ദൈവ​ത്തി​ന്റെ വാഗ്‌ദ​ത്തങ്ങൾ നിങ്ങൾക്കു വിശ്വ​സി​ക്കാൻ കഴിയു​മോ?

നമ്മുടെ സ്രഷ്ടാ​വായ യഹോ​വ​യാം ദൈവം എല്ലായ്‌പോ​ഴും തന്റെ വാക്കു പാലി​ച്ചി​ട്ടുണ്ട്‌. “ഞാൻ പ്രസ്‌താ​വി​ച്ചി​രി​ക്കു​ന്നു,” അവൻ പറഞ്ഞു. “ഞാൻ നിവർത്തി​ക്കും.” (യെശയ്യാ​വു 46:11) ഇസ്രാ​യേ​ല്യ​രെ വാഗ്‌ദ​ത്ത​ദേ​ശ​ത്തേക്കു നയിച്ച​ശേഷം, ദൈവ​ദാ​സ​നായ യോശുവ ഇങ്ങനെ എഴുതി: “യഹോവ യിസ്രാ​യേൽഗൃ​ഹ​ത്തോ​ടു അരുളി​ച്ചെയ്‌ത വാഗ്‌ദാ​ന​ങ്ങ​ളിൽ ഒന്നും വൃഥാ​വാ​കാ​തെ സകലവും നിവൃ​ത്തി​യാ​യി.”—യോശുവ 21:45; 23:14.

യോശു​വ​യു​ടെ നാൾമു​തൽ മിശി​ഹാ​യു​ടെ ആഗമനം​വരെ ദൈവ​നി​ശ്വ​സ്‌ത​മായ നൂറു​ക​ണ​ക്കി​നു പ്രവച​നങ്ങൾ നിവൃ​ത്തി​യേറി. ഒരു ഉദാഹ​ര​ണ​മാണ്‌ യെരീ​ഹോ​യെ പുനർനിർമി​ച്ചവൻ ശിക്ഷ അനുഭ​വി​ച്ചത്‌, അതു നൂറ്റാ​ണ്ടു​കൾക്കു മുന്നമേ മുൻകൂ​ട്ടി പറയ​പ്പെ​ട്ടി​രു​ന്നു. (യോശുവ 6:26; 1 രാജാ​ക്കൻമാർ 16:34) ഇനിയും മറ്റൊരു ഉദാഹ​ര​ണ​മാണ്‌, വിശന്നു​വ​ല​യുന്ന ശമര്യ​യി​ലെ നിവാ​സി​കൾക്കു പ്രവച​ന​ത്തെ​ത്തു​ടർന്നു​വ​രുന്ന ദിവസം കഴിക്കാൻ ധാരാളം ഭക്ഷണം ലഭിക്കു​മെ​ന്നുള്ള വാഗ്‌ദത്തം, അതു നിവൃ​ത്തി​യേ​റാൻ സാധ്യ​മ​ല്ലാ​ത്ത​താ​യി തോന്നി. എന്നാൽ ആ വാഗ്‌ദത്തം ദൈവം എങ്ങനെ നിറ​വേറ്റി എന്നതു സംബന്ധിച്ച്‌ 2 രാജാ​ക്കൻമാർ 7-ാം അധ്യാ​യ​ത്തിൽ നിങ്ങൾക്കു വായി​ക്കാൻ കഴിയും.

