വിനോ​ദ​ത്തിന്‌ എന്തു സംഭവി​ച്ചി​രി​ക്കു​ന്നു?

തങ്ങൾ സംസ്‌കാ​ര​ത്തി​ന്റെ ഉച്ചിയി​ലാ​ണെന്നു വിശ്വ​സി​ച്ചി​രുന്ന പുരാതന റോമാ​ക്കാർക്ക്‌ സഹമനു​ഷ്യ​രു​ടെ തീവ്ര​വേ​ദ​നയെ വിനോ​ദ​മാ​യി വീക്ഷി​ക്കാൻ കഴിയു​മാ​യി​രു​ന്ന​തെ​ങ്ങനെ? “പുതി​യ​തും കൂടുതൽ ശക്തവു​മായ ഉത്തേജ​ക​ങ്ങൾക്കാ​യുള്ള അഭിവാ​ഞ്‌ഛ​കൊ​ണ്ടെന്നേ അതിനെ വിശദീ​ക​രി​ക്കാ​നാ​വൂ” എന്ന്‌ പുറജാ​തീ​യ​ത​യു​മാ​യുള്ള ക്രിസ്‌ത്യാ​നി​ത്വ​ത്തി​ന്റെ ആശയസം​ഘ​ട്ടനം (ഇംഗ്ലീഷ്‌) എന്ന പുസ്‌ത​ക​ത്തിൽ ഗാർഹാർഡ്‌ ഉൾഹോൻ എഴുതു​ന്നു. “സാധ്യ​മായ സമസ്‌ത വിനോ​ദ​ങ്ങ​ളും ആസ്വദി​ച്ചു​മ​ടുത്ത ജനങ്ങൾ . . . മറ്റെങ്ങും അവർ ഒരിക്ക​ലും കണ്ടിട്ടി​ല്ലാത്ത ഒരു ഉന്മത്തത അന്വേ​ഷി​ച്ചു.”

ഒട്ടനവ​ധി​യാ​ളു​കൾ ഇന്ന്‌ “പുതി​യ​തും കൂടുതൽ ശക്തവു​മായ ഉത്തേജ​ക​ങ്ങൾക്കാ​യുള്ള” സമാന​മാ​യൊ​രു “അഭിവാഞ്‌ഛ” പ്രകട​മാ​ക്കു​ന്നു. യഥാർഥ​മായ രക്തംചി​ന്തുന്ന കശാപ്പു​ക​ളോ ദുർവൃ​ത്തി​യോ കാണാ​നാ​യി അവർ ഒരുമി​ച്ചു കൂടി​യേ​ക്കു​ക​യി​ല്ലെ​ന്നു​ള്ളതു സത്യം​തന്നെ. എന്നാൽ അവർ തിര​ഞ്ഞെ​ടു​ക്കുന്ന വിനോ​ദങ്ങൾ അക്രമ​ത്തോ​ടും ലൈം​ഗി​ക​ത​യോ​ടു​മുള്ള സമാന​മാ​യൊ​രു നിരന്ത​രാ​ഭി​വാ​ഞ്‌ഛയെ വെളി​പ്പെ​ടു​ത്തു​ന്നു. ചില ദൃഷ്ടാ​ന്തങ്ങൾ പരിഗ​ണി​ക്കുക.

ചലച്ചി​ത്ര​ങ്ങൾ. കഴിഞ്ഞ ഏതാനും വർഷങ്ങ​ളാ​യി ചലച്ചി​ത്ര​നിർമാ​താ​ക്കൾ “വികട​ത്ത​ര​ത്തിന്‌ പ്രാമു​ഖ്യത” കൽപ്പി​ച്ചി​രി​ക്കു​ന്നു​വെന്ന്‌ ചലച്ചിത്ര നിരൂ​പ​ക​നായ മൈക്കിൾ മെഡ്‌വെഡ്‌ തറപ്പിച്ചു പറയുന്നു. അദ്ദേഹം കൂട്ടി​ച്ചേർക്കു​ന്നു: “കുലീ​ന​ത​യോ നന്മയോ കൈമാ​റാ​നുള്ള ഏതൊരു ശ്രമ​ത്തെ​ക്കാ​ളും ചലച്ചി​ത്ര​രം​ഗത്ത്‌ കൂടുതൽ ഗൗരവാ​വ​ഹ​മായ പരിചി​ന്തനം, യാന്ത്രി​ക​മായ ആദരവ്‌, അർഹി​ക്കു​ന്നത്‌ ക്രൂര​ത​യു​ടെ​യും ഉന്മാദ​ത്തി​ന്റെ​യും ചിത്രീ​ക​ര​ണ​ങ്ങ​ളാ​ണെന്നു തോന്നു​ന്നു.”

