ബൈബി​ളി​ന്റെ വീക്ഷണം

കോപം നിയ​ന്ത്രി​ക്കേ​ണ്ടത്‌ എന്തു​കൊണ്ട്‌?

അതൊരു അനിഷ്ട​സൂ​ച​ക​മായ തുടക്ക​മാ​യി​രു​ന്നു. “ഇപ്പോൾ ഞാൻ ഈ ഭവനത്തി​ന്റെ ശിരസ്സാണ്‌, ഇനിയി​ങ്ങനെ താമസി​ച്ചു​വ​ന്നു​കൊണ്ട്‌ എന്നെ കഷ്ടപ്പെ​ടു​ത്താൻ ഞാൻ നിന്നെ അനുവ​ദി​ക്കു​ക​യില്ല,” ജോൺ തന്റെ നവവധു​വായ ജിഞ്ചറി​നു നേരെ അലറി.a അയാളു​ടെ ആക്രോ​ശം 45 മിനി​റ്റി​ല​ധി​കം നീണ്ടു​നി​ന്നു. ആ സമയമ​ത്ര​യും സോഫാ​യിൽനിന്ന്‌ അനങ്ങി​പ്പോ​ക​രു​തെന്ന്‌ അയാൾ അവളോട്‌ ആവശ്യ​പ്പെട്ടു. ദുഷിച്ച സംസാരം അവരുടെ വിവാ​ഹ​ജീ​വി​ത​ത്തിൽ ഒരു സാധാരണ സംഗതി​യാ​യി​ത്തീർന്നു. സങ്കടക​ര​മെന്നു പറയട്ടെ, ജോണി​ന്റെ കോപ പ്രകൃതം ഒന്നി​നൊ​ന്നു വഷളായി. അയാൾ വാതി​ലു​കൾ വലിച്ച​ട​യ്‌ക്കു​ക​യും അടുക്കള മേശയിൽ ആഞ്ഞിടി​ക്കു​ക​യും സ്റ്റിയറി​ങ്ങിൽ ആഞ്ഞിടി​ച്ചു​കൊണ്ട്‌ നിയ​ന്ത്ര​ണ​മി​ല്ലാ​തെ വണ്ടി​യോ​ടി​ക്കു​ക​യും അങ്ങനെ മറ്റുള്ള​വ​രു​ടെ ജീവൻ അപകട​ത്തി​ലാ​ക്കു​ക​യും ചെയ്യു​മാ​യി​രു​ന്നു.

അത്തരം രംഗങ്ങൾ കൂടെ​ക്കൂ​ടെ അരങ്ങേ​റു​ന്നത്‌ സങ്കടക​ര​മായ സംഗതി​യാണ്‌, നിങ്ങൾ അതി​നോ​ടു തീർച്ച​യാ​യും യോജി​ക്കും. ആ മനുഷ്യ​ന്റെ കോപം നീതീ​ക​രി​ക്ക​ത്ത​ക്ക​താ​യി​രു​ന്നോ, അതോ അയാൾക്കു നിയ​ന്ത്രണം നഷ്ടമാ​യ​താ​യി​രു​ന്നോ? എല്ലാത്ത​ര​ത്തി​ലുള്ള കോപ​വും തെറ്റാ​ണോ? എപ്പോ​ഴാണ്‌ കോപം നിയ​ന്ത്ര​ണാ​തീ​ത​മാ​കു​ന്നത്‌? എപ്പോ​ഴാണ്‌ അത്‌ അമിത​മാ​കു​ന്നത്‌?

നിയ​ന്ത്ര​ണാ​ധീ​ന​മായ കോപം നീതീ​ക​രി​ക്ക​ത്ത​ക്ക​താണ്‌. ഉദാഹ​ര​ണ​ത്തിന്‌, പുരാ​ത​ന​കാ​ലത്തെ അധാർമിക നഗരങ്ങ​ളായ സോ​ദോ​മി​നും ഗൊ​മോ​റ​യ്‌ക്കു​മെ​തി​രെ ദൈവ​കോ​പം ആളിക്കത്തി. (ഉല്‌പത്തി 19:24) എന്തു​കൊണ്ട്‌? ആ പ്രദേ​ശ​ത്തുള്ള എല്ലാവർക്കും അറിയാ​മാ​യി​രു​ന്ന​തു​പോ​ലെ ആ നഗരങ്ങ​ളി​ലെ നിവാ​സി​കൾ അക്രമാ​സ​ക്ത​വും വഷളാ​യ​തു​മായ ലൈം​ഗിക നടപടി​ക​ളിൽ ഏർപ്പെ​ട്ടി​രു​ന്നു​വെ​ന്ന​താ​ണു കാരണം. ഉദാഹ​ര​ണ​ത്തിന്‌, ദൂത സന്ദേശ​വാ​ഹകർ നീതി​മാ​നായ ലോത്തി​നെ സന്ദർശി​ച്ച​പ്പോൾ യുവാ​ക്ക​ന്മാ​രും വൃദ്ധന്മാ​രും അടങ്ങുന്ന ഒരു കൂട്ടമാ​ളു​കൾ ലോത്തി​ന്റെ അതിഥി​കളെ കൂട്ടബ​ലാൽസം​ഗം ചെയ്യാൻ ശ്രമിച്ചു. യഹോ​വ​യാം ദൈവം ന്യായ​മാ​യും അവരുടെ കടുത്ത ദുർമാർഗ​ത്തിൽ കുപി​ത​നാ​യി.—ഉല്‌പത്തി 18:20; 19:4, 5, 9.

