വിയാ എഗ്നാറ്റി​യാ—വികസ​ന​ത്തി​നു സഹായിച്ച ഒരു രാജപാത

ഗ്രീസിലെ ഉണരുക! ലേഖകൻ

ഒരു കൂട്ടം ക്രിസ്‌തീയ മിഷന​റി​മാർ പൊ.യു. 50-ൽ യൂറോ​പ്യൻ മണ്ണിൽ ആദ്യമാ​യി കാലു​കു​ത്തി. അപ്പോ​സ്‌ത​ല​നായ പൗലൊ​സിന്‌ ഒരു ദർശന​ത്തിൽ ലഭിച്ച ക്ഷണമനു​സ​രി​ച്ചാണ്‌ അവർ അവിടെ എത്തിയത്‌. ക്ഷണം ഇതായി​രു​ന്നു: “നീ മക്കെ​ദോ​ന്യെ​ക്കു കടന്നു​വന്നു ഞങ്ങളെ സഹായിക്ക.” (പ്രവൃ​ത്തി​കൾ 16:9) പൗലൊ​സും സഹകാ​രി​ക​ളും കൊണ്ടു​വന്ന യേശു​ക്രി​സ്‌തു​വി​നെ​ക്കു​റി​ച്ചുള്ള സന്ദേശം യൂറോ​പ്പിൽ ശ്രദ്ധേ​യ​മായ പ്രഭാവം ചെലുത്തി.

മക്കെ​ദോ​ന്യെ​യിൽ ക്രിസ്‌ത്യാ​നി​ത്വ​ത്തി​ന്റെ വ്യാപ​ന​ത്തി​നു മുഖ്യ​മാ​യും സഹായി​ച്ചത്‌ കല്ലുപാ​കിയ ഒരു റോമൻ രാജപാ​ത​യായ വിയാ എഗ്നാറ്റി​യാ ആയിരു​ന്നു. ഇജിയൻ കടലിന്റെ വടക്കേ അറ്റത്തുള്ള നവപൊ​ലി (ഇപ്പോൾ അത്‌ ഗ്രീസി​ലെ കവാല​യാണ്‌) തുറമു​ഖത്ത്‌ കപ്പലി​റ​ങ്ങി​യ​ശേഷം തെളി​വ​നു​സ​രിച്ച്‌ മിഷന​റി​മാർ ആ രാജപാ​ത​യി​ലൂ​ടെ സഞ്ചരിച്ച്‌ മക്കെ​ദോ​ന്യ പ്രവി​ശ്യ​യി​ലെ പ്രമുഖ നഗരമായ ഫിലി​പ്പി​യി​ലേക്കു പോയി. ആ പാത പൗലൊ​സും സഹകാ​രി​ക​ളും അടുത്ത​താ​യി സന്ദർശിച്ച സ്ഥലങ്ങളായ അംഫി​പൊ​ലിസ്‌, അപ്പൊ​ലോ​ന്യ, തെസ്സ​ലൊ​നീക്ക എന്നിവി​ടങ്ങൾ വരെ എത്തുന്നു.—പ്രവൃ​ത്തി​കൾ 16:11–17:1.

ഈ പുരാതന രാജപാ​ത​യു​ടെ ചില ഭാഗങ്ങൾ ഇന്നും സ്ഥിതി​ചെ​യ്യു​ന്നുണ്ട്‌. അവ നിത്യ​വും ഉപയോ​ഗി​ക്ക​പ്പെ​ടു​ന്നു. പഴയ പാതയു​ടെ റൂട്ടിൽത​ന്നെ​യു​ള്ള​തും അതേ പേരു​ള്ള​തു​മായ ഒരു ആധുനിക രാജപാത നിർമി​ക്കാൻ ഇപ്പോൾ പദ്ധതി​യി​ട്ടി​ട്ടുണ്ട്‌.

