വെല്ലു​വി​ളി​യെ നേരിടൽ

ലൈം​ഗിക ധാർമി​ക​ത​യി​ന്മേ​ലുള്ള കടന്നാ​ക്ര​മണം ചെറു​പ്രാ​യ​ത്തിൽത്തന്നെ തുടങ്ങു​ന്നു. ലൈം​ഗി​ക​തയെ വിശേ​ഷ​വ​ത്‌ക​രി​ക്കുന്ന ടെലി​വി​ഷൻ, പുസ്‌ത​കങ്ങൾ, മാസി​കകൾ, ചലച്ചി​ത്രങ്ങൾ, സംഗീതം എന്നിവ​യു​ടെ ലഭ്യത​യാണ്‌ ഇതിനു കാരണം. വൈകാ​രിക സ്ഥിരത​യു​ടെ അഭാവ​ത്തിൽ, മുതിർന്ന​വ​രു​ടെ ലൈം​ഗിക പെരു​മാറ്റ മാതൃ​കകൾ സ്വീക​രി​ക്കാൻ യുവജ​നങ്ങൾ പ്രേരി​പ്പി​ക്ക​പ്പെ​ടു​ന്നു. യുവ​പ്രാ​യ​ത്തിൽത്തന്നെ ഡേറ്റിങ്‌ നടത്താൻ അനുവ​ദി​ച്ചു​കൊണ്ട്‌ ചില മാതാ​പി​താ​ക്കൾ ലൈം​ഗിക സമ്മർദം വർധി​പ്പി​ക്കു​ക​പോ​ലും ചെയ്യുന്നു. ഡേറ്റി​ങ്ങി​ലേർപ്പെ​ടാ​നുള്ള സമ്മർദം സമപ്രാ​യ​ക്കാ​രിൽനിന്ന്‌ ഉണ്ടാകു​ന്നു. സ്ഥിരമാ​യി ഒരു കാമു​ക​നോ കാമു​കി​യോ ഉള്ള യുവജ​ന​ങ്ങ​ളിൽ പലരും താമസി​യാ​തെ ജാഗ്രത കൈ​വെ​ടിഞ്ഞ്‌ ലൈം​ഗി​ക​ബ​ന്ധ​ത്തി​ലേർപ്പെ​ടു​ന്നു. “മാതാ​പി​താ​ക്കൾ തന്നെ സ്‌നേ​ഹി​ക്കു​ന്നി​ല്ലെന്നു തോന്നുന്ന ഒരു കൗമാ​ര​പ്രാ​യ​ക്കാ​രി . . . സ്‌നേ​ഹ​വും അടുപ്പ​വും കൈവ​രു​ത്തു​മെന്ന തെറ്റായ ധാരണ​യു​ടെ പുറത്ത്‌ തന്റെ കാമു​ക​നു​മാ​യി ലൈം​ഗി​ക​ബ​ന്ധ​ത്തി​ലേർപ്പെ​ടു​ന്നത്‌ . . . എത്ര സർവസാ​ധാ​ര​ണ​മായ സംഗതി​യാണ്‌,” കുടും​ബ​ങ്ങ​ളെ​ക്കു​റി​ച്ചു പഠിക്കുന്ന ഒരു പ്രൊ​ഫ​സ​റായ ലൂതർ ബേക്കർ നിരീ​ക്ഷി​ച്ചു.