സിനിമ തിയേ​റ്റ​റു​ക​ളി​ലേക്ക്‌ ആളുകളെ ആകർഷി​ക്കു​ന്ന​തിന്‌ മിക്കവാ​റും ഏതള​വോ​ളം വേണ​മെ​ങ്കി​ലും പോകാൻ ടെലി​വി​ഷ​നു​മാ​യുള്ള മത്സരം ചലച്ചിത്ര നിർമാ​താ​ക്കളെ നിർബ​ന്ധി​ക്കു​ന്നു. “ആളുകൾ ടിവി-യിൽ കാണുന്ന എല്ലാ പരിപാ​ടി​ക​ളെ​ക്കാ​ളും പാരു​ഷ്യ​ത്തിൽ മികച്ചു​നിൽക്കുന്ന, ശക്തവും ശ്രദ്ധപി​ടി​ച്ചു​പ​റ്റു​ന്ന​തു​മായ ചലച്ചി​ത്ര​ങ്ങ​ളാണ്‌ ഞങ്ങൾക്കാ​വ​ശ്യം” എന്ന്‌ ഒരു ചലച്ചിത്ര സ്റ്റുഡി​യോ​യു​ടെ അധ്യക്ഷൻ പറയുന്നു. “രക്തംചി​ന്തുന്ന രംഗങ്ങ​ളും [അസഭ്യ] ഭാഷയും അവതരി​പ്പി​ക്കാൻ ഞങ്ങൾ പ്രതി​ജ്ഞാ​ബ​ദ്ധരല്ല, എന്നാൽ ഒരു സിനിമ പുറത്തി​റ​ക്ക​ണ​മെ​ങ്കിൽ ഇന്ന്‌ ആവശ്യ​മാ​യി​രി​ക്കു​ന്നത്‌ അതാണ്‌.” തീർച്ച​യാ​യും, സിനി​മ​യി​ലെ ഏറ്റവും പ്രകട​മായ അക്രമം​പോ​ലും ഒട്ടുമി​ക്ക​വ​രെ​യും മേലാൽ ഞെട്ടി​ക്കു​ന്നില്ല. “ആളുകൾ അക്രമ​രം​ഗ​ങ്ങ​ളോ​ടു വേദക​ത്വ​മി​ല്ലാ​ത്ത​വ​രാ​യി​ക്കൊ​ണ്ടി​രി​ക്കു​ന്നു” എന്ന്‌ ചലച്ചിത്ര ഡയറക്ട​റായ അലൻ ജെ. പക്കുലാ പറയുന്നു. “മരണസം​ഖ്യ നാലി​ര​ട്ടി​യാ​യി​രി​ക്കു​ന്നു, സ്‌ഫോ​ട​ന​ശക്തി അത്യന്തം വർധി​ച്ചി​രി​ക്കു​ന്നു, എന്നാൽ ആളുകൾ ഞെട്ടൽ അനുഭ​വ​പ്പെ​ടാത്ത നിലയി​ലാ​യി​ക്കൊ​ണ്ടി​രി​ക്കു​ന്നു. മൃഗീ​യ​മായ വൈകാ​രിക പ്രക്ഷു​ബ്ധ​ത​ക്കാ​യുള്ള അടങ്ങാത്ത ഒരാ​ഗ്രഹം അവർ വളർത്തി​യെ​ടു​ത്തി​രി​ക്കു​ന്നു.”

ടെലി​വി​ഷൻ. ബ്രസീൽ, യൂറോപ്പ്‌, ജപ്പാൻ എന്നിവി​ട​ങ്ങ​ളിൽ ഉൾപ്പെടെ ലോക​ത്തി​ന്റെ മിക്ക ഭാഗങ്ങ​ളി​ലും ടിവി-യിലൂ​ടെ​യുള്ള ലൈം​ഗി​ക​ത​യു​ടെ നിർല​ജ്ജ​മായ ചിത്രീ​ക​രണം ഇപ്പോൾ സാധാ​ര​ണ​മാണ്‌. അമേരി​ക്ക​യി​ലെ ഒരു ശരാശരി ടിവി നിരീ​ക്ഷകൻ ഒരൊറ്റ വർഷം​തന്നെ ഏതാണ്ട്‌ 14,000 ലൈം​ഗിക ചർച്ചക​ളോ ചിത്രീ​ക​ര​ണ​ങ്ങ​ളോ കാണുന്നു. “ലൈം​ഗിക പ്രതി​പാ​ദ്യ​വി​ഷ​യ​ത്തി​ന്റെ​യും തുറന്നു​കാ​ട്ട​ലി​ന്റെ​യും വർധനവ്‌ ഒരു കുറഞ്ഞു​വ​ര​ലി​ന്റെ യാതൊ​രു ലക്ഷണവും കാണി​ക്കു​ന്നില്ല” എന്ന്‌ ഒരു ഗവേഷണ സംഘം പറയുന്നു. “നിഷിദ്ധ ബന്ധു​വേഴ്‌ച, പീഡി​പ്പിച്ച്‌ ആനന്ദം​കൊ​ള്ളൽ, മൃഗസം​ഭോ​ഗം തുടങ്ങി ഒരിക്കൽ വിലക്ക​പ്പെ​ട്ടി​രുന്ന വിഷയങ്ങൾ, ഏറ്റവു​മ​ധി​കം ആളുകൾ ടെലി​വി​ഷൻ കാണുന്ന സമയത്തെ ആദായ​മാർഗ​മാ​യി​ത്തീർന്നി​രി​ക്കു​ന്നു.”