തന്റെ പിതാ​വി​നെ​പ്പോ​ലെ, പൂർണ​മ​നു​ഷ്യ​നായ യേശു​ക്രി​സ്‌തു​വി​നും കോപം പ്രകടി​പ്പി​ക്കു​ന്ന​തി​നുള്ള അവസര​മു​ണ്ടാ​യി​രു​ന്നു. യെരൂ​ശ​ലേം ദേവാ​ലയം ദൈവ​ത്തി​ന്റെ തിര​ഞ്ഞെ​ടു​ക്ക​പ്പെട്ട ജനത്തി​നു​വേ​ണ്ടി​യുള്ള ആരാധ​നാ​കേ​ന്ദ്ര​മാ​യി​രി​ക്കാൻ ഉദ്ദേശി​ക്ക​പ്പെ​ട്ട​താ​യി​രു​ന്നു. അത്‌ ഒരു “പ്രാർത്ഥ​നാ​ലയം” ആയിരി​ക്കേ​ണ്ടി​യി​രു​ന്നു, ആളുകൾക്കു വ്യക്തി​പ​ര​മായ യാഗങ്ങ​ളും വഴിപാ​ടു​ക​ളും ദൈവ​ത്തിന്‌ അർപ്പി​ക്കു​ന്ന​തി​നും അവന്റെ വഴിക​ളെ​ക്കു​റി​ച്ചു പഠിക്കു​ന്ന​തി​നും പാപങ്ങൾ ക്ഷമിച്ചു​കി​ട്ടു​ന്ന​തി​നും ഉള്ള ഒരു സ്ഥലം തന്നെ. ആലങ്കാ​രി​ക​മാ​യി പറഞ്ഞാൽ, ആലയത്തിൽവെച്ച്‌ അവർക്ക്‌ യഹോ​വ​യു​മാ​യി സംഭാ​ഷി​ക്കാൻ കഴിഞ്ഞു. എന്നാൽ യേശു​വി​ന്റെ നാളിലെ മതനേ​താ​ക്കൻമാർ ആലയത്തെ “വാണി​ഭ​ശാല”യും “കള്ളന്മാ​രു​ടെ ഗുഹ”യും ആക്കി മാറ്റി. (മത്തായി 21:12, 13; യോഹ​ന്നാൻ 2:14-17) യാഗങ്ങൾക്കു​വേ​ണ്ടി​യുള്ള മൃഗങ്ങളെ വിറ്റ്‌ അവർ വ്യക്തി​പ​ര​മാ​യി ലാഭം കൊയ്‌തു. വാസ്‌ത​വ​ത്തിൽ, അവർ ആളുക​ളു​ടെ പണം പിടു​ങ്ങു​ക​യാ​യി​രു​ന്നു. അതു​കൊണ്ട്‌, തന്റെ പിതാ​വി​ന്റെ ആലയത്തിൽനിന്ന്‌ ആ കൊള്ള​ക്കാ​രെ അടി​ച്ചോ​ടി​ച്ച​പ്പോ​ഴത്തെ ദൈവ​പു​ത്രന്റെ പ്രവൃത്തി ശരിക്കും നീതീ​ക​രി​ക്ക​ത്ത​ക്ക​താ​യി​രു​ന്നു. യേശു കുപി​ത​നാ​യി​രു​ന്നു​വെന്നു മനസ്സി​ലാ​ക്കാൻ കഴിയും!