യുവജ​ന​ങ്ങൾ തങ്ങളുടെ കൗമാ​രദശ ജീവി​ത​ത്തി​ന്റെ തയ്യാ​റെ​ടു​പ്പി​നുള്ള ഒരു കാലമാ​യി വിനി​യോ​ഗി​ക്കേ​ണ്ട​തി​നു​പ​കരം ജീവി​താ​സ്വാ​ദ​ന​ത്തിൽ മുഴു​കേണ്ട ഒരു ഘട്ടമായി വിനി​യോ​ഗി​ക്കു​ന്നു. കൗമാ​ര​ദ​ശ​യിൽ, “തങ്ങളുടെ പുതിയ പ്രാപ്‌തി​യിൽ ഊറ്റം​കൊണ്ട്‌, ലൈം​ഗിക ശൗര്യ​മാണ്‌ പുരു​ഷ​ത്വ​ത്തി​ന്റെ ലക്ഷണ​മെന്ന്‌ സമപ്രാ​യ​ക്കാ​രിൽനി​ന്നു ബോധ്യം​വന്ന്‌, പല യുവാ​ക്ക​ളും ലൈം​ഗിക ആഭാസ​ന്മാ​രാ​യി​ത്തീ​രു​ന്നു” എന്ന്‌ പ്രൊ​ഫസർ ബേക്കർ പറഞ്ഞു. യുവജ​ന​ങ്ങ​ളു​ടെ​മേൽ അടി​ച്ചേൽപ്പി​ക്ക​പ്പെ​ടുന്ന ഏതാണ്ട്‌ 30 വർഷം മുമ്പ്‌, ഈ ചതി​യെ​ക്കു​റിച്ച്‌ ചരി​ത്ര​കാ​ര​നായ അർനൾഡ്‌ ടോയൻബി വിലപി​ക്കു​ക​യു​ണ്ടാ​യി. കാരണം, ആധുനിക പാശ്ചാ​ത്യ​ലോ​ക​ത്തി​ന്റെ ബുദ്ധി​ശക്തി ഭാഗി​ക​മാ​യി അറിവു സമ്പാദി​ക്കാൻ സാധി​ക്ക​ത്ത​ക്ക​വി​ധം ‘ലൈം​ഗിക ശേഷി’ കുറെ​ക്കാ​ല​ത്തേക്കു മാറ്റി​വെ​ക്കാ​നുള്ള കൗമാ​ര​പ്രാ​യ​ക്കാ​രു​ടെ കഴിവി​ന്റെ ഫലമാ​ണെന്ന്‌ ചരിത്രം കാണി​ച്ചി​ട്ടു​ള്ള​താ​യി അദ്ദേഹം വിശ്വ​സി​ക്കു​ന്നു.

ക്രിയാ​ത്മക സ്വാധീ​നം ചെലു​ത്തുന്ന മാതാ​പി​താ​ക്കൾ

കൗമാ​ര​പ്രാ​യ​ക്കാ​രെ വിനോ​ദ​ത്തി​നാ​യി ഡേറ്റി​ങ്ങി​ലേർപ്പെ​ടാൻ അനുവ​ദി​ക്കാ​തി​രി​ക്കു​ക​വഴി മാതാ​പി​താ​ക്കൾ മക്കളുടെ ഭാവി ആരോ​ഗ്യ​ത്തി​നും സന്തോ​ഷ​ത്തി​നും വേണ്ടി യഥാർഥ കരുതൽ പ്രകട​മാ​ക്കു​ക​യാ​ണു ചെയ്യു​ന്നത്‌. ഉന്നത ധാർമിക നിലവാ​രങ്ങൾ പുലർത്തി​ക്കൊ​ണ്ടും നല്ല ആശയവി​നി​യമം നിലനിർത്തി​ക്കൊ​ണ്ടും അവർക്കു മക്കളുടെ ജീവി​തത്തെ സ്വാധീ​നി​ക്കാൻ കഴിയും. “ഈ സ്വാധീ​നം, ചെറു​പ്രാ​യ​ത്തി​ലേ ലൈം​ഗി​ക​ബ​ന്ധ​ത്തി​ലേർപ്പെ​ടു​ന്ന​തിൽനി​ന്നു കുട്ടി​കളെ തടയും” എന്ന്‌ യുവജ​ന​ങ്ങ​ളു​ടെ ലൈം​ഗിക സ്വഭാവം സംബന്ധിച്ച ഗവേഷ​ണങ്ങൾ സൂചി​പ്പി​ക്കു​ന്ന​താ​യി ജേർണൽ ഓഫ്‌ മാര്യേജ്‌ ആൻഡ്‌ ദ ഫാമിലി പറയുന്നു.