വാച്ചിങ്‌ അമേരിക്ക എന്ന പുസ്‌തകം പറയു​ന്ന​ത​നു​സ​രിച്ച്‌, ടെലി​വി​ഷന്റെ അനുവാ​ദാ​ത്മക ഭ്രാന്തിന്‌ ഒരു കാരണ​മുണ്ട്‌. അതു പ്രസ്‌താ​വി​ക്കു​ന്നു: “ലൈം​ഗി​കത ചിത്രീ​ക​രി​ക്കു​ന്നത്‌ ആദായ​ക​ര​മാണ്‌. . . . തങ്ങൾ മുറി​പ്പെ​ടു​ത്തു​ന്ന​വ​രെ​ക്കാൾ കൂടുതൽ നിരീ​ക്ഷ​കരെ രോമാ​ഞ്ചം കൊള്ളി​ക്കു​ക​യാ​യി​രു​ന്നു​വെന്ന്‌ നെറ്റ്‌വർക്ക്‌ സ്റ്റേഷനു​ക​ളും നിർമാണ കമ്പനി​ക​ളും കണ്ടെത്തി​യി​രി​ക്കു​ന്നു, എന്നത്തേ​തി​ലു​മ​ധി​കം പരസ്യ​മായ രീതി​യിൽ അധിക​മ​ധി​കം വിലക്കു​കൾ ലംഘി​ക്കാൻ അനുവ​ദി​ച്ചു​കൊണ്ട്‌ അവർ ക്രമേണ തങ്ങളുടെ ആദായ​സാ​ധ്യത വർധി​പ്പി​ച്ചി​രി​ക്കു​ന്നു.”

വീഡി​യോ കളികൾ. പാക്‌-മാന്റെ​യും ഡോങ്കി കോങി​ന്റെ​യും താരത​മ്യേന നിർദോ​ഷ​മാ​യി​രുന്ന കാലഘട്ടം ക്രൂര​ത​യിൽ ആനന്ദം​കൊ​ള്ളുന്ന ഭീതി​ദ​മായ കളിക​ളു​ടെ യുഗത്തി​നു വഴിമാ​റി​ക്കൊ​ടു​ത്തി​രി​ക്കു​ന്നു. പ്രൊ​ഫസർ മാർഷാ കിൻഡെർ ഈ കളികളെ “ടിവി-യെയും ചലച്ചി​ത്ര​ത്തെ​യും​കാൾ മോശ​മാ​യവ” എന്നു വർണി​ക്കു​ന്നു. “ആധിപ​ത്യം നേടാ​നുള്ള ഏക മാർഗം അക്രമ​മാ​ണെ​ന്നുള്ള സന്ദേശം അവ നൽകുന്നു.”

പൊതു​ജ​നാ​കു​ലത നിമിത്തം, ഐക്യ​നാ​ടു​ക​ളി​ലെ ഒരു പ്രമുഖ നിർമാ​ണ​ക​മ്പനി ഇപ്പോൾ അതിന്റെ വീഡി​യോ കളിക​ളിൽ ഇനംതി​രി​ക്കൽ സംവി​ധാ​നം ഏർപ്പെ​ടു​ത്തി​യി​രി​ക്കു​ന്നു. “MA-17” ലേബലുള്ള—“പക്വത​യാർന്ന” പ്രസ്‌തുത കളി 17 വയസ്സിനു താഴെ​യു​ള്ള​വർക്ക്‌ അനു​യോ​ജ്യ​മ​ല്ലെന്നു സൂചി​പ്പി​ക്കു​ന്നു—ഒന്നിൽ കടുത്ത അക്രമം, ലൈം​ഗിക വിഷയങ്ങൾ, ദൈവ​നിന്ദ എന്നിവ ഉണ്ടായി​രു​ന്നേ​ക്കാം. എന്നാൽ “പക്വത​യാർന്ന” എന്നുള്ള ഇനംതി​രി​ക്കൽ കളിയു​ടെ ജനപ്രീ​തി വർധി​ക്കാ​നേ ഉപകരി​ക്കു​ക​യു​ള്ളെന്ന്‌ ചിലർ ഭയപ്പെ​ടു​ന്നു. “ഞാനൊ​രു 15 വയസ്സു​കാ​ര​നാ​യി​രി​ക്കു​ക​യും ഒരു MA-17 ലേബൽ കാണു​ക​യും ചെയ്‌തി​രു​ന്നെ​ങ്കിൽ ഏതു വിധേ​ന​യും ഞാൻ ആ കളി വാങ്ങു​മാ​യി​രു​ന്നു” എന്ന്‌ വീഡി​യോ കളിയിൽ അങ്ങേയറ്റം താത്‌പ​ര്യ​മുള്ള ഒരു ചെറു​പ്പ​ക്കാ​രൻ പറയുന്നു.

