യുവജ​നങ്ങൾ ചോദി​ക്കു​ന്നു. . .

എനിക്ക്‌ ഈവക വികാ​രങ്ങൾ എങ്ങനെ അകററി​നിർത്താൻ കഴിയും?

“സ്വവർഗ​സം​ഭോ​ഗം വളരെ കുററ​ക​ര​മായ ഒന്നായി ഞാൻ ഇപ്പോൾ കരുതു​ന്നു, അതേസ​മയം ചില​പ്പോൾ അതി​നോട്‌ അത്രതന്നെ ആകർഷണം തോന്നു​ക​യും ചെയ്യാ​റുണ്ട്‌. ഈവക വികാ​രങ്ങൾ എന്നെ അസ്വസ്ഥ​നാ​ക്കു​ന്നു, ചില​പ്പോൾ രാത്രി​യി​ലും പകലും. ‘ഈ ഘോര​മായ വികാ​രങ്ങൾ അകറേ​റ​ണമേ!’ എന്നു ഞാൻ യഹോ​വ​യോ​ടു തുടർച്ച​യാ​യി പ്രാർഥി​ച്ചി​ട്ടുണ്ട്‌. അവ എന്നെങ്കി​ലും അകന്നു​പോ​കു​മോ?”—ഡെന്നിസ്‌.a

ഒട്ടനവധി ക്രിസ്‌തീയ യുവജ​നങ്ങൾ—യുവാ​ക്കൻമാ​രും യുവതി​ക​ളും—സഹായ​ത്തി​നാ​യി സമാന​മാം​വി​ധം ആശയററ യാചനകൾ നടത്തി​യി​ട്ടുണ്ട്‌. സ്വവർഗ​സം​ഭോ​ഗ​ത്തോട്‌ അവർക്കു ചായ്‌വു തോന്നു​ന്നു, എന്നാൽ ആ ജീവി​ത​രീ​തി​യു​ടെ മുഖമു​ദ്ര​യായ കുത്തഴിഞ്ഞ ലൈം​ഗി​ക​ത​യി​ലും രോഗ​ത്തി​ലും ധാർമിക പാപ്പര​ത്വ​ത്തി​ലും പങ്കുപ​റ​റാൻ അവരൊ​ട്ടാ​ഗ്ര​ഹി​ക്കു​ന്നു​മില്ല. അതിലു​മേറെ പ്രധാ​ന​മാ​യി, ദൈവത്തെ പ്രസാ​ദി​പ്പി​ക്കാൻ അവരാ​ഗ്ര​ഹി​ക്കു​ന്നു. അവന്റെ വചനത്തിൽ അവൻ സ്വവർഗ​സം​ഭോ​ഗത്തെ നിശി​ത​മാ​യി കുററം​വി​ധി​ക്കു​ന്നു.—റോമർ 1:26, 27; കൊ​ലൊ​സ്സ്യർ 1:10.

സ്വവർഗ​സം​ഭോ​ഗി​കൾക്കു മാററം വരുത്താ​നാ​വി​ല്ലെന്ന അവകാ​ശ​വാ​ദം പലപ്പോ​ഴു​മു​ണ്ടാ​യി​ട്ടുണ്ട്‌. എന്നാൽ, അതു സത്യമല്ല. ആദിമ ക്രിസ്‌ത്യാ​നി​ക​ളിൽ ചിലർ മുമ്പ്‌ സ്വവർഗ​സം​ഭോ​ഗ​ത്തിൽ ഏർപ്പെ​ട്ടി​രു​ന്നു, എന്നാൽ അവർ മാററം വരുത്തി. (1 കൊരി​ന്ത്യർ 6:9-11) അതേ, വ്യാപ​ക​മായ സങ്കൽപ്പ​ങ്ങൾക്കു വിരു​ദ്ധ​മാ​യി ആളുകൾക്കു മാററം വരുത്താൻ കഴിയും, അവരങ്ങനെ ചെയ്യു​ന്നു​മുണ്ട്‌. എന്നാൽ, ഒരു യുവവ്യ​ക്തി സ്വവർഗ​സം​ഭോഗ ചെയ്‌തി​കൾ വിജയ​ക​ര​മാ​യി ഒഴിവാ​ക്കു​മ്പോൾതന്നെ സ്വവർഗ​സം​ഭോഗ അഭിലാ​ഷം തികച്ചും ഒഴിവാ​ക്കുക ദുഷ്‌ക​ര​മാ​ണെന്ന്‌ അവനോ അവളോ കണ്ടെത്തി​യേ​ക്കാം. ഒരു യുവാവ്‌ ഇപ്രകാ​രം തുറന്നു പറഞ്ഞു: “എന്റെ വികാ​ര​ങ്ങൾക്കു മാററം വരുത്താൻ ഞാൻ ശ്രമി​ച്ചി​ട്ടുണ്ട്‌. സഹായ​ത്തി​നാ​യി ഞാൻ യഹോ​വ​യോ​ടു പ്രാർഥി​ച്ചി​ട്ടുണ്ട്‌. ഞാൻ ബൈബിൾ വായി​ക്കാ​റുണ്ട്‌. ആ വിഷയ​ത്തെ​ക്കു​റി​ച്ചുള്ള പ്രസം​ഗങ്ങൾ കേട്ടി​ട്ടുണ്ട്‌. എന്നാൽ അടുത്ത​താ​യി എവി​ടേക്കു തിരി​യ​ണ​മെന്ന്‌ എനിക്ക​റി​യില്ല.”