ആദ്യത്തെ രാജപാത ആരാണു പണിതത്‌? എപ്പോൾ, എന്ത്‌ ഉദ്ദേശ്യ​ത്തി​നു​വേ​ണ്ടി​യാണ്‌ അത്‌ പണിതത്‌?

അത്‌ ആവശ്യ​മാ​യി​രു​ന്ന​തി​ന്റെ കാരണം

റോമാ സാമ്രാ​ജ്യം കിഴ​ക്കോ​ട്ടുള്ള ജയിച്ച​ടക്കൽ തുടർന്ന​പ്പോൾ പൊ.യു.മു. 146-ൽ മക്കെ​ദോ​ന്യ ഒരു റോമൻ പ്രവി​ശ്യ​യാ​യി​ത്തീർന്നു. എന്നാൽ ഈ പിടി​ച്ചെ​ടു​ക്കൽ, സാമ്രാ​ജ്യ​ത്തിന്‌ ഒരു പുതിയ സംഗതി ആവശ്യ​മാ​ക്കി​ത്തീർത്തു—സൈന്യ​ങ്ങളെ പുതിയ പ്രദേ​ശ​ങ്ങ​ളിൽ വേഗത്തിൽ വിന്യ​സി​ക്കു​ന്ന​തി​നുള്ള പ്രാപ്‌തി. ഇറ്റാലി​യൻ ഉപദ്വീ​പി​ലുള്ള വിയാ ആപ്പിയ അഥവാ ആപ്പിയൻ പാത റോമി​നെ തെക്കു​കി​ഴക്കൻ ഏഡ്രി​യാ​റ്റിക്‌ കടൽത്തീ​ര​വു​മാ​യി അതി​നോ​ട​കം​തന്നെ ബന്ധിപ്പി​ച്ചി​രു​ന്നു. എന്നാൽ ഇപ്പോൾ സാമ്രാ​ജ്യ​ത്തിന്‌ അതു​പോ​ലെ​യൊ​രു രാജപാത ബാൾക്കൻ ഉപദ്വീ​പിൽ ആവശ്യ​മാ​യി​വന്നു. അങ്ങനെ​യാണ്‌ വിയാ എഗ്നാറ്റി​യാ​യെ​ക്കു​റി​ച്ചു ചിന്തിച്ചു തുടങ്ങി​യത്‌. ആ പദ്ധതി​യു​ടെ ചീഫ്‌ എഞ്ചിനീ​യ​റാ​യി​രുന്ന റോമൻ പ്രവി​ശ്യാ ഗവർണർ ഗ്‌​നൈ​യുസ്‌ എഗ്നാറ്റി​യു​സി​ന്റെ പേരാണ്‌ അതിനി​ട്ടി​രി​ക്കു​ന്നത്‌.

ഇല്ലൂര്യ പ്രവി​ശ്യ​യി​ലെ ഡിറാ​കി​യും തുറമു​ഖ​പ​ട്ട​ണ​ത്തിൽനി​ന്നാ​രം​ഭിച്ച്‌ (അൽബേ​നി​യ​യി​ലെ ഡുറെസ്‌) പുരാതന നഗരമായ ബിസാൻഷി​യം (ടർക്കി​യി​ലെ ഇസ്റ്റംബൂൾ) വരെ എത്തുന്ന വിയാ എഗ്നാറ്റി​യാ​യ്‌ക്ക്‌ 800-ലധികം കിലോ​മീ​റ്റർ നീളമുണ്ട്‌. പൊ.യു.മു. 145-ലാണ്‌ പണിയാ​രം​ഭി​ച്ചത്‌. പണി പൂർത്തി​യാ​ക്കാൻ ഏതാണ്ട്‌ 44 വർഷ​മെ​ടു​ത്തു. ഉദ്ദേശി​ച്ച​തു​പോ​ലെ​തന്നെ, വിയാ എഗ്നാറ്റി​യാ ഉടനടി റോമി​ന്റെ കിഴക്കൻ വികസന നയത്തിനു വളരെ പ്രയോ​ജ​ന​ക​ര​മായ ഒരു ഉപകര​ണ​മാ​യി​ത്തീർന്നു.