സംഗീതം. 1995 ഒടുവിൽ, ഏറ്റവും പ്രമു​ഖ​മായ 40 ആൽബങ്ങ​ളിൽ 10 എണ്ണം മാത്രമേ അശ്ലീല​ത്തിൽനി​ന്നോ മയക്കു​മ​രുന്ന്‌, അക്രമം, ലൈം​ഗി​കത എന്നിവ​യോ​ടുള്ള ബന്ധത്തിൽനി​ന്നോ മുക്തമാ​യി​രു​ന്നു​ള്ളൂ​വെന്ന്‌ ജനരഞ്‌ജക സംഗീ​ത​ത്തി​ന്റെ ഉള്ളടക്കം പരി​ശോ​ധി​ക്കുന്ന ഒരു മാസിക അവകാ​ശ​പ്പെ​ടു​ന്നു. “കൗമാ​ര​പ്രാ​യ​ത്തിൽ എത്താത്ത​വർക്കു ലഭ്യമാ​യി​രി​ക്കുന്ന സംഗീതം ഞെട്ടി​പ്പി​ക്കു​ന്ന​താണ്‌, അവയി​ല​നേ​ക​വും പൂർണ​മാ​യും പരമ്പരാ​ഗത മൂല്യ​ങ്ങൾക്കു വിരു​ദ്ധ​മാണ്‌” എന്ന്‌ സെൻറ്‌ ലോഷ്യസ്‌ പോസ്റ്റ്‌-ഡിസ്‌പാച്ച്‌ റിപ്പോർട്ടു ചെയ്യുന്നു. “ചില കൗമാ​ര​പ്രാ​യ​ക്കാർക്ക്‌ ആകർഷ​ക​മായ [സംഗീതം] ക്രോ​ധ​വും പ്രത്യാ​ശ​യി​ല്ലാ​യ്‌മ​യും നിറഞ്ഞ​തും ലോക​വും അതു കേൾക്കു​ന്ന​വൻത​ന്നെ​യും നാശഗ​തി​യി​ലാ​ണെ​ന്നുള്ള തോന്ന​ലു​കളെ പ്രോ​ത്സാ​ഹി​പ്പി​ക്കു​ന്ന​തു​മാണ്‌.”

ഡെത്ത്‌ മെറ്റൽ, “ഗ്രൂഞ്ച്‌” റോക്ക്‌, “തെരുവു” റാപ്പ്‌ എന്നിവ അക്രമ​ത്തിൽ മതിമ​റ​ന്നാ​ഹ്ലാ​ദി​ക്കു​ന്ന​താ​യി തോന്നു​ന്നു. സാൻ ഫ്രാൻസി​സ്‌കോ ക്രോ​ണി​ക്കിൾ റിപ്പോർട്ടു ചെയ്യു​ന്ന​ത​നു​സ​രിച്ച്‌, “ഏറ്റവും ഭയാന​ക​മായ ഗണത്തിൽപ്പെട്ടവ ഏറ്റവും വലിയ വിജയ​ത്തി​ലേ​ക്കുള്ള പാതയി​ലാ​ണെന്ന്‌ വിനോദ വ്യവസാ​യ​ത്തിൽ ഉൾപ്പെ​ട്ടി​രി​ക്കു​ന്നവർ പ്രവചി​ക്കു​ന്നു.” ക്രോ​ധ​ത്തെ​യും മരണ​ത്തെ​യും സ്‌തു​തി​ച്ചു​കൊ​ണ്ടുള്ള ഗാനങ്ങൾ ഓസ്‌​ട്രേ​ലിയ, യൂറോപ്പ്‌, ജപ്പാൻ എന്നിവി​ട​ങ്ങ​ളിൽ ഇപ്പോൾ വളരെ ജനസമ്മി​തി​യാർജി​ച്ചി​രി​ക്കു​ന്നു. ചില ബ്രാൻഡു​കൾ കൂടുതൽ സൗമ്യ​മായ ആശയം സ്വീക​രി​ക്കാൻ ശ്രമി​ച്ചി​രി​ക്കു​ന്നു​വെ​ന്നതു സത്യം​തന്നെ. എന്നിരു​ന്നാ​ലും, “നിർദോഷ സംഗീ​ത​ത്തിന്‌ കാര്യ​മായ വിപണി​യി​ല്ലെന്നു തെളിവു സൂചി​പ്പി​ക്കു​ന്ന​താ​യി” ക്രോ​ണി​ക്കിൾ അഭി​പ്രാ​യ​പ്പെ​ടു​ന്നു.