ആത്മശി​ക്ഷ​ണ​വും ഉത്തരവാ​ദി​ത്വ​വും സംബന്ധിച്ച്‌ കുട്ടി​കളെ നന്നായി ബോധ​വാ​ന്മാ​രാ​ക്കുന്ന മാതാ​പി​താ​ക്കൾക്ക്‌ ഏറ്റവും നല്ല ഫലങ്ങൾ ലഭിക്കു​ന്നു. “കൗമാ​ര​പ്രാ​യ​ക്കാ​രും അവരുടെ മാതാ​പി​താ​ക്ക​ളും ഉത്തരവാ​ദി​ത്വ​ത്തിന്‌ ഊന്നൽ നൽകുന്ന മൂല്യങ്ങൾ മുറുകെ പിടി​ക്കു​ക​യാ​ണെ​ങ്കിൽ, കൗമാ​ര​പ്രാ​യ​ക്കാർക്കി​ട​യി​ലെ അവിഹിത ഗർഭധാ​രണം ഗണ്യമാ​യി കുറയും” എന്ന്‌ ഒരു പഠനം സാക്ഷീ​ക​രി​ക്കു​ന്നു. ഇതിന്‌, കുട്ടി​ക​ളു​ടെ പ്രവർത്ത​ന​ങ്ങ​ളിൽ മാതാ​പി​താ​ക്കൾ ഉചിത​മാ​യി ഉൾപ്പെ​ടേ​ണ്ടത്‌—അവരുടെ ഗൃഹപാ​ഠങ്ങൾ നിരീ​ക്ഷി​ക്കു​ക​യും അവരെ​പ്പ​റ്റി​യും സഹചാ​രി​ക​ളെ​പ്പ​റ്റി​യും അറിയു​ക​യും വാസ്‌ത​വി​ക​മായ വിദ്യാ​ഭ്യാ​സ ലക്ഷ്യങ്ങൾ വെക്കു​ക​യും ആത്മീയ മൂല്യ​ങ്ങ​ളിൽ പങ്കുപ​റ്റു​ക​യും ചെയ്യേ​ണ്ടത്‌—ആവശ്യ​മാണ്‌. മാതാ​പി​താ​ക്ക​ളു​മാ​യി ഇതു​പോ​ലെ അടുത്ത സഹവർത്തി​ത്വ​ത്തിൽ വളർന്നു​വ​രുന്ന കുട്ടി​കൾക്കു തങ്ങളെ​ക്കു​റി​ച്ചു​തന്നെ മതിപ്പു​ണ്ടാ​യി​രി​ക്കു​മെന്നു മാത്രമല്ല ലൈം​ഗിക കാര്യ​ങ്ങ​ളെ​ക്കു​റിച്ച്‌ അവർ അസ്വസ്ഥ​രാ​കു​ക​യു​മില്ല.