ലോക​ശ​ക്തി​ക​ളു​ടെ ആവിർഭാ​വ​വും തിരോ​ധാ​ന​വും

ലോക​ശ​ക്തി​ക​ളു​ടെ ആവിർഭാ​വ​വും തിരോ​ധാ​ന​വും സംബന്ധി​ച്ചുള്ള വിശദാം​ശങ്ങൾ രേഖ​പ്പെ​ടു​ത്താൻ ദൈവം ബൈബിൾ എഴുത്തു​കാ​രെ നിശ്വ​സ്‌ത​രാ​ക്കി. ഉദാഹ​ര​ണ​ത്തിന്‌, ശക്തമായ ബാബി​ലോ​ന്റെ മറിച്ചി​ട​ലി​നെ​ക്കു​റി​ച്ചു മുൻകൂ​ട്ടി പറയാൻ ദൈവം തന്റെ പ്രവാ​ച​ക​നായ യെശയ്യാ​വി​നെ ഉപയോ​ഗി​ച്ചു, അതിന്‌ ഏതാണ്ട്‌ 200 വർഷത്തി​നു​ശേഷം അതു സംഭവി​ച്ചു. വാസ്‌ത​വ​ത്തിൽ, പേർഷ്യാ​ക്കാ​രോ​ടു സഖ്യം ചേർന്ന മേദ്യ​രാ​ണു വിജയി​ക​ളാ​യി തിരി​ച്ച​റി​യി​ക്ക​പ്പെ​ട്ടത്‌. (യെശയ്യാ​വു 13:17-19) അതിലും ശ്രദ്ധേ​യ​മായ ഒന്നുണ്ടാ​യി​രു​ന്നു, ജയിച്ച​ട​ക്ക​ലിൽ നേതൃ​ത്വം വഹിക്കുന്ന വ്യക്തി എന്നനി​ല​യിൽ ദൈവ​ത്തി​ന്റെ പ്രവാ​ചകൻ പേരു പറഞ്ഞതു പേർഷ്യൻ രാജാ​വായ സൈറ​സി​നെ (കോ​രേശ്‌) ആയിരു​ന്നു. ആ പ്രവചനം രേഖ​പ്പെ​ടു​ത്ത​പ്പെട്ട സമയത്തു സൈറസ്‌ ജനിച്ചി​ട്ടു​പോ​ലു​മി​ല്ലാ​യി​രു​ന്നു! (യെശയ്യാ​വു 45:1) വേറെ​യും ഉദാഹ​ര​ണ​ങ്ങ​ളുണ്ട്‌.

ബാബി​ലോ​ന്റെ മേലുള്ള ജയിച്ച​ടക്കൽ നിർവ​ഹി​ക്ക​പ്പെ​ടുന്ന വിധവും പ്രവാ​ച​ക​നായ യെശയ്യാവ്‌ മുൻകൂ​ട്ടി പറഞ്ഞു. നഗരത്തി​ന്റെ സംരക്ഷ​ണാ​ത്മക വെള്ളങ്ങൾ, യൂഫ്ര​ട്ടീസ്‌ നദി, ‘ഉണങ്ങി​പ്പോ​കു’മെന്നും ‘[ബാബി​ലോ​ന്റെ] വാതി​ലു​കൾ അടഞ്ഞി​രിക്ക’യില്ലെ​ന്നും അവൻ എഴുതി. (യെശയ്യാ​വു 44:27–45:1) ചരി​ത്ര​കാ​ര​നായ ഹെറ​ഡോ​ട്ടസ്‌ റിപ്പോർട്ടു ചെയ്യു​ന്ന​തു​പോ​ലെ, ഈ സൂക്ഷ്‌മ​മായ വിശദാം​ശങ്ങൾ നിവൃ​ത്തി​യാ​യി.

ബാബി​ലോൻ പരമാ​ധി​കാര സ്ഥാനത്താ​യി​രു​ന്ന​പ്പോൾത്തന്നെ, അതിനു​ശേഷം വരാനി​രുന്ന ലോക​ശ​ക്തി​ക​ളെ​ക്കു​റി​ച്ചു പറയാ​നും പ്രവാ​ച​ക​നായ ദാനി​യേ​ലി​നെ ദൈവം ഉപയോ​ഗി​ച്ചു. മറ്റുള്ള “കാട്ടു​മൃഗ”ങ്ങളെ​യെ​ല്ലാം ജയിച്ച​ട​ക്കു​ന്ന​തിൽ വിജയിച്ച രണ്ടു കൊമ്പുള്ള ഒരു പ്രതീ​കാ​ത്മക ആട്ടു​കൊ​റ്റന്റെ ദർശനം ദാനി​യേ​ലിന്‌ ഉണ്ടായി. രണ്ടു കൊമ്പുള്ള ആട്ടു​കൊ​റ്റൻ ആരെ ചിത്രീ​ക​രി​ച്ചു എന്നതിനു യാതൊ​രു സംശയ​വും അവശേ​ഷി​പ്പി​ക്കാ​തെ, അത്‌ “മേദ്യ​യി​ലെ​യും പേർഷ്യ​യി​ലെ​യും രാജാ​ക്ക​ന്മാ​രെ കുറി​ക്കു​ന്നു” എന്ന്‌ ദാനി​യേൽ എഴുതി. (ദാനി​യേൽ 8:1-4, 20, NW) തീർച്ച​യാ​യും മുൻകൂ​ട്ടി പറയ​പ്പെ​ട്ട​തു​പോ​ലെ, മേദോ-പേർഷ്യ പൊ.യു.മു. (പൊതു​യു​ഗ​ത്തി​നു മുമ്പ്‌) 539-ൽ ബാബി​ലോ​നെ ജയിച്ച​ട​ക്കി​യ​പ്പോൾ അടുത്ത ലോക​ശ​ക്തി​യാ​യി​ത്തീർന്നു.