കമ്പ്യൂ​ട്ട​റു​കൾ. ഒട്ടനവധി ക്രിയാ​ത്മക ഉപയോ​ഗ​ങ്ങ​ളുള്ള മൂല്യ​വ​ത്തായ ഉപകര​ണ​ങ്ങ​ളാ​ണിവ. എന്നാൽ, അശ്ലീല വിഷയങ്ങൾ വിതരണം ചെയ്യാൻ ചിലർ അവയും ഉപയോ​ഗി​ച്ചി​രി​ക്കു​ന്നു. ദൃഷ്ടാ​ന്ത​ത്തിന്‌, ഇതിൽ ഉൾക്കൊ​ള്ളു​ന്നത്‌ “വിലക്ഷ​ണ​മായ, അയുക്തി​ക​മാ​യി ആദരി​ക്ക​പ്പെ​ടുന്ന കാര്യ​ങ്ങൾമു​തൽ വേശ്യാ​വൃ​ത്തി​യും കുട്ടി​ക​ളു​മാ​യുള്ള ലൈം​ഗിക വികട​ത്ത​ര​ങ്ങ​ളും​വരെ എന്തി​നെ​യും കുറി​ച്ചുള്ള ചിത്ര​ങ്ങ​ളും വിവര​ങ്ങ​ളു​മാണ്‌—മുതിർന്ന ഒട്ടേ​റെ​പ്പേരെ ഞെട്ടി​പ്പി​ക്കുന്ന വിഷയ​ങ്ങൾതന്നെ, അവരുടെ കുട്ടി​ക​ളു​ടെ കാര്യം പറയാ​നു​മില്ല” എന്ന്‌ മക്ലീൻസ്‌ മാഗസിൻ റിപ്പോർട്ടു ചെയ്യുന്നു.

വായനാ സാമ​ഗ്രി​കൾ. ജനപ്രീ​തി​യാർജിച്ച ഒട്ടുമിക്ക പുസ്‌ത​ക​ങ്ങ​ളി​ലും ലൈം​ഗി​ക​ത​യും അക്രമ​വും കവി​ഞ്ഞൊ​ഴു​കു​ന്നു. ഐക്യ​നാ​ടു​ക​ളി​ലെ​യും കാനഡ​യി​ലെ​യും അടുത്ത​കാ​ലത്തെ ഒരു ഹരമാണ്‌ “ഞെട്ടി​ക്കുന്ന കൽപ്പി​തകഥ” എന്നു വിളി​ക്ക​പ്പെ​ട്ടി​രി​ക്കുന്ന, എട്ടുവ​യസ്സു മാത്രം പ്രായ​മുള്ള കുട്ടി​ക​ളെ​വരെ ലക്ഷ്യമാ​ക്കി​യുള്ള ഭീതി​ജ​ന​ക​മായ കഥകൾ. ഈ പുസ്‌ത​കങ്ങൾ “കൊച്ചു​കു​ട്ടി​കളെ വേദക​ത്വ​മി​ല്ലാ​ത്ത​വ​രാ​ക്കു​ന്നു, അവരുടെ മാനസിക പ്രാപ്‌തി വികാ​സം​പ്രാ​പി​ച്ചു തുടങ്ങു​ന്ന​തി​നു മുമ്പു​തന്നെ അതിന്റെ വളർച്ച തടയുന്നു” എന്ന്‌ ന്യൂ​യോർക്ക്‌ ടീച്ചറിൽ എഴുതവേ ഡയനാ വെസ്റ്റ്‌ വാദിച്ചു.

ഹോ​ങ്കോംഗ്‌, ജപ്പാൻ, ഐക്യ​നാ​ടു​കൾ എന്നിവി​ട​ങ്ങ​ളിൽ പ്രസി​ദ്ധീ​ക​രിച്ച മിക്ക കോമിക്ക്‌ പുസ്‌ത​ക​ങ്ങ​ളും “തീവ്ര​വും മൃഗീ​യ​വു​മായ യുദ്ധ വിഷയങ്ങൾ, നരഭോ​ജനം, ശിര​ച്ഛേദം, സാത്താന്യ ആരാധന, ബലാൽസം​ഗം, ദൈവ​നിന്ദ” എന്നിവയെ വിശേ​ഷ​വ​ത്‌ക​രി​ക്കു​ന്നു​വെന്ന്‌ നാഷണൽ കൊയാ​ലീ​ഷൻ ഓൺ ടെലി​വി​ഷൻ വയലൻസ്‌ (എൻസി​ടി​വി) നടത്തിയ ഒരു പഠനം റിപ്പോർട്ടു ചെയ്യുന്നു. “ഈ മാസി​ക​ക​ളി​ലെ അക്രമ​ത്തി​ന്റെ​യും അധഃപ​തിച്ച ലൈം​ഗിക വിഷയ​ത്തി​ന്റെ​യും തീവ്രത ഞെട്ടി​ക്കു​ന്ന​താണ്‌” എന്ന്‌ എൻസി​ടി​വി-യുടെ ഗവേഷണ ഡയറക്ട​റായ ഡോ. തോമസ്‌ റാഡെക്കി പറയുന്നു. “എത്രമാ​ത്രം വേദക​ത്വ​മി​ല്ലാ​ത്ത​വ​രാ​യി​ത്തീ​രാൻ നാം സ്വയം അനുവ​ദി​ച്ചി​രി​ക്കു​ന്നു​വെന്ന്‌ ഇതു കാണി​ക്കു​ന്നു.”

