ഓ, അൽപ്പം ശുദ്ധവാ​യു കിട്ടി​യി​രു​ന്നെ​ങ്കിൽ!

ബ്രിട്ടനിലെ ഉണരുക! ലേഖകൻ

നിങ്ങൾ ശ്വസി​ക്കു​മ്പോൾ ശുദ്ധവാ​യു​വാ​ണോ വലി​ച്ചെ​ടു​ക്കു​ന്നത്‌? ഇന്നത്തെ വായു മലിനീ​ക​രണം “പുകവ​ലി​യെ​ക്കാൾ വലിയ ശത്രു”വാണ്‌ എന്ന്‌ ഒരു ഡോക്ടർ അവകാ​ശ​പ്പെ​ടു​ന്ന​താ​യി ലണ്ടനിലെ ദ ടൈംസ്‌ ഉദ്ധരിച്ചു. ഇംഗ്ലണ്ടി​ലും വേയിൽസി​ലും മലിന വായു ഓരോ വർഷവും 10,000 പേരെ കൊ​ന്നൊ​ടു​ക്കു​ന്ന​താ​യി കണക്കാ​ക്ക​പ്പെ​ടു​ന്നു. ലോക​വ്യാ​പ​ക​മാ​യി, പ്രത്യേ​കി​ച്ചു വൻ നഗരങ്ങ​ളി​ലെ അവസ്ഥ ഗുരു​ത​ര​മാണ്‌.

അന്തരീക്ഷ മലിനീ​ക​ര​ണ​ത്തിന്‌ പലരും മോ​ട്ടോർവാ​ഹന വ്യവസാ​യ​ത്തെ​യാ​ണു കുറ്റ​പ്പെ​ടു​ത്തു​ന്നത്‌. അപകട​കാ​രി​യായ പുക കുറയ്‌ക്കു​ന്ന​തി​നു​വേണ്ടി ഇപ്പോൾ പല രാജ്യ​ങ്ങ​ളി​ലെ​യും പുതിയ വാഹന​ങ്ങ​ളിൽ, മാലി​ന്യം കുറയ്‌ക്കുന്ന ഉൽ​പ്രേരക പരിവർത്ത​നി​കൾ ഘടിപ്പി​ച്ചി​ട്ടുണ്ട്‌. ബഹിർഗമന വാതക​ങ്ങ​ളി​ലെ ഹൈ​ഡ്രോ​കാർബ​ണു​ക​ളു​ടെ അളവ്‌ 1970-ലേതിന്റെ 12 ശതമാ​ന​മാ​യി കുറഞ്ഞു. നൈ​ട്രജൻ ഓക്‌​സൈ​ഡു​ക​ളു​ടെ​യും കാർബൺ മോ​ണോ​ക്‌​സൈ​ഡി​ന്റെ​യും കാര്യ​ത്തി​ലും സമാന​മായ കുറവു സംഭവി​ച്ചു. ശിശു​ക്കളെ സ്‌​ട്രോ​ള​റു​ക​ളിൽ ഇരുത്തി ഉന്തി​ക്കൊ​ണ്ടു​പോ​കു​ന്നത്‌ കാറു​ക​ളിൽനി​ന്നു പുകവ​രുന്ന അതേ നിരപ്പിൽത്ത​ന്നെ​യാ​യ​തി​നാൽ അവയി​ലി​രി​ക്കുന്ന കുഞ്ഞുങ്ങൾ മലിനീ​ക​ര​ണ​ത്തി​നു പ്രത്യേ​കി​ച്ചു വിധേ​യ​രാ​കു​ന്നു. എന്നാൽ വായു മലിനീ​ക​രണം കാറിൽ ഇരിക്കു​ന്ന​വർക്കും ഭീഷണി​യു​യർത്തു​ന്നു. കാറു​കൾക്ക​ക​ത്തുള്ള മലിനീ​ക​രണം പുറത്തു​ള്ള​തി​നെ​ക്കാൾ മൂന്നി​ര​ട്ടി​യാ​ണെന്ന്‌ റിപ്പോർട്ടു പ്രകട​മാ​ക്കു​ന്നു. കാറിന്റെ ഇന്ധന ടാങ്ക്‌ നിറയ്‌ക്കു​മ്പോൾ ഇന്ധനത്തിൽനി​ന്നുള്ള ബൻസീൻ പുകകൾ ശ്വസി​ക്കു​ന്നത്‌ കൂടു​ത​ലായ അപകട​ങ്ങൾക്ക്‌ ഇടയാ​ക്കു​ന്നു.