റോഡു​നിർമാ​ണ​ത്തി​നു പറ്റിയ​ത​ല്ലാത്ത ഭൂപ്ര​ദേ​ശം

എന്നാൽ, ഭൂപ്ര​ദേശം രാജപാ​ത​യു​ടെ നിർമാ​ണ​ത്തി​നു വെല്ലു​വി​ളി​യു​യർത്തി. ഉദാഹ​ര​ണ​ത്തിന്‌, പാതയു​ടെ ആദ്യഭാ​ഗം കടന്നു​പോ​കുന്ന വഴിക്കാണ്‌ ഓക്‌റിഡ്‌ തടാകം, പാത തടാക​ത്തി​ന്റെ വടക്കേ തീരത്തു​കൂ​ടെ പോകു​ന്നു. പിന്നെ ചുരങ്ങ​ളി​ലൂ​ടെ ചുറ്റി​വ​ള​ഞ്ഞു​പോ​കുന്ന പാത കോപ്പ​യു​ടെ ആകൃതി​യി​ലുള്ള കുഴി​ക​ളും മൊട്ട​ക്കു​ന്നു​ക​ളും ഭാഗി​ക​മാ​യി തടാക​ങ്ങൾകൊ​ണ്ടു മൂടിയ താഴ്‌വാ​ര​ങ്ങ​ളു​മുള്ള തരിശായ ഭൂപ്ര​ദേ​ശ​ത്തി​ലൂ​ടെ കിഴ​ക്കോ​ട്ടു​പോ​യി ഒടുവിൽ മധ്യ മക്കെ​ദോ​ന്യ സമഭൂ​മി​യിൽ ചെന്നു​ചേ​രു​ന്നു.

രാജപാത തെസ്സ​ലൊ​നീക്ക നഗരത്തെ സമീപി​ക്കു​മ്പോൾ അത്‌ നിരപ്പു​ള്ള​തും വിശാ​ല​വു​മായ ഒരു നാട്ടിൻപു​റ​ത്തു​കൂ​ടെ കടന്നു​പോ​കു​ന്നു. എന്നാൽ നഗരത്തി​ന്റെ കിഴക്കു ഭാഗം മലമ്പ്ര​ദേ​ശ​മാണ്‌. ഈ കുന്നു​കളെ ചുറ്റി​വ​ളഞ്ഞു പോകുന്ന വിയാ എഗ്നാറ്റി​യാ പ്രത്യേക ആകൃതി​യൊ​ന്നു​മി​ല്ലാ​ത്ത​തും ചതുപ്പു​നി​റഞ്ഞ തീരങ്ങ​ളു​ള്ള​തു​മായ തടാക​ങ്ങ​ളോ​ടു​കൂ​ടിയ ഒരു താഴ്‌വ​ര​യിൽ ചെന്നി​റ​ങ്ങു​ന്നു. പിന്നെ അത്‌ താഴ്‌വ​ര​ക​ളി​ലൂ​ടെ​യും ചതുപ്പു​നി​ല​ങ്ങ​ളി​ലൂ​ടെ​യും ചുറ്റി​വ​ളഞ്ഞ്‌ പുരാതന പട്ടണമായ നവപൊ​ലി​യിൽ ചെന്നെ​ത്തു​ന്നു.

