യുവജ​നങ്ങൾ ചോദി​ക്കു​ന്നു . . .

ഞാൻ എന്റെ പാപം ഏറ്റുപ​റ​യ​ണ​മോ?

“എനിക്കു വളരെ ലജ്ജതോ​ന്നു​ന്നു, എന്തു ചെയ്യണ​മെന്ന്‌ എനിക്ക​റി​യില്ല. എന്റെ മാതാ​പി​താ​ക്കളെ സമീപി​ക്കാൻ ഞാൻ ആഗ്രഹി​ക്കു​ന്നു, പക്ഷേ എനിക്കു വളരെ ലജ്ജതോ​ന്നു​ന്നു.”—ലിസ.a

ഇതികർത്ത​വ്യ​താ​മൂ​ഢ​യായ ഒരു ചെറു​പ്പ​ക്കാ​രി എഴുതി​യ​താണ്‌ അത്‌. ഏതാനും വർഷങ്ങ​ളാ​യി അവൾ ഒരു അവിശ്വാ​സി​യു​മാ​യി പ്രേമ​ത്തി​ലാ​യി​രു​ന്നു. മദ്യത്തി​ന്റെ സ്വാധീ​ന​ത്തിൻകീ​ഴിൽ ഒരു ദിവസം അവർ ലൈം​ഗി​ക​ബ​ന്ധ​ത്തിൽ ഏർപ്പെട്ടു.

സങ്കടക​ര​മെ​ന്നു പറയട്ടെ, ക്രിസ്‌തീയ യുവജ​ന​ങ്ങ​ളു​ടെ ഇടയിൽ പോലും ഇടയ്‌ക്കി​ട​യ്‌ക്ക്‌ അത്തരം കാര്യങ്ങൾ സംഭവി​ക്കു​ന്നു. നമുക്കു പ്രായ​വും അനുഭ​വ​പ​രി​ച​യ​വും കുറവാ​യി​രി​ക്കു​മ്പോൾ തെറ്റു ചെയ്യാ​നുള്ള സാധ്യ​ത​യേ​റു​ന്നു. എന്നാൽ ഒരു നിസ്സാര തെറ്റു ചെയ്യു​ന്ന​തും ലൈം​ഗിക അധാർമി​കത പോ​ലെ​യുള്ള ഗൗരവാ​വ​ഹ​മായ ദുഷ്‌പ്ര​വൃ​ത്തി​ക​ളിൽ ഉൾപ്പെ​ടു​ന്ന​തും തികച്ചും വ്യത്യ​സ്‌ത​മായ സംഗതി​ക​ളാണ്‌. (1 കൊരി​ന്ത്യർ 6:9, 10) അതു സംഭവി​ക്കു​മ്പോൾ ഒരു യുവാ​വി​നു സഹായം ലഭി​ക്കേ​ണ്ട​തുണ്ട്‌. ഒരുവന്റെ തെറ്റുകൾ ഏറ്റുപ​റ​യുക എളുപ്പ​മ​ല്ലെ​ന്നു​ള്ള​താണ്‌ പ്രശ്‌നം.

ഒരു ക്രിസ്‌തീയ പെൺകു​ട്ടി വിവാ​ഹ​ത്തി​നു​മുമ്പ്‌ ലൈം​ഗിക ബന്ധത്തിൽ ഏർപ്പെട്ടു. സഭാമൂ​പ്പൻമാ​രോട്‌ ഏറ്റുപ​റ​യാൻ അവൾ തീരു​മാ​നി​ച്ചു, അതിന്‌ ഒരു തീയതി​യും നിശ്ചയി​ച്ചു. എന്നാൽ അവൾ ആ തീയതി മാറ്റി​വെച്ചു. പിന്നീട്‌ അവൾ തീയതി വീണ്ടും മാറ്റി​വെച്ചു. അങ്ങനെ ഒരു വർഷം കടന്നു​പോ​യി!