അതിനു മാന്ത്രി​ക​മോ ക്ഷണിക​മോ ആയ മരു​ന്നൊ​ന്നു​മില്ല. ഡെന്നിസ്‌ ഓർമി​ക്കു​ന്നു: “ഒരു ‘പുരുഷൻ’ ആയിത്തീ​രാ​നുള്ള ശ്രമത്തിൽ ഞാൻ നിർബ​ന്ധ​പൂർവം പല സ്‌ത്രീ​ക​ളു​മാ​യി ലൈം​ഗിക വേഴ്‌ച​യിൽ ഏർപ്പെട്ടു. അതെല്ലാം വൃഥാ​വാ​യി​രു​ന്നു, വേദന വർധി​പ്പി​ക്കുക മാത്രമേ അതു ചെയ്‌തു​ള്ളൂ.” എന്നാൽ, ബൈബിൾ തത്ത്വങ്ങൾ ബാധക​മാ​ക്കു​ന്ന​തി​നാൽ ഒരുവന്‌ അത്തരം വികാ​ര​ങ്ങളെ തരണം ചെയ്യാൻ കഴിയും.

തെററായ ചിന്താ​രീ​തി​കളെ തിരി​ച്ച​റി​യൽ

പ്രവർത്ത​ന​ങ്ങൾക്കു മുമ്പു ചിന്തക​ളു​ണ്ടാ​കു​ന്നു​വെന്ന്‌ ആദ്യം​തന്നെ തിരി​ച്ച​റി​യുക. (യെശയ്യാ​വു 55:6, 7; യാക്കോബ്‌ 1:14, 15) വാസ്‌ത​വ​ത്തിൽ, ഡോ. വേയ്‌ൻ ഡബ്ലിയു. ഡയർ ഇങ്ങനെ അഭി​പ്രാ​യ​പ്പെ​ടു​ന്നു: “മുന്നമേ ചിന്ത ഉണ്ടാകാ​തെ അനുഭൂ​തി (വികാരം) ഉണ്ടാകു​ന്നില്ല.” അതു​കൊണ്ട്‌, തന്നെക്കു​റി​ച്ചും എതിർലിം​ഗ​വർഗ​ത്തെ​ക്കു​റി​ച്ചും സ്‌നേ​ഹ​ത്തെ​ക്കു​റി​ച്ചും അങ്ങനെ പലതി​നെ​ക്കു​റി​ച്ചു​മുള്ള വികല​മായ ചിന്താ​രീ​തി​യാ​യി​രി​ക്കാം സ്വവർഗ​സം​ഭോഗ അഭിലാ​ഷ​ങ്ങ​ളു​ടെ മൂല​ഹേതു. ഒരുവൻ ‘മനസ്സു പുതുക്കി’ അത്തരം ചിന്തകൾക്കു മാററം വരുത്തു​ന്ന​തി​നു മുമ്പ്‌ അവയെ ആദ്യം​തന്നെ തിരി​ച്ച​റി​യേ​ണ്ട​തുണ്ട്‌. (റോമർ 12:2) അങ്ങനെ ചെയ്യു​ന്നത്‌ സ്വലിം​ഗ​വർഗ​ത്തിൽ പെട്ടവ​രോട്‌ ആകർഷണം തോന്നു​ന്ന​തി​ന്റെ കാരണം സംബന്ധിച്ച വില​യേ​റിയ ഉൾക്കാഴ്‌ച ഒരുവനു പ്രദാനം ചെയ്‌തേ​ക്കാം.