ദൈവ​ത്തിൽനി​ന്നുള്ള ഈ ദർശന​ത്തിൽ ദാനി​യേൽ അടുത്ത​താ​യി ഒരു “കോലാ​ട്ടു​കൊറ്റ”നെ കണ്ടു, അതിന്റെ “കണ്ണുക​ളു​ടെ നടുവിൽ വിശേ​ഷ​മാ​യൊ​രു കൊമ്പു​ണ്ടാ​യി​രു​ന്നു.” ദാനി​യേൽ തന്റെ വിവരണം തുടരു​ന്നു: ‘അത്‌ ആട്ടു​കൊ​റ്റ​നോട്‌ അടുക്കു​ന്നതു ഞാൻ കണ്ടു, അത്‌ ആട്ടു​കൊ​റ്റനെ ഇടിച്ച്‌ അതിന്റെ രണ്ടു കൊമ്പും തകർത്തു​ക​ളഞ്ഞു, ആട്ടു​കൊ​റ്റനെ രക്ഷിപ്പാൻ ആരും ഉണ്ടായി​രു​ന്നില്ല. കോലാ​ട്ടു​കൊ​റ്റൻ ഏറ്റവും വലുതാ​യി​ത്തീർന്നു; എന്നാൽ അതു ബലപ്പെ​ട്ട​പ്പോൾ വലിയ കൊമ്പു തകർന്നു​പോ​യി, അതിനു​പ​കരം നാലു കൊമ്പു മുളെ​ച്ചു​വന്നു.’—ദാനീ​യേൽ 8:5-8.

ഇതി​ന്റെ​യെ​ല്ലാം അർഥം എന്താണ്‌ എന്നതു സംബന്ധിച്ച്‌ ദൈവ​വ​ചനം യാതൊ​രു സംശയ​വും അവശേ​ഷി​പ്പി​ക്കു​ന്നില്ല. വിശദീ​ക​രണം ശ്രദ്ധി​ക്കുക: “പരുപ​രുത്ത കോലാ​ട്ടു​കൊ​റ്റൻ യവനരാ​ജാ​വും അതിന്റെ കണ്ണുക​ളു​ടെ നടുവി​ലുള്ള വലിയ കൊമ്പു ഒന്നാമത്തെ രാജാ​വും ആകുന്നു. അതു തകർന്ന​ശേഷം അതിന്നു പകരം നാലു കൊമ്പു മുളെ​ച്ച​തോ: നാലു രാജ്യം ആ ജാതി​യിൽനി​ന്നു​ത്ഭ​വി​ക്കും; അതിന്റെ ശക്തി​യോ​ടെ അല്ലതാ​നും.”—ദാനീ​യേൽ 8:21, 22.

ഈ ‘യവനരാ​ജാവ്‌’ മഹാനായ അലക്‌സാ​ണ്ട​റാ​യി​രു​ന്നു​വെന്നു ചരിത്രം വെളി​വാ​ക്കു​ന്നു. പൊ.യു.മു. 323-ലെ തന്റെ മരണത്തി​നു​ശേഷം അദ്ദേഹ​ത്തി​ന്റെ സാമ്രാ​ജ്യം ഒടുവിൽ നാലായി പിളർന്നു, നാലു ജനറൽമാ​രു​ടെ ഇടയിൽ—സെല്യൂ​ക്കസ്‌ I നിക്കേ​റ്റോർ, കസ്സാണ്ടർ, ടോളമി I, ലൈസി​മാ​ക്കസ്‌. ബൈബിൾ മുൻകൂ​ട്ടി പറഞ്ഞതു​പോ​ലെ, ‘അതിന്നു പകരം നാലു കൊമ്പു മുളെച്ചു.’ മാത്രമല്ല, പ്രവചി​ക്ക​പ്പെ​ട്ട​തു​പോ​ലെ, ഇവരി​ലാർക്കും അലക്‌സാ​ണ്ട​റി​ന്റേ​തു​പോ​ലുള്ള ശക്തിയി​ല്ലാ​യി​രു​ന്നു. തീർച്ച​യാ​യും അത്തരം ബൈബിൾ പ്രവച​ന​ങ്ങളെ “മുൻകൂ​ട്ടി എഴുത​പ്പെട്ട ചരിത്രം” എന്നു വിളി​ക്ക​ത്ത​ക്ക​വണ്ണം അവയുടെ നിവൃ​ത്തി​കൾ വളരെ ശ്രദ്ധേ​യ​മാ​യി​രു​ന്നി​ട്ടുണ്ട്‌.