‘മറവാ​യി​രി​ക്കു​ന്നത്‌ ഒന്നുമില്ല’

നിങ്ങൾ ഗുരു​ത​ര​മായ പാപത്തിൽ അകപ്പെ​ട്ടി​രി​ക്കു​ന്നെ​ങ്കിൽ, അതു മൂടി​വെ​ക്കുക എന്നതു തികച്ചും ജ്ഞാനര​ഹി​ത​മായ ആശയമാ​ണെന്നു തിരി​ച്ച​റി​യേ​ണ്ട​തുണ്ട്‌. സത്യം സാധാ​ര​ണ​മാ​യി ഏതെങ്കി​ലും മാർഗ​ത്തിൽ പുറത്തു​വ​രു​ന്നു​വെ​ന്ന​താണ്‌ ഒരു സംഗതി. കൊച്ചു​കു​ട്ടി​യാ​യി​രി​ക്കെ മാർക്ക്‌ ഭിത്തി​യിൽ പിടി​പ്പി​ക്കുന്ന ഒരു കളിമൺ അലങ്കാരം പൊട്ടി​ച്ചു. “അതു ശ്രദ്ധാ​പൂർവം പശവെ​ച്ചൊ​ട്ടി​ക്കാൻ ഞാൻ ശ്രമിച്ചു, എന്നാൽ താമസി​യാ​തെ മാതാ​പി​താ​ക്കൾ ആ പൊട്ടൽ കണ്ടുപി​ടി​ച്ചു” എന്ന്‌ അവൻ അനുസ്‌മ​രി​ക്കു​ന്നു. നിങ്ങൾ മേലാൽ ഒരു കൊച്ചു​കു​ട്ടി​യ​ല്ലെ​ന്നു​ള്ളതു സത്യമാണ്‌. എന്നാൽ തങ്ങളുടെ കുട്ടി​ക​ളോ​ടുള്ള ബന്ധത്തിൽ എന്തെങ്കി​ലും കുഴപ്പ​മു​ള്ള​പ്പോൾ സാധാ​ര​ണ​മാ​യി മിക്ക മാതാ​പി​താ​ക്കൾക്കും അതു ഗ്രഹി​ക്കാ​നാ​കും.

“നുണകൾകൊ​ണ്ടു പ്രശ്‌നങ്ങൾ മറയ്‌ക്കാൻ ഞാൻ ശ്രമിച്ചു. എന്നാൽ അതു കാര്യങ്ങൾ ഏറ്റവും വഷളാ​കു​ന്ന​തിൽ കലാശി​ച്ചു”വെന്ന്‌ 15-കാരി​യായ ആൻ സമ്മതി​ക്കു​ന്നു. ഒട്ടുമി​ക്ക​പ്പോ​ഴും കള്ളി വെളി​ച്ച​ത്താ​കു​ന്നു. നിങ്ങൾ നുണപ​റ​ഞ്ഞെന്നു മാതാ​പി​താ​ക്കൾ മനസ്സി​ലാ​ക്കു​മ്പോൾ സാധ്യ​ത​യ​നു​സ​രിച്ച്‌ അവർ അസ്വസ്ഥ​രാ​കും—ആദ്യം​തന്നെ നിങ്ങൾ അവരോ​ടു സത്യം തുറന്നു​പ​റ​ഞ്ഞാൽ സംഭവി​ച്ചേ​ക്കാ​വു​ന്ന​തി​നെ​ക്കാൾ അധികം അസ്വസ്ഥ​രാ​കും.

അതിലും പ്രധാ​ന​മാ​യി, ബൈബിൾ പറയുന്നു: “വെളി​പ്പെ​ടാ​തെ ഗൂഢമാ​യതു ഒന്നുമില്ല; പ്രസി​ദ്ധ​മാ​യി വെളി​ച്ചത്തു വരാതെ മറവാ​യി​രി​ക്കു​ന്ന​തും ഒന്നുമില്ല.” (ലൂക്കൊസ്‌ 8:17) നാം എന്തു ചെയ്‌തി​രി​ക്കു​ന്നു​വെ​ന്നും എന്തു ചെയ്യു​ന്നു​വെ​ന്നും യഹോവ അറിയു​ന്നുണ്ട്‌. ആദാമിന്‌ അവനിൽനിന്ന്‌ ഒന്നും മറച്ചു​വെ​ക്കാൻ കഴിയാ​തി​രു​ന്ന​തു​പോ​ലെ നിങ്ങൾക്കും അവനിൽനിന്ന്‌ ഒന്നും മറച്ചു​വെ​ക്കാൻ കഴിയു​ക​യില്ല. (ഉല്‌പത്തി 3:8-11) കാല​ക്ര​മ​ത്തിൽ നിങ്ങളു​ടെ​യും പാപങ്ങൾ മറ്റുള്ള​വർക്കു വെളി​പ്പെ​ട്ടേ​ക്കാം.—1 തിമൊ​ഥെ​യൊസ്‌ 5:24.