മാതാ​പി​താ​ക്കൾക്കും കുട്ടി​കൾക്കും പറ്റിയ ഏറ്റവും നല്ല ഉപദേശം ബൈബി​ളിൽ കാണ​പ്പെ​ടുന്ന ജ്ഞാനമാണ്‌. തങ്ങളുടെ മക്കൾക്ക്‌ ഉചിത​മായ ധാർമിക മൂല്യങ്ങൾ പഠിപ്പി​ച്ചു​കൊ​ടു​ക്ക​ണ​മെന്ന്‌ ഇസ്രാ​യേ​ലി​ലെ മാതാ​പി​താ​ക്ക​ളോ​ടു കൽപ്പി​ച്ചി​രു​ന്നു. യഹോവ അവരോട്‌ ഇപ്രകാ​രം ചോദി​ച്ചു: “ഞാൻ ഇന്നു നിങ്ങളു​ടെ മുമ്പിൽ വെക്കുന്ന ഈ സകലന്യാ​യ​പ്ര​മാ​ണ​വും​പോ​ലെ ഇത്ര നീതി​യുള്ള ചട്ടങ്ങളും വിധി​ക​ളും ഉള്ള ശ്രേഷ്‌ഠ​ജാ​തി ഏതുള്ളൂ?” കുടും​ബ​ത്തി​ലെ ഊഷ്‌മ​ള​ത​യു​ടെ​യും ഉറ്റബന്ധ​ത്തി​ന്റെ​യും പശ്ചാത്ത​ല​ത്തിൽ അവർ തങ്ങളുടെ മക്കളെ പഠിപ്പി​ക്കേ​ണ്ടി​യി​രു​ന്നത്‌ ഈ ‘നീതി​യുള്ള ചട്ടങ്ങൾ’ ആയിരു​ന്നു. “നീ അവയെ നിന്റെ മക്കൾക്കു ഉപദേ​ശി​ച്ചു​കൊ​ടു​ക്ക​യും നീ വീട്ടിൽ ഇരിക്കു​മ്പോ​ഴും വഴി നടക്കു​മ്പോ​ഴും കിടക്കു​മ്പോ​ഴും എഴു​ന്നേ​ല്‌ക്കു​മ്പോ​ഴും അവയെ​ക്കു​റി​ച്ചു സംസാ​രി​ക്കു​ക​യും വേണം.” കുട്ടി​കൾക്ക്‌ ഇപ്രകാ​ര​മുള്ള ബുദ്ധ്യു​പ​ദേശം നൽകി: ‘നിന്റെ അപ്പന്റെ കല്‌പന പ്രമാ​ണിക്ക; അമ്മയുടെ ഉപദേശം ഉപേക്ഷി​ക്ക​യു​മ​രുത്‌.’ മാതാ​വി​ന്റെ​യും പിതാ​വി​ന്റെ​യും അത്തരം ഊഷ്‌മ​ള​മായ, അടുത്ത ആശയവി​നി​മ​യ​വും നിർദേ​ശ​ങ്ങ​ളും, ജീവി​ത​ത്തോ​ടും ലൈം​ഗി​ക​ത​യോ​ടും സന്തുലി​ത​മായ ഒരു മനോ​ഭാ​വം കുട്ടി​ക​ളിൽ ഉളവാ​ക്കും. അത്‌, ഒരു യുവവ്യ​ക്തി​യെ ജീവി​ത​ത്തി​ലു​ട​നീ​ളം “കാക്കും.”—ആവർത്ത​ന​പു​സ്‌തകം 4:8; 6:7; സദൃശ​വാ​ക്യ​ങ്ങൾ 6:20, 22.

യുവാ​ക്ക​ളേ, ലൈം​ഗിക പ്രചോ​ദ​ന​ങ്ങൾക്കു വശംവ​ദ​രാ​യി​ക്കൊണ്ട്‌ എന്തിനു നിങ്ങളു​ടെ ഭാവി നശിപ്പി​ക്കണം? കൗമാരം എന്നു പറയു​ന്നത്‌ ഏഴു വർഷമാണ്‌. മാനസി​ക​വും ശാരീ​രി​ക​വും ആത്മീയ​വു​മാ​യി വളരാ​നും ജീവി​ത​ത്തി​ന്റെ അടുത്ത 50-ഓ 60-ഓ വർഷ​ത്തേക്കു വേണ്ടി​യുള്ള തയ്യാ​റെ​ടു​പ്പെന്ന നിലയിൽ, ലൈം​ഗി​കത സംബന്ധിച്ച്‌ സന്തുലി​ത​മായ ഒരു മനോ​ഭാ​വം വളർത്തി​യെ​ടു​ക്കാ​നു​മാണ്‌ ഈ കാലഘട്ടം വിനി​യോ​ഗി​ക്കേ​ണ്ടത്‌. മാതാ​പി​താ​ക്കളേ, നിങ്ങളു​ടെ ദൈവദത്ത ഉത്തരവാ​ദി​ത്വം ഗൗരവ​മാ​യെ​ടുത്ത്‌ ലൈം​ഗി​ക​രോ​ഗ​ങ്ങ​ളും അനാവശ്യ ഗർഭധാ​ര​ണ​ങ്ങ​ളും നിമി​ത്ത​മു​ണ്ടാ​കുന്ന മാനസിക തകർച്ച​യിൽനി​ന്നു നിങ്ങളു​ടെ മക്കളെ സംരക്ഷി​ക്കുക. (സഭാ​പ്ര​സം​ഗി 11:10) സ്‌നേ​ഹ​വും മറ്റുള്ള​വ​രോ​ടുള്ള പരിഗ​ണ​ന​യും നിലനിൽക്കുന്ന ബന്ധങ്ങൾ കെട്ടി​പ്പ​ടു​ക്കു​ന്ന​തെ​ങ്ങ​നെ​യെന്ന്‌ നിങ്ങളു​ടെ ദൈനം​ദിന ജീവി​ത​ത്തിൽനി​ന്നു മക്കൾ കണ്ടുപ​ഠി​ക്കട്ടെ.