മിശിഹാ വാഗ്‌ദത്തം ചെയ്യ​പ്പെ​ടു​ന്നു

പാപത്തി​ന്റെ​യും മരണത്തി​ന്റെ​യും ഫലങ്ങളിൽനി​ന്നു മനുഷ്യ​രെ മോചി​പ്പി​ക്കുന്ന മിശി​ഹാ​യെ ദൈവം വാഗ്‌ദത്തം ചെയ്യുക മാത്രമല്ല, ആ വാഗ്‌ദത്തം ചെയ്യ​പ്പെ​ട്ട​വനെ തിരി​ച്ച​റി​യു​ന്ന​തി​നു അസംഖ്യം പ്രവച​നങ്ങൾ നൽകു​ക​യും ചെയ്‌തു. അവയിൽ ചിലതു മാത്രം ഇപ്പോൾ പരിചി​ന്തി​ക്കുക, നിവൃ​ത്തി​യേ​റ​ത്ത​ക്ക​വി​ധ​ത്തിൽ ക്രമീ​ക​രി​ക്കാൻ യേശു​വി​നു കഴിയു​ക​യി​ല്ലാ​തി​രുന്ന പ്രവച​നങ്ങൾ.

വാഗ്‌ദ​ത്തം ചെയ്യ​പ്പെ​ട്ടവൻ ബേത്‌ല​ഹേ​മിൽ ജനിക്കു​മെ​ന്നും അവൻ ഒരു കന്യക​യിൽ പിറക്കു​മെ​ന്നും നൂറു​ക​ണ​ക്കി​നു വർഷം മുമ്പേ മുൻകൂ​ട്ടി പറഞ്ഞി​രു​ന്നു. (താരത​മ്യം ചെയ്യുക: മീഖാ 5:2-ഉം മത്തായി 2:3-9-ഉം; യെശയ്യാ​വു 7:14-ഉം മത്തായി 1:22, 23-ഉം.) 30 വെള്ളി​ക്കാ​ശിന്‌ അവനെ ഒറ്റി​ക്കൊ​ടു​ക്കു​മെ​ന്നും പ്രവചി​ക്ക​പ്പെ​ട്ടി​രു​ന്നു. (സെഖര്യാ​വു 11:12, 13; മത്തായി 27:3-5) കൂടാതെ, അവന്റെ ശരീര​ത്തി​ലെ ഒരസ്ഥി​യും ഒടിക്ക​പ്പെ​ടു​ക​യി​ല്ലെ​ന്നും അവന്റെ അങ്കികൾക്കു വേണ്ടി ചീട്ടി​ട​പ്പെ​ടു​മെ​ന്നും മുൻകൂ​ട്ടി പറയ​പ്പെ​ട്ടി​രു​ന്നു.—താരത​മ്യം ചെയ്യുക: സങ്കീർത്തനം 34:20-ഉം യോഹ​ന്നാൻ 19:36-ഉം, സങ്കീർത്തനം 22:18-ഉം മത്തായി 27:35-ഉം.

പ്രത്യേ​കി​ച്ചും ശ്രദ്ധേ​യ​മാ​യത്‌, മിശിഹാ എപ്പോൾ വരു​മെന്നു ബൈബിൾ മുൻകൂ​ട്ടി പറഞ്ഞി​രു​ന്നു എന്ന വസ്‌തു​ത​യാണ്‌. ദൈവ​വ​ചനം ഇങ്ങനെ പ്രവചി​ച്ചു: “യെരൂ​ശ​ലേ​മി​നെ യഥാസ്ഥാ​ന​പ്പെ​ടു​ത്തി പണിവാൻ കല്‌പന പുറ​പ്പെ​ടു​ന്ന​തു​മു​തൽ അഭിഷി​ക്ത​നാ​യോ​രു പ്രഭു​വരെ ഏഴു ആഴ്‌ച​വട്ടം; അറുപ​ത്തു​രണ്ടു ആഴ്‌ച​വട്ടം.” (ദാനീ​യേൽ 9:25) ബൈബിൾ പറയു​ന്ന​ത​നു​സ​രിച്ച്‌, യെരു​ശ​ലേ​മി​ന്റെ മതിലു​കൾ യഥാസ്ഥാ​ന​പ്പെ​ടു​ത്തി പുനർനിർമി​ക്കാ​നുള്ള കല്‌പന നൽക​പ്പെ​ട്ടത്‌ അർത്ഥഹ്‌ശ​ഷ്ടാവ്‌ രാജാ​വി​ന്റെ ഭരണത്തി​ന്റെ 20-ാം വർഷത്തി​ലാണ്‌. ലൗകിക ചരിത്രം സൂചി​പ്പി​ക്കു​ന്നത്‌ അത്‌ പൊ.യു.മു. 455 എന്ന വർഷത്തി​ലാ​യി​രു​ന്നു എന്നാണ്‌. (നെഹെ​മ്യാ​വു 2:1-8) 483 വർഷങ്ങൾ (7 x 69 = 483) കഴിഞ്ഞ്‌ പൊ.യു. 29-ൽ, വർഷങ്ങ​ളു​ടെ ഈ 69 ആഴ്‌ചകൾ അവസാ​നി​ച്ചു. യേശു സ്‌നാ​പ​ന​മേൽക്കു​ക​യും പരിശു​ദ്ധാ​ത്മാ​വി​നാൽ അഭി​ഷേകം ചെയ്യ​പ്പെ​ടു​ക​യും ചെയ്‌ത്‌ മിശിഹാ അഥവാ ക്രിസ്‌തു ആയിത്തീർന്ന കൃത്യ​വർഷം അതായി​രു​ന്നു!