അവി​ടെ​നിന്ന്‌ പാത ഇജിയൻ കടൽത്തീ​ര​ത്തി​ന്റെ കിഴക്കു​ഭാ​ഗ​ത്തു​കൂ​ടെ പോകു​ക​യും ത്രേസ്‌ പ്രദേ​ശ​ത്തേക്കു കുറുകെ കടക്കു​ക​യും ചെയ്യുന്നു. രാജപാ​ത​യു​ടെ അവസാന ഭാഗം വളവും​തി​രി​വു​മി​ല്ലാത്ത, നിരപ്പായ പാതയാ​യി ലക്ഷ്യസ്ഥാ​ന​മായ ബിസാൻഷി​യ​മിൽ എത്തി​ച്ചേ​രു​ന്നു.

അതിന്റെ ഉദ്ദേശ്യം നിവർത്തി​ക്കു​ന്നു

വിയാ എഗ്നാറ്റി​യാ റോമി​നും ഏഡ്രി​യാ​റ്റിക്‌ കടലിനു കിഴക്കുള്ള റോമി​നാൽ കീഴട​ക്ക​പ്പെട്ട പ്രദേ​ശ​ങ്ങൾക്കും ഇടയി​ലുള്ള ഏറ്റവും ദൂരം കുറഞ്ഞ​തും സൗകര്യ​പ്ര​ദ​വു​മായ പാതയാ​യി​ത്തീർന്നു. അത്‌ മക്കെ​ദോ​ന്യ പട്ടണങ്ങ​ളി​ലെ റോമൻ കോള​നി​ക​ളു​ടെ രൂപീ​ക​ര​ണ​ത്തി​നു സഹായി​ക്കു​ക​യും ആ പ്രദേ​ശ​ത്തി​ന്റെ സാമ്പത്തി​ക​വും ജനസം​ഖ്യാ​പ​ര​വും സാംസ്‌കാ​രി​ക​വു​മായ വികാ​സത്തെ ശക്തമായി സ്വാധീ​നി​ക്കു​ക​യും ചെയ്‌തു. ചെമ്പ്‌, ആസ്‌ഫാൾട്ട്‌, വെള്ളി, മത്സ്യം, എണ്ണ, വീഞ്ഞ്‌, പാൽക്കട്ടി എന്നിവ​യും മറ്റു സാധന​ങ്ങ​ളും രാജപാ​ത​യി​ലൂ​ടെ എളുപ്പ​ത്തിൽ കൊണ്ടു​പോ​കാൻ സാധിച്ചു.

അത്തരം വ്യാപാ​ര​ങ്ങ​ളു​ടെ ഫലമാ​യു​ണ്ടായ സമ്പദ്‌സ​മൃ​ദ്ധി ആ പാത​യോ​ര​ങ്ങ​ളി​ലുള്ള തെസ്സ​ലൊ​നീക്ക, അംഫി​പൊ​ലിസ്‌ തുടങ്ങിയ ചില പട്ടണങ്ങളെ ബാൾക്കൻസി​ലെ ഏറ്റവും വലിയ നഗര​കേ​ന്ദ്ര​ങ്ങ​ളിൽ ചിലവ​യാ​ക്കി മാറ്റി. തെസ്സ​ലൊ​നീക്ക പ്രത്യേ​കി​ച്ചും ധാരാളം കലാ-സാംസ്‌കാ​രിക പ്രവർത്ത​ന​ങ്ങ​ളുള്ള ഒരു പ്രധാന വാണിജ്യ കേന്ദ്ര​മാ​യി വികാ​സം​പ്രാ​പി​ച്ചു. ആ പാതയു​ടെ സംരക്ഷ​ണ​ച്ചെ​ല​വിൽ കുറെ​യൊ​ക്കെ അതിന്റെ ഓരങ്ങ​ളി​ലുള്ള ജനസമു​ദാ​യങ്ങൾ വഹിച്ചു​വെ​ന്നതു സത്യം​തന്നെ. എന്നാൽ, അതിനു പകരമാ​യി ആ ജനസമു​ദാ​യങ്ങൾ അന്തർദേ​ശീയ വ്യാപാ​ര​ത്തി​ന്റെ സമൃദ്ധ​മായ പ്രയോ​ജ​നങ്ങൾ ആസ്വദി​ച്ചു.