ലോക​വ്യാ​പ​ക​മാ​യി ഇപ്പോൾ വായു മലിനീ​ക​ര​ണ​ത്തി​ന്റെ ഏറ്റവും വ്യാപ​ക​മായ രൂപം “പൊങ്ങി​ക്കി​ട​ക്കുന്ന കണികാ പദാർഥം” ആണെന്ന്‌ 1993-94-ലെ ഐക്യ​രാ​ഷ്ട്ര പാരി​സ്ഥി​തിക വിവര റിപ്പോർട്ടു പറയുന്നു. പ്രത്യ​ക്ഷ​ത്തിൽ, കരിയു​ടെ ചെറു​ത​രി​കൾക്ക്‌ അഥവാ കണികാ പദാർഥ​ത്തി​നു ശ്വാസ​കോ​ശ​ങ്ങ​ളി​ലേക്ക്‌ ആഴത്തിൽ തുളഞ്ഞു​ചെ​ല്ലു​ന്ന​തി​നും ഹാനി​ക​ര​മായ രാസവ​സ്‌തു​ക്കൾ അവിടെ നിക്ഷേ​പി​ക്കു​ന്ന​തി​നും ഉള്ള കഴിവുണ്ട്‌.

ഗോള​ത്തിന്‌ അങ്ങു മുകളി​ലുള്ള ഓസോൺ പാളി​യു​ടെ ശോഷ​ണ​ത്തെ​ക്കു​റിച്ച്‌ വാർത്താ​മാ​ധ്യ​മ​ങ്ങ​ളിൽ വളരെ​യ​ധി​കം അഭി​പ്രാ​യങ്ങൾ പ്രത്യ​ക്ഷ​പ്പെ​ടു​ന്നുണ്ട്‌. എന്നിരു​ന്നാ​ലും, സൂര്യ​പ്ര​കാ​ശം ഭൗമോ​പ​രി​ത​ല​ത്തിൽവച്ച്‌ നൈ​ട്രജൻ ഓക്‌​സൈ​ഡു​ക​ളും വായു മാലി​ന്യ​ത്തി​ലെ മറ്റ്‌ അസ്ഥിര മൂലക​ങ്ങ​ളു​മാ​യി പ്രവർത്തിച്ച്‌ ഉയർന്ന അളവിൽ ഓസോൺ ഉത്‌പാ​ദി​പ്പി​ക്കു​ന്നു. ബ്രിട്ട​നിൽ ഇതിന്റെ അളവ്‌ ഈ നൂറ്റാ​ണ്ടിൽ ഇരട്ടി​യാ​യി​രി​ക്കു​ന്നു. ഈ വാതകങ്ങൾ പെയിൻറി​നും മറ്റു നിർമാണ വസ്‌തു​ക്കൾക്കും കേടു വരുത്തു​ക​യും വൃക്ഷങ്ങൾ, ചെടികൾ, വിളകൾ എന്നിവ​യ്‌ക്കു രോഗ​മു​ണ്ടാ​ക്കു​ക​യും ചിലയാ​ളു​ക​ളിൽ ശ്വാസ​കോശ പ്രശ്‌ന​ങ്ങൾക്ക്‌ ഇടയാ​ക്കു​ന്ന​താ​യി കാണു​ക​യും ചെയ്യുന്നു. ഓസോൺ മലിനീ​ക​ര​ണ​ത്തി​ന്റെ ഭൂരി​പ​ക്ഷ​വും സംഭവി​ക്കു​ന്നതു പട്ടണങ്ങ​ളി​ലാ​ണെ​ങ്കി​ലും ഏറ്റവും മോശ​മായ ഫലങ്ങൾ അനുഭ​വി​ക്കു​ന്നതു ഗ്രാമ​പ്ര​ദേ​ശങ്ങൾ ആണെന്നു​ള്ളത്‌ അതിശ​യ​ക​ര​മാണ്‌. നഗര​പ്ര​ദേ​ശ​ങ്ങ​ളിൽ നൈ​ട്രജൻ ഓക്‌​സൈ​ഡു​കൾ അധിക​മുള്ള ഓസോ​ണി​നെ വലി​ച്ചെ​ടു​ക്കു​ന്നു. എന്നാൽ ഈ ഓക്‌​സൈ​ഡു​കൾ വിരള​മാ​യി​രി​ക്കു​ന്നി​ടത്ത്‌ ഓസോൺ യാതൊ​രു നിയ​ന്ത്ര​ണ​വും കൂടാതെ നാശം വിതയ്‌ക്കു​ന്നു.