ക്രിസ്‌തീ​യ ചരി​ത്ര​കാ​ര​നായ ലൂക്കോസ്‌ എഴുതി​യ​തു​പോ​ലെ, യേശു​വി​ന്റെ നാളു​ക​ളി​ലെ ആളുകൾ ആ കാലത്തു മിശി​ഹാ​യെ പ്രതീ​ക്ഷി​ച്ചി​രി​ക്കു​ക​യാ​യി​രു​ന്നു എന്നതു ശ്രദ്ധേ​യ​മാണ്‌. (ലൂക്കൊസ്‌ 3:15) റോമൻ ചരി​ത്ര​കാ​രൻമാ​രായ ടാസി​റ്റ​സും സ്യൂ​ട്ടോ​ണി​യ​സും യഹൂദാ ചരി​ത്ര​കാ​ര​നായ ജോസീ​ഫ​സും യഹൂദാ തത്ത്വചി​ന്ത​ക​നായ ഫൈലോ ജൂഡെ​യി​യ​സും ആളുക​ളു​ടെ ഈ പ്രതീ​ക്ഷ​യെ​ക്കു​റി​ച്ചു സാക്ഷ്യ​പ്പെ​ടു​ത്തു​ക​യു​ണ്ടാ​യി. “പൊ.യു. ഒന്നാം നൂറ്റാ​ണ്ടി​ന്റെ ആദ്യത്തെ ഇരുപ​ത്തഞ്ചു വർഷ​ത്തോ​ട​ടു​ത്തു മിശി​ഹാ​യെ പ്രതീ​ക്ഷി​ച്ചി​രു​ന്നു” എന്ന്‌ അബാ ഹിലെൽ സിൽവർ പോലും എ ഹിസ്റ്ററി ഓഫ്‌ മെസി​യാ​നിക്‌ സ്‌പെ​ക്കു​ലേഷൻ ഇൻ ഇസ്രയേൽ എന്ന തന്റെ ഗ്രന്ഥത്തിൽ സമ്മതി​ക്കു​ന്നു. “ആ കാലത്തെ പ്രസി​ദ്ധ​മായ കാലഗണന” നിമി​ത്ത​മാ​യി​രു​ന്നു ഇതെന്ന്‌ അദ്ദേഹം പറഞ്ഞു. ഭാഗി​ക​മാ​യി അതു ലഭിക്കു​ന്നത്‌ ദാനി​യേൽ എന്ന പുസ്‌ത​ക​ത്തിൽ നിന്നാണ്‌.

അത്തരം വിവരങ്ങൾ പരിചി​ന്തി​ക്കു​മ്പോൾ, തന്റെ രാജകീയ ഭരണം തുടങ്ങാ​നാ​യി മിശിഹാ എപ്പോൾ വരു​മെ​ന്നും ബൈബിൾ സൂചി​പ്പി​ക്കു​ന്നത്‌ അമ്പരപ്പി​ക്ക​രുത്‌. ദാനി​യേൽ പ്രവച​ന​ത്തിൽ അടങ്ങി​യി​രി​ക്കുന്ന കാലഗ​ണനാ തെളിവ്‌, “അത്യു​ന്ന​ത​നാ​യവൻ” ഭൂമി​യു​ടെ ഭരണാ​ധി​പ​ത്യം “മനുഷ്യ​രിൽ അധമനാ​യവ”നു കൈമാ​റുന്ന കൃത്യ​സ​മ​യത്തെ ചൂണ്ടി​ക്കാ​ട്ടി. (ദാനീ​യേൽ 4:17-25; മത്തായി 11:29) “ഏഴു കാല”ത്തിന്റെ അഥവാ ഏഴു പ്രാവ​ച​നിക വർഷങ്ങ​ളു​ടെ ഒരു കാലഘട്ടം പരാമർശി​ക്ക​പ്പെ​ട്ടി​രി​ക്കു​ന്നു, ഈ കാലഘട്ടം 1914 എന്ന വർഷത്തിൽ അവസാ​നി​ക്കു​ന്ന​താ​യി കണക്കാ​ക്ക​പ്പെ​ടു​ന്നു.a