അപൂർണ മനുഷ്യർ കോപി​ക്കു​മ്പോൾ

അപൂർണ മനുഷ്യർക്കും ചില​പ്പോൾ ഉചിത​മാ​യി കോപം വന്നേക്കാം. മോശ​യ്‌ക്കെ​ന്താ​ണു സംഭവി​ച്ച​തെന്നു ശ്രദ്ധി​ക്കുക. ഇസ്രാ​യേൽ ജനത ഈജി​പ്‌തിൽനിന്ന്‌ അത്ഭുത​ക​ര​മാ​യി വിടു​വി​ക്ക​പ്പെ​ട്ടതേ ഉണ്ടായി​രു​ന്നു​ള്ളൂ. പത്തു ബാധക​ളാൽ ഈജി​പ്‌തു​കാ​രെ ദണ്ഡിപ്പി​ച്ചു​കൊണ്ട്‌ യഹോവ ഈജി​പ്‌തി​ലെ വ്യാജ​ദൈ​വ​ങ്ങ​ളെ​ക്കാൾ താൻ ശക്തിയു​ള്ള​വ​നാ​ണെന്നു നാടകീ​യ​മാ​യി തെളി​യി​ച്ചി​രു​ന്നു. പിന്നെ അവൻ ചെങ്കട​ലി​നെ വിഭാ​ഗി​ച്ചു​കൊണ്ട്‌ യഹൂദർക്കു രക്ഷപ്പെ​ടാ​നുള്ള മാർഗം തുറന്നു​കൊ​ടു​ത്തു. തുടർന്ന്‌ അവരെ സീനായി പർവത​ത്തി​ന്റെ അടിവാ​ര​ത്തി​ലേക്കു നയിക്കു​ക​യും അവി​ടെ​വെച്ച്‌ അവരെ ഒരു ജനതയാ​യി സംഘടി​പ്പി​ക്കു​ക​യും ചെയ്‌തു. മധ്യസ്ഥ​നെന്ന നിലയിൽ പ്രവർത്തി​ച്ചു​കൊണ്ട്‌, മോശ ദൈവ​നി​യ​മങ്ങൾ സ്വീക​രി​ക്കാ​നാ​യി പർവത​ത്തി​ന്റെ മുകളി​ലേക്കു കയറി​പ്പോ​യി. മറ്റെല്ലാ നിയമ​ങ്ങ​ളു​ടെ​യും കൂട്ടത്തിൽ യഹോവ മോശ​യ്‌ക്ക്‌ പത്തു കൽപ്പനകൾ കൊടു​ത്തു. അവ ദൈവം​തന്നെ പർവത​ത്തിൽനി​ന്നു കൊത്തി​യു​ണ്ടാ​ക്കിയ കൽപ്പല​ക​ക​ളിൽ “ദൈവ​ത്തി​ന്റെ വിരൽ”കൊണ്ട്‌ എഴുത​പ്പെ​ട്ട​വ​യാ​യി​രു​ന്നു. എന്നാൽ മോശ പർവത​ത്തിൽനിന്ന്‌ ഇറങ്ങി​വ​ന്ന​പ്പോൾ അവൻ എന്താണു കണ്ടത്‌? ആളുകൾ ഒരു സ്വർണ കാളക്കു​ട്ടി​യു​ടെ പ്രതി​മയെ ആരാധി​ക്കു​ന്ന​തി​ലേക്കു തിരി​ഞ്ഞി​രു​ന്നു! അവർ എത്ര​പെ​ട്ടെന്നു മറന്നു​ക​ളഞ്ഞു! വെറും ആഴ്‌ച​കളേ കടന്നു​പോ​യി​രു​ന്നു​ള്ളൂ. ഉചിത​മാ​യും, “മോ​ശെ​യു​ടെ കോപം ജ്വലിച്ചു.” അവൻ കൽപ്പല​കകൾ തകർത്തു​ക​ള​യു​ക​യും കാളക്കു​ട്ടി​യു​ടെ പ്രതി​മയെ നിലം​പ​രി​ചാ​ക്കു​ക​യും ചെയ്‌തു.—പുറപ്പാ​ടു 31:18; 32:16, 19, 20.