വെല്ലു​വി​ളി​യെ വിജയ​പ്ര​ദ​മാ​യി നേരിടൽ

ജീവി​ത​ത്തെ​ക്കു​റി​ച്ചുള്ള നിങ്ങളു​ടെ കാഴ്‌ച​പ്പാ​ടി​നെ വികല​മാ​ക്കാ​നും സംതൃ​പ്‌ത​വും സന്തുഷ്ട​വു​മായ ഒരു കുടും​ബ​ജീ​വി​തം നയിക്കാൻ നിങ്ങൾക്കു ലഭിച്ചി​രി​ക്കുന്ന അവസരം പാഴാ​ക്കാ​നും ഇക്കാലത്തെ ലൈം​ഗി​കാ​സ​ക്തി​യെ അനുവ​ദി​ക്ക​രുത്‌. ബൈബി​ളിൽ നൽകി​യി​രി​ക്കുന്ന, മനുഷ്യ​ബ​ന്ധ​ങ്ങ​ളു​ടെ നിരവധി ദൃഷ്ടാ​ന്ത​ങ്ങ​ളെ​ക്കു​റി​ച്ചു ധ്യാനി​ക്കുക. കൗമാ​ര​പ്രാ​യ​ത്തി​നു​ശേ​ഷ​വും ജീവി​ത​വും സ്‌നേ​ഹ​വും ആവേശം തുടി​ക്കു​ന്ന​തും അർഥവ​ത്തു​മാ​യി​രി​ക്കു​മെന്ന്‌ ഉറപ്പു​ണ്ടാ​യി​രി​ക്കുക. ക്രിസ്‌തീയ സ്‌ത്രീ​പു​രു​ഷ​ന്മാ​രെ സംബന്ധിച്ച ദൈ​വേ​ഷ്ട​ത്തി​നു ചേർച്ച​യിൽ ഈ യാഥാർഥ്യ​ത്തെ ആലോ​ച​നാ​പൂർവം പരിഗ​ണി​ക്കു​മ്പോ​ഴാണ്‌ പ്രേമ​ബ​ദ്ധ​രായ രണ്ടാളു​ക​ളു​ടെ നിലനിൽക്കുന്ന ഉറ്റബന്ധ​ത്തി​നു​വേണ്ട അടിസ്ഥാ​ന​മി​ട​പ്പെ​ടു​ന്നത്‌.

യാക്കോ​ബും റാഹേ​ലും, ബോവ​സും രൂത്തും, ഇടയബാ​ല​നും ശൂലേമ്യ കന്യക​യും പോലുള്ള ബൈബിൾ ജോഡി​ക​ളെ​ക്കു​റി​ച്ചു പരിചി​ന്തി​ക്കു​ക​യാ​ണെ​ങ്കിൽ അവരു​ടെ​യൊ​ക്കെ ബന്ധങ്ങളിൽ ലൈം​ഗി​കാ​കർഷണം ഒരു ഘടകമാ​യി​രു​ന്നു​വെന്നു നിങ്ങൾ കാണും. എന്നാൽ ഉല്‌പത്തി 28-ഉം 29-ഉം അധ്യാ​യ​ങ്ങ​ളും രൂത്തിന്റെ പുസ്‌ത​ക​വും ഉത്തമഗീ​ത​വും നിങ്ങൾ ശ്രദ്ധാ​പൂർവം വായി​ക്കു​ക​യാ​ണെ​ങ്കിൽ അത്തരം ബന്ധങ്ങളെ സമ്പുഷ്ട​മാ​ക്കിയ കൂടുതൽ പ്രാധാ​ന്യ​മുള്ള മറ്റു ഘടകങ്ങൾ ഉണ്ടെന്നു നിങ്ങൾ കണ്ടെത്തും.a