അവസാ​ന​ത്തി​ന്റെ തീയതി​യൊ​ന്നും നൽകി​യി​ട്ടി​ല്ല

എന്നിരു​ന്നാ​ലും, 1914 എന്ന വർഷം “[തന്റെ] ശത്രു​ക്ക​ളു​ടെ മദ്ധ്യേ” ക്രിസ്‌തു​വി​ന്റെ വാഴ്‌ച തുടങ്ങാ​നുള്ള തീയതി മാത്ര​മാണ്‌. (സങ്കീർത്തനം 110:1, 2; എബ്രായർ 10:12, 13) ക്രിസ്‌തു സ്വർഗ​ത്തിൽ ഭരണം തുടങ്ങുന്ന സമയത്ത്‌ അവൻ പിശാ​ചായ സാത്താ​നെ​യും അവന്റെ ദൂതൻമാ​രെ​യും ഭൂമി​യി​ലേക്കു തള്ളിക്ക​ള​യു​മെന്നു വെളി​പ്പാ​ടു എന്ന ബൈബിൾ പുസ്‌തകം വെളി​പ്പെ​ടു​ത്തു​ന്നു. അവൻ ഈ ദുഷ്ട ആത്മവ്യ​ക്തി​കളെ അസ്‌തി​ത്വ​ത്തിൽനി​ന്നു നീക്കം ചെയ്യു​ന്ന​തി​നു മുമ്പായി ‘അല്‌പ​കാ​ല​ത്തേക്ക്‌’ അവ ഭൂമിക്കു വലിയ കുഴപ്പം വരുത്തി​വെ​ക്കു​മെന്നു ബൈബിൾ പറയുന്നു.—വെളി​പ്പാ​ടു 12:7-12.

പ്രധാ​ന​മാ​യി, ഈ ‘അല്‌പ​കാ​ലം’ എപ്പോൾ അവസാ​നി​ക്കു​മെ​ന്നോ അർമ​ഗെ​ദോ​നിൽ ദൈവ​ത്തി​ന്റെ ശത്രു​ക്ക​ളു​ടെ വധനിർവാ​ഹകൻ എന്നനി​ല​യിൽ ക്രിസ്‌തു എപ്പോൾ നടപടി​യെ​ടു​ക്കു​മെ​ന്നോ സംബന്ധിച്ച്‌ ബൈബിൾ ഒരു തീയതി​യും പ്രദാനം ചെയ്യു​ന്നില്ല. (വെളി​പ്പാ​ടു 16:16; 19:11-21) വാസ്‌ത​വ​ത്തിൽ, മുൻ ലേഖന​ത്തിൽ പരാമർശി​ച്ച​തു​പോ​ലെ, ഒരു മനുഷ്യ​നും ആ സംഭവ​ത്തി​ന്റെ തീയതി അറിഞ്ഞു​കൂ​ടാ​യ്‌ക​യാൽ ഒരുങ്ങി​യി​രി​ക്കാൻ യേശു പറഞ്ഞു. (മർക്കൊസ്‌ 13:32, 33) ആരെങ്കി​ലും യേശു പറഞ്ഞതിന്‌ അതീത​മാ​യി പോകു​മ്പോൾ, തെസ​ലോ​നി​ക്യ​യി​ലെ ആദിമ ക്രിസ്‌ത്യാ​നി​ക​ളും തുടർന്നു മറ്റു പലരും ചെയ്‌ത​തു​പോ​ലെ വ്യാജ​മായ, കൃത്യ​മ​ല്ലാത്ത പ്രവച​നങ്ങൾ ഉണ്ടാകും.—2 തെസ്സ​ലൊ​നീ​ക്യർ 2:1, 2.