ക്രിസ്‌ത്യാ​നി​ത്വ​ത്തി​ന്റെ വ്യാപ​ന​ത്തിൽ അതു വഹിച്ച പങ്ക്‌

എങ്കിലും വിയാ എഗ്നാറ്റി​യാ ആ പ്രദേ​ശത്തെ ആളുകൾക്ക്‌ ഭൗതിക സമൃദ്ധി​യി​ലും വളരെ മികച്ച ഒരു പ്രയോ​ജനം കൈവ​രു​ത്തി. ഉദാഹ​ര​ണ​ത്തിന്‌, ബിസി​ന​സ്സിൽ നല്ല അഭിവൃ​ദ്ധി​യു​ണ്ടാ​യി​രുന്ന ലുദിയ എന്ന സ്‌ത്രീ​യു​ടെ കാര്യ​മെ​ടു​ക്കുക. അവൾ ഫിലി​പ്പി​യി​ലാ​ണു പാർത്തി​രു​ന്നത്‌. പൗലൊ​സി​ന്റെ സുവാർത്താ പ്രസംഗം കേട്ട യൂറോ​പ്പി​ലെ ആദ്യന​ഗ​ര​മാ​യി​രു​ന്നു ഫിലിപ്പി. പൊ.യു. 50-ൽ നവപൊ​ലി​യിൽ കപ്പലി​റ​ങ്ങി​യ​ശേഷം അപ്പോ​സ്‌ത​ല​നായ പൗലൊ​സും സഹകാ​രി​ക​ളും വിയാ എഗ്നാറ്റി​യാ​യി​ലൂ​ടെ 16 കിലോ​മീ​റ്റർ വടക്കു​പ​ടി​ഞ്ഞാ​റാ​യി യാത്ര​ചെ​യ്‌ത്‌ ഫിലി​പ്പി​യിൽ എത്തി​ച്ചേർന്നു.

“ശബ്ബത്തു​നാ​ളിൽ ഞങ്ങൾ ഗോപു​ര​ത്തി​ന്നു പുറ​ത്തേക്കു പോയി അവിടെ പ്രാർത്ഥ​നാ​സ്ഥലം ഉണ്ടായി​രി​ക്കും എന്നു ഞങ്ങൾ വിചാ​രി​ച്ചു പുഴവ​ക്കത്തു ഇരുന്നു; അവിടെ കൂടിവന്ന സ്‌ത്രീ​ക​ളോ​ടു സംസാ​രി​ച്ചു” എന്ന്‌ ലൂക്കൊസ്‌ എഴുതി. പൗലൊ​സി​നെ ശ്രദ്ധിച്ച സ്‌ത്രീ​ക​ളിൽ ലുദി​യ​യും ഉണ്ടായി​രു​ന്നു. ആ ദിവസം തന്നെ അവളും വീട്ടു​കാ​രും വിശ്വാ​സി​ക​ളാ​യി​ത്തീർന്നു.—പ്രവൃ​ത്തി​കൾ 16:13, 14.

ഫിലി​പ്പി​യിൽനി​ന്നു പൗലൊ​സും സഹകാ​രി​ക​ളും വിയാ എഗ്നാറ്റി​യാ​യി​ലൂ​ടെ അംഫി​പൊ​ലി​സും അപ്പൊ​ലോ​ന്യ​യും കടന്ന്‌ തെസ്സ​ലൊ​നീ​ക്ക​യിൽ എത്തി. അവർ മൊത്തം ഏതാണ്ട്‌ 120 കിലോ​മീ​റ്റർ യാത്ര​ചെ​യ്‌തു. (പ്രവൃ​ത്തി​കൾ 17:1) തെസ്സ​ലൊ​നീ​ക്ക​യിൽ സുവാർത്ത പ്രസം​ഗി​ക്കു​ന്ന​തിന്‌ പ്രാ​ദേ​ശിക സിന​ഗോ​ഗി​ലെ യഹൂദ​രു​ടെ ശബ്ബത്ത്‌ദിന കൂടി​വ​ര​വു​കളെ പൗലൊസ്‌ ഉപയോ​ഗ​പ്പെ​ടു​ത്തി. അങ്ങനെ യഹൂദ​രിൽ ചിലരും ഗ്രീക്കു​കാ​രു​ടെ വലി​യൊ​രു കൂട്ടവും വിശ്വാ​സി​ക​ളാ​യി​ത്തീർന്നു.—പ്രവൃ​ത്തി​കൾ 17:2-4.