ജാഗ്ര​ത​യു​ടെ ആവശ്യം

ഇന്നത്തെ ലോകത്ത്‌ ലൈം​ഗി​ക​ത​യ്‌ക്കും അക്രമ​ത്തി​നും ഒരു വശ്യശ​ക്തി​യു​ണ്ടെ​ന്നു​ള്ളതു വ്യക്തമാണ്‌. വിനോദ വ്യവസാ​യ​ത്തിൽ അതു പ്രതി​ഫ​ലി​ച്ചി​രി​ക്കു​ന്നു. ക്രിസ്‌തീയ അപ്പോ​സ്‌ത​ല​നായ പൗലൊസ്‌ വിവരി​ച്ച​തി​നോ​ടു സമാന​മാണ്‌ ഈ സാഹച​ര്യം: “[അവർ] മനം തഴമ്പി​ച്ചു​പോ​യവർ ആകയാൽ അത്യാ​ഗ്ര​ഹ​ത്തോ​ടെ സകല അശുദ്ധി​യും പ്രവർത്തി​പ്പാൻ ദുഷ്‌കാ​മ​ത്തി​ന്നു തങ്ങളെ​ത്തന്നേ ഏല്‌പി​ച്ചി​രി​ക്കു​ന്നു.” (എഫെസ്യർ 4:19) തക്കതായ കാരണ​ത്താൽ ഇന്ന്‌ അനേകർ മെച്ചമായ ചിലതി​നു​വേണ്ടി പരതുന്നു. നിങ്ങളും അതു ചെയ്യു​ന്നു​വോ? അങ്ങനെ​യെ​ങ്കിൽ, പിൻവ​രുന്ന ലേഖനം കാണി​ക്കു​ന്ന​തു​പോ​ലെ, നിങ്ങൾക്ക്‌ ആരോ​ഗ്യാ​വ​ഹ​മായ വിനോ​ദം കണ്ടെത്താൻ കഴിയു​മെ​ന്ന​റി​യു​ന്ന​തിൽ നിങ്ങൾ സന്തുഷ്ട​രാ​യി​രി​ക്കും.

[5-ാം പേജിലെ ചതുരം/ചിത്രം]

ടെലിവിഷൻ അപകട​ക​ര​മാ​യി​രി​ക്കാ​വു​ന്ന​താണ്‌

ഐക്യ​നാ​ടു​ക​ളിൽ, 1939-ലെ ന്യൂ​യോർക്ക്‌ ലോക​മേ​ള​യിൽ ടെലി​വി​ഷൻ പൊതു​ജന സമക്ഷത്ത്‌ ആദ്യമാ​യി രംഗ​പ്ര​വേശം ചെയ്‌തു. സന്നിഹി​ത​നാ​യി​രുന്ന ഒരു പത്ര​പ്ര​വർത്തകൻ ഈ പുതിയ ഉപാധി​യു​ടെ ഭാവി സംബന്ധിച്ച തന്റെ സന്ദേഹം പ്രകടി​പ്പി​ച്ചു. അദ്ദേഹം എഴുതി: “ആളുകൾ ഒരു സ്‌ക്രീ​നിൽ കണ്ണും​ന​ട്ടി​രി​ക്ക​ണ​മെ​ന്നു​ള്ള​താണ്‌ ടെലി​വി​ഷന്റെ പ്രശ്‌നം; സാധാരണ അമേരി​ക്കൻ കുടും​ബ​ത്തിന്‌ അതിനു സമയമില്ല.”

അദ്ദേഹ​ത്തി​ന്റെ അഭി​പ്രാ​യം എത്ര തെറ്റാ​യി​രു​ന്നു! തീർച്ച​യാ​യും, ഒരു സാധാരണ അമേരി​ക്ക​ക്കാ​രൻ സ്‌കൂൾപ​ഠനം പൂർത്തി​യാ​ക്കു​മ്പോ​ഴേ​ക്കും, ഒരു അധ്യാ​പ​കന്റെ മുമ്പിൽ ചെലവ​ഴി​ക്കു​ന്ന​തി​നെ​ക്കാൾ 50 ഇരട്ടി സമയം ടിവി-യുടെ മുമ്പിൽ ചെലവ​ഴി​ച്ചി​രി​ക്കും. “ശരാശ​രി​യി​ലും വളരെ കൂടുതൽ സമയം ടെലി​വി​ഷൻ കാണുന്ന വിദ്യാർഥി​കൾ കുറച്ചു സമയം മാത്രം കാണുന്ന വിദ്യാർഥി​ക​ളെ​ക്കാൾ ആക്രമ​ണോ​ത്സു​ക​രും മ്ലാനമ​ന​സ്‌ക്ക​രും തൂക്കം കൂടി​യ​വ​രും ഭാവനാ​ശ​ക്തി​യും സഹാനു​ഭൂ​തി​യും പഠന പ്രാപ്‌തി​യും കുറഞ്ഞ​വ​രും ആണ്‌” എന്ന്‌ അക്രമം വീക്ഷിക്കൽ (ഇംഗ്ലീഷ്‌) എന്ന തന്റെ പുസ്‌ത​ക​ത്തിൽ ഡോ. മാഡ്‌ലിൻ ലെവിൻ അവകാ​ശ​പ്പെ​ടു​ന്നു.