മൂടി​വെ​ക്കു​ന്ന​തു മറ്റു വിധങ്ങ​ളി​ലും നിങ്ങൾക്കു ദോഷം ചെയ്‌തേ​ക്കാ​വു​ന്ന​താണ്‌. സങ്കീർത്ത​ന​ക്കാ​ര​നായ ദാവീദ്‌ എഴുതി: “ഞാൻ മിണ്ടാ​തി​രു​ന്ന​പ്പോൾ നിത്യ​മായ ഞരക്കത്താൽ എന്റെ അസ്ഥികൾ ക്ഷയിച്ചു​പോ​യി; രാവും പകലും നിന്റെ കൈ എന്റെമേൽ ഭാരമാ​യി​രു​ന്നു.” (സങ്കീർത്തനം 32:3, 4) അതേ, രഹസ്യം കാത്തു​സൂ​ക്ഷി​ക്കാ​നുള്ള തീവ്ര​യ​ത്‌നം വൈകാ​രി​ക​മാ​യി ദോഷം ചെയ്യുന്ന കടുത്ത ഭവിഷ്യ​ത്തു​കൾക്ക്‌ ഇടയാ​ക്കി​യേ​ക്കാ​വു​ന്ന​താണ്‌. ഉത്‌ക​ണ്‌ഠ​യും കുറ്റ​ബോ​ധ​വും അതു​പോ​ലെ​തന്നെ കാര്യം വെളി​ച്ച​ത്താ​കു​മെ​ന്നുള്ള ഭയവും നിങ്ങളു​ടെ മാനസീ​കോ​ന്മേഷം കെടു​ത്തി​ക്ക​ള​ഞ്ഞേ​ക്കാ​വു​ന്ന​താണ്‌. സുഹൃ​ത്തു​ക്ക​ളിൽനി​ന്നും കുടും​ബ​ത്തിൽനി​ന്നും നിങ്ങൾ അകലാൻ തുടങ്ങി​യേ​ക്കാം. ദൈവ​വു​മാ​യുള്ള നിങ്ങളു​ടെ ബന്ധം വിച്ഛേ​ദി​ക്ക​പ്പെ​ട്ടി​രി​ക്കു​ന്ന​താ​യി​പോ​ലും അനുഭ​വ​പ്പെ​ട്ടേ​ക്കാം! “യഹോ​വയെ ദുഃഖി​പ്പി​ച്ച​തിൽ ഞാൻ കുറ്റ​ബോ​ധ​മുള്ള ഒരു മനസ്സാ​ക്ഷി​യെ നേരി​ട്ടു​കൊ​ണ്ടി​രി​ക്കു​ക​യാ​യി​രു​ന്നു” എന്ന്‌ യുവാ​വായ ആൻഡ്രൂ എഴുതി. “അതെന്നെ കാർന്നു​തി​ന്നു​ക​യാ​യി​രു​ന്നു.”

നിശബ്ദത ഭേദിക്കൽ

ഈ വൈകാ​രിക പ്രക്ഷോ​ഭ​ത്തിൽനി​ന്നു മുക്തി​നേ​ടാൻ എന്തെങ്കി​ലും മാർഗ​മു​ണ്ടോ? തീർച്ച​യാ​യു​മുണ്ട്‌! സങ്കീർത്ത​ന​ക്കാ​രൻ പറഞ്ഞു: “ഞാൻ എന്റെ പാപം നിന്നോ​ട​റി​യി​ച്ചു; എന്റെ അകൃത്യം മറെച്ച​തു​മില്ല. . . . അപ്പോൾ നീ എന്റെ പാപത്തി​ന്റെ കുറ്റം ക്ഷമിച്ചു​തന്നു.” (സങ്കീർത്തനം 32:5; 1 യോഹ​ന്നാൻ 1:9 താരത​മ്യം ചെയ്യുക.) സമാന​മാ​യി തന്റെ പാപം ഏറ്റുപ​റ​ഞ്ഞ​തിൽ ആൻഡ്രൂ യഥാർഥ ആശ്വാസം കണ്ടെത്തി. അവൻ അനുസ്‌മ​രി​ക്കു​ന്നു: “ഞാൻ യഹോ​വയെ സമീപിച്ച്‌ ക്ഷമയ്‌ക്കാ​യി ആത്മാർഥ​മാ​യി പ്രാർഥി​ച്ചു.”