മറ്റൊ​ര​വ​സ​ര​ത്തിൽ, വെള്ളമി​ല്ലെന്ന്‌ ആളുകൾ പരാതി​പ്പെ​ട്ട​പ്പോൾ മോശ പ്രകോ​പി​ത​നാ​യി. പ്രകോ​പി​ത​നാ​യ​പ്പോൾ, സൗമ്യ​ത​യ്‌ക്ക്‌ അഥവാ ശാന്ത​പ്ര​കൃ​തിക്ക്‌ പേരു​കേട്ട അദ്ദേഹ​ത്തിന്‌ അതു നിമി​ഷ​നേ​ര​ത്തേക്കു നഷ്ടമായി. ഇത്‌ ഒരു ഗുരു​ത​ര​മായ തെറ്റി​ലേക്കു നയിച്ചു. ഇസ്രാ​യേ​ലി​ന്റെ ദാതാ​വെന്ന നിലയിൽ യഹോ​വയെ മഹത്ത്വ​പ്പെ​ടു​ത്തു​ന്ന​തി​നു പകരം മോശ ആളുക​ളോ​ടു പരുഷ​മാ​യി സംസാ​രി​ക്കു​ക​യും തന്നി​ലേ​ക്കും തന്റെ സഹോ​ദ​ര​നായ അഹരോ​നി​ലേ​ക്കും ജനങ്ങളു​ടെ ശ്രദ്ധയാ​കർഷി​ക്കു​ക​യും ചെയ്‌തു. അതു​കൊണ്ട്‌ മോശ​യ്‌ക്കു ശിക്ഷണം കൊടു​ക്കു​ന്നത്‌ ഉചിത​മാ​ണെന്നു ദൈവം കണ്ടു. വാഗ്‌ദത്ത ദേശത്തു പ്രവേ​ശി​ക്കാൻ അവനെ അനുവ​ദി​ക്കു​മാ​യി​രു​ന്നില്ല. മെരീ​ബാ​യി​ലെ ഈ സംഭവ​ത്തി​നു​ശേഷം മോശ കോപി​ച്ച​താ​യുള്ള കൂടു​ത​ലായ പരാമർശ​മൊ​ന്നും ഇല്ല. പ്രത്യ​ക്ഷ​ത്തിൽ, അവൻ ഒരു പാഠം പഠിച്ചു.—സംഖ്യാ​പു​സ്‌തകം 20:1-12; ആവർത്ത​ന​പു​സ്‌തകം 34:4; സങ്കീർത്തനം 106:32, 33.

അങ്ങനെ, ദൈവ​വും മനുഷ്യ​നും തമ്മിൽ വ്യത്യാ​സ​മുണ്ട്‌. യഹോ​വ​യ്‌ക്ക്‌ “കോപത്തെ താമസി​പ്പി”ക്കാൻ കഴിയും. കോപ​ത്തി​നു പകരം സ്‌നേഹം അവന്റെ പ്രമുഖ ഗുണമാ​യി​രി​ക്കു​ന്ന​തു​കൊണ്ട്‌ “കോപ​ത്തിന്‌ താമസ​മു​ള്ള​വനാ”യി അവൻ ഉചിത​മാ​യി വർണി​ക്ക​പ്പെ​ട്ടി​രി​ക്കു​ന്നു. അവന്റെ കോപം എല്ലായ്‌പോ​ഴും നീതി​നി​ഷ്‌ഠ​വും ന്യായ​മായ കാരണ​മു​ള്ള​തും നിയ​ന്ത്ര​ണാ​ധീ​ന​വു​മാണ്‌. (യെശയ്യാ​വു 48:9; പുറപ്പാ​ടു 34:6, NW; 1 യോഹ​ന്നാൻ 4:8) പൂർണ​മ​നു​ഷ്യ​നായ യേശു​ക്രി​സ്‌തു​വിന്‌ തന്റെ കോപ​പ്ര​ക​ട​നത്തെ എല്ലായ്‌പോ​ഴും നിയ​ന്ത്രി​ക്കാൻ കഴിഞ്ഞു; അവൻ “സൌമ്യത”യുള്ളവ​നാ​യി വർണി​ക്ക​പ്പെട്ടു. (മത്തായി 11:29) നേരേ​മ​റിച്ച്‌, അപൂർണ മനുഷ്യർക്ക്‌, മോശ​യെ​പ്പോ​ലുള്ള വിശ്വാ​സി​ക​ളായ പുരു​ഷൻമാർക്കു​പോ​ലും, തങ്ങളുടെ കോപം നിയ​ന്ത്രി​ക്കു​ന്നത്‌ ബുദ്ധി​മു​ട്ടാ​യി​രു​ന്നി​ട്ടുണ്ട്‌.