ജീവി​ത​ത്തി​നു​വേ​ണ്ടി​യുള്ള യഹോ​വ​യു​ടെ കരുത​ലു​കൾ സ്വീക​രി​ക്കു​ക

മനുഷ്യ​വർഗ​ത്തി​ന്റെ സ്രഷ്ടാ​വായ യഹോവ മനുഷ്യ​ന്റെ ലൈം​ഗി​ക​ത​യും ഉൾപ്പെ​ട്ടി​രി​ക്കുന്ന വികാ​ര​ങ്ങ​ളും മനസ്സി​ലാ​ക്കു​ന്നു. “അനുവാ​ദാ​ത്മ​ക​ത​യു​ടെ ജീനുക”ളോ​ടെയല്ല, മറിച്ച്‌ സ്‌നേ​ഹ​പൂർവം, ദൈ​വേ​ഷ്ട​ത്തി​നു യോജി​പ്പിൽ നമ്മുടെ വികാ​ര​ങ്ങളെ നിയ​ന്ത്രി​ക്കാ​നുള്ള പ്രാപ്‌തി​യോ​ടെ തന്റെ പ്രതി​ച്ഛാ​യ​യി​ലാണ്‌ അവൻ നമ്മെ സൃഷ്ടി​ച്ചി​രി​ക്കു​ന്നത്‌. ‘ദൈവ​ത്തി​ന്റെ ഇഷ്ടമോ നിങ്ങൾ ദുർന്ന​ടപ്പു വിട്ടൊ​ഴി​ഞ്ഞു ഓരോ​രു​ത്തൻ ദൈവത്തെ അറിയാത്ത ജാതി​ക​ളെ​പ്പോ​ലെ കാമവി​കാ​ര​ത്തി​ലല്ല, വിശു​ദ്ധീ​ക​ര​ണ​ത്തി​ലും മാനത്തി​ലും താന്താന്റെ പാത്രത്തെ നേടി​ക്കൊ​ള്ളട്ടെ. ഈ കാര്യ​ത്തിൽ ആരും അതി​ക്ര​മി​ക്ക​യും സഹോ​ദ​രനെ ചതിക്ക​യും അരുതു; ഞങ്ങൾ നിങ്ങ​ളോ​ടും മുമ്പെ പറഞ്ഞതു​പോ​ലെ ഈവ​കെക്കു ഒക്കെയും പ്രതി​കാ​രം ചെയ്യു​ന്നവൻ കർത്താ​വ​ല്ലോ.’—1 തെസ്സ​ലൊ​നീ​ക്യർ 4:3-6.