കൂടാതെ, “വീടു​കൾക്ക​ക​ത്തുള്ള” വായു​മ​ലി​നീ​ക​രണം “വീടു​കൾക്കു പുറത്തു​ള്ള​തി​ന്റെ 70 ഇരട്ടി അധിക​മാണ്‌” എന്ന്‌ ദ ടൈംസ്‌ റിപ്പോർട്ടു ചെയ്യുന്നു. എയർ ഫ്രെഷ്‌ന​റു​ക​ളിൽനി​ന്നും പാറ്റാ​ഗു​ളി​ക​ക​ളിൽനി​ന്നും ഡ്രൈ-ക്ലീൻ ചെയ്‌ത തുണി​ക​ളിൽനി​ന്നു പോലു​മുള്ള പുകകൾ വായു​വി​നെ മലിന​മാ​ക്കു​ന്നു. അതു​പോ​ലെ​തന്നെ സിഗരറ്റു പുക വീടി​ന​കത്തെ ആരോഗ്യ അപകടങ്ങൾ വർധി​പ്പി​ക്കു​ന്നു.

അപ്പോൾ നിങ്ങളു​ടെ കുടും​ബത്തെ സംരക്ഷി​ക്കു​ന്ന​തി​നു​വേണ്ടി നിങ്ങൾക്ക്‌ എന്തു ചെയ്യാൻ കഴിയും? ലണ്ടനിലെ ദ ടൈംസ്‌ പിൻവ​രുന്ന നിർദേ​ശങ്ങൾ നൽകി.

• കാറിന്റെ ഉപയോ​ഗം കുറയ്‌ക്കുക. സാധ്യ​മെ​ങ്കിൽ, മറ്റുള്ള​വ​രു​ടെ കൂടെ യാത്ര ചെയ്യുക. പരുക്കൻമ​ട്ടിൽ വണ്ടി​യോ​ടി​ക്കാ​തി​രി​ക്കുക. ഗതാഗ​ത​ക്കു​രു​ക്കിൽ അകപ്പെ​ടു​ക​യോ രണ്ടു മിനി​റ്റി​ല​ധി​കം സമയം വണ്ടി ഓടാതെ നിൽക്കു​ക​യോ ആണെങ്കിൽ എഞ്ചിൻ നിർത്തി​യി​ടുക. ഇന്ധനം ആവിയാ​യി​പ്പോ​കു​ന്ന​തി​ന്റെ ഫലമാ​യുള്ള മലിനീ​ക​രണം കുറയ്‌ക്കു​ന്ന​തി​നു​വേണ്ടി ചൂടുള്ള ദിവസ​ങ്ങ​ളിൽ നിങ്ങളു​ടെ കാർ സാധ്യ​മെ​ങ്കിൽ തണലത്തു പാർക്കു ചെയ്യുക.

• വെളി​യിൽ ഓസോ​ണി​ന്റെ അളവ്‌ പൊതു​വേ കുറവാ​യി​രി​ക്കുന്ന പ്രഭാത സമയങ്ങൾ വ്യായാ​മം ചെയ്യാൻ തിര​ഞ്ഞെ​ടു​ക്കുക.

• വീട്ടിൽ വച്ച്‌ പുകവ​ലി​ക്കു​ന്നതു നിരോ​ധി​ക്കുക.

• ഈർപ്പം അധികം കടക്കാ​ത്ത​തും അലർജി​കാ​രി​കൾക്ക്‌ പുറത്തു​പോ​കാൻ കഴിയു​ന്ന​തു​മായ വിധത്തിൽ കിടക്ക​മു​റി​യി​ലെ ജന്നലുകൾ രാത്രി​യിൽ അൽപ്പം തുറന്നി​ടുക.

ഓ, അൽപ്പം ശുദ്ധവാ​യു കിട്ടി​യി​രു​ന്നെ​ങ്കിൽ! എന്നു നിങ്ങളും സമ്മതി​ക്കു​മെ​ന്ന​തി​നു സംശയ​മില്ല.