മാത്രമല്ല, മനുഷ്യർ പൊതു​വേ അനന്തര​ഫ​ല​ങ്ങ​ളെ​ക്കു​റി​ച്ചു വേണ്ടത്ര ചിന്തി​ക്കു​ന്നില്ല. ഒരുവനു കോപ​ത്തിൻമേൽ നിയ​ന്ത്രണം നഷ്ടപ്പെ​ടു​ന്നത്‌ ഭവിഷ്യ​ത്തു​കൾക്കി​ട​യാ​ക്കും. ദൃഷ്ടാ​ന്ത​ത്തിന്‌, ഒരു ഭർത്താവ്‌ തന്റെ ഭാര്യ​യു​ടെ നേരേ കുപി​ത​നാ​യി​ക്കൊണ്ട്‌ ഭിത്തി തകരു​മാറ്‌ മുഷ്ടി​ചു​രു​ട്ടി ഇടിക്കു​ന്നെ​ങ്കിൽ പ്രകട​മായ എന്തു ഭവിഷ്യ​ത്തു​ക​ളാണ്‌ ഉണ്ടാകുക? വസ്‌തു​വ​ക​കൾക്കു നാശമു​ണ്ടാ​കു​ന്നു. അയാളു​ടെ കൈക്ക്‌ പരി​ക്കേ​റ്റേ​ക്കാം. എന്നാൽ അതിലു​പരി, അയാളു​ടെ ക്രോ​ധാ​വേശം, ഭാര്യ​യ്‌ക്ക്‌ അയാ​ളോ​ടുള്ള സ്‌നേ​ഹ​ത്തിൻമേ​ലും ആദരവിൻമേ​ലും എന്തു ഫലമു​ള​വാ​ക്കു​ന്നു? ഭിത്തി​യു​ടെ കേടു​പാ​ടു​കൾ ഏതാനും ദിവസ​ങ്ങൾകൊണ്ട്‌ തീർക്കാൻ കഴി​ഞ്ഞേ​ക്കാം, ഏതാനും ആഴ്‌ച​കൾകൊണ്ട്‌ അയാളു​ടെ കയ്യും ശരിയാ​യേ​ക്കാം; എന്നാൽ ഭാര്യ​യു​ടെ വിശ്വാ​സ​വും ആദരവും വീണ്ടെ​ടു​ക്കാൻ അയാൾക്ക്‌ എത്രനാൾ വേണ്ടി​വ​രും?

വാസ്‌ത​വ​ത്തിൽ, കോപത്തെ നിയ​ന്ത്രി​ക്കാൻ പരാജ​യ​പ്പെ​ടു​ക​യും ഭവിഷ്യ​ത്തു​കൾ അനുഭ​വി​ക്കു​ക​യും ചെയ്‌ത ആളുക​ളു​ടെ ദൃഷ്ടാ​ന്തങ്ങൾ ബൈബി​ളി​ലു​ട​നീ​ളം കാണാം. ഏതാനും ഉദാഹ​ര​ണങ്ങൾ പരിചി​ന്തി​ക്കുക. കയീൻ തന്റെ സഹോ​ദ​ര​നായ ഹാബെ​ലി​നെ കൊന്ന​പ്പോൾ നാടു​ക​ട​ത്ത​പ്പെട്ടു. ശേഖേ​മി​ലെ ആളുകളെ കൊന്ന​തിന്‌ ശിമ​യോ​നും ലേവി​യും അവരുടെ പിതാ​വി​നാൽ ശപിക്ക​പ്പെട്ടു. തന്നെ ഗുണ​ദോ​ഷി​ക്കാൻ ശ്രമിച്ച പുരോ​ഹി​തൻമാ​രോട്‌ ഉസ്സിയാവ്‌ ക്രുദ്ധി​ച്ച​പ്പോൾ അവനു കുഷ്‌ഠം ബാധി​ക്കു​ന്ന​തിന്‌ യഹോവ ഇടയാക്കി. യോനാ​യ്‌ക്കു “കോപം വന്ന”പ്പോൾ യഹോവ അവനെ ശാസിച്ചു. അവർക്കെ​ല്ലാം തങ്ങളുടെ കോപ​ത്തി​നു കണക്കു​ബോ​ധി​പ്പി​ക്കേ​ണ്ടി​വന്നു.—ഉല്‌പത്തി 4:5, 8-16; 34:25-30; 49:5-7; 2 ദിനവൃ​ത്താ​ന്തം 26:19; യോനാ 4:1-11.

