ വരാനുള്ള അനുഗൃ​ഹീത അവസ്ഥകൾ സത്യമാ​യി​രി​ക്കാൻ കഴിയാ​ത്ത​വി​ധം ശോഭ​നമല്ല; സാത്താന്റെ കീഴിലെ ഇപ്പോ​ഴത്തെ പഴയ വ്യവസ്ഥി​തി നിലനിൽക്കാൻ പാടി​ല്ലാ​ത്ത​വണ്ണം അത്ര മോശ​മാ​ണെന്നു യഹോവ കരുതു​ന്നു.

[10-ാം പേജിലെ ചിത്രം]

പറുദീസാഭൂമിയിലെ അനുഗൃ​ഹീ​താ​വ​സ്ഥകൾ സത്യമാ​യി​രി​ക്കാൻ കഴിയാ​ത്ത​വി​ധം അത്ര ശോഭ​ന​മല്ല