അതു​പോ​ലെ​ത​ന്നെ ഇന്ന്‌, അൽബേ​നി​യ​യി​ലെ​യും ഗ്രീസി​ലെ​യും യഹോ​വ​യു​ടെ സാക്ഷികൾ ആ പ്രദേ​ശ​ങ്ങ​ളി​ലുള്ള ആളുക​ളു​ടെ അടുക്ക​ലെ​ത്തു​ന്ന​തിന്‌ അതേ രാജപാ​ത​യു​ടെ​തന്നെ ഭാഗങ്ങൾ ഉപയോ​ഗ​പ്പെ​ടു​ത്തു​ന്നു. അപ്പോ​സ്‌ത​ല​നായ പൗലൊ​സും അവന്റെ മിഷനറി സഹകാ​രി​ക​ളും ചെയ്‌ത​തു​പോ​ലെ​തന്നെ ദൈവ​രാ​ജ്യ​ത്തി​ന്റെ സുവാർത്ത വ്യാപി​പ്പി​ക്കു​ക​യെ​ന്ന​താണ്‌ അവരുടെ ലക്ഷ്യം. (മത്തായി 28:19, 20; പ്രവൃ​ത്തി​കൾ 1:8) തീർച്ച​യാ​യും ഒന്നാം നൂറ്റാ​ണ്ടു​മു​തൽ ഈ 20-ാം നൂറ്റാ​ണ്ടു​വരെ ആത്മീയ വികസ​ന​ത്തി​നു സഹായി​ച്ചി​രി​ക്കുന്ന ഒരു റോമൻ രാജപാ​ത​യാണ്‌ വിയാ എഗ്നാറ്റി​യാ!

[16,17 പേജു​ക​ളി​ലെ ഭൂപടം]

(പൂർണ​രൂ​പ​ത്തിൽ കാണു​ന്ന​തി​നു പ്രസി​ദ്ധീ​ക​രണം നോക്കുക.)

ബ്രിട്ടൻ

യൂറോപ്പ്‌

ആഫ്രിക്ക

ബാൾക്കൻ ഉപദ്വീപ്‌

മക്കെദോന്യ

ഇല്ലൂര്യയിലെ ഡിറാ​കി​യും(അൽബേ​നി​യ​യി​ലെ ഡുറെസ്‌)

തെസ്സലൊനീക്ക

അപ്പൊലോന്യ

അംഫിപൊലിസ്‌

ഫിലിപ്പി

ഗ്രീസ്‌

ത്രേസ്‌

നവപൊലി(കവാല)

ഇജിയൻ കടൽ

ത്രോവാസ്‌

കരിങ്കടൽ

ബിസാൻഷിയം(ഇസ്റ്റംബൂൾ)

മാർമറ കടൽ

ടർക്കി

[16-ാം പേജിലെ ചിത്ര​ത്തിന്‌ കടപ്പാട്‌]

Mountain High Maps® Copyright © 1995 Digital Wisdom, Inc.

[16-ാം പേജിലെ ചിത്രം]

നവപൊലിയിലേക്കുള്ള പാത

[17-ാം പേജിലെ ചിത്രം]

ഫിലിപ്പിയിലേക്കുള്ള പാത