ക്രിസ്‌ത്യാ​നി​കൾ കണക്കു​ബോ​ധി​പ്പി​ക്കേ​ണ്ട​വ​രാണ്‌

സമാന​മാ​യി, ഇന്നത്തെ ക്രിസ്‌ത്യാ​നി​ക​ളും തങ്ങളുടെ പ്രവൃ​ത്തി​കൾക്ക്‌ ദൈവ​ത്തോ​ടും ഒരളവു​വരെ തങ്ങളുടെ സഹവി​ശ്വാ​സി​ക​ളോ​ടും കണക്കു​ബോ​ധി​പ്പി​ക്കേ​ണ്ട​തുണ്ട്‌. കോപത്തെ സൂചി​പ്പി​ക്കുന്ന ഗ്രീക്കു പദങ്ങൾ ബൈബി​ളിൽ ഉപയോ​ഗി​ച്ചി​രി​ക്കുന്ന വിധത്തിൽനിന്ന്‌ ഇതു വ്യക്തമാണ്‌. ഏറ്റവും കൂടു​ത​ലാ​യി ഉപയോ​ഗി​ക്ക​പ്പെ​ടുന്ന രണ്ടു പദങ്ങളിൽ ഒന്നാണ്‌ ഓർജി. അത്‌ സാധാ​ര​ണ​മാ​യി “ക്രോധം” എന്നു പരിഭാ​ഷ​പ്പെ​ടു​ത്ത​പ്പെ​ടു​ന്നു. അതിൽ ഒരളവു​വരെ അവബോ​ധ​വും മനഃപൂർവ​മുള്ള പ്രവൃ​ത്തി​യും പോലും ഉൾപ്പെ​ടു​ന്നു, അതിൽ പലപ്പോ​ഴും പ്രതി​കാ​രേച്ഛ ഉൾപ്പെ​ടു​ന്നു. അതു​കൊണ്ട്‌, പൗലൊസ്‌ റോമി​ലെ ക്രിസ്‌ത്യാ​നി​കളെ ഇങ്ങനെ ഉദ്‌ബോ​ധി​പ്പി​ച്ചു: “പ്രിയ​മു​ള്ള​വരേ, നിങ്ങൾ തന്നേ പ്രതി​കാ​രം ചെയ്യാതെ ദൈവ​കോ​പ​ത്തി​ന്നു [‘ക്രോധം,’ (ഓർജി), NW] ഇടം​കൊ​ടു​പ്പിൻ; പ്രതി​കാ​രം എനിക്കു​ള്ളതു; ഞാൻ പകരം ചെയ്യും എന്നു കർത്താവു അരുളി​ച്ചെ​യ്യു​ന്നു.” തങ്ങളുടെ സഹോ​ദ​രൻമാ​രോ​ടു ദ്രോ​ഹ​ബു​ദ്ധി വെച്ചു​പു​ലർത്തു​ന്ന​തി​നു പകരം “നന്മയാൽ തിന്മയെ ജയി”ക്കാൻ അവർ പ്രോ​ത്സാ​ഹി​പ്പി​ക്ക​പ്പെട്ടു.—റോമർ 12:19, 21.

കൂടെ​ക്കൂ​ടെ ഉപയോ​ഗി​ച്ചി​രി​ക്കുന്ന മറ്റൊരു പദം തൈ​മൊസ്‌ ആണ്‌. മൂല പദം “യഥാർഥ​ത്തിൽ വായു, വെള്ളം, നിലം, ജന്തുക്കൾ, മനുഷ്യർ എന്നിവ​യു​ടെ ഉഗ്രമായ ചലനത്തെ സൂചി​പ്പി​ക്കു​ന്നു.” അതു​കൊണ്ട്‌, ഈ പദം “ശത്രുതാ മനോ​ഭാ​വ​ത്തി​ന്റെ ഉഗ്രമായ സ്‌ഫോ​ടനം” എന്നോ “കോപ​ത്തി​ന്റെ ആളിക്കത്തൽ” എന്നോ “മനസ്സിന്റെ താളം​തെ​റ്റി​ക്കു​ക​യും വീട്ടി​ലും പുറത്തും ഒച്ചപ്പാ​ടി​നും അസ്വസ്ഥ​ത​കൾക്കും ഇടയാ​ക്കു​ക​യും ചെയ്യുന്ന പ്രക്ഷുബ്ധ വികാ​രങ്ങൾ” എന്നോ വ്യത്യസ്‌ത വിധത്തിൽ വർണി​ക്ക​പ്പെ​ട്ടി​രി​ക്കു​ന്നു. ആളുകളെ പരി​ക്കേൽപ്പി​ക്കു​ക​യും അംഗഭം​ഗ​പ്പെ​ടു​ത്തു​ക​യും കൊല്ലു​ക​യും ചെയ്യുന്ന ചൂടു ചാരവും പാറക​ളും ലാവയും തുപ്പി​ക്കൊണ്ട്‌ യാതൊ​രു മുന്നറി​യി​പ്പും​കൂ​ടാ​തെ പൊട്ടി​ത്തെ​റി​ക്കുന്ന ഒരു അഗ്നിപർവതം പോ​ലെ​യാണ്‌ കോപത്തെ നിയ​ന്ത്രി​ക്കാൻ കഴിയാത്ത ഒരു പുരുഷൻ അല്ലെങ്കിൽ സ്‌ത്രീ. ഗലാത്യർ 5:20-ൽ [NW] തൈ​മൊ​സി​ന്റെ ബഹുവ​ച​ന​രൂ​പം കാണാം. അവിടെ പൗലൊസ്‌ “ജഡത്തിന്റെ” മറ്റു “പ്രവൃ​ത്തിക”ളായ (19-ാം വാക്യം, NW) പരസംഗം, അഴിഞ്ഞ നടത്ത, കുടി​ച്ചു​കൂ​ത്താ​ട്ടം എന്നിവ​യോ​ടൊ​പ്പം “കോപാ​വേ​ശ​പ്ര​ക​ടനങ്ങ”ളെ പട്ടിക​പ്പെ​ടു​ത്തു​ന്നു. തീർച്ച​യാ​യും, തുടക്ക​ത്തിൽ വർണിച്ച ജോണി​ന്റെ പെരു​മാ​റ്റം “കോപാ​വേ​ശ​പ്ര​ക​ടനങ്ങ”ളെ നന്നായി ചിത്രീ​ക​രി​ക്കു​ന്നു.