നിങ്ങൾക്കും അതു ചെയ്യാൻ കഴിയും. യഹോ​വ​യോ​ടു പ്രാർഥി​ക്കുക. നിങ്ങൾ ചെയ്‌തത്‌ എന്താ​ണെന്ന്‌ അവനറി​യാം, എന്നാൽ പ്രാർഥ​ന​യിൽ അത്‌ അവനോ​ടു താഴ്‌മ​യോ​ടെ സമ്മതി​ക്കുക. സഹായ​ത്തിന്‌ അർഹത​യി​ല്ലാത്ത വിധം ദുഷ്ടമാ​യി പ്രവർത്തി​ച്ചു​വെന്നു വിചാ​രിച്ച്‌ പിൻമാ​റി​നിൽക്കാ​തെ ക്ഷമയ്‌ക്കാ​യി യാചി​ക്കുക. നാം അപൂർണ​രാ​യി​രു​ന്നി​ട്ടും ദൈവ​വു​മാ​യി നമു​ക്കൊ​രു നല്ല നില ആസ്വദി​ക്കാൻ കഴി​യേ​ണ്ട​തിന്‌ യേശു മരിച്ചു. (1 യോഹ​ന്നാൻ 2:1, 2) ആവശ്യ​മായ മാറ്റങ്ങൾ വരുത്തു​ന്ന​തി​നുള്ള ശക്തിക്കാ​യും നിങ്ങൾക്കു യാചി​ക്കാ​വു​ന്ന​താണ്‌. 51-ാം സങ്കീർത്തനം വായി​ക്കു​ന്നത്‌ ഇങ്ങനെ ദൈവത്തെ സമീപി​ക്കു​ന്ന​തിൽ നിങ്ങൾക്കു വിശേ​ഷാൽ സഹായ​ക​മാ​ണെന്നു തെളി​ഞ്ഞേ​ക്കാം.

മാതാ​പി​താ​ക്ക​ളോ​ടു പറയൽ

എന്നാൽ വെറുതെ ദൈവ​ത്തോട്‌ ഏറ്റുപ​റ​യു​ന്ന​തി​നെ​ക്കാൾ അധികം ആവശ്യ​മാണ്‌. മാതാ​പി​താ​ക്ക​ളോ​ടു പറയാ​നും നിങ്ങൾ കടപ്പെ​ട്ടി​രി​ക്കു​ന്നു. നിങ്ങളെ “കർത്താ​വി​ന്റെ ബാലശി​ക്ഷ​യി​ലും പത്ഥ്യോ​പ​ദേ​ശ​ത്തി​ലും പോററി വളർത്താ”ൻ ദൈവം അവരോ​ടു കൽപ്പി​ച്ചി​രി​ക്കു​ന്നു. (എഫെസ്യർ 6:4) നിങ്ങളു​ടെ പ്രശ്‌നങ്ങൾ അവർക്ക്‌ അറിയാ​മെ​ങ്കിൽ മാത്രമേ അവർക്കതു ചെയ്യാൻ കഴിയൂ. മാതാ​പി​താ​ക്ക​ളോട്‌ അതു പറയു​ന്നത്‌ എളുപ്പ​മോ സുഖക​ര​മോ അല്ലായി​രി​ക്കാം. എന്നാൽ അവരുടെ പ്രാരംഭ പ്രതി​ക​ര​ണ​ത്തി​നു ശേഷം സാധ്യ​ത​യ​നു​സ​രിച്ച്‌ അവർ തങ്ങളുടെ വികാ​ര​ങ്ങളെ നിയ​ന്ത്രി​ക്കും. പ്രശ്‌നം വെളി​പ്പെ​ടു​ത്താൻ തക്കവണ്ണം നിങ്ങൾ അവരെ ആശ്രയി​ച്ചത്‌ അവരെ സന്തുഷ്ട​രാ​ക്കു​ക​പോ​ലും ചെയ്‌തേ​ക്കാം. മുടി​യ​നായ പുത്ര​നെ​ക്കു​റി​ച്ചുള്ള യേശു​വി​ന്റെ ഉപമ ലൈം​ഗിക അധാർമി​ക​ത​യിൽ അകപ്പെട്ട ഒരു യുവാ​വി​നെ​ക്കു​റി​ച്ചു​ള്ള​താണ്‌. എന്നാൽ അവൻ ഒടുവിൽ കുറ്റം ഏറ്റുപ​റ​ഞ്ഞ​പ്പോൾ അവന്റെ പിതാവ്‌ അവനെ സസന്തോ​ഷം സ്വീക​രി​ച്ചു! (ലൂക്കൊസ്‌ 15:11-24) നിങ്ങളു​ടെ മാതാ​പി​താ​ക്കൾ അതു​പോ​ലെ നിങ്ങളെ സഹായി​ക്കു​മെ​ന്നു​ള്ള​തിന്‌ ഒരു സംശയ​വു​മില്ല. എന്തൊ​ക്കെ​യാ​ണെ​ങ്കി​ലും, അവർ ഇപ്പോ​ഴും നിങ്ങളെ സ്‌നേ​ഹി​ക്കു​ന്നു​വ​ല്ലോ.

മാതാ​പി​താ​ക്ക​ളെ നിങ്ങൾ വ്രണ​പ്പെ​ടു​ത്തി​യേ​ക്കു​മോ​യെന്നു നിങ്ങൾ ഭയപ്പെ​ട്ടേ​ക്കാ​മെ​ന്നതു സത്യം​തന്നെ. എന്നാൽ, പാപം ഏറ്റുപ​റ​യു​ന്നതല്ല മറിച്ച്‌ പാപം ചെയ്‌ത​താണ്‌ നിങ്ങളു​ടെ മാതാ​പി​താ​ക്കളെ വ്രണ​പ്പെ​ടു​ത്തു​ന്നത്‌! ഏറ്റുപ​റ​യു​ന്നത്‌ ആ വ്രണം ശമിപ്പി​ക്കു​ന്ന​തി​നുള്ള ആദ്യ പടിയാണ്‌. നേരത്തെ പരാമർശിച്ച ആൻ തന്റെ മാതാ​പി​താ​ക്ക​ളോ​ടു കാര്യങ്ങൾ തുറന്നു പറഞ്ഞ​പ്പോൾ അവൾക്കു വലിയ ആശ്വാസം തോന്നി.b

ഇനിയും മറ്റൊരു പ്രതി​ബന്ധം ലജ്ജയും നാണ​ക്കേ​ടു​മാണ്‌. വിശ്വസ്‌ത ശാസ്‌ത്രി​യായ എസ്രാ പാപം ചെയ്‌തില്ല, എന്നാൽ തന്റെ സഹയഹൂ​ദൻമാ​രു​ടെ പാപങ്ങൾ ഏറ്റുപ​റ​ഞ്ഞ​പ്പോൾ അവൻ പറഞ്ഞു: “എന്റെ ദൈവമേ, ഞാൻ എന്റെ മുഖം എന്റെ ദൈവ​മായ നിങ്ക​ലേക്കു ഉയർത്തു​വാൻ ലജ്ജിച്ചു നാണി​ച്ചി​രി​ക്കു​ന്നു.” (എസ്രാ 9:6) നിങ്ങൾ തെറ്റു ചെയ്‌തി​രി​ക്കു​മ്പോൾ ലജ്ജ തോന്നു​ന്നതു വാസ്‌ത​വ​ത്തിൽ ആരോ​ഗ്യാ​വ​ഹ​മാണ്‌. നിങ്ങളു​ടെ മനസ്സാക്ഷി ഇപ്പോ​ഴും പ്രവർത്തി​ക്കു​ന്നു​വെന്ന്‌ അതു സൂചി​പ്പി​ക്കു​ന്നു. കാലാ​ന്ത​രേണ ആ ലജ്ജാവി​കാ​രങ്ങൾ കെട്ടട​ങ്ങും. ആൻഡ്രൂ അതി​പ്ര​കാ​രം പ്രകടി​പ്പി​ച്ചു: “തെറ്റ്‌ ഏറ്റുപ​റ​യു​ന്നത്‌ അത്യന്തം ആയാസ​ക​ര​വും നാണ​ക്കേട്‌ ഉളവാ​ക്കു​ന്ന​തു​മാണ്‌. എന്നാൽ യഹോവ ധാരാ​ള​മാ​യി ക്ഷമിക്കു​ന്നു​വെന്ന്‌ അറിയു​ന്നത്‌ ഒരു ആശ്വാ​സ​മാണ്‌.”

മൂപ്പൻമാ​രെ സമീപി​ക്കൽ

നിങ്ങൾ ഒരു ക്രിസ്‌ത്യാ​നി​യാ​ണെ​ങ്കിൽ മാതാ​പി​താ​ക്ക​ളോ​ടു പറയു​ന്ന​തു​കൊണ്ട്‌ കാര്യം അവസാ​നി​ക്കു​ന്നില്ല. ആൻഡ്രൂ പറയുന്നു: “എന്റെ പ്രശ്‌നം സഭാമൂ​പ്പൻമാ​രെ അറിയി​ക്ക​ണ​മെന്ന്‌ എനിക്ക​റി​യാ​മാ​യി​രു​ന്നു. എന്നെ സഹായി​ക്കാൻ അവരു​ണ്ടാ​യി​രു​ന്നു എന്നറി​യു​ന്നത്‌ എന്തൊരു ആശ്വാ​സ​മാ​യി​രു​ന്നു!” അതേ, യഹോ​വ​യു​ടെ സാക്ഷി​കൾക്കി​ട​യി​ലെ യുവജ​ന​ങ്ങൾക്ക്‌ സഹായ​ത്തി​നും പ്രോ​ത്സാ​ഹ​ന​ത്തി​നു​മാ​യി സഭാ മൂപ്പൻമാ​രെ സമീപി​ക്കാ​വു​ന്ന​താണ്‌, സമീപി​ക്കേ​ണ്ട​തു​മാണ്‌. എന്നാൽ കേവലം യഹോ​വ​യോ​ടു പ്രാർഥി​ക്കു​ന്ന​തു​മാ​ത്രം മതിയാ​കു​ന്നി​ല്ലാ​ത്ത​തെ​ന്തു​കൊണ്ട്‌? എന്തു​കൊ​ണ്ടെ​ന്നാൽ “നിങ്ങളു​ടെ ആത്മാക്കൾക്കു വേണ്ടി ജാഗരി​ച്ചി​രി”ക്കാനുള്ള ഉത്തരവാ​ദി​ത്വം യഹോവ മൂപ്പൻമാ​രെ ഭരമേൽപ്പി​ച്ചി​രി​ക്കു​ന്നു. (എബ്രായർ 13:17) വീണ്ടും പാപത്തിൽ വീഴാ​തി​രി​ക്കാൻ അവർക്കു നിങ്ങളെ സഹായി​ക്കാ​നാ​കും.—യാക്കോബ്‌ 5:14-16 താരത​മ്യം ചെയ്യുക.

നിങ്ങൾക്കു നിങ്ങ​ളെ​ത്തന്നെ സഹായി​ക്കാ​നാ​കും എന്ന ന്യായ​വാ​ദ​ത്താൽ വഞ്ചിക്ക​പ്പെ​ട​രുത്‌. നിങ്ങൾ വാസ്‌ത​വ​ത്തിൽ അതു ചെയ്യാൻത​ക്ക​വണ്ണം ശക്തനാ​യി​രു​ന്നെ​ങ്കിൽ നിങ്ങൾ ആദ്യം​തന്നെ പാപത്തിൽ വീഴു​മാ​യി​രു​ന്നോ? വ്യക്തമാ​യും, നിങ്ങൾ മറ്റൊ​രാ​ളു​ടെ സഹായം തേടേ​ണ്ട​തുണ്ട്‌. ആൻഡ്രൂ ധൈര്യ​പൂർവം അതു ചെയ്‌തു. അവന്റെ ഉപദേ​ശ​മോ? “യഹോ​വ​യോ​ടും അവന്റെ ഇടയൻമാ​രിൽ ഒരുവ​നോ​ടും കാര്യങ്ങൾ തുറന്നു​പ​റ​യാൻ ഗുരു​ത​ര​മായ പാപത്തിൽ ഉൾപ്പെട്ട അല്ലെങ്കിൽ ഉൾപ്പെ​ട്ടി​രുന്ന ഏതൊ​രു​വ​നെ​യും ഞാൻ പ്രോ​ത്സാ​ഹി​പ്പി​ക്കു​ന്നു.”

എന്നാൽ നിങ്ങൾ ഒരു മൂപ്പനെ സമീപി​ക്കു​ന്ന​തെ​ങ്ങനെ? ന്യായ​മാ​യി സാന്ത്വ​ന​മേ​കു​ന്നവൻ എന്നു നിങ്ങൾക്കു തോന്നുന്ന ഒരു മൂപ്പനെ തിര​ഞ്ഞെ​ടു​ക്കുക. ഇങ്ങനെ പറഞ്ഞു​കൊ​ണ്ടു നിങ്ങൾക്കു തുടങ്ങാ​വു​ന്ന​താണ്‌: “എനിക്ക്‌ ഒരു കാര്യം പറയാ​നുണ്ട്‌” അല്ലെങ്കിൽ “എനി​ക്കൊ​രു പ്രശ്‌ന​മുണ്ട്‌” അതുമ​ല്ലെ​ങ്കിൽ “എനി​ക്കൊ​രു പ്രശ്‌ന​മുണ്ട്‌, അതിനു താങ്കളു​ടെ സഹായം ആവശ്യ​മാണ്‌.” നിങ്ങളു​ടെ സത്യസ​ന്ധ​ത​യും തുറന്ന​മ​നഃ​സ്ഥി​തി​യും, അനുതാ​പ​വും മാറ്റം​വ​രു​ത്താ​നുള്ള നിങ്ങളു​ടെ ആഗ്രഹ​വും തീർച്ച​യാ​യും പ്രകടി​പ്പി​ക്കും.

‘പുറത്താ​ക്ക​പ്പെ​ടു​മോ​യെന്നു ഞാൻ ഭയപ്പെ​ടു​ന്നു’

ആ സാധ്യത സംബന്ധി​ച്ചെന്ത്‌? ഗുരു​ത​ര​മായ ഒരു പാപം ചെയ്‌താൽ പുറത്താ​ക്ക​പ്പെ​ടാ​നുള്ള സാധ്യ​ത​യു​ണ്ടെ​ന്നു​ള്ളതു സത്യം​തന്നെ. എന്നാൽ അത്‌ സ്വയമേ സംഭവി​ക്കു​ന്നില്ല. അനുത​പി​ക്കാൻ വിസമ്മ​തി​ക്കു​ന്ന​വർക്ക്‌, മാറ്റം വരുത്താൻ ധാർഷ്ട്യ​പൂർവം വിസമ്മ​തി​ക്കു​ന്ന​വർക്ക്‌, ഉള്ളതാണു പുറത്താ​ക്കൽ. സദൃശ​വാ​ക്യ​ങ്ങൾ 28:13 പറയുന്നു: “തന്റെ ലംഘന​ങ്ങളെ മറെക്കു​ന്ന​വന്നു ശുഭം വരിക​യില്ല; അവയെ ഏറ്റുപ​റഞ്ഞു ഉപേക്ഷി​ക്കു​ന്ന​വ​ന്നോ കരുണ​ല​ഭി​ക്കും.” സഹായ​ത്തി​നാ​യി നിങ്ങൾ മൂപ്പൻമാ​രെ സമീപി​ച്ചി​രി​ക്കു​ന്നു​വെ​ന്നത്‌ മാറ്റം വരുത്താ​നുള്ള നിങ്ങളു​ടെ ആഗ്രഹ​ത്തി​ന്റെ തെളി​വാണ്‌. മൂപ്പൻമാർ പ്രാഥ​മി​ക​മാ​യി സുഖ​പ്പെ​ടു​ത്തു​ന്ന​വ​രാണ്‌, ശിക്ഷി​ക്കു​ന്ന​വരല്ല. ദൈവ​ജ​ന​ത്തോ​ടു ദയയോ​ടും അന്തസ്സോ​ടും കൂടെ ഇടപെ​ടാൻ അവർ ബാധ്യ​സ്ഥ​രാണ്‌. “നിങ്ങളു​ടെ കാലിന്നു പാത നിര”പ്പാക്കാൻ നിങ്ങളെ സഹായി​ക്കാൻ അവർ ആഗ്രഹി​ക്കു​ന്നു.—എബ്രായർ 12:13.

വഞ്ചന അല്ലെങ്കിൽ ദീർഘ​കാ​ല​മാ​യുള്ള ഗുരു​ത​ര​മായ തെറ്റ്‌ ഉൾപ്പെ​ട്ടി​രി​ക്കു​ന്നി​ടത്ത്‌ “മാനസാ​ന്ത​ര​ത്തി​ന്നു യോഗ്യ​മായ [ബോധ്യം​വ​രു​ത്തുന്ന] പ്രവൃ​ത്തി​കൾ” ഇല്ലായി​രു​ന്നേ​ക്കാ​മെന്നു സമ്മതി​ക്കു​ന്നു. (പ്രവൃ​ത്തി​കൾ 26:20) ചില​പ്പോൾ പുറത്താ​ക്കൽ സംഭവി​ക്കു​ക​തന്നെ ചെയ്യുന്നു. ദുഷ്‌പ്ര​വൃ​ത്തി​ക്കാ​രന്‌ അനുതാ​പ​മു​ള്ള​പ്പോൾ പോലും ചിലത​ര​ത്തി​ലുള്ള ശിക്ഷണം നൽകാൻ മൂപ്പൻമാർ ബാധ്യ​സ്ഥ​രാണ്‌. അവരുടെ തീരു​മാ​ന​ത്തിൽ നിങ്ങൾ കോപ​മോ നീരസ​മോ കാട്ടണ​മോ? എബ്രായർ 12:5, 6-ൽ പൗലൊസ്‌ ഉദ്‌ബോ​ധി​പ്പി​ക്കു​ന്നു: “മകനേ, കർത്താ​വി​ന്റെ ശിക്ഷ നിരസി​ക്ക​രു​തു; അവൻ ശാസി​ക്കു​മ്പോൾ മുഷി​ക​യു​മ​രു​തു. കർത്താവു താൻ സ്‌നേ​ഹി​ക്കു​ന്ന​വനെ ശിക്ഷി​ക്കു​ന്നു; താൻ കൈ​ക്കൊ​ള്ളുന്ന ഏതു മകനെ​യും തല്ലുന്നു.” നിങ്ങൾക്കു ലഭിക്കുന്ന ശിക്ഷണം എന്തായി​രു​ന്നാ​ലും, ദൈവം നിങ്ങളെ സ്‌നേ​ഹി​ക്കു​ന്നു​വെ​ന്ന​തി​ന്റെ തെളി​വാ​യി അതിനെ കാണുക. യഥാർഥ അനുതാ​പം നമ്മുടെ കരുണാ​സ​മ്പ​ന്ന​നായ പിതാ​വായ യഹോ​വ​യാം ദൈവ​വു​മാ​യുള്ള ഉചിത​മായ ബന്ധത്തിൽ നിങ്ങളെ വീണ്ടും പുനഃ​സ്ഥാ​പി​ക്കു​മെന്ന്‌ ഓർമി​ക്കുക.

നിങ്ങളു​ടെ തെറ്റുകൾ സമ്മതി​ക്കു​ന്ന​തി​നു ധൈര്യം ആവശ്യ​മാണ്‌. എന്നാൽ അങ്ങനെ ചെയ്യു​ന്ന​തി​നാൽ, നിങ്ങളു​ടെ മാതാ​പി​താ​ക്ക​ളു​മാ​യി മാത്രമല്ല യഹോ​വ​യാം ദൈവ​വു​മാ​യി​ത്തന്നെ നിങ്ങൾക്കു കാര്യങ്ങൾ നേരെ​യാ​ക്കാൻ കഴിയും. സഹായം നേടു​ന്ന​തിൽനി​ന്നു നിങ്ങളെ തടയാൻ ഭയത്തെ​യോ അഹങ്കാ​ര​ത്തെ​യോ നാണ​ക്കേ​ടി​നെ​യോ അനുവ​ദി​ക്ക​രുത്‌. ഓർമി​ക്കുക: യഹോവ “ധാരാളം ക്ഷമിക്കും.”—യെശയ്യാ​വു 55:7.

[അടിക്കു​റി​പ്പു​കൾ]

[12-ാം പേജിലെ ആകർഷ​ക​വാ​ക്യം]

‘തങ്ങളുടെ ഹൃദയ​ങ്ങളെ യഹോ​വ​യി​ങ്ക​ലേക്കു തുറക്കാൻ പാപം ചെയ്‌ത എല്ലാവ​രെ​യും ഞാൻ പ്രോ​ത്സാ​ഹി​പ്പി​ക്കു​ന്നു.’—ആൻഡ്രൂ

[11-ാം പേജിലെ ചിത്രം]

നിങ്ങളുടെ മാതാ​പി​താ​ക്ക​ളോ​ടു കുറ്റം ഏറ്റുപ​റ​യു​ന്നത്‌ ആത്മീയ സൗഖ്യ​മാ​ക​ലി​ലേക്കു നയി​ച്ചേ​ക്കാ​വു​ന്ന​താണ്‌