ലോക​മൊ​ട്ടാ​കെ​യുള്ള യഹോ​വ​യു​ടെ സാക്ഷി​ക​ളാൽ ഇത്‌ പ്രകട​മാ​ക്ക​പ്പെ​ടു​ന്നു. ക്രിസ്‌തീയ സ്‌ത്രീ​പു​രു​ഷ​ന്മാർക്കു​വേ​ണ്ടി​യുള്ള ദൈവ​ത്തി​ന്റെ ഉന്നത നിലവാ​രങ്ങൾ അവർ ആദരി​ക്കു​ന്നു. പ്രായ​മാ​യ​വരെ അപ്പനെ​പ്പോ​ലെ​യും ‘ഇളയവരെ സഹോ​ദ​ര​ന്മാ​രെ​പ്പോ​ലെ​യും മൂത്ത സ്‌ത്രീ​കളെ അമ്മമാ​രെ​പ്പോ​ലെ​യും ഇളയ സ്‌ത്രീ​കളെ പൂർണ്ണ​നിർമ്മ​ല​ത​യോ​ടെ സഹോ​ദ​രി​ക​ളെ​പ്പോ​ലെ​യും’ കരുതു​ന്നു. (1 തിമൊ​ഥെ​യൊസ്‌ 5:1, 2) പൂർണ യൗവ്വനം പ്രാപി​ക്കവേ, ഡേറ്റി​ങ്ങി​ലേർപ്പെ​ടാ​നും പക്വത​യെ​ത്താത്ത പ്രായ​ത്തിൽ വിവാ​ഹി​ത​രാ​കാ​നും ഉള്ള സമ്മർദ​മി​ല്ലാ​തെ അല്ലെങ്കിൽ ലൈം​ഗി​ക​രോ​ഗങ്ങൾ പിടി​പെ​ടു​മെന്ന ഭയമി​ല്ലാ​തെ യുവതീ​യു​വാ​ക്ക​ന്മാർക്കു ജീവിതം ആസ്വദി​ക്കാൻ പറ്റിയ എത്ര ആരോ​ഗ്യാ​വ​ഹ​മായ ഒരന്തരീ​ക്ഷം! ക്രിസ്‌തീയ സഭയാൽ ശക്തീക​രി​ക്ക​പ്പെട്ട, ജീവസ്സുറ്റ ക്രിസ്‌തീയ കുടും​ബം ലൈം​ഗിക ഭ്രാന്തു പിടി​പെട്ട ഒരു ലോക​ത്തിൽനി​ന്നുള്ള സുരക്ഷി​ത​മായ ഒരഭയ​കേ​ന്ദ്ര​മാണ്‌.

തങ്ങളുടെ ജീവി​ത​ത്തിൽ ബൈബിൾ തത്ത്വങ്ങൾ ബാധക​മാ​ക്കു​ന്ന​തു​കൊണ്ട്‌ ക്രിസ്‌തീയ യുവാക്കൾ ലൈം​ഗി​കാ​സ​ക്തി​യിൽനി​ന്നു വിമു​ക്ത​രാണ്‌. ദൈവ​വ​ച​ന​ത്തിൽ നൽകി​യി​രി​ക്കുന്ന ഈ ബുദ്ധ്യു​പ​ദേ​ശ​ത്തിന്‌ അവർ ചെവി​കൊ​ടു​ക്കു​ന്നു: “യൌവ​ന​ക്കാ​രാ, നിന്റെ യൌവ​ന​ത്തിൽ സന്തോ​ഷിക്ക; യൌവ​ന​കാ​ല​ത്തിൽ നിന്റെ ഹൃദയം ആനന്ദി​ക്കട്ടെ; നിനക്കു ഇഷ്ടമുള്ള വഴിക​ളി​ലും നിനക്കു ബോധി​ച്ച​വ​ണ്ണ​വും നടന്നു​കൊൾക; എന്നാൽ ഇവ ഒക്കെയും നിമിത്തം ദൈവം നിന്നെ ന്യായ​വി​സ്‌താ​ര​ത്തി​ലേക്കു വരുത്തും എന്നറിക. ആകയാൽ നിന്റെ ഹൃദയ​ത്തിൽനി​ന്നു വ്യസനം അകററി, നിന്റെ ദേഹത്തിൽനി​ന്നു തിന്മ നീക്കി​ക്കളക; ബാല്യ​വും യൌവ​ന​വും മായ അത്രേ.”—സഭാ​പ്ര​സം​ഗി 11:9, 10.

[അടിക്കു​റിപ്പ്‌]

[10-ാം പേജിലെ ആകർഷ​ക​വാ​ക്യം]

സംതൃപ്‌തവും സന്തുഷ്ട​വു​മായ ഒരു ഭാവി​ക്കുള്ള അവസരം നശിപ്പി​ക്കാൻ ലൈം​ഗി​കാ​സ​ക്തി​യെ അനുവ​ദി​ക്ക​രുത്‌

[9-ാം പേജിലെ ചിത്രം]

കുടുംബപ്രവർത്തനങ്ങളിൽ മുഴു​കുന്ന യുവാക്കൾ ലൈം​ഗിക അടുപ്പ​ത്തി​നുള്ള വഴികൾ തേടു​ന്ന​തി​നു സാധ്യത കുറവാണ്‌