വീക്ഷണം സംബന്ധിച്ച തിരുത്തൽ ആവശ്യം

1914 എന്ന വർഷത്തി​ന്റെ രണ്ടാം പകുതി​ക്കു മുമ്പ്‌, ക്രിസ്‌തു മടങ്ങി​വന്നു തങ്ങളെ സ്വർഗ​ത്തി​ലേക്ക്‌ എടുക്കു​മെന്നു പല ക്രിസ്‌ത്യാ​നി​ക​ളും പ്രതീ​ക്ഷി​ച്ചു. അതു​കൊണ്ട്‌, 1914 സെപ്‌റ്റം​ബർ 30-ന്‌ നടത്തിയ ഒരു പ്രസം​ഗ​ത്തിൽ ഒരു ബൈബിൾ വിദ്യാർഥി​യായ എ. എച്ച്‌. മാക്‌മി​ല്ലൻ ഇങ്ങനെ പ്രസ്‌താ​വി​ച്ചു: “സാധ്യ​ത​യ​നു​സ​രിച്ച്‌ ഞാൻ നടത്തുന്ന അവസാ​നത്തെ പരസ്യ​പ്ര​സം​ഗം ഇതാണ്‌, കാരണം നാം പെട്ടെ​ന്നു​തന്നെ ഭവനത്തി​ലേക്ക്‌ [സ്വർഗ​ത്തി​ലേക്ക്‌] പോകു​ന്ന​താ​യി​രി​ക്കും.” വ്യക്തമാ​യും മാക്‌മി​ല്ലനു തെറ്റു​പറ്റി, എന്നാൽ അദ്ദേഹ​ത്തി​നും അദ്ദേഹ​ത്തി​ന്റെ സഹ ബൈബിൾ വിദ്യാർഥി​കൾക്കും ഉണ്ടായി​രുന്ന നിവൃ​ത്തി​യേ​റാത്ത ഒരേ ഒരു പ്രതീ​ക്ഷ​യാ​യി​രു​ന്നില്ല അത്‌.

1925-ൽ അത്ഭുത​ക​ര​മായ ബൈബിൾ പ്രവച​ന​ങ്ങ​ളു​ടെ നിവൃ​ത്തി​യു​ണ്ടാ​കു​മെ​ന്നും ബൈബിൾ വിദ്യാർഥി​കൾ—1931 മുതൽ യഹോ​വ​യു​ടെ സാക്ഷികൾ എന്ന്‌ അറിയ​പ്പെ​ടു​ന്നു—പ്രതീ​ക്ഷി​ച്ചു. ആ സമയത്ത്‌ അബ്രഹാം, ദാവീദ്‌, ദാനി​യേൽ എന്നിവ​രെ​പ്പോ​ലുള്ള പുരാതന കാലത്തെ വിശ്വസ്‌ത മനുഷ്യ​രെ തിരികെ കൊണ്ടു​വ​ന്നു​കൊണ്ട്‌ ഭൗമിക പുനരു​ത്ഥാ​നം തുടങ്ങു​മെ​ന്നും അവർ ഊഹിച്ചു. കുറേ​ക്കൂ​ടെ അടുത്ത കാലത്ത്‌, ക്രിസ്‌തു​വി​ന്റെ സഹസ്രാബ്ദ വാഴ്‌ച​യു​ടെ ആരംഭ​ത്തോ​ടു ബന്ധപ്പെട്ട സംഭവങ്ങൾ 1975-ൽ തുടങ്ങു​മെന്നു പല സാക്ഷി​ക​ളും അനുമാ​നി​ച്ചു. അപ്പോൾ മനുഷ്യ​ച​രി​ത്ര​ത്തി​ന്റെ ഏഴാം സഹസ്രാ​ബ്ദം തുടങ്ങും എന്ന അറിവിൽ വേരൂ​ന്നി​യ​താ​യി​രു​ന്നു അവരുടെ പ്രതീക്ഷ.

ദൈവ​ത്തി​ന്റെ വാഗ്‌ദ​ത്തങ്ങൾ തെറ്റാ​യി​രു​ന്നെ​ന്നോ അവൻ ഒരു പിശകു വരുത്തി​വെ​ച്ച​ന്നോ ഈ തെറ്റായ വീക്ഷണങ്ങൾ അർഥമാ​ക്കി​യില്ല. അശേഷം പോലും! തെറ്റി​ദ്ധാ​ര​ണകൾ അഥവാ അബദ്ധ ധാരണകൾ, ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​ക​ളു​ടെ കാര്യ​ത്തി​ലെ​ന്ന​പോ​ലെ ‘നിങ്ങൾക്ക്‌ ആ കാലം അറിയില്ല’ എന്ന യേശു​വി​ന്റെ മുന്നറി​യി​പ്പി​നു ചെവി കൊടു​ക്കാൻ പരാജ​യ​പ്പെ​ട്ടതു നിമി​ത്ത​മാ​യി​രു​ന്നു ഉണ്ടായത്‌. ആ തെറ്റായ നിഗമ​നങ്ങൾ ദുരു​ദ്ദേ​ശ്യം നിമി​ത്ത​മോ ക്രിസ്‌തു​വി​നോ​ടുള്ള അവിശ്വ​സ്‌തത നിമി​ത്ത​മോ ആയിരു​ന്നില്ല, പിന്നെ​യോ തങ്ങളുടെ കാലത്തു​തന്നെ ദൈവ​ത്തി​ന്റെ വാഗ്‌ദ​ത്തങ്ങൾ നിവൃ​ത്തി​യേ​റി​ക്കാ​ണാ​നുള്ള തീവ്ര​മായ അഭിലാ​ഷം നിമി​ത്ത​മാ​യി​രു​ന്നു.