ഒരു വ്യക്തിക്ക്‌ അതെങ്ങനെ ചെയ്യാ​നാ​കും? സങ്കീർത്ത​ന​ക്കാ​രൻ ചെയ്‌ത​തു​പോ​ലെ പ്രാർഥി​ക്കുക എന്നതാണ്‌ ഒരു മാർഗം: “ദൈവമേ, എന്നെ ശോധന ചെയ്‌തു എന്റെ ഹൃദയത്തെ അറി​യേ​ണമേ; വ്യസന​ത്തി​ന്നുള്ള മാർഗ്ഗം എന്നിൽ ഉണ്ടോ എന്നു നോക്കി, ശാശ്വ​ത​മാർഗ്ഗ​ത്തിൽ എന്നെ നടത്തേ​ണമേ.” (സങ്കീർത്തനം 139:23, 24) വിവേ​ക​വും പക്വത​യു​മുള്ള ഒരു ക്രിസ്‌ത്യാ​നി​യു​മാ​യി ഒരുവന്റെ വികാ​രങ്ങൾ ചർച്ച ചെയ്യു​ന്നതു സഹായ​ക​മാ​യി​രു​ന്നേ​ക്കാം. സദൃശ​വാ​ക്യ​ങ്ങൾ 27:17 പറയു​ന്ന​തു​പോ​ലെ, “ഇരിമ്പു ഇരിമ്പി​ന്നു മൂർച്ച​കൂ​ട്ടു​ന്നു.” നല്ല വിവേ​ക​വും അനുക​മ്പ​യും ഉള്ളതായി അറിയ​പ്പെ​ട്ടി​രുന്ന ഒരു ക്രിസ്‌തീയ മൂപ്പ​നോട്‌ ഒരു യുവാവ്‌ തന്റെ രഹസ്യം തുറന്നു​പ​റഞ്ഞു. ആരെ​യെ​ങ്കി​ലും ആശ്രയിച്ച്‌ തന്റെ രഹസ്യം തുറന്നു പറയു​ന്നത്‌ അവനെ സംബന്ധി​ച്ചി​ട​ത്തോ​ളം ഒരു പ്രകാ​ര​ത്തി​ലും എളുപ്പ​മാ​യി​രു​ന്നില്ല. പക്ഷേ, അവർ തമ്മിൽ ഈടുററ ഒരു ബന്ധം വളർന്നു​വന്നു. “ഏതു കാര്യ​ത്തെ​ക്കു​റി​ച്ചും എനിക്ക്‌ അദ്ദേഹ​ത്തോ​ടു സംസാ​രി​ക്കാൻ കഴിയും,” അവൻ പറയുന്നു. ആ മൂപ്പൻ ശ്രദ്ധി​ക്കുക മാത്രമല്ല, വിദഗ്‌ധ​മായ ചോദ്യ​ങ്ങ​ളി​ലൂ​ടെ, യുവാ​വി​ന്റെ വികാ​ര​ങ്ങ​ളെ​യും ചിന്തക​ളെ​യും പുറത്തു​കൊ​ണ്ടു​വ​രാൻ സഹായി​ക്കു​ക​യും ചെയ്യുന്നു.—താരത​മ്യം ചെയ്യുക: സദൃശ​വാ​ക്യ​ങ്ങൾ 20:5.

ഒരുവന്റെ പിതാവ്‌ അവഗണന കാട്ടു​ക​യോ ദ്രോ​ഹി​ക്കു​ക​യോ ചെയ്യുന്ന ഒരുവ​നാ​ണെ​ങ്കിൽ അതേ ലിംഗ​വർഗ​ത്തിൽ പെട്ടവ​രോ​ടുള്ള തന്റെ ആകർഷണം യഥാർഥ​ത്തിൽ പിതൃ​സ്‌നേ​ഹ​ത്തി​നു വേണ്ടി​യുള്ള തന്റെ ആവശ്യത്തെ നിവർത്തി​ക്കാ​നുള്ള വിഫല​മായ ശ്രമമാ​ണെന്ന്‌ അവൻ മനസ്സി​ലാ​ക്കി​യേ​ക്കാം. അനുക​രി​ക്കാ​നുള്ള ഒരു പുരുഷ മാതൃ​കാ​പാ​ത്രം അവന്‌ ഒരിക്ക​ലും ഇല്ലാതി​രു​ന്ന​തി​നാൽ ഡോ. ജോസഫ്‌ നിക്ക​ളോ​സി വിളി​ക്കുന്ന “പുരു​ഷ​ത്വ​ത്തോ​ടു ബന്ധപ്പെട്ട ഗുണങ്ങൾ, അതായത്‌, ശക്തി, ദൃഢത, ബലം എന്നിവ സംബന്ധിച്ച്‌ ചാപല്യ​ത്തി​ന്റെ​യും അപര്യാ​പ്‌ത​ത​യു​ടെ​യും ഒരു ബോധം” അവനു തോന്നി​യേ​ക്കാം. ഒരു വ്യക്തി തനിക്കു കുറവു​ള്ള​താ​യി തോന്നുന്ന പ്രത്യേക സ്വഭാ​വ​വി​ശേ​ഷ​ത​ക​ളു​ടെ കണക്കെ​ടു​ക്കു​ക​യാ​ണെ​ങ്കിൽ, തന്നെ അമ്പരപ്പി​ക്കു​മാറ്‌ ആ സ്വഭാ​വ​വി​ശേ​ഷ​ത​കൾത​ന്നെ​യാണ്‌ മററു പുരു​ഷൻമാ​രിൽ ആകർഷ​ക​മാ​യി താൻ കാണു​ന്ന​തെന്ന്‌ അയാൾ കണ്ടെത്തി​യേ​ക്കാം.