അതു​കൊണ്ട്‌, ആവർത്തിച്ച്‌ ഒരാളെ ആക്രമി​ക്കു​ക​യോ അയാളു​ടെ വസ്‌തു​വ​ക​കൾക്കു നാശനഷ്ടം വരുത്തു​ക​യോ ചെയ്യുന്ന സഭാം​ഗ​ങ്ങ​ളോ​ടുള്ള ക്രിസ്‌തീയ സഭയുടെ വീക്ഷണം എന്തായി​രി​ക്കണം? അനിയ​ന്ത്രിത കോപം വിനാ​ശ​ക​മാണ്‌, അത്‌ അനായാ​സം അക്രമ​ത്തി​ലേക്കു നയിക്കു​ന്നു. അപ്പോൾ യേശു പിൻവ​രു​ന്ന​പ്ര​കാ​രം പറഞ്ഞത്‌ നല്ല കാരണ​ത്തോ​ടെ​യാണ്‌: “ഞാനോ നിങ്ങ​ളോ​ടു പറയു​ന്നതു: സഹോ​ദ​ര​നോ​ടു കോപി​ക്കു​ന്നവൻ [“കോപി​ച്ചു​കൊ​ണ്ടി​രി​ക്കു​ന്നവൻ,” NW] എല്ലാം ന്യായ​വി​ധി​ക്കു യോഗ്യ​നാ​കും.” (മത്തായി 5:21, 22) ഭർത്താ​ക്കൻമാ​രെ ഇങ്ങനെ ഉപദേ​ശി​ക്കു​ന്നു: “നിങ്ങളു​ടെ ഭാര്യ​മാ​രെ സ്‌നേ​ഹി​പ്പിൻ; അവരോ​ടു കൈപ്പാ​യി​രി​ക്ക​യു​മരു[ത്‌].” “കോപി”യായ ഒരാൾ സഭയിൽ ഒരു മേൽവി​ചാ​രകൻ എന്ന നിലയിൽ യോഗ്യത പ്രാപി​ക്കു​ന്നില്ല. അതു​കൊണ്ട്‌ കോപത്തെ നിയ​ന്ത്രി​ക്കാൻ കഴിയാത്ത വ്യക്തി​കളെ സഭയിൽ മാതൃ​ക​ക​ളാ​യി കണക്കാ​ക്കാൻ പാടില്ല. (കൊ​ലൊ​സ്സ്യർ 3:19; തീത്തൊസ്‌ 1:7; 1 തിമൊ​ഥെ​യൊസ്‌ 2:8) വാസ്‌ത​വ​ത്തിൽ അനിയ​ന്ത്രിത കോപാ​വേ​ശ​പ്ര​ക​ട​ന​ങ്ങൾക്കു വശംവ​ദ​നാ​കുന്ന ഒരു വ്യക്തിയെ, അയാളു​ടെ മനോ​ഭാ​വം, പെരു​മാറ്റ മാതൃക, മറ്റുള്ള​വ​രു​ടെ ജീവി​ത​ത്തിൽ ഏൽപ്പി​ക്ക​പ്പെ​ടുന്ന ക്ഷതത്തിന്റെ ഗൗരവാ​വസ്ഥ ഇവയെ​ല്ലാം കണക്കി​ലെ​ടു​ത്ത​ശേഷം സഭയിൽനി​ന്നു പുറത്താ​ക്കാൻ കഴിയും—തീർച്ച​യാ​യും ഒരു ദാരു​ണ​ഫലം തന്നെ.