അതേത്തു​ടർന്ന്‌ എ. എച്ച്‌. മാക്‌മി​ല്ലൻ ഇങ്ങനെ വിശദീ​ക​രി​ച്ചു: “നാം നമ്മുടെ തെറ്റുകൾ സമ്മതി​ക്ക​ണ​മെ​ന്നും കൂടുതൽ പ്രബു​ദ്ധ​ത​യ്‌ക്കാ​യി ദൈവ​വ​ചനം തുടർന്നു പരി​ശോ​ധി​ക്ക​ണ​മെ​ന്നും ഞാൻ പഠിച്ചു. ഇടയ്‌ക്കി​ട​യ്‌ക്ക്‌ നമ്മുടെ വീക്ഷണ​ങ്ങ​ളിൽ പൊരു​ത്ത​പ്പെ​ടു​ത്ത​ലു​കൾ വരു​ത്തേ​ണ്ട​തു​ണ്ടെ​ങ്കിൽത്ത​ന്നെ​യും, മറുവില എന്ന ഉദാര​മായ കരുത​ലി​നും നിത്യ​ജീ​വൻ സംബന്ധിച്ച ദൈവ​ത്തി​ന്റെ വാഗ്‌ദ​ത്ത​ത്തി​നും മാറ്റം വരില്ല.”

തീർച്ച​യാ​യും, ദൈവ​ത്തി​ന്റെ വാഗ്‌ദ​ത്ത​ങ്ങളെ ആശ്രയി​ക്കാൻ കഴിയും! തെറ്റു പറ്റുന്നതു മനുഷ്യർക്കാണ്‌. അതു​കൊണ്ട്‌, യേശു​വി​ന്റെ കൽപ്പന​യോ​ടുള്ള അനുസ​ര​ണ​ത്തിൽ യഥാർഥ ക്രിസ്‌ത്യാ​നി​കൾ ഒരു കാത്തി​രി​പ്പിൻ മനോ​ഭാ​വം നിലനിർത്തും. ദൈവം നിയമിച്ച വധനിർവാ​ഹകൻ എന്നനി​ല​യി​ലുള്ള ക്രിസ്‌തു​വി​ന്റെ തികച്ചും അനിവാ​ര്യ​മായ വരവി​നാ​യി അവർ ഉണർന്നും തയ്യാറാ​യു​മി​രി​ക്കും. തങ്ങളുടെ ബോധത്തെ മന്ദീഭ​വി​പ്പി​ക്കാ​നും ലോകാ​വ​സാ​നം സംബന്ധിച്ച യഥാർഥ മുന്നറി​യി​പ്പി​നെ അവഗണി​ക്കാൻ ഇടയാ​ക്കാ​നും തെറ്റായ പ്രവച​ന​ങ്ങളെ അവർ അനുവ​ദി​ക്കു​ക​യില്ല.

അപ്പോൾ ഈ ലോകം അവസാ​നി​ക്കു​മെന്ന വിശ്വാ​സം സംബന്ധി​ച്ചെന്ത്‌? അതു താമസി​യാ​തെ, നമ്മുടെ കാലത്തു​തന്നെ സംഭവി​ക്കു​മെ​ന്ന​തി​നു വാസ്‌ത​വ​ത്തിൽ തെളി​വു​ണ്ടോ?

[അടിക്കു​റി​പ്പു​കൾ]

[7-ാം പേജിലെ ചിത്രം]

ബാബിലോന്റെ പതനത്തെ സംബന്ധിച്ച്‌ സൂക്ഷ്‌മ​മായ വിശദാം​ശങ്ങൾ മുൻകൂ​ട്ടി പറഞ്ഞി​രു​ന്നു

[9-ാം പേജിലെ ചിത്രങ്ങൾ]

തന്നെ സംബന്ധി​ച്ചുള്ള പ്രവച​നങ്ങൾ നിവർത്തി​പ്പി​ക്കു​വാൻ യേശു​വിന്‌ ആ വിധത്തിൽ തന്റെ ജീവി​തത്തെ ക്രമ​പ്പെ​ടു​ത്താൻ കഴിയു​മാ​യി​രു​ന്നില്ല