ഭൂതകാ​ലത്തെ കഠിന “പാഠങ്ങൾ”

തങ്ങളുടെ പ്രശ്‌നം കഴിഞ്ഞ​കാല വൈകാ​രിക ആഘാത​ങ്ങ​ളോ​ടു ബന്ധപ്പെ​ട്ട​താ​ണെന്നു മററു യുവാക്കൾ തിരി​ച്ച​റി​യാ​നി​ട​യാ​കു​ന്നു. ഒരു യുവതി ഓർമി​ക്കു​ന്നു: “സ്വവർഗ​സം​ഭോ​ഗ​ത്തെ​ക്കു​റി​ച്ചുള്ള വിഷയങ്ങൾ അടങ്ങിയ അശ്ലീല വിവരങ്ങൾ ഞാൻ കാണാൻ ഇടയായി. എന്നിൽ അസ്വാ​ഭാ​വി​ക​മായ ആഗ്രഹങ്ങൾ വളരാൻ തുടങ്ങി.” ഒരു യുവാവ്‌ ഇങ്ങനെ പ്രസ്‌താ​വി​ക്കു​ന്നു: “ഞാൻ സ്വന്തം പിതാ​വി​ന്റെ അഗമ്യ​ഗ​മ​ന​ത്തിന്‌ ഇരയാ​യി​രു​ന്നു. തത്‌ഫ​ല​മാ​യി, ഒരു പുരു​ഷ​നു​മാ​യുള്ള ലൈം​ഗി​ക​ബന്ധം സ്വാഭാ​വി​ക​മാ​യാണ്‌ എനിക്കു തോന്നി​യത്‌.” അത്തരം വേദനി​പ്പി​ക്കുന്ന അനുഭ​വങ്ങൾ എതിർലിം​ഗ​വർഗ​ത്തിൽ പെട്ടവരെ വെറു​ക്കാ​നോ അവരെ ഭയപ്പെ​ടാൻ പോലു​മോ ശാരീ​രിക അടുപ്പങ്ങൾ സ്‌നേ​ഹ​മാ​യി കാണാ​നോ അവയുടെ ഇരകളെ പഠിപ്പി​ച്ചേ​ക്കാം. തന്റെ ലൈം​ഗിക മോഹങ്ങൾ “ശാരീ​രിക ആവശ്യമല്ല, വൈകാ​രിക ആവശ്യം—ആർദ്ര​ത​യ്‌ക്കും ഗ്രാഹ്യ​ത്തി​നു​മുള്ള ഒരാവ​ശ്യം” ആണ്‌ എന്ന്‌ ബലിയാ​ടാ​ക്ക​പ്പെട്ട ഒരു യുവതി വർണി​ക്കു​ന്നു.

എന്നിരു​ന്നാ​ലും, സ്വവർഗ​സം​ഭോ​ഗ​ത്തി​ന്റെ കാരണങ്ങൾ സങ്കീർണ​മാ​ണെന്നു സമ്മതി​ക്കു​ന്നു. പല കേസു​ക​ളും ലളിത​മായ വിശദീ​ക​ര​ണ​ത്തിന്‌ അതീത​മാ​യി​രി​ക്കാം.b പക്ഷേ, വികല​മായ ചിന്തയ്‌ക്കു കാരണം എന്തായി​രു​ന്നാ​ലും അതു തിരു​ത്താൻ വളരെ​യ​ധി​കം കാര്യങ്ങൾ ഒരുവനു ചെയ്യാ​നാ​കും.