അവരുടെ ഉപദേ​ശ​മോ? “വീട്ടിലെ മറ്റേ​തൊ​രു ഉപകര​ണ​ത്തെ​യും പോലെ ടെലി​വി​ഷ​നും ഒരു നിർദിഷ്ട ഉപയോ​ഗ​മു​ണ്ടെന്നു കുട്ടി​കളെ പഠിപ്പി​ക്കേ​ണ്ട​തുണ്ട്‌. മുടി ഉണങ്ങി​ക്ക​ഴി​ഞ്ഞാൽ പിന്നെ ഹെയർ ഡ്രയറോ റൊട്ടി മൊരി​ഞ്ഞു കഴിഞ്ഞാൽപി​ന്നെ ടോസ്റ്റ​റോ നാം ഓണാക്കി വെക്കു​ക​യില്ല. ഈ ഉപകര​ണ​ങ്ങ​ളു​ടെ നിർദിഷ്ട ഉപയോ​ഗം നാം തിരി​ച്ച​റി​യു​ന്നു. അവ എപ്പോൾ ഓഫാ​ക്ക​ണ​മെന്നു നമുക്ക​റി​യാം. ടെലി​വി​ഷന്റെ കാര്യ​ത്തിൽ നമ്മുടെ കുട്ടികൾ സമാന​മാ​യി പഠിപ്പി​ക്ക​പ്പെ​ടണം.”

[7-ാം പേജിലെ ചതുരം/ചിത്രങ്ങൾ]

ലോകത്തെങ്ങുമുള്ള വിനോ​ദം

ഉണരുക! ലോക​ത്തി​ന്റെ അനേക ഭാഗങ്ങ​ളി​ലുള്ള അതിന്റെ ലേഖക​ന്മാ​രോ​ടു വിനോ​ദം സംബന്ധിച്ച അവരുടെ പ്രദേ​ശത്തെ പ്രവണത വിവരി​ക്കാൻ ആവശ്യ​പ്പെട്ടു. അവരുടെ അഭി​പ്രാ​യ​ങ്ങ​ളിൽ ചിലവ​യാണ്‌ പിൻവ​രു​ന്നവ.

ബ്രസീൽ: “ടിവി പരിപാ​ടി​കൾ അധിക​മ​ധി​കം അധഃപ​തി​ച്ച​താ​യി തീർന്നി​രി​ക്കു​ന്നു. എന്നിട്ടും, വീടി​നു​വെ​ളി​യിൽപോ​യി ജോലി​ചെ​യ്യു​ന്ന​വ​രു​ടെ കുട്ടികൾ മിക്ക​പ്പോ​ഴും ടിവി-കൊണ്ട്‌ സ്വയം വിനോ​ദി​ക്കാൻ അനുവ​ദി​ക്ക​പ്പെ​ടു​ന്നു. അതീ​ന്ദ്രിയ വിഷയ​ങ്ങ​ളുള്ള സിഡി-റോമു​ക​ളും കടുത്ത കുറ്റകൃ​ത്യം പ്രദീ​പ്‌ത​മാ​ക്കുന്ന വീഡി​യോ കളിക​ളും ജനരഞ്‌ജ​ക​മാണ്‌.”

ചെക്ക്‌ റിപ്പബ്ലിക്ക്‌: “കമ്മ്യൂ​ണി​സ​ത്തി​ന്റെ പതന​ത്തോ​ടെ, പാശ്ചാ​ത്യ​ദേ​ശ​ത്തു​നി​ന്നുള്ള ടിവി പരിപാ​ടി​ക​ളും അശ്ലീല​സാ​ഹി​ത്യ കടകളും ഉൾപ്പെടെ, ഇവിടെ മുമ്പൊ​രി​ക്ക​ലും കണ്ടിട്ടി​ല്ലാത്ത വിനോ​ദ​ങ്ങൾക്കൊണ്ട്‌ രാജ്യം നിറഞ്ഞി​രി​ക്കു​ന്നു. നിശാ​ക്ല​ബു​കൾ, ബില്യാർഡ്‌ ക്ലബുകൾ, ബാറുകൾ എന്നിവി​ട​ങ്ങ​ളി​ലൊ​ക്കെ യുവജ​നങ്ങൾ കൂടെ​ക്കൂ​ടെ പോകു​ന്നു. അതിരു​ക​വിഞ്ഞ പരസ്യം നൽകലും സമപ്രാ​യ​ക്കാ​രു​ടെ സമ്മർദ​വും മിക്ക​പ്പോ​ഴും അവരിൽ ശക്തമാ​യൊ​രു സ്വാധീ​നം ചെലു​ത്തു​ന്നു.”