നേരത്തേ പരാമർശിച്ച ജോൺ എന്നെങ്കി​ലും തന്റെ വികാ​ര​ങ്ങളെ നിയ​ന്ത്ര​ണ​ത്തിൽ കൊണ്ടു​വ​ന്നോ? വിപത്തി​ലേക്ക്‌ ശീഘ്ര​ഗ​തി​യി​ലുള്ള കൂപ്പു​കു​ത്ത​ലി​നെ അദ്ദേഹ​ത്തിന്‌ എന്നെങ്കി​ലും തടയാൻ കഴിഞ്ഞോ? ദുഃഖ​ക​ര​മെന്നു പറയട്ടെ, ആക്രോ​ശം ഉന്തിലും തള്ളിലും കലാശി​ച്ചു. വിരൽചൂ​ണ്ടൽ വിരലു​കൊണ്ട്‌ അക്ഷരാർഥ​ത്തിൽ വേദനാ​ക​ര​മാ​യി ദേഹോ​പ​ദ്രവം ഏൽപ്പി​ക്കു​ന്ന​തി​ലേക്കു നയിച്ചു. എളുപ്പ​ത്തിൽ മറ്റുള്ള​വ​രു​ടെ ദൃഷ്ടി​യിൽപ്പെ​ടുന്ന ശരീര​ഭാ​ഗ​ങ്ങ​ളിൽ പരി​ക്കേൽപ്പി​ക്കാ​തി​രി​ക്കാൻ ജോൺ ശ്രദ്ധയു​ള്ള​വ​നാ​യി​രി​ക്കു​ക​യും തന്റെ പെരു​മാ​റ്റം മറച്ചു​വെ​ക്കാൻ ശ്രമി​ക്കു​ക​യും ചെയ്‌തു. എങ്കിലും, ഒടുവിൽ അയാൾ ഭാര്യയെ തൊഴി​ക്കാ​നും മുഷ്ടി​ചു​രു​ട്ടി പ്രഹരി​ക്കാ​നും അവളുടെ മുടി​ക്കു​ത്തി​നു പിടി​ക്കാ​നും അതിലും വഷളായ കാര്യങ്ങൾ ചെയ്യാ​നും തുടങ്ങി. ജിഞ്ചർ ഇപ്പോൾ ജോണിൽനി​ന്നു വേർപി​രി​ഞ്ഞു.

ഇതു സംഭവി​ക്കേ​ണ്ടി​യി​രു​ന്നില്ല. സമാന സാഹച​ര്യ​ങ്ങ​ളി​ലുള്ള അനേകർക്കും തങ്ങളുടെ കോപത്തെ വരുതി​യിൽ നിർത്താൻ കഴിഞ്ഞി​ട്ടുണ്ട്‌. അതു​കൊണ്ട്‌ യേശു​ക്രി​സ്‌തു​വി​ന്റെ പൂർണ മാതൃക അനുക​രി​ക്കു​ന്നത്‌ എത്ര മർമ​പ്ര​ധാ​ന​മാണ്‌. അവൻ ഒരിക്കൽപോ​ലും അനിയ​ന്ത്രിത കോപാ​വേശം കാണി​ച്ചി​ട്ടില്ല. അവന്റെ കോപം എല്ലായ്‌പോ​ഴും നീതി​നി​ഷ്‌ഠ​മാ​യി​രു​ന്നു; അവന്‌ ഒരിക്ക​ലും നിയ​ന്ത്രണം നഷ്ടമാ​യില്ല. ജ്ഞാനപൂർവ​ക​മാ​യി പൗലൊസ്‌ നമ്മെ​യെ​ല്ലാം ഇങ്ങനെ ഉപദേ​ശി​ച്ചു: “കോപി​ച്ചാൽ പാപം ചെയ്യാ​തി​രി​പ്പിൻ. സൂര്യൻ അസ്‌ത​മി​ക്കു​വോ​ളം നിങ്ങൾ കോപം വെച്ചു​കൊ​ണ്ടി​രി​ക്ക​രു​തു.” (എഫെസ്യർ 4:26) മനുഷ്യർ എന്ന നിലയിൽ നമുക്കു പരിമി​തി​ക​ളു​ണ്ടെ​ന്നും വിതയ്‌ക്കു​ന്ന​തു​തന്നെ നാം കൊയ്യു​മെ​ന്നും ഉള്ള വിനീ​ത​മായ തിരി​ച്ച​റിവ്‌ കോപ​ത്തി​നു കടിഞ്ഞാ​ണി​ടാ​നുള്ള നല്ല കാരണം നമുക്കു പ്രദാനം ചെയ്യുന്നു.

[അടിക്കു​റിപ്പ്‌]

[18-ാം പേജിലെ ചിത്ര​ത്തിന്‌ കടപ്പാട്‌]

Saul Attempts the Life of David/The Doré Bible Illustrations/Dover Publications, Inc.