ഒരുവന്റെ മനസ്സു മാററി​യെ​ടു​ക്കൽ

ഉത്തമമാർഗം ദൈവ​വ​ചനം ഉപയോ​ഗി​ക്കുക എന്നതാണ്‌. ഉദാഹ​ര​ണ​ത്തിന്‌, തനിക്ക്‌ ഇല്ലെന്നു വിചാ​രി​ക്കുന്ന പുരു​ഷോ​ചിത ഗുണങ്ങൾ പ്രകട​മാ​ക്കുന്ന പുരു​ഷൻമാ​രി​ലേക്ക്‌ ആകർഷി​ക്ക​പ്പെ​ടുന്ന ഒരു ചെറു​പ്പ​ക്കാ​രന്റെ കാര്യം​തന്നെ എടുക്കുക. അല്ലെങ്കിൽ എതിർലിം​ഗ​വർഗ​ത്തിൽ പെട്ടവരെ ഭയപ്പെ​ടുന്ന ഒരു യുവതി​യു​ടെ കാര്യ​മെ​ടു​ക്കുക. ഇരുകൂ​ട്ടർക്കും പുരു​ഷ​ത്വം സംബന്ധിച്ച്‌ ഏറെ ആരോ​ഗ്യാ​വ​ഹ​മായ ഒരു വീക്ഷണം വളർത്തി​യെ​ടു​ക്കാൻ കഴിയുന്ന ഒരു മാർഗം യേശു​വി​ന്റെ മാതൃ​ക​യെ​ക്കു​റി​ച്ചു പഠിക്കുക എന്നതാണ്‌. (1 പത്രൊസ്‌ 2:21) ആർദ്ര​ത​യാൽ സമീക​രി​ക്ക​പ്പെട്ട പുരു​ഷ​ശ​ക്തി​യു​ടെ പൂർണ മാതൃ​ക​യാ​യി​രു​ന്നു അവൻ. (മത്തായി 19:14; യോഹ​ന്നാൻ 19:5) അങ്ങനെ ജീവി​ച്ചി​രു​ന്നി​ട്ടു​ള്ള​തി​ലേ​ക്കും ഏററവും മഹാനായ മനുഷ്യൻc എന്ന പുസ്‌തകം പഠിക്കു​ന്നതു സഹായ​ക​ര​മാ​ണെന്ന്‌ ഒരു യുവാവ്‌ കണ്ടെത്തു​ന്നു. “യേശു​വി​നെ അറിയു​ന്നത്‌ ഒരു പുരുഷൻ എങ്ങനെ ആയിരി​ക്കണം എന്നുള്ള എന്റെ വീക്ഷണത്തെ തിരു​ത്തി​ക്കു​റി​ക്കു​ന്നു,” അവൻ പറയുന്നു.

അതു​പോ​ലെ​ത​ന്നെ, ലൈം​ഗി​കത, സ്‌നേഹം, ഒരേ ലിംഗ​വർഗ​ത്തിൽ പെട്ടവ​രോ​ടുള്ള സൗഹൃ​ദ​ബ​ന്ധങ്ങൾ എന്നീ വിഷയങ്ങൾ സംബന്ധിച്ച ദൈവ​ത്തി​ന്റെ വീക്ഷണത്തെ പ്രതി​പാ​ദി​ക്കുന്ന ബൈബിൾ വാക്യങ്ങൾ ധ്യാനി​ക്കു​ന്നത്‌ ഒരുവന്റെ ചിന്താ​രീ​തി​യെ തിരു​ത്താൻ സഹായി​ക്കു​ന്ന​താണ്‌.—ഉല്‌പത്തി 1:27, 28; രൂത്ത്‌ 1:16, 17; 1 ശമൂവേൽ 18:1; സദൃശ​വാ​ക്യ​ങ്ങൾ 5:18, 19; 1 കൊരി​ന്ത്യർ 13:4-8.

തെററായ ചിന്തക​ളിൽ മുഴു​കി​യി​രി​ക്കു​ന്നത്‌ ഒഴിവാ​ക്കു​ന്ന​തും പ്രധാ​ന​മാണ്‌. പ്രത്യേ​കിച്ച്‌ ഒരുവൻ ഏകനോ, വിഷാ​ദ​മ​ഗ്ന​നോ, നൈരാ​ശ്യ​മു​ള്ള​വ​നോ ആയിരി​ക്കു​മ്പോൾ പലപ്പോ​ഴും ഈവക പ്രേര​ണകൾ ശക്തമാണ്‌. (സദൃശ​വാ​ക്യ​ങ്ങൾ 24:10) “നാം എന്തായി​രി​ക്കു​ന്നു​വോ അതിനു മാററം വരുത്താ​നുള്ള ഒരേ​യൊ​രു മാർഗം തെററായ ചിന്തകളെ നല്ല ചിന്തക​ളാ​ക്കി മാററുക എന്നതാണ്‌,” ഒരു ക്രിസ്‌തീയ സ്‌ത്രീ പറയുന്നു. മോശ​മായ തോന്ന​ലു​കൾ അവൾക്കു​ണ്ടാ​കു​മ്പോൾ സ്വവർഗ​സം​ഭോ​ഗം സംബന്ധിച്ച ദൈവ​ത്തി​ന്റെ വീക്ഷണ​ത്തെ​ക്കു​റിച്ച്‌ അവൾ സ്വയം ഓർമി​പ്പി​ക്കു​ന്നു. ഒരു കൗമാ​ര​പ്രാ​യ​ക്കാ​രൻ പറയുന്നു: “സ്വവർഗ​സം​ഭോ​ഗ​ത്തി​ലേർപ്പെ​ടാ​നുള്ള പ്രേരണ തോന്നു​മ്പോൾ, ഞാൻ എന്റെ ഏററവും പ്രിയ​പ്പെട്ട ബൈബിൾ വാക്യം ധ്യാനി​ക്കും.” (താരത​മ്യം ചെയ്യുക: 2 കൊരി​ന്ത്യർ 10:4; ഫിലി​പ്പി​യർ 4:8.) വാച്ച്‌ ടവർ സൊ​സൈ​റ​റി​യു​ടെ ബൈബി​ള​ധി​ഷ്‌ഠി​ത​മായ പലതരം ഓഡി​യോ കാസറ​റു​കൾ ശ്രവി​ച്ചു​കൊണ്ട്‌ ഉറങ്ങു​ന്നതു സഹായ​ക​മാ​ണെന്നു മററു ചിലർ കണ്ടെത്തി​യി​ട്ടുണ്ട്‌.

നമ്മുടെ ചിന്താ​രീ​തി നമ്മുടെ പ്രവർത്ത​ന​രീ​തി​യെ ബാധി​ക്കു​ന്ന​തു​പോ​ലെ​തന്നെ നമ്മുടെ പ്രവർത്ത​ന​വി​ധ​ത്തി​നു നമ്മുടെ ചിന്തക​ളെ​യും വികാ​ര​ങ്ങ​ളെ​യും ബാധി​ക്കാൻ കഴിയും. അതു​കൊണ്ട്‌ തെററായ ചിന്തയ്‌ക്കു തിരി​കൊ​ളു​ത്തു​ക​യോ അല്ലെങ്കിൽ അതിനെ പ്രബല​മാ​ക്കു​ക​യോ ചെയ്യുന്ന പെരു​മാ​റ​റ​വും സഹവാ​സ​വും ഒരുവൻ നിർത്തേ​ണ്ട​തുണ്ട്‌. (1 കൊരി​ന്ത്യർ 15:33) പൊതു കക്കൂസു​കൾ, കടൽത്തീ​രങ്ങൾ, വസ്‌ത്രം മാറുന്ന മുറികൾ, ഒരുവനെ പ്രലോ​ഭ​ന​ത്തി​നു വിധേ​യ​മാ​ക്കി​യേ​ക്കാ​വുന്ന മററു സ്ഥലങ്ങൾ എന്നിവ​യു​ടെ കാര്യ​ത്തി​ലും ഒരുവൻ ജാഗ്രത പാലി​ക്കേ​ണ്ട​തുണ്ട്‌.—സങ്കീർത്തനം 119:9.

ഒഴിവാ​ക്കേണ്ട അനാ​രോ​ഗ്യ​ക​ര​മായ മറെറാ​രു ശീലമാ​ണു സ്വയം​ഭോ​ഗം. സ്വവർഗ​സം​ഭോ​ഗി​ക​ളായ അനേകം പുരു​ഷൻമാർക്കും സ്‌ത്രീ​കൾക്കും അതു നിയ​ന്ത്രി​ക്കാൻ കഴിയാത്ത ഒരു കാര്യ​മാണ്‌. “ആറ്‌ വയസ്സ്‌ മുതൽ സ്വയം​ഭോ​ഗ​മെന്ന പ്രശ്‌നം എനിക്കു​ണ്ടാ​യി​രു​ന്നു. ലൈം​ഗിക മനക്കോട്ട സ്വവർഗ​സം​ഭോ​ഗ​ത്തോ​ടു ബന്ധപ്പെട്ട എന്റെ വികാ​ര​ങ്ങളെ പ്രബല​മാ​ക്കി” എന്ന്‌ ഒരു യുവാവു തുറന്നു​പ​റ​യു​ന്നു. ആ അശുദ്ധ ശീലത്തി​നെ​തി​രെ പോരാ​ടുക!d—കൊ​ലൊ​സ്സ്യർ 3:5.

നേരേ​മ​റിച്ച്‌, ആരോ​ഗ്യാ​വ​ഹ​മായ പെരു​മാ​റ​റ​രീ​തി​കൾ വികസി​പ്പി​ച്ചെ​ടു​ക്കു​ന്ന​തും പ്രധാ​ന​മാണ്‌. ഒരു ചെറു​പ്പ​ക്കാ​രൻ പുരു​ഷ​ത്വ​ഗു​ണങ്ങൾ വികസി​പ്പി​ച്ചെ​ടു​ക്കു​ക​യാ​ണെ​ങ്കിൽ, മററു പുരു​ഷൻമാ​രി​ലേക്ക്‌ അയാൾ കുറച്ചേ ആകർഷി​ക്ക​പ്പെ​ടു​ക​യു​ള്ളൂ​വെന്ന്‌ ചിലർ നിർദേ​ശി​ച്ചി​ട്ടുണ്ട്‌. തീർച്ച​യാ​യും, ഒരു കുട്ടി​യാ​യി​രി​ക്കെ അനുക​രി​ക്കു​ന്ന​തി​നാ​യി ശക്തനായ ഒരു പുരുഷ മാതൃ​കാ​പാ​ത്രം അവന്‌ ഒരിക്ക​ലും ഉണ്ടായി​രു​ന്നി​ല്ലെ​ങ്കിൽ ഇതു ചെയ്യു​ന്നത്‌ എങ്ങനെ​യാ​ണെന്ന്‌ ഒരു ചെറു​പ്പ​ക്കാ​രൻ ഒരിക്ക​ലും മനസ്സി​ലാ​ക്കാ​തി​രു​ന്നേ​ക്കാം. സ്വശരീ​ര​ത്തോ​ടു പോലും അവന്‌ ഒരുതരം അസ്വാ​സ്ഥ്യം തോന്നു​ക​യും എന്തോ പന്തി​കേ​ടോ പുരു​ഷ​ത്വ​മി​ല്ലാ​യ്‌മ​യോ അവന്‌ അനുഭ​വ​പ്പെ​ടു​ക​യും ചെയ്‌തേ​ക്കാം. ശാരീ​രിക അധ്വാനം, മിതവ്യാ​യാ​മം, വിശ്ര​മ​ദാ​യ​ക​മായ ഇവയിൽ ഏതി​ലെ​ങ്കി​ലും ഏർപ്പെ​ടു​ന്നത്‌ ഇക്കാര്യ​ത്തിൽ മിക്ക​പ്പോ​ഴും സഹായി​ക്കു​ന്നു. (താരത​മ്യം ചെയ്യുക: 1 തിമൊ​ഥെ​യൊസ്‌ 4:8.) എന്നാൽ യുവാ​വായ തിമോ​ത്തി അപ്പോ​സ്‌ത​ല​നായ പൗലോ​സിന്‌ ഒരു മകനെ​പ്പോ​ലെ ആയിത്തീർന്ന​തു​പോ​ലെ സമനി​ല​യും പ്രായ​വു​മുള്ള ഒരു ക്രിസ്‌തീയ പുരു​ഷ​നോട്‌ ആരോ​ഗ്യാ​വ​ഹ​മായ ഒരു ബന്ധം നേടി​യെ​ടു​ക്കു​ന്നതു പ്രത്യേ​കി​ച്ചും സഹായ​ക​ര​മാ​ണെന്ന്‌ ഒരുവൻ കണ്ടെത്തി​യേ​ക്കാം. (ഫിലി​പ്പി​യർ 2:19-22; 2 തിമോ​ത്തി 3:10, NW) പെരു​മാ​ററം സംബന്ധി​ച്ചു വ്യക്തമായ അതിർവ​ര​മ്പു​കൾ വെക്കു​ക​യും തുറന്ന ആശയവി​നി​യമം നട്ടുവ​ളർത്തു​ക​യും ചെയ്യു​ന്ന​തി​നാൽ അത്തര​മൊ​രു ബന്ധം ഊഷ്‌മ​ള​വും ആശ്രയ​യോ​ഗ്യ​വു​മാ​യി​രി​ക്കാൻ കഴിയും, അതേസ​മയം ഏതെങ്കി​ലും കാമാസക്ത ധ്വനി​ക​ളിൽനി​ന്നു സ്വത​ന്ത്ര​വും ആയിരി​ക്കും.

സർവോ​പ​രി, ഒരുവൻ ശക്തമായ ഒരു ആത്മീയ പ്രതി​രോ​ധം സ്വീക​രി​ക്കണം. ബൈബി​ളി​ന്റെ ക്രമമായ പഠനം, പ്രാർഥന, വിശ്വാ​സം മററു​ള്ള​വ​രു​മാ​യി പങ്കുവ​യ്‌ക്കൽ തുടങ്ങിയ കാര്യങ്ങൾ ഒരുവന്റെ മനസ്സിനെ ആത്മീയ പാതയിൽ നിലനിർത്തും. (സങ്കീർത്തനം 55:22; 119:11; റോമർ 10:10) ചില​പ്പോൾ താൻ അയോ​ഗ്യ​നാണ്‌ എന്നുള്ള തോന്ന​ലു​കൾ സഹക്രി​സ്‌ത്യാ​നി​ക​ളു​ടെ അടുത്താ​യി​രി​ക്കാൻ കൂടുതൽ വിഷമ​മു​ണ്ടാ​ക്കി​യേ​ക്കാം, എന്നാൽ തന്നെത്താൻ ഒററ​പ്പെ​ടു​ത്തു​ന്ന​തി​നെ​തി​രെ ബൈബിൾ മുന്നറി​യി​പ്പു തരുന്നു. (സദൃശ​വാ​ക്യ​ങ്ങൾ 18:1) ഇരുലിം​ഗ​വർഗ​ത്തി​ലും​പെട്ട ക്രിസ്‌ത്യാ​നി​ക​ളോ​ടുള്ള ആരോ​ഗ്യാ​വ​ഹ​മായ സഹവാസം സമനി​ല​യോ​ടെ നിൽക്കാൻ ഒരുവനെ സഹായി​ക്കും.—എബ്രായർ 10:24, 25.

സ്വവർഗ​സം​ഭോ​ഗ​ത്തി​ലേർപ്പെ​ടാ​നുള്ള ആഗ്രഹം നിങ്ങളെ ബാധി​ക്കു​ക​യാ​ണെ​ങ്കിൽ ഈ നിർദേ​ശങ്ങൾ സഹായ​ക​മാ​ണെന്നു തെളി​ഞ്ഞേ​ക്കാം. എന്നിരു​ന്നാ​ലും, പിന്നെ​യും മോശ​മായ വികാ​രങ്ങൾ ഉണ്ടാകു​ക​യാ​ണെ​ങ്കിൽ തീർത്തും നിരു​ത്സാ​ഹി​ത​രാ​യി​ത്തീ​ര​രുത്‌. ദൈവം നിങ്ങളു​ടെ വികാ​ര​ങ്ങളെ മനസ്സി​ലാ​ക്കു​ന്നു, അവനെ സേവി​ക്കാൻ പാടു​പെ​ടു​ന്ന​വ​രോട്‌ അവന്‌ അനുക​മ്പ​യുണ്ട്‌. (1 യോഹ​ന്നാൻ 3:19, 20) നമ്മെ ബാധി​ക്കുന്ന എല്ലാ രോഗ​ങ്ങ​ളിൽനി​ന്നു​മുള്ള സൗഖ്യം പുതിയ ലോക​ത്തിൽ മനുഷ്യ​വർഗം അനുഭ​വി​ക്കും. (വെളി​പ്പാ​ടു 21:3, 4) അതുവ​രേ​ക്കും, ദൈവ​ത്തിൽ ആശ്രയി​ച്ചു​കൊണ്ട്‌ തെററായ മോഹ​ങ്ങൾക്കെ​തി​രെ പോരാ​ടു​വിൻ. (ഗലാത്യർ 6:9) ദൃഢനി​ശ്ച​യ​ത്തോ​ടെ ശ്രമം ചെയ്‌താൽ കുറെ​ക്കാ​ലം കഴിയു​മ്പോൾ ഒരുപക്ഷേ തെററായ മോഹങ്ങൾ തന്നെത്താൻ പോയ്‌മ​റ​ഞ്ഞു​കൊ​ള്ളും.

(ഞങ്ങളുടെ അടുത്ത ലക്കം മുതൽ, “യുവജ​നങ്ങൾ ചോദി​ക്കു​ന്നു . . .” മാസത്തിൽ ഒന്നേ ഉണ്ടായി​രി​ക്കു​ക​യു​ള്ളൂ.)

[അടിക്കു​റി​പ്പു​കൾ]

[22-ാം പേജിലെ ആകർഷ​ക​വാ​ക്യം]

യേശുവിന്റെ മാതൃക പഠിച്ചു​കൊണ്ട്‌ പുരു​ഷ​ത്വം സംബന്ധിച്ച ആരോ​ഗ്യാ​വ​ഹ​മായ ഒരു വീക്ഷണം വളർത്തി​യെ​ടു​ക്കുക