ജർമനി: “നിർഭാ​ഗ്യ​ക​ര​മെന്നു പറയട്ടെ, തങ്ങളുടെ കുട്ടി​കൾക്കാ​യി വിനോ​ദം ക്രമീ​ക​രി​ക്കാ​നാ​കാ​ത്ത​വി​ധം ഒട്ടുമിക്ക മാതാ​പി​താ​ക്ക​ളും അത്ര ക്ഷീണി​ത​രാണ്‌. അതു​കൊണ്ട്‌ വിനോ​ദ​ത്തി​നാ​യി ചെറു​പ്പ​ക്കാർ അന്യോ​ന്യം ആശ്രയി​ക്കു​ന്നു. ചിലർ കമ്പ്യൂട്ടർ കളിക​ളു​മാ​യി സ്വയം ഒറ്റപ്പെ​ടു​ന്നു. മറ്റുള്ളവർ, റേവ്‌ എന്നു വിളി​ക്ക​പ്പെ​ടുന്ന, മുഴു​രാ​ത്രി​യും നീണ്ടു​നിൽക്കുന്ന ഡാൻസ്‌ സെഷനു​ക​ളിൽ പങ്കെടു​ക്കു​ന്നു. അവിടെ മയക്കു​മ​രു​ന്നു​കൾ സുലഭ​മാണ്‌.”

ജപ്പാൻ: “കോമിക്ക്‌ പുസ്‌ത​കങ്ങൾ ചെറു​പ്പ​ക്കാർക്കും മുതിർന്ന​വർക്കും ഇഷ്ടപ്പെട്ട നേരം​പോ​ക്കു​ക​ളാണ്‌. എന്നാൽ ഇവ മിക്ക​പ്പോ​ഴും അക്രമ​വും അധാർമി​ക​ത​യും ദുഷിച്ച ഭാഷയും നിറഞ്ഞ​താണ്‌. ചൂതാ​ട്ട​വും സാധാ​ര​ണ​മാണ്‌. അധാർമിക ലക്ഷ്യങ്ങ​ളോ​ടു​കൂ​ടിയ പുരു​ഷൻമാർക്ക്‌ ഒത്താശ​ചെ​യ്‌തു​കൊ​ടു​ക്കുന്ന വ്യാപ​ക​മാ​യി പരസ്യ​പ്പെ​ടു​ത്തിയ ടെല​ഫോൺ ക്ലബുക​ളി​ലേക്ക്‌ ചില യുവതി​കൾ ഫോൺചെ​യ്യു​ന്നു​വെ​ന്ന​താണ്‌ അസഹ്യ​പ്പെ​ടു​ത്തുന്ന മറ്റൊരു പ്രവണത. ചിലർ വെറു​മൊ​രു തമാശ​ക്കാ​യി വിളി​ക്കു​മ്പോൾ മറ്റുള്ളവർ കൂലി​ക്കു​വേ​ണ്ടി​യുള്ള ഡേറ്റി​ങി​ന്റെ ഘട്ടത്തോ​ളം പോകു​ന്നു. ചില കേസു​ക​ളിൽ അതു വേശ്യാ​വൃ​ത്തി​യി​ലേക്കു നയിക്കു​ന്നു.”

നൈജീരിയ: “നിയ​ന്ത്ര​ണ​വി​ധേ​യ​മ​ല്ലാത്ത വീഡി​യോ തിയേ​റ്റ​റു​കൾ പശ്ചിമാ​ഫ്രി​ക്ക​യി​ലു​ട​നീ​ളം വ്യാപി​ക്കു​ന്നു. ഈ താത്‌കാ​ലിക മുറി​ക​ളിൽ കുട്ടികൾ ഉൾപ്പെടെ ഏതു പ്രായ​ത്തി​ലു​ള്ള​വർക്കും പ്രവേ​ശ​ന​മുണ്ട്‌. അശ്ലീല​വും ഭീകര​വു​മായ വീഡി​യോ​കൾ പതിവാ​യി പ്രദർശി​പ്പി​ക്കു​ന്നു. അതിനു​പു​റമേ, സാധാ​ര​ണ​മാ​യി ആത്മവി​ദ്യ​യെ പ്രദീ​പ്‌ത​മാ​ക്കുന്ന പ്രാ​ദേ​ശി​ക​മാ​യി നിർമിച്ച ഫിലി​മു​കൾ ടിവി-യിൽ സം​പ്രേ​ഷണം ചെയ്യുന്നു.”

ദക്ഷിണാഫ്രിക്ക: “റേവുകൾ ഇവിടെ തഴച്ചു​വ​ള​രു​ന്നു. ഇവയിൽ മയക്കു​മ​രു​ന്നു​കൾ മിക്ക​പ്പോ​ഴും അനായാ​സം ലഭിക്കു​ന്നു.”

സ്വീഡൻ: “ബാറു​ക​ളും നിശാ​ക്ല​ബു​ക​ളും സ്വീഡ​നിൽ വിജയം​വ​രി​ക്കു​ന്നു. കുറ്റവാ​ളി​ക​ളും മയക്കു​മ​രു​ന്നു കള്ളക്കട​ത്തു​കാ​രും അത്തരം സ്ഥലങ്ങളിൽ തടിച്ചു​കൂ​ടു​ന്നു. ടെലി​വി​ഷ​നി​ലെ​യും വീഡി​യോ​യി​ലെ​യും വിനോ​ദം അക്രമ​വും ആത്മവി​ദ്യ​യും അധാർമി​ക​ത​യും നിറഞ്ഞ​